استجواب لولي الصغيره

والله انا عندي بكرة اختبارين زاكرت واحد ومني فاهمة منو شي فانسدت نفسي وقلت بعدين ازاكر التاني
عشان كدة دحين بجاوب لاني مررة طفشاااانة

يلا بسم الله

لو خيروكي اننك تتزوجي برجل يحبك و يموت عليكي بس مو حلو مرره يعني مره معفن بالنسبه ليكي و رجل حلو و وسيييم مررره بس عادي ما في مشاعر بينك و بينو مين تختاري و ليش؟؟؟
طبعا حاتزوج اللي يحبني ويموت عليا حتى لو كان مو حلو او قبيح لانو الجمال مصيرو في يوم يروح ويفنى وما تبقى غير المشاعر .

لو ابوكي كان مشارك في المنتدى حتغيري اسلوبك فيه؟؟؟
هههههههههههههههههههه لو بابا مشارك انا ماراح اغير اسلوبي لكن حيخرجني من عالم النت الى الابد
لوووووووووووووووووول

ايش اكتر سؤال عجبك من اسئلتنا؟؟؟
كل الاسئلة حلوة

اكيد في صفة في الرجال تعجبك ايش هي؟؟؟
يعجبني الرجال الحكيم اللي يعرف متى يظهر قوتو ومتى يظهر ضعفو ويعرف متى يلين ومتى يشد ..

مين اكتر شخصيه تعجبك و تعتبريها قدوه ليكي؟؟ غير اختك؟؟
نبي محمد صلى الله عليه وسلم

تفضلي تعيشي في الخضار و الجبال ولا جنب البحر؟؟؟
جنب البحر

ايش هي الذكرى السعيده اللي تتذكريها من ايام طفولتك؟؟؟
ايام العيد لمن كلنا انا واختي وبنات عماتي وعماني نلبس فساتين منفوشة زي بعض ونروح الصلاة مع بعض بعدين يدونا سبت الحلاوة والتمرة نوزعها وكل الناس تطل فينا يحسبونا اخوات والاولاد يلبسو نفس التياب والغتر ويمشو مع الرجال وبعدين لمن نرجع البيت وناخد العيديات نطلع الحوش ونطرطع . هادا كانت احلى ايام طفولتي
والذكرى التانية لمن سافرنا اسبانيا كانت ايام مررة حلوة

ازا رجع الزمن لورا و كان بيدك انك تصلحب غلط عملتي ايش هو؟؟؟
اني كنت دايما ادافع عن انسانة ومدافعتي لها خلتها تتمرد اكتر واكتر

ازا رحتي بيت احد تعزي و ما استقبلق كويس و مطنشك طول الوقت و ما عبرك ايش تسوي؟؟؟
حاعزروا لانو هوا في موقف محد يلومو عاللي بيسويه والله لو خبطني كف ولا سبني ولا حتى طردني حاعزرو وادعيلو انو ربي يهون عليه مصيبتو ويعظم اجرو

الاهل و الاصدقاء هم سبب السعاده -لاحياة من غير اهل-الاصدقاء هم املي في الحياه اي العبارات اقرب اليك؟؟؟
لاحياة من غير اهل-الاصدقاء هم املي في الحياه

ايش تتمني تكون لون عيونك؟؟؟
اسوووووووووووووووووود

ايهم اجمل نانس ام هيفا؟؟؟
لادي خير ولا دي بركة كل وحدة انيل من التانية

ازا كان بيدك تقابلي احد مشهور مبن و ليش؟؟؟
كيفن ( مهند اللي في نور ) .. عشان اقارن بين شكلو في الطبيعة وشكلو في المسلسل .. لووووووووووول

لو كان النتدى ليكي ايش تسمي؟؟؟
بنت مكة

مين العضو اللي تحسي مره نشيط في المنتدى؟؟؟
لوجي - كول ماما

تفضلي شرب المشروبات الساخنه ام البارده؟؟؟
الباردة

رجعتلك ياحلوة باسئلة تاني
يا هلا والله .. مرحببك يا ستي


ايش نفسك تكون خلفتك مستقبلا(عارفين كل الي يجي من ربنا حلو) بس انتي تميلي لايت جنس وليش؟
والله انا نفسي في توائم ابغى بنتين بعدين ولد وبنت بعدين ولدين .... انا احب البنات عشنهم ملائكة الرحمة .. وهم البنت بالنسبالي اخف من هم الولد . اقصد في التربية يعني البنت ممكن اتعرف على صحباتها واعرف مع مين وتكون لغة الحوار بيننا اسهل من الولد .

هل انتي من النوع الي تنغبري ف اشياء اخوكي او اختك؟
مافهمت اش يعني تنغبري

ايش المكان الي نفسك تروحيلو ومع مين؟
نفسي اروح جزر المالديف او هاواي ... مع حبيبي زوجي

تفضلي تسافري عشان الطبيعة ولا المسارح؟
الطبيعة

مين تحبي اكتر اهل ابوكي ولا اهل امك(ازا في احد منهم ف المنتدى اعفيكي من السؤال )ههههههههههههه والله اخاف في يوم يسجلو .. لووووووووووول
اهل ابويا اكتر

لو جاكي يوم وعرفتي انو احد عزيز عليكي يسوي شي غلط ومقتنع فيه وقد ماحاولوا الناس يبعدوه عنو مو راضي كيف حتكون ردة فعلك؟
اول شي حاحاول اني ابعدو عن الشي واحاول واحاول وحافضل احاول الين ما ربي يهديه طبعا مع اهم شي اللي هوا الدعاء .. حافضل ادعيلي بالهداية ليل ونهار .. ان شاء الله

لو جا ولد اخوكي او اختك وخلع لك ازرارين من اللاب توب تبعك ايش تسوي فيه ؟
حاسوي اني زعلانة منو الين ما يندم ويعتذر .. طبعا اللاب حاديه لامو تصلحو واذا ما رضيت حاصلحو انا

طيب لو نفس الولد دا مسك جوالك وانتيي غفلانة عنو وحطه ف موية فتررررررررة وبعدين اكتشفتيه ايش تسوي فيه ؟
لو اتخرب حاصرخ فيه بشويش .. وحازعل منو .. وحخلي امو تصلحلي جوالي ... لو ما اتخرب بس حانبو .. واجيب لاخوانو حلاوة وهوا لا كعقاب ليه ..

هل تقتنعي بالبرامج الاجنبية زي اوبرا وسوبر ناني
ولا تقولي المجتمع مختلف مافي شي من الي عندهم ينفع يتطبق عندنا؟
مو مرة .. يعني في اشياء تنفعلنا وتنفع لمجتمعنا وفي اشياء مختلفة .. حاخد الشي المفيد واللي ينفعني واللي مالو داعي حاتركو

حكينا موقف من المواقف البااااااايخة الي طحتي فيها(محرج يعني)؟؟
حكيت الموقف في سؤال لليونة .

تحبي تحطي زيوت ف شعرك ولا ماتحبذي الموضوع دا؟
لا

ايش يكون شعورك لو اتحطيتي ف موقف مررررررعب جداجداجدااا
يعني كنتي ف حمام وسمعتي صوت ف نفس الحمام بيناديكي
او اي شي مرعب؟
اول شي حاشخ على نفسي الله يكرمكم .... لوووووووووووووووووووووووول ... بصراحة حاترعب واتجمد مكاني حتى محا التفت ويمكن يغمى عليا ..وانا متجمدة حاقرا اذكار وادعية وقران ... ترى انا من النوع الخواااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااف اللي يخاف حتى من ظلو ..

ايش يكون موقفك لو احد لعب بجوالك وانتي عندك شي داستو فيه وماتبي احد يشوفه؟
الحمدلله ماعندي شي داستو .. بس حتى لو في حازعل وانقهر واستحقر الشخص اللي فك الجوال لانو هادا مو من حقو وما اعتقد انو هوا يرضى اني اتعدى على اشيائو وخصوصياتو ..


امممممممممممم
بس والله مرررررة مصدعة
سلامتك يا عسل

بس باستنى الصبح
عشان اصلي وانااااااااااا ااااااام
تقبل الله وتصبحي على الف خير .. نوم العوافي يارب .

ههههههههههههههههههههههههههههههههههههههه لولي الله يرج بليسك انا كمن فسر الماء بالماء
طيب يا من فسرت الثلج بالعسكريم هههههههههههههههههههههههههههههههههههههههههههههههههه
هههههههههههههههههههههه لووووووووووووووووووووووووووووووووووووووووول


طيب سين سؤال
ابي اجابه اختيار واحد


كنتم في منطقه صحراويه انتي وابوك وامك

ونزل عليكم قطاعين طرق
ومسكوك وربطوكي اوكيه
وقالوا لك
اختاري
واحد بيعيش والثاني بيموت قتل
مين تبغي امك ولا ابوك
ولو اخترتي نفسك راح نقتل واحد منهم والثاني نعذبه قدام عينك بالحرق والتقطيع
من تختاري يقتلوا واحد بس اختاري مين
حاختار يقتلوك انت

لوووووول

حاماطل واراوغ وبعدين حامثل انو اغمى عليا واني مني قادرة اعمل شي
لو ما نفعت كل حيلي حاشوف اللي فرصو في النجاة اكتر حاختارو

اولا انا حابة اعتذر من الجميع لاني اتأخرت في الرد

سامحوني بس كانت عندي ظروف وما قدرت اجاوب

دحين حابدا بأسئلة لوجي ::

لو لقيتي انسانه تعرفيها بس معزتها عادي عندك
وكانت حتطيح لو ماساعدتيها وانتي كنتي متشيكه ولابسه
فستان سهره وميك اب وكلوووووو
وهيالو طاحت حتموت
والطريقه انك تنقذيها انو تشقي من فستانك شويه وتنقذيها بيه
حتسوي كدا ولا؟.؟؟؟
تيب ولو كانت البنت وحده تكرهيها ايش حتسوي برضو؟؟؟؟
طبعا حانقذهم الاتنين .. انا هنا ما بتعامل مع مشكلات شخصية انا بتعامل مع روح انسان روح بني ادم
ماراح يهمني ان كانت الانسانة دي من اعز صحباتي او من الد اعدائي انا بتعامل مع ارواحهم في كل الحالات حاسوي كل اللي اقدر عليه عشان انقذهم والله مو لو كنت لابسة ومتشيكة والله لو انو كنت في فرحي هادي ارواح ربي كرمها محا اجي انا وافضل لبسي وشياكتي على روح الانسانة


تيب انا حقلك كم اسم
ونتي قولي ايش حسيتي الصفه الي فيه

لوجي<<<<<<<<<<الله يستر من المحش الي حيجيني....... ههههههههههههه اووووووووووه يالوجي .. وحدة مررررررررة وحشة يالطيف عندها براطم عبيد ووش مصري وعيون صينيين وخشم بخاري وجسمها مبعقر مني عارفة في راسها من رجولها لووووووووووووووووول ........... <<< امزح امزح
امممممممم لوجي احسك طيبة وعلى نياااااااتك وفي نفس الوقت سوووووووووسة .. بيضا متوسطة لا انتي دبة ولا نحيفة

كول ماما ... بيضا كلبوزة كدة ما شاء الله عندها خدود .. مررة طيبة وحبوبة وفي لغة تفاهم بينها وبين الاخرين

غابه الاحزان:احس في الملامح البدوية الخليجية يعني اسمر وعيونو سمرا شعرو غامق ..نحييييف ... حساس ومليان بالمشاعر والاحاسيس

سويت مكة: ما اعرفها صراحة

ليونه: طويلة وبيضا وشقرا .. مرررررررة طيبة وقلبها ابيض .. تسمع للكل وتنصحهم اذا احتاجو

حمتو : ما اعرفو

سمسومه : سمرا وشعرها قصير غامق نحيفة طولها متوسط .. حساسة وقابلة للكسر .. حزينة بس روحها حلوة

بشبوشي: سمرا طويلة شعرها طويل اسود جسمها معتدل ... مررررة مرحة وتفكيرها عالي
قولي كل واحد كيف تتوقعي شكلو وصفتو

تيب تيب
امممممممممم
خليني افكر كماااااااان
مااستجوبتك مزبوووط

طيب
لوجاكي عريس
<<<<<<<<<<<<<<<<<<<<<<<يارب ييجيكي
ويجيكي انتي كمان يااااااااااارب

وانتي ماعجبك وماتبيه
ابوكي قال الا تاخديه ايش تسوووووووووي؟؟؟
حتوافقي وتاخديه؟؟ماعجبني من اية ناحية يعني اخلاقو ولا شكلو ؟؟
تدري انو احلى شي عندنا انو مافي بنت تنجبر على واحد ما تباه
بس حتى لو فرضا صار اللي بتقوليه انا حاستخير واخلي بابا يستخير واللي في الخير ربي يقدمو

طيب سؤال سهل
ايش اكتر سوق تحبيه :
كل الاسواق احبها احب الضيافة في مكة والصيرفي في جدة

واكتر محل تحبيه
احب محلات التحف والهدايا زي عاصم

ايش رايك فالرسول محمد صلى الله عليه وسلم؟
هوا بشر اكتر من كونو رسول .. انسان قدر يحل مشاكلو ومشاكل العالم كلو بأخلاقو وحكمتو .. انسان كسب الصغير قبل الكبير ومحبتو واحترامو في كل القلوب الى يومنا هادا .. انسان اتمنى يجي زماننا هادا بس ساعة .. انا متاكدة انو حيحل مشكلنا ومشاكل العالم هادا في الساعة دي .. انسان لو اشكرو ليل ونهار ما اوفيه حقو ولا جزء بسيط من اللي سواه عشاننا .. هوا الانسان اللي فكر في كل واحد فينا حتى من قبل ما يعرفنا وطلب انو يوصلولنا سلامو عليه افضل الصلاة والسلام
رأيي صعب اقولو في كم سطر ولا فكم صفحة ..
هوا اعظم انسان من يوم خلق البشر الى يومنا هادا والى ان تقوم الساعة ..صلى الله عليه وسلم