أوراق الماضي للكاتبه المبدعه ايميليا أمل

السلام عليكم
رائعة اخرى من روائع الكاتبه ايميليا امل





الجـــــــــــــ الأول ــــــــــــــزء


صوت صراخ طفله مالي البيت وشايله البيت شيل..الأم ضامه بنتها لصدرها وتحاول تلقمها صدرها لأجل تسكت ودموع إلام على خدها أربع أربع وبنتها الي عمرها خمس سنوات تصيح على صياح أمها وتمسح دموع أمها


فجئه انفتح الباب بقوه وطلع صوت ارتطام الباب بالجدار الكل سكت وناظر إلي اصدر هـ الضجة وردت الطفلة الصغيرة إلي عمرها سنه للبكاء مره ثانيه والأم ارتجف قلبها ودها لو تموت هي وبناتها الحين وترتاح هي وبناتها من هـ العذاب الي هي فيه


منصور وهو بحاله مب طبيعيه: سكتي بنتك ولا تراني انا بسكتها


مها حطت صدرها بالقوه في فم بنتها بس بنتها معنده ماتبي وما زالت مستمره في الصياح والام تخش وجه بنتها في صدرها لاجل تكتم صيحات بنتها بس الطفله ما تعرف انها بصياحها ممكن تعمل كارثه لنفسها وهي اصلا تصيح لانها تعبانه ومرضانه صابتها هي واختها الحصبه الالمانيه وهـ الشي متعبهم هذا غير الحر والقرف وحياتهم الصعبه الي عايشينها


ارتاحت الام لما شافت زوجها خرج بس عيونها تراقبه وشافته دخل المطبخ وخرج بسرعه وهو حامل سكينه بسرعه حطت يدها على فم بنتها لاجل تكتم صوتها والبنت تحرك وجهها وزاد صياحها ودخل منصور وسحب البنت ومها تسحب في بنتها وهو يسحب بالاخير رفز مها على بطنها الي كانت حامل وتالمت بس مع ذالك متمسكه بيد منصور لاجل تمنعه يذبح بنتها وهي تصيح وتترجاه واخر شي قدر عليها ورماها بعيد عنه وطاحت مغمى عليها


وثواني اختفى صياح الطفله وعم الهدوء


البنت الي عمرها خمس سنوات انخشت داخل الدولاب بعد هـ المنظر خافت لا ابوها بعد يفصل راسها عن جسمها وظلت ترتعش من الخوف وتعض على يدها بقوه من الخوف لاجل تكتم صياحها


المشهد لها ما انتها لهنا شافت ابوها يحط اختها في كيس وغطاء محل الدم وخرج .. جات تخرج تروح لامها تحتمي فيها.. بس سمعت صوت ابوها وهو يقلط واحد من ربعه وبسرعه ردت مكانها تراقب من بعيد شافت ابوها دخل هو وصاحبه


منصور: هااا شرايك فيها تستاهل ولا لا


الرجال: اوبيييي من وين جايب هـ القمر ولا انت قرد


منصور: هههههه حلال عليك بروح اخذ ابره تعبني هـ الغرء الي اشفطه


الرجال: يارجال خذه كله حلال عليك


خرج منصور وتقرب الرجال من مها ووووووو الصغيره تراقب من فتحه من الدولاب شنو يصير لامها وتقطع قلبها على أمها يوم سمعت صراخ امها واعتراضها بعد ما فاقت

.................................................. .................................................. ................


انطفت الانوار ودارت عجلة السنين وحنا الحين في عام 1425


بعد عشرين سنه من الاحداث


في المول


زامل: السلام عليكم


كل العاملين: وعليكم السلام


توجه زامل سيييده للحسابات لاجل ياخذ الغلاه ويروح


في هـ الاثناء دخلت عذاري محل المجوهرات واتجهت سيييده لمحل الحلق وهي متعوده تاخذ مجوهراتها من هنا


عذاري خرجت الفاتوره وسلمتها لواحد من البائعين


البائع العم حاتم وبلهجه حضريه وهو رجل كبير في السن عمره تقريبا خمسين سنه: ياواد يا محمد فين الحلق تبع الانسه عذاري


محمد: جاهز


واتجه وخرج الحلق وقدمه لـ عذاري


ووراها محل الكسر وشلون غيروه لها


عذاري دفعة الحساب واخذت غرضها وجات تخرج انتبهت لاسوره جذبتها وعجبتها.. اتجهت لها


عذاري: ممكن اشوف هذه


العم حاتم وباسلوب يجذب الزباين مثل العاده: ممكن ليش لا المحل محلك


وخرج الاسواره


عذاري: كم سعرها


العم حاتم: مانختلف على السعر اهم شي عجبتك ولا لا


عذاري: زوينه


العم حاتم هو الي عذاري دوم تتعامل وياه وهو يعرف ذوقها صعب ودوم لاجل تاخذ شي يقلبون لها المحل قلب كل شي يراوها اياه


العم حاتم: شوفي يابنتي هذه القطعه جديده ومافي مثلها في السوق كله هذه مخصص بس لمحلات شيخ الذهب


عذاري: بس ما كانها من هنا عريضه انا احب الاشياء الخفيفه


العم حاتم مد يده وعذاري حطت الاسواره على القزاز وهو اخذها


العم حاتم: لا والله مو عريضه وبعدين اذا كانت اسخف من كذا بتكون سريعة الانعوجاج


زامل الي كان متابع للاحداث من البدايه تكلم اخيرا باستهزاء: انت جربيها على يدك اذا شفتيها اوكي تناسب يدك اشتريها واذا ما طلعت حلوه على يدك خليها اكيد في وحده راح تليق لها هـ الاسواره عاد ها النوعيه لها ناسها


عذاري عصبت من اسلوب زامل وهي اول مره تشوفه وتتحسب انه بائع


تكلمت عذاري بصوت مبين عليها عدم الرضى من هـ التدخل: انت مايخصك فيني لما اكلمك كلمني ...وتكلمة بصوت منخفض... وجع قلة ادب
محد تدخل لانهم يعرفوا زامل عصبي وما يحب الوحده تتميع عند البائع وهو لاجل كذا ما ياخذ الغلاه غير في صباح كل يوم سبت لانه يعرف ما راح يكون في زبوناات


زامل الي سمعها: لاحول ولاقوة الا بالله اصطبحت بوجه منو اليوم


عذاري: اعوذ بالله من الشيطان الرجيم


وردت ناظرت العم حاتم


عذاري: عم حاتم كم سعرها


العم حاتم الي يعرف اخلاق عذاري ويعرف انها مؤدبه وانها ماتتعامل غير وياها وهي من صغرها تجي مع امها وتتشرى من عنده ولاجل كذا هي ماخذه عليه وهو يعاملها كانها بنته


العم حاتم: خمسه وعشرين الف ريال


عذاري فتحت شنطتها تدور على دفتر الشيكات وما حصلته بجد عصبت: اوه نسيت دفتر الشيكات


العم حاتم: عندك بطاقة الصراف


عذاري: معايا بس عقب ما اظهر من عندك بروح اصرف وما راح يصرف لي


العم حاتم: كم تبين تصرفي


عذاري: الف


العم حاتم: محلوله بحط 26 ألف وبعطيك ألف من هنا


عذاري: اوكي صار


خذت عذاري اغراضها وظهرت من المحل ومن المول بكبره وقفت عند سيارتها وماحصلت السواق


عذاري: هذا وين راح حسبي الله عليه هذا وأنا قلتله ما بتأخر


الرجال: أي مساعده


عذاري التفتت للرجال: شكرا


الرجال: عادي اذا تبين اوصلك بدل وقفت الحر هذه ما عندي مشكله


عذاري: شكرا سواقي الحين يجي


الرجال: والله شكله شرد من مشاوركن ماترحمن حد انتن ولا بالله عليك حد يتسوق في هـ الوقت


عذاري طنشته وبدت صدق تخاف لانه الرجال فتح باب سيارته الخلفي وجالس يصلح فيها وسكها ورد للثاني الي من جهتها.. فهمت انه جالس يعدل الآمن تبع الباب وانه ممكن الحين يخطفها وما تقدر تفتح الباب وتخرج.. ابتعدت بسرعه بس هو كان اسرع منها ومسك يدها ...المكان فاضي وحراس الأمن بالداخل والساعة عشره طبيعي يكون الجو هادي


وسمعت حس واحد ثاني وبدت هواشه ثانيه وترك الرجال يدها وابتعدت شوي وشافت الرجال يضارب مع واحد ثاني


حمدت ربها انه في احد مر وساعدها


شرد الرجال الي كان بيخطفها وتقرب منها الرجال الي ساعدها


: حسبي الله عليك انت ماتستحين على وجهك ليتني تركتك تواجهين مصيرك وما غرسة يدك اقعدي غازلي وواعدي وبالأخير تقولن انه الرجال هم الذياب والله انتن الي الفتن وانتن راس البلاء يالله بسرعة ركبي سيارتك وانقلعي


سكتت عذاري مصدومة من الي تسمعه هذا رأيه فيها هي بريئه مالها ذنب هو الي تعرض لها


الرجال الي ساعدها: بسرعة ردي بيتك


تكلمت عذاري بخوف: ما اعرف وين راح السواق


الرجال: تعالي ركبي وياي انا بوصلك بيتك


عذاري: لا شكرا بنتظر سواقي


الرجال: ترى ان ما ركبتي وياي بدق على الهيئه تجي تاخذك


فكرت عذاري وشافت انها ترد مع الرجال لانه اذا سلمها للهيئه بتروح سمعتها فيها وهي بريئه بس فكرت شلون تثق فيه... كردت فعل لها شردت منه وهو مسكها وشاف انها ركضت باتجاه سيارته وفتح السياره بالرموت ودخلها سيارته وهو يصارخ: انت ما تربيك الا الهيئه والله بتكونين عظه لغيرك


عذاري: حرام عليك والله مالي ذنب هو الي تحرش فيني


الرجال: ترى ان ما سكتي بيجيك كف يربيك


... سكتت عذاري وهو ركب سيارته وحركها..


عذاري ودموعها بدت تنزل وقلبها يرتجف اكثر: انزين وصلني البيت الله يخليك والله مالي ذنب حرام عليك والله مالي ذنب


الرجال: انزين بوصلك بيتك وبقابل ابوك


عذاري وهي مرتاحه نسبيا: اوكي ما عندي مانع


وصلها للعمارة إلي ساكنه فيها


ونزلت وهو نزل وراها


عذاري: أنزين أنا بطلع وبخلي أبوي ينزلك


الرجال: لا والله شايفتني غبي ولا شايفتني غبي بطلع وياك أصلا أنا من شفتك في المحل ما ارتحت لك


...انتبهت عذاري ولفت تناظر وجهه.. هو نفسه الي شدة وياه في محل المجوهرات..


زامل: يالله بسرعه وراي شغل


تقدمت عذاري بصمت وهو تبعها.. دخلت العمارة وحمدت ربها انه محد موجود حتى البواب


ركبت المصعد وهو ركب وياها وضغطت على الدور السابع نزلت من المصعد وهو نزل وياها.. احتارت عند الباب بأنها تفتحت الباب بالمفتاح ولا تضغط على الجرس


بس هو سبقها ودق الجرس


ودقايق وسمعت الشغاله تقول : مين


عذاري: أنا عذاري


فتحت الشغالة الباب و عذاري بسرعة دخلت وسكرت الباب على زامل


و زامل ظل يدق على الجرس ويدق


الشغاله: مين هدا


عذاري: هذا واحد مجنون


بس زامل ظل يدق على الباب بقوه ويدق على الجرس


في هـ الاثناء صحت موضي الي كانت نايمه على الكنبه واتجهت بسرعه لـ عذاري وضمتها عذاري لصدرها وموضي ترتعش من الخوف وتصارخ وتقول كلام مو مفهوم... موضي كانت ضامه عذاري بقوه الشي الي خلا عذاري تختنق لانه جسم عذاري صغير ونحيل بينما جسم موضي حلو وملفلف...ودقايق معدودة و موضي تطيح على الارض وتجيها حالت الصرع


صرخت عذاري ونزلت لـ موضي


عذاري: ايتي بسرعه هاتي الدواء


موضي عيونها قلبت لفوق الجفافين بدت تخرج من فمها ورقبتها التوت


عذاري فتحت الباب وصرخت على زامل: حسبي الله عليك شوف شو عملت في موضي


خاف زامل وعذاري فتحت الباب بكبره وشاف موضي وهي على حالة الصرع


زامل ظل يراقب بصمت


عذاري حاولت تعطي أختها الدواء بس مافيه فائدة


عذاري: ايتي دقي على الحارس بسرعة لأجل نروح المستشفى


زامل: انا بوديكم


ناظرته عذاري بقهر: انت السبب


تقدم زامل من موضي وشالها بالقوه لانه صعب المصروع ينشال


عذاري رمت على اختها الشرشف الي كانت متغطيه فيه وهي نايمه وتقربت من زامل وغطت موضي وحطت يدها جمب يد زامل تعاونه وهو ما عارض لأنه بالفعل موضي مصعبه عليه الموضوع وهي ترتعش بين يدينه


عذاري: ايتي هاتي شنطتي وسكري الباب وتعالي ويانا


في المستشفى بعد ما عطو موضي ابر وتطمنوا عليها


زامل: بيخرجونها بعد يومين لأنه أعصابها جدا تعبانه


عذاري: انت السبب


زامل: ليش أنا السبب أنت السبب انت الي دايره على حل شعرك


عذاري بياس وبحزن: حرام عليك والله العظيم اني بريئه ومالي ذنب


حزن زامل على عذاري: انزين انا اسف


ماردت عليه عذاري ظلت ساكته تبكي بصمت


زامل: الا ليش ما تخبرين حد من اهلك انتوا وين لاجل يطمنوا عليكم


عذاري: ما عندي اهل انا وموضي بروحنا في هـ الدنيا


زامل: منو يصرف عليكن منو يداريكن


عذاري: العماره الي شفتها حقتنا


زامل: انا اسف عذاري والله اسف


عذاري: الا صدق انت شو اسمك


زامل: انا زامل بن غازي الـــ


سكتت عذاري والتفتت تناظر زامل هي كانت متنقبه ومغطيه عيونها بطبقه خفيفه


ظلت تناظر زامل وهي تفكر بتفكير عميق لدرجة انها ما حست باحراج زامل من نظراتها


زامل: خير عذاري فيك شي


عذاري: زامل انت مزوج


استغرب زامل سؤالها: لا ليش


عذاري: انت قلت اني ااغازل ومدري شنو بس انت ما تعرف اخلاقي عدل انا بروحي في هـ الدنيا وموضي وانت بعينك شفت حالتها وانا يوم جيت المحل موضي هي الي ظلت تبكي عند راسي من الليل لاجل امر اخذ الحلق وانا جيت عقب ماخلصت محاضرتي لاني اعرف اني اذا ما جبته لها بتظل تبكي ولعلمك هو اصلا تبعي بس هي كسرته وحزنت لانها كسرته وانا وعدتها اني اصلحه واعطيها اياه


زامل بحزن: انا اسف عذاري والله اسف


عذاري بدون سابق انذار: زامل تتزوجني


تنح زامل من طلب عذاري


عذاري: زامل والله انا تعبت تعرف شو معنا تعبت تعرف شو معنا اني بروحي في هـ الدنيا والله العظيم تعبت انت تعرف اني حطيت اسمي عند واحد من المشايخ لاجل يزوجني واحد يراعي الله فيني وما يكون طمعان في حلالي والاهم اختي ما يحرمني منها انت تعرف معظم الي جو شرطهم الوحيد انه ادخل اختي شهار والله حرام عليهم يحرموني من اختي ارجوك زامل تزوجني وخليني اعيش مع اختي


زامل وهو يمسك يد عذاري: اشرايك نسوي التحاليل الحين


عذاري وهي في حاله يرثى لها: الي تشوفه

دخل زامل قصرهم وهو مهموم.. ومتفاجئ من احداث اليوم.. حزين لانه ترك عذاري بروحها في المستشفى ورد شغالتها البيت.. ابتسم اشتغل اليوم سائق ومصلح اجتماعي ومن اعضاء الهيئه.. هو استغرب من حاله هو ما يحب يتدخل في احد دوم حاله حال نفسه بس سبحان الله يمكن الله حط عذاري في طريقه لاجل يوقف وياها ويساعده وتذكر كلامها وهي تقوله بانها دوم تدعي ربها في كل سجده لها في صلواتها بانه يرزقها بالزوج الصالح الي يخاف عليها وعلى اختها...


: هلا زامل وين كنت


زامل الي رجع لي ارض الواقع على صوت امه: كنت مشغول شوي الا يمه قررت اني اتزوج


ام زامل بفرح: الف الف مبروك ودلال بنت خالتك ما بقى لها شي وتتخرج


زامل: يمه اش دخل دلال بالسالفه

ام زامل بزعل: شنو اش دخل دلال بالسالفه ليش انت ناوي تاخذ غيرها
زامل: ايه لانه دلال هذه انا ما اواطنها وشوفيني مضرب عن الزواج بسببها
ام زامل: انزين من هي تعيسة الحظ الي بتاخذها
زامل وهو يبوس راس امه الي شكلها اخيرا حنت له وتنازلت عن فكرة زواجه من بنت اختها: وحده راعية عماير
ام زامل: يعني صاحبة املاك مو طمعانه فيك
زامل: ايه يالغاليه
والهدوء الي كان مالي القصر فجئه ارتج وصاحبه صراخ وهبال وفي الاخير ظهرن البنات وهن فرحانا ويغطرفن
جمانه: اخيرا بيستوي عرس في بيتنا
جوري: وووو من متى وانا احلم بهـ الليله
زامل بابتسامه: افرحوا حققت لكن احلامكن
ام زامل: خليك منهن وكلمني وين شفتها لايكون كنت تكلمه والحين بتاخذها
جمانه: يمه حرااااام عليك هذا زامل ولا نزكيه على الله
جوري: يمه هذا وانتي امه تشكين باخلاقه
ام زامل: اعوذ بالله انا شو قلت انا بس اريد اعرف شلون عرفها
زامل الي سِعِد برائ خواته فيه: والله يمه ما اعرف شنو اخبرك بس كل الي اقوله انها بنت وحيده في هـ الدنيا وصاحبة املاك ولها اخت مريضه نفسيا
ام زامل: يعني مجنونه
زامل: يمه كل الأمراض ابتلاء واختبار وبعدين محد يتشمت باحد
جمانه الي دخلت عرض: ايه والله تصدقين ماما صديقنا هيام كانت تتريق على وحده من البنات في المدرسه والبنت ياحرام كانت بس لما تتكلم تخرج لسانه ما اعرف شنو السبب وهي ظلت تتعالج وهيام دوم تتريق عليها والحين البنت طابت وهيام جات فيها العاده
جوري وهي تقاطعها: والحين هيام تتعالج عند نفس طبيبها
جمانه: ولااا هيام بروحها راحت للبنت وخذت رقم طبيبها الي كانت تتعالج عنده
زامل: سبحان الله مغير الأحوال
ام زامل: اعوذ بالله انا شنو قلت حشى ماتخلون حد يتكلم ...وردت كلمة زامل... الا اختها وين بتسكنها..
زامل: شرطها الوحيد انها تظل وياها
ام زامل: وانت شنو رايك
زامل: والله يمه هذه أختها الوحيدة وإذا انتوا ما تريدونها هنا أنا بروح استأجر في عمارتها وأعيش عندهن
أم زامل الي ما عجبتها السالفة وخافت على ولدها الوحيد انه يبعد عنها وينساها: لا البيت يا كبره أنت خذ الجناح الغربي بكبره ... إلا صدق هي أختها كبيره..
زامل: عذاري عمرها 20 و موضي 25
أم زامل: يعني اصغر عنك بثلاث سنوات
زامل: ههههههه يمه عذاري الي باخذها
ام زامل: ليش الكبيرة الي عقلها تعبان
جمانه: يا حرااام شلون كذا
جوري: منو رباهن
زامل: والله ما اعرف
ام زامل: والله انت الي جايبه لعمرك ولا
زامل وهو يقاطعها: يمه الله يخليك انا اريدها هـ البنيه
ام زامل: والله براحتك بس انا نصحتك بنت خالتك
نطوا البنات في حلقها: لالالالا يمه الله يخليك نريد تغير نريد اشكال جديده
ام زامل: اخاف انكم تندمون
زامل: انت ادعيلي ولا تتشائمين
ام زامل: وأبوك
زامل: أبوي اذا عرف إنها غنية ما راح يعارض
ام زامل: الله يوفقك
زامل وهو يبوس راس امه: هـ الكلام الزين الي من الصبح احتريه
جمانه: يايي متى نروح نخطب
زامل: شرايكن تزورهن بكره في المستشفى
ام زامل: زيارة بس موب خطبه لازم بالأول نشاور أبوك
زامل: يمه الله هداك حد يخطب بالمستشفى
جوري: نلمح بس اوكي
جمانه الي فهمتها: ايه والله وناسه لازم نحرجها الا صدق هي ليش بالمستشفى
ام زامل بخوف: يمه عليك بسم الله عليك فيك شي... وجلست تتحسسه اذا فيه حمى ولا شي..
زامل: هههههه يمه الحمدلله مافيني شي
ام زامل: اجل شلون عرفت انها بالمستشفى اذا ماكنت تكلمها قبل
زامل: يمه أختها تعبت وأنا شفتهن ووديتهن المستشفى
جمانه: مممم على بالي بعد انها طبيبه وانت تعالجها
ابتسم زامل و استوعب اخته الخبله شنو قالت: لا هي المريضه وتطببني
الكل: ههههههههههههههههههه
ثاني يوم بالمستشفى عذاري قلبها يدق من الخوف.. زامل فهمها شنو تقول لأهله وهي ارتاحت من كلامه بأنه شال من راسها فكرت إنها هي الي عرضت الزواج عليها وانه هو الي رايح يتقدم لها بس عقب ماتخرج اختها من المستشفى..
انقطع حبل افكارها بدق على الباب وبعدها دخلوا ثلاث حريم متغطيات
ام زامل وهي تشيل حجابها عن وجهها: السلام عليكم
عذاري وهي تتوجه لهن: وعليكم السلام ورحمة الله وبركاته
ام زامل: الله يقومها لك بالسلامة
عذاري باتسامه خجل لانه لمحت النظرات التفحصيه من ام زامل وخواته: امين
ام زامل: انا ام زامل
عذاري: حياك ياخاله والله تعبناكم ويانا
ام زامل: لا تعب ولا شي وهذا واجب زامل وغيره في بنات بلده وبنات المسلمين اجمعين
عذاري: اهل واجب والله والنعمبكم
جمانه: ماعليك زود
وحست بخبطه على ذراعه من جوري
ام زامل: هذه جمانه وهذه جوري
سلمت عليهن عذاري وشافت الشبه الكبير بينهن اصلا أي شبه كل وحده صوره لثانيه شكلهن توم ومن نفس البويضه بعد
عذاري: الله يخليهن لك
وسلمت عليهن
... كانت عذاري لابسه عباتها وطرحتها..
..دخلن يسلمن على موضي الي رفضت تسلم عليهن..
التوم تفاجئن بموضي
موضي كانت جالسه على السرير وتتفرج على mbc3 ولما شافتهن رجعت لورا وحضنت المخدة بقوه.. عذاري بسرعة راحت لها وحضنتها.. و موضي مثل دوم حضنت عذاري بكل قوتها الشي الي يفقد عذاري تحكمها بنفسها لأنه موضي تفوق عذاري قوه وجسم
عذاري وهي تبعد نظر موضي الخايفه عن الحريم الثلاث: مواضي حبيبي شوفيني
ام زامل: شكلنا ارعبناها
عذاري: لا الحين تولفبكن ارتاحوا
واشرت لهن يجلسن وهن ظلن واقفات
عذاري وهي تبوس موضي وصارت تتكلم وحسها مخنوق لانه موضي لما تحضنها تعانقها من رقبتها: مواضي ماما حبيبي شوفيني هذيل حبوبات شوفيهن جابن لك شوكلاته وورد
..وظلت تمسح على شعر موضي وظهره وهي تبوسه وصدق هـ المره عذاري انخنقت بس ما تقدر تبعد عذاري عنها لانها بتخاف وممكن يصيبها مضاعفات او تنصرع... وشوي شو بدت موضي ترخي عن عذاري..
جلست عذاري جمب موضي الي دخلت راسها بحضن عذاري...
عذاري: اتفضلن
محد تكلم لانهن خافن على موضي انها تخاف
عذاري: خالتي تفضلي هي يبيله دقايق لين تتعود عليكن
ام زامل: والله اخاف اننا ماذينها
عذاري: لا عادي اصلا مواضي شاطره تروح للمدرسة وطالعه الأولى على زميلاتها صح مواضي
حركة موضي راسها بالايجاب
جمانه الي تجراءة هـ المره وتقدمت شوي وفتحت الشوكله الي حطوها اول ما دخلت على طاولة بالنص
جمانه: موضي تبين شوكلاه
حركة موضي راسها بالايجاب وهي مازالت بحضن عذاري
قدمت الشوكلاه وموضي تناظر عذاري
عذاري: خذيها وقوليلها جزاك الله خير
مدت موضي يدها ببطء وخذت الشوكلاه بس مانطقت بشي
جمانه تجرءة اكثر: شلونك مواضي
موضي حضنت عذاري بقوه
عذاري: هههه مواضي عيب شنو راح يقولن بيقولن عليك خواف الحين مايصير
ابتعدت موضي عن عذاري
عذاري: شاطره حياتي مو الابله تقول انه صوتك حلو يالله سمعيهن الانشوده الي حفضتها لك الابله
حركة موضي راسه بالنفي
عذاري: مو انا ماما ولازم تسمعين كلام ماما يالله حبيبي سمعيهن
ام زامل الي ابتسمت على كلام عذاري ... عذاري جسمها وشكلها بيبي بينما موضي مبين عليها انها جسمها اكبر... بس الشكل واحد عذاري مصغره وموضي اكيد اجمل من عذاري لانها اكيد وصلت لذروة جمالها وطبيعي البنت يزيد جماله من منتصف العشرينيات للاربعين وفي منهن من ينزل جمالها بسرعه وفي منهن من يحافظ على شبابهن وقت اطول
جمانه: لا انا صوتي احلا
جوري: دخيييلك مو ناقصين فضايح هنا بعد
ابتسمت عذاري على تعليق جوري وهي اصلا ماهي عرف منو فيهن جمانه ومنو جوري
انتبهت موضي للبنتين وفتحت عيونها على كبرها الشي الي خلا الكل يضحك
عذاري: مواضي هذيل خوات شوفيهن حبوبات نعطيهن شوكلاه
حركة موضي راسها بالايجاب
وقفت عذاري بس موضي تعلقت فيها وردت جلست
قدمت جمانه الصحن لـ عذاري وعذاري خذت اثنين وعطتها موضي
عذاري: يالله حبيبي اعطيهن الشوكلاه
مدت الشوكلاه لـ جمانه
جمانه: جزاك الله خير
موضي بخجل: ويااك
عذاري: انزين اعطيها الثانيه
موضي بعصبيه: بس وحده بس وحده
عذاري: حرااااام الثانيه تزعل وتبكي
موضي مصره: بس وحده بس وحده
جمانه: مواضي حبيبي انا جمانه حبيني انا اما جوري معليك فيها هذا بقره
موضي عطت جمانه الشكولاه الثانيه
جوري: بدت التفرقه
عذاري: معليه شوي شوي بتتعود
ام زامل: يالله نستاذن حنا الحين وان شاء الله نزوركن في بيتكن زامل قال انكن بتخرجن بكره
عذاري: إن شاءالله
ام زامل وهي توقف: انتبهي على نفسك وعلى اختك
عذاري: إن شاءالله خالتي
زامل: ها يمه شرايك
ام زامل: قطعن قلبي
جمانه: ياحراااااام والله انه موضي تهبل بس خساره
زامل: الله يشفيها
ام زامل: زامل يمه هذه شلون تعيش وياك ما يصير
زامل: ليش يمه
ام زامل: يمه زامل صح البنت مو واعية بس يمه الله عطاها من الجمال الشي الكثير يمه ما يجوز تكشف عليك
زامل: ايه يمه حتى اختها قالت انه اذا تزوجنا وعشنا هنا لابد نحط لي موضي حجره وصاله وحمام خاص فيها
ام زامل باستنكار: ممم ما شاء الله من متى هـ الكلام صار
زامل: ههههههه يمه استري ما واجهتي
ام زامل: زامل يمه البنت الي تكلمها ما تأمنها
زامل: افاااا الوالده تشكين باخلاقي وبعدين تراني خطبتها وهي وافقت بس ننتظر ظهور التحاليل
ام زامل بزعل: تخطبها بدوننا اجل شله نروح نتعب اعمارنا
زامل: هههه يمه لازم اخطبها واعمل التحاليل لاجل تطمن على نفسها وانا رايح راد للمستشفى
جمانه وهي تقاطعه: صدقه يمه شلون يكلمها وشلون ترتاح له وتشرحله ظروفها اذا ما خطبها وعمل التحاليل لاجل تطمن اكثر
زامل: لله ما تطمنت لين خبرتها بانكن تزورونها في المستشفى وبعدين انا ما كلمتها غير مرتين مره سوينا في التحاليل والمره الثانيه يوم خبرتها بانكن تبون تزورونها
جوري: ماما شفت شلون تحضن اختها والله احسها تخنقها
جمانه: ايه والله ولا عذاري وين وموضي وين
ام زامل: سمن بالرحمن عن تطقون البنت بعين
جمانه: هههههه ماشاء الله عليها
..اليوم هو يوم الخطبه..
عذاري استقبلتهم
عذاري: تفضلن حياكن
ام زامل بابتسامه: الله يحيك الا عذاري بنيتي زامل ويانا وهو طالب يشوفك
خجلة عذاري من ام زامل وعصبت على زامل الا خبرته برأيها في ذا الموضوع
ام زامل وهي ترد لاجل تدخل زامل
ام زامل: يمه زامل تعال يمه
هنا عذاري ماتت من الخجل حست صدق انها تورطت وانها شلون توجه هـ الانسان وهي الي عرضت نفسها للزواج مرت عليها كل الاحداث وياه
زامل: السلام عليكم ورحمة الله
جمانه وجوري: وعليكم السلام
ناظرهم زامل ورد ناظر عذاري الي وجها تصبغ من الخجل
زامل: شلونك عذاري
جمانه وجوري: بخير ربي يحفظك لي
ابتسم الكل ابتسم و زامل عصب على خواته الي واقفات في حلقه
زامل: يمه سوالف الخطبه محد ياخذ وراعن وياهم
ام زامل: هههههه يمه يبعدن الخجل عن خطيبتك افهمها عاااد
وهنا بالفعل عذاري حست انها ودها تغوص في هدومها
جوري وهي تبعد الكلفه عن عذاري: تفضلوا تفضلوا حياكم البيت بيتكم
جمانه: عذاري وينها موضي
عذاري اسفل
جمانه: وو حرام ليش تخليها بروحها خلونا ننزلها
عذاري: لا اسفل غرف النوم
جمانه انتبهت للدرج الي في نص الصاله:وووو انتي مسويه العكس غرف النوم تحت والمجالس فوق والله حلو التغير
جوري: ياربي هـ البنت ملقوفه
عذاري: تفضلوا حياكم
تقدمت ام زامل وعقبها التوم و زامل وهو رايح لهن مسك يد عذاري وسحبها وياه وهي تحاول انها تسحب يدها قبل أي حد ينتبه لهم بس هو أقوى بكثير زامل جسمه رياضي وطويل وهي صغنونه ونحيفه عكس موضي الي جسمها حلو وطويله شوي
جمانه: هههههههههههههه
ام زامل التفتت لبنتها: جمانه شعندك
جمانه الي انتبهت لي زامل الي ترك يد عذاري بسرعه: يمه حرام الضحك
جوري وهي تساسر جمانه: شعندك
جمانه: ترى الحفله ورى
جوري: ادري بس لاتحرجي البنيه والله احسها تنتفض من الخوف
جمانه: والله اخوك الي مدري وش فيه تقولين مفجوع
زامل خبط راسهن ببعض: بطلن حش بالعالم
جمانه: اييي حرام عليك فقدت الذاكره تراني
زامل: يكون احسن
جوري: لا تخافين عيوني انا بذكرك بالذي مضى واهم شي بالي من شوي
زامل الي فهم لها: هههههه انتن مركبات خلفي بعد
جمانه: ومن شر حاسد اذا حسد
ام زامل: يمه زامل يالله اخرج انتظرنا بالسياره
زامل: يمه اشفيك
ام زامل: خلاص الشوفه وشفته خلينا نسولف براحتنا
جمانه: سمعي عذاري ترانا كلنا حبيناك انت واختك وحنا اليوم جاين خطاب وطالبين القرب بينك وبين زامل وولدنا ادب واخلاق وشهادتي فيه مجروحه ونعرف ظروفك لاجل كذا ما ودنا نحرجك اكثر بس قبل بسلم على موضي واعطيها هديتها وبنروح
ام زامل: يمه عذاري لاتستحين منا تراني عادتك من حسبت بناتي وزامل ولدي
عذاري: الله يخليك لنا
جوري: ووووووولي يالله لولو لبسها الاسواره
ام زامل: خلونا نجلس كله حار بناره
جمانه: ايه يمه لاجل يروح شغله وحنا نشوف العروس وشنو تحتاج للشبكه والازي منه
زامل: انزين ما ينفع اظل انا بعد
ام زامل: بسرعه لبسه الاسواره وروح شغلك
زامل خرج الاسواره من جيبه ومد يده وعذاري مدت يدها له وهو لبسها الاسواره ومسك يدها
زامل: ان شاء الله اكون محل ظنك عذاري
نزلت عذاري عيونها للارض وهي ترتعش من الخجل والخوف
جمانه: يالله زامل حبيبي ورينا مقفاك
زامل: تراني معطين وجه اليوم
جوري: غصب عنك
جمانه: أي والله بنلعب فيك قبل يطيح كرتنا
ام زامل: ما بيطول كرتن بكره وبيطيح
جمانه: لا والله ليش
زامل: لانه ابوي ما راح يرد من السفر الا عقب شهر والملكه بنسويها بكره ان شاءالله
انصدمت عذاري من هـ الامور ما توقعت السرعه هذه
فتحت عذاري الباب ودخل زامل
عذاري: هلا زامل حياك
زامل: شلونك حياتي
عذاري بخجل: بخير ربي يعافيك
زامل: موضي وينها
عذاري: نايمه اخاف تشوفك وتجيها الحاله مثل ذاك اليوم تراها تخاف من الرجاجيل
زامل: الله يكون بعونها
جلس زامل في الصاله
عذاري: زامل تعال نجلس بالمجلس اخاف موضي تصحى وتشوفك هنا
وقف زامل ودخل المجلس وعذاري سكرت الباب بالمفتاح
زامل وهو يجلس: عذاري شلون راح تعيش ويان موضي
عذاري: والله ما اعرف اخاف اني استعجلت بس صدقني زامل والله تعبت من الوحده تعبت من تحمل المسؤليه صدقني زامل كل الي اريده اني
اشعر بالامان في العالم الكبير اريد احط راسي على صدرك واحس بحنانك كأبو كزوج كااخو انت ما تعرف شنو معنى الحرامان انا اتحرمت من انه يكون لي ابو او اخ مثل العالم
وقف زامل وراح لـ عذاري الي كانت تتكلم وهي تناظر من الشباك لفها له وشاف دموعها على خدها حضنها لصدره وهي اطلقت العنان لروحها واحتضنته... شعرت بشي غريب يسري بجسدها الحين بس عرفت ليش اختها يوم تخاف تحتضنها بكل قوتها تريد هـ الدفء تريد هـ الحب تريد هـ الامان
..

يوم الزواج وهو بعد شهرين من الاحداث
اول ما صحت عذاري من النوم الساعه 11 ونص دقت على زامل
زامل: صباح الحب والورد
عذاري: صباح النور حياتي
زامل: اوب اوب اوب في تطور اليوم
عذاري:هههه بس زامل لاتحرجني في يوم عرسي
زامل: اخخخخ اااااااامري كم عذوره عندي
عذاري: وحده الا صدق زامل بصراحة طلبك فكرت فيه وفكرت ما اقدر صدقني زامل ما اقدر انفذه انت تعرف انه لي اسبوع وانا احاول اني انام بحجره بروحي وكل ما خرجت من حجرة موضي ودخلت حجرتي دقايق وهي عندي
زامل: يعني شلون
عذاري: يعني يعني يعني افهمها حبيبي عاااد
زامل: ما فهمت ممكن تشرحين اكثر
عذاري بخجل: حبيبي لاتنسى اني انا الي عرضت عليك الزواج صدقني زامل حاولت في موضي
زامل: بالاول انا الي تعرضت لك وانا الي خليتك تعيشين بجو ملي بالخوف وانا الي اذيتك وبعدين حياتي لو انا في يوم قِلت انك انت الي جريتي وراي بنقص من رجولتي حياتي انت سويتي الشي الصح انت طلبتي الستر وام المومنين ام حكيم رضي الله عنها هي طلبت الزواج من الرسول صلى الله عليه وسلم صدقيني انا خبرت امي بالموضوع لانها ظلت فتره وهي شاكه بنوعية العلاقه قبل الملكه وانا خبرتها بكل شي صدقيني اشكثر امي استانست وقالت الحين هي مرتاحه بانك راح تحفظين شرفي وعرضي وانك ما بديتي باللعب مثل بنات هـ الايام ياااااه يا اشكثر مدحتك تصدقين غرة منك ههههههه
عذاري: ههههههه تصدق زامل ماما كل يوم يكبر حبها في قلبي
زامل: لا تخرجينا عن موضوعنا
عذاري: بنحاول فيها اليوم
زامل: اوبييييييييي ترى انت السبب انت الي عودتيها
عذاري: حرام عليك اصلا هي ما كانت تنام غير في حجر امي ولما توفت امي انا خذيت مكانها والله ما تعرف شلون تدهورت حالت موضي ذيك الفتره
زامل: اقول حياتي اشرايك نعطيها منوم
عذاري: ههههههه تراك مجرم صاير
زامل: ههههههه ليلة وحده ماتضر
عذاري: وعقب شلون لاتقول كل ليلة
زامل: والله انت الي المفروض تقفلين عليك حجرتك من اسبوع
عذاري: حاولت والله حاولت بس اول ليلة دورة البيت بكبره ولما شافت حجرتي مقفله ظلت تدق على الباب وتدق وتصيح وبالاخير حزنت عليها وفتحت لها الباب بصراحه ندمت ليش اني سمعت شورك
زامل: طلعت مجرم
عذاري: واحلى مجرم بعد
زامل: ياويل حالي تتغزلين فيني في يوم عرسي وتبيني انام بروحي وانت ويا اختك ليش حرام والله الضرب في الميت حرام
عذاري:ههههههههه انا على بالي براضيك كذا
زامل: انت تصبين بنزين علي كذا
عذاري: هههههههههههه تعرف حبيبي يوم نمر على المحطه افتح قزاز السيار شوي لاجل تدخل ريحة البانزين تعجيبي ريحته
زامل: ههههههه اجل باخذ شاور بالبانزين اليوم
عذاري: ههههههههههه لا تحاول اليوم لاتحاول
زامل: اوبييييييي مصره شكلك
عذاري: الله يخليك زامل اعذرني اليوم
زامل: انت لا تستعجلي الامور بنحاول اذا ما رضت شسوي بنرضى بالامر الواقع
عذاري: لولو زعلت
زامل: لا يكون انا لولو بعد
عذاري: ههههههه شرايك حلو
زامل: بس بيني وبينك ياويلك حد يسمعه
عذاري: تراني اسمع ماما تناديك لولو
زامل: الوالده غير من كنت صغير تدلعني بس خواتي لو نطقن به اغسل شراعهن
عذاري: وانا
زامل: اخخخخ انت شقول بس
عذاري وهي تتميع له: مو انت تحبني
فيصل: الا اموت فيك
عذاري وبنفس نبرة الدلع: انزين مثل ما ضحيت وخذيتني وانت ما تعرف عني شي ومثل ماحبيتني ومثل ما انت تعبان وياي تخلى عن هـ الليله فدا للوطن
زامل: ههههههههههههههه إن كيدهن عظيم
عذاري بزعل: الحين انا اكيد لك
زامل: انت ضربتي بقلبي ضرب
عذاري: لولوتي حبيبي شنو قِلت
زامل: ياويلك عذاري لو وصلتي لي لولوكتي
عذاري: هههههههه تراك تتابع افلام كرتون
زامل: خواتي المهبل يتبعن ويطقمن للمدرسه وانا الغلبان اجري وراهن لين يلاقن غرضهن
عذاري: الا صدق ابوك رد من السفر
زامل: والله هو الي حدد الموعد وبعدين ابوي عيد الله ما يعيده ويانا تبينه يحضر افراحنا
عذاري: لهالدرجه مشغول
زامل: لاتشيلين همه انا اخاف اننا نجيب عيالنا وهو ما رد
عذاري: ليش هو مهاجر
زامل: لا موب مهاجر ولا شي يرد كل ثلاث اشهر يروح لزوجته الثاني ويظل اسبوع اسبوعين على حسب وما ندري فيه غير من الناس واحيان ما نلحق نشوفه تصدقين جمانه وجوري لهن ثلاث سنوات مايشوفونه انا بالصدفه اشوفه
عذاري: ليش هو مطلق ماما
عذاري: لا مطلقها ولا شي بس الوالده هي الي رافضته وهو لاجل كذا تزوج عليها
عذاري: هلا حبيبي صحتي من النوم
موضي وبطريقه طفوليه: ايه منو تكلمين
عذاري: مممم زامل
موضي صارت تصارخ وتقول كلام مو مفهوم ورمت السماعه من يد عذاري وحضنت عذاري بقوه
عذاري: مواضي حبيبي قومي من فوقي كسرتيني انت شاطره انت الحين صرت كبيره قومي ماما قومي حيايتي
جلست موضي فوق بطن عذاري بكل ثقلها
عذاري وهي حزينه عللى اختها حست انها استعجلت في طلب الزواج من زامل وانها بتظلم اختها في هـ الزواجه بس هي تعبت خلاص تعبت من شيل الهموم بروحها: مواضي عزالله بتقطعين خلفي قومي حبيبي من فوق بطني
بس موضي مثل ما هي عذاري وهي مو قادره تتحمل ثقل موضي صارت تصارخ وتنادي على الشغاله...موضي لمحت دموع عذاري
عذاري: ايتي تعالي بسرعه ايتي
ماحست عذاري غير بموضي وهي تكتم انفاسها حاولت عذاري تقاوم بس بدون فايده اضطرت انها تعض يد موضي وموضي نزلت يدها على رقبت عذاري وضغطت عليها وارتخت عضلات عذاري
تركت موضي اختها وانسدحت جمبها وسحبت عذاري لها وضمتها لصدرها.. غمضت عيونها على مشهد واحد بس وهو يد امها على فم اختها الصغيره.. عرفت الحين شلون تسكت الي يبكي طريقه جدا سهله.. بس شنو نتايجه هـ الشي مو في عقل موضي

الجـــــــــــــ الثاني ــــــــــــــزء


صحيت من نومي ودخلت الحمام وانتوا بكرامه خذيت شاور سريع وتوضيت وخرجت اصلي... اليوم بيجي زامل وجمانه وجوري وماما..
جلست على السرير اندق لباب ومت من الفرح بس خساره طلعت الممرضه مو زامل خخخخخ قهر ليش تاخروا لميت رجولي وحطيت راسي على ركبي... غصب عني بكيت سرت اكره المستشفى والي فيها ودي اروح مع البنات ماما قالت اليوم راح اخرج... اندق الباب وما رفعت راسي لانه كل ما ارفع راسي تكون وحده من الممرضات.. حسيت باحد يحضني... ووووفرحت هذا زامل وهذه ريحته رفعت يديني وعانقته صارلي اسبوع ما اشوفه...
زامل: هههههههههه مواضي حبيبي اشتقتلك
بكيت من الفرح: ما احبكم ليش تاخرتوا عليا
ام زامل: معليش حبيبي حقيك علينا اسفين
تركت زامل ووقفت بسرعه ورحت ضميت ماما
موضي: ماما بتاخذوني اليوم مثل ما قال الدكتور
ام زامل: ايه حياتي خلاص انت الحين صرت الحمدلله زينه
جمانه: موضي ليش تبكين
انتبهت لـ جمانه ورحت حضنتها: جمانه بروح وياكم انا ما احب المستشفى بس يعطوني ابر
ام زامل: زامل ليش يعطونها ابر
زامل يغمز لامه: يمه بعدين بخبرك بالسالفه
جوري: وليييييل الحين انا ليش دوم تنسيني
رحت لجوري وضميتها شوي ورديت لـ جمانه
جمانه وهي تكلم جوري: لا تحولي جوري لو شو تعملين مواضي تحبني انا اكثر
تكلمة بسرعه: ايه انت احبك كثر البحر وهم احبهم كبر الجبل
زامل: اوبييييي الحين كلنا جبل وهي بروحها بحر
ام زامل: يمه زامل رح بسرعه خلص اوراقها على بال ما نجهزها
خرج زامل وانا اناظره: ماما اوراق ايش
ام زامل: اوراقك لاجل تخرجيني ويانا
نطنط لين تعبت رجولي
جمانه وهي تمسكني: مواضي حبيبي تعالي اجلسي نسرحلك شعرك
جلست على السرير وجمانه وجوري كل وحده خذت جزء وسولي جديلتين
موضي: جمانه شوفي جوري تعورني
جوري: مواضي حرام الكذب
موضي: ههههه اسالي شعري يقول عورتيه
جمانه: مواضي حبيبي معليش خليها تساعدني لاجل نخلص بسرعه ونروح بيتنا
في السياره من منطلقه الطايف وبالتحديد من مستشفى شهار لـ جده
ام زامل جالسه جمب زامل وجمانه خلفها وجوري خلف زامل وموضي بين جمانه وجوري
ام زامل: زامل ليش عطاوها ابر والله يدها انهلكت من الابر
زامل: يمه هذه مجرد مقويات لانه موضي كانت متعلقه بي وحده من الممرضات واضطروا نهم يخلوها هي الي تعطيها الابر لاجل تنبذها
ام زامل: انا من الاول قلتلك لاتخليهم يثبتون على طاقم طبي واحد
زامل: ايه يمه وهذا الي صاير بس ما ادري شلون تعلقت بالممرضه هذه
ام زامل: اهم شي نبذتها الحين
زامل: الحمدلله
هذه الاحداث صارت عقب ثلاث سنوات من اخر لقاء بين موضي وعذاري... والحين احنا في عام 1428هـ
جمانه: اخوي حبيبي زامل نظر عيني اريد ايس شوكلت
زامل: هههههههه وانا اقول مو من عوايدك هـ الدلع وهـ الحب
جمانه: حراااام عليك
زامل وهي يوقف عند مكشتينو ويطلب لهم ثلاث ايس شوكلت واثنين كوفي تركي له هو وامه
وصلنا البيت وصرخت: ووووووووو بيتنا مره حلوه
جمانه: مثل الي بالصور

موضي: لا الي بالصور كان صغير ووو ما ادري
زامل وهي يمسك يدي ويسحبني له: الطبيعه شي ثاني مو مثل الصور
جلس زامل على الكنبه وجلسني جمبه
زامل: توه ما نور البيت
وقفت بسرعه بس زامل مسكني وسحبني اجلس جمبه
زامل: اشفيك اجلس شوي نرتاح وعقب اروايك البيت بكبره
موضي: لا انا بروح اجلس جمب جمانه
زامل: حراااام عليك اجلسي جمبي شوي بس
موضي: للا لا انا بروح جمب جمانه انا احب جمانه اكثر
وقفت ورحت جلست جمب جمانه وضميتها وهي ضمتني لها اكثر
ام زامل: سبحان الله شلون تفرق بينهن والله من البدايه وهي تعرف كل وحده فيهن
زامل: والله انا اخوهن للحين ما اعرف
جوري: وانا الي دوم اشتريلها اغراض واسابق جمانه تسلمي علي على السريع وتروح لجمانه وعقب ما تشبع شوي منها ترد تاخذ اغراضها وترد لـ جمانه
جمانه: يويويو حسد
جوري: لا مو حسد بس هي ليش تحبك اكثر
جمانه: قلبها مو بايدها عجيب والله
زامل وهو يوقف: يالله موضي تعالي ارويك البيت
وقفت بسرعه ومديت يدي لي جمانه لاجل تروح ويانا
زامل: لا انا وانت بروحنا
اعترضت وجلست بسرعه جمب جمانه: ما اريد بروح مع جمانه
ام زامل وهي توقف :كلنا بنروح
زامل وهو مو راضي على افعال موضي: اوكي كلنا نروح
التوم جمانه وجوري اعمارهن 16 سنه يعني صف ثاني ثنوي علمي وهن اجسامهن صغيره اما بالنسبه لموضي فهي مثل ماهي ماتغيرة بالعكس ازدادت جمال
ووووووو فرحت كثير وانا اشوف الحجره وكل شي فيها من اغراض فله الي في الاعلانات حتى البويات وكل شي نطيط من الفرح وجلس فو ق السرير
موضي: انا بنام هنا مع جمانه
الكل انصدم هذه حجرة التوم وهي المفروض انها ما تنام هنا بناء من طلب الطبيب لاجل تتعود على حياتها الجديده
ام زامل: بس حبيبتي هذه حجرة جمانه وجوري
زعلت: وانا وين سريري
ام زامل ناظرت زامل وتكلمة بتردد: يمه حبيبتي جمانه وجوري مع بعض وانت مع زامل
اعترضت: لا انا بنام مع جمانه وجوري تنام مع زامل
البنات: هههههه
شفت البنات ضحكن ضحكت وياهن
تقرب مني زامل ومد يده وانا ناظرت جمانه
زامل: اوقف بوريك شي
ظليت اناظر جمانه لاجل تنقذني من زامل
جمانه: مواضي حبيبي اوقفي شوفي شو بيقولك
وقفت وقربني له شوفي انت اقصر مني بشوي وكان ذقنه تماما فوق راسي... ونادى جمانه..
زامل: شوفي جمانه وين توصل
جمانه كانت توصل تحت اكتافه شوي
زامل: شفتي انتي اكبر من جمانه وجوري وهن الصغار ينام مع بعض وانا وانت مع بعض
موضي: لا انا بنام مع جمانه
ام زامل: حراااام زامل ينام بروحه
جمانه: ايه صدقها ماما حرام زامل ينام بروحه يبكي طول الليل يخاف ينام بروحه
ابتسمت: خواف انا انام بروحي انت خواف
زامل بابتسامه: انزين انت بتامين وياي الحين صح
ظليت افكر انا احب جمانه ليش انام مع زامل
موضي: انزين انا ما اشبهك ليش انام وياك
الكل:ههههههههههه


ام زامل: الله يهديكم ما كان ... واشرت بفمها بمعنى ما كان دخلتوها هنا..
زامل: هي الي اصرت شنسوي بعد
تكلمت بسرعه اريد اعرف شو يقولن: اريد اعرف اريد اعرف شو تقولون
زامل: اذا ما نمتي بحجرتي بزعل وراح ابكي
...فكرت شو يعني بخليه لين ينام وعقب اجي انام عند جمانه... تقربت من جمانه وساسرتها: بنوم زامل وبعدين اجي عندك بقيلي محل
ضحكة جمانه: انزين راح ابقيلك
زامل: شوتقولن
موضي: ولا شي ولاشي لقافه
زامل فتح فمه على كبرها: منو اللقافه
خفت اندسيت خلف جمانه
جمانه وجوري وام زامل: هههههههه
ام زامل: شفتن اشلون تعلمن قدامها لاتقولن الا الشي الحسن لاجل تتعلم والله خذت كلامكن كله حتى الاسلوب
زامل: بنات لابد ان تعاملوها بانها كبيره لاجل تستصح بسرعه
جمانه: هي ما بها شي الحين بس عطوها وقت مثل ما قال الدكتور والله انكم مستعجلين
ام زامل: يمه جمانه البنت تعلقت فيك كثير وتقلد كل حركاتك وكل كلامك لازم يا ماما انك تعلميها شلون تتصرف كبنت كبيره معليش اضغطي على عمرك شوي وتخلي عن فله وعن الطفوله الي فيك شوي
جمانه: ان شاءالله لاجل مواضي نسوي الي تريده
جوري: وانا بعد رغم انها ما تحبني
ناظرت جوري وقلت: جوري من ما تحبك
جوري: انت
موضي: بس انا احبك كثير بس جمانه اكثر وبعدين منو البنت الي اول تقولون عنها
.. اشر زامل لهن بانه ينتبهن لكلامهن..
زامل: انت تعالي انا تعابان وفيني نوم وانا من صحيت صليت الفجر ما نمت تعالي حياتي تعالي
موضي: بس انا ما فيني نوم
زامل: انزين انا ما احب انام بروحي لازم احد عندي
ابتسمت له: لا انت تخاف تنام بروحك
زامل: لا انا ما احب انام بروحي
موضي: مو انت من شوي تقول تخاف تنام بروحك
زامل الي ندم على كلمة اخاف الي قالها وتذكر بانه الطبيب قال لازم تكونوا انتوا مصدر قوه لها لازم تستمد قوتها منكم: شوفي هو خانني التعبير من شوي بس انا ما احب انام بروحي
موضي: شو معنا خانني التعبير
الكل: هههههههههه
زامل: مممم يعني مثلا كنت ابا اقول ممم ايه مثلا انا قلت ما احب الماي بس بالعقل في احد ما يحب يشرب ماي بس انا في قلبي اقصد انه انا ما احب اشرب ماي حار بس احب اشرب ماي بارد فهمتي
موضي: ممم فهمت زي مثلا انا اقول احب جمانه كثر البحر واحب جوري كبر الجبل يعني احبهن كلهن وجوري ما فهمت انا شو قلت فهمتي جوري الحين
الكل:ههههههه
جوري وهي تبوسني: فهمت بس انا اريد اقولك انا احبك كثر البحر
حزنت على جوري لازم احبها هي بعد كثر البحر: طيب انا احبك كثر البحر بس جمانه اكبر من البحر ممم كبر الارض
ام زامل: ههههههههههه ماشاءالله عليك وانا
علموني اني لازم احب الله حب العبد لربه وهو حب ما ينوصف بس له شروط اني اصلي واصوم وما اكذب وما اسرق وأشياء كثيره
وعلموني اني احب امي حب كبير وانه اذا زعلت الرب بيغضب علي.. بس انا احب ماما
موضي: ماما انا احبك حب الام اسمع كلامك كله
ام زامل بحزن: آآآآه يابنتي تقطعين قلبي
موضي: ماما والله اني احبك لا تزعلي بس جمانه
زامل بعتب خفيف: يمه شو قلنا
ام زامل: يمه يا موضي روحي مع زامل حرااام تعبان ويريد ينام
وقفت من فوق السرير ورحت مسكة زامل واشرت لـ جمانه وهي ابتسمت لي فهمت قصدي باني بنوم زامل وارد لها
موضي: : اخوي حبيبي زامل نظر عيني اريد اجلس عند جمانه
زامل بنظرة الم: موضي اول شي انا مو اخوك انا زوجك
قاطعته بسرعه: ايه تذكرة كنت ناسيه
زامل وهو يكمل كلامه: ثاني شي اذا بتظلين وياهن انا بزعل عليك
ناظرت زامل وناظرت جمانه انا بعد احب زامل بس
جمانه وهي تشتت افكاري موضي: مواضي حبيبي روحي مع زامل كله ولا زعل زوجك
ناظرته: انزين بروح بس اذا ما جاني نوم
زامل: تعالي للبنات
فرحت ومسكت يده وسحبته: يالله نروح ننام
ام زامل: هههههه من البدايه كان علمتها
زامل: عاااااااد توه جاني الحل
حجرة نوم زامل كانت مثل أي حجرت عرسان
موضي: انا وين سريري
زامل: السرير كبير يكفينا الاثنين
موضي: مممم طيب ليش مو مثل جمانه وجوري
زامل وهو يسكر الباب خلفه: تعالي نامي الحين وبعدين اخبرك بالسالفه
خلع ثوبه وخذ ملابسه ودخل الحمام
...احترت جلست على السرير موب عارفه شو اعمل مافيني نوم وجمانه وجوري هناك وانا بروحلهن اووووه بنوم زامل وبروح لهن
ودقايق وزامل خارج ويمسح شعره بالمنشفه ولابس بجامة نوم لونه بيج مقلم بالعسلي والرماردي فتح الابجوره وسكر اللمبه
وانسدح على السرير ودخل تحت اللحاف
زامل وهو يرفع اللحاف: تعالي نامي
انسدحت محل ما اشرلي وتقرب مني
موضي: بتنام
زامل: ايه
كنت اناظر عيونه اريدها تغمض بس هو كان يناظرني شكله هو بعد يردني انام
موضي: غمض عيونك
زامل: ليش
موضي: مو تقول بتنام
زامل: ايه بس بالاول الواحد لازم يمر بفترة تامل
موضي: شو معنى فترة تأمل
زامل وهو يعض على شفايفه: انت يعني بسرعه تنامين من تحطين راسك تغفين
موضي: ممم لا اممم عرفت عرفت
زامل: شو عرفتي
موضي: يعني قبل انام كذا اقعد ساكته وبعدين انام
زامل: صح هو ذا
موضي: انزين انت ليش تعض على شفايفك
زامل: هههههههه ولا شي يالله غمضي عيونك اريد انام
موضي: انت بالاول غمض عيونك
زامل: لا انت الاول
موضي: لا انت الاول
حضني زامل وحط راسي على صدره
زامل: كذا احسن ما نشوف عيون بعض

موضي: صح
بس انتبهت لشي وجلست بسرعه
زامل: موضي اشفيك
موضي: شفت الدكتور قاسم الي قبل الدكتور فتحي
زامل: ايه اشفيه
موضي: والله عنده شعر كثير من هنا لهنا
واشرت باصباعي من شوارب زامل لنص صدره
زامل: وانت شدراك انه عنده شعر بصدره
موضي: هو كان يجي وفاتح ازارير قميصه
زامل بقهر: شف الحيوان
موضي: انت ليش عندك شعر بصدرك
زامل وهو يجلس ويانظر صدري: شوفي انت ما عندك بس انا عندي لاني رجال
موضي: طيب الحريم يغطوا من الرجال
زامل: صح بس الحرمه ما تغطي من زوجها وتنام عنده وتحبه
موضي: انزين انت زوجي وانام عندك واحبك صح
زامل بملل: والله هذيك دورس نظريه شرايك نخليها عمليه
موضي: شلون يعني عمليه
زامل وهو ينسدح: اقول تعالي ننام احسلنا
موضي: انت ما فيك نوم
زامل: مواضي حبيبي تعالي ننام لين اذان العصر
موضي: انت مو جوعان
زامل: لا مو جوعان تعالي نامي
موضي: انزين انا جوعانه
زامل: لما نصحى ناكل تعالي
انسدحت جمبه وهو تقرب مني رد حضني ورديت جلست
زامل: خير شعندك
موضي: عطشانه
وقف زامل وراح للثلاجه ورحت عنده خذ ماي من الثلاجه وسحبني وياها ردينا لسرير عطاني الكاسه ورد انسدح
زامل: اشربي وتعالي نامي
شربت الماي ورحت له وانسدحت جمبه
تقربت منه وحطيت يديني على عيونه لاجل اغمضه له
زامل: ليش كذا
موضي: لانه اذا ما غمضتها ما راح تنام
زامل: تدرين شلون بعطيك ظهري احسن
وقلب على الجه الثانيه
...زامل... الله يكون بعوني موضي ما تقدم خطوه للامام الله يهديها... تعبنا وياها كثير ثلاث سنوات وهي في شهار علاج متواصل لين وصلت لحالتها هذه وهي حسب كلام الاطباء هي الحين انسانه سويه وكتبوا لها خطاب وقدمته للمحكمه اثبات صحة عقلها بس هي الحين تمر بمرحلة طفوله مؤخره ولاجل كذا تركوا لنا الاطباء علاج هـ الطفوله على ايدينا بعد الله ... بس هي محتاجه زياره خاصه لطبيب نفسي هنا في جده كل اسبوعين لاجل يخفف لها جرعة المهدئات.. حاولوا في شهار انهم يخفوفن لها وبالفعل ما بقى غير نوعين وبدن في تصغيرها الحين وحده فيها تاخذ منها ربع الحبه ووحده تاخذ النص المفروض انه ما نخرجها لغاية توقفها تمام بس موضي تعلقت بالبنات وبدت حالتها تسوء اذا تاخرنا عليها لاجل كذا وعدناها اننا ناخذها اذا ابعدت نفسها عن الزعل لاجل ما تدخل في اكتئاب لانها في فترة نقها الحين.. بس المشكله انها تعلقت بالممرضه هناك وبدات مشكله جديده كانت مصره تاخذ الممرضه معانا لاجل كذا كانوا يعطونها ابر مقويه لاجل تنبذ الممرضه...
... تقربت من زامل وحطيت يدي على عيونه..
زامل: شو تسوين
موضي: للحين ما نمت
قلب وجهه علي: لا
سمعت صوت الاذان وجلست: خلاص اذن قوم صلاه
زامل: انت السبب صار لنا ساعه وما نمنا
موضي: خلاص انا ما اريد انام اللحين اذن وبكره العصر ننام
زامل: ههههههه الحين نتظر لبكره لا عيوني ننام بعد العشاء اوكي
وقفت: اوكي
زامل: على وين
تكلمت بملل: بروح اصلي عند جمانه
زامل: لا غلط تصلين هنا بحجرتك وبعدين اذا كنت موجود بالبيت تكوني عندي واذا كنت بره روحي للبنات
موضي: ليش انا ابا اجلس مع البنات
زامل: وانا اظل بروحي
موضي: انت بعد تعال اجلس ويانا
زامل: لا ما يصير كله نجلس عندهن لازم انا وانت نجلس بروحنا ولا ما سمعت الدكتور شو قال
موضي: انزين جمانه وجوري مو صغار هن كبار حتى اسالهن
زامل: ايه هن كبار بس انت كبري لاجل كذا نظل مع بعض
موضي: ممم افكر
زامل: شو تفكرين
ترن ترن
زامل وهو يرد على جواله: هلا يمه... ايه اصلا ما نمنا ...ههههه.... خلاص الحين بروح الصلاه
انها زامل كلامه وجلس
موضي: مين
زامل: امي
موضي: تباني
زامل: لا تقول صلاه وبعدين انا بروح الصلاه اصلي العصر وارد لك نصلي مع بعض العصر جماعه
موضي: ليش تصلي مرتين
زامل: لانك زوجتي ولانه اذا اميت فيك باخذ اجر ويعتبر لي سنه وانت فرض فهمتي
موضي: فهمت
صلينا العصر ونزلنا رحت بسرعه لـ جمانه وجلست جمبها
زامل: ما بطير جمانه تعالي عندي الحين بروح وانت بظلين وياهن
جوري: زامل شرايك بما انه اليوم الاربعاء تظهرنا وتمشينا
زامل: لا اليوم لا خلوها بكره اوكي
البنات: تمام
زامل: يمه نريد غداكم المتاخر موضي جوعانه
موضي: لا خلاص شبعت
ام زامل: مو قلتلكم نتغدى وانتوا تقولوا شبعانين
جمانه: ايه والله طول الطريق وحنا ناكل ونشرب شلون نتغدى
ام زامل: يمه جمانه روحي قولي للحريم يجهزن الغداء
وقفت جمانه ووقفت وياها
زامل: موضي على وين
موضي: بروح مع جمانه
ام زامل: خلها اليوم براحتها وابداء من بكره
تحركنا للمطبخ
ام زامل: يمه يا زامل وراك مشوار شكله طويل
زامل: ايه والله مهوبقصير مثل ما ظنيت
جوري: موضي تعالي حطي السلطات وياي
رحت لـ جوري وعلمتني اشلون احط السلطات
موضي: خلاص انا الي احط السلطات
جوري: خلاص صار
جمانه: موضي نمتوا
موضي: هههه لا ما نمنا زامل بس يناظر عيوني يريدني اغمض عيوني وانا اناظر عيونه اريده ينام
ناظر جمانه وجوري بعض وضحكن بخبث: هههههههههههههههه
جوري: والله انك على نياتك
جمانه: جواري
موضي: ايش ايش ايش
جمانه: ولا شي لقافه
جوري: جماااانه
موضي: جواااري جمااانه ترى ازعل
البنات: ههههههههه
موضي: ليش تضحكون
جمانه: مممم نمزح انت شفيك
موضي: انزين فهموني
جوري: ممممم تعالي عقب ما زامل يظهر من البيت نلعب بلاستيشين ثري اوكي
موضي: ايش
جمانه: هذا مثل psp الي كنت تلعبي فيه يوم نجيبه لك
موضي: الا صح وين تبعي
جوري: عند زامل
موضي: بروح اجيبه
جمانه: تعالي بالاول نحط الغداء وعقب نلعب في سوني ثري
موضي: لا انا ابا هذاك
جوري: ويييييييه مواضي والله راح يعجبك سوني ثري
موضي: ممم بس اذا ما عجبني اخذ تبعي من زامل
جمانه: هو اكيد بحجرتكم الا صح حجرتكم تهبل صح
موضي: لا حقتكم احلى انا اريد مثلها
جمانه: ويييه والله حقتكم احلى اذا تزوجت بسوي مثلها
موضي: انزين انت تزوجي زامل وانا انام مكانك
البنات: هههههههههههههههههههههههههههههههههه
جوري: والله فله بيروح عنا الطفش
جمانه: جواري عيب
جوري: والله ما قصدت شي إلااا صدق لازم نعمل بكلام زامل لاني سمعت هيام تقول انه اختها مها تقول انه دلال تقول نفسها تشوف الي اخذها زامل والله تموت وتشوفها
موضي: زامل اخذ منو
جوري: زامل اخذك انت يعني تزوجك
موضي: ومنو دلال الي تريد تشوفني
جمانه: هذه وحده زامل ما يحبها
موضي: ليش ما يحبها
جوري: جمانه شوي شوي سمعيني مواضي حبيبي حنا وياك ولا تخافي زامل يحبك ويموت عليك بس انت لازم تسمعين كلام زامل تمام
موضي: انت ليش تقولي كذا
ام زامل وهي داخله: والله الغداء وصل وانتن هنا تسولفن
جمانه وجوري: هههههههههههههههه

الجـــــــــــــ الثالث ــــــــــــــزء




بعد شهر من الاحداث
... والله قهر جمانه وجوري دوم مع بعض وانا زامل ما يخليني اروح لهم بس يبيني وياه.. افففف
زامل: خير شعندك
موضي: زامل حبيبي بروح للبنات
زامل: مواضي حياتي عمري ليتك تحسن بمعنى الكمه الي قلتيها
موضي: انا شو قلت
زامل: ابد سلامتك خليني اراجع الحسابات
تركت دفتري الي كنت جالسه احل الواجب الحين انا صف اول متوسط بس انتساب والمناهج بجد صعبه ولا الانقليش غبيه عنده بس احس اني فرحانه ليش اني بتعلم انقليش.. بس انا ادرس منازل الحين لانه الي فهمته اني لازم ابعد عن الناس الصغار ناظرت جسمي صدق جسمي كبير مو مثل جمانه وجوري يبيلي ما اكل بس اذا ما اكلت بطني يصوصو اوبييييييي شو هالحاله.. مافي غير اني اطفش زامل لاجل يطردني من هنا .. رحت جلست جمبه وتلصقت فيه... رفع عيونه وناظرني ابتسمت له ورفرت بعوني.. رد لي الابتسامه.. تشجعت وبست خده وضميته.. بس هو ترك كل شغله وضمني اكثر
موضي: انا طفشانه وانت بس تراجع حساباتك بروح للجمانه
زامل: وانا اقول انت ما تسوين شي الا لاجل جمانه ليتني هـ الجمانه
موضي: انت شو تقول
زامل: ابد سلامتك الغاليه
موضي: اروح يعني
زامل: اقول موضي شرايك شرايك ادرسك فقه
موضي: انا حافظه الفقه انت درسني انقلش
زامل: انزين توني مدرسك انقلش بس شرايك نقراء كتاب الفقه مع بعض
موضي: اوبييييييي منك انت تحب الفقه كثير
زامل: خخخخ الا اموت فيه تعالي اشرحلك
موضي: لالالا انا فاهمته وبعدين ماما هي الي تشرحلي الفقه انا ما ادرس فقه غير عندها
.................................................. ....................
ومض عقلي على مشهد رجال وحرمه طايحه تصرخ
ابعدت زامل عني وانا اصارخ واضربه بكل قوتي.. ابتعد عني وظليت امسح محل بوساته ولمساته..
زامل: موضي حبيبي اشفيك
تكلمت وانا اصارخ: اطلع بره اطلع بره بره اريد ماما ماما
خرج وثواني وشفت ماما داخله ورحت لها وضميتها وانا ارتعش من الخوف
ام زامل: زامل شو صار لها
ظل زامل يناظرها وهو مبهت
موضي: ماما يريد يغتصبني
فتحت ام زامل فمها وردت سكرته وتنهدت: زامل ممكن تخرج شوي
حرك زامل راسه بمعنى ايه وخرج وسكر الباب
ام زامل: يمه موضي استغفر الله واقرائي سوره الشرح
... استغفرت ربي وقراءة سروة الشرح حسيت بانه الجبل راح عن صدري...
ام زامل: شلونك الحين
موضي: الحمدلله
ام زامل: اشرايك نبداء بدرس القران اليوم
بدينا بدرس القران وخلصنا منه
... وكنا نقسم الدرس جزئين جزء اتعلم منه الي في المدرسه ..وجزء منه بدائة اتعلم اقراء الجزء الثلاثين وخلصت مراجعته بالغيب لانه ماما هي الي حفظتني اياه...و طبعا بدئت اتعلم القراءة نظر لانه قراتي للقران مو تمام.. وبدات من سورة البقره .. بس ما نقراء من القران نقراء أيسر التفاسير.. وماما تشرح لي التفسير.. ماما هي مدرسه... بس هي متقاعده وهي الي تدرسني العربي والدين والعلوم.. وزامل هو الي يدرسني الانقلش والرياضيات..
....
.... ظلت تقارء وتشرح لي الي في التفسير.. بس ظلت تشرح بشكل عام.. الا ان وصلت لقول الله تعالى
{نسآؤكم حرثٌ لكم فأتوا حرثكم أنى شئتم وقدموا لأنفسكم واتقوا الله واعلموا أنكم ملاقوه وبشر المؤمنين(223)}
ام زامل بعد ما خلصت شرح: سمعني يمه موضي الحين زامل زوجك والي يسويه حلال عليه
حركة راسي بالنفي ما يجي في راسي غير المشهد الي اول بس الحرمه والرجال مو واضحه صورتهم
ام زامل بخوف: يمه موضي قومي لبسي عباتك بنوديك للدكتور
حطيت راسي على رجولها وانسدحت على الكنبه مو متحمله الصداع الي فيني: لا يا ماما انا فاهمه بس في شي راسي بس ما اعرف ما اعرف
ام زامل: انزين نوديك للدكتور وهو بيعملك جلسه وإن شاء الله يعرف يحل الموضوع
ناظرت ماما وانا اترجاها: ماما الله يخليك الله يخليك انا فهمت الي علمتيني عليه بس ماما انا مو مستعد الحين الله يخليك ماما
ام زامل الي فهمت شو المغزى: خلاص يمه بكلمه وانت هدي عمرك وبعدين أي شي يسويه لك تره مو بالمعنى الي انت قلتيه له من شوي
تكلمة بخجل: ماما فهمت بس
ام زامل: انا بكلمه بس انت بعد لازم تعودي عمرك وبعدين في دورات لهالشي وانا بخليك ترتاحي يومين وعقب باخذك لهاالمراكز تتعلمين المفيد
زامل وهو يشوف امه خارجه: ها يمه شلونها الحين
ام زامل: يمه زامل البنيه توها طالعه من مرض
زامل: يمه اعرف بس بس
ام زامل وهي تبعد عنه الحرج: يمه البنيه حلوه وانا رائي عكس راي الدكتور اعزلها في حجره بروحها ولا خلها تنام عندي
زامل: يمه اخاف ترد لحالتها
ام زامل بخوف: لا يكون بتردها المستشفى
زامل: لا يمه الله هداك بس اخاف
ام زامل: زامل انا كنت معارضه زواجك منها وكنت معارضه انها تسكن عندنا لاكن قبل سنه وانا اشوف انه حياتها هنا وانه الله له حكمته في انك شفت عذاري وتعرفت عليها ولا هـ المسكينه منو كان بيرعاها
زامل: بس يمه اليوم بدت عنيفه وضربتني والله لين شبعت
ام زامل: هههههه انت خليك حولها بس لا تلمسها وانا شاكه انها مرت بظروف قاسيه مثل عذاري الله يرحمها
زامل: خساره والله عذاري الله يرحمها حاولت تشرح لي اكثر من مره بس انا اصدها
ام زامل: الحين مو وقته الندم بس هي تكلمت عن اغتصاب يعني هـ الموضوع اكيد هو سبب حالتها
زامل وهو فاتح فمه: يمه لا يكون... وسكت وهو يفكر
ام زامل: لا يكون شنو.. بس سكتت وهي توها استوعبت كلام زامل... واذا كان يعني ما تبيها
زامل وهو حائر: هاااا
ام زامل: يمه اذا كان هو ذا السبب فا اعتقد انه سبب تافه الحين انتظرتها لين خفت وكان اشبه بالمستحيل والحين توقفت عند هـ السبب
زامل: يمه ما فهمتيني
ام زامل: شو يمه الي ما فهمته
زامل: يمه ليش ليش
ام زامل وهي تشوف ولدها المحتار: زامل يمه اذا حسيت انك تعبت يمه تزوج وهذه خلها علي
زامل: يمه صعب اتزوج صعب
ام زامل بخوف: ليش يمه
زامل: يمه انا حبيت عذاري قبل وعشت وياها احلى شهرين بحياتي وعشت مع موضي ثلاث سنوات اشوفها كل يومين واتعلقت فيها كثير يمه انا احب موضي انت ما تعرفين شكثر فرحت يوم قال الدكتور انها بدت تستجيب للعلاج وانها بدت تفهم وتستوعب الي ينقال لها بعد ما دخلناها المستشفى بشهر
ام زامل: يمه احسك تعبت وياها
زامل: يمه انت الحين تشرحين لها سورة البقره
ام زامل: هههههههه وتوني شارحه لها الموضوع بس تبي شويت وقت
زامل: إنزين يمه شلون الحين اخاف تشوفني تخاف مني
ام زامل: انت ابعد عنها اليومين هذه بس خلك في الصوره لاتكلمها ولا تلاطفها ولا شي خلي كل اهتمامك على خواتك اكيد بتغار منهن وبترد تكلمك

زامل: بحاول.. يمه الله يعطيك العافيه اريد اوارقي من الداخل اخاف ادخل و اروعها
ام زامل وهي داخله: إن شاءالله ما تبي بعد ملابس
زامل: ياليت والله
...باستني وخرجت وسكرت الباب خلفها.. احترت كثير... وخجلت من عمري توني عرفت قصد زامل والله اني خبله ولا شنو معنى انه انا وهو بحجرة بروحنا... اوبيييي شو هالحاله... بس انا اريده مثل جمانه وجوري... اريده يكون اخوي مو زوجي.. ظليت ابكي وابكي لين غفت عيني...
... جالسنا على طاولة الطعام نتغدى.. غيرت مكاني كنت اجلس يسار زامل وهو مترأس الطاوله بس الحين رحت جلست بين جمانه وجوري..
جمانه: مواضي حبيبي ليش مغيره مكانك
... ناظرت زامل الي جالس ياكل وناظرت ماما الي ناظرتني.. ما عرفت شنو اخبرها بس كل الي اذكره في صوت في داخلي صوت حرمه تبكي وتقول كلام مو مفهوم.. جسمي بداء يحتر ودرجة حرارتي ارتفعت .. حطيت يدي على راسي احس هل بالفعل انا سخنت ولا لا
زامل: يمه ابوي وصل جده امس
جمانه: شي عجيب عرفنا بعد يوم من وصوله
جوري: ااااااااه وانا اقول جده مغيمه ليش
ام زامل: بنات حشمن
جمانه: والله يمه خليه هو بالاول يحشم عمره وعياله وعقب حنا نحشمه
ام زامل: جمااااانه وبعدين وياك
... كنت اسمع حوارتاتهم بس افكاري كلها في صندوق مظلم... ومنظر الحرمه والرجال .. ودم على الارض وكيس اسود وصريخ بنت صغيره... صرخت باعلى صوتي اريد ابعد هـ الضوضاء عني
وقفت ام زامل بسرعه ومسكت ماي وقرات عليه: يمه موضي حبيبي خذي شربي الماي
فتحت عيوني وخرجت من الضوضاء والصندوق المظلم الي كان كابس على نفسي.. وشربت الماي من يدي ماما..
جمانه: مواضي حبيبي شفيك
ام زامل: جمانه خليها ترتاح
ترك زامل المكان بكبره وخرج
جوري: يمه اشفيه زامل
ام زامل: خلوا الجو يهدى شوي وانا بفهمكن الموضوع
... ما كنت اسمعهن كنت مركزه علىالحرمه الطايحه شكلها مو غريب علي وانا كل ما غمضت عيوني احول بس استوعب شكلها....
موضي: ماما منو هي الي ... بلعت عبراتي خفت خفت على نفسي اكثر
ام زامل: كملي مواضي كملي يمه
حركة راسي بالنفي
ام زامل: جمانه كلمي اخوك يجهز حاله بنروح للدكتور
جوري: بس يا ماما الدوام يبداء خمس والحين الساعه ثلاث
ام زامل: انزين روحي شغلي التلفزيون على قناة القرآن
.................................................. .................................................. ..........................................
خرجت من عند الدكتور وانا متخدره... كتب لي مهدئات وانا بس من اسبوع وانا تاركه المهدائات بس اليوم رديت اخذتها... يمكن هـ الشي الي يبعد عني الافكار المزعجه الي راودتني بعد فعلت زامل وياي...موضي
زامل.... مر اسبوع على احداثي انا وموضي... موضي اللغز الحائر... ياترى شو موضوعها وشو الي خلها تفقد عقلها... بس الي خلها ترد لعقلها هو موت اختها... غمضت عيوني وانا اتذكر ايامي بـ عذاري...
... شلون تعرفت عليها وشلون طلبت اننا نتزوج .. لين اخر مكالمه لنا مع بعض
... سمعت صراخها وبعد كذا هدي الجو.. خذيت مفتاح سيارتي وخرجت من البيت
طلال: زامل على وين كذا
زامل: انت تعال وياي اخاف صابها شي
طلال: منو هذه
زامل: بتروح وياي ولا شلون
طلال: بروح بس انت هدي عمرك
وباقصى سرعه اتجهت لها... دخلت الشقه والي عندي مفتايحها... واتجهت مباشرة لحجرة نوم عذاري... الدم نشف في عروقي... توجهت بسرعه للرجال الي عند عذاري وضربته ضرب لين اتكسرت ضلوعه... طلال اتصل بالاسعاف والشرطه وجات الشرطه وخذته وجاء الاسعاف بس وصلنا متاخرين عذاري كانت منتهيه كدمات قويه كانت عليها... الكلب ضربها وبهذلها... شيك الدكتور على عذاري وهز راسه بمعنى تاخروا... بكيت عليها بكيت
زامل: ليش ليش وهي الي تريد تستر عمرها بهذلها ليش مالقى غير عذاري ليش
طلال: زامل الله يهديك تعال نروح مع الجثه وبعد نروح للكلب الي هناك شو موضوعه
.... خرجنا انا وطلال من الشقه وسكرت الباب بالمفتاح ونسيت المفتاح على الباب...
بعد 13 ساعه من الاحداث
ام زامل اتصلت على زامل: زامل يمه وينك
زامل: بالمستشفى بخلص اوراق عذاري بس موب راضين يظهروها لين توصل تقارير الشرطه
ام زامل: ومتى توصل التقارير
زامل: بكره إن شاءالله بروح لهم واحاول فيهم
ام زامل: زامل يمه وين اختها موضي
زامل الي توه تذكر: ول نسيتها والله بروح اجيبها
ام زامل: تعال خذنا وياك
زامل: خلاص جهزن حالكن
وصلنا الشقه... وشفت المفتاح معلق على الباب... بسرعه دخلت الشقه ودورت عليها... شفت الشغاله وهي بحاله مو طبيعيه...
ام زامل: ايتي وين مواضي
الشغاله: ما في ايرف
جمانه: شنو ما تعرفين
امي والبنات دخلن يدورن عليها وانا دخلت المجلس بدور عليها بس شفت الشغاله وهي خارجه من الشقه لحقتها ومسكتها صرخت عليها: وين موضي وينها
بس الشغاله خافت وصارت تبى تفك عمرها مني.. ... سمعت جمانه تصارخ وتنادي علي من الدور التحتي....دخلت الشغاله المجلس وسكرت عليها الباب بالمفتاح ونزلت للبنات..
جمانه: زامل تعال بسرعه
رحت حجرت عذاري
زامل: وينها
شفت نظرات خواتي للحمام
موضي كانت طايحه داخله وشكلها جاتها حالت الصرع... بس من وقت والحين هي في حالة اغماء... خذيتها ووديتها المستشفى...
ام زامل: يمه زامل خذ جمانه وجوري وروح البيت لاجل الناس الي هناك وانا بظل عندها
زامل: كلكن ردوا وهي هنا عندها الدكاتره
جمانه: لا انا بظل وياها والله هي ما تقعد بدون اختها
زامل بعصبيه: اختها مو انت
ام زامل: زامل يمه شفيك وبعدين لازم حد يجلس عندها ولا اقول روح جيب الشغاله
زامل وهو يتذكر الشغاله: والله هذه بكبرها سالفه
ام زامل: شو الموضوع
زامل: بوصل جمانه وجوري وعقب اخبرك يمه بالموضوع
... وصل زامل الشقه ومعاه طلال... ودخل المجلس شاف الشغاله معلقه روحها في الستاره ومنتحره....
طلال: زامل شو الموضوع
زامل: والله انا حاس انه لها يد بالموضوع
طلال: قصدك هي الي دخلت الرجال عليها
زامل وهو يدخل يده في جيبه ويكلم الشرطه
عقب ما خلص زامل من مكالمته: الحين يجون ونشوف سالفتها
طلال: والله انها لها يد ولا ما كان انتحرت
زامل: يآآآآآآآآآآه ليتني ظليت وياها ليتني خذيتها البيت عندي من ملكة عليها...
.... ثاني يوم العصر راح زامل المستشفى ياخذ امه وموضي...
ام زامل: شو صار في الشرطه
زامل: طلع واحد من المستاجرين عندها
ام زامل: ليش هي مأجره لعزابيه
زامل: لا اهله وياه بس الكلب اتفق مع شغالتها بانها تدخله واعطاها عشر الاف ريال ودخلته البيت
ام زامل: ليش هي ما تقفل الباب
زامل: كانت تقفله حتى باب حجرتها هي واختها اذا نامن تقفل الباب بالمفتاح بس ما ادري شلون نست الباب خساره يمكن يوم حست بالراحه تركته مفتوح والله انا الي ما كنت عند الثقه لو اني فاهم وعاقل كان من ملكة عليها اخذتها

ام زامل: يمه لا تأنب نفسك الي صار صار وهذا مكتوب لها.. بس شنو صار بالظبط
.... الحين جاء وقت كشف الحقائق...
عذاري: هلا حبيبي صحيتي من النوم
موضي وبطريقه طفوليه: ايه منو تكلمين
عذاري: مممم زامل
موضي صارت تصارخ وتقول كلام مو مفهوم ورمت السماعه من يد عذاري وحضنت عذاري بقوه... الي ما انتبهت له عذاري انه كان في احد بالحجره.. وهو الي خلى موضي تصارخ وتجلس فوق عذاري من الخوف كانت تريد تحمي اختها الي كانت مسدوحه
عذاري: مواضي حبيبي قومي من فوقي كسرتيني انت شاطره انت الحين صرت كبيره قومي ماما قومي حياتي
جلست موضي فوق بطن عذاري بكل ثقلها
عذاري وهي حزينه على اختها حست انها استعجلت في طلب الزواج من زامل وانها بتظلم اختها في هـ الزواجه بس هي تعبت خلاص تعبت من شيل الهموم بروحها: مواضي عزالله بتقطعين خلفي قومي حبيبي من فوق بطني
بس موضي مثل ما هي عذاري وهي مو قادره تتحمل ثقل موضي صارت تصارخ وتنادي على الشغاله...موضي لمحت دموع عذاري وشافت توتر عذاري وشافت الرجال يقرب منهن
عذاري: ايتي تعالي بسرعه ايتي
عذاري كانت تظن انه الشخص الي واقف عندها هو ايتي ما انتبهت لانه النور كان مطفي
موضي عقب ما خنقت اختها انسدحت جمبها ضمتها بكل قوتها ما تريد الرجال يقرب من اختها لانها خلاص سكتت وما تصارخ اكيد ما راح يذبحها.... بس الي صار انه عذاري بدت تكح وهـ الشي الي خلى موضي تجلس بس الرجال سحب موضي ودخلها الحمام ورماها فيه وسحب المفتاح وقفل الباب عليها.. وراح لي عذاري لاجل ينهي مهمته بس عذاري فتحت الابجوره وهـ الشي الي ما كان يرده لانها اكيد بتعرفه فخنقها لاجل ما تبلغ عليه.. بعد ما تاكد انها ماتت بداء يتحرش فيها.. بس اتفاجئ بـ زامل وهو يضربه..
زامل اول ضربه وجها له كانت على رقبته من الخلف وكانت خارجه بكل ما اوتي من قوه وهي الضربه الي كسرت رقبة خلف الشي خلاه يطيح على الارض على طول لانه اكيد جاه شلل بعد ما رقبته انكسرت وزامل ما كان عارف اثر ضربته فظل يضرب خلف لين تدخل طلال ومسكه...
خلف اعترف بانه اعطى الشغاله عشر الاف ريال لاجل تدخله وهو كان معطي الشغاله الفلوس قبل الحادثه بست اشهر... بس عذاري كانت حريصه وكانت تقفل الباب على اختها اذا خرجت وتقفل الباب اذا دخلت وما اعطت فرصه للشغاله في انها تكون متحكمه بالدخول والخروج... بس كانت غلطتها انها ترسل الشغاله تروح تشتري اغراض من السوبر ماركت القريب منهم وكانت تقفل الباب لين توصل وتشوفها من الشاشه اذا دقة الجرس وتفتح لها الباب.. وخلف سوى علاقه مع الشغاله لاجل تدخله على عذاري واعطاها الفلوس مقدما...
... بعد ما اعترف خلف بالي صار له بعد ما عرف انه صابه شلل رباعي كان مازال بالعنايه واكتشف بعد انه معاه الايدز...
ابو خلف: الله لايوفقك ولا يرحمك فاضحنا وانت صاحي وفاضحنا وانت طايح وبتظل فاضحنا وانت ميت بس ما اقول غير الله لايسامحك
خلف الي كان ما يحرك في جسده شي غير عيون وفمه: يبه سامحني
ابو خلف: انا ما جيت لاجل اسامحك انا جيت لاجل اشوفك واعتبر فيك وجبت خوانك وخواتك للعبره لاغير بس اسمعني زين امك من عرفت سواياك طبت طايحه علينا وماتت وهي غضبانه عليك ليتك الحين تحس وتتوب لربك
...وخرج ابو خلف وهو حزين على عذاري الي انظلمت من ولده.. ضب اغراضه وترك شقته الي في عمارت عذاري..
ام بالنسبه لخلف مالحق يتوب... لانه صابه نزيف داخلي.. ودخلوا العمليات.. وخرج منها وهو في غيبوبه تامه.. وصار له ثلاث سنوات على حاله...
.................................................. .................................................. .................................................. .................................................. .................................................. ..
جمانه: يمه ابوي صار له اسبوعين هنا وما مر علينا
ام زامل: كلميه شوفيه وينه
جوري: لا جمانه اذا يبينا يجينا ليش حنا مو بناته ولا بس حنانوه وبنتها الماصخه ام برطم (ام شفايف)
ام زامل: جوري عيب
جوري وجمانه: هههههه
جمانه: والله يا ماما لو تشوفينها وهي نافخه شفايفها تقولين لو طاحت من الدور العاشر على شفايفها ما بتموت لانها بطيح على بلون
جوري: هههههه
ام زامل: ليش هي مكبره شفايفها
جوري: والله لو تشوفينها ما تقولين هذه هديل
جمانه: والله العتب على امها وابوها الي ما ربوها
ام زامل: يمه هذا ابوكن
جمانه وهي تغير الموضوع لانه امهن بتدخل في محاضره بالطول بالعرض: مواضي حبيبي اشفيك
... كنت مسدوحه على رجول ماما المهدئات تخليني في خمول.. وانا ما اخذها الا اذا عقلي بداء يسرح ويفكر في امور مرعبه..
موضي: ولا شي بس ماما ليش عمي ما يجي عندك
ام زامل: هههههه حتى انت
موضي: والله صدق مثل ما يروح لهم لازم يجيكم
ام زامل: يمه انا الي بين وبينه انتهى بس لو يجي لعياله الله يهديه
جوري: خلاص اذكروا شي حسن السيره
ام زامل: جوري عيب هذا ابوكن وبعدين لازم تبرونه
جمانه وهي معترضه: يمه والله الله مايرضى انه حتى السوال ما يسال انت تعرفين انا لي ست سنوات ما شفته ولا سمعت صوته شلون شلون تبين ابره وهو حتى مصروف ما يصرف والله لولا الله ثم انت ما كان هذا وضعنا
جوري: ايه والله الحمدلله انه عمي ابو يزن كان عنده فلوس وانت ويزن ورثتوه ولا كان مدانا نشحذ الحين ونمد يدنا للي يسوه والي ما يسوى
ام زامل: بالاول حتى لو ما ورثة انا مدرسه ولا انت ناسيه هـ الشي
جوري: ايه بالحيل ما كانك كملتي دراستك عقب ما طردتي ابوي من بيتك
جمانه: بس الي انا مستغربته منك ليش ليش يمه ما تطلقتي منه وشفتي حياتك وانت صغيره
ام زامل: يمه انتوا فرحتي وسعدي
جوري: ايه صدق ماما شنو صار بموضع يزن
ام زامل بحزن: الله يفك اسره ما عندنا غير الدعاء
جمانه: ايه والله حتى الملك عبدالله مو مقصر مكلم السفاره السعوديه هناك لاجل يشوفون الموضوع
شدني الموضع وجلست: ماما منو يزن
ام زامل: هذا ولدي بكري
موضي: وينه
ام زامل: سافر يدرس في امريكا واسره بتهم مزوره
جمانه: ويعذبوه ليل ونهار
موضي: آآآه هو الي في سجن غوانتناموا
جوري: ايه هو بس انت شو عرفك
موضي: شفت قناة الاخبار وشلون يعملون لهم هناك
جمانه: مممم ماشاءالله في تطور كبير
فهمت جمانه شنو تلمح: جمانه تراني فاهمتك انت تتكلمين عني انا صرت افهم بسرعه
ام زامل: هههههههههه موضي حبيبي ماشاءالله عليك عقلك صار يستوعب اكثر من قبل
موضي: لانك تشرحين لي تفسير القران والله احس انه من كل درس ودرس اتحسن حتى صرت افهم امور كثيره في ديني وحياتي
جوري: ما شاءالله عليك الدكتور قال انه بظلي كذا يعني سنه او كثر
موضي: بس ماما الله يخليها من جيت هنا وهي تعطيني دروس القرآن والتفسير والفقه والتوحيد والحمدلله حالي تحسن بس عندي سوال عذاري شلون ماتت انا علمت الدكتور بالي اشوفه بس هو شرح لي شي غير الي اشوفه ما اعرف في شي ناقص...(الدكتور كان شارح قصة موت عذاري)
ام زامل: يمه موضي لاتسائلي عن اشياء ممكن اذا انكشفت لك تسيء لك يمه احمدي الله كثير واستغفريه واقرائي في كل صباح ومساء اذكار الصباح والمساء واحمديه على نعمة العقل وانت قبل كنت فاقدته
موضي: الحمدلله الحمدلله بس ما ادري في صراخ في راسي دوم يجيني يمكن اذا عرفته يبعد عني
ام زامل: مهما كان الي مريت فيه والي صار لك هذا مكتوب لك ولابد انك ترضين شوفيني ولدي مأسور هناك ويعذبونه وانا ما املك غير الدعاء اقوم الليل واصلي وادعيله في سجودي واترقب الاذان وادعيله بين الاذان والاقامه واترقب اوقات الاستجابه وادعيله.. انت بعد يمه حاولي اكثر ترقبي اوقات الاستجابه وادعي لنفسك
... جذبني صبر هـ الانسانه ولدها يعذبوه وهي تلبس قناع القوه امام عيالها.. وعرفت هي ليش تبكي في الليل.. انا من بعد الي استوى بين وبين زامل تركت حجرته وصرت انام بحجرة ماما لاني رفضت انام بروحي...
موضي: ماما انا اخاف انام بروحي
ام زامل الي انصدمت من كلامي: يمه شدخل هـ الموضوع بالي اقوله
موضي: مو انت كنت تبيني انام بروحي بس انا اخاف والله اخاف انام بروحي ما تعودت انام بروحي
ام زامل: ههههههه يمه اذا كان قصدك انه اذا تركتيني ونمتي في حجرة بروحك معناته انك تحسنتي فانت غلطانه لانه الخوف هذا يوجد في كل انسان وله مقايس مختلفه ما بين شخص واخر وانت الحين الحمدلله بخير وبالعكس انا سعيده انك تشاركيني حجرتي اقل شي بدل ما اراجع حفظي للقران بروحي انت تسمعين لي وانا اسمع لك
جمانه: لالاالا جوري لحقي على عمرك


جوري: لا والله وبعد كملن اشوف طاح كرتي انا واختي
الكل:هههههههههههههه
موضي: يويويوويو حسد
ام زامل: كلكن بناتي بس موضي احسها بنتي الصغيره الي كانت ضايعه ولقيتها عقب ما كبرة
حضنت ماما وانا ابكي كلامها وحبها الكبير لي مس قلبي خلاني احمد ربي على كل الي انا فيه... في ناس كثيره عاايشه بعقلها ومع اهلها بس مو سعيده وانا الحين الحمدلله سعيده.. اعرف امور ديني واعرف شلون اتعايش مع حياتي... بس زامل.. زامل هو الشي الوحيد الي كل ما اشوفه واحس بشي في قلبي ما اعرف شو تفسيره...
زامل: السلام عليكم ورحمة الله وبركاته
الكل: وعليكم السلام ورحمة الله وبركاته
تقرب باس راس ماما وجلس بعيد عنا
زامل وهو يجلس: يمه في مجموعه بيخرجوهم من الاسر إن شاءالله يزن من بينهم
ام زامل الي كانت حضنتني ضمتني بقوه لصدرها: يارب انت عالم بحالي يارب ارحم عبدك يزن ورده سالم لنا ورد كل مأسور لاهل
الكل: آآآمين
زامل: انزين نتفأل خير بس لاتعلقوا امال
ام زامل: الله كريم
مرت الايام عاديه مابها جديد وتعلمت امور كثير اولها الطبخ... وتعلمت نسج الصوف.. نسجت شنط للPSP تبعي وتبع جوري وجمانه.. نسجت بعد ايشاربات...
جمانه: مواضي حياتي احسك مثل الدجاجه الي في الرسوم المتحركه
موضي: ههههههه حرااام انا احلى
ام زامل: يمه جمانه تعلمي وسوي مثل موضي بدل ما تقعدن تقرأن قصصكن الي ما منها فايده
جوري: وييي وييي وي ماما والله في قصص يعني ما لها هدف بس في قصص تهبل واحلى شي فيها
جمانه وهي تقاطعها: قصص العشق والعشاق قالتها بطريقه هادئه عاطفه وتنهدت... طبعا هي تتريق على امها..
ام زامل: لا والله
جوري: والله يمه نقعد على القصه وندعي بعد يارب هذا ياخذ هذه وهذه تموت وهذه عساها الي منيبقايله وهذا يعلها الحول وهذه وووو وهذا يلعن خيره
جمانه: لا وبعد نظل نبكي اذا مات لنا احد نحبه في القصه والله يلعبن في قلوبنا هـ الكتاب
موضي: انزين انا اريد اقراء بعد
جمانه: ايه والله في قصه اسمها صاحب الظل الطويل والله تهبل
جوري: ايه والله قصتها كلها ماسي
موضي: لا والله يكفي المآسي الي في الطبيعه بعد اعذب روحي واقرا ماسي غير
ام زامل: ليش يمه مواضي انت مو مرتاحه
درت لماما بسرعه وبست راسه ويدها: والله موب قصدي والله اني سعيده وانا بينكم بس يعني ليش اغث عمري
جوري: لا انت يبيلك قصص عاطفيه وبس بدون مشاكل
جمانه: ايه والله بس مثل ايش تذكري
جوري: لا والله لابد من المشاكل
ام زامل: لانه المشاكل ملح الحياه وتعرفون قصة سباء وهذا اكبر دليل
جمانه وجوري: ايه والله صح
موضي: انا ما اعرف
ام زامل: هذيل قوم في اليمن الله اعطاهم الراحه وحتى السفر ما يتعبون فيه الزاد وكل شي يتوفر لهم وهم ملوا هـ الحياة وتكبروا على الله وعبدو غير الله والله ارسل لهم الفار ياكل في سد مآرب وسبحان الله .. الله عاقبهم على طغيانهم وجحدهم.. حتى بني اسرائل الله ارسل لهم المنى والسلوى ياكلون منها وكان مع موسى عليه السلام حجر محل ما ينزلون يحطه ويفيض منه الماء.. ملوا الحياه الممتعه وطلبوا انهم يزرعون البصل والبقول.. سبحان الله طلبوا الذي هو ادنى من الذي هو خير
موضي: سبحان الله كل شي بالايمان والصبر يصير حلو والواحد لابد يرضى بالي كتبه له الله
جمانه: يالله ادعوا حنا في مجلس ذكر يالله يراب ترجع يزن لنا سالم
ام زامل: امين
زامل: هلا بكل الحلوات
ام زامل: يسعدلي هـ الوجه والله منور دوم يارب
زامل وهو يبوس راس امه: ويخليك لنا يا احلى ام
جمانه: وووي زامل اليوم راضي
جوري: ايه والله غابت ابتسامته من شهر
..حسيت الدقه في قلبي.. انا السبب.. نزلت راسي وسويت عمري مو مهتمه..
جمانه: مواضي لاتزعلين هذه خبله وبعدين لما كنا ببطن امي انا كنت فوقها في الشهر الاخير وكنت متكيه يدي على راسها اكيد جاها خلل
الكل: هههههههههههههههههههه
جوري: والله يمه حرام عليك ليش رضيت ولا بعد الاخت الحبيبه كانت تمشي كثير ياااكثر مو واجعني راسي حرام ماما ليش ما كنت تمشي بالعكس
ام زامل: ههههههه لا والله انت الخبله الي كل ما رفعتك تنزلين
زامل: تبى تظهر لدنيا بسرعه تبى الشيطنه والله يااااكثر راسي واجعني من صياحك بلللل بالعه رادو اربع وعشرين ساعه تبكي.. ويحليلها جمانه والله نايمه ولا عليها فيك انا اسمع التوم اذا صاحت وحده الثانيه تصيح بس الاخت ماخذه اجازه عنك وضاربه فيك عرض الحائط
جوري: ايه والله انا كنت نايمه ببطن امي وهي ترافز ولما ظهرنا انا خذيت راحتي وصرت ابكي وهي خلاص اشتغلت كثير في بطن امي وجاء دورها ترتاح
جمانه: والله انك غبيه اصلا انا كنت اضربك في بطن امي ودوم مثبته يدك وزامل يعد وافوز عليك ولما ظهرنا للدنيا كنت قبل انام ارفزك وانام وانت تبكي واذا سكتي رديت رفزتك ما اعرف انام بدون اسمع صوتك
جوري: يادمك الثقيل
زامل: ايه والله مره جوري بس تصيح وامي مرضت وانا عاااد اضطريت وتبرعت واخذتك عندي ودقايق وامي جايه وهي حامله جمانه تصيح ومن سمعت صوت صياح جوري الانسه سكتت وغمضت عيونها
جوري: مو صحيح
ام زامل: والله حتى انا استغربت ورديتها ومن حست بالهدوء ردت تصيح بالاخير حطيتها عند زامل
الكل:ههههههههههههههه
جوري وهي معصبه: والله حرام عليكم كلكم ما تحبوني
نزلت السناره من يدي وتقربت من جوري الي كانت جالسه على يميني وضميتها: حرام عليكم والله جوري حبوبه وبعدين انتو غيارنين منها لانه صوتها احلى
زامل: هههههههههههه لا والله اصلا تشابه الصوت كبير بينهن
موضي: لا والله مو كبير انا اعرف كل وحده من صوتها وشكلها
زامل: شلون
موضي: ما اعرف بس اعرف شكل كل وحده فيهن واعرف صوتها بعد
جمانه: لا تحاولي مواضي منوا احلى فينا اعترفي
موضي: اممممم ماما احلى
جوري: ههههههه على بالك موضي بتقول جمانه والله الاول تحول مواضي صارت من اختصاص الوالده اطال الله بعمرها
ام زامل: ههههههه جواري حبيبي اشوف غيرتك زادت اليومين هذه
جوري: والله يحقلي انا اخر العنقود والمفروض تحبيني اكثر وتحني علي اكثر

موضي: ليش مو انت الي كنت تحت
جمانه: هههههههه خلي لقافتها تنفعها والله الحمدلله امي تعبت وسولها عمليه وانا خرجت قبلها
الكل: ههههههههههه
ام زامل: زامل انت سوي المشكله بينهن واضحك
جوري: ايه والله انه راعي مشاكل
زامل: ههههه مسكينه ليش انا ذكرنا ماضيك المؤلم
جوري: اصلا انا اعرف انكم تحبوني وانكم تغيظوني
زامل: لا منو قال
جمانه: والله تومي انا ما ارضى عليها
ام زامل: ههههههههه تستاهل
زامل: بلللل طاح وجهي اقول حطو عشانا وراي شغل الصباح من بدري

... حطينا العشاء وزامل له شهر ما يكلمني بس بشكل سطحي.. وانا هـ الشي معذبني شلون بعد ما كنت اظل وياه اكثر يومي يقطع عني كذا... بس انا الحين مو مستعده في اني اكون زوجه واني اكوون اسره ... ليته يعاملني مثل جمانه وجوري...
حطيت اخر صحن وجلست جمب زامل.. محد علق علي بس شفت ابتسامة تشجيع من ماما...
التقت نظراتي بنظرات زامل الي كان سعيد بهـ الحركه بس حسيت اني استعجلت... رديت له الابتسامه ونزلت راسي بسرعه... انا الخبله المفروض اني ما ابين اني فاهمه هـ الامور واني تقبلت التوضيح لهـ الامور والادهاء والامر انه خذيت الدوره للمقبلين على الزواج تعلمت امور كثير بجد خجلت من هـ الامور شلون انا كنت انام عنده وهو هذه افكاره...
جمانه: مواضي حبيبي قربنا نخلص اكل وانت صحنك ما صكيتيه... انحرجت.... وبديت اكل بس طاحت الملعقه مني لما دقني زامل برجوله... توترت غصب عني... لمساته ما اثرت فيني بس خلاص عرفت نواياه
زامل بصوت منخفض: سوري ما انتبهت
جمانه: ايش ايش
زامل: ولاشي لقافه هي ولا
جوري: ههه الي بعد ولا
زامل: يادمكن الثقيل
جمانه: ووووو اصلا انت غيران منا ولا
جوري:: ههههههه الي بعد ولا
الكل: هههههههههه
ام زامل: يمه زامل الله يرضي عليك خالتك عازمتنا بكره عندها انت فاضي ولا نروح مع السواق
زامل: لا انا بوصلكن وارد اخذكن
الكل طلع ينام ظلينا انا وماما جالسات انا انسج في الصوف..
(هو مو صوف هي خيوط على شكل صوف.. لانه الصوف ياكل اسناني... وبصراحه وانا جالسه اكتب لكم صوف سنوني تاكلني احس بنغز بين اسناني لاجل كذا ما راح اكتب صوف بعد كذا بكتب تنسج وانت فهموها عااااد...إيميلياأمل..)
ام زامل: يمه ما بتنامين
احترت خفت انها فهمت من حركتي اني برد لـ زامل..
ام زامل: ممكن نتكلم شوي عن زامل
تنهدت هـ الشي الي ما احب اتكلم فيه: على راحتك
ام زامل: يعني اشوف انك متحسسه من معاملة زامل وياك المفروض انك تسهلي على نفسك الموضوع
ارخيت عضلاتي وانا استغفر في نفسي لانه الدكتور قالي عدي من واحد لعشره اذا شفتي نفسك متوتره وعقب ردي وانا بدل ما اعد استغفر عشر مرات وعقب ارد
موضي: يمه تو الناس بس انا ما عجبني انه زامل يتحاشاني ما اعرف ما اقدر ابعد عنه وبنفس الوقت ما اقدر اقرب منه
ام زامل: على راحتك انا بروح اصلي وانت لاتسهرين كثير
موضي: بس اخلص هـ الصف واطلع لك


ايميليا أمل

الجــــــ الرابع ـــــــــزء



ثاني يوم البنات من جن من المدرسه وهن يجهزن حالهن الي تمكر شعرها والي تبرد اظافرها
موضي: انا شو البس
جمانه: لبسي التيور الابيض والبلوزه الاورنج
جوري: وشعرك
موضي: شفيه
جمانه: لا خليه طلق حلو
جوري: ماما ما راح ترضي وانت تعرفي الي هناك كلهن شعورهن قصيره ونتاتيف
جمانه: حراااام الله لا يبلانا
جوري: الله لا يبلانا
موضي: انا بقص شعري مثلكن
جمانه: ايه والله لاجل زامل يقص رقبتك على طول
....ومض عقلي وحطيت يدي على رقبتي وشفت دم وسكين.. فتحت عيوني على طول وخرجت من حجرتهن رحت حجرة ماما وجلست على السرير... غمضت عيوني وانسدحت وانا راسي يلف فيني صوت صياح الطفله في اذني وكلام وتمتمه مو واضحه... ارتعش جسمي من الخوف وقفت بسرعه ورحت للمهدئ وخذيت نص
حبه وخذيتها ومازلت ما سكه العلبه بس الصور موب راضيه تبعد عن مخيلتي فتحت عوني اشوفها في كل مكان يطيح عليها ناظري رميت العلبه على الصوره لعلها تروح.. مسكت راسي وانا اصارخ
باعلى صوتي
ام زامل: يمه مواضي مواضي قومي صلاه
جلست وانا رسي بينكسر: يمه منو منو مات رقبةمنو اتقطعت
ام زامل: يمه بسم الله عليك مواضي من متى وانتى تعبانه خذيت دواك
هزيت راسي بايه
جلست تقراء علي وتمسح على شعري
ام زامل: مواضي شنو صارلك
موضي: كنت مع البنات وقلت بقص شعري بس جمانه قالت انه زامل بيقص رقبتي
ام زامل: مواضي حبيبي تمزح ولا زامل يموت فيك
جمانه: يمه اعرف انها تمزح بس في شي في صورة دم وراس بروحها ... يمه شنو هذا شنو الي اشوفه الدكتور يقول هذه حقيقه مو خيال بس يمه شنو الحقيقه الي غايبه عني وبعدين انا اصلا ما اذكر شي من الماضي كل الي اذكره امور بسيطه
ام زامل: يمه انا ما اقدر اقولك لا تبحثي وراى الماضي بس اقولك ادعي الله انه يبعد عنك الماضي ادعي الله واترجيه واتذللي له انه يبعد عنك الماضي... يمه مو كل حقيقه تظهر تسعد او تعالج في امور لابد لها انها تكون في الخفاء..
موضي: يمه انا افعل الي تقوليه بس في امور تردني غصب للماضي..
ام زامل: يمه قومي خذيلك شاور الحين توضي وصلي واقرائي سورة الشرح واقرائي سورة الكوثر
جمانه: مواضي عيوني والله سوري بس ما حسينا فيك يوم خرجتي

موضي: لا عادي
جوري بعتب: ثاني مره اذا حسيت بعمرك موب اوكي تكلمي لا تروحي وتخلينا الا اذا ما تعتبرينا خواتك
مواضي: صدقوني والله احس انكن خواتي من لحمي ودمي حتى زامل احسه مثل اخوي
جمانه: مواضي ابعدي هـ الشعور عنك حنا خواتك بس زامل زوجك
موضي: اعرف بس هـ الشي الي احس فيه اذا قلت غير كذا فانا مو صادقه
جوري: مواضي حاولي لاتستسلمي
موضي: إن شاءالله الا صدق رديت لشعري ثاني مره شنو اعمل فيه اعمله جديله
جوري: ههههههههههههه مواضي الجدايل هذه مايسوها غير في المدارس وحتى المدارس بطلوها الحين
جمانه: لا والله ردوا يعملوها بس بفن
جوري: بفن مو مثلنا
جمانه: تعالي مواضي تعالي
خذت مساكه وحطتها على جزء من شعري وانتهت
جوري: احلفي جمانه احلفي
جمانه: والله ما عندي حل
جوري: ارفعيلها هو باهمال وشوفي هناك الاكسبوره الكبيره وحطيها على شعرها
جمانه: كذا
جوري: يس ... الحين دوري
موضي: شو تعملي
جوري: انت لا تسالين
... عملت لي ميك اب خفيف الشذو اورنج واصفر والبلشر اورنج والقلوز اورنج...
موضي: وووو روعه
اما طلعتي خطيره جوري
جمانه: والله جوري تروح المدرسه وتتعلم هناك من البنات
جوري: لا والله اكثر شي من المنتديات الله يخليهن بنات المنتدى ما يقصرن
موضي: والله النت جاب نتيجه
جوري: على بالكن العب
جمانه وهي تضرب جوري: صدقت روحها الخبله

...خرجت من عند البنات ورحت حجرة زامل لانه لي اغراض هناك وخذيت صندلي وجيت اخرج بس صدمت في زامل ارتعش جسمي من الخوف...
زامل: شلونك موضي سمعت من امي انك تعبانه
موضي: لا الحمدلله الحين افضل
زامل: اذا حاسه انك تعبانه لاتروحي
موضي: لا والله انا تمام الحين
ظل يتاملني فتره طويله وانا ودي اخرج بس هو واقف عند الباب وانا خايفه حتى من لمسه لي
زامل: موضي انت عودي افكارك في اني اكون زوجك صدقيني بتكسرين الخوف الي فيك وبعدين شي طبيعي انه في البدايه المرأه تكون خايفه والله شي طبيعي
ارتعش جسمي من الخوف.. خفت زامل يعيد التجربه الحين لانه صوته في نغمه عذبه بس مالمست شي من مشاعري .. كرهت مشاعري المتبلده.. ليش ما احس فيه وهو الي راعاني ووقف جمبي.. بس الي اعرفه اني املك له في قلبي حب كبير بس ليش انفر منه.. دورتها في راسي بعض الامور الي كنت اقرائها من الكتب الي اشتريتها من الدوره كانت تولد فيني مشاعر حلوه بس عند زامل تختفي كل المشاعر..
زامل: تعرفين انك محلوه اليوم

تحركت من امامه ورحت للدولاب فتحته وسويت اني اخذ اغراض لي بس في الحقيقه انا منتظرته يبعد عن الباب لاجل ابعد عنه
زامل وهو مازال واقف عند الباب: توعديني موضي انك تفكرين فيني كزوج
بلعت ريقي وتكلمت بصوت مخنوق: احاول
زامل: شرايك اساعدك
صرخت: لا انت لا انا انا
شفت نظرات الخوف عليه وكملت كلامي:: انا انا بروحي بعود نفسي
زامل: غلط هـ الشي يخصنا الاثنين وحنا الاثنين الي لازم نساعد بعض
صرخت عليه: انت لا
زامل وهو يرفع يده يهديني: اوكي براحتك بس حاولي
هزيت راسي وتحركت ناحيت الباب لانه شكله مطول عند الباب... تجاهلته ومشيت دفيته بيدي بادب لاجل ما اجرح مشاعره وخرجت.... كل الي اعرفه انه لازم ارعي مشاعر زوجي وانفذ طلباته بس شلون وانا ما احس فيه كزوج...
بس صدمني وهو ماسك يدي: ارجوك مواضي حاولي والله العظيم اني احبك
سحبت يدي بسرعه وخرجت وانا قلبي يدق طبول قهر ما اعرف احس انه علاقتنا ببعض غلط مو صح انا مو مكاني عند زامل أي حد ممكن يكون زوجي بس زامل لا... ليش زامل لا يمكن لاني اول ما بديت اتعرف عليه تعرفت عليه من عيون جمانه وجوري...
...نزلت عند ماما وفي يدي عباتي.. حطيتها على الكنبه وجلست جمبها بهدوء
ام زامل: يمه موضي شفيك
بلعت ريقي وفيني الصيحه بس اذا نزلت دمعتي الحين بعكر عليهم
جمانه وهي نازله: وووو شهـ الزين شهـ الحلاى زامل شافك ولا
جوري: لا شكله لا
ام زامل: بسرعه يمه تاخرنا وانتن تسولفن
نزل زامل وهو كل نظراته موجه لي... ابعدت نظراتي عنه والتهيت في لبس عباتي..
دخلت وانا اول مره اخرج والتقي بهـ العالم.. صحيح كنت اخرج واروح الدوره بس هناك العدد قليل مو مثل اليوم..
سلمنا على الموجودين وجلست بين جمانه وجوري
جمانه: موضي شوفي هذيك الي نازله من الدرجه دلال القشره
موضي: حرام الغيبه
جوري: ههههه هذه مو غيبه هذه تريقه
موضي: حرام اللمز والهمز
جمانه: اقول موضي ترى خرابك على يدينا
جوري: هههههه الناس تقول صلاحك بس صدقتي تومي العزيز لابد لنا من هـ الشي لاجل نكون اخر فله
وقفن البنات ووقفت وياهن سلمت على دلال الي سلمت علي باطراف اصابعها حتى مالحقت المسها ونفس الشي خدودنا مالصقت ببعض.. اسغربت هـ الشي
جمانه: شلونك دلال
دلال: بخير ربي يعافيك انت شلونك وينكم ما نشوفكن الا في المناسبات
جوري: والله مشاغل الدنيا عاااد
جمانه: ايه والله مشاغل انت الي وينك قطعتي فجئه
دلال: مشغوله بدراستي ولا انتن بس الي عندكن مشاغل
جوري: ايه والله مبروك سمعت من ماما انك تكملين الماستر
دلال: العلم زين يابنت الخاله والجهل ظلال.. قالتها وهي تناظرني استغربت حركتها..
جوري: بالله عليك الحين تاخذين ماستر في التغذيه وتقولين علم يا ماما روحي لامك تعطيك الدكتوراه بعد
جمانه وجوري: هههههههههه
عصبت دلال عليهن: اصلا انتن جهله ولا العلم في كل الامور
وتركتنا وراحت
موضي: والله حرام ليش تحبطونها
جمانه: معليك فيها الغيره تاكلها
موضي: ليش
جوري: مو تراااك ماخذه حلم الطفوله من يدها
استغربت وتذكرة بانهن قالن لي بانها تحب زامل
موضي: مممم بس زامل يحبها
البنات ماتن من الضحك وضربن كف بكف
جمانه: اقول موضي شكلها بدت الغيره عندك
... استغربت انا ما سالت لاني غيرانه بس حب استطلاع..
جوري: اقول في تحسن
... كرهت مشاعري ليش ما غرت على زامل ليش مشاعري متبلده والله ما احس فيه كزوج تنهدت..
وسمعت ضحكة البنات مره ثاني وبعد ضربن كف بكف..
موضي: غبيات
جمانه: ههههههههه ايه صادقه
جوري: هههههه اقول شرايك في دلال تناسب زامل
موضي: لا ما تناسبه يبيله
بس ما لحقت اكمل كلامي لانه البنات ماتن من الضحك... صدق غبيات. هذه مشكلة الي يقعد مع صغار..(والله صدق تطور)
وقفت لاني تنرفزت من كلامهن
جمانه وهي تمسك يدي: يامعوده اجلسي توها بدت السهره
جوري: هههههه اقول مواضي تراك احلى منها بمليوووون مره وزامل ماسك فيك باسنانه ويدينه لاتخافين
البنات: ههههههه
خوله: هلا بالتوم هلا
البنات: اهلين خوله والله لك وحشه ثلاث سنوات غيبه ولا تسالي ولاشي
خوله: والله اسال امي عنكم وهي تعطيني اخباركم بس تعرفون والله من دخلت هـ القسم وانا معتزله العالم اريد اخلص وانتهي ما اريد اتعثر
جمانه: الا شنو تخصصك
خوله: رياضيات
جوري: اقول شفتي بنت عمك الخبله
خوله: منو دلال
جمانه: في غيرها
خوله: خير شو عملت
جمانه: حتى ماي ما باشرتنا
خوله: انزين انتوا من اهل البيت
جوري: ايه والله بس موضي لا
خوله: اسفين الحين اباشركن
جمانه: عجب والله نطلب الضيافه
خوله: ههههه لاتكونن حساسات هذا وامكن خديجه
جمانه: يسلملي هـ الاسم وراعيه وطاريه
خوله: والله صدق البنات لليوم وانا في الكليه دوم يبعثن لها سلامات خاصه تصدقون كنت اسعد وحده في المدرسه لانه خالتي خديجه مدرسه فيها والله البنات كانوا يتمنن رضااي
جمانه: خساره على حضنا امي طلبت تقاعد
خوله: منحوسااااااات
جوري: هههههههه بس والله لنا واسطنا بالمدرسه صديقات ماما يحبونا ويعاملونا معامله خاصه
خوله: يلعن ابو الواسطه
جمانه: يا ماما هذه مو واسطه هذا تاثير ماما السحري على مدرستها
خوله: الله يخليها لكن
جمانه: خوله ما كانك نسيت القهوه
خوله: ههههه بروح اجيبها لكن

... تركتنا وراحت جلستي بين التوم غلط لانه يمدن يدهن على بعض كثير هو مو ضرب بس هي عاده فيهن ما يتكلمن الا اذا كل وحده تصقعت من الثانيه ولا يدينهن في اغلب الاوقات تكون ماسكه بعض..
والحين انا بالنص ويدينهن فوق ركبتي وماسكين بعض مع كل انفعال لهن يخبطن ركبتي وركبتي تنقز غصب عنها مالي أي يد في الموضوع
موضي: وبعدين وياكن مجلساتني بالنص والضرب كله علي
جوري: وي انت هني
جمانه: هههههه لا هناك
موضي: تصدقون صدق زامل يوم يستثقل دمكن
جمانه وجوري ضحكن وضربن كف بكف
جمانه وجوري: ههههههه في تطور في تطور
موضي: تعرفون شنو غلطتي اني جالسه مع بزر
جمانه وجوري: ههههههههه عاشوا الحريم الكبار والله
ابعدت يدهن ووقفت
جمانه: على وين
موضي: بروح لماما ابركلي
جوري: والله يا تندمين تعلمي انك ما تجلسي مع الحريم الكبار بيكبرون افكارك والله حتى زامل بيمل منك زامل يحب البنت الا افكارها طفوليه
... سكتنا على الموضوع يوم سمعنا صوت دلال وهي تقرب منا جلست محيدي بهدوء...
دلال: اسفين بنات الخاله ما قصدنا التطنيش بس انشغلت شوي
جوري: مسموحه بنت الخاله
خذينا ضيافتنا
جلست دلال هي و عزوف اخت خوله الي بعمر دلال
جمانه: عزوف شلونهم عيالك وينهم ما شفناهم
عزوف: عند اهل زوجي والله انا ما اخرج بيهم تبينهم يرجوني
جوري: حرام والله شلون نشوفهم ونتعرف عليهم
عزوف: ياشيخه خليهم انا مرتاحه كذا
دلال: والله شكله حفيدكم مطول مو جاي الحين
جمانه: بكيفه يجي وقت ما يجي
دلال: الا صدق موضي انت تستخدمين حبوب منع الحمل
موضي: هاااا
دلال: شنو الي هااا
جمانه: والله صدقها هاا شو هـ السؤال الغبي
دلال: لانه الي تستخدم مهدئات ممنوع انها تحمل
جوري: ابشرك حتى الحبوب المهدئه تركتها
دلال: مممم على بالي بعد الا صدق شلون زامل وياك يذكر عذاري كثير ولا نساها
انصدمت من سؤالها شدخل عذاري بالموضوع
جمانه: دلال ما كانك مشتغله لنا محقق اليوم
دلال: والله انا ما كلمتك يوم اكلمك ردي علي
جوري: اصلا انت الغيره ذابحتك
عزوف: بنات عيب الكلام هذه وترى بيننا غرب حشمن
جمانه: انت سامعه وشايفه منو الي بداء
دلال: شنو قلت انا جالسه اكلم الحرمه انت شدخلك وبعدين هي صاحبت الشأن ما تكلمت انت شلقفك
عزوف: دلال بس عااد
دلال: وبعدين تراها مخبل ما اعتقد فهمت شي
... قالتها ووقفت..
فتحت فمي على كبرها.. هذا راي الناس فيني ما افهم.. استغفرت ربي في سري عشر مرات
جمانه: موضي لاتاخذي على كلامها الغيره ذابحتها
جوري: ايه والله انت جمال ومال وهي ولا شي من الي عندك
موضي: بس هي عندها العقل
جمانه بعصبيه: وانت شنو هاا شنو مواضي حبيبي ركزي وياي انت مثلنا انسانه سويه.. وكنت بمرض وابتلاء والمرض النفسي مثل العضوي لابد له من علاج
جوري: سمعيني انت لو كنت مثل ما قالت انك ما فهمتي انت قيسي كلامها واوزنيه هل فهمتيه ولا لا اذا فهمتيه فيهي مخطاءه وحابه تلعب باعصابك
جمانه: بس سكروا الموضوع بيجون اهلهم هنا
... سكرنا الموضوع لانه شفنا بنات جايت علينا.. دورت الموضوع في عقلي.. صدق والله انا فاهمه كل كلمه حتى تصرفات دلال فاهمتها.. اجل ليش تقول اني ما فهمت..
موضي: جمانه بروح لماما
جوري: يكون احسن بعد
انتهت السهره على خير وما احتكيت بدلال لاني لازمت ماما
وصل زامل الساعه 11 واخذنا
وردينا البيت
بس انصدمنا بسياره داخل الحوش
ام زامل: يمه زامل سيار منو هذه
زامل: والله علمي علمك يمه
جمانه: زامل في رجال واقف عند باب الفله
زامل بعد ما ركز على الرجال الي لف يناظرهم: هذا ابوي
ام زامل: انزل سلم عليه وخذه للديوانيه
نزل زامل والرجال نزل من الدرج
زامل: هلا يبه حياك
كان ياشر له بانه يبعده من امام سيارته لانه يعرف انه امه ما تريد تشوفه
ابو زامل: ما بتسلم على ابوك ولا هذه التربيه الحسنه
تقرب زامل من ابوه وباس راسه وخشمه
جمانه وهي تخرج من السياره: ليتك يوم جيت اليوم جيت بنفس طيبه صدقني كان سامحناك وارتمينا في حضنك
ابو زامل: منو انت لاجل تسامحيني ولا ما تسامحيني وبعدين انا جاي اشوف هـ الثور وزوجته المجنونه فاضحني بين ربعي انا ما رديت من امريكا الا لاجل انهي الموضوع وارد
جوري الي خرجت مع جمانه قالت بتريقه: بل عليك لك مده طويله هنا في جده وتوك تجي ولا الادهاء والامر انك جاي لاجل زامل اجل لو محد ذكرك بزامل وخبرك بزواجه كان ما شفناك ابد
ابو زامل: تعرفون شنو انا بربيكن بروح للمحكمه واطالب فيكن وامكن ورقتها بتوصلها على الجزمه القديمه
ام زامل الي تكلمت اخيرا وخرجت من السياره: سوي الي براسك على بالك انا ما خبرت عيالك على فعايلك الشينه ترى خبرتهم لانهم سمعوا كلامنا ذيك الليله وشافوا شلون طردتك من بيتي مثل الكلب المسعور
ابو زامل الي صدق عصب: تعرفين انت بروحك يبيلك تربيه والله لا ارفع عليك قضيت طاعه وشوفي منو بيصدقك الحين واذا ماخذه عيالك شهود ترى كانوا صغار ومحد راح ياخذ شورهم
ام زامل: اسمعني زين وحطني ببالك انا ما اتكلم بالي صار ذيك الليله انا اتكلم بتجارتك في امريكا الحين على بالك ما اعرف انك تدير اكبر دور للخمار وال***** في امريكا ولا على بالك الي تسويه هناك محد يعرفه هنا اسمعني زين ابعد عن بناتي لانه المحكمه ما راح تعطيك اياهم وهذه تجارتك بس الي اريدك تعرفه اني كنت ساتره عليك واليوم نشرت غسيلك وهذا جزء بسيط لو تريد بعد تسمع افتح فمك بكلمه ثانيه مو بس بفضحك هنا بنشر سيرتك على كل الصحف وبالادله بعد
ابو زامل وهو ياكل في نفسه وينافخ من القهر: ****ه وبظلي طول عمرك ****ه بس سمعيني اذا كنتي حابه ولدك يعيش اكثر في السجن عساه لا يردونه لك... واشر باصبعينه... عندك يومين يا تعطيني اوراقي الي سرقتيها مني يا اني انا بحط تهم لولدك هناك وعاد تحملي نتايجك
ابتعد عن السياره بس رد ثاني مره ومسك زامل: وانت طلق زوجتك الحين يالله طلقها
زامل: اخوي الدوله بكبره واقفه وياه وهذا مصيره وبعدين تظن انه الموت يعذبنا بالعكس ممكن هو يرتاح من العذاب الي هو فيه وحنا بعد لانه هذا مصيرنا كلنا فاهم هذا مصيرنا كلنا وإن شاءالله هو من الشهداء بس انت شنو عملت لاخرتك هااا
كانت نظراتي موجه على ابو زامل.. وسمعت كل شي كل شي وفهمته وانا متاكده منه.. بس شهقت يوم شفته يناظرني..انا من نزلت ماما لحقتها ومسكت يدها بالقوه..
صوته يضرب براسي ضرب سمعة هـ الصوت كثير بس وين وين وشكله مختلف لانه عمره كبير بس اكيد انا اعرف هـ الانسان صوته يتحرك في جسدي من اطراف اصابعي لمنبت شعري
ابو زامل الي كان مصدوم: هي هذه
ام زامل: اطلع بره بيتي
... نظرات ابو زامل ما كانت عاديه كان تفحصيه حتى اني شكيت انه عرفني..
ابو زامل: والله شكلها شهار مليانه جميلات يبيلنا زياره لهم
... قال كلمته وخرج...
محد تكلم دخلنا البيت بهدوء و جلسنا بالصاله وكل واحد يفكر بروحه.. بس انا ما عجبني الوضع غصب عني لانه راسي يلف فيني وصوت ابو زامل يضرب فيني ضرب كل عضو من جسمي تالم من صوته..حسيت اني بين يدينه وهو يعصرني بكل قوته..ضرخت بكل قوتي: لااااااااااااااا
ام زامل وقفت بسرعه: جمانه بسرعه روحي هاتي ماي من المقري عليه
دفنت عمري بين احضان ماما وانا اصارخ: لا لا ابعد عني
ام زامل: يمه مواضي خذي اشربي الماي واسمع لصوت القارئ الي يقراء القران وابعد تفكير عن الي صار وابو زامل خلاص راح ما يقدر يسويلك شي
كنت ادفن نفسي بين احضانها اكثر اريد ادخل داخلها واحتمي فيها
جمانه: استغفري الله حياتي مواضي سمعينا
جوري: هذه الحبوب خذوا اعطوها اياه
خذيت الدواء وانا ارتعش.. حاولت بكل افكاري للقارئ الي يقراء القران في التلفزيون.. لين غفت عيوني
زامل: يمه شلون عرفتي بتجارة ابوي
ام زامل: عرفت وخلاص
جوري: بس يمه ابوي نظراته لي موضي كانت غريبه والله احسه كانه عرفها
ام زامل الي عندها نفس الاحساس... خافت لانها تعرف ماضي زوجها.. وتعرف سواياه... خافت لايكون ابو زامل له سبب في عذاب موضي... ودار براسها انه ممكن هو الي دمر هـ الاسره... بس ظلت تستغفر وتستغفر وصوتها علا وهـ الشي اربك عيالها.. اول مره يشوفنها كذا
زامل: يمه اشفيك
ام زامل الي حست في عيالها: حسبي الله عليه نكد علينا

.... صحيت من النوم وشفت ماما تصلي...
موضي: ماما شنو تصلين
ام زامل: الفجر
موضي: ليش ما صحيتيني
ام زامل: لسى باقي ما قامت الصلاه يالله قومي صلي وروحي صحي البنات
جلست بكسل وراسي ثقيل.. مسكت راسي وتذكرت الي صار بالليل.. اتعوذة بالله من الشيطان توه جاء يذكرني لاجل اخر الصلاه..
ربعت وتوضيت وصليت ورحت للبنات
موضي: صباح الخير صاحيات
جمانه: هو حد نام اصلا
جوري: موضي احسك تعرفين بابا
موضي: ما ادري حتى انا عندي نفس الشعور
جمانه: ماما نايمه
موضي: لا تصلي
جمانه: والله البارح ماما حالتها تصعب على الكل
موضي: ابوكن قاسي ومجرم
جوري: ههههههههههه حلوه مجرم
جمانه: والله تشبيه بليغ
موضي: بروح لماما اشوفها
جمانه: حركاااات والله سرتي نائبة الرئيسه
جوري: هههههه اقول طال عمرك شرايك توصلين للقياده العليا باننا نريد ان نتمشى اليوم
جمانه: ايه والله نريد نروح نصلي الظهر بالحرم وعقب نروح الهدا
جوري: لا ماينفع الجبل مسكر
جمانه: والسيل نسيتيه
جوري: لا مانسيته بس زامل عقب وفاة خويه في السيل ما يحب يروح من هذاك الطريق
جمانه: شرايكن نرووووووووووح
موضي: اقول نامن سهراااانات وبيتمشن
جوري: حركاااااات اقول جمانه صدقة عمرها النائيبة
جمانه: هههههه لا ما ارضي مواضي في مخطط براسها بس ابوك خرب كل المخطاطات
موضي: تافهات
...تركتهن وخرجت..
هديل: اقول ماما سمعت انه زوجة زامل كانت بشهار
ام هديل: والله بكيفهم اصلا العائله هذه كلها مجانين
هديل: مممم اجل ليش بابا يصرف عليهم اذا هم مجانين
ام هديل: ما ادري عن ابوك الخبل
هديل: ماما كلميه يكتب لنا محلات المجوهرات والله انها تهبل حتى كم مره رحت وشفت زامل ياخذ الغلاه اهيب عليه
ام هديل: كلمته على بالك ما كلمته بس هو يقول انه زامل يحط الفلوس في حساب ابوك وهو مؤتمنه
هديل: ااممم اجل كلميه انه اذا بغيت اشتري من عندهم ما يحاسبوني
ام هديل: ليش هو انت ناقصك شي
هديل بتوتر: هااا لا بس ليش يحاسبوني في حلالي
ام هديل: عندك ابوك كلميه
هديل: كلمته قبل وقالي مالك خص في محلات المجوهرات
ام هديل: اجل اسمعي كلامه
هديل: ليش اسمع كلامه ومعطيهم الحلال كله
ام هديل: انت شفيك
هديل: يمه انت الي اشفيك والله اغتنوا والمحلات هذه باسم ام زامل
ام هديل وهي فاتحه فمها: ايش ايش قلتي واصلا انت منو وين جايبه هـ الكلام
هديل: ماما صحبتي اخوها يشتغل بالبلديه وسالتها عن المحلات وهو سالته وهو قال انه التصاريح نازله باسم خديجه محمد شنو يعني يعني انه المحلات باسمها حتى بيتهم وكل املكهم
ام هديل: شوفي ابوك النذل الحين انا الي اعطيه مراده وساكته ما كتبلي حتى البيت هذا باسمي والله انه ****
هديل: يالله ياستي تلحلحي وشوفي شغلك
... جاء اتصال على موبايل ام هديل وشافته..
ام هديل: هلا مرحبا لا شوي مشغوله اكلمك شوي
هديل: منو
ام هديل: صديقتي
هديل: منو صديقتك
ام هديل: ليش انت تعرفي كل صديقاتي
هديل: بل عليك ما قلت شي .. انا رايحه ذرة العروس تبين شي
ام هديل: بتتاخرين
هديل: مممم حسب
ام هديل: هديل انتبهي على عمرك بنات الحرام كثار
هديل: لاتوصي حريص
... خرجت هديل وخذت ام هديل موبايلها ودقة على اخر مكالمه مستلمه...
ام هديل: هلا عيوني مو بالعاده تدق العصر
سمير: هلا روحي اشتقتلك ولا حرااام اشتاق لحبيبتي
ام هديل: لا مو حرام بس مو بالعاده انت هـ الوقت نايم في العسل
سمير: هههههههه اقول روحي بغيتك في عونه
ام هديل: ابشر بالي تريده
سمير: والله انك نعمه بس شلون زوجك الاهبل تاركك تعرفين انك تذوبين الصخر بصوتك
ام هديل بدلع: ههههههههههه وانت صخر
سمير: تسلملي هـ الضحكه وارعيته
ارتبكت ام هديل وهي تشوف ابو زامل داخل عليها حجرتها
ام هديل: اقول سميره زوجي جاء يالله اكلمك عقب
سمير: والله اني اغار اخخخ الحين هـ الشيبه يتمتع فيك وفي دلالك وانا خخخخ بس شنو نقول
ام هديل: اقول تراني مو مقصره وياك انت بعد
سمير: لا والله مقصر
ام هديل: اكلمك وقت ثاني
سمير: انزين بغيت منك سيوله
ام هديل: كم
سمير: اريد خمسين الف ريال والله محتاجهن حياتي
ام هديل وهي تشوف ابو زامل الي خلص تبديل ملابسه وجاي يجلس عندها: اوكي
سمير: اريدها اليوم ضروري سلف والله سلف لاني متحدي واحد من الربع وكسب الرهان
ام سمير: اوكي احطها لك في المشغل... وقصدها حواله بالبنك
سمير: لعيونك اصير جزمه لك واظل ملازم اقدامك ليل ونهار
ام سمير: خلاص تلاقيها في المشغل
سمير: شكرا حبي
ام سمير: العفو حياتي
سكرت ام هديل الخط لانه ابو زامل حط راسه على اكتافها
ابو زامل: منو سميره هذه
ام هديل: وحده من صديقاتي تبي غرض مو محصلته في مشغلي وبرسلها اياه
ابو زامل: اعرف انها وحده اجل واحد
... خافت ام هديل لايكون ابو زامل سمع صوته..
ام هديل: انت شفيك
ابو زامل: سلااامتك اقول حياتي مليت حيات الوحده هناك شرايك تخاويني
ام هديل: لا ما اقدر اعيش هناك واترك هديل بروحها
ابو زامل: ناخذها ويانا
ام هديل: انت تعرف رائ هديل بالموضوع
ابو زامل: والله ما اعرف شلي عاجبكم هنا
ام هديل: اقول حبيبي سمعت انه محلات المجوهرات باسم خديجه
ابو زامل: منو قالك
ام هديل: لاتنكر والله وين العدل ولا لانها جابت الولد
ابو زامل: كم تريدين
ام هديل: مثلها
ابو زامل: بس انت لك القلب كله وكل هـ الاملاك بترد لك
ام هديل: وزامل موجود وهي عندها بنتين ولاااا بعد هي على عصمتك عزالله عينا خير
ابو زامل: اقول كانك مستعجله موتي
ام هديل: لا عيوني بس الحق حق
ابو زامل: انزين يكفيك اكتب لك الوصيه بانه املاكي كلها ترجعلك عقب موتي
ام هديل: مممم اذا كذا اوكي لانه انت مابتقصر وياي
ابو زامل: ايه والله مصروفك في الشهر يكفي قبيله
ام هديل: عااااد تحاسبني
ابو زامل: لا عيوني الفلوس ليش نجمعها خلينا نمتع اعمارنا بس بالعقل
ام هديل وهي تدلع عليه: انزين نصرف بالعقل ليش لا وبعدين ليش كاتب المحلات باسم خديجه ست الحسن والدلال
ابو زامل: سمعيني حياتي انا خديجه قدمت لي معروف من قبل وساعدتني براس مال ورديت لها راس المال بالارباح وتعرفين انا كرهتها وكرهت عيالها >طبعا كل كلامه كذي في كذب بس قال كذا لاجل يكبر في نظر زوجته<
ام هديل: انزين حبيبي فهمت عليك بس بعد اريد شي باسمي عماير وهـ القصر وبس
ابو زامل: تم بكره الصباح اكلم المحامي وكله يومين وكل شي تحت يدك
ام هديل: عيوني انت
ابو زامل: تسلملي هـ العيون وراعيته


الشغاله: ماما في وحده عند الباب تريد مال انتي
ام زامل: جمانه يمه روحي دخليها
جمانه: ماما ما تشوفيني العب الحين جوري تغلبني
جوري: مواضي عيوني روحي شوفي منو
ام زامل: جوري وانا اقول انت تقومين عجيب والله من متى الصغير يتامر على الكبير
موضي: عادي ماما وبعدين انا فاضيه
ام زامل: جوري بتقومين ولا
حطت جوري ستار واخذ اليد معاها... طبعا اليد لا سلكي...
...وثواني وارتفع صوت جوري وهي تضحك بصوت عالي كلنا دارت روسنا لمكان الصوت ننتظر شو الي يخلي جوري تضحك.. بس انصدمت وانا اشوف واحد شايل جوري وداخل فيها وهي معانقته وميته ضحك
ركضت ام زامل للرجال وهو نزل جوري وحضن ام زامل ما خلى مكان في راسها ما حبها عليه وباس يدينها الثنتين ورد حضنها وجمانه وجوري ضامينه من الخلف...
ام زامل وهي تبكي: الحمدلله الحمدلله
زامل: شرايكن بالمفاجئه
جمانه: حرام عليك ليش ما علمتنا بالموعد
يزن: لانه الانتظار صعب والله صعب ما حبيت تحسبون الدقايق مثلي
ام يزن وهي تمسك راس يزن وتناظره بشوق: يمه شلونك يمه انت بخير
باس يزن راسها: الحمدلله يمه الحمدلله
ورد حضنها وهي تبكي على صدره
جمانه: يمه دوري
يزن وهو ضام امه لم اخته وباس راسها وجمانه ظلت تبوس فيه لين شبعت وظلت حاضنته
زامل وهو يمسح دموعه: يمه يزن جاء يسلم عليك وبيروح العمره
ام زامل وهي تمسح دموعه بيدها: كلنا بنروح كلنا بنروح
يزن: آآآآه يمه والله اشتقتلك اشتقتلكم كلكم
ام زامل وهي تمسك رقبت يزن: يمه شنو هذا
يزن: يمه يمكن هو الاثر الوحيد الي ظاهر علي بس هو اخف عذاب ذقته
باست ام يزن مكان الاصابه وكان عبار عن خط طولي على رقبته ... فتحت ازارير بلوزته وشافت امتداد الضربه

ام يزن: حسبي الله عليهم حسبي الله عليهم
ضم يزن امه وظل يبكي وهو ضامها لصدره..
... نطت من الفرح وضمها لصدره...
وارتفع صوت الهتاف والجماهير
هديل: سمير فكني خليني اكمل المباره
تركها سمير وظل حاضنها
المدرجات مليان جماهير وهديل لابسه بنطلون وبلوزه وعليه جكت واصلا هديل جسمها نحيل بالمره محد يعرف اذا هي بنت ولا ولد وكانت رابطه شاله النادي على رقبتها ورافعته شوي على فمها... وصبغت وجهها بالالوان لاجل محد يعرف انها بنت..... لانه شكلها لو شنو عملت بتظل بنت...
سمير: شكلها السهره صباحي
هديل: على حسابك
سمير: بالي تامر عليه
... خرجنا من الحرم الشريف ويزن ما وقف دموع..
ابتعدنا عن يزن وجلسنا على جمب لانه يزن نشروا صوره في الجرايد والتلفزيون وعندنا خبر انه من ضمن المفروج عنهم واهل البلد من يشوفوا يزن يتسابقوا ويسلموا عليه ويضموه.. كانه ولدهم ولااا في ناس تدمع عيونهم من الفرح..
الرجال الشايب وهو يمسح دموع: الحمدلله انه ردك لاهلك ياوليدي والله ما نسيتك انت وخوانك في كل صلاه وانا ادعليكم بالفرج والحمدلله على وصلوك بالسلامه وانت بعد لاتنسى خوانك الي هناك تراك اكثر واحد تعرف ماساتهم
يزن: ابشر يالوالد
الشايب: ترى عشاك عندنا
يزن: والله الاهل وياي وانا اليوم واصل بس ابشر عشاك في بيتنا وهذا عنواني
الشايب: تراني حلفت انت واهلك عندي
يزن: والله على عيني وراسي بس لو رحت وياك بيزعلون علي كثير وانتوا كلكم على عيني وراسي والله اعرف انكم ما قصرتوا فيني وانكم دخلتوا موقعي واعترضتوا وصوطولي ووصلت للمحكمه العليا وهذا بفضل الله ثم فضلكم
الشايب وهو يمسح دموعه: والله اني ذابح نياق وخرفان على سلامتك انت وخوانك
يزن: الله يخليك لي ياالوالد وهذا من اصلكم الطيب وانا وخواني عيالكم وانتوا ما تقصرون ويانا
الشايب: الله يحفظلنا ابو متعب تراه ما قصر ويانا وانا رحت له ووي اول ما دخلت عليه وقفلي وقال: تراني ما نسيت ولدك هو واخوانه وانت ولدي والله يرد لي عيالي الثانين
يزن: الوالد انت لك ولد هناك
الشايب: ايه والله وانتوا كلكم عيالي وانا حالف انه عشاكم عندي لاجل عجزي يطيب خاطرها تراك انت ولدها بعد
ناظر يزن زامل وقال: تم ما طلبت
.. وصلنا بيت ابو سعود ودخلنا..
ام سعود وهي تبكي: والله فرحنالكم والله كانه سعود هو الي وصل
ام يزن وهي تمسح دموعها: الله يرد لكم سعود سالم معافي مالك الي الدعاء والصبر
ام سعود وهي تمسح دموعها: خلونا نفرح اليوم ليش هـ الدموع وسعود الحمدلله راسلناه ووصلت لنا خطاباته وهو بخير الحين ورفعوا عنه التعذيب وسمحوا له بالصلاه والاستحمام حتى اعطوه مصحف وهو ماشاءالله يقول انه حفظ القران في ثلاث اشهر
ام يزن: شو التهم الي لصقوها في سعود
ام سعود: والله سعود عنده هندسه طبيه ومن طب المطار خذوه وقالوا انه ارهابي وتركوا زوجته بروحها في المطار وهي اول مره تروح امريكا ولا تعرف حتى كلمه انقليزي بس العيال هناك ماقصروا خذوها السفاره وكلمونا وابوها راح ردها
ام يزن: غريبه ما سمعنا بسعود
ام سعود: لانه لسى ما ادرجه تحت قائمة الي يقاضوهم وهو للحين ما قاضوه بس ابو سعود متفال خير يقول ان شاءالله يظهرو
ام يزن: كم له في السجن
ام سعود: له سنتين
ام يزن: انا يزن خذ ست سنوات راح وهو شاب ورد لي وهو شايب بس لا تخافين الحين الناس تفتحت وعرفت بـ غواتيناموا وشنو كانوا يعملون لهم
ام سعود: الحمدلله انه رد
ام يزن: الحمدلله الحمدلله والله اني كنت احلم في هـ اليوم والحمدلله
ام سعود: ماشاء الله هذيل بناتك
ام يزن: التوم بناتي والثانيه زوجة ولدي.. وانت
ام سعود: انا ما عندي غير سعود واخته ساره الي شفتوها
ام يزن: وسعود عنده عيال
ام سعود: لا والله هو اخذ زوجته وهي عروس مالها اسبوع اخذها وسافر لانه البعثه جاته علىغفله وانا وابوه اصرينا عليه انه ما يسافر بروحه تعرفين شاب والدعوه هناك خليط وهو اصلا محير بنت عمه فليش يروح بروحه وزوجناه وسافر
ام يزن: الله يصبرها
ام سعود: والله ابوها هو يصير عم عيالي جاء وجابها عندنا قال هذه بنتكم وبتنتظر ولدنا لين يرد وسعود يوم سمحو لنا بالمحامي يكلمه قال للمحامي كلم اهلي يطلقون زوجتي وهي من سمعت الخبر والله يا انها تصيح ليل ونهار وهي تترجاء عمها انه يكلم المحامي يكلم سعود ويقوله انها عيت وانها هي شريكه في الموضوع وهي مو موافقه على كلام سعود وانها بتنتظره
ام يزن: الله يصبرها ويرد لكم سعود سالم ومعافى

... خذيت شاور وصليت العشى واتهجدت وصليت الشفع والوتر انا ما اخر صلاة الوتر اخاف تروح علي نومه وما اصليها الي مع الضحى بس تكون زوجيه مو مفرده..
انسدحت على السرير لاني خبرتهم اني بنام لاجل ياخذ يزن راحته في البيت ويظلوا مع بعض بدون مضايقات مني.. كان ودي لوا اسلم عليه مثلهم بس انا غير هو غريب عني.. تذكرت يوم ظليت مبهته وانا اناظر اللقاء الحار بين يزن واهله..
ما حسيت غير بزامل الي سحبني وياه ودخلني المطبخ
زامل: موضي حبيبتي ما يجوز تظهرين لـ يزن كذا وبعدين عيوني عودي نفسك انك تلبسين حجابك لانه يزن بيعيش هنا وهذا بيته الا اذا كنت تبينا نظهر من هنا
انفجعت انا وزامل نختلي بروحنا تكلمت بسرعه: لالا انا بعيش هنا
زامل بابتسامه عذبه: انزين شرايك نفصل الجناح الغربي لاجل تاخذين حريتك
بلعت ريقي زامل يلمح لـ نفس الموضوع بس استهبلت لاجل يتركني بحالي: وماما
شفته يعض على شفايفه التحيته بغيض: خخخخ وانا
حاولت اني اعترض بادب: انت انت ممم انزين انت اعطين بعد وقت
زامل: شكثر اصبر ارحميني والله انت ما تقدمتي خطوه للامام خلينا نتعاون وهـ الشي ما يجي بيد وحده
بدات اتوتر غصب عني زامل ما يحس فيني انا اتعذب وانا اشوفه كذا وفي نفس الوقت في صوت بداخلي يمنعني... انا اشوفه بنظر جمانه وجوري فتحت عيوني وهو اخ شلون الحين اتقبل فكرة انه زوج والله تعبت من كثر التفكير
ابعدت يده الي كانت على وجهي بلطف وتكلمت بترجي: الله يخليك زامل ممكن تعطيني شويت وقت
زامل: نصبر شو ورانا نصبر الصبر زين
... قالها بقهر وخرج...
في السياره
سمير: اقول هديل شرايك نروح مكان هادي
هديل: ليش قالوا عليك اني خبله ولا شنو
سمير: لا ابد سلامتك بس صدق راسي فر من الف والدوران بالشوارع
سمير: اقول شرياك اتزوجك
هديل: لا عيوني انا اريد هـ الحريه
سمير: والله لاخليك على حريتك
هديل: بس بشرط
سمير: تم
هديل: من غير ما تسمع الشرط
سمير: من غير
هديل: العصمى تكون في ايدي
فتح سمير فمه
هديل: شنو مو عاجبك الشرط
سمير: اوكي تكون في يدك ليش انت بطلقيني
هديل: على حسب اذا حسيت انك طمعان فيني بطلقك
سمير: اوكي متى اروح اخطبك
هديل: بابا الحين متواجد وغائب اخوي مهاجر استراليا وووو متى ما حبيت نتزوج عادي
سمير: انزين ابوك راح يوافق
هديل: انت شعندك من ثروه
سمير: تعرفين انه ابوي غني وانا اخذ مصروفي من ابوي وعاطل عن العمل هذه سيرتي الحسنه
هديل: ههههههههه اذا هذه سيرتك فـ أنا اضمن لك الرفض من الحين
سمير: بشرتيني بالخير تصدقين
هديل: اجل تريده يرميني عليك
سمير: والله شنو اعمل انا شغل ما احب اشتغل وبورث كل حلال ابوي انا ولده الوحيد
هديل: وخواتك
سمير: يا ماما قصدك عواطف وغاده والله هذيل تضحكين عليهن اصرفي عليهن كم قرش ويسكتن
هديل: مممم وابوك متى راح يموت
سمير: علمي علمك بس قريب ان شاءالله
هديل: صدق ولد بار
سمير: تربيتك
هديل: شرايك تحجر على ابوك وعقب تجي تخطبني
سمير: احجر على ابوي مممممم صدق انك خبيثه بس تعرفين لك ما طلبتي من بكره بروح لمحامي واستشيره واروح المستشفى واخذ تقارير تثبت من عندهم بس تعالي ابوي ما عنده غير انه جاته جلطه والله صدق القضيه خسرانه وتاليتها بيحرمني من الورث
هديل وهي تضربه على راسه: صدق هـ الراس مافيه عقل يبه انت دورلك على واحد مزور
سمير: والله راح يكشفونا اننا نتلاعب فيهم
هديل: اوب راحت علي
بس سكتت ونطت بفكره جهنميه
هديل: شرايك نحط لابوك حبوب هلوسه وخليه يوقع على كل الاوراق ويصير كل الحلال لك
سمير: أي اوراق انت الثانيه هو انا اعرف ابوي شنو املاكه يا ماما اصحي مثل ما انتي ما تعرفين كم هي ولا شنو هي املاك ابوك انا نفس الشي
هديل: اجل انت حط له حبوب الهلوسه وخليه فتره وعقب احجر عليه بكذا تاخذ الوصايا عليه وعلى خواتك وتدير كل املاك ابوك بالوصايا وتعرف شنو لك وشنو عليك من مدرا اعماله
سمير: ياعيني على الذكاء بس فلوسه انا ما اعرف في أي بنك حاطها وصعب نوصلها بالذات اذا عرفوا اننا ما نعرف عنها شي

هديل: يعني انا اذا بابا مات بيضيع كل الحلال
سمير: اكيد وابوك انت كل تجارته في الخارج
هديل: مممم تعرف شو يجيب راس الرجال
سمير: شو
هديل: قالوها الغرب الحريم مو هم يحابون بالحريم
سمير: شنو الحريم قولي والله
هديل: والله
سمير: شلون
هديل: مو انت تقول متعرفه على وحده متزوجه وهي الي تصرف عليك خليها تغريه لك واكيد بتجيب خبره وبعدين ابوك واسمحلي راعي حريم
سمير: هههههههه بس انا مو مثله
هديل: بالحييييل
سمير: والله العظيم انا مو مثل ابوي انا احبك تعرفين شنو معنى احبك
هديل: وسلمى ليش تكلمها
سمير: لاجل تصرف علي وانت عارفه انه ابوي ما يعطيني غير بالقطاره تقولين اشحت عنده
هديل: خلاص صدقتك
سمير: والله ثم والله اني احبك لو اني بغلط عليك كان من خرجت من المباره اخذتك على الشاليه تبعنا وسويت فيك الي اريده وارميك بس صدقيني انت الوحيده الي كلمت وانت الي احب ام بالنسبه لـ سلوى فانا اكلمها بس لاجل المصروف
هديل: يعني ماسويت فيها شي كذا ولا كذا
سمير: تبين الصراحه
هديل: ياليت
سمير: يعني اشياء سطحيه بس
هديل: يالعن ابوك وتقولها في وجهي
سمير: مضطر ولا شلون اعزمك واشتريلك كل هـ الهدايا والله من فلوسها
هديل بعصبيه: سمير ابعد عني لانه موتك على يدي
نزل سمير على ركبه وباس ركبها ويدينها ورجولها ورفع راسه لها
سمير: هديل والله العظيم احبك تعرفين شنو معنى احبك
هديل: ابعد يا سمير عني ابعد تراك ذبحتني
سمير: هديل انت تعرفين اني ما اخبي عليك شي وانا هـ الموضوع ما كنت حاب انك تعرفيه لاني خايف انك تتركيني وانا اصلا ما تعرفت عليها الا لارضيك وارضي غرورك
هديل: اوكي بس اوعدني انك تتركها
سمير: وعد بس الخطه ما راح تمشي غير فيها
هديل: اوكي
سمير: انزين ابتسمي لاجل اعرف انك رضيتي علي
هديل: ليش جالسين حنا بمسلسل
سمير: هههههههه تصدقيني نفسي اخطفك واشرد فيك
هديل: ممممم شرايك
سمير: وعد علي اني لا اجيب كل املاك ابوي وارميها تحت رجولك
هديل: لهـ الدرجه تحبني
سمير: واكثر
هديل: اجل ليش تكلم سلوى
سمير: لاجلك والله وبعدين خلاص من اليوم ورايح بقطع علاقتي فيها
هديل: لا الله يخليك بالاول خذ وصايت ابوك وتعال اخطبني لاني بالفعل ما اقدر اعيش بدونك
سمير: شرايك اوصلك البيت اخاف اتهور
هديل: اوكي حياتي لانه بالفعل تعبت واريد انام
.... سلمت وطويت السجاده والشرشف ودخلتها في الدرج... ورديت انسدح ... ماما ما دخلت غير يوم جات تتهجد وردت لـ يزن اكيد تظل وياه وتنام عنده هذه ثماني سنوات ... السنتين الاولى خذ الماستر وعقبها ست سنوات بالسجن والله عمر..
ام يزن: انت صاحيه
موضي: ايه توني صليت ورديت انام
ام يزن وهي تنسدح على السرير: تصدقين موضي ما شبعت من يزن
موضي: الحمدلله انه رد
ام يزن: الحمدلله... وتثاوبت وكملت كلامها.. فيني نووووم ودي اروح انام عنده والمه بين احضاني مثل ما كنت اعملله وهو صغير
موضي: انزين يمه روحي نامي عنده واحضنيه
ام يزن: هههههههه زوجك هو الي ساحبني وجايبني لهنا ولا انا ودي
موضي: ليش
ام يزن: يقول يغااار اقول موضي شرايك تروحين تنامين عند زامل وانا ارد لـ يزن
موضي: ماما ترى يزن تعبان وجاي من سفر
ام يزن: ههههههههههههه نامي نامي تصبحين على خير
... اليوم بنروح الديره لانه شيخ القبيله والقبيله بكبرها عازمين يزن واهله بمناسبة ردتهم بالسلامه... وهم لبوا الدعوه لانه قبيلتهم وقفت وياهم ودفعت كفالات يزن رغم انه اهل يزن بامكانهم يدفعون الكفالات بروحهم وما ياثر في ثروتهم بس هذا كان رغبت الكل والكل اعترض على انه الكفاله ما يدفعها غير اهل يزن وو الكل شارك من غنيهم لفقيرهم ووما كلفهم شي لانه بالحسبه كل من يدفع مبلغ بسيط والي حالته على قده ما يروحون له بس هو يجي ويدفع مثل البقيه.. ولاجل كذا هم رايحن يشكروهم باالاول على وقفتهم وياهم واستجابه لدعوتهم...
ام يزن: موضي حبيبي انت بتكوني مع زامل وانا والبنات بنروح مع يزن
كاااانت صدمت العمر لي... تقربت من ماما وبست راسها: ماما الله يخليك بروح وياك
ام يزن: يمه انت ما تقدمين خطوه للامام وبعدين لا تخافي زامل حبوب وفرفوش في الخط
تركتني وراحت للمطبخ ..ظليت واقفه في الصاله بروحي ... جمانه وجوري من جاء يزن وهن لاصقات فيه دقيقه وحده ما يخلوه بروحه
زامل وهو نازل ويلبس شماغه: مشينا
تقرب مني وانا تركته ورحت للمدخل اعدل طرحتي
زامل وهو يوقف جمبي ويعدل شماغه: تعرفين انه عيونك ذباحه وابتسامتك عذبه
عضيت على شفايف بقوه...
زامل: شرايك نكنسلها الروحه
تكلمت وانا اجر الكلام جر: حم حم شرايك نروح كلنا بسياره وحده
زامل وهو شاد على عيونه: شقصدك
بلعت ريقي لان حلقي نشف: ااا يعني الطريق طويل ووو انا سهرانه وبنام في الطريق يعني تتسلى وياهم
زامل: على بالك مافهمت قصدك
مسكني من اكتافي ولفني له
زامل: حاولي موضي خلينا
تكلمت بسرعه وابتعدت عنه وصرخت عليه: ماراح احاول ما راح احول ارتحت يااخي تزوج غيري انت تزوجتني بدون رضاي تزوجتني لاجل تساعدني وتوقف وياي لانه مايصير تشوفني وانت مو محرم لي يا اخي مو ذنبي اني مو قادره استوعب انك زوجي صعب والله صعب بين يوم وليله تغير كل شي حرام عليك والله حرام عليك.. اذا وجودي في حياتك يعذبك انزين ردني بيتي انا وعذاري بعيش هناك بعيده عنك والله حرام ليش ليش وقفت وياي وساعدتني ليش ليش تعذبني بعذابك ما اقدر يا اخي والله ما اقدر اضغط على نفسي اكثر من كذا والله ما اقدر ليتني انا الي مت وعذاري الي عاشت .. واذا كنت متزوج عذاري هذا الشي مو معناته انك تتزوجني كان مداك تساعدني بدون ما تتزوجني
زامل وهو يصراخ: من قالك سالفة عذاري
صارخت عليه: مو مهم منو الي قالي المهم قلب عذاري يختلف عن قلبي
زامل وهو يمسك يدي بقوه ويصارخ: تكلمي منو قالك سالفة عذاري
تكلمت بنفس الصوت والشده: دلال
زامل: دلال منو
موضي: دلال بنت خالتك
زامل: انت تعرفين انه دلال تنتظر اشاره مني لاجل ارضى عليها
موضي: انزين روح تزوجها وريحني
زامل بكل هدوء وبكل حب: مواضي سمعيني انا كنت مشفق عليك ويوم قالي الدكتور انك بداتي تستجيبي للعلاج فرحت من قلب بالاول كنت اقول شفقه بس مع مرور الشهر الاول من زواجنا والله حبيتك تعرفين شنو معنا حبيتك امي تعبت وياي وهي تقول انتظارك ما منه فايده وانا اقولها يمه بتشوفين النتايج يمه الدكتور يقول هي في تطور سريع صدمتها باختها اثرت عليها وهـ الشي واضح على حالتك صبرت نفسي ثلاث سنوات والحين انت تنهين كل شي
تكلمت ودموعي على خدي: زامل الله يخليك والله تعبت تزوج غيري ماينفع نكون لبعض
بس سكت يوم حط يده الثانيه على صدري ومكان قلبي بالتمام وهو يصارخ وهو ضاغط عليه بالقوه: انتوا شنو تملكين من قلب هااا
بس حركته هذا كان لها تاثير قوي علي وحسيت بحراره في يدي وشفتها معلقها على خده
لحظة هدوء الكل يريد يستوعب الي صار
زامل: موضي انت طالق طالق طالق
صرخت: لااااااا زامل انا
ظهر من البيت مثل الصاروخ
:زامل انا اريدك كاخوا ليش طلقتني ليش تحرمني من شوفتك ليش انا احبك زامل والله العظيم احبك بس في شي داخلي يمنعني عنك زامل لاتتركني لحالي عذاري وراحت وامي وراحت ووصال وراحت انا منو بقيلي ليتني رحت قبلهم ليتني مت ليش العُقاال ماتوا وظليت انا المجنونه ليش
طاحت نظراتي على ماما الي كانت واقفه عند مخرج السيب الي من عند المطبخ وهي تمسح دموعها
ورفعت عيوني شفت جمانه وجوري ووجههن محمره وعيونهن مدمعه
...انا شنو عملت ضيعت عائلتي بغبائي...
بدات افقد السيطره على فمي ولعابي بدا يسيل وطحت من طولي وانا ارتعش ... الدكتور قال انه كان عندي مرض الصرع النفسي وهو يجي مع الزعل...وغيمت الدنيا علي
زامل: هاا يمه شلونها الحين
ام يزن: بخير وعافيه انتوا وصلتوا
زامل: خلاص دقايق وحنا عندهم بإذن الله
يزن: زامل إن شاءالله انها بخير بس انت استعجلت وطلقتها
زامل: الي صار صار
يزن: الحمدلله على كل حال
زامل: الحمدلله
وصلوا و اول ما وصلوا استقبلهم بالعرضه السعوديه الخاصه باهل الجنوب
... صحيت من نومي وشفت المكان متغير علي وعرفت اني بالمستشفى..
ام يزن: شلونك يمه
... هااا الكلمه مست كل شراين قلبي... انا سبب عذاب ولدها وهي تقولي شلونك يمه بكل حنيه
موضي: ماما طلبتك

ام يزن: على هـ الخشم
موضي: ما اريد اشوف حد
كانت الصدمه قويه عليها وظلت ساكته فتره وعقب باست راسي وخرجت
... بكيت من كل قلبي عليها ما ودي اخسرها مثل زامل..
...كنت رافضه اشوف أي حد... ما كان عندي وجه اقابل فيه هـ الناس الطيبه بعد الي سويته... بس الي ما حسبت حسابه.. يوم دخلت علي الكتوره
الدكتوره: ازيك ياموضي عمله ايه النهرده
موضي: الحمدلله
الدكتوره: خلاص افراج النهرده هم اهلك تاخروا ليه
سكت ما عرفت شنو اقول
الدكتوره: على العموم ممتك كلمتني وألت انها في الطريئ
..دق الباب وصحيت من سرحاني..
ام يزن: السلام عليكم
موضي: وعليكم السلام
وقفت وبست راسها ورديت جلست على السرير وانا اناظر رجولي
ام يزن: يالله يمه لبسي عباتك كتبولك خروج
...لبست عباتي لانه ما عندي خيار لو بيدي كان جلست بالمستشفى... بس انا بمستشفى خاص وهم الي يدفعون لي الحساب...
ارتحت يوم شفت يزن هو الي يسوق فينا
وصلنا البيت ودخلت ورى ماما وهي جلست على الكنبه وانا ظليت واقفه ناظرت البنات الي من دخلت وهن راميات فيني عرض الحائط ومو مهتمات بوجودي يحقلهن عاملتهن بالسوء وهن عاملون بالحسناء
ام يزن: موضي البيت بيتك يمه بس انا لي عتب عليك بس ترتاحين بكلمك في الموضوع
... ظليت مثل ما انا واقفه اناظر ماما الي كانت تقراء كتاب رياض الصالحين
ام يزن: نزلي غطايتك وسلمي على خواتك
نزلت غطوتي وتقدمت اسلم على جمانه وجوري الي شكلهن بيشوتوني تشجعت ورحت لهن خفت من مواجهنهن والحين برجولي اروح لهن
مديت يدي لـ جمانه وهي مدت يدها وهي جالسه..
مو هذه جمانه الي حبيتها قلبها قسي علي.. بس انا استاهل انا الي جبته لنفسي
ظليت ماسكه يده بالقوه اريدها تناظرني بس هي مطنشتني .. نزلت راسي وبست يدها.. هـ اليد ياااااما حضنتني وانا محتاجه لها.. بس جمانه وقفت بسرعه وحضنتني وصرنا نبكي وعلى صوتنا
تكلمت من بين دموعي: اسفه جمانه ساموحني كلكم والله حاولت في اني اكون زوجه لـ زامل والله حتى افكاري رافضه هـ الشي يمه الله يخليك سامحيني يمه انا مالي احد غيركن يمه انا انا
ما كنت اشوف من دموعي وعبراتي بس حسيت بـ ماما وهي تلمسني وانا سيده رميت نفسي في حضنها: يمه انا اسفه يمه انا انا ما استاهل اكون بينكم يمه انا ما قدرت الي عمله لي زامل بس يمه موب بايدي غصب عني
ام يزن وهي تمسح دموعها: اذكري الله يمه الحين واهدي خلاص الموضوع انتهى وهذا بيتك وحنا هلك
نزلت ابوس يدها لاجل ترضى علي هـ الايادي هي الي حضنتني هـ الايادي هي الي راعتني.. ترى حالتي كانت صعبه وهن تحملوني..
مسكت وجهي بين يدينها
ام يزن: يمه خلاص لاتقطعي قلبي حنا غلطنا يوم وافقنا زامل على قراره سامحينا يمه نسينا انه لك رائ في هـ الموضوع ضغطنا عليك بدون قصد سامحينا يمه
بست راسها وحضنتها..
... انتهت الحفله يالله مسحو دموعكن يا قرائ العزيزات... ههههههه...


ايميليا أمل

الجــــــ الخامس ــــــــزء

سلمت على جوري وضمينا بعض
جلست ومثل العاده بين جوري وجمانه
جوري: خساااره خربتي علينا الخطه
موضي: أي خطه
جمانه: قلنا ما بنكلمك ليش اننا زعلانات منك لانك ما كنت تسمحين لنا بزيارتك
موضي: اسفه والله غصب عني كنت مستحيه منكن
جوري: يالله شكثر قلقلنا عليك وانت تدلعين علينا
موضي: والله جد ما كنت اقدر اواجهكن
جمانه: الا صدق متى قابلتي دلال
موضي: مره دقت ع التلفون وانا رديت وشرحت لي كل شي بس انا ما اهتميت بالموضوع زامل هو الي.... سكت لانه المفروض ما اتكلم
جمانه: الي شنو
موضي: خلاص ماضي وانتهى
جوري: اوكي ماضي وانتهى اتمنى هـ الشي ما ياثر في علاقتنا مثل ما فعلتي في المستشفى
يزن من عند الباب: خلصت الحفله
الكل: هههههههههه
صدق انحرجت بس ضحكت وياهن لانه الموقف كان مضحك
وقفت ودخلت المطبخ
يزن: نصيحه يا جمانه لا تبكين تهججين الواحد
جوري: هههههه احلى جاء من يعطيك على راسك
جمانه: ههههه هذه جوري هي الصياحه ولا نسيت
يزن: ايه اسفين غلطنا
جوري: حراااام عليكم يمه انت السبب ليش خليتني تحت
الكل:هههههه
ام يزن: جوري روحي لـ موضي لا تخلونها بروحها البنت بعدها تعاني
جمانه وهي توقف: انا بروح لها
جوري: وانا بعد
راحوا البنات للمطبخ وتقرب يزن من امه
يزن: يمه كلميها بينك وبينها انها تبعد عن زامل وما تخليه يلمح حتى ظلها وانها تنسى الي كان بينها وبين زامل يمه زامل صدق حبها وتعلق فيها وهي بالاخير خذلته ولاااا بعد لها عين القويه تلومه
ام يزن: يزن يمه شفيك صاير قاسي
يزن: يمه زامل مهوب زامل الاولي يمه زامل تغير تغير كثير ترى بين الشباب مو هو نفسه الي عندكم هناك دوم هادي وساكت انت تعرفين شنو قالي قالي كلم الوالده تخطبلك موضي والله صدق تغفل ولدك
ام يزن: هو قالك تكلمني لاجل اخطب لك موضي
يزن: شفتي شلون والله يحبها ويوم عرف انها رافضه تقابلكم عرف انها مستحيه منكم وقال لازم اخطبها لاجل تعيش عندنا لانه ما عندها احد وانها ممكن تصر على انها ترد بيتهم
ام يزن: لاحول ولاقوة الابالله وانت شو رايك
يزن: من صدقكم انتوا والله لو هي اخر واحده بالكون ما اخذتها
ام يزن: بس زامل معاه حق
يزن: لاجل نعيد التجربه
ام يزن: انت غير زامل من فتحت عيونها وهي تشوفه بعيون جمانه وجوري
يزن: يمه لاتحاولي وبعدين انا اعتقد انه من الاسبب القويه بعد في اني اتزوج موضي هو انه زامل مو قادر ينساها وبيحطني في المدفع لاجل ينساها
ام يزن: انزين وانت ساعده لانه بالفعل صعب يعيشون تحت سقف واحد اذا هو يحمل لها هـ الحب الكبير..
فتح يزن فمه على كبرها
ام يزن: يزن شفيك بلمت كذا
يزن: هاا
ام يزن: شفيــــــــك
يزن: ايه والله صعب يعيشون مع بعض.. تعرفين يمه كان يقولي انه مروئته هي الي تمنعه عنها اوبييي والله شنو هـ البلشه
ام يزن: انت شرايك في الموضوع
يزن: لاااتحاولووون ما اخذتها لو على قص رقبتي.. ليش ما عندي دم اخذ حبيبت اخوي لو انه ميت كان اخذتها بس هو عايش على الارض اخذها ليش ولااا هي ما تحبه ليش اضحي بعمري هااا أنا توني شباب
ام يزن: ههههههههههههههه ايه بالحيييل شباب والله عمرك صك الاثنين والثلاثين وتقول شباب يمه روح شوف شعرك شلونه
يزن: هههههه صبغه يمه صبغه
ام يزن: ايه صبغه أبديه
يزن: هههههه يمه والله اني شباب بس العذاب الي شفناه شيب روسنا تعرفين يمه مسكوا واحد باكستاني عمره 17 سنه والله حتى حجاجه شيب
ام يزن: فكوه
يزن: الحمدلله وله سنتين اعتقد


....سمير: هلا سلامي شلونك
ام هديل :هل حبيبي
سمير: زوجك سافر وينك انقطعت اخبارك
ام هديل: سافرت وياه ورديت انت شلونك
سمير: بخير ربي يعفيك اقول حياتي ممكن طلب
ام هديل: تم انت امر بس
سمير: يخليلي هـ القلب الطيب اقول عيوني بصراحه انت تعرفين انه الوالد بخيل وبالذات هـ اليومين ما يعطيني فلوس وووهو يكرهني كره يحب اليهود ولا يحبني
ام هديل: افااا ليش
سمير: متشائم مني بالله هذا سبب الحين
ام هديل: والله ما عنده سالفه
سمير: المهم بغيتك في مهم
ام هديل: مهمه
سمير: شوفي انا بعطيك رقم الوالد وانت والله كلامك وصوتك يذوبن الصخر فـ مابالك برجال رجل بالدنيا ورجل بالقبر والله بيذوب ويطب ساكت
ام هديل: ههههههههههههههه لا والله
سمير: والله كلي الي مطلوب منك تكلميه وتسايره وتاخذين بس معلومات وين حط فلوسه في أي بنك وانا عقب بتصرف
ام هديل: شلون
سمير: شوفي بصراحه انا اريد اخذك بالحلال واريدك تطلقين من زوجك وقبل لا اخذك اريد تكون عندي ثروه وهـ الثروه ما تجي الا كذا وبعدين اذا مو مصدقتني تراني اخذ مصروفي منك شعلي واثق من مكانت في قلبك بس احب اكون انا الرجال الي يصرف ويكد على حبيبيته
ام هديل الي فرحت بكلام سمير وبنت امال واحلام تكلمت وهي تقاطعه: خلاص عيوني والله لو تبين ارقص له رقصتله
سمير: سجلي الرقم*******
ام هديل: كلها اسبوع والرقم يكون عندك بس تعال لا يكون ابوك مطوع
سمير: هههههههههههه لو هو مطوع كان حرمني من النعمه ياحياتي هو فلوسه كلها يرميها في بارات مصر
ام هديل: اوبيييي والله ابوك متصابي
سمير: بالحييييل
ام هديل: خلاص اعتبر اني وصلت كل شي
سمير: شكرا حياتي
ام هديل: العفو هو كم سمير عندي
سمير: واحد
هههههههه
.................................................. ................................

ام هديل عمرها 37 اتزوجة وهي صغيره ابو زامل وهو عمره الحين خمسين مع ذالك فهو شباب بس عمره كله مخليه لشغله في امريكا..
..................................................

ابو زامل: شنو هههههههه والله انا كنت متاكد من هـ الشي بس تعرف شلون برد لهم عقب اشهر يوم اشوف بطنها قدامها والله لاخليهم يموتون من القهر.. وانت يوم تحمل بلغني لاجل اشوفهم ينهارون قدامي
سكر الخط وهو ميت من الضحك: ههههههههههههههه ...روايني وين لسانك يا خديجه موتك على يدي بيكون وانت تشوفين ولدك انهبل هو وزوجته هههههههههههههههههههههههههههههههههههههههههههههههههه ه
..................................................
ام هديل: هلا فواز هلا حبيبي
فواز: هلا عبير هلا عيوني
ام هديل: لا تقول عيوني لاني زعلانه عليك
فواز: افاااااااا وانا ما عندي علم
ام هديل: تستهبل حضرتك ولا شو
جلسوا في المطعم الي دوم يلتقوا فيه
فواز: والله لك عيوني بس انت تردين كل هداياي معقولها كلها ما عجبتك
ام هديل: اسمعني حبيبي انا عندي مثلهن اضعاف بس ما عندي الي يرعاني وانا بصراحه مو عاجبتني حياتنا كذا بالذات وانت ارمل يا اخي تعال تزوجني انا بعد ارمله وبروحي
فواز بفرح: والله وين بيتكم والحين انا عندك
ام هديل: انزين انا عندي املاك شعرفني انت تضحك علي وهذه الهدايه متسلفهن ولا سارقهن مثل ما نسمع هـ الايام
فواز: افاااا الحين انا اتسلف واسرق الهدايه حرام عليك تراك ما تعرفيني
ام هديل: اثبتلي
فواز: شلون اثبتلك تعرفين شلون انا اموالي كلها في بنك ***** وكلمة السر هي **** بس ما راح يعطونك فلس واحد لانه لابد اني ادخل صوتي ولا غير كذا الجهاز راح يرفض صوتك ولا بعد يعرف اذا كان مقلد او جهاز مغير الاصوات لانه جدا حساس وانت دقي واسال اذا صدقت تزوجنا بكره واذا لا ننسى بعض
ام هديل حطت يدها على يد فواز ابد ما توقعت انها تضحك عليه بهـ السهوله
فواز مثل عمر زوجها وهو وسيم رغم كبر سنه بس هي خلاص حطت امالها على سمير
...........
سمير: ههههههههه والله صدق الوالد مغفل
ام هديل: اوكي متى تبينا نتزوج
: انت بالاول تطلقي من زوجك وانا لسى باقيلي ادبر خطه شلون اخذ هـ الفلوس ونروح نهاجر اسبانيا ترها ارض العشاق
ام هديل: هههههههه
. .................................................. ................................

فواز: اشفيك تتهربين مني
ام هديل: لا حبيبي وين اتهرب منك بس حياتي انا مشغوله هـ الاسبوعين تعرف ملتقى سيدات الاعمال..وحركات والله مشغوله بس حبيبي اوعدك اذا انتهى بروح فرنسا واجيب ازياء للمشغل
فواز: عيوني اشرايك اروح وياك
ام هديل: والله ودي بس اخوي وانا قايلتلك منقبل شاد علي
فواز: اوكي حبي انتظرك بس لاتقطعين
ام هديل: هذا رقمي انت المفروض الي تسال لاجل اطمن اني ع البال
فواز: خلاص عيوني كل يوم الساعه عشر وانا داق عليك
ام هديل: ههههههههههههههه والله صدق عجوز يا بابا الساعه عشر انا اكون في الذره مع صديقاتي بس تعرف انا اكلمك يوم افضى
فواز: متى تفضين انت والله مثل النحله واتقؤين
ام هديل: اذكر الله
فواز: لا اله الا الله
.................................................. ................................

ظهروا من المحكمه متزوجين
سمير: والله انا اسعد انسان في الدنيا
هديل: تصدق سمير كنت اضن انك تضحك علي
سمير: والله ما تعرفين انه الله ابتلاني بحبك يابنت الحلال انت في كل خطوه اخطيها تكونين في خيالي
هديل: انزين لي طلب شرايك نروح بيتنا ونعيش هناك ... لين نقم حفل العرس الاسبوع الجاي ..ماما بروحها
سمير: اوكي حبي بس انا حاجز في فور سيزون لمدت اسبوع وتعرفين عرسان وما نبي دوشه
هديل: ههههههههه لاتخاف ماما على طول مشغوله واصلا اعتقد انها بتروح باريس تدورلها على فستان للعرس
.................................................. .....................
ام هديل وهي تشوف الاوراق: تزوجتي بدون شورنا وبدون طقطقه
هديل: والله يا ماما انا يوم الاربعاء بيكون العرس ووو تعرفين كل شي جاء مستعجل
ام هديل: شو الي جاء مستعجل
هديل: يا ماما انت عمرك راح مع ابوي حتى البيت الي تعيشين فيه ما كتبه باسمك من درى يزن وصل سافر وانت ما تعرفين عن شي
ام هديل: وانت شنو اعطاك من املاك ياعيني
هديل: والله كل املاكه صارت باسمي حتى امواله الي في البنوك صارت باسمي وانت شنو تملكين فيزى كرت اذا مات ابوي منو بيعطيك فلوس ولا تظني مشغلك هو الي يجيبلك الملائين
ام هديل: وينه عريس الغفله
هديل: انزين باركيلي بالاول لاجل اعرف انه مرغوب فيه هنا ولااا ترى بروح الفندق
ام هديل: خلاص شو نعمل عايشين بامريكا
هديل: والله بصراحه انا هي هذه تربيتي وهي هذه افكاري وعاجبتني حياتي
ام هديل: كيفك بس ابوك
هديل: انت معليك في ابوي والله انا اقول لو تروحين وياه افضلك اخاف يرد لك بامراض انت في غنى عنها
ام هديل: هديل انت شفيك اهبلتي من ملكت الاموال
هديل: توني احس بطعم الحريه صدق
..وخرجت ودخلت سمير..
هديل: هذه ماما وهذا سمير زوجي
اللقاء كان غير متوقع بس كلا واحد فيهم سوى عمره مايعرف الثاني
هديل: ماما شفيك سلمي على سمير
ام هديل: شلونك سمير
سمير: بخير حماتي



(هذه القصه حقيقيه مثل ما انا انصدمت فيها حبيت اشوف ارائكم فيها .... والله صدق الي يعيش في بلاد الكفر ويتربى فيها يكسب ثقافاتهم فيها...ولاااا بعد هـ العائله ماتصلي غير صلاة عيد الفطر..)
.................................................. ................................

الي اسمعه انه انتهت عدتي والاختبارات النهائيه على الابواب
تركت دفتري وقمت...
خرجت من حجرت ماما وتركتها نايمه

وقفت عند باب زامل غمضت عيوني ما ادري شنو صابني ودي ارتمي في حضنه وابكي زامل تغير كل اهتمامه شغله ما صار يجلس بالبيت مثل قبل طول يومه بالديوانيه ولا بالمؤسسه... ولا قدم يكمل الماستر في جامعة عفت بس انتساب..

فتحت الباب ودي اشوفه صارلي اربع اشهر وانا ما اشوفه حنيت له...
دخلت شفته وهو نايم وصدره مكشوف... ... تقربت منه وغطيته بس هو ربع صاحي
زامل: موضي شو تسوين
بلعت ريقي: زامل انا انا اسفه ارجوك تسامحني
وقف على طوله: موضي رجاءً اطلعي بره
تقربت منه بس هو سحبني من يدي وخرجني بره حجرته
تركني ولفيت اناظره: زامل انا احبك ليش ليش تعاملني بهـ الاسلوب والله ما اتحمل تطنيشك لي ولا اتحمل بعدك

سكر الباب في وجهي وسمعت طق المفتاح
جلست على الارض وانا ابكي بصمت...
حسيت بيدي بتنكسر وقفت غصب عني مو برضاي حد وقفني غصب عني لفيت اشوف منو الي وقفني انصدمت يزن ... يزن ما غيره يناظرني بكره وحقد اعرف اني غلط على زامل بس غصب عني ياناس فهموني..
..
يزن من بين سنونه: ليش تعذبيه انسيه يابنت الناس
... سمعنا وقع اقدام على السراميك... سحبني ودخلني حجرته... حجرته كانت مقابله حجرة زامل الجديده...
كان يعصرني بين يدينه الثنتين من قهره فيني
يزن وهو ينافخ: يوم كان يبيك بالحلال تسعين له بالحرام يال****ه تبينه يوقع في الحرام هاا
انفتح الباب وانا ويزن سكتنا وانصدمنا بالي نشوفه
ام يزن وهي شوي وتنفجر: شو تسون هاا
تركني يزن وظليت مثل اللوح منتظره حد يحركني بس صوت انفاسي هو الوحيد الي يتكلم في هـ الحجره
توجه يزن لامه وسكر الباب خلفها: يمه انت فاهمه المو
ام يزن بصرامه: لو اعرف انك بتنزل راسي الارض كان دعيت عليك انك ما ترد من الاسر
يزن: يمه انت
ام يزن وهي تعطي يزن كف بكل قوتها اجبرت يزن على السكوت
ام يزن: بكره من الفجر نروح انا وانت واخوك وموضي المحكمه وتملك عليها
.... فتحت فمي وانا مو فاهمه شي ضاعت كل علومي....

سحبنتي وياها بدون أي كلمه اضافيه
رمتني على السرير وهي جلست على الشزلون
كنت اناظرها وهي ما تكلمت ظلت ثابته مثل المسمار انا ما تجرائت اكلمها


ظلينا على هـ الحال لين اذن الفجر
وقفت ودخلت الحمام وخرجت وهي متوضيه وصلت وانا اناظرها خلصت صلاه وظلت على السجاده تسبح
وقفت ورحت توضيت وصليت وشفتها تقراء قران على السجاده
رديت سجادتي مكانها ورديت جلست على السرير وانا اناظرها ودي لو تناظرني بس شكلها كرهتني موت وانا ما اقدر اكلمها اخاف تضربني مثل يزن

شرقة الشمس وسكرت القران قامت صلت الضحى
خرجت وبعد ساعه وهي داخله علي
لبست عباتها وناظرتني نظره سريعه
لبست عباتي وخرجت خلفها
تغطيت وانا اشوف يزن وزامل جالسين في الصاله الي تحت
زامل: سرينا
ام يزن: ايه قبل الزحمه
...وقعت واعطيت القلم يزن..
رجعنا البيت ومحد تكلم
طلعت ماما وانا طلعت وراها
دخلت حجرتها ودخلت وراها
خلعت عباتها ودخلت الحمام وخرجت وهي ماخذه شاور ومبدله ملابسها ... راحت للتسريحه نشفت شعرها وردت انسدحت على السرير

جلست جمبها على السرير وانا فيني الصيحه...
موضي: يمه سمعيني
بس شفت ماما تمسك جوالها وتدق على رقم
ام يزن: تعال خذ زوجتك
وسكرت الخط بسرعه هي هذه الكلمات الي الي قالتها ما زادت حرف ثاني
... دقايق ويزن عندنا...
ناظرت ماما وهي دخلت تحت لحافها وتغطت... رافضه تكلمنا او حتى تشوفنا
مسك ذراعي ووقفني
وقفت وانا اناظر ماما... ناظرت يزن الي كان يناظر ماما بحزن.. ورد ناظرني وكشر وجهه.. سحبني وخرجنا..وخرجنا من الفله بكبرها... دخلنا الملحق.. ومن دخلنا تركني وراح جلس على الكنبه... ظليت واقفه مبهته شو الي صار.. كل هذا يصير في اقل من اثنعش ساعه.. جلست على الارض وانا محتاره حياتي صارت صعبه..وانا مو فاهمه شي..
شفته خارج من الملحق لحقته وتمسكت فيه
ناظرني وهو مشمأز مني
بكيت لانه بيتركني بروحي وانا اخاف اظل بروحي: وين رايح
يزن وهو ينفض يده مني: موشغلك
بكيت: حرام عليك والله اخاف اظل بروحي حرام عليك

سكر الباب ودخل الصاله ودخل حجرة وسكر الباب... بسرعه رحت له وفتحت الباب وشفته رامي شماغه وثوبه على الارض... ناظرني ووده يموتني
يزن: اطلعي بره بالطيب
فتحت فمي بس تشجعت: اخاف اظل بروحي
رمى فيني عرض الحائط بنظراته وطنشني ورمى نفسه على السرير وتغطى
... كان النور منخفض جدا المكان غريب وموحش.. جلست على الارض جمب السرير والكمودينه ومن الناحيه القريبه من يزن لانه بجد المكان موحش...
..
غفت عيني لانه صارلي اربع وعشرين ساعه ما نمت

...............

....... صحيت وانا اشوف نفسي نايمه على الارض استغربت المكان انا وين جلست وناظرت للسرير بس ما شفت احد.. وقفت بسرعه والمكان كان شبه مظلم خرجت من الحجره بسرعه ونفس الشي الصاله كانت نفس اجواء الحجره شبه مظلمه الاضاءه خفيفه... رجعت لين اصطدمت بالجدر وانا مستوحشه المكان والهدوء... غمضت عيوني ... ومض عقلي على مشهد.. نور خفيف كنت اناظر منه ومكان هادي... وحرمه طايحه وشوي رجال يدخل الحجره ويروح للحرمه... وحركة راسي وانا ابعد هـ المشهد عني... ثقل فمي وفقدت السيطره عليه وارتعش جسمي وطحت على الارض...



بعد اسبوع
فتحت عيوني وشفت المكان متغير علي بس عرفت انا وين.... جلست وانا احس ثقل في راسي... شفت ماما وهي جالسه بهدوء وجمانه وجوري بعد
........
محد تكلم كلا سارح بافكاره
بس تجرات وتكلمت: انا من متى هنا
جمانه من غير نفس: من يومين
تكلمت بتردد وخجل: انزين انا كنت احلم
جوري: شو كنت تحلمي
... بس سكت يوم شفت يزن داخل وشكله اتفاجئ اني صحيت... وتاكد اني كنت بعلم مو بحلم وكل الي صار لي حقيقه مو خيال...
جلس يزن جمب امه وكلمها بصوت منخفض محد سمعه وهي بس حركت راسها بايه
ام يزن: موضي خلي دواك على طول وياك لاجل ما تجيك الحاله وحنا مو عندك
... خجلت على نفسي انا مازلت امثل عبئ على هذه العائله.. متى اموت واريحهم مني...
..............
المغرب كتبولي خروج... وردينا مع بعض.. ونزلنا من السياره
.... ماما غيرت كل شي... زامل هو الي راح يعيش بالملحق وانا ويزن بنعيش عندها.. وبناخذ الجناح الغربي الي زامل دوم يكلمني عنه وانه ننعزل انا وهو بروحونا...
دخلنا الفله
وانا محتاره مالي وجه اقابل فيه احد حتى البنات من دخلن طلعوا لفوق وانا وماما ويزن الي ظلينا في الصاله
ام يزن: موضي اطلعي حجرتك واستحمي وصلي المغرب
.... طلعت مثل ما قالت.. حجرة ماما.. خذيت شاور ولبست بجامه وشفت انه كل ملابسي اختفت ما عدى البجامات القديمه الي كنت البسها.. فتحت الدرج وشفت السجاده اختفت .. بكيت ماما رافضه وجودي عندها.. خذيت سجادتها وصليت المغرب...
... رديت السجاده وانا من دخلت الحجره للحين وانا ابكي انسدحت على السرير وظليت ابكي وابكي.. واتذكر ايامي قبل وسعادتي ودروسي.. وزامل,,,آآآآآآآآآآآآه ليت ذيك الايام ترد
... جلست بسرعه وانا خايفه من طريقة الباب الي انفتحت وخفت اكثر لاني بالفعل خايفه من ردت فعل ماما بس انصدمت من يزن وهو يوقفني
يزن: هـ الحجره مالك شي فيها تعالي حجرتك
خرجت وياه ودخلت الجناح
تركني وجلس ... جلست على طرف الكنبه
يزن وهو راسه على الارض: يعني انت ماتقدرين تقعدين بروحك يعني اشتغلك ممرضه ولا شلون
... فتحت فمي ورديت سكرتها...صدقه يزن لمتى ما اقدر اعتمد على روحي لمتى وانا اخاف الوحده والظلمه... حطيت وجهي بين يديني وصحت بصوتي... ليش انا كل شي في غلط.. ليش انا مو انسانه سويه مثلهم....
يزن: الحين انا قلت شي اعوذ بالله من غضب الله
... حاولت اهدي نفسي بس كل ما اذكر حالي يزيد صياحي... تركت الصاله ودخلت الحجره وكانت حجرة النوم رميت نفسي على السرير وظليت اصيح واصيح...
يزن: خلاص ما صارت كلمه قلناها
صرخت عليه: اطلع بره اطلع بره انا اكرهك اكرهك ليش تعاملني بهـ القسوه انا مالي ذنب اذا زامل طلقني وما تحملني والله حرام عليكم ليش تتحكموا بحياتي ولا ليش اني وحيده في هـ الدنيا صرت لعبه بين يدينكم.. مسكني بس انا ظليت اضربه على صدره واصارخ: اتركني اتركني واطلع بره
تركني ووقف وشفته خرج... حاولت اكتم صوت صياحي .. الكل يشفق علي الكل يعاملني باني انسانه مو سويه...
....................
بعد فتره طويله هديت وظليت اتذكر ايامي قبل..
... سمعت صوت الاذان.. بس كان هـ الصوت خارج من الجوال.. لانه الاذان ما ينسمع هنا...
جلست ودخلت الحمام وتوضيت ودورت بالادراج لين شفت سجادتي وصليت وجلست اسبح الله... حسيت بـ يزن وهو يدخل يلبس ثوبه.. شكله بيروح الصلاه.. خرج وخرجت خلفه... لاني اخاف اظل بروحي..بعود نفسي بس مو اليوم.. كل شي يجي بالتدريج.. وقفت عند نهايت السيب وجلست على الارض اسبح وفتحت القران اراجع حفظي.. كنت انتظر يزن وخايفه اتقدم اكثر واشوف ماما وتطنشني وارد ابكي...
...كنت جالسه اقراء وما حسيت بالي جلس جمبي
جمانه: موضي شو تسوين هنا
ناظرت جمانه وشكلها مو راضيه علي تكلمت وانا احبس عبراتي: انتظر يزن يرد لاني اخاف اظل بروحي
جمانه: انزين تعالي عندنا لانجلسين هنا بروحك
ناظرتها ومسكت يدها ابوسها وتكلمت وانا ابكي: جمانه والله ماما تعاملني بقسوه وانتن ليش كرهتوني
ضمتني جمانه لصدرها وظليت ابكي بصوت مرتفع
ام يزن: جمانه روحي حجرتك
بس كنت متمسكه في جمانه حسيت روحي ردت لي
ام يزن بحزم صرامه: جمانه ردي حجرتك اقول
...تركتني جمانه وانا تركتها ورديت مسكت القران وفتحته بس ما كنت اشوف شي من كثر دموعي...
ام يزن: ليش جالسه بالممر
تكلمة وانا ابكي: اخاف اظل بروحي
ام يزن: عودي
بكيت من قهري: ماما انا
... تركتني وراحت..
بس انا كنت اتكلم بصوت عالى وابكي في نفس الوقت: والله يزن دخلني حجرته لاجل يهاوشني المفروض تعاقبيه هو مو انا انا مالي ذنب
حسيت بيد توقفني وعرفت من لمساته انه يزن
يزن: انت شفيك انهبلتي
سكت لاني حاسه بقهر تركت الطيب وخذيت المجرم
... دخلنا الجناح وسكر الباب وتركني ودخل حجرة النوم..
جلست في الصاله لين جات الساعه تسع وقمت صليت الضحى وشفت يزن نايم.. اليوم خميس لاجل كذا نايم ومو مداوم... يزن من رد من السفر.. الدوله عينته محاضر بجامعة الملك عبدالعزيز...
انتبهت لعمري باني اكثر من مره غفيت بس جلست على الكنبه بس النوم كابس علي وانا اخاف انام بروحي دخلت حجرت النوم وانسدحت على الشزلون بس الحجرة كانت بارده واذا سكرت التكيف بتكتم الحجره... ناظرت يزن بحقد هو بس الوحيد الي يعرف يتعامل بخشونه وقسوه انا بعد انسانه سويه مثله ليش احكم على نفسي بالهبل اذا الاطباء قالوا اني انسانه سويه واني قادره على تدبير اموري حتى الاوراق وصلت للمحكمه لاجل ترفع الوصايا علي والي كان زامل وصي علي صرت انا الوصيه على نفسي... وقفت بقهر وسحبت اللحاف من يزن الي فز جالس
يزن: شفيك انهبلتي
طنشته وخذيت اللحاف ورحت فوق الشزلون وانسدحت ونمت وضاربت فيه عرض الحائط بس هو الي يعرف يعرف يضرب فيني عرض الحائط انا بعد مثله... ومثل ما هو ما يحبني انا بعد ما احبه وما اريد انام حمبه
.........

.................................................. ................................
... صحيت وفركت عيوني وجلست وشفت يزن وهو خارج من الحمام ويمسح شعره... شفت يزن وهو لاف المنشفه على خصره...
غمضت عيوني وتغطيت بسرعه...لانه ما يصير اناظره وهو كذا.. اكيد ما انتبه اني موجوده
انتظرت شوي ورفعت اللحاف عني ما شفته جلست بسرعه لا يكون خرج وتركني المجرم... وقفت وخرجت وشفته خارج من الجناح..
صرخت: لاتخرج لين ابدل ملابس واصلي
يزن: شغال عند ابوك انا
تركته ومشيت وخرجت قبله من الجناح بس هو رد مسكني
يزن وهو يضغط على اسنانه: على وين
موضي: بروح حجرة ماما اصلي هناك
سحبني ودخلني الجناح: سوي شغلك هنا بنتظرك
موضي: مو تروح وتخليني
يزن وخشمه تحرك: ترى بطيرين عقلي بجنانك عندك نص ساعه اذا ما خلصت بتركك لحالك
مسكت الخداده ورميتها عليه: انت المجنون مو انا
لف ذراعي وصرخ علي: انا مو زامل تمدين يدك علي فاهمه
ما رديت عليه كنت اتالم وهو ضاغط بقوته على يدي
صرخ يزن: فاهمه ولا لا
تكلمت وانا ابكي: فاهمه
ترك يدي بقرف وجلس على الكنبه فتح التلفزيون على قناة الوثائقيه.... (طبعا ما عندنا غير قنوات المجد)..
دخلت بسرعه وخذيت شاور سريع جدا ولميت شعري بالمنشفه ولبست روبي وظهرت بروح البس ملابسي وارد اتوضى شفت الساعه مرت ربع ساعه... نزلت روب الحمام بسرعه ولبست ملابسي سكرت البنطلون ورفعت راسي وطاحت عيوني على يزن الي كان جالس على السرير وعيونه مصلبه علي... فتحت فمي وثقل لساني وبديت افقد السيطره على لساني وبدت تطلع اصواتي مني... وما حسيت غير اني بين يدين يزن ودخل الحبه في فمي وسحبني للمغسله وبيدينه شربني ماي... سدحني على السرير... هديت وبديت اتحامل على نفسي وانا ما يدور في راسي غير يزن من متى وهو هنا.. ومثل ما انا شفته شافني المفروض انه يغمض عيونه بسرعه
....
جلست لين عرفت اني قادره اوقف وامارس يومي بشكل طبيعي... رحت للدولاب وخذيت ملابسي وخذيت روبي الي كان مرمي على الشزلون ودخلت الحمام مره ثانيه... فتحت شعري وحطيت الشامبوا
.... لازم عقب ما تجيني حالة الصرع ارد اخذ شاور لانه ممكن افقد السيطره على عمري لاجل كذا وجب اني اتحمم مره ثانيه..
... لبست داخل الحمام.. وخرجت واانا لافه شعري.. رحت للمغسله وتوضيت وخرجت من السيب الصغير وشفت يزن مثل ما تركته جالس على السرير فتحت الدرج وخذيت السجاده وفرشتها
... وصليت...
رتبت السجاده ودخلتها في الدرج.. وحسيت بيد يزن في جيب بنطلوني
صرخت عليه: هييييي انت شو تسوي
يزن: حطيت لك الحبوب خليها على طول وياك اذا حسيت انك بديت تتعبي خذيها على طول فاهمه ولا لا
حركى راسي بايه
..................................................
.........................
نزلنا ومحد كلم الثاني... رحت لماما وبست راسها وجلست جمبها.. يزن باس راسها وجلس بعيد عنا
... نزلت المنشفه وحطيت شعري جمبي وظليت امسحه بالمنشفه
....
كنت اناظرها وهي تتطرز في قماش... ماما تحب التفصيل والخياطه والنسيج.. وهي علمتني النسيج والغزل... شفت البنات جالسات على طاولة الطعام يذاكرن مابقى غير اسبوع على الاختبارات وتوني تذكرت اختباراتي.. انا مذاكره كل شي بس يبيلي اراجع.. وانا اصلا انتساب ماما ما قصرت فيني بس الانقلش والرياضيات من تطلقت من زامل والمدرسه الخصوصيه هي الي تدرسني بس انا ما كنت افهم منها كثير ولازم ارد اذاكر الانقلش والرياضيات
....
..انا ودي لو ماما ترد تضمني لصدرها وتضمني في حجرتها.. ما كان عندي غير اني احنن قلبها علي...
.......
موضي: ماما ليش كثرة عندي حالة الصرع
ما ردت علي بس الا اجيب راسها واخليها تحضني
... مديت شعري ونزلته على فخوذي.. شفت لون شعري مثل لون البنطلون.. اول مره اكتشف انه لون شعري اسود... عرفت اني لسى ما اكتشفت الحياة الي انا عايشتها... وانه بدت تظهر فين امور حب التجميل... قبل جمانه وجوري هن الي يعملوا كل شي حتى شعري هن الي يمسحوه ويسيحوه لي.. ولبسي هن الي يختاروه لي وانا مالي أي دور.. حركة راسي الحين انا في شو افكر..
رديت لموضوعي المهم هو شلون ارد لماما واراد اخليها تحن علي
وترد تنومني عندها: ماما قبل انزل جاتني حالة الصرع
ام يزن بخوف: متى
فرحت وبان هـ الشي على وجهي: ماما قبل انزل ويزن هو الي لحق علي وعطاني الدواء
ام يزن: ليش
فتحت فمي وانهبلت انا مره شافتني عند يزن زوجتني يزن على طول... اذا قلت لها انه شافني وانا عاريه اكيد راح تموتني... لا شنو تموتني اكيد بيقيمون علي الحد ويرجموني... سكرت فمي وبلعت ريقي
ام يزن: شفيك يمه
شفت الاهتمام على وجهها بس ما اقدر اقولها السبب راح يموتوني... وتذكرت سالفة الدروس
موضي: ماما مابقى شي للاختبارات وانا الانقلش والرياضيات مو تمام فيها
ام يزن وهي ترد لحالة عدم الاهتمام: بكلم الابله تجي اليوم
تكلمت بسرعه: ما افهم منها خلي زامل يدرسني
شفت ام يزن ويزن يناظروا بعض واستغربت نظراتهم
ام يزن: مايجوز تظهرين لـ زامل ولا نسيتي
استغربت السبب: ليش
فتحت ام يزن فمها وسكرته بس تكلمت: لانه مو محرم لك
........... تكلمة بسرعه وانا اضرب على راسي: ايه تذكرت كنت ناسيه
ام يزن: طيحتي ركبي الله يهديك والله خفت تكوني نسيتي
فرحت على الاخر وتكلمت بفرح واضح: ماما انت خفتي عليا يعني تحبيني
ناظرتني ام يزن: في احد ما يحب عياله
شفتها شلون تغير وجهها للجمود .. وردت تطرز بالحرير على القماش... مسكت يدها وترجيتها: ماما ليش تعامليني كذا خلاص سامحيني
ام يزن: قومي روحي مشطي شعرك
... ناظرت يزن الي ابتسم من شافني... عصبت ووقفت.. يضحك علي لاني تهمشت قدامه..
.... رحت لـ جمانه وجلست جمبها...
موضي: جمانه تمشطيلي شعري
ام يزن تكلمت بسرعه: اعتمدي على نفسك موضي
.... فتحت فمي على كبرها... دخلت يدي في جيبي.. لاجل اذا بداء جسمي يرتعش يصير ابلع الحبه قبل تجيني حالة الصرع... بس هـ المره غير هـ المره مقهوره من معاملة ماما لي ليش تعاملني كذا..
بس خرجت يدي من جيبي والعلبه في يدي... ودقيت جمانه بيدي
جمانه: خير
كلمتها بصوت منخفض: لميلي شعري
جمانه: ماما راح تهاوشنا
جوري: موضي روحي حجرتنا وشوي نطلعلك
موضي: اخاف اطلع بروحي
جوري: اوبيييي عليك
جمانه من بين سنونها: ماما تناظرنا الحين تهاوشنا
موضي: ليش تهاوشنا يوم نتكلم مع بعض مو قبل كنا نتكلم مع بعض وما تقول شي
حسيت بضربه على رجولي من جمانه وصرخت: أي عورتيني
جمانه: سوري ما شفتك عيوني
قالت جملتها وردت تذاكر... الحين هي الي ضربتني ليش زعلت مو المفروض انا الي ازعل
موضي: الحين انت الي ضربتيني ليش زعلتي مو المفروض انا الي ازعل
جمانه: موضي شفيك صار لعقلك شي
جوري: هههههههههه جمانه يالخبله موضي تمزح اشفيك
... بس انا ما كنت امزح كنت اتكلم صدق فتحت فمي لاجل اقول اني ما امزح.. بس وقفت على طولي يوم سمعت ماما وبصوتها الي ملا قسوه
ام يزن: موضي قومي واقفه
ناظرتها وانا صدق خايفه منها ما اعرف شنو راح تعاقبني الحين مره شافتني مع يزن وزوجتني يزن والحين مع جمانه شو راح تسوي فيني
ام يزن: اذا شفتك تكلمي جمانه ولا جوري راح اردك الملحق اتركيهن يذاكرن وانت روحي هاتي كتبك خلي يزن يذاكرلك
.... بترجعني الملحق المظلم.. خفت وانتفض جسمي من الخوف..
ام يزن: موضي انت ما تسمعين روحي هاتي كتاب الرياضيات والانقليزي خلي يزن يذاكرلك
....تحركت وطلعت ولما وصلت نص الدرج وشفت اني اذا زدت راح يختفون عن نظري وقفت... لانه الدرج دائري وبنص البيت..
ام يزن: اشفيك وقفت بسرعه تحركي
تحركت وكملت طريقي وبسرعه جريت ووقفت عند الدربزان اشوفهم وهم تحت شفت ماما ردت تطرز الي بيدها ويزن فتح التلفزيون على قناة الاخبار يتابع وجمانه وجوري يذاكرن
... جلست على الارض وحطيت راسي على الطاوله الي جمب الدربزان وانا انظرهم... شفيهم يعاملوني كذا ليش ما يحبوني.. كله من زامل هو الي طلقني هو السبب.. ناظرت يزن وعرفت اني لازم ما اخلي يزن يطلقني لاجل ما يكرهوني اكثر من كذا.. ولازم اسمع كلامه...بس زامل ليش طلقني.. دار راسي انا مو فاهمه شي... حطيت يدي على راسي اضغط عليه كانه داخله سناره تخرم فيه... ووووو طراااااااخ
ناظرت الفازه الي كانت على الطاوله طاحت وناثره بلورات القزاز حولي
حطيت يدي على راسي الالم شديد وسمعت وقع اقدام على الارض تذكرت يوم دخلت ماما علينا ويزن كان ماسك يدي بقوه
صرخت وانا احس بضغط على كتفي
ام يزن: موضي يمه شفيك
...رجعت لورى لين لصقت بالدربزان: والله ماسويت شي والله ماسويت شي
شفت ماما تمد يدها لي: ماصار شي يمه سلمتي

دسيت يدي خلفي وانا ارتعش من الخوف... بس ما حسيت بعمري غير وانا طايره ووجهي مقابل وجه يزن: تعلقت فيه خفت اطيح على الارض
يزن: جمانه روحي هاتي لصق اجراح والمعقم
...جلسني على الكنبه... وجلس عند رجولي
ام يزن: موضي شفيك ترتعشي يمه هدي عمرك ماصار الا الخير
...كنت اتنفس بصوت.. وتوتر..
...انتبهت لي جمانه وهي تعطي يزن الادوات
جمانه :مالقيت لصق اجراح صغير مافي غير قطن وها اللصق..
شفت يزن يعقم الجرح وانا ما زلت على نفس التوتر..وحط قعطة القطن وفتح شوي من اللصق ومسك المقص
وناظرت يد يزن كان فيها مقص... رفزته بكل قوتي ووقفت..
يزن الي طاح على الارض صرخ باعلى صوته ووقف: انت هبله ولا مجنونه هااا عورتيني بالمقص
شفته رفع يده الي فيها المقص وفيها دم وناظرها ورد ناظرني ورد ناظر يده خفت
: بابا والله ما ابكي والله العظيم خلاص سكت
...حطيت يدي على رقبتي..
: بابا والله ما ابكي والله العظيم ما ابكي مثل وصال بابا سمحني خلاص سكت والله العظيم سكت
وشفته تقرب مني وانا حطيت رجولي وشردت
رحت حجرتنا وحسيت بانه بابا وراي فتحت باب الدولاب ودخلت وسكرت الباب.. المكان ظلم كليا
خفت وقلبي من الخوف صار يعورني.. وانصدمت يوم شفت الباب ينفتح وشفت بابا قدامي
... فمي ما صرت احس فيه وكل جسمي طاح...
حط يزن يده داخل جيب موضي: وين الدواء انا بنفسي حطيته
ام يزن: ما راح يفيد خلينا نوديه المستشفى تاخذ الابره لاجل تفوق بسرعه
.

في المستشفى
زامل: منو وصال هذه حتى هذيك المره ذكرتها لي
يزن: والله ما اعرف
ام يزن: هي كانت تقول لـ يزن بـ بابا
يزن: شكله ابوها سبب الي هي فيها
ام يزن: والله شكلنا قسينا عليها ليتنا ماسمعنا كلام الدكتور
زامل وهو حزين: خلاص يمه لا تسمعوا كلامه ردوا عاملوها مثل ما كنا نعاملها
يزن: والله انك عاشق يبه خلينا نعالجها لك وعقب اطلقها وخذها
زامل: يزن انت اهبل ولا شنو يبه المره صارت زوجتك وخلاص انا نسيتها وبعدين
ام يزن وهي تقاطع زامل: يزن يمه كلم الدكتور وخبره اننا تعبنا وحنا نجبر روحنا في معاملتها القاسيه والله انه قلبي يعورني عليها
زامل: يمه لازم نشد عليها الدكتور من عرف انه حالتها تطورت المره الي طافت قال انها راح ترد باقل صدمه وانا ما خبرتك بس هي الحين تحت العلاج السليم والبطيء يمه موضي من بين غضبها تقول اشياء حنا نحتار فيها اجل شلون هي وهـ الشي داخل وعايش داخلها.. يمه اخر مره من جاتها حالة الصرع شفت الاسبوع شلون عدى كله هلوسه وكلام مو مفهوم
ام يزن: والله انتوا السبب ما شرحتولي شنو سبب وجودها عند يزن... انا ما اعرف شلون نسيت انها ما زالت تعاني ليتني مااجبرتها على الزواج
يزن... كان ساكت ويسمع كلام اخوه كره عمره لانه سمع كلام زامل واخذها...
تذكر يوم دخلت عليه امه وعطته كف وظهرت
... على طول خذ رجله وراح دق الباب..
زامل: موضي ابعدي عن طريقي
يزن: زامل انا يزن
فتح زامل الباب: يزن شفيك
... خبر يزن زامل كل السالفه..
زامل: تستاهل حد قالك تعاملها بقسوه
يزن: يا اخي انا اخوك حن علي يا اخي
زامل: اسمعني زين تحمل الي بيجيك من الوالده
يزن: زامل شفيك اوقف وياي
زامل: اسف دورلك حد غير
يزن: زامل اشفيك انا اخوك العود يااخي ولا ناسي
زامل: اخوي الكبير هو الي يحل مشاكلنا يزن انا تحملت المسؤليه وانا صغير انت رحت تكمل الماستر وترد لنا عقب سنتين بس السنتين تحولت ثماني سنوات يزن انا كنت ابكي كل يوم من اسروك تعرف شمعنى ابكي.. حتى اخاف سيرتك تنذكر لاجل ما ابكي قدام الرياجيل.. يزن اذا كنت انت تتعذب هناك في جسدك بس انا اتعذب هنا بروحي وعقلي يزن انا كان الحزن مقطع قلبي عليك.. وعلى امي ويوم تعرفت على عذاري خفت كثير على اهلي خفت اموت وتنعاد مأسات عذاري في خواتك خذيت عذاري وانا ما اعرف شي عن اهلها وماضيها ماتت عذاري واخذت موضي بالاول كان شفقه وعقب حبيتها بس الله ما ارد حمدت الله على كل شي ... يزن تخيل لو كانوا خواتنا بروحهم.. تعرف كان شفت جمانه وجوري مثل موضي تعرف ليش لانه شافوا ابوك وهو يتحرش في صديقة امك.. صديقة امك الي امي اعتبرتها اخت لها ودخلتها بيتها ويوم مرضت امك وابوك كان مسافر جات هـ الصديقه وسهرت على امك وبالاخير شنو خانت صديقتها وراحت لزوج صديقتها الي ما ادري شلون رد من السفر
يزن: زامل متى هـ الكلام وليش ما خبرتني
زامل: يزن هذا ابوي وكان لازم اني استر عليه بس خلاص احس اني تعبت
حط يزن راسه على يده وتنهد واخيرا تكلم: زامل اذا تزوجة موضي هـ الشي يريحك
زامل: تتزوجه وتعاملها من البدايه انك زوجها مو اخوها لازم تعرف شمعنى اخو وشمعنى زوج
يزن: ما اقدر تعرف شو معنى كلمة ما اقدر زامل انت تحبها
زامل: واحبك انت بعد صدقني راح تحبها بس شيلني من رراسك نهائيا..ولاتخاف هي تعرف كل الامور الزوجيه خذت دوره لهـ الامور
... سكت يزن وهو يفكر بالموضوع..

ايميليا أمل

الجــــــ السادس ــــــــزء

اوففف طفشت بروح لـ جمانه
يزن: باقي ماختمنا المنهج
موضي: انزين اعطيني فسحه
يزن: كيفك بس انا اريد اخرج ما اشتغل عندك داده
تكلمة بقرف: خلاص كمل
يزن: تكلمي بادب ولا بهـ الكتاب على راسك
حركة سنوني زي السنجاب.. وشفته عصب بس طنشني ورد لكتاب الرياضيات... كتب لي كم سؤال
وعطاني الدفتر وطلع انسدح على الكنبه
حليت المعادلات..وانتهيت وشفت يزن نايم
وضربته بالدفتر..وهو فز جلس وانا مت من الضحك: هههههههه والله شكلك يضحك
بس سكت بسرعه وخفت من يزن يوم شدني من شعري
يزن وهو معصب: انت خبله ولا شنو
مسكت يده لانه كان يشد بكل قوته حتى سمعت طق براسي
بكيت على طول: اسفه والله اسفه
تركني ومسح على صدره
يزن: ثاني مره اني عدتيها والله لاتشوفين شي ما يسرك
مسحت دموعي وقلت: انزين انت دوم تضربني بالكتاب ليش ما سويت مثلك
يزن بتريقه: يوم تذاكرين لي ومافهمت اضربيني
وشفته وقف.. مسكة يده: تعال خلصني بالاول
يزن: خدام عند ابوك انا
شفت شكله ومبين عليه بالمره معصب... خفت يطلقني وماما ترد تكرهني.. وقفت على طول ومسحت مكان الضربه وانا ابكي: خلاص والله اسفه
يزن: اوكي سامحتك
تقربت منه ومسحت دموعي في فنيلته
يزن: شو تسوين
موضي: مو انت الي بكيتني خلاص خذ دموعي لاجل ثاني مره ماتبكيني
يزن: انت تتكلمين جد
صرخت وانا توني انتبه لهـ الشي: وووو حتى انت عندك شعر بصدرك مثل زامل
بس تعال شنو هذا وناظرت الخط الي في رقبته وفتحت ازارير بلوزته اريد اشوف لوين يتنهي وانتهى اسفل نحره شوي..
موضي: شنو هذا
شفت يزن فتح فمه وحط يده على راسي: انت مسخنه ولاشي
مسكت راسي وحسيت بانه درجة حرارته مرتفعه: والله شكلي من هـ العله الرياضيات سخني... بس تعال خبرني شنو هذا
يزن: هذا جرح يعني شنو حلاوه
استغربت الجرح وظليت المسه بلطف: بكيت يوم تعورت
بس شفت يزن طاح على الكنبه وهو مغمض عيونه.. جلست جمبه.. ومسكت وجهه بيدي وتكلمت بخوف: يزن يزن رد علي
شفته فتح عيونه وقربت وجهي من وجهه كان يناظرني وشكله تعبان..دخلت يدي في جيبي وخرجت قارورة الدوه بس يزن مسك يدي على طول
يزن: لاتاخذيها مافيكي شي
موضي: لا مو لي لك انت شكلك تعبان
××××××××××
هنا كانت الصدمه الكبيره لي يزن
موضي ظلت فترة اسبوعين وهي بحاله هستريه ومن فاقت ظلت اسبوع تحت الرعايه الخاصه وعقب ردوها البيت
لانه كان مبين عليها انه كل شي رد طبيعي وهـ الشي الي اكده الدكتور لهم وقال: هـ الشي طبيعي وانا كنت متاكد من هـ الشي لانها في فترة بناء وتكوين وحالة الصرع والهستيريا الي تجيها هو نتيجه التشتت الي كانت عايشته ونتيجة رفض عقلها الباطن لتقبل الامور ومع الوقت راح يخف الصرع ونوبات الهستريا تماما باذن الله بس شدوا عليها لاجل تبني نفسها بنفسها وتقوى ثقتها بنفسها اكثر وبعدين هي شبه فاقده لذاكرتها لانها رافضه وبقوه الي يصير لها
....يزن بينه وبين نفسه..شنو فقدت شبه فاقده هـ الخبله فاقده عقلها كله شف الدكتور الخبل ما نتبه اذا انى لي يومين ما حسيت بشي غير اليوم ... بروح لامي تخرجني من الورطه هذه
×××××××××××××
شفته خرج وخرجت وراها بس وقف وصدمت فيه وهو واجهني وردينا دخلنا جناحنا
موضي: اشفيك تلعب مره تخرج ومره تتدخل
يزن: سمعيني موضي لو تشوفيني بموت قدامك او أي حد لاتعطيه من دواك كل واحد له دواه الخاص فاهمه
موضي: فهمت
يزن: شكلي بعيد السيناريوا
موضي: أي سيناريوا
يزن: سمعيني موضي ترى انا صح كبير البيت بس مو كل كبير يكون عاقل يوم كنتي عند زامل.. زامل كان عاقل وعقلك وياه بس انت الحين عندي يا تعقلين على يديني ياتتهبلين زياده
ضربته بقوه على صدره: انت الاهبل
مسك يدي بقوه ولفها: تمدين يدك مره ثانيه
موضي: والله اسفه والله اسفه
يزن: سمعيني مواضي الي يصير هنا والي يصير بيناتنا يااااويل حد يعرف عنه شي واذا سمعت انك خبرتي حد بقص لسانك قص وارميه للكلاب ياكلونه
... بلعت ريق يزن مجرم وطلع من السجن لازم اسمع كلامه ولابيقص لساني...
.... شفته دخل حجرة النوم دخلت وراه وشفته يبدل ملابسه..
موضي: خارج
يزن: لااا داخل شو شايفتني اعمل يعني شايفتني ابا انام
... فرحت انه بيخرج لاني بروح للبنات...



موضي: جمانه تعالي ويانا
جمانه: ههههه لا عيوني روحوا بـ لحالكم وتمتعوا والله انا اذا تزوجت ما اخلي حد يركب معاي انا وزوجي
جوري: آآآه يالنذله وتنسين توميك
جمانه: لايكون انت ذيلي وانا ما اعرف
موضي: جمانه ليش انت تحبين نفسك خذينا وياك
جمانه: ههههه قالوا علي خبله مثلك يا ماما هذه خصوصيات ولا جات علي بتغثوني
.... استغربت من هـ الكلام بس شكلي بسوي مثلها ....
جوري: موضي خالتي فاطمه بكره بتجي هي وبنتها
موضي: وزامل شو رأيه
جمانه: موضي شكله بِالتِقِله بالتِقِله (تقريبا) هبلنا على يدك
جوري: جمــــانه
جمانه: والله انا صادقه يعني شوي تكون فاههمه وشوي تكون ناسيه
موضي: هيييي جمانه احترمي عمرك انا اصحى عنك وبعدين انا مو هبله كل شوي وتقلوا اني هبله
جمانه: أسفين زوجة اخي الحبيبه... وهذه بوسه
موضي: جمانه ليش انا دبه بصير مثلكم
جوري وجمانه: هيييي موضي جسمك حلو لاتقعدين عليه
موضي: شلون اقعد عليه خبلات انتن
جمانه: سوري قصدنا تحاولي تغيريه
موضي: لا مو حلو انا بصير مثلكم
جوري: والله حنا بنصير مثلك بس حنا اصغر عنك لاجل كذا باقي جسمنا يكبر
جمانه: وبعدين انت مو دبه جسمك مثالي ويناسب طولك
جوري: ايه والله حتى شعرك يناسب جسمك وبعدين اذا سويتي رجيم بيخرب شعرك
.... توني تذكرت خذيت الاذن من يزن لاجل جمانه تمشط شعري وهو رضى لانه انا ياخذ مني وقت طويل...
موضي: جمانه بسرعه الحين اخوك يفتح فمه
جوري وهي فاتحه فمها: موضي انا الي فتحت فمي مندهشه شوفي مو مبين علي هـ الشيء
موضي: ليش
جمانه: موضي ما تحسين انه يزن اخوك
لفيت لجمانه الي تمشط شعري ومسكت راسها: جمانه انت مسخنه ولا شي يزن زوجي شنو انت خبله انام عند اخوي
جوري وجمانه كل وحده طلعت فوق سريرها بسرعه ونطنطن فوقه ورمن نفسهن عليه
موضي: شفيكن
جمانه: ابد سلامتك موضي خلصت شعرك روحي لزوجك تراه منتظرك
..وقفت على حيلي..
جوري: موضي لحظه بسويلك الميك اب
..رحت للتسريحه.,,,ومسكت القلوز: لا انا بحط بالحالي
جوري: مره ثاني خليني اساعدك

..طنشتها وحطيت قلوز وبلشر..ومسكة الشذو... كنت بقولها أي لون احط... بس انا لابسه بنطلون فيروزي وبدي رسمي لون ابيض
جوري: حطي الوردي
.. مسكة الفرشه وحطيت وردي بس من اطراف عيوني لاني ما اعرف..
موضي: حلو
جمانه: باقي خلي جوري تحط لك روميل هي تعرف حتى انا ما اعرف
موضي: خلاص حطيلي
جوري: اجلسي وغمضي عيونك
... جلست وغمضت عيوني..
موضي: شنو هذا
جوري: مسكارا
موضي: هــاتي انا اعرف احط
جوري: موضي اشفيك خليني اكمل
موضي: لا انا اعرف اعتمد على روحي
جمانه: مواضي حبيبي غير هـ المره خلي جوري تحطلك
موضي: بس تعلمين عقب
جوري: عيوني كم موضي عندنا
جمانه: موضي قوليلها تسلم عيوني جاملي اختي ترى بتتعقد ما تعطيها ريق حلو
موضي: تسلم عيونك
جوري: موضي عندنا فلم شرياك تتفرجيه ويانا
موضي: لا الحين بروح
جمانه: مو الحين عقب بس لاتقولي لـ حد
موضي: ليش
جوري: انت شفيك تحقيقين كثير
موضي: ليش شايفين ما عندي شخصيه
جمانه: اسفين مو قصدنا بس اعطي يزن بعد ريق حلو
موضي: عيب هذه امور خاصه
جمانه وجوري: هههههههههههههههههه
جمانه: روحي موضي لـ امورك الخاصه وتمتعي بوقتك
خرجت وشفت خداده على الارض ... رميتها على جمانه: تتريقي حضرتك
... تركتهن وخرجت..
جوري: جمانه فاهمه شي
جمانه: سلمك الله هذا الي يقولون عليه انفصام في الشخصيه
مسكة جوري نفس الخداده وضربت جمانه: فاولي انت بعد يكفي الي هي فيه
جمانه: تصدقين شكلها بدت تسترجع ذاكرتها
جوري: تعالي نروح نراقب عن قرب

يزن وهو مبهت: منو عدلك
موضي: بديت تستهبل
... بس لف جسمي كله بذراعه اليمين...
يزن: مواضي عدلي اسلوبك وياي
موضي: انت الي بالبدايه بديت وتقول منو عدلك
... ضحك يزن وباس خدي ع سريع..
يزن: انا اقصد منو حط لك الميك اب
موضي: انا بروحي
يزن: مممم
موضي: والله بس الروميل والمسكارا جوري
يزن: انزين ليش ماتحطين الـ ميك اب يوم نكون بروحنا
موضي: ماعندي ميك اب
يزن: لعيونيك اشتريلك قزاز بكبره
تكلمة بنفس نبره جمانه ودلعها: تسلم عيونك
.... شفت يزن فاتح فمه مبهت... شو هـ العائله بس تفتح فمها...
موضي: هييي اشفيك
يزن: كملي رومنسيه نعلوبها من رومنسيه انت ماتعرفيها الرومنسيه
موضي: اعرف والله انت شعرفك فيها
يزن: ماشفنا شي من الي تعرفيه
موضي: والله انت افتح على قناة المجد للاطفال في وحده اسمها رومنسيه دوم تراسل ع الشات
.... ما حسيت غير اني انخض بين يدين يزن خض تقولون حليب بيسوني لبن....
يزن وهو ياخذ نفس عميق: هـ رد الي طار من راسك ولا باقي
... كنت مدروخه وحطيت راسي على صدره وتكلمت وانا مدروخه: انت خبل ليش تخضني
يزن: ههههههههه والله انا كنت شاك من قبل في عقلي بس على يدينك بستخف اقول لبسي عباتك خلي هـ اليوم يعدي على خير
موضي: يزن لاتاخرني برد انام مبكر لاجل اصح الصبح واراجع
يزن: شنو تراجعين ما يحتاج انت فاهمه كل شي وبعدين عندك الجمعه راجعي فيه
موضي: لا عندي مادتين يوم السبت
يزن: خلينا نخرج وعقب الله يحلها

.... شفت المحل اوبهت فيه... يخبل...
موضي: يزن ابا هذاك الشي
يزن: شنو
موضي: هذيك الي هناك
يزن: ليش
موضي: مو انا كسرت مثلها ذاك اليوم
... بس يزن سحبني بسرعه.. ورحنا محل الميك اب..
موضي: ليش خلينا ناخذ الفازه بدل الي كسرتها ذاك اليوم
.... كانت نفس الفازه الكرستاليه الي كانت على الطاوله....
يزن: بعدين بعدين حبيبي تعالي الحين نشتري الميك اب وعقب ارد اخذها
موضي: اوكي
يزن: شو تحبين من انواع
موضي: ابا مثل حقت جمانه وجوري
يزن: وانا شو عرفني
موضي: كلمهم اسالهم
يزن: ما يحتاج انا اذكر انه امي كانت تستخدم شانيل
موضي: اوكي
تقدمنا واخذنا اغراضنا وخرجنا

موضي: يزن الله يخليك خلينا ناخذ الفازه
يزن وهو يحط الاغراض في الخلف: اوكي بس انت ادخلي السياره ولاتفتحين الباب لاحد بروح اجيبها وارد لك
موضي: لا اخاف اظل بروحي
يزن: اوكي انا بجيبها عقب مو الحين
... شفته راح من الجهه الثانيه وركب...
موضي: ليش ماناخذها اليوم
يزن: موضي ما تذكرين شنو صار ذاك اليوم
... حسيت بالم في راسي وتكملت بسرعه: لا شو صار
يزن: يوم نرد البيت وندخل حجرتنا ذكريني اوكي
موضي: إن شاءالله

...............................
موضي: خلاص انا تعبت ليش بس نشتري ملابس
يزن: لاني ما اريد اشوف عليك غير هـ الملابس
موضي: والي عندي
يزن: اعطيها امي تصدقها عنك
موضي: بس انا احبها
يزن: ياكثر ماتحببين انت في الاغراض اغلطي يوم وقولي انك تحبيني
موضي: بالاول انت تحبني
يزن: اكيد احبك مو زوجتي الخبله
موضي: انت الخبل وبعدين انا ما احبك
يزن: ليش
موضي: بكيفي ليش هو غصب الحب
يزن: حتى انا بعد ما احبك بس قلت ضعيفه خليني اضحك على عقلها
موضي: ردني البيت
يزن: على كيفك انا حاجز لنا في المطعم والله اذا ما كنت تبين تاكلين انا اريد اكل
موضي: حتى انا اريد اكل ليش تحب نفسك
يزن: ما اقول غير الله يصبرني علـــــ
موضي: على شنو تكلم ولا خايف تقول
يزن: موضي لاتستفزيني خلينا حبايب لا اغضب عليك واصكك بكف يلف وجهك
موضي: اصلا انا ما احبك ولا تكلمني بعدين شمعنى دوم يطالبو المراه هي الي دوم ترخي
يزن: لانه هذه تركيبت المراه ومعرروف عن الرجل بالشده والمره بالعاطفه حتى المراه ما تحب الرجل الي دوم يرخيلها جناحاته ووو
... كان يتكلم ويسوق وانا اناظره بس توقف فجئه عن الكلام وناظرني ورد ناظر قدامه...
يزن: انت تستهبلين ولا شنو ولا بتخبلين فيني
موضي: رديت تتريق علي
يزن: والله ما اتريق بس تصدقين موضي احسك تكذبين علينا يا عيني انت مافيك شي بس الشي الي تبين تعرفيه تعرفيه والشي الي ما تبين تعرفيه ما تعرفيه عجيب والله لا عيوني لازم تتحكمين بحياتك مو تتهربي منها
موضي: انت الكذاب موب انا وبعدين حرام الكذب وبعدين لاتكلمني بهـ الطريقه
.... ماحسيت غير انه مسك يدي بقوه وظل يضغط عليها بغيض... تالمت وحاولت اسحب يدي بس هو كان راص عليها بقوه
موضي: حراااام يزن والله اتعور
يزن: بوسي يدي بالاول
... ورفع يده ودخلتها تحت الغطوه وبستها..
..نزل يده بس ظل ماسك يدي بلطف




...في اسبانيا...
هديل: سمعت بابا رفع قضيه وبيطلقني منك
سمير: سمعت ومن شوي كلمت المحامي يدافع وقال اننا بنكسب القضيه لانه المليردير الشهير شبه مهاجر وما يعرف عن حياة عائلته شي وهـ الشي موجود عند القاضي الي زوجنا لو كان موقفنا ضعيف ما كان اصلا القاضي رضي يزوجنا
هديل: مممم بس بصراحه اخاف ابوي يوقف في طريقنا كثير
سمير: لاتخافي الي عرفته انه ابوك صديق ابوي ورفيق الدراسه
هديل: ههههههههه اجل لو عرف شو سويت بابوك بيقص رقبتك
سمير: ههههههههه لا تخافي ابوي صار مدمن درجه اولى
هديل: منو وين له انت تقول ماخليت ريال واحد بجيبه
سمير: وهذا الي صاير بس انا الي امده بالمال
هديل: حرام تضيع الفلوس في هـ الامور
سمير: حياتي مايصير نخلي المليردير فواز يشحت وهو في هذا العمر
هديل: انا ما قلت خليه يشحت انا اقول دخله مستشفى الامل وعقب مايطيب رده بيتكم عند خواتك واعطيهم مصروف شهري
سمير: تصدقين انا احس انه قلبك طيب
هديل: ليش عندك شك
سمير: اجل ليش خذينا اموال ابوي
هديل: ما اعرف بس يمكن تربيت ابهاتنا لنا خلتنا نحب نمتلك المال رغم انه المال انا ما احب اركمه احب اصرفه
سمير: يمكن بس ليش اصريتي انه كل شي يكون باسمك
هديل: لاني اخاف تصير مثل بابا يوم تمل مني تتركني وتهاجر وتقيم علاقات مع غيري
سمير: ليش ابوك مسوي علاقات
هديل: يووووه لليل وحتى ماما تعرف بس عمرها ما وجهته
سمير: ليش
هديل: لانها ما تحبه هي تزوجته لاجل فلوسه ما تزوجته لانها تحبه
سمير: وانت تحبيني
هديل: اكيد احبك ولا ما كان تزوجتك
سمير: تصدقين هديل احس حياتنا فارغه رغم كل الي نسويه ليش ليش ما نشعر بالسعاده
هديل وهي تبكي: ما اعرف والله ما اعرف
ضمها سمير لـ حضنه وهي رمت نفسها عليه وظلت تبكي
هديل من بين دموعها: سمير كلم المحامي ياخذ ابوك ويدخله المستشفى ويعالجه حرام نتركه كذا
سمير وهو يمسح على ظهرها بحنيه: اوكي بس انت هدي عمرك حياتي
هديل وهي تبكي: ليش احس بالنقص ليش حبيبي
سمير وهو يبوسها ويراضيها: شرايك هديل نروح السنيما ندور لنا فلم كمودي يفرفشنا
هديل: اوكي وبعدين قرب ينتهي شهر العسل خلينا نكمل شهرنا بحب
سمير: إن شاء الله كل حياتنا تكون عسل في عسل

موضي: يزن لازم البس هـ الشي
يزن: ايه حياتي
موضي: ليش
يزن: لانك حرمه سنعه والمفروض انك تعرفي للاتيكيت
موضي: ليش جمانه وجوري ما يلبسن مثله
يزن من بين سنونه: مواضي لاتطلعين عن طوري وبعدين هذا لبس المتزوجات وهن ما يلبسوه غير لازواجهن
موضي: مممم بس احس اني راح ابرد
يزن وهو ياشر ع اللحاف: هذا شو فايدتها
موضي: بس اذا بردت بقوم البس بجامه
يزن: اذا بردتي قابليني
موضي: شو شو
يزن: سلامتك يالله قومي لبسي قميص نومك
وقفت وخذيت القميص وجيت ادخل الحمام
يزن: موضي على وين
موضي: بروح البس
يزن: حياتي محد يلبس في الحمام
موضي: بس انت هنا شلون البس
يزن: انا زوجك مافيها شي
صرخت عليه: شنو مافيها شي عيب وحرام
يزن: هههههه مو توك يازينك
رميت القميص على وجهه وجلست: ما اريد البسه بنام بالبجامه
يزن وهو يوقف: اذا ما لبستيه ترى بقطع لسانك واعطيه للكلاب
... خفت يزن مجرم وتكلمت بسرعه يوم شفته قرب مني: خلاص بلبس بس انت اظهر بره
يزن: حاضر شنسوي اخاف بالاخير اصير اخوك
...خرج وسكر الباب ...كنت بروح افهم شو القصه بس خفت يزن مجرم...
... لبست بسرعه القميص.. ورحت للتسريحه وشفت عمري شفت اكتافي وانصدمت الحين بيشوف اكتافي..
دخل يزن وناظرته وحطيت يديني على اكتافي
موضي: يزن عيب غمض عيونك
.. بس هو طنشني وتقرب مني..
يزن:: تعالي اربطلك الحبل
ربط لي الحبل حول رقبتي
... خذ عطر من فوق التسريحه وعطرني.. ورده للتسريحه..
قمت اخذت نفس العطر وعطرته
موضي: خلاص من اليوم ورايح انا الي بعطرك يوم تخرج كذا قالت لنا الاستاذه
يزن: أي استاذه
موضي: الي درستنا
يزن: متى
موضي: ما ادري
يزن وهو معصب: لاتقولين ما ادري ركزي متى ووين
موضي: اعوذ بالله انت ليش مزاجك سريع التغير
... حسيت بفكي راح ينكسر يزن كان ضاغط عليها بقوه..
يزن: مواضي لاتكلمين بهـ الاسلوب ترى صدق بقص لسانك واعطيه الكلاب
...فمي كان مفتوح وكان صعب اني اتكلم.. بس تكلمت لاجل يتركني
موضي: اسفه والله اسفه
... باسني وظل يناظرني...
موضي: خلاص قلنا اسفين
تركني وراح فوق السرير
.... خذيت الكيس تبع قزاز... وحطيت قلوز وبلشر.. وماسكارا.. مسكت الكحل الاخضر وحطيت من داخل عيوني
يزن: انا من غير ميك اب منهبل تبين تهبليني
... رديت الاغراض داخل الكيس وحطيتها داخل درج التسريحه.. ورحت جلست جمبه...ورميت فيه عرط الحائط
يزن: شلي غير مودمك
موضي: شو تقول
يزن: شلي غير مزاجك
موضي: ماراح اقول انك انت الاهبل لانك سبيتني
يزن وهو شوي يقطع هدومه: انت تفهمي الكلام على كيف اهلك
...طنشته ومسكت كتاب الاذكار اقراء اذكار النوم..
... لصق فيني وحط يده خلف ظهري.. كزيت وناظرته..
يزن: شفيك
موضي: ما ادري
... خذ حصن المسلم من يدي وفتح على صفحه وحط يده على راسي..
موضي: شو تسوي
يزن بابتسامه خفيفه: اقراء عليك
سحبت حصن المسلم منه وانا زعلانه عليه هو بس يذكرني بمرضي: شايفني تعبانه الحين
رفع يده وهو يدعي: يارب صبرك
... شفته حط راسه وانسدح...
موضي: تبى تنام
يزن وهو يتنهد: تعبت اخاف البرجين الي في راسي يطيروا
...وقفت بروح اغسل وجهي
يزن: على وين
موضي: بروح اغسل وجهي طال ما انت بتنام
جلس يزن بسرعه وسحبني له: يعني كل هذا سويتيه لي
موضي: ايه الاستاذه قالت نتزين لازواجنا
يزن: ما خبرتكن ليش
موضي: لاجل يحبونا
ابتساااااامت يزن شقت وجهه: وليش نحب زوجاتنا
موضي: لاجل ما تطلقني وتزعل ماما علي
.... ما حسيت غير اني انضرب بالخداده وطحت على السرير وانا اصارخ وامد يدي على يزن بس هو ثبت يديني بعرض السرير وهو لاصق فيني...
يزن: الحين كل الامور كانت تمام جيتي على الاخير خربتيها ليش هااا اابا افهم
موضي: والله ما خربت شي
يزن: اجل شو معنى الكلام الي قلتيه
موضي: أي كلام
حط راسه على راسي وتنهد بياس: حرام عليك موضي والله حرام ترفعيني البرج وترميني في القاع
... عيونه كانت مقابله عيونه تماما...
...حزنت عليه بس انا موب عارفه هو شو قصده فسكت لاني اخاف اقول شي ويخليه يحزن كذا...
بسته وتكلمت: اسفه والله اسفه لاتزعل علي مايرضيني غير رضاك علي
رمى نفسه على السرير ولفيت اناظره
موضي: رضيت علي
يزن: نامي موضي شكلنا على اخر الليل انهبلنا
عكر مزاجي بكلمته الاخيره انا اتحسس من كلمة هبل وين كان مكانها تكلمت بقهر: انت الاهبل
يزن وهو ينافخ: موضي نامي ترى الجنون كلها براسي نااااااااامي
تغطيت بسرعه لاني خفت منه وهو يصارخ... ودقايق وانا نايمه