استجواب لولي الصغيره

ونبسبة التصويت عاليه
لو انك اللحين هيلاري كلينتووون عشان تفوزين بها التصويت القوي
ههههههههههههههههههههههههههههههههههه
ههههههههههههههه شايف كييف يجي مني والله

السؤال الاول :- ما هو الحلى المفضل عند لولي
انا مني عارفة انت تقصد حلى يعني شي حلو ولا طبخة حلى ؟؟ اذا شي حلو انا احب شكولاتة جالكسي واذا حلى طبخة احب التشيز كيك حق ززي صحبتي

السؤال الثاني :- اعمى ولكنه يرى
يتحسس ولكنه يسمع
وله لسان ولا يتكلم
وله اقدام ولكنه يمشي دائما على راسه ما هوووووووووووووووووووووووو
والله حيرتني بس خلي الاجابة افكر فيها بعدين

السؤال الثالث :- بكل امانه هل لولي طباخه ماهره ام تعتمد على ماميتها
شوف انا اقلك انا اطبخ كل شي وكل اللي ياكلو يعجبهم ويقولولي نفسك في الاكل حلو لكن ما اطبخ غير في الاجازة الكبيرة لمن اكون طفشانة وطبعا في رمضان مساعدة لكن الحلى دايما انا اسويه

السؤال الرابع :- ما هو رائي لولي في وجود الخدم في المنزل
والله اكذب عليك لو اقلك انو مو مهم انا بالنسبالي الشغالة مررررة ضروري وجودها في البيت لان انا من النوع اللي بس يكركب واقتلني بس لاتقلي رفعي ... الا بمزاجي طبعا

السؤال الخامس :- ماهو الفرق بين نساء اول ونساء ثاني
نساء اول احسن بكتير من نساء دحين .. يعني كانت الحرمة تعرف قيمة زوجها وعيالها وتعرف كيف تلمهم وتداريهم وكانت كلمة الرجال هيا اللي تمشي ... اما دحين الله يخلف على حريمنا .. اقل شي طلبت الطلاق طبعا غير العيال المشتتين والزوج اللي مو عارف ربنا فين حاطو

السؤال السادس :- ماهو الفرق بين حب اول وحب الوقت الحالي
حب اول حب حقيقي صادق مليئ بالاخلاص والوفاء اما حب دحين مبني عالكذب والخيانة والشك
( طبعا لكل قاعدة شواذ في الحالتين )

السؤال السابع :- لو كسبت لولي مبلغ مليون ريال ما هو اول شي ستعملهحاشتري فيلا واكتبها باسم ابويا ان شاء الله .

اول شي حبدأ باسئلة الاستازة لوجي اللي ان شاء الله ربي حيجلسها عالكرسي دا لووول

بسم الله
لونك المفضل؟
احمر

مطعمك المفضل؟
مطعم بيانو اللي كان في التحلية

ايش رايك فالحب؟؟
اسمى واصدق العلاقات بين البشر وهو اللي بيلون حياتنا ويديها الوانها

ولو ربنا اراد انك تحبي حتحبي ولا حتقولي لا وماعرف ايش؟
بصراحة اذا حبيت الله لا يقدر في البداية حاعابط نفسي واحاول اقنعها انو الشخص دا زيو زي اي احد اذا ما قدرت ديك الساعة حاعرف انو انا من جد احبو وما راح اقول لا . طبعا لازم يكون هوا معترف بالحب دا
يعني مو حب من طرف واحد

نظرتك للرجال ؟؟
انا اسفة لكل الرجال اللي موجودين ......بصراحة استحقرهم واحس انو كل رجال تجري في دمو الخيانة اذا مو وهوا صغير لمن يكبر

تكرهيهم تحبيهم ؟؟
عادي .. لكن اميل لاحتقارهم

ايش هدفك فالحياه؟
اني اكمل دراستي واخد الماجستير والدكتوراه واتوظف ان شاء الله

شي اول مرة تقوليلنا عنووووووووو؟؟
مممممممممممممممممممممم اني انا احبكم
لووول

اتمنى انو محد يزعل من اجوبتي بس انا بعبر عن اللي في نفسي

نجي لا سئلة الدكتورة كول ماما
بسم الله

قد حبيتي من قبل ولا لا؟
مدري اش حكايتكم مع السؤال دا لا ماقد حبيت والحمدلله

كيف تنظري لعاداتنا وتقاليدنا ف ان المخطوبة ماتخرج مع خطيبها ومايسيبوها لحالها معاه فترة طويلة؟
من جهة انا ائيدها لانو رجال الزمن دا ما تأتمنيهم يعني يكونو مملكين وكلو ولمن ياخد اللي يبغاه يسيبها ويروح لغيرها ... ومن ناحية تانية فترة الخطوبة احلى فترة في حياة البنت ومو من حق احد انو يحرمها هيا .. فانا من راي انو خير الامور اوسطها يعني لا مررة يفلتوها ولا مررة يمسكوها يعني يخرجو ويروحو مع بعض ويكون معاهم مثلا اخوها او اختها الصغيرة ومرة الكبيرة وزي كدة واحيانا يخلوهم مع بعض لوحدهم بس اهلها يكونو معاها عالخط يعني كل ساعة مثلا يتصلو يعرفو فين هيا رايحة وزي كدة

هل تحسي انك ناضجة
بمعنى اي وحدة من صاحباتك لما توقع ف مشكلة هل تجي وتستشيرك؟
ايوه الحمدلله

قد صاحبتك قالتلك على سر وحسيتي بالذنب انك داستو(يعني موضوع كبير مررررررة)ايوه مرررة كتيييييييييييييير

برضو قد صاحبتك قالتلك على سر وندمتي انك افشيتيه دون قصد؟
لا الحمدلله ماقد افشيت سر احد الحمدلله

ايش اكبر امانيكي ف الحياة؟ انو نكون انا واخواني يد وحدة ومحد في الدنيا يقدر يفرقنا عن بعض ابدااا اذا واحد مننا فرح نفرح لفرحتو واذا زعل نزعل لزعلو ونكون مع بعض دايما ..

هل تؤيدي سواقة المراة للسيارة؟
يعني ... ايدها اذا ما عندها احد يوديها وفي الحالات الضرورية جدا جدا جدا غير كدة لا

لونك المفضل؟
الاحمر

ليش احسك مكتئبة؟
مدري يمكن من الاشياء اللي عشتها مريت بيها وانا في سن لسة صغيرة .. وممكن من الدنيا وبلاويها ...
وممكن عشان انا عارفة انو مافي فرحة الا وبعدها حزن .. ما ادري

بصراااحة انا حاولت قد ما اقدر اني استوعب وافهم الاسئلة

اما انت عليك اسئلة ما شاء الله تبارك الله مدري من فين تجيبها الله يحميك
اقرا السؤال 3 او 4 مرات عشان استوعبو .. لوووول

يلا بسم الله ابدأ

طبعا ما عرفتي اجابه الي يمشي على راسوه ويتكلم وماله لسان ومدري ايش
راح اقولك ايش هوا
القلم
انا قلتلك سيبو افكر فيه بعدين
وترى السؤال فيلو غلط
وله لسان ولا يتكلم
هوا المفروض ليس له لسان ويتكلم
طيب ما علينا


بلا مجامله
ضعي كل عضو في خانة لديك باحساسك

كول ماما :: كتكوتة المنتدى

المفرهد :: بسمة المنتدى

سمسومه :: انسانة مرحة وفي نفس الوقت مليانة بالاحزان

بشبوشي :: بصراحة انا مررة معجبة فيها لانو ما شاء الله عقلها اكبر من سنها

لوقي :: اختي ومن اعز صحباتي

سويت :: ما اعرفها كتير

غابة الاحزان : شاعر مبدع ما شاء الله

لولي الصغيره : انا لووووووووووول

ليدا:: ما اعرفها

حروف مبعثره :: مااعرفها


طيب السؤال الثاني
ماذا ينقص المنتدى في وجهة نظرك حتى يتوج بما نتطلع اليه ؟؟
تفاعل اكثر من الاعضاء الموجودين


السؤال لاي بعده
لو كنتي انتي لوقي ماهو اول شي تعمليه من قرارات في المنتدى ؟؟
مدري بصراحة المنتدى مايبغالو شي بس يمكن حسوي نشرة لاجمل واحلى المواضيع في المنتدى وارسلها علايميلات عشان تكون دعاية للمنتدى


السؤال الرابع
انتي تستحقرين الرجال جميعهم اوكيه ما نختلف وجهة نظر
بس الا ترين انك تستحقرين ايضاً من ضمن الرجال اخوك وابوك وخالك وعمك ؟؟؟
اخويا وابويا وخالي وعمي كلهم رجال وكلهم بشر ما يختلفو عن اي رجال انا ما استحقرهم لشخصهم لا احتقر انهم رجال انا مني عارفة كيف اوصلكم اللي فبالي .. بس ممكن لو ضربت مثل يوصل
يعني مثلا كلهم متزوجين ومرتاحين .. لكن لو عرضت على اي واحد منهم انو يتزوج وحدة تانية ما اتوقع انو يقول لا ... عادي هادا مو بس هما كل الرجال كدة .. ما يكتفو بوحدة .. والله ياغابة حيرتني ومني عارفة كيف اوصلك اللي في نفسي واتمنى انو محد يفهمني غلط انا ما احتقرهم انا اعتبر انو الخيانة صفة فيهم بس صفة مشتركة في كل رجال ممكن تعبير الخيانة تعبير كبير بس مالقيت تعبير يوصف الشي اللي ابى اقولو غيرو .. .. اتمنى انك تكون فهمتني
السؤال هادا بالذات يااارب انك تفهمو صح ياااااااارب

السؤال الخامس
لولي الصغيره او لولي الدلوعه او لولي الاموره او لولي اخر العنقود لدينا في المنتدى
انا كل اللي قلتو ماعدا لولي الدلوعة او لولي اخر العنقود هادولا انا مررررررررة بعيدين عني
ماهي مخططاتك في حياتك اليوميه يعني خلال يوم ماذا تخططي ان تعملي
والله يومي سايبتو على ربي اذا عندي اختبار او واجب زاكرت وحليت جلست عالنت ونمت واكلت وجلست اتكلمت مع اختي شوية وخلاص انتهى يومي

السؤال السادس
احكمي العالم في دقائق اول قرار يصدر بحق المراءه من قبلك؟؟
الغي جميع قرارات الدول الاجنبية بمنع المرأة من الحجاب واصدر قرار ان الحجاب حق من حقوق المرأة ليس لحاكم او دولة التعدي عليه هادا بالنسبة لخارج الدول العربية
اما في الدول العربية اقرر دفع مبلغ مالي كافي شهريا لكل ارملة و مطلقة و عانس ليس لديها من يعولها بحيث يشمل السكن والماكل والمشرب

السؤال الثامن
امامك خياران
اما ان تتجرعي السم
او ان يخونك زوجك وانتي ترين او حبيبك ؟
ايهما تختارين
مافهمت السؤال .. يعني اش موقف حبيبي او زوجي .. هوا يبى يخون ولا واللله مني فاهمة السؤال
يعني هوا اصلا بيخون وانا مني شايفة اتجرع السم ولا اشوفو ولا ايش ؟؟ ياريت توضح ؟؟


السؤال التاسع
كم وزنك الحقيقي
ولا تصرفين في كور لافه وتقولي ماقد وزنت ههههههههههه
والله اخر مررة وزنت يمكن وانا في المتوسط انا ما اوزن اروح للدكتور اوزن وهوا يقلي نقصتي كدة او زدتي كدة لكن ما اخليه يقلي كم وزني عشا لا اتحطم بس على فكرة انا مرررررررررررة دبببببببببببببببببببببببببببببببببببببببببببببببببببببببببببببببببببة من جد ترى مو تريقة


السؤال التاسع
مارأيك لو قلت لك ان البنت هي الي في دمها الخيانه ماذا تقولي ؟؟
حاقلك اثبتلي



السؤال العاشر
احبك شخص واحببتيه
وبعد فتره وجيزه قال لك انا غلطت ليتني ماحبيتك ايش راح تعملي ؟؟؟
حاقلو اذا انت ندمان عالعلاقة دي ممكن اننا نتهي منها دحين لكن انا مبسوطة لكل لحظة حلوة عشتها معاك وكنت اتمنى انو علاقتنا تستمر بس انا مني مستعدة اكمل مع انسان نادم ولو لحظة انو حبني الله يوفقك ويسهلك دربك ( انا حاقول الكلام دا واذا من جد كنت احبو حاتقطع من جوة )


السؤال الحادي عشر
هل ستندمي ام انك ستبقي مجروحه
الاتنين حاكون مجروحة منو وحافضل مجروحة لكن ماراح اندم على اني حبيتو لانو اكيد في لحظة حلوة جمعتنا لكن حاندم اني اديت لقلبي مجال انو يحب ويتعذب سواء منو او من غيرو

السؤال الثاني عشر
انتي احببتي شخص واحبك
وبعد فترة وجيزه قلتي له انا غلطت ليتني ماحبيتك لاني غلطت ايش راح تعملي
هل ستفرحي انك جرحتيه ام ستفرحي انك ابقيتيه في انك تلعبي بالمشاعر ؟
صدقني ان شاء الله اني ما راح اقولها واذا حصل انا حكون ندمانة اني قلتها لكن مستحيل افرح اني جرحت انسان حتى لو كان الد اعدائي


السؤال الثالث عشر ولا اقولك

خلااص كدا كفايه عليك لاني اتعبتك من جد هههههههههه
خد راحتك ياخويا عاد فرصة لا تعوض

اتمنى اني اكون جاوبت عالاسئلة بطريقة صحيحة وياارب انو كل اللي اباكم تفهموه تفهموه صح يااارب

ياربي اش هادا ؟؟؟ ما شاء الله منتو مقصرين ابداااااااااااااا

مفصفصيني يالطييف

لوووووووووول

حابدأ باسئلة الكتورة ليان

بسم الله

السؤال الاول:مين اول شخص تفكري تكللمي لمن تتضايقي و مو من اهللك؟؟
انتي او لوجي او ززي

السؤال الثاني:حكينا موقف محرج حصللك و بالتفصيييييييييييييييييييييييييييييييييييييييل؟؟
انا اقلك يمكن العام رحنا مع بنات خالي فن تايم وكانت فيني حالة ابغى العب كل الالعاب حتى حقت الاطفال المهم في لعبة كدة تطلع فوق وتدور قلت للبنات يلا نلعب قامت وحدة منهم قالتلي لا والله ادوخ ما ابغى تخوف قلتلها والله ماتخوف ولا شي ويلا وعلى ضمانتي المهم اقنعتها ودخلنا واحنا في نص اللعبة صارت تصرخ وتقلي والله لا اوريكي يا كلبة خلينا ننزل بس والله لا اوريكي وبصراحة البنت جامدة ولمن تقول اوريكي يعني اوريكي المهم خلصت اللعبة واول مافكو الاشياء حقت الامان كان قدام اللعبة على طول 3 درجات وبعدين حديدة المهم اول مافكو الاحزمة قمت انا بسرعة ابغى اشرد منها عشان لا تضربني ولا تسويلي شي وتعالي يالولي نزلت درجة وقلك ابغى انط الدرجتين الباقية وشوية ماشوف راسي غير في الحديدة وانا مدردبة في الدرجتين وعلى حظي كان مليان ناااااااااااس اولاد وبنات كبار وصغار والكل صار يضحك لدرجة انو واحد جلس عالارض وحط راسو جوة بلوزتو وصار يضحك واتنين مخطوبين فطسو ضحك عليا طبعا انا عشان اسوي انو عادي صرت اضحك
من جد كان ابو الاحراااااااااااااااااااااااااااااااااااااج

السؤال الثالت: ازا كان بيدك انك تقتلي احد في حياتك و انسي ان القتل حرام مين و ليش؟؟
اقتل نفسي عشان ارتاح واريح

السؤال الرابع: ايش اكتر صفة تكرهيها في نفسك؟؟
اني على طول اسامح على قد ما اكون مجروحة ومتالمة لكن باقل شي على طول اسامح وافتح صفحة جديدة ولا كانو شي صار حتى لو كنت لسة بنزف من الجرح

السؤال الخامس: ازا كان بيدك تغيري شي في حياتك ايش هي ؟؟
تفكير امي

السؤال السادس: مين الشخص اللي تغاري مننو و ليش؟؟
ههههههههههه مدري يمكن اخويا الصغير لانو ما شاء الله عليه بكلمتين يلحس عقل بابا
يعني مثلا في يوم بابا زعل منو عشان شي سواه لدرجة انو بابا بكي من القهر اللي فيه وفي نفس اليوم في الليل كلمو اخويا قلو ابغى اخرج مع اصحابي قام بابا قلو طيب ولمن كلمنا بابا يقوم يقلنا خلي الولد يغير جو يعني مررة مررة ما يقول لبابا على شي الا ويقلو طيب لو اش ماكان مسوي ..

السؤال السابع:تفضلي لبس البنطلون ولا التنوره؟؟
طبعا البنطلون

السؤال الثامن: ايش هي الهديه الماديه اللي تتمني احد يهديكي هي؟؟
بصراحة ماادري يعني مافي في بالي شي يمكن غرفة جديدة

السؤال التاسع: ايش هي احلى 5 هدايا جاتك في حياتك؟؟ومن مين ازا ماديه؟؟1- اول جوال ليا من توأم روحي واختي ابلة رورو
2- طقم اكسسوار ابيض من ماما
3- رقم جوال مميز من بابا
4- ساعة قس منك و من ززي
5- محفظة وتعليقة جوال قلب من لوجي
في كمان دبدوب كبير من صحبتي بشاير وفلوس من عماتي

السؤال العاشر:مين اكتر واحد تحبي من اخوانك و اخواتك غير ابله رورو؟؟
اللي يسمعك يقول انهم عشرة كلهم تلاتة وشلتي ابلة رورو ما باقي الا اتنين وبصراحة الاتنين قد بعض احبهم

السؤال الحادي عشر: عمرك عرفتي رجل و حسيتي اننو يستحق الاحترام بما انننك تحتقريهم كللهم و مين هو؟؟؟
اولا ابغى اوضح شي انا ما احتقرهم هما انا احتقر الصفة فيهم << اخيرا لقيت التعبير
طبعا احترم اهلي ( ابويا واخويا وخيلاني وعماني )

السؤال الثاني عشر: لمين تهدي دي الالقاب((بسمة دنيتي-تاج راسي-الحضن الحنون-ضحكة عمري-مفتاح قلبي)) و توام روحك انا اقللهم ابله رورو اختها خخخخخخ
بسمة دنيتي : انتي
ضحكة عمري : لوجي
طبعا مفتاح قلبي وتاج راسي والحضن الحنون كلها لابلة رورو

السؤال الثاني عشر:ازا كان نفسك تغيري طبع احد تعرفي مين هو و ايش الطبع؟؟ ممكن تختاري اكتر من شخص...
ماما : كل شي فيها
ابلة رورو : وحدتها وكتمانها لهمومها وزعلها في قلبها
بابا : انو يحط بال لكلام الناس في كل شي في حياتو ويعطيلو اهمية
اختي الصغيرة نونة : دلعها وعناااادها وقلة ادبها
اخويا الصغير دحمي : انو مو كل شي يسوو الناس احنا نسوي زيهم ... الغيرة الزايدة والللي مو في محلها وفرض الاوامر عالفاضي
ززي :: تفتحلنا قلبها وتشكيلنا همومها وتدينا فرصة نساعدها
لوجي :: لمن تكون زعلانة تكور
انتي :: تسمعي كلام الكل
الناس :: مال لاحد شغل في غيرو وكل واحد يشتغل في نفسو احسلو

السؤال الثالث عشر:ممكن تثقي في زوجك في المستقبل ان شاء الله؟؟
اكيد حاثق فيه ان شاء الله

السؤال الرابع عشر:ازا صدر قرار بنفيك الى جزيره في نص البحر و مسموح لك اننك تاخدي بس شخصين مين تاخدي؟؟
ابلة رورو الشخص التاني حيكون واحد من دولا التلاتة ( انتي - ززي - لوجي ) اللي يبغى الله يحيه

السؤال الخامس عشر:ايش اكتر لقب تحبي الناس ينادوكي بي؟؟
allo - lolla واحب لمن يقولولي يا دكتورة

السؤال السادس عشر:تفضلي الشعر الطويا ولا القصير؟؟
الطويل

السؤال السابع عشر:ايش هو حيوانك المفضل؟؟
انا اكره الحيوانات كلها واخاف منها .. بس احب الدلفين

السؤال الثامن عشر: ايش نفسك تسوي دحين و في دي اللحظه؟؟نفسي اخلص من الاسئلة كلها واجاوب عليها ... لوووووووووووووول
نفسي ازاكر واخلص اختبار بكرة

خلاص دماغي فضي يلا الله بعينك جاوبي خخخخخخخخخخ
ما شاء الله معاه حق يفضى
لووووووووووووول

دحين نجي لاسئلة الحلوة لوجي

بسم الله

1- اغنيتك المفضله ؟؟
اصحاب ولا- لو كنت غالي عليك ( مصطفى قمر )

2-اسلوب حياتك تحسيه ممل - جيد - عادي
عادي يميل الى الملل

3-افضل مغني (غير محمد نور ) اعرفك تحبيه
ايوه صح ميتة عليه الله يقرفك .. راشد الماجد + مصطفى قمر

4- لواتخطبتي حتتغير فكرتك انو كلهم خاينين ؟؟؟
ههه حسب الشخص اللي حيجيني .. يا حيغير نظرتي ليهم وهادا مررة صعععبة يا حيأكدلي هيا اكتر واكتر

5-لو عندك فلوس وتبي تشتري شي لنفسك شي مررره نفسك تجيبيه وبعد ين اكتشفتي انو عيد ميلاد احد عزيز علييكي اليوم
تشتري لنفسك او له وطبعن مافي غير دي الفلوس؟؟
طبعا له

6-ليكي خلق للبزورة؟
اعشقهم ومرررررررة احبهم .. طبعا ليا خلق ليهم

7-هل تعتني بنفسك؟؟
اعتناء طبيعي ولله الحمد

8-موقف اثر فيكي مره؟؟
في مررة واحنا نازلين من مكة بابا كان متنرفز فصرخ علينا واحنا ماندري اانا دحين حننزل فهوا اتنرفز لمن شافنا محنا متجهزين وصار يصرخ علينا فقلتلو احنا ماندري اش في ؟؟ ليش بتصرخ علينا ؟؟ قام صرخ في وجهي ورفع يدو بس ما ضربني .. المهم واحنا في السيارة كنا طول الطريق انا وابلة رورو بنبكي مقهورين لانو مالنا شغل .. فصار هوا بيهدي علينا ويقلنا سامحوني والله ما اقصد واحنا ساكتين بعدين صار يبكي ويقلنا سامحوني يابناتي انا اسف
بس الموقف هادا مرررة أثثر فيا

9-لوحبيتي حتخلي حبيبك سر او تقولي للناس انك تحبيه؟؟
في البداية حخليه سر الين ما اتاكد من مشاعري ومشاعرو تجاهي بعدين اقول لصحباتي واللي اثق فيهم

10-ماتتمنى انك تكوني زي باقي البنات تحبي وكدا؟؟
لا ياامي الله لا يبلاني وعلى ايش وجع القلب

11-افضل ممثل ؟؟
تامر حسني - كيفن ( مهند اللي في مسلسل نور ) لوووول

12- تحبي الحلاوة- الشكلاته - الشبسات؟؟
كلهم بس الشكولاتة اكتر شي

13-لو اكتشفتي انو اخوكي يعرف بنات ايش تسويلو ؟؟
حتقولي لابوكي ولا بينك وبينو؟
لا حيكون بيني وبينو
.. وحاحاول اني اعرف كل شي عشان اوجههو وافهمو الصح من الغلط .. انا محا اقدر امنعو لكن افهمو انو ما يلعب ببنات الناس

14- لو عرفتي انو اعز صديقه خانتك بقصد او من غير قصد ايش ردة فعلك ؟؟
الله لايجيب الخيانه يعني؟؟ اميييين
حانصدم في البداية وبعدين حاحاول اعرف السبب

15-لو كان خطيبك يعرف بنات قبلك وحكاكي مره عنهم
ايش حتسوي تطلبي انو تفسخي خطوبتك او ايش حتسوي بالزبط؟
لا طبعا محا افسخ الخطوبة وحقلو انو انا ماراح احاسبو على ماضيه لانو شي وانتهى خلاص لكن حنبدأ مع بعض صفحة جديدة

16-فلم الكرتون المفضل ليكي؟
كونان

17- تحسي نفسك طفله او كبيره ؟ يعني تصرفاتك
والله مدري الاتنين

18- لو الدنيا رجعت لورااااااا ايش تتمنى انك تسوي شي ماسويتيه؟
اني استمتع بكل لحظة في حياتي واني اداوي جروح كل اللي جرحتهم من دون قصد

19- في شي ندمانه عليه؟؟
حاجااات كتييير

20-اكتر عضو تحبيه فالمنتدى دا ؟؟ <<<<<<<<<< غيري طبعن
حكررررررتها
ههههههههههههههههههه
ههههههههههههههههههههههههههههههه ليونة الطعمونة

21- اكتر سبه تقوليها ؟؟
.... كلي خرررا .. الله يكرم السامعين

22- اكتر شي ندمتي عليه ؟؟
اني وثقت في ناس ما يستحقو الثقة واني اديت لناس فرصة ما يستاهلوها

23- هل انتي ربه منزل ؟؟ تتوقعي نفسك بعد سنه شايله بيت وكدا ؟ :ربة منزل ايوه ان شاء الله ... لكن بعد سنة ما اتوقع مدري كل شي ربي كاتبو والله اعلم

دحين نجي لكول ماما

كيفك؟؟
ماشي الحمدلله

والله شايفة غابة شادد حيله معاكي
الله يستر
هوا بس غابة !!!! الكل شادد حيلو معايا بقوووووووووة ما شاء الله
لووووووووول

ع العموم
جا كم سؤال دا ف بالي وقلت الحق اسالك هوا واكمل معاكي بعدين ان شاءالله
ان شاء الله

كان عليكي دين جبار
ومطالبة بسداده
وقالك راعي الدين اما تدفعي او تسجني واحد من دول
كول ماما(انا )-لوجي-فرفر-احلى قمر
وماعندك مهلة ولا شي
مين حتختاري وليييييييييييييييش؟
محا اختار ولا واحد وخخليه يسجني انا بدالكم لانو انتو مالكم شغل

ازا ولد اخوكي او اختك اداكي قلم قدام الناس ايش تسوي؟
هوا يعتمد كبير ولا صغير .. لو صغير عادي حمشي ولا كانو سوا شي .. بس لو كبير حازعل منو واخليه يجي يعتذر مني .. طبعا باسلوب

رحتي للكوفيرة عشان فرح اختك وطلعتك مررررررررررة خبصة
ومعد ف وقت
والمعازيم بيهلوا ف الفرح
وامك بتدق تقلك يالله بسرعة
ايش حتسوي؟
حاقفل جوالي واخليها ترجع تعدلو تاني سرعة

ايش حتسوي ازا وحدة دقت عليكي وقالتلك انتي ماتستحي بتكلمي جوزي وبعدي عن جوزي ولقيت رقمك ف جيبو؟
حاعرف مين زوجها واش اسمو .. بعدين حاقلها انتي داقة عليا ليش روحي اسئليه هوا .. انا ما اعرفو ( هادا لو من جد ما اعرفو )
اما لو مثلا شي مثلا في شغل او انا زبونة عندو او اي شي يعني حاقلها الحقيقة

رجعنا تاني لاسئلة لوجي

طبعن انتي قلتي انك ندمانه على اشياء كتير ياريت تقوليلنا بعضها؟
وليش ندمتي عليها؟
والله يالوجي مافي شي في بالي دحين

هل تميلي للعاطفه او للعقل؟
انا في شق والعقل في شق تاني .. اميل بانحراف 180 درجة للعاطفة

قوليلنا كم شي ندمانه عليه بالتفصيل؟؟
زي اللي فوق مافي شي في بالي حاليا افكر واكتب بعدين

اكتر شراب تحبيه؟
تانج برتقال

نوع جوالك؟
nokia 5700

حياتك اوصفيها بكلمات؟؟
حزن - الم - قهر - كئابة - ظلم - شك - امل - حب - فرحة

ايش تتمني هديه فعيد ميلادك؟ ومن مين؟؟
اللي يجي حلو اهم شي انو يكون طالع من القلب
اتمنى شريط يكونو كل صحباتي مسجلين ليا فيه اهداء من كل وحدة تقلي مشاعرها تجاهي

صفه مو حلوة فيكي نفسك تغيريها؟؟
جاوبت عالسؤال دا في واحد من اسئلة ليونة

وصفه فيكي تحسي انها حلوة؟؟
اني ما ازعل من احد ولا اخد في خاطري الا بعد اكتر من مررة

ايش رايك في هيفاء وروبي والمغنيات الي زيهم؟
هما في شق والفن في شق الله يقرفهم ان شاء الله

دعوه تتمني تسمعيها كل يوم؟؟
الله يسعدك وييسرلك الخير في طريقك يارب

كلمه تبي تسمعيها كل يوم ؟ ومن مين؟؟
احبك .... من كل انسان عزيز عليا

ايش نفسك تتعلمي ؟؟
نفسي اتعلم اني اتغلب على خوفي من البحر والحيوانات والظلام والاماكن المرتفعة والجثث

عندك ميول فنيه او زي كدا؟؟
ايوه احب الرسم واحب الشعر