اعدام ليوونه

هيا دوري انا
طيب هلا بيك1-
مين عرفك على المنتدى
لولي الصغيره2-
مين تحسي انو هوا قريب منك وتعرفيه في المنتدى
لولي الصغيره و لوجي الحبيبه3-
كم واحد تعرفي في المنتدى
اكتر 2 اعررفهم لولي و لوجي و طبعا كللهم حبايبي و اصحابي4-
تحبي تقعدي في البيت في الاجازة ولا تحبي تخرجي
لا طبعا اخررج
ان شاء الله ما تقلت عليكي
لا بالعكس حللووه اسئلتك مررره_________________

هههههههههههههه
الله يعييييينك ياليووووووونه

تيب يلا اسئل انا كمان
يعني بس لولي الي تسئل
خخخخخخخخخخخ

تيب لو كنتي لوجي (الي هيا انا ) خخخخخخخخخخخخخ
ايش حتغيريى فالمنتدى وايش حتسميه؟
ايش نظرتك فالرجال الي يضربو حريمهم؟
انتي داخله مجال الطب غصبن عنك ولا احد اجبرك؟
تيب لو جا يوم الرئيس حقك وزعقلك قدام الممرضات ايش حتسوي؟
ايش في بعض الاشياء الي مهي عاجبتك فنفسك زي لونك - جسمك زي كدا يعني؟
تحبي المكياج ولا البساطه؟
لو جاكي عريس وكان مررره بخييل واهلك شايفين مافيه عيب تاخدي ولا ؟
لو يوم احد كسرلك شي مهم فحياتك ايش حتكون رد فعلك؟؟
تحبي البرد ولا الحر؟
ايش وجبتك المفضله؟
اوصفي ليووووونه بكلمتين؟
حقلك كم عضو قولي ايش حسيتي اول ماعرفتيهم
لولي الصغيره
غابه الاحزان
بشبوشي
فرهود
حمتوو
تيب لو جاكي عريس عجووووووز يعني رجلو والقبر
واهلك يقولو ياليوونه مالك الا الرجال دا
ايش تكون رده فعلك؟؟
تيب قد سويتي شي غلط وندمتي عليه ؟
ايش رايك فالبنات المتكبرات؟ وتحسي انك متكبره ولا ؟
تحسي انو المكياج ممكن يخفي اي شي فالحياه
ولا بس العيوب الي فالشكل؟؟
ايش رايك فسواقه السياره للبنات وهل لها اضرار فنظرك ولا لها فوايد؟
<<<<<<<<<تلاقيكي طفشتي وتقولي يارب تخلص الادميه دي
بس لاتخافي مني مخلصه
هههههههههههههههههههه
حدث مهم فحياتك ؟
مفاجئه احد سوالك هيا ومره انبسطتي بيها؟ وايش هيا ومن مين ؟
اكتر شي تحبيه من ممتلكاتك الشخصيه غير الاشياء الالكترونيه ؟؟
كيف تتصوري حياتك من غير نت ؟
ايش النعمه الي تحسي الله انعم عليكي بيها؟
تيب تيب
خلاص حألملم عبشي واروح
بس حرجع تاني
انا حاسه انك تبي تقتلينا
ههههههههههههههه
يلا سي يااااااااا

والله انا فااايقة وصاحية من بدري وطفشانة وجيعانة وكل شي
وناوية امخمخ عليكي يا ليون
ههههههههه مالت عليكي الله يعيني مننكلوووووول
استعدي
لو سمحتي جاوبي عدل يعني زي ما هوا مطلوب جاوبي ولا تصرفي كور على قول غابة لووووووووووووووول
واكتبي اسامي اشخاص معينين
هههههههههه طيب ان شاء الله احاول يلا بسم الله نبدأ

لو كسبتي مليون ريال ايش اول شي حتسويه ؟؟
حاتصدق منها و ا شتري هدايا لكل اللي احبهم بالزات بابا و مارنا و ادور على ارض و اكتببو باسمي.هههه دا كللو بمليون مدري كيف؟؟
ايش تتمني يكون اسم شريك حياتك ؟
سؤال مرره غبي بصراحه عادي اي شي بس ما يكون من الاسامي الهبله زي اسد و الاسامي المعفنه دي بس مافي اسم معين في بالي.
قد صاحبتك قالتلك على سر وحسيتي بالذنب انك داستو ؟؟
لا طبعا اجل اروح افضحها مثلا ازا شي غلط انصحها انا و خلاص.
مطعمك المفضل؟
ابل بيز و اونو
لو كنتي انتي لوجي ماهو اول قرار حتسويه للمنتدى ؟؟
ما شاء المنتدى كامل مكمل ما ينقصو شي و الحمد لله جا قسم المسلسلات اللي مطنشينو مدري ليش.
احكمي العالم في دقائق اول قرار يصدر بحق المرأه من قبلك
الاسلام كررم المرأه و رفع من مكانتها فما اظن في حكم احسن من حكم الله. لو العالم بيدي كان منعت قانون منع الحجاب للمرآه في الدول الغربيه.و خلليت المرآه تمارس حقوقها من علم و عمل في اي مكان في العالم و زيها زي غيرها.
ما رايك في الرجال ؟؟
اظن من الظلم للرجال اني اقول رايي عنهم بصفة عامه. بس برايي مافي رجل كامل و كل رجال في شي يعيبو ان كان من عصبيه او ان متعصب للعادات و التقاليد. مافي رجال متساهل و يرضى لمررتو اي شي تباه كل رجال لو حسنات و عيوب. و الحرمه تقدر تتعامل مع العيوب بعقلها و حكمتها. ف برايي الرجال انسان طبيعي و ربي فضلهم عن النساء بدرجه لحكمته الالهيه ما يخصنا نفسر دا الشي دحين.
مين اول شخص تفكري تكللمي لمن تتضايقي و مو من اهللك؟؟
انتي يا بقره خخخخخ
حكينا موقف محرج حصللك و بالتفصيييييييييييييييييييييييييييييييييييييييل؟؟
حكيتو فوووق مولازم اعيد حكاية المتوسط.
ازا كان بيدك انك تقتلي احد في حياتك و انسي ان القتل حرام مين و ليش؟؟
ههههههههههههههههههه انا اخترعت السؤال دا يا ندله. الحمد لله ما عندي اعداء بس ان كان بيدي حاقتل كل انسان بيحسدنا على عيشتنا و يتمنى ما نعيش مبسوطين لان مافي شي مخررب حياة الناس غير الحسد و العياذ بالله الله يبعدنا عننو و ما حطيت اسم لانمستحييل تعررفي مين اللي بيحسدك.
ايش اكتر صفة تكرهيها في نفسك؟؟
العصبيه االي زايده عن اللزوم لاني مرره اكتئب من بعدها.
ازا كان بيدك تغيري شي في حياتك ايش هي ؟؟
يمكن اغير انانية اختي و الحقاره اللي ماشيه في دمها عشان تقدر تعيش في سلام. و عقل اخويه عشان يقدر يفكر بمستقبللو و يعيش زي البني ادميين.
ايش مواصفات شريك الحياه الي تتمنيها ؟؟؟
زي اي بنت ان يكون يحبني طبعا و يخاف الله فيا و بالنسبه للشكل ما يهمني اهم شي يكون مقبول طبعا و يحترم ارائي و مشاعري.
مثلك فالحيااااااااه؟
اعطي قد ما بتاخد و اللي فات مات
ايش هي الهديه الماديه اللي تتمني احد يهديكي هي؟؟
نضاره شمسيه و جوال ههه.جيبيلي طيب خخخخخخخخخ
موقف اثر فيكي مره؟؟
زواج خالتي من زوجها بعد 5 سنين حب و كيف انها حاربت اهلها كللهم عشان تاخدو. وان شاء الله يكونو مبسوطين و الله يهنيهم يا رب.
لوحبيتي حتخلي حبيبك سر او تقولي للناس انك تحبيه؟؟
لا طبعا حاقلل لناس اني احبه لاني ان شاء الله ما حكون حبيت بالطريقه الغلط و ان كان حبيتو من قبل ما يخطبني حاقلل لامي طبعا و صحبتي الاء و اللي اعزهم.
لو اكتشفتي انو اخوكي يعرف بنات ايش تسويلو ؟؟
عادي حاضحك و اسالو عنهم لان في دا الزمن مافي ولد ما يعرف بنات و كللها فتره و تعدي ان شاء الله بس اقللو ان لازم يكون في حدود و ان بنات الناس مو لعبه و هو عندو اخوات لازم يخاف عليهم.
حتقولي لابوكي ولا بينك وبينو؟
لا طبعا بيني و بينو مافي داعي يعررف بابا لان ما حيفهمو
عمرك عرفتي رجل و حسيتي اننو يستحق الاحترام طبعا غير اهلك و مين هو؟؟؟
ايوه. وحده صحبتي حبت ولد خالها و بصراحه الولد لممن تتحكيني عننو باين عليه في قمة الاحترام و الاخلاق ما شاء الله الله يحفظو و اتمنى ان ربي يرزق كل بنت بواحد زي اخلاقو لان فعلا من الرجال النادرين في دا الزمن ما شاء الله و اسمو علاء ازا تبي تعررفي يعني.
لمين تهدي دي الالقاب((بسمة دنيتي-تاج راسي-الحضن الحنون-ضحكة عمري-مفتاح قلبي))
بسمة دنيتي = ساره بنت خالتي
تاج راسي= بابا الله يطوللي في عمره
الحضن الحنون= ماما رنا
ضحكة عمري=يوسف اخويه الله يحميه[/color[color=indigo]]مفتاح قلبي=الاء لانها ما تسيبني الين لممن تعررف ايش فيا
ازا كان نفسك تغيري طبع احد تعرفي مين هو و ايش الطبع؟؟ ممكن اكتر من شخص...
امممممم طيب
ماما رنا = الوسواس اللي زايد عن اللزوم
بابا= ان يحب يجلس في عالم لوحدو و ما يطيق الازعاج
نادر= البلاهه اللي فيه
رانيه= النداله
غنى= العناد
يوسف = العصبيه
خالتي مروه= الغيره الزايده
زوج خالتي= العصبيه
الاء= العناد اللي مالو داعي
لوجي= العصبيه
لو الدنيا رجعت لورااااااا ايش تتمنى انك تسوي شي ماسويتيه؟
اممممممممم رسمت خطوط حمرا في علاقتي مع رزان.
ازا صدر قرار بنفيك الى جزيره في نص البحر و مسموح لك اننك تاخدي بس شخصين مين تاخدي؟؟
حاخد ماما رنا و بابا.
اكتر سبه تقوليها ؟؟
وجع هههه
تفضلي الشعر الطويا ولا القصير؟؟
لا القصير
ايش هو حيوانك المفضل؟؟
البسس
ايش نفسك تسوي دحين و في دي اللحظه؟؟
اروح اتمشى عالبحررررر
لو عندك فلوس وتبي تشتري شي لنفسك شي مررره نفسك تجيبيه وبعد ين اكتشفتي انو عيد ميلاد احد عزيز علييكي اليوم
تشتري لنفسك او له طبعا مافي غير دي الفلوس؟؟
لا حاشتري للي عزيز عليا لان الفلوس تروح و تجي بس العيد ميلاد حيجي مرره في السنه.
اغنيتك المفضله
breathless-حبك وجع
ايش رايك فحب الاقارب؟؟لو كنتي رافضه قولي السبب او موافقه برضو قولي السبب؟؟
لا موافقه بس على شرط يكونو ال2 على قد المسؤوليه و متحمللين نتيجة تصرفهم.
ايش تتمني هديه فعيد ميلادك؟ ومن مين؟؟
جوال من اهلي طبعا
دعوه تتمني تسمعيها كل يوم؟؟ا
الله يرضى عليكي و يوفقك في طريقك و يرزقك بابن الحلال اللي تستاهليه يا ربقولي امين ههه

كلمه تبي تسمعيها كل يوم ؟ ومن مين؟؟
مافي احلى من كلمة احبك من كل اللي احبهم اهلي و صحباتي
ايش نفسك تتعلمي ؟؟
امممممم كيف اسوي اساور.
ايش الصفة اللي تعجبك في الرجال ؟؟
الشهامة و الكرم و الطيبه و الاخلاق
مين اكتر شخصيه تعجبك و تعتبريها قدوه ليكي؟؟ غير ما رنا ؟؟
خالتي غنوه الله يوفقها و يرزقها بابن الحلال يا رب
ايش المكان الي نفسك تروحيلو ومع مين؟
اروح في جزيره مع اللي حاتزوجو ان شاء الله
تفضلي تعيشي في الخضرة و الجبال ولا جنب البحر؟؟؟
لا طبعا جنب البحر
لو جاكي يوم وعرفتي انو احد عزيز عليكي يسوي شي غلط ومقتنع فيه وقد ماحاولوا الناس يبعدوه عنو مو راضي كيف حتكون ردة فعلك؟
حافهمو ايش نتيجة غلطو و لو ان نحن ما نحبو كان ما نصحنا اصلا بس لاننا نحببو و نخاف عليه نبا يبعد عن الغلط و هو لو بعد عننو حيرتاح و ربي حيرضى عننو.
ايش هي الذكرى السعيده اللي تتذكريها من ايام طفولتك وايش الذكرى الحزينة ؟؟؟
الذكرى السعيده كيف كننا كلنا نتجمع كل يوم في بيت عمي و نلعب مع بعض كللنا الصغار و كيف مرة عمي كانت تللعبنا...الذكرى الحزينه اممممم مافي شي في بالي الحمد لله كل الحزن جا بعد الطفوله هههههه.
ايش يكون موقفك لو احد لعب بجوالك وانتي عندك شي داستو فيه وماتبي احد يشوفه؟
عادي ما ابين ان في شي و احاول اسوي نفسي محتاجه الجوال و اخدو مننو و امسح الشي و اتصل باي احد و اقول كلام هباله كان ضروري و ارجعللو الجوال.
لو جاكي عريس وانتي ما عجبك بس بابتك يقلك الا تاخديه ايش حتسوي ؟؟هل تتمني انو زوجك يكون زي ابوكي او اخوكي ؟؟ وليش ؟؟
اكيد ازا بابا قال الا تاخدي يعني هو عارف دا الانسان كويس و ما يعيبو شي و ما حيكون طلع بدا القرار الا بعد ما سأل و عررف و ازا كان عندي شي مو عاجبني اقللو ايش مشكلتي و نتناقش فيها. و اصلا دا زواج فمستحببل يرمي بنتو لاي احد.زي بابا ايوه لان حنون مرره بس اخويه لا لان لسه مراهق و عقللو ما في راسو.
مين اكتر شخص تتنرفزي منو ؟؟
اختي الصغيره غنى لممن تدللع استغفر الله. و اخويه نادر لممن يتحداني او يعاندني
هل تحس بالفشل لو احد قلك يافاشل او حطمك ؟؟؟
لا مع نفسسو دا راييو و انا ما يهمني راييو
ايش شعورك لو اقرب صديق لك خااااااااااااانك؟؟؟ وهل تبقى على صداقتك معااااااه ولا تسيبو؟
حازعل اكيد و اتضايق ما حاسيبو لان مهما كان في بيننا كان شي بس علاقتي حتتغيير معاه و حادي فرصه كمان و ازا عاد حركتو حاسيبو لاني انسانه بكرامه
لمين تدي الالقاب دي :

صديقتي :الاء
امي :ماما رنا
ضحكة حياتي :يوسف
بسمة دنيتي :ساره
الامل :بابا
شمعة حياتي :ماما رنا
سبب تعاستي :مافي احد الحمد لله
حاديكي كلمات وقوليلي تعبر عن مين : اشخاص طبعا ؟ يعني الو شخص يجي فبالك لمن تنقال الكلمة دي ؟
الحب =زوجي المستقبلي ان شاء الله
الكره= خالة امي لانها ما تحب احد الله يهديها
الصداقة =الاء
الخيانة= ولا احد
العطاء=ماما رنا
الثقة =خالتي غنوه
الامان=بابا
الحزن=خالتي امينه
الفرح =مرة عمي فرح
المرح =بنت خالتي
الحنان =ستي
وردة حمراء لمين تهديها ؟؟
لماما رنا
وردة صفراء لمين ؟؟
لالاء لانها تدل على الصداقة
وردة بيضا لمين ؟؟
بابا رمز الحنان
وردة برتقالية لمين ؟؟
اختي غنى لانها تحب دا اللونغ
صن شوك تهديه لمين ؟؟
ههههههههههههههههههه للسواق خخخخخخخخخخخخ
مين اكتر شخص وقف معاكي في حياتك وكان لو تاثير فيها..؟؟
ماما رنا طبعا لانها عوضتني عن اشياء كتيير و دخلت حياتي في مرحلة كنت محتاجه شخص يكون معايا.هل في موقف مر عليكي وحسيت انو كرهتي نفسك فيه!!؟؟
لا.
دمعة نزلت من شخص واثرت فيكي ولا زالت تؤثر .. من هو الشخص وايش الموقف ؟؟
من بابا لممن مرره انا و هو اتضاربنا و زعل مني لمن جيت اتاسفت مننو حضنني و صارت عينو تدمع.هل ممكن في يوم تضحي بكرامتك عشان انسان غالي علييك مرررة ؟؟؟
لا طبعا كل شي الا الكرامه و ازا انا كنت انا غاليه عليه كمان ما حيخلليني اضحي بيها.
ايش عطرك المفضل ؟؟
امور امور
اعتقد انو كفاية دحين الين هنا
من جد صح كفايه

بس ليا عودة ان شاء الله يا قمر

بليييييييييييييييييييييييييييييييز جاوبي اجابات محددة واسامي معينة

حاولت قدر المستطاع