فصه واقعيه - مؤثره وليست من نسج الخيال

السلام عليكم مساء الخير حبايبي
انا من اول كنت اقول لكم فيه قصه بارويها لكم ولا بألفها لكم لكن طرت في بالي قصة واقعيه حدثت لشاب وعائله في دولة خليجيه واعرف تلك القصه عن دراية وقرب ونهايتها انتظروها ستكون مؤلمه او فرحه او حزينه او قد لا تكون لها نهاية لانها لا زالت تلك الاحداث تدور على ساحة الحياة وقبل كل شي نبداء بسم الله ونقول انا راح اختصرها لكم في ثلاثين حلقه او اقل بقليل او اكثر وراح انزل احداثها الى تاريخ هاليوم او الى ما حد ما قالي صاحب القصه او الي اشوفه وقف لا عاد تكتب شي وانا قلمي رهن اشارته
ولكم الاحداث

---------------------
بسم الله الرحمن الرحيم
هذه القصه واقعيه حاصله في القرن هذا بين شمس وقمر كانا يتلاحقان كي يلتقيا ولكن .......؟
لن احرق القصه عليكم لانها تنمي عن الحزن وتنمي عن الابتسامه وتنمي عن الفرح و عن عدة اشياء
فاليكم القصه من بدايتها حتى نهايتها التي لم تكتب الى الان ..........

((_ الحلقه الاولى _))
في بيت طين قديم الطراز يسكنه زوج وزوجته ومن حولهم جيران وطفله صغيره لم يتجاوز عمرها الاحدى عشر شهر وبقايا احزان على طفله ماتت تدعى امل ماتت بين يدي ابيها ولكن عوض الله عليه خيرا بابنة اخرى اسماها هنادي وزوجته الحامل في شهرها التاسع وفي يوم ماطر وغائم في تمام الساعه الخامسه من يوم خمسه وعشرون من الشهر الخامس لذلك العام دوت اول صرخات البرائة او قد تكون اول صرخات الظلم او صرخات الفرح او قد تكون صرخات الشؤم او نذير الخير او ما بينهما في عصر من ذو القدم أوشك الإنسان ان يكون من عدم
فجر يوماً طارفاً على نهاياته
كسب من قوت وقته ذلك اليوم الذي اوشك على الرحيل
معلناً دخول ميلاد جديد في بزغ النهار الفاضح

ترعرعت دقات الساعة بطيئة
وكئيبة منظرها في تلك الغرفة الموحشة
والتي لا ترى فيها الا اللون الابيض من قماش منسدل على جنبات الحائط
وبين برهة واخرى في تعاقب عقارب الساعة
قرباً في حلول الساعة الخامسة من بعد
فجر يوم الاثنين الموافق الخامس والعشرون من الشهر الخامس
اعلنت صيحة مدوية في صدى تلك الغرفة الخاوية من الناس
والتي اطلقت براغيث الخوف في العالم المجهول لذلك الطفل الرضيع

والذي استسلم من بعد اول صيحة في حياته للواقع المر
في سيئة من سيئاته
والتي كتبت له ميلاد جديد ان جاز التعبير



فقد كان ذلك الطفل الاسمر النحيل
ذو الشعر الاسود والشفائف الحمراء

منذوا ان برقت عينيه الحزينة في قرص الشمس الاصفر
انه لن يعيش طويلاً او سيجابه اشباحاً في هذا الوقت القصير
الذي سيعيشه في حياته

ولكم القصة ...
ام الجيران (( ام راشد )) ..
محمد .. محمد
محمد (( الاب ))...
هاه ام راشد وش فيك
ام راشد ...
مبروك مبروك جالك الخلف جالك ولد ولد
الاب ...
ابشري بالبشاره يا ام راشد ابشري بالخير مدام مشعل جاء لك الخير
طبعاً الام ولدت في البيت والي ولدتها ام راشد وكانت ام راشد يدها خير على وجه ابو مشعل الي هو محمد حسب كلام الاب انها هي الي بشرته لانه امل ولدت في المستشفى هي وهنادي بس مشعل ولد في البيت
في هالوقت الام لازالت تعاني من الالم والفرحه تكسر وجها على مولودها الاول الذكر والثالث بعد بنتين
الاب ...
خلاص يا ام راشد بنسميه على الوالد الله يرحمه
ام راشد .. الله يطرح فيه البركه وهذا ولدك خذه بين يديك اذن في اذنه عشان يعيش على فطرته
الاب ...
هاتيه هاتيه ام راشد هاتيه الله يبارك في هاليديات
الاب حظن ابنه وجلس يذن في سمعه ويدعي له بانه يكون خير عليه وانه يكون مبروك له
طبعا هذا الولد اوصافه اسمر البشره غير خواته وغير لون امه وابوه
لانه الوانهم قمحيه الا هو جاي اسمر طالع على جده الله يرحمه لانه يقولون العرق يسري بالجسد وكان على سميه الي هو مشعل طلع اسمر بس انه وجهه يكسوه الحزن لانه لم يصرخ الى الان ولم يبكي ولم يكون فيه الا انفاسه التي تتطاير
مرت الايام والاب ينتظر متى يكبر ابنه كان ان ضحك هذا الابن ترى ابتسامته بريئه وان بكى لا تسمع بكائه بل ترى دموعه وحزنه من انكسارات شفايفه .
ام مشعل ..
محمد اليوم بروح لا اهلي ابي اشوف ابوي
الاب ..
طيب اجل بروح اوديك لمهم وابطلع لدوام اليوم يمكن بعد الدوام اطلع للقصيم موصيني ابو سامي
ام مشعل ..
على وش موصيك وين ان شاء الله خير
الاب ..
بنروح للقصيم فيه مزرعة هناك يبي راعيها نصلح لها عداد كهرب ونركب مواصير مويه ونبني له غرفتين ودورة مياه
ام مشعل ..
كم بتجلس من يوم
الاب ..
والله على حسب الشغل اليوم الاربعاء اكيد بنجي الجمعه ان الله يسر
ام مشعل ..
الله يسهل عليكم وتوصلون بالسلامه
الاب .. امين يا رب
راحت الام وطفيلها هنادي ومشعل والاب راحل الى منطقة القصيم ولكن لم يعلم بان زوجته تعبانه مريضه ولكن تكابر على مرضها لانه لا توجد سيوله ماليه لكي تتعالج وكان معها مرض القلب حضر الزوج في اليوم الثالث من رحيله بعد ان كسب قوته من الصنعة التي عملها
مرت الايام بسرعه وكبر مشعل وكبر معه الحزن
في المستشفى
الاب ..
هاه دكتور بشر ان شاء الله خير
الدكتور ..
كم عمر الابن
الاب ..
عمره تقريبا خمس سنوات او سبع سنوات
الدكتور ..
حقيقه حيرة في الامر ابنك عمره سبع سنوات على قولتك والى الان ما يمشي غريبه
الام وهي تبكي
يعني ما راح اشوف ولدي يمشي على رجوله ولا راح يلعب من عيال الحاره
الدكتور ..
لا تقولي كذا يا اختي ان شاء الله له علاج او خلينا نسوي له تحاليل
الاب ..
كم تبتستغرق التحاليل هذي
الدكتور ..
تقريبا اسبوع مش اكثر تطلع النتائج
في الحاره او في الشارع في هذه اللحظه في بيت الجيران مجتمعين ام راشد وام مناحي وام موسى وقت الضحويه .
ام راشد ..
مسيكينه ام مشعل والله على هالتعب الي فيها اشقاها الله بها الولد الي متعبها
ام موسى ..
ليه وش فيها تعرفين تونى ساكنين في هالحاره وقلبي حب ام مشعل ذي
ام راشد ..
والله قبل فترة ثلاثة اشهر منومين مشعل في العزل الصحي معه يقولون حصبى
ام مناحي .. بدوية جارتهم
ابك هذا الي خلف من حلاله عله قلبي عليها يا ويل حالي على حال ام مشعل غير ذا انها مريضة بالقلب الله يشفيها بس معيت تقول لزوجها يا عونها
ام موسى ..
الله يعطيها على قد نيتها
ام راشد ..
اللهم امين يا رب يكون بعونها انها مثل وخيتي
ام مناحي ..
يا ويل حالي اجل ماهي مثل وخيتي بعد الا والله انها اغلى من وخيتي بطيبة قلبها الله يعافيها من كل شر
ام راشد . ام موسى ..
اللهم امين يا رب
التحاليل وخذت والنتيجه اليوم بتطلع والدكتور وش قال لا ابو مشعل
الدكتور ..
ابو مشعل انا بقولك شي
الاب ..
قل خير يا دكتور
الدكتور ..
ابنك كان في بطن امه ملفوف على فخوذه الحبل السري وهو الي سبب له ضعف لما طلع للحياة ولكن الي يطمن الواحد انه ابنك مشعل راح يمشي بس يبيله عملية تقويه
الاب ..
يا رب لك الحمد والعافيه على ما عطيتنا
مشعل ..
هيه انت
الاب ..
وش هيه هذا دكتور قله دكتور .. الاب يصرخ في وجه مشعل طبعا
مشعل بنظرة منكسره شوي
اسف ..
الدكتور لا ما عليه يا مشعل ان شاء الله بتقوم من فوق هالكرسي
بس انت خليك قوي ولا تزعل وتغذى والعب مع عيال الحاره
مشعل ..
عيال الحاره يقولون لي يا الي مالك رجول
الدكتور ..
اذا قالوا لك كذا قلهم انا لي ابو وام ولي عقل ولي ربي
مشعل ..
ابوي يهاوشني وامي تبكي عشاني والعقل ما اعرفه
الاب يضحك ..
اهواشك عشان تطلع رجال ما تخطي
الدكتور يضحك ...
العقل هنا في الراس وهو الي يخلينا نفكر وبكره بتعرفه لين كبرت
مشعل ..
ما ابي اعرف العقل
الدكتور ..
ليه فيه احد ما يبي يعرف شي
مشعل ..
لا لاني اعرف ربي هو الي خلاني ما امشي وهو الي يخليني امشي بعد
الدكتور ..
والنعم بالله لا انت يا مشعل عقلك كبير وقلبك رحوم
في البيت منزل ابو مشعل
الام ..
هنادي اعقلي واكتبي واجبك
هنادي ..
كتبته ابي مشعل يجي بطقه
الام ..
ليه تطقينه هذا وخيك المسكين
هنادي..
لا مو مسيكين هذا كاسر عروستي
الام ...
انتي عارفه انه اخوك مشعل ما يطلع من البيت دايم عشان كذا يحس بملل
هنادي
وش دخلني يكسر عروستي اشتروا له سيكل مثل ولد الجيران ولا يجي قشيشي
القشيش * (( هي عباره عن العاب بناتيه بلاستيكيه مثل الصحون والعروسه والشنطه والمشط ))
الام ..
انتي عارفه انه اخوك ما يحرك رجوله كيف نشتري له سيكل
هنادي ..
ما علي منه ترى لين جاء بضربه
الام ..
ان ضربتيه تراني مو امك ولا احبك
هنادي..
يا ربيه وش اسوي طيب وش اسوي
الام ..
انتبهي لا اخوك
في هاللحظه ثبتت هالكلمه في راس هنادي انتهي لااخوك وعلى طول بادرت امها بها السؤال
هنادي ..
انتهى
00000000000000000000000000000000000000000000000000 00000000000