بين ثنايا الايام >>>>>>روايه مره حلوه

القصة منقولة للأمانة و هي لكاتبتها صاحبة الكلمة




السلام عليكم ورحمة الله وبركاته

ماذا تخفي لنا الأيام بين ثناياها

فرح .. حزن .. الم .. امل .. لقاء او ربما فراق .....

سأنثر لكم حروفي في قصتي الاولى



؛¤ّ,¸¸,ّ¤؛°`°؛¤ بيــن ثنــايــا الأيــام ¤؛°`°؛¤ّ,¸¸,ّ¤

...:::][ الجزء الاول ][:::...



اليوم حر .. الجو نار .. يوم مو طبيعي الله يعين ..
اكيد كلكم تسألون
من هذي اللي تتحرطم من الصبح .. انا رهف .. البيت يدلعوني برهوفه ..طبعاً انقهر.. واتنرفز لماً ينادوني برهيف .. ومحد يتجرأ ويناديني رهيف .. لان يدرون وش بيصير .. قليل اذا اكسر البيت فوق راسه .. لا تصدقون عاد مو البيت مره وحده .. وين نعيش بعدين في خيمه.. لا تحسبون يوم اقول لكم اكسر البيت اني قويه .. لا .. قويه في بعض المواقف ..وبعضها لا ..حنا عائلة ابو يوسف عائله متوسطة الحال ..... انا ماعندي اخوات ماعندي الا اخوان .. ثلاث اخوان يوسف , محمد , سعد .. بتتعرفون عليهم قريب .. ومو حاسه بالوحده عشان ماعندي اخوات .. لا بالعكس صديقتي وبنت جيرانا الريم .. مثل الاخت لي واكثر .. عمري 18 و بصراحه.. انا عصبيه بقـــوه .. اقل شي يعصبني .. مثل جو اليوم الحار ..لحظه جوالي يدق




~~)(~~ كـذا من ربي حبــيته بسـرعه يوم لا قيـــــته
ياناس اللي تمنيـــــته أخيـراً صـــار محبــوبي ~~)(~~



اغنية رابح صقر .. كانت نغمة جوالي

& رفيقة دربي & اوووه هذي الريم صديقتي ..

رديت عليها : هلا والله .. هلا هلا ريــوم

ردت علي : اهلين .. كيفك

قلت لها : تمام الحمد الله .. وانتي

قالت لي : رهووووفه .. موداخل مخي ان الاجازه انتهت .... وان حنا راح نبدا سنه دراسيه جديده

ضحكتني بصراحه نبرتها المتحطمه قلت لها : لا ومو اي سنه .. ثالث ثانوي .. يعني تحديد المصير ههههههههه

الريم : ياسلام ... وتضحك بعد

رديت عليها وانا اضحك : وش تبيني اسوي ابكي من الصبح يعني

الريم : لا افااا من الحمار اللي قال كذا

رديت عليها بسرعه : انتي ياحماره .. ههههههههههههه

قالت لي ومسويه معصبه : هين يارهووف انا اوريك .. المهم بمر عليك انا واخوي خالد .. بعد ربع ساعه .. عشان نروح المدرسه

قلت لها اوكي وقفلت من عندها .. وطبعاً بما انه اول يوم دراسي .. انا اصير متحمسه .. والحماس هذا مع الايام يتلاشا ويروح .. لبست العبايه وطلعت برا .. وقفت عند الباب اشوف الاولاد اللي بالابتدائي .. وهم رايحين مدارسهم .. وربي يهبلون .. بس الله يعينهم على هالجو .. جلست اناظرهم ربع ساعه .. وشوي الا وسيارة خالد اخو الريم واصله .. فتحت الباب .. وركبت .. وسلمت


لفت علي الريم اللي كانت جالسه قدام وقالت لي : وش فيك تنتظرينا عند الباب .. كل هذا حماس

اكتفيت بضحكه خفيفه بس .. لاني مستحيه من اخوها خالد .. خالد هذا وش اقول لكم عنه .. قليله عليه كلمة حلو .. يمكن احلى واحد شفته في حياتي ..وسيم مرره.. ..وشعره ناعم بني .. وجامعي ومثقف ..كنت سرحانه .. ماوعيت الا والريم تقول لي .. رهف .. رهف .. يللا وصلنا

........................


__________
بيت ابو يوسف .. الساعه 1:30 مساءً
__________







**رهف**


تو راجعه من المدرسه .. كان اليوم حلو تقريباً .. لان مادرسنا شي .. والجوع ذابحني .. اول مافتحت الباب صررخت : يـــــــــمــــــــــــــه وش طابـــــــخه لنــــــــــا غـــــــدا اليــــــوم .. الا وامي طالعه من المطبخ

وردت علي : الناس تسلم .. تسأل .. شي .. وانتي على طول الغدا

قلت لها : وربي الجوع ينسي الواحد كل شي .. المهم انا ببدل ملابسي الحين ..ماابي اجي الا والغدا
جاهز .. ترا بموت جوع ..

حتى ماسمعت رد امي علي رحت .. طيران بركب غرفتي .. الا والاسد معترض طريقي .. الاسد هذا اخوي محمد اللي عمره 24سنه هادي الملامح طويل القامه .. جسمه متوسط لا هو ضعيف ولا هو بدب .. شعره ناعم ويشبه لي مره

قلت له وبحده : نعم خيررررر .. وخر عن طريقي

محمد : نوو نوو نوو ... قولي وخر اخوي لو سمحت

قلت له : لا والله

قال لي : ايه والله

رديت عليه وانا معصبه : وخر احسن لك .. لا دعيت عليك الحين

قال لي وهو يضحك .. ويوخر : لا.. انا اللي بدعي عليك.. تاخذين واحد يسوي لك نفس هذي الحركات واعضم هههههههههههههه

قلت له بسرعه : فال الله ولا فالك .. مالت عليك.. لو انت داعي علي بالموت اهون ..

وشوي الا وتجي امي ..

وتقول : للحين انتي هنا .. مابدلتي .. يللا لا تغدينا عنك

قلت لها وانا راكبه بروح فوق : لا لا لا .. الحين بجي

................................


__________
غرفة رهف .. الساعه 2:00 مساءً
__________


** رهف **


فتحت باب غرفتي .. وانا بموت من التعب .. ماتوقعت اليوم الاول كذا بدلت ملابسي بسرعه .. وصليت الظهر .. بعد ماخلصت من الصلاة .. تذكرت شي .. الجدول .. ايه صح الجدول .. ولا حتى ناظرت فيه .. فتحت شنطتي .. بشوف جدولي ..الا وتطيح من الشنطه بطاقه صغيره .. اخذتها وانا مستغربه .. فيها قلوب حمرا .. من وين جات هذي .. اول مره اشوفها .. قلبتها قبل لا افتحها .. فيه مرسوم ورا قلب كبير مكتوب داخله

..............من خـــــالــــــد ......... الى ملكة قلبي رهـــــف .............

فتحتها بسرعه .. كان مكتوب فيها ...


^*^
/
\
/
\
/
\
/
\
/
^*^



حبيبي عطني لو كلمه منك تريح القلب ونبضه


حبيبي بس كلمه تعيد للحياه روحها


انت ماتعرف غلاك ولا ماكنت تتركني بعذاب


حبك عندي مثل الهوى والماي أحلى من النفس والنبض


غلاك بالروح والقلب واغلى من كل مافيني


ياحبيبي لا تظن هذا حبر وكلام


لا هذا من قلبي صادق الأحساس


ودي اعطيك فوق كلماتي حياتي وقلبي


وودي امشي بطريقك باقي عمري


يا أحلى زهر بأحلى أرض


ياأعذب نبع بأجمل حياه


ياكل الحياه ويابعد هالناس والله ياقلبي مايوفيك الكلام


بس كلمه أخيره اقولها لك أنا أحبك


وغير حبك ما أبي ياغالي وأغلى غالي

محبك(( خالد))


^*^
/
\
/
\
/
\
/
\
/
^*^

لحظه لحظه ... انا مو فاهمه شي .. اذا انتو فاهمين شي خبروني .. وريحوني ..معقوله هذا خالد ..ما اصدق ....

جلست على السرير .. وانا ماسكه البطاقه .. اقراها .. مره ... ومرتين ... وثلاثه ..

وعلى طول رحت .. فتحت دفتري .. اللي انا مسميته .. او كاتبه على غلافه ..( انا سفينه في البحر وانت المرسى )

مسكت القلم وكتبت


.
.
.
.

§ بطاقة خالد §

السبت - 15\7

اليوم مرت علي صديقتي الريم

مع اخوها خالد شكلي بروح معاها كل يوم

في المدرسه ماعطونا شي واليوم كان عادي

ومافيه احداث تذكر بس اهم حدث لليوم او

في حياتي كلها خالد اخو الريم عطاني بطاقه

تجنن وانا للحين مو مصدقه احس نفسي بحلم

كان كاتب لي في ............... وقفت لهنا لان فجأه دخل

الغرفه اخوي الصغير .. سعد ..عمره 7 سنوات

.. اليوم كان اول يوم يروح فيه المدرسه ..وجلس يناظرني

وقال لي : رهووف امي تقولك10 دقايق والغدا بيكون جاهز ..

قفلت دفتري اللي كنت اكتب فيه وقلت له : طيب .. تعال حبيبي

سعوودي .. خبرني كيف المدرسه ووش صار لك

طبعاً سعد ماقصر .. جلس يسولف لي .. ويقوم يمثل لي كيف يمشي الاستاذ حقهم .. ووش قال لهم المدير .. بس والله سوالفه تجنن .. ما امل منها .. سعد اكثر واحد يجلس يسولف معي في البيت .. يحبني مره .. وانا بعد احبه .. واموت فيه .. بس ما اخبي عليكم ان بالي كان منشغل .. افكر بخالد وبالبطاقه ...اللي مدري كيف وصلت لشنطتي ..

قطعت كلامه وانا اضحك : سعوودي حبيبي يللا نروح نتغدا الحين .. لا امي تقلب البيت فوق راسنا .. بعد الغدا تخبرني بكل اللي صار لك ..... على طول مسك يدي وقال لي يللا..



............................


___________
بيت الريم.. الساعه 4:00 مساءً
_________


** الريم **


انا الريم صديقة الطفوله لرهف ... اكيد خبرتكم عني ... ادري فيها تحب الكلام .. انا بعمرها و عندي اخت اكبر مني عمرها 27 اسمها نوره .. متزوجه .. وعندها بنت عمرها سنه .. وعندي اخت صغيره .. عمرها 6 سنوات اسمها ساره .. واخوي خالد .. عمره 21 سنه .. واخوي الكبير فارس عمره 24.. كنت طفشانه مره .. دقيت على رهوفه .. وقلت لها اني بجي لها بعد نص ساعه .. تلبست .. ورحت لها .. ماكنت احتاج احد يوصلني .. لان البيت قريب مره .. بس خبرت اخوي خالد يجيني الساعه 9 بالليل .. لاني اخاف امشي بالليل لحالي .. المهم اني طلعت من بيتنا .. وصلت بيت جيرانا رهف .. كنت بدق الباب .. الا واحد فاتحه .. قب ما ادقه .. اللي فتح الباب كان اخوها محمد


.............................


** محمد **

كانت بنت عند الباب واقفه ومنزله راسها .. ماعرفتها ..لانها حاطه الغطا على وجهها .. قلت اكيد هذي وحده من صديقات .. رهف ..... لالالا .. هذي الريم ... انا متأكد .. ايه ايه .. هذي الريم .. ريحة عطرها نفسها ... تكلمت وهي مستحيه ومنزله راسها

قالت لي : رهف موجوده

من تكلمت قلبي بدا يدق بقووه .. صوتها مره ناعم ..فديتك .. وفديت صوتك يا الريم

رديت عليها : ايه ايه .. تفضلي

كنت انا مسند يدي على الجدار .. وهي كانت واقفه قريب مني ..اناظرها وانا مبتسم ..وااشر لها عشان تدخل .. بس هي مادخلت .. الظاهر عجبتها الوقفه معي .. وتبي تطول .. يحظك ياحمود .. من قدك ..

.......................


** الريم **


غبي هذا .. او يستهبل .. وشلون يبيني ادخل وهو واقف بوجهي .. لا والمشكله مسند يده على الجدار ..لا ويتبسم لي .. مستانس الاخ .. الظاهر عاجبته الوقفه معي ..مافيه حل الا اني اتكلم .. لاني لو سكت وانتظرته يوخر .. بنجلس انا وهو على هالحاله لأخر الليل

تكلمت وقلت له : ممكن توخر عشان انا اتفضل

ضحك .. لا ماضحك الا مات ضحك .. وش فيه هذا .. انا قلت شي يضحك .. على باله انكت الحين
رد علي وهو ميت ضحك : ههههههه ايه بوخر .. رجع على ورا .. وقال لي تفضلي

دخلت بدون كلام .. وهو طلع من البيت .... شفت رهوف جايه وهي مستانسه باستني وقالت لي :

هلا ريوم .. وحشتيني

ضحكت عليها وقلت لها : يا النصابه وحشتك تو شايفتني .. الله يرجك

قالت لي وهي تتمايل ماسكه يدي تمشيني : بتوحشني...... .وانا وياك
وكل يوم بشوفه معاك بيوحشني

قلت لها وانا اضحك :وكل ثانيه مش وياك .......بتذبحني

لفت علي وقالت لي : افصخي عبايتك وخلينا نجلس هنا برا .. قبل لا يجي الليل .. احلى

انا طبعاً مارضيت .. وقلت لها ما ابي ..لو طلع واحد من اخوانك ..قالت لي :يوسف من الصبح طالع ماشفته نهائي ..واخوي محمد تو الحين طالع .. مستحيل يرجع الحين .. وابوي يشتغل .. باليت مافيه الا سعد وامي .. يللا عاد

قلت لها دام كذا عادي .. وفصخت عبايتي .. وجلسنا برا .. برا بيتهم ماكان كبير طبعاً ...بس عندهم شجره كبيراه ..نحب نجلس بجنبها انا ورهف ونسولف .. الحين جلسنا بجنبها .. وكل وحده تقول .. وش راح تصير لماً تتخرج

رهف : صح تعالي .. اختك نوره ليه ماكملت دراسه

رديت عليها : اختي نوره تزوجت وانشغلت .. وزوجها ماخلاها تكمل

ضحكت وقالت : هههههههه .. مجنوونه .. مستحيل انا ما اكمل دراسه لو مهما كان.. حتى لو اللي بتزوجه مايبيني اكمل .. برجع بيت اهلي ههههههههههه .. بتشوفيني بعدين احسن دكتورة اسنان بالشرقيه

قلت لها بسرعه : مو احسن من دكتورة الاسنان الريم ههههههههه

سالتني رهف : وش مواصفاة فارس احلامك

رديت عليها وانا افكر : امممممم انا مايهمني الشكل ولا العمر ولا الفلوس .. اهم شي يحبني ويقدرني و...

قاطعتني : لا انا يهمني الشكل .. ويهمني العمر.. بس الفلوس ماتهمني

ضحكت عليها وقلت لها وانا امزح : اجل ان شاء الله تاخذي واحد يخرع وعمره 30 او 40

قالت لي وهي لاويه فمها : هذي انتي اللي بتاخذيه

سالتني : وانتي وش مواصفاة فارس احلامك

............................

** رهف **

سؤالها حيرني .. فشله اقول لها .. الفارس اللي احلم فيه .. هو اخوك خالد .. يووه من قلت خالد تذكرت البطاقه .. ما ابي افكر فيها خلاص .. قاطعت تفكيري الريم

وقالت لي : طيب كم ولد وبنت تبين انتي

قلت لها : ولد واحد او بنت وحده .. تعرفين يعني انا بكون بهذاك الوقت دكتوره .. وهذا بيشغلني

قالت لي وهي تناظر في السما : عكسك انا ... تدرين اتمنى يصير عندي .. 5 بنات و5 اولاد

فاجأتني بصراحه قلت لها : ليه عاد هالكثر .. انتي بعدين بتصيرين دكتوره ما بتقدرين

قالت لي : حتى ولو انا احب اربي .. اوقات اقول لامي .. ليه ماجبتي اولاد وبنات كثير .. تقول

لي انتو الحمد الله كثير ..



كان اخوي سعد طالع .. يلعب بالمويه ..غرق الدنيا كلها مويه ودخل ..

وكانت الريم تتكلم عن الاولاد والبنات .. وهي موحاسه.. اخذت بيدي مويه من البحيره اللي سواها سعد وكبيته على وجهها ..عصبت مني ..واخذت هي بعد مويه وكبته على وجهي .. وجلسنا انا وهي نلعب بالمويه مثل البزاريين .. حسيت بالبرد لان ملابسي وشعري مبلل .. والريم نفس الحاله

قالت لي الريم وهي تتراجف من البرد وشكلها كان يضحك.. ملابسها مبلله ..وشعرها متلصق في وجهها: رهووف يا الدبه .. كله منك شكلي بمرض .. خلينا نبدل ملابسنا

انا كنت جالسه على الارض .. بردانه مو قادره اوقف .. وقفت وانا اضحك .. الاوصوت سياره

موقفه برا .. والباب ينفتح

^*^
/
\
/
\
/
\
/
\
/
^*^

***** نهاية الجزء الاول ******

...:::][ الجزء الثاني ][:::...


_________
بيت ابو يوسف .. الساعه5:00 مساءً
_________



** الريم **


كنت اناظر .. ابي اعرف.. من اللي فتح الباب ... لا ما اصدق .. يافشلتي .. بموت بمكاني
.. مــــحــــــــمــــــد .. يشوفني وانا هنا .. بهذا المنظر .. وبهذا الشكل .. وبهذا المكان
.. وبهذا الوقت .. ياويل حالي .. وش اقول لكم .. قلبي طاح في بطني .. مو قادره اتحرك ..
والمشكله يناظرني بنظرات مو فاهمتها .. بدون ما احس .. صرخت صرخه قووووووويه ..
ماحسيت الا ورهف ماسكه يدي .. واخذتني داخل .. وهي تركض .. دخلت وجلست في الصاله
بموت من الفشله .. وش اسوي .. وش بيقول عني محمد ..غطتني رهف بالعبايه ..
طبعاً العبايه ماكانت عبايتي .. لان عبايتي تبللت مع المويه .. اكيد كنت بنظرمحمد بنت عاقله وكبيره ..
والحين مايشوفني الا بزره غبيه ...غطيت وجهي بيدي وجلست ابكي ..
مدري ليه بكيت من الفشله.. او من وشو بالضبط .. مسكت يدي رهف .. وكانت تقول كلام ..
بس انا ماكنت معاها .. ولا ادري وش تقول




........................


_______
حديقة بيت ابو يوسف الساعه 5:15 مساءً
_______



** محمد **


كنت سرحان افكر بالريم .. وبالموقف اللي صار ..مسكينه اكيد تفشلت .. بصراحه الموقف يفشل
بس هي واختي خبول هذيلا يلعبون بالمويه .. لايكون يحسبون اعمارهم بنات الـ 6 سنوات .. امممم ماتوقعت الريم كذا شكلها .. توقعتها حلوه .. مثل صوتها .. لكن مو بهذا الحلا كله .. جمال الريم بصراحه ماينوصف .. خل ادخل اشوف وش صار عليهم داخل احسن

... دخلت الصاله ... اللي ماتوقعته .. الريم تبكي .. ليه عاد .. لهذي الدرجه الموقف احرجها .. الظاهر ما انتبهو لوجودي .. راحت رهف المطبخ .. مدري وش راحت تجيب .. تقربت منها.. وهي ماتدري اني موجود .. رفعت الريم وجهها .. وشافتني وكانها تفاجأة .. نزلت راسها على طول .. شفت وجهها من قريب .. وربي وربي تهبل ..قلت لازم اتكلم بما انها شافتني واقف

قلت لها : خلاص الريم .. لا تبكين ..ماصارت عاد .. ضحكت ضحكه خفيفه وقلت لها .. تحصل في احسن العائلات ..

مارفعت وجهها .. ولا تحركت .. ولا تكلمت .. شفت اختي جايبه لها مويه .. اخذت نفسي وركبت غرفتي


................................


________
بيت ابو يوسف .. الساعه :5:30 مساءً
________



** رهف **


بصراحه ما الوم الريم .. موقف لا تحسد عليه .. شكله اخوي يقول .. انا وصديقتي .. مجانين او متخلفين نلعب بالمويه هههههههههههه .. جلست اهدي في الريم .. واقول لها انه عادي .. بس هي جلست ماده لي فمها شبرين .. بدلت ملابسها وجا اخوها خالد اخذها .. صليت .. وتعشيت .. وركبت غرفتي الساعه 10 عشان انام .. انسدحت على سريري .. اتذكر الموقف واضحك .. تذكرت بطاقة خالد .. صح البطاقه وش اسوي فيها .. ما ابي خالد يقول اني تجاهلته .. اتجاهل خالد مستحيل .. طلعت بطاقه كبيره .. فتحتها وكتبت فيها

أشكي عليك الحال

يا عارف الحال

ولو ما بيدك شي

يكفي لك أشكي

يكفي تروح بكلمتك

ضيقة البال

ويكفي تحس بضيقتي

دون ما أحكي

أشكي عليك الحال

يا عارف الحال ..


ساعات أحس اني عن الناس في حال

ساعات أضحك من قسى وقتي وأبكي

كأني غريبٍ بين الأوطان جوّال

مهما ابتعد قلبي يحن لوطنكِ

أشكي ..


لو شفت في عمري هموم وغربال

فيك الحنان بصادق الحب يحكي

دنيا مشاكلها على كل موال

وكلٍ على همه من الوقت يشكي

أشكي .. .....

وكتبت تحت ....من رهف الى الغالي خالد

حطيتها في شنطتي

ورحت بنام .. رجعت مره ثانيه .. وفتحت الشنطه طلعتها .. لا لا مايصير اعطي خالد
بطاقه .. عيب .. وش بيقول عني .. لا اخاف يقول انا مطنشته .. ومو مهتمه فيه
ياالله .. وش اسوي .. خلاص بعطيها خالد .. واللي فيها فيها .. حطيتها في الشنطه .. ورحت انام
.
.
.
.
.
.
تصبحون على خير



........................


________
غرفة محمد .. الساعه 1:30 صباحاً
________


** محمد **


وش فيني مو قادر انام .. لهذي الدرجه... الريم ماخذه عقلي .. ماتوقعت كل هذا يصير اليوم .. بس لحظه .. اخاف الريم من بعد هذا الموقف .. ماتجي بيتنا .. لا عاد مو لهذي الدرجه .. اكيد راح تجي ماتستغني عن رهف هي .. بس .. ليه انا مهتم في الريم اكثر من الازم .. معقوله يا محمد انت تحب الريم .. بس هي ماتحبني .. يمكن تحبني .. ههههههه اضحك على نفسي .. جالس اعطي نفسي امال .. مافيه ولا شي يدل على ان الريم تحبني .. ما ابي اشغل بالي اكثر انام احسن لي

........................



____________
بيت ابو يوسف .. الساعه 6:00 صباحاً
____________


** رهف **

كنا كلنا جالسين نفطر .. وانا جالسه اسولف لهم عن ثالث ثانوي .. وإني مبسوطه عشان هذي اخر سنه .. وافتك من المدرسه وهمها .. بس فاجأني كلام ابوي

قال لي : نفرح فيك عروس قريب ان شاء الله

وش عروسه .. عمري 17سنه .. امممم يمكن ابوي قصده .. بعد سنوات قريبه .. المهم فطرت وخلصت الا واخوي يوسف .. ماتعرفون يوسف هذا اخوي الكبير عمره 27 عريض وطويل شعره مو ناعم بس ملامح وجهه حلوه مايشبه لنا انا ومحمد يشبه سعد اكثر .. عليه تحكمات غير طبيعيه .. لا قال كلمه خلاص .. مستحيل يغيرها .. قال لي : يللا انا بوديك المدرسه اليوم


لالا انا ما ابيه يوديني .. انا ابي الريم تمر علي .. ابي اشوف خالد .. لازم اعطيه البطاقه .. مدري ليه حسيت اني كرهت اخوي يوسف .. في ذيك اللحظه

قلت له : لا يوسف مايحتاج الريم تبي تمر علي

قال لي : قلت بوديك يعني خلاص

قلت له : ان شاء الله

وانا بداخلي ودي اخذ الصحن اللي بجنبي .. واكسر جبهته



المهم رحت المدرسه .. ومر اليوم علي عادي ..وقلبي يدق كل ما بدا الدوام ينتهي .. لاني راح ارجع مع الريم .. او بالاحره مع خالد ............ انتهى الدوام .. لقيت ريم تسولف مع وحده من البنات .. ياربي ريموووه ذا وقتك .. رحت لها .. وقلت : يللا يللا ريوم .. عجلي .. حر موت .. شمس .. بموت .. نبي نرجع البيت .. بسرعه بسرعه
ناظرتني مبتسمه : ايه .. ايه .. وش فيك انتي .. الحين بنروح

قلت لها : يللا ريووم عاد .. ما احب كذا تجلسين تسولفين لي .. عشر طعش ساعه

شوي وطلعنا من المدرسه .. وانا ادور سيارة خالد .. قالت لي ريم .. يللا رهوف هذي السياره .. ركب هي قدام .. وانا ورا





........................

_________
سيارة خالد .. الساعه 1:30 مساءً
_________


** خالد **


كنت اناظر في المرايه ابي اشوفها .. بس ما اشوف شي .. كانت حاطه الغطا على وجهها .. مع اني عارفها وحافظ شكلها .. مرات كثير اشوفها في البيت .. اصلاً هي ماكنت تغطي وجهها عني الا يوم .. دخلت هالثانويه الغبرا ..

لفت علي اختي الريم وقالت لي : نزلني المكتبه ابي اخذ لي شي

قلت لها : لاقولي لي وشهو وانا بنزل اخذه

ردت علي : ابي اخذ شي ماتعرف له انت

قلت لها : اوكي

انا صحيح احب رهف .. بس ما ابي اجلس معاها لحالنا في السياره .. المهم نزلت اختي....
انا في حلم ولا في علم .. اكيد انا احلم ..ماتدرون وش شفت .. بطاقه كبيره شوي بجنبي .. اخذتها وشميتها .. كانت ريحت عطر رهف فيها .. فتحتها .. قريت شوي ..لفيت البطاقه كان وراها فاضي .. طلعت قلم .. وكتبت
احــبــك
ولفيتها لها .. نزلت راسها مستحيه ..لا اكيد تحبني .. ياناس رهووفه تحبني ..طلعت قلم من شنطتها .. وكتبت بجنب كلمة احبك .. (((((( وانا بعد )))))))) يعني خلاص رهووفه تحبني .. معقوله تحبني ... لا ما اصدق بعد كل هالمده .. اكتشف ان رهف بعد تحبني.. لفيت عليها وقلت لها : احلفي
لفت راسها للدريشه وساكته عني .. وكانها تقول لي الريم جات .. دخلت الريم .. تمنيت لو الريم ما جات .. وهي تسولف لي وتوريني كتاب بيدها .. بس انا مدري وش تقول بالي مو معاها ... بالي مع اللي ملكة قلبي **رهــــــــف**

..........................



________
بيت ابو يوسف .. الساعه 1:45 مساءً
________


** رهف **


دخلت البيت وانا طايره من الوناسه .. مو مصدقه ان اللي صار اليوم صار .. من وين جاتني الجرأة .. خلاص خالد يحبني هو كتب لي ..وانا احبه


ظليت طول اليوم افكر بخالد .. واتوقع حتى هو يفكر فيني مثل ما انا افكر فيه .. عاد باليوم الثاني .. اول ماركبت السياره .. قبل ما اجلس .. شفت ورقه .. فتحتها وانا بالسياره .. بدون ماتحس لي الريم .. كاتب لي فيها كلام حلو .. ومر علينا 4 ايام .. وهو يكتب لي ورقه .. يحطها قبل ما اركب السياره .. وانا اخذها معي .. وقبل ما انزل .. احط له ورقه .. وكنت ما احس للايام من حلاتها ..

الحين انا راجعه من المدرسه .. اشم عبايتي .. ريحتها ريحة عطر خالد .. لاني تو نازله من سيارته


.. كنت رايحه ادور امي البيت هدوء .. سمعت امي تتكلم مع ابوي .. تقربت .. ماكنت ابي اسمع وش يقولون .. بس من سمعت اسمي وقفت وهذا اللي سمعته

امي : بس البنت صغيره .. وما بتفهم ان هذا الشي لمصلحتها

صرخ عليها ابوي : لا البنت مو صغيره .. انتي ماتدرين مشعل هذا من .. هذا من اغنى الناس في الشرقيه .. ابوه مو من زمان متوفي ورث عنه ملايين .. انتي ماشفتي الفله حقته .. انا مو مستوعب اصلاً ان مشعل ولد عبد العزيز جاي يخطب بنتنا .. للحين مو مصدق .. وعطيته موافقه .. حتى ولدك يوسف قال له .. انها موافقه وخلاص .. وهذا الموضوع انتهى

امي : ايه معليه يا ابو يوسف .. بس لازم تاخذ رايها .. يمكن .. دخلت عليهم

وقلت لهم : وش تقولون ومن مشعل ..
تتكلمون عني .. يمه فهميني ..

تقدم مني ابوي وقال لي : يللا هذا انتي سمعتي وجهزي نفسك ملكتك بعد اسبوع من مشعل ولد عبد العزيز اكيد قد سمعتي فيه

ماتتخيلون صدمتي .. معقوله اللي يصير .. ابوي يمكن كبر وخرف

صرخت عليه بصوت عالي : بس انااااااااااااااا مااااااا ابي مااااااااا ابي مو على كيفك .. تزوجني .. لهذي الدرجه تحب الفلوس

ماحسيت الا وابوي شاد شعري : لا تصارخين على ابوك .. ومشعل هذا بتاخذينه .. بتاخذينه .. رحتي جيتي بتاخذينه .. اصلاً من قدك هذا خاطبك .. انتي ماتستاهلين الا واحد منتف .. يربيك ..ويعلمك كيف ما ترفعين صوتك على ابوك

رماني على الارض وراح عني .. جلست ابكي .. وامي ماسكتني تقول لي : هذا نصيبك يابنتي خلاص
تركت امي وطلعت الصاله .. وانا ابكي .. شافني اخوي يوسف

وقال لي : هه افهم من هالصراخ وهالبكي انك عرفتي .. ان مشعل ولد عبد العزيز ابو الملايين خاطبك انتي .. وهو يأشر علي بصبعه من فوق لتحت وكاني ولا شي
مسكت يده بقوه .. مدري وش كنت بسوي .. الا وهو ماسك يدي
ويقولي : خير انسه رهف .. ليش الدموع على وشو معترضه .. صدق لا قالو بنات الفقر مايعرفون يحمدون ربهم لا جاهم خير .. اقول قولي الحمد الله .. وصلي لربك ركعتين شكر .. ان واحد مثل مشعل خاطبك انتي .. انا مستغرب عاد مادور الا انتي .. مافيه الا انتي بنت لا وبــ.. ماتحملت كلامه .. مديت يدي ابي اعطيه كف .. مسك يدي بسرعه ..و شد شعري بقووه .. وضربني بدال الكف كفين ..

عدو عاد كم مره بنطق اليوم والسبب هالمشعل .. قلت له اتركني .. اترك شعري .. توقعته ما يتركني .. بس تركني وقال لي : اخر زمن رهيف تحاول تمد يدها علي .. بس اسمعي عاد .. ان حاولتي .. مجرد محاوله .. تمدين يدك علي .. بكسرها لك .. فاهمه


نزلت راسي .. وانا مقهوره .. قلت له وانا ابكي : زين كم عمره

قال لي وهو يضحك : بدري على هالسؤال .. بعدين اجاوبك عليه .. وكان بيمشي

مسكته وقلت له : قول عاد

بعد يدي عنه وقال لي : زين زين دام انك مصره .. عمره 30 .. متزوج .. وعنده بنت


حسيت الدنيا تدور وكلها سواد و..................................... طحت مغمى علي


^*^
/
\
/
\
/
\
/
\
/
^*^

**** نهاية الجزء الثاني ****


- معقوله اهل رهف بيخلونها تتزوج واحد عمره 30 متزوج وعنده بنت ؟

- عرفنا راي ابوها وامها واخوها يوسف .. بس وش بيكون راي محمد ؟

كل هذا واكثر في الجزء الثالث
كل حبي ..malak19...

...:::][ الجزء الثالث ][:::...
__________
غرفة رهف .. الساعه 8:00 مساءً
__________

** رهف **


صحيت وجلست اناظر شوي .. عرفت اني في غرفتي .. شفت اخوي محمد .. جالس بجني .. كنت منسدحه .. قمت على طول ..

قال لي وهو يناظرني بنظرات ماعرفت تفسيرها : صحيتي

لا نمت مايشوفني صاحيه قدامه .. هزيت راسي .. بمعنى ايه

قال لي وهو رافع حاجب : زين ماقلتي لي .. من وين تعرفين مشعل

فتحت عيوني بقووه .. وش جالس يقول محمد .. لا هذي عائله مو صاحيه .. صدقوني مجانين

قلت له وانا احط يدي على راسي .. لان كان يعورني : ما اعرفه .. ولا عمري شفته .. اصلاً من هذا

سحب يدي بقووووه : العبي على غيري .. مستحيل واحد مثل مشعل .. يخطبك وهو لا يعرفنا ولا نعرفه

حاولت اسحب يدي منه بس ماقدرت .. قلت له وانا ابكي : والله العظيم ما اعرفه .. اصلاً ما ادري من وين طالع لي هالمشعل

قال لي : كذابه .. ايه كذابه .. سمعته وهو يقول لابوي .. لو تبي مهرها مليون بعطيها.. وبعيشها في احسن فله ..بعيشها ملكه في بيتي .. بس انت عطني اياها .. معقوله واحد مايعرفك ولا تعرفينه بيقول كذا .. العبي غيرها

ماقدرت ارد عليه وانا ابكي .. شد على يدي اكثر وهو يقولي .. تكلمي .. بس انا ماتكلمت .. مسك شعري بقوه وهو يصارخ : بتتكلمي ولا اذبحك .. موقلت لكم احسبوا كم مره بنطق اليوم .. عشان هالمشعل ..

مسكت يده وقلت له :محمد الله يخليك .. لا تعذبني اكثر .. قلت لك ما اعرفه .. ما اعرفه

توقعته يطقني اكثر .. بس لا .. تركني وطلع من الغرفه .. جلست ابكي على حظي .. وعلى حالي اللي انا فيه الحين

دخل علي اخوي سعد .. وجاني يسرع يقولي لي : رهوفه حبيبتي لا تصيحين .. قومي بجيب لك حلاوه

ضميته بقوووه وانا ابكي .. اكثر واحد يحس فيني اخوي سعد .. لو كان اخوي سعد كبير .. اكيد ما بيخليهم يطقوني

قال لي سعد : سمعت انك بتتزوجين.. وااو يعني بتجيبين لي عيال العب معاهم

من سمعت سيرة الزواج .. جلست ابكي اكثر ..وقلت له : سعد حبيبي اطلع الحين ابي انام ..

طلع سعد و دخلت علي امي .. وجلست على السرير مسكت يدي وقالت لي : رهووفه حبيبتي هذا نصيبك .. ولازم ترضين فيه .. وابوك اكثر واحد يحب مصلحتك .. وهذا مشعل رجال ولا كل الرجاجيل .. بيحافظ عليك

قلت لها :ايه هين ابوي يحب مصلحتي .. لو يحب مصلحتي مارماني على هالشايب

قالت لي وهي مبتسمه : من اللي ضحك عليك وقال لك شايب .. انا شفته بعيوني شباب .. كانه اخوك يوسف .. عاد الا عمره 30

جلست احللها بمخي .. 30 يا يمه حرام عليك ومعتبرته صغير .. خلونا نشوف الحين انا عمري 17 وهو عمره 30 .. اكبر منك يا رهوف بـ 13 سنه تقريباً وين اصرفها هذي .. الظاهر هو يبيني عشان يربيني .. مدري ليه جا على بالي .. ان يوسف قال لي انه متزوج وعنده بنت .. عشان يقهرني بس

سالت امي : زين هو متزوج .. وعنده بنت

سكتت امي شوي وبعدين ردت وهي مرتبكه : لا مو متزوج متزوج .. هو كان متزوج .. بس زوجته توفت قبل سنتين ..وماعنده الا بنت صغيره اصغر من اخوك سعد بسنه .. عمرها 6 سنوات

حطيت يدي على راسي .. والله ما اصدق .. وش رايكم انتو باللي يصير لي .. مو حرام .. والله حرااااااااااااام ..

باست راسي امي .. وطلعت .. حطيت راسي على المخده ونمت

شفت خالد جايني .. يقولي تعالي بيتنا نروح هناك .. اشر لي على بيت صغير .. وقال لي بنتنا تنتظرنا ..

تبينا نروح نلعب معاها .. مسكته ورحت معاه .. وانا لابسه فستان ابيض .. وهو لابس ملابس بيضا ..

وراكب فوق حصان ابيض .. ركبني معاه .. ركبت وانا مستانسه مع زوجي خالد .. فجأه جاني شايب يقول انا مشعل .. ضرب خالد

بالعصا وقتله .. واخذني عطاني فستان اسود .. وقال لي البسيه .. واخذني الى قصر كبير .. ورماني فيه .. وجاب بنت صغيره .. وقال لي يللا ربيها .. انا جايبك هنا مربيه لبنتي .. وجلس يضحك

صحيت من النوم .. وانا متخرعه .. اتعوذ من الشيطان .. وانا اتنفس بسرعه .. معقوله هذي حياتي مع مشعل .. ماااااا ابي .. ماااااااااابي .. مااااااااااااااابي

.
.

مرت ثلاث ايام وانا على هذا الحال .. لا اروح المدرسه .. ولا اكلم احد ..بالي منشغل .. ملكتي يوم الخميس .. واليوم الثلاثاء .. يعني ما باقي شي .. تذكرت جوالي .. وينه .. وين رميته انا .. شفته تحت سريري ..اخذته كان فيه 6 مسجات و 23 مكالمه لم يرد عليها

كان 4 مسجات من رفيقة دربي .. الريم ..و 2 من صديقاتي ديمه وعبير

^المسج الاول كان ^


^*^
/
\
/
\
/
\
/
\
/
^*^


هلا رهوف ردي على جوالك .. ابي اكلمك

^ثاني مسج^


^*^
/
\
/
\
/
\
/
\
/
^*^

سلامات رهوف وش فيك غايبه من المدرسه اليوم ماخبرتيني انك راح تغيبين يا الخاينه
لايكون مريضه او فيك شي طمنيني عليك اوكي

^المسج الثالث^


^*^
/
\
/
\
/
\
/
\
/
^*^

زودتيها انتي عاد يومين غايبه مو معقوله الله يخليك رهوفه
ردي علي لا تخليني في حيره كذا

^المسج الرابع^


^*^
/
\
/
\
/
\
/
\
/
^*^

مايصير 3 ايام غايبه بدون سبب ماتعودت عليك تغيبين كذا لا ومن بداية الدراسه
انتي ثالث يارهف لا تنسين وردي على اتصالاتي بموت من الخوف حرام عليك

والمسجين الثانيين ..كانوا يسالوني عبير وديمه ..ليه غايبه .. والله مالي نفس اروح المدرسه واشوف احد
.. الله يكون بعوني .. اقوم اصلي ..احسن لي


..........................

________
بيت الريم .. الساعه 1:30مساءً
________

** الريم **


رجعت من المدرسه .. رميت شنطتي على الارض .. ورحت اركض لجوالي .. اكيد رهوفه .. ارسلت لي شي .. مسكته ادور مافيه شي .. لا دقت .. ولا ارسلت .. جلست في الصاله بيأس .. ابي اعرف بس وش فيه رهف ..بموت من الخوف .. قلبي يقول لي ان فيها شي كبير .. جلست على الارض و سندت راسي على الجدار .. بدون ما احس طاحت دمعه من عيوني .. وينك يا رهف .. ماتدرين ان الدنيا بلاك ماتسوي .. والمدرسه مالها طعم من دونك ..لا تخليني لحالي .. مسحت دمعتي .. ومسكت التلفون .. قلت بدق على بيتهم .. مع اني دقيت مليون مره وامها تقولي لي نايمه .. رهف اعرفها اكثر منهم ماتنام لا بالظهر .. ولا العصر .. ليه يكذبون علي ليه .. دقيت الرقم ******* وانا ادعي ربي انهم مايقولون لي نايمه .. رد علي صوت رجولي قال لي : الو

قلت له : الوو .. السلام عليكم

رد علي : وعليكم السلام يا هلا

عرفت صوته .. هذا محمد .. قلت له : كيف حالك محمد

قال لي بسرعه : بخير دام الغاليين بخيرر .. وانتي

استحيت شوي يوم قال .. الغاليين .. جد محمد يعتبرني من الغاليين .. مافكرت كثير بكالمه .. لان اللي شاغل بالي .. في الوقت الحال .. رهف وبس

قلت له : انا بخير الحمد الله

قال لي بحماس وبصوت عالي : عسى دووووووووم يارب مو يووووووووم

قلت له : رهف موجوده

قال لي : ايه .. ايه ... لحظه

كنت ادعي ربي يارب .. يارب .. يارب .. تكلمني وتكون بخير يارب

......................


_________
غرفه رهف .. الساعه 2:00 مساءً
_________


** محمد **

فتحت باب غرفة رهف .. وانا مستانس .. يااربي.. سمعت صوت غلاتي الريم .. فديتها .. الله يخليها لي يارب

شفت رهف منسدحه على السرير .. قلت لها رهف رهف .. قومي كنت بقول لها تلفون بس من قلت .. تعالي تلفـ....

قاطعتني وقالت : نايمه نايمه

طلعت من الغرفه .. قفلت الباب ..ونزلت طيران للريم .. مسكت سماعة التلفون .. وقلت لها :الريم ..

قالت لي بسرعه ونبرتها فيها الخوف : نعم .. وين رهف .. وينها

قلت لها : نايمه ..

بس اللي استغربت منه .. انها ساكته ماقالت لي شي .. قلت لها الوو اكثر من مره بس هي ساكته ..


فجأه سمعت صوت بكي .. قلت لها وانا خايف عليها : الريم .. يا الغاليه .. تبكين

قالت لي وصوتها كله بحه : محمد ..لو صدق انا غاليه على قلبك .. بتخليني اكلم رهف .. تكفى محمد .. الله يخليك ..( وزادت في البكي ) .. ابي اكلمها .. لو ماكلمتها اليوم .. بمووت .. وربي خايفه عليها .. تكفى ..

بصراحه كسرت خاطري .. بيني وبينكم .. اصير مجنون .. وغبي .. لو ماخليت رهف تكلمها الحين ... لو اجيبها من شعرها عشان تكلمها .. ما اتحمل اسمع الريم تبكي ..

قلت لها : والله الحين اجيبها لك يا الريم .. بس انتي لا تبكين عشان خاطري

وش عشان خاطرك انت .. يا الثور .. يا الدرج .. يا الحطبه .. مسوي تمون على البنت انت ووجهك

قالت لي بصوتها الناعم : تسلم محمد .. يللا انا انتظرك

قلت لها ولأول مره احس نفسي حنون : انتي الحين روحي غسلي وجهك .. وارتاحي .. وانا بخليها تكلمك .. بعد شوي

ردت علي بسرعه : لا انا ابي اكلمها الحين

قلت لها : يللا عاد ريوم بلا عناد وروحي غسلي وجهك وارتاحي

عضيت على شفايفي ..لا بالله هالثور صدق نفسه ..وش فيني انا ..زودتها ..وطيحت ابو الميانه ..قالت لي كلام ماسمعته .. لاني ما كنت معاها

قلت لها : هااه .. نعم وش قلتي ضحكت علي وقالت : ولا شي .. ,, وكانها قالت بهمس اللي ماخذ عقلك يتهنابه .. اذا ماكنت غلطان عاد ,,

قلت لها الله معاك وقفلت وهي ماتدري .. انها هي اللي ماخذه عقلي .. بس حسيت الريم مرتاحه لي وهي تكلمني .. ان شاء الله اللي احسه صح .. والحين .. انطــــــــــــــــــلاق الى غرفة رهف .. اللي لو ماطاعت تجي بجيبها بالقووه .. تفدا الريم مية رهف

.....................................
__________________

...:::
][ الجزء الرابع ][:::...
__________
سيارة مشعل ..الساعه 9:00 مساءً
__________


** رهف **


كنت بسيارته .. ودعت بيت اهلي .. مدري ليه احس اني مودعته لمده طويله ..ماكنت ابي اجلس معاه قدام .. عشان كذا حمدت ربي .. ان ولد عمته كان معانا وجلس قدام .. حسيت برتياح اكثر وانا جالسه ورا .. المهم وصلنا ما اقدر اوصف لكم .. شكثر الفله كبيرررره .. كبيره بشكل مو طبيعي .. ما اتخيل نفسي عايشه هنا .. معقوله بعيش فيه بس هو وبنته
فتح لي الباب وقال لي تفضلي .. نزلت .. حديقته كبيره وتجنن .. دخلنا البيت .. جلست اناظر .. كان شكله فخم ويجنن .. سالني : وش رايك في البيت

قلت له : عادي

مدري ليه قلت له عادي .. مع انه مو عادي .. ماحبيت يقول اني احب هالاشياء .. وانا فعلاً .. هالاشياء ماتهمني

جات بنته تركض .. وحضنت ابوها .. البنت بصراحه تهبل ..بس غريبه .. الظاهر امها ماكنت سعوديه .. عيونها لونها زرق .. شعرها اشقر .. وبيضا مره .. بنفس درجة بياضي تقريباً .. بس حلوه البنت .. ناظرتني بنظرات حقد

وقالت : الحين هذي العروس الجديده .. وعععع .. امي احلا

قال لها بسرعه : رغد .. عيب .. روحي غرفتك

اسمها رغد يعني .. لسانها يبي له قص .. صدق قليلة ادب مثل ابوها

لف علي وكان منحرج : اسف رهف .. بس تعرفين بنت صغيــ.. قاطعته وقلت له : لا لا عادي .. ماتهموني

يووه كاني قلت شي غلط .. (( ماتهموني )) .. عدلتها وقلت له وانا مبتسمه : أأأ قصدي ماتهمني ..

لاني عارفه انها صغير وكذا

هز لي راسه وقال للشغاله تدلني غرفتي .. رحت الغرفه اللي دلتني عليها .. كانت حلوه وفخمه .. لونها تقريباً بني وبيج ..قلت للشغاله ترتب اغراضي في الدولاب .. اخذت جوالي ودقيت على الريم

ردت علي الريم وهي مقهووره : انا ما اكلمك وشوله داقه علي

قلت لها وانا اضحك : هههههههه ليه عاد

قالت لي : وش فيك على الغياب انتي .. كل يوم والثاني غايبت لنا .. ماكنتي كذا السنه اللي فاتت

قلت لها وانا ابلع ريقي : غبت اليوم لاني لاني تزوجت

........................

___________
بيت ريم .. الساعه 9:45 مساءً
___________


** خالد **


كنت جايب كتب للريم من المكتبه .. وانا راكب الدرج كنت ااتذكر رهف .. اللي وحشتني موووووووت

ماتدرون شكثر واحشتني هالبنت .. وادندن ..

علمني وشلون أنساك وأنام

وأنا اللي لك صاحي أيام وأيام

شاغلني في بالي شوقك ولا يروح

صاحي أنا ونايم ما يروح ما يروح

وصلت لغرفة الريم ..الا وهي تقول ..طيب رهف .. لا تقطعين .. مو عاد تنشغلين بحياتك الجديده .. وتهملين الدراسه

هههههههههه طيب .. اوكي ولا يهمك .. على خير ان شاء الله .. مع السلامه

لفت علي وهي تقول : والله هالدنيا غريبه .. من جد غريبه .. اجل رهف .. تتزوج زواج سريع وانا اخر من يعلم

لا مستحيل .. هذي وش جالسه تقول .. تبي تموتني .. تقدمت منها ومسكتها وانا اصرخ في وجهها : كذااااااااااااااااااابه .. انتي كذااااااااابه

قالت لي وهي مستغربه : خالد .. جنيت وش كذابته اتركني .. وليه عاد كل هالانفعال .. وش فيك

قلت لها : الريم .. ( واخذت نفس ) .. رحم الله والديك .. قولي لي وش السالفه .. لاني مو فاهم شي

ناظرتني شوي وقالت لي : زين اتركني .. وبقولك

ايه صح نسيت اني كنت ماسكها .. تركتها وقلت لها .. وانا امسح بشعري على ورا : طيب يللا قولي

قالت لي وهي تبتسم ابتسامة خوف : رهف صديقتي .. بنت جيرانا ابو يوسف .. تزوجت امس

حسيت اني ابي ابكي .. بس مابكيت .. كيف تتزوج وانا احبها وهي تحبني ومن هذا اللي ماخذها ... اخذت نفس طويل .. وقلت لها : لا .. اها .. ايه .. ومن هذا اللي تزوجته

قالت لي : صديق اخوها يوسف .. كل شي صار بسرعه .. وابوه متوفي .. وماسوت عرس .. وما مداها تقول لي .. مو مصدقه .. الظاهر انا بحلم .. معقوله رهف تزوجت ..

اذا انتي مو مصدقه .. اجل وشلون انا اصدق .. قولولي بس وشلون

كانت هي تتكلم .. مشيت وقفلت الباب .. الظاهر كانت تناديني .. بس مالفيت عليها .. رحت غرفتي .. دخلت وقفلت الباب بالمفتاح .. وانسدحت على سريري .. راحت مني رهف بهذي السهوله .. راحت ملكة القلب والاحساس كله .. وانا وين اروح .. وش اسوي .. احبها من يوم كان عمرها 15 .. كله منك يا خالد .. تنتظرها تخلص ثانويه عشان تخطبها .. كان خطبتها الحين .. طاحت دمعه من عيوني .. دمعه كلها حسره وقهر والم .. حطيت يدي تحت المخده .. طلعت البطاقه .. تذكرونها .. البطاقه اللي اعطتني اياها رهف ..في السياره .. وفتحتها .. جلست اقراها .. قفلتها .. وطلعت من غرفتي .. وطلعت من البيت مره وحده .. مدري وين اروح بصراحه .. بس اهم شي اطلع


...................................

_____________
بيت مشعل .. الساعه 7:30 صباحاً
_____________


** رهف **

صحيت من النوم .. ناظرت بجني .. كان مشعل مو موجود.. قمت من السرير .. دخلت الحمام ( اكرمكم الله ) .. شوي وطلعت .. لقيت مشعل مو موجود بالغرفه .. شفت الفطور على الطاوله .. وفيه مع الفطور ورقه .. اخذتها .. وفتحتها .. كان مكتوب فيه :

^*^
/
\
/
\
/
\
/
\
/
^*^

رهف .. انا عندي شغل .. ما راح افطر معك اليوم .. ان شاء الله اجي على الغدا

^*^

فتحت عيوني بقوه .... وحطيت يدي على خصري ... ياسلام .. يقول قسم .. اصلاً هو من متى يفطر معي .. من اول ماتزوجت للحين صار لي اسبوعين .. مافطر معي .. الا 3 مرات .. تركت الورقه .. ورحت صليت .. قريت قرآن شوي .. وبعدين قمت .. جلست على السرير .. وش اسوي ماعندي شي .. طفشانه .. البيت كبير وفاضي .. واليوم خميس .. مافيه مدرسه .. ولو طلعت اشوف التلفزيون .. بشوف رغد بنته .. وهي ماتدانيني .. الاحسن ما احتك فيها .. خليها بقلعتها .... الا وش اخبار خالد .. للحين يتذكرني .. مانساني ..وبعدين انا متزوجه وش يهمني فيه .. بدق بيت ريم يمكن هو اللي يرد على الاقل بسمع صوته .. مسكت التلفون .. ودقيت الرقم .. ******** .. وجلست انتظر احد يرد .. ردت علي اختها نوره : الوووو .. الووووو .. قفلت بسرعه .. صح اليوم الخميس .. تجيهم نوره من الصبح .. رحت فتحت الدريشه .. الهوا طير شعري على طول .. فكرت بحياتي مع مشعل .. حياة عاديه جداً ..ما اشوفه الا قليل .. دوم بشغله .. وكانه ماخذني غصب .. صدقوني ما يبيني .. مايواطني في عيشة الله .. قليل اذا سولف معي .. وماوداني بيت اهلي الا مرتين .. واذا رحت بيت اهلي اطفش بعد لان ابوي يلح فوق راسي .. خلي مشعل يكتب البيت بأسمك خليه يعطيك مزرعته هديه وخليه وخليه .. واخاف يروح يقول لمشعل هالكلام ويحرجني معه .. لان بيقول اني احب الفلوس وطمعانه فيه .. ان شاء الله .. يارب .. ماتستمر حياتي على هالحال .. ويطير الا انا فيه .. مثل مايطير الهوا شعري الحين .. الله .. الجو حلو .. بطلع بره الحديقه ..,, قفلت الدريشه .. وطلعت من غرفتي .. نزلت الحديقه .. الله الجو مره حلو اليوم .. تمشيت شوي

شفت رغد بنته .. تلعب كوره .. جلست اناظرها وهي تلعب وابتسم ..,, ..فجأه جات الكوره بالغط بجنبي .. نزلت لها ابي اخذها ..

صرخت علي : لاااااااااااا تمسكين كووووورتي

بسم الله الرحمن الرحيم .. وش فيها ذي .. ضليت على وضعيتي كذا .. وانا اناظرها .. تقدمت مني .. وهي عاقده حواجبها .. وقالت لي : اسمعي انتي .. اشياء تخصني ما ابيك تلمسيها .. وحتى الاشياء اللي ماتخصني .. لا تحسبين عمرك ملكة هالبيت .. تره هالبيت بيتي .. انا وابوي .. وانتي موقعك غلط هنا

اقول لكم وش فيها ذي .. بزارين اخر زمن من جد .. والله لو وحده غيري .. اخذت الكوره .. ورمتها فوق راسها .. بس انا مكبره عقلي ..وقفت و قلت لها : حبيبتي كنت بجيب لك الكوره

قالت لي : انتي اقوووول .. خذي نفسك .. وارجعي بيتكم .. بيت المنتفين .. احسن لك

قهرتني .. عصبتني .. من وين جايبه هالكلمه .. بيت المنتفين .. اصلاً هي بزره .. ماتدري انا بنت من .. ولا وين عايشه .. هذا اكيد مشعلوه قايل لها هالكلام .. لكن انا اوريك انتي وابوك ,, تقربت منها .. مسكت وجهها بيدي .. ورفعته بقووه ..صرخت عليها : اسمعي بلا قلة ادب ..هذي اخر مره .. اسمح لك تتكلمين معي بهذي الطريقه انا اكبر منك احترميني .. فااااااهمه


.......................

___________
بيت مشعل .. الساعه : 8:15 صباحاً
___________


** مشعل **


كنت جاي من الشغل .. اوووه سووري .. قصدي ماكان عندي شغل اصلاً .. كنت عند صديق لي .. صدق لا قالوا كذب وصدق كذبته .. كنت اتهرب من القعده معاها .. مدري ليه ما احب اجلس معاها .. اساساً ليه اجلس معاها .. انا مو مجبور على هالشي .. دخلت البيت ... سمعت صوت رهف تصارخ ... يا الله صباح الخير .. تقدمت اكثر .. لقيتها تصارخ على بنتي .. وماسكه وجهها بقوه .. من تحسب عمرها ذي .. الا بنتي محد يلمسها .. تقدمت منها .. سحبت يدها بقوه عن وجه بنتي . وقلت لها وانا معصب : ما يحق لك .. ولا شوي .. انك تصارخين على بنتي .. واعتقد .. دام انك عايشه في هالبيت .. احترمي اهله

..,, ناظرتني انا وبنتي نظرات غضب .. وجات تبي تمشي ..,, مسكتها وقلت لها : فيه كلام ثاني بالغرفه

لفيت لرغد وقلت لها : روحي حبيبتي داخل .. قالت لي :ان شاء الله .. ودخلت

سحبت رهف الى الغرفه .. وكانت تقول لي : اتركني .. اتركني .. ماتفهم انت .. اقول لك اتركني

كنت معصب مره .. اخر ما اتوقعه ان هالرهف تصارخ على بنتي .. دخلتها الغرفه .. وقفلت الباب

قلت لها وانا متكتف : ممكن افهم .. يارهف .. وش عندك تصارخين على بنتي .. او وشهو السبب اللي يخليك تصارخين عليها

سكتت .. ماتكلمت .. انتظرتها تتكلم .. بس مافيه رد

قلت لها وانا ابتسم بسخريه : ردي .. يللا ردي .. مو لسانك وش طوله مع بنتي .. يللا وريني طوالت لسانك

كان واضح على وجهها .. انها معصبه .. شوفوا عاد .. غلطانه وهي اللي تعصب .. مشكلة بنات هالزمن

قالت لي وهي مرتبكه : لانها .. ما تحترم الــ.. ,, قاطعتها : وش قصدك بنتي مو محترمه .. لا قولي كذا .. قولي بعد

قالت لي وهي منفعله : ايه مثل ماانت .. يا استاذ مشعل .. قايل للبنت .. ان بيتنا بيت منتفين

من جدها ذي .. صدق بزره .. ما الومها .. عمرها 17سنه .. بس من جدها بقول لبنتي هالكلام .. البايخ جلست اضحك .. ههههههههههههه .. ضحكتني بصراحه

قالت لي : اعتقد ماقلت نكته .. عشان تضحك

وقفت عن الضحك وقلت لها : كلامك يضحك .. اجل معقوله .. انا اقول لرغد هالكلام .. مايفكر بكذا الا الخبل


..........................



** رهف **


وش قصده يعني انا خبله .. مو بعيد ابدا.. ان البنت كذا قليلة ادب لان ابوها .. مثلها . قليل ادب .. وما يستحي .. ووقح .. و .. و.. مدري وش اقول .. بموت قهر .. اجل عشان بزره ماتستحي .. يسوي لي كل هالقصه .. على باله بجلس ابكي او شي .. لكن هيهات .. اطيح دمعه من عيوني .. عشان ناس وقحه وماتستحي .. للحظه تذكرت كلام امي .. يوم اقول لها اني ما ابي مشعل .. ولا ابي اعيش هالحياة .. قالت لي عسى ان تكرهو شيء وهو خير لكم .. بس ما اتوقع وجه الفقر هذا خير .. الصبر يارهف .. الصبر

قال لي : اشوف سكتي .. المهم انا تعبان .. وابي انام .. ومو فاضي لهالخرابيط

دام ان اللي يصير الحين خرابيط .. اجل ليه مسوي سالفه .. وماخذني الغرفه تكلمني .. حمار .. من جد حماار

كمل كلامه وهو يقول بتهديد : بس لو اشوفك مره ثانيه .. تصارخين على رغد .. بتشوفين شي عمرك ماشفتيه ,, وطلع

قطيعه .. روحه بلا رده .. ان شاء الله ,, اخذت .. تحفه من التحف الموجوده على الطاوله .. ورميتها بقوه .. على الباب ..,, انفتح الباب .. طل مشعل مع الباب وقال لي : لا تكسرين لنا اثاث الغرفه .. موناقصين .. تشااوو .. ,,.. وقفله مره ثانيه ..

وش رايكم .. قهر او مو قهر .. ياااربي .. بموت من القهر .. هذي حركات واحد .. عمره 30
سنه .. اشك والله .. لفيت اناظر في الغرفه وانا مقهوره .. رحت للباب .. اللي بغرفتنا .. فتحته
لقيته مفتوح .. غريبه .. ايه .. هالباب ماقلت لكم عنه .. اشوفه بغرفتنا .. بس ما ادري وش بداخل هالغرفه ..او وش ورا هالباب .. دوم اجرب افتحه .. بس القاه مقفل .. هالمره كان مفتوح .. دخلت كانت غرفه صغيره .. فيها مكتب ..جلست على كرسي المكتب .. غرفه عاديه .. مافيها شي .. تعبثت بالكتب .. والاوراق الموجوده على المكتب .. ورجعتها مكانها .. فتحت درج المكتب .. كانت فيه صوره .. اخذتها وناظرتها .. اكيد هذي زوجته الله يرحمها .. ماتشبه بنتها ابد ابد .. ,,,
رغد شعرها اشقر . هذي اسود .. رغد بيضا .. هذي سمرا .. رغد عيونها زرق .. هذي بني تقريباً .. اجل تشبه لمين هالبنت .. هذي عاديه .. مافيها مواصفات جمال .. مو مهم .. رجعت الصوره مكانها .. وطلعت من المكتب .. اخذت لي من الدولاب ملابس .. ورحت اتروش

.
.
.

............................


______________
بيت ابو يوسف .. الساعه 9:30 صباحاً
______________


** محمد **


كنت جالس بالصاله .. اشوف التلفزيون .. اشوف فيلم بـ mbc2 .. بس ماقدرت اشوفه مثل العالم والناس .. اخوي سعد .. اذاني .. طلع روحي .. ساعه يقولي ابي اروح المدرسه .. ليه تخلوني كل خميس اغيب غصب .. كل مافهمناه .. مافيه فايده .. وساعه يقول لي .. ابي رهف .. بس زين الحمد الله .. هذا هو جايب له دفاتر .. يرسم ويشخبط فيهم .. جاب لي دفتر صغير .. فتحه

وقال لي: أي واحد رقم تلفون بيتنا

ناظرت الدفتر .. تصفحته .. كله ارقام بنات .. الظاهر هالدفتر .. لرهف .. ركزت زين .. شفت رقم مكتوب بجنبه .. جوال الريم .. هذا رقم حبيبتي الريم فديتها .. مدري ليه طلعت جوالي .. وكتبت رقمها وحفظته .. حفظت رقمها بأسم & غلا روحي &

قلت لسعد : سعوود .. من وين جبت هالدفتر

قال لي : من غرفت رهف

قلت له : اوكي .. رقم تلفون بيتنا مو موجود .. بس ليه تبيه

قال لي : لاني بخلي هالدفتر عندي .. لو ضعت او شي .. ادق على بيتنا

هههههههههه صدق تفكير الصغار يضحك .. طلعت له ورقه .. وكتبت رقم بيتنا .. وعطيتها اياه .. شقيت الورقه .. اللي مكتوب فيها رقم جوال الريم .. ورميت الدفتر في الزباله .. واضح ان رهوف ماكانت تبيه .. لو كانت تبيه كان اخذته معها .. رحت غرفتي .. جلست على سريري .. وانا ماسك الجوال .. وش اسوي .. وش اسوي .. بكتب لها مسج .. عادي .. ماراح تعرف انا مين .. كتبت لها ..


^*^
/
\
/
\
/
\
/
\
/
^*^


تصدق اشتقت لك ..

أنااعترف بعدك حياتي تختلف

تايـــه وحـــيــد


أصيح باسمك وارتجف

في كل شي أتخيلــك..

ومهمــاتغيـب

عنــدي أمــل

بكــرة تــجي

وبكــل شـــوق

*اّّّ~س~ت~ق~ب~ل~ك*

,,M,,

___________
بيت الريم .. الساعه 10:00 صباحاً
___________


** الريم **


كنت جالسه مع اختي نوره .. نسولف عن رهف .. كانت هي اللي تتكلم .. جاني مسج .. اخذت جوالي شفته .. قريت المسج .. الرقم غريب .. طنشته

سالتني اختي : من مين المسج

قلت لها بدون اهتمام : الظاهر هذي وحده .. او واحد .. غلطان بالرقم .. المهم وش كنتي تقولين

كملنا سوالف .. لحد ما اذن الظهر .. رحت اصلي .. صليت .. ورجعت .. لقيت اختي نوره تسولف مع اخواني .. خالد وفارس .. رحت غرفتي .. قلت بدق على رهف .. الا ويجيني مسج .. من نفس الرقم .. فتحتها كان المسج ...


^*^
/
\
/
\
/
\
/
\
/
^*^

للزين عرش
صاحبته تلبس التاج
ومافيه غير
**الريم **
تستحقه
واللي لها بالفن خطه ومنهاج
واذا مشت تمشي على المسك والعاج
ومن هيبتها
تترك على الارض
عزه
,,M,,

^*^

ومافيه غير ....الــــــــــــريـــــم ؟؟؟

^*^
/
\
/
\
/
\
/
\
/
^*^

**** نهاية الجزء الرابع ****
__________________

...:::][ الجزء الخامس ][:::...


_____________
بيت الريم .. الساعه : 5:30
_____________


**الريم **

جالسه امشط شعري .. صار لي ساعه .. يااارربي .. مشبك كله في بعضه .. تعبني .. ياليت شعري مثل رهـف .. ناعم مره .. مايبيله هالقعده .. وهالوقت .. انا صحيح الحمد الله .. شعري مو خشن ..شعري ناعم ومموج .. بس انا افكه لا جيت انام .. وتبدا عملية تداخل الشعر مع بعضه البعض ..
اوكي .. شعري حلو الحين .. لميت شعري وكنت بنزل افطر .. وقبل ما اطلع من الغرفه .. رجعت .. وحطيت يدي تحت المخده .. اخذت جوالي وفتحت المسج اللي امس .. هذي رساله من شخص اعرفه .. ايه صح .. بنت خالتي بسمه .. قالت لي قبل امس .. انها راح ترسل لي رساله .. من رقمها الجديد .. اكيد ميه بالميه هذي هي .. راح عن بالي

يوم طريت بسمه غمضت عيوني ..اتذكر اللي صار قبل امس ..

.
.
.

شافتني سرحانه ومتضايقه

قالت لي : وش فيك

قلت لها: رهف

قالت لي بقهر : وش فيها رهف بعد

قلت لها .. والضيق يملا عيوني : صرنا الحين بعاد عن بعض .. مو مثل اول .. صحيح حنا قراب لبعض بالقلوب .. بس

قاطعتني : انتي مايملا حياتك الا رهف .. وحنا وين رحنا

.
.
.

فتحت عيوني .. صحيح مايملا حياتي الا رهف


كنت برجع الجوال .. تحت المخده .. بس جاني مسج من رقم غريب .. فتحته .. كان



^*^
/
\
/
\
/
\
/
\
/
^*^


ابعتذر باسم الشعر

والقــوافــــــي

ان كان في حقك عن

الوصل قصـرت

لوهي بكيفي الذي

مايشــــــافــي

لانقل لك الفرحه هوى

وين مارحـت

ولكن وعد مني اناانسان

وافـــــــــــي

تبقى اعز انسان

ان جيـت وان رحـت

( ريوم انا بسمه هذا رقمي الجديد o.k )



^*^
/
\
/
\
/
\
/
\
/
^*^


اوووه هذي بسمه .. اجل اللي قبل مين .. اصلاً مو مهم اعرف .. وحده من البنات .. خل ادق على رهووفه .. اشوفها راحت المدرسه اولا ..,,.. ماترد اكيد نايمه .. او راحت المدرسه بدري ..

حطيت الجوال تحت المخده .. واخذت شنطتي .. وخليت كتاب الفيزياء بيدي .. لان عندنا امتحان ..اجلس اذاكر اكثر بالسياره .. احسن من اجلس فاضيه اشوف من الدريشه اللي رايح واللي جاي

فتحت الباب امي .. حطت يدها على فمها ..وقالت لي :يوووه ريووووم .. بعدك هنا .. مارحتي المدرسه

قلت لها : ليه وش فيك .. الساعه كم الحين

قالت لي وهي تناظر للساعه اللي بيدها : الساعه سبع

قلت لها وانا خايفه : ليه ماجيتي شفتيني .. رحت المدرسه او لا .. ليه

قالت لي : مدري والله يابنتي .. اخوك فارس .. قال جا الغرفه .. وماشافك .. قال انك .. اكيد رحتي مع رهف اليوم .. وكان مستعجل لان

قلت لها : لان اكيد مستعجل .. يبي يطلع .. حطها على رهف .. وبعدين مو قلت لكم .. رهف تزوجت خلاص

قالت لي : والله يروح عن بالنا .. طيب روحي بسرعه .. شوفي اخوك خالد راح اولا ؟.. بدال الكلام الزايد

اخذت العبايه .. وطلعت من الغرفه بسرعه .. فتحت باب غرفة خالد .. ياربي مو هنا .. اكيد مابيجلس للحين بالبيت .. اصلاً خالد الغبي .. صار له اسبوع .. مايوديني المدرسه .. وشهو السبب مدري .. المهم طلعت من الغرفه .. ونزلت تحت .. لبست العبايه .. وكنت بطلع .. بس امي ماخلتني

وقفت عند الباب وقالت لي : وين بتروحين

قلت لها : يمه .. بروح المدرسه بعد وين

قالت لي : من بيوديك

قلت لها : ياربي .. بروح .. بمشي

قالت لي بخوف : لا وش تمشين .. مافيه .. المدرسه بعيده .. والشارع يخوف .. غيبي

قلت لها : ما ابي اغيب .. عندي امتحان فيزياء

ماخلتني اروح .. والوقت بيضيع .. اضطريت اكذب عليها كذبه بيضا .. بما انها بسرعه تصدق

قلت لها : يمه على بالك بروح لحالي .. لا فيه بنت معانا بالصف وبيتهم قريب من بيتنا .. دوم تتاخر .. الحين تروح المدرسه.. بمر عليها وبنروح مع بعض

قالت لي : متأكده .. روحي معاها .. لا تروحين بروحك .. فاهمه

قلت لها : فاهمه

وطلعت من البيت ..تصدقون .. الشارع .. لا كان يخوف ولا شي .. بالعكس .. اللي رايح دوامه .. واللي يغسل سيارته .. يعني الوضع عادي .. لفيت عند بيت ابو يوسف .. لقيت الباب مفتوح .. وسياره شغاله عند الباب.. وكان سعد .. عند السياره .. ماسك عصا .. يلعب فيها بالرمل ..غريبه سعد للحين بالبيت .. الظاهر ما بيروح المدرسه .. او متاخر ..شافني واقفه عند الباب ..جاني بسرعه

قال لي : كيف حالك الريم

نزلت .. عشان اصير بطوله .. قلت له تمام .. نحمد الله .. وانت

قال لي : زين

قلت له : ليه مارحت المدرسه للحين

قال لي وهو منزل راسه : بروح المستشفى .. عشان سنوني

مسحت على خده وقلت له : ليه وش فيها سنونك .. تعورك

قال لي : لا .. ماتعورني .. عندي موعد .. والحين مودي .. بيوديني .. اشتري كوره

قلت له : من مودي ؟

قال لي : اخوي محمد

اهااا .. يعني محمد اللي بيوديه .. شوي الا وطلع محمد ..وكان يتلفت هنا وهناك .. الظاهر يدور .. سعد .. جالس يناظرنا .. يعني شافه .. ركب سيارته .. وجا عندنا .. نزل الدريشه وقال لي : السلام عليكم .. صباح الخير

قلت له : وعليكم السلام .. صباح النور

قال : يللا سعود حبيبي .. تعال اركب

راح سعد وركب .. رفع الدريشه وحرك .. مشيت اناشوي .. لقيته يرجع السياره على ورا .. وقفها بجنبي .. ونزل الدريشه مره ثانيه

قال لي وهو عاقد حواجبه :وين بتروحين ..قصدي يعني .. ليه تمشين

ياربي ..محمد بيضيع علي الوقت اكثر .. قلت له وانا مستحيه : بروح المدرسه .. بمشي

قال لي : لا .. وش تمشين لحالك .. ماتخافين على عمرك انتي

سكت .. وش تبوني اقول له يعني

قال لي : اركبي .. بوصلك

مجنون هذا .. اركب معه لحالي قلت له : لا مشكور .. لا تتعب حالك

قال لي وهو مبتسم : لا تعب ولا شي .. وترا سعد معانا

قلت بدون ما احس : حتى ولو

قال لي : لا تخافين .. بركبك فوق السياره .. وانا وسعد بنصير تحت ههههههههه

قال سعد وهو ميت ضحك: تخيل محمد .. سيارتك طابقين

وجلسوا يضحكون .. لا اكيد فاضين هذيلا .. انا ابي اروح المدرسه

لف محمد على سعد ..وقال له : سعد انت رجال صح

ضرب سعد على صدره ..وقال : صحين

قال له : اجل يللا .. انزل وصل الريم للمدرسه .. وبعدين انا بجي اخذك من هناك

قال طيب .. ونزل مستانس .. انا ماقلت شي .. يمشي معي سعد .. احسن من امشي لحالي .. المهم مشينا انا وسعد .. وكان سعد يسولف .. ويسولف .. مايشبع كلام هذا .. بس تراه يضحك ههههههههه .. خلاص قربنا للمدرسه .. وانا امشي .. لقيت واحد يمشي معانا ..طنشته .. وكملت مشي بسرعه وانا خايفه .. لا قصدي مو خايفه .. الا بموت من الخوف .. لكن كله منك ياريموه الله ياخذك ولا يوفقك .. تستاهلين ماجاك .. اوف لو انا سامعه كلام امي وغبت .. وش جابني مشي .. وهذا لمتى بيلاحقنا

قال لي بتميلح : ليه الغزال مايعبرنا

ياربي وش اسوي .. لازم اهدا ما ابيه يلاحظ اني خايفه واتراجف

قال له سعد .. بصوت طفولي : اقول .. انت رح مناك .. مو فاضيين لك

طنش سعد .. وقرب مني .. طلع ورقه .. ومدها لي وقال : طيب وقعي لي

من جد فاضي هذا .. على باله انا نانسي عجرم .. عشان اوقع له

قال له سعد : انت رح .. يللا رح

قال لسعد : اسكت .. يا البزر انت

سمعت صوت احد موقف سيارته .. قريب منا ..جا ومسك رقبت اللي يلاحقنا ويقول له بصوته الرجولي : خيرر انت .. وش عندك تكلم اختي .. تبيني اذبحك

هذا مـــحــمــد ..حسيت بارتياح يوم جا .. الله جابه

قال له : مدري ان هي اختك ..اتركني .. خلاص بروح

قال له محمد : يللا انقلع .. الله يقلع وجهك .. صحيح ناس فاضيه .. وماتستحي على وجهها .. عندك خوات انت ؟ اكيد لا ... يللا طس

ما صدق على الله قال له محمد طس .. على طول راح وهو خايف

قال سعد لمحمد : وشلون عرفت ان حنا هنا .. وفي حالة خطر .. لا تكون سوبر مان

قال محمد : اسكت بس لا اطلع طرزان .. يالدب .. مصدق انت بخليك تمشي مع الريم .. لحالك .. كنت امشي وراكم .. بالسياره

لف علي محمد .. وقال بجديه : الريم .. هذي المدرسه قريبه .. يللا بسرعه روحي

رحت على طول .. وكنت افكر .. يعني محمد .. يخاف علي .. ماخلاني اجي لحالي ..لفيت ورا .. لقيته للحين واقف هو وسعد .. لفيت بسرعه .. وكملت طريقي .. ودخلت المدرسه .. طبعاً حصلت بعض الكلام الفاضي .. من المديره .. طلعت من الاداره .. ورحت الفصل ..دخلت .. وعطيت المدرسه ورقة اذن من المديره .. عشان تدخلني .. بما اني متاخره مره .. رحت وجلست على الكرسي .. الا ورهف تقول لي بمرح : اسفرت وانورت .. واستهلت وامطرت .. والمديره فحطت ههههههه

قلت لها .. وانا اعدل شنطتي .. واطلع كتب الماده : ايه المديره فحطت فيني قبل شوي

ضحكت بصوت خفيف وقالت : تصدقين .. جواهر .. قالت لي تبي تجي تجلس مكانك .. بجنبي .. بس انا قلت لها .. عندي احساس انك بتجين .. شفتي احس فيك

ابتسمت وقلت : الصداقه وماتسوي

قالت لي : وش فيك متأخره .. والله لو كنتي بتغيبين .. كان بيصير .. يوم الغياب العالمي ..اخوي محمد مابيروح الدوام .. وسعد غايب

قلت لها : ادري

قالت : وش دراك ؟

ضيعت الموضوع وقلت : الا ماقلتي لي اخبارك انتي .. وزوجك

قالت لي بدون لا تبتسم ولا شي : الحمد الله

قلت لها : مستانسه انتي بزواجك

قالت لي : اكيد .. لو ماكنت مستانسه .. بقول .. مابخبي عليك .. انتي صديقتي واختي

ما اتوقع ..تقولين ..مدري ليه ..رهف ماتحب تسولف لا لي .. ولا للبنات .. عن زوجها .. ولا عن زواجها .. صارت رهف غريبه

قلت لها : صح انتي .. كم قلتي لي عمر .. زوجك

سكتت شوي وقالت لي : 30

شهقت وقلت لها :والله جد .. كبير شوي

قالت لي بأندفاع وبقهر: وليه اصلاً اخذ واحد صغير .. مايفهم شي بالحياة .. لعاب ولا عنده تجارب ..ولا شهادات ولا شي .. على الاقل زوجي .. دارس ..فاهم ..عاقل .. مدير لأحسن شركه

وش فيها هذي انفعلت .. انا وش قلت لها الحين .. شوي وبتاكلني

كملت كلامها : وتجربته بالزواج قبل .. خلته اعقل واذكى ..مو واحد جاهل بالحياة .. مايدري وين الله حاطه

قلت لها وانا مو مصدقه : زوجك متزوج قبل .. لا تمزحين

قالت لي : ايه متزوج .. وزوجته ماتت .. وصارت من طي النسيان .. صحيح عنده بنت .. بس تحبني واحبها .. وانا مرتاحه بزواجي

لان صوت رهف كان عالي شوي .. صرخت علينا المدرسه وقالت لنا : من بداية الحصه .. وانتوا تتكلمون .. ماتبون تفهمون خلوا غيركم يفهم .. يللا اوقفي يا الريم مو كفايه انك متأخره .. وانتي بعد رهف اوقفي


طول ما انا واقفه .. افكر باللي قالته رهف .. انا صحيح ملقوفه .. دام انها مرتاحه بزواجها .. انا وش يخصني .. اكيد انقهرت مني .. ما كان لازم اقول لها زوجها كبير .. هو يمكن مو كبير .. بس بالنسبه لها .. لفيت اناظر فيها .. كانت منزله راسها .. وتلعب بشعرها .. فاكه شعرها .. ولامه منه شوي بشريط وردي .. وشعرها طويل وطايح على عيونها .. طالع مره يجنن .. وش فيني انا اليوم .. ادقق بالشعر .. بس والله حرام وحده بجمال وسن رهف .. تاخذ واحد اكبر منها بكثر لا وعنده بنت .. هي مو مجبوره .. لايكون احد اجبرها .. لان زواجها غريب والله غريب ..لفيت على المدرسه .. وهي تقول لنا في اي عالم انتوا : وحده سرحانه ..والثانيه تلعب بشعرها .. ماتبون الحصه اطلعوا بره .. هذا وشاطرات بعد .. وش خليتوا لباقي البنات

___________
بيت مشعل .. الساعه :1:00 مساءً
___________


**مشعل**

رجعت اليوم .. من الدوام .. الساعه 12 ونص..احس بملل .. صار لي نص ساعه جالس بالصالة .. ورهف مارجعت من المدرسه .. احس بجوع ..جاتني رغد .. اللي كانت تلعب بره

قالت لي : بابا متى جيت

قلت لها : توني من شوي

جات وجلست بجنبي .. قالت لي : ميته جوع

قلت لها : حتى انا

قالت لي : اجل وش نتتظر

قلت: رهف .. شوي وبتجي من المدرسه

انقهرت وقالت لي : في كل شي رهف .. في كل شي رهف .. اووووف

قلت لها : وش فيك

تكتفت وقالت لي : ما احبها

قلت لها : لا حبيبتي .. كذا مو صح .. وش السبب اللي يخليك ماتحبينها

قالت لي :لانها تسوي نفسها .. طيبه قدامك .. بس من وراك .. شي ثاني

ماكنت مستغرب ان رغد ماتحب رهف ..بالعكس الا متوقع هالشي

قلت لها : اسمعيني يابنتي .. انا ابيك تعتبرين رهف .. مثل .. مثل ..

صح تعتبرها مثل وشو .. امها مثلاً .. ما احس انها تجي ..رهف صغيره .. بس المنطق يقول كذا

فكملت كلامي : تعتبريها مثل امك

وقفت منقهره وقالت : وشلون امي كبري .. وتروح المدرسه

قلت لها : مو لازم امك .. خالتك .. اختك الكبيره .. اي شي

رمت اللعبه اللي كانت بيدها .. على الارض .. وصرخت علي : ماابي .. ماابي

كانت بتروح .. بس انا مسكتها ..وقلت لها : خلاص حبيبتي .. موغصب هو .. بس تعالي نتغدا .. هزت لي راسها .. يعني طيب .. بصراحه انا احس بالجوع .. ورغوده بعد تبي تتغدا .. ما اقدر انتظر رهف اكثر .. تروح لي هالمدارس وماترجع الا متأخر .. بدال ماتجلس في بيت زوجها ..مثل باقي الحريم

.
.
.

تغديت وخلصت .. قمت غسلت يدي .. وكنت بركب فوق .. سمعت صوت احد يفتح باب الصاله .. لفيت ولقيتها رهف

ابتسمت لي وقالت : السلام عليكم

قلت لها : وعليكم السلام .. كيف كان اليوم

قالت وهي تناظر فوق .. كانها تفكر : اممممم يوم عادي ..بركب بسرعه ببدل.. ثواني ونازله .. عشان نتغدا .. بموت من الجوع

اخذت الشنطه من عندها .. وقلت لها : حنا تغدينا ..تغدي انتي

اخذت الشنطه من عندي .. وقالت لي : طيب

اخذتها من عندها .. مره ثانيه : وقلت لها .. مابتتغدين

اخذتها من عندي .. بس بقوه هالمره .. وقالت وهي تركب الدرج : الا .. بروح ببدل ملابسي



...............................


___________
بيت مشعل .. الساعه :1:30 مساءً
___________


** رهف **

كنت اركب الدرج .. وانا مقهوره .. ومعصبه .. هالبيت مو معتبرين لي اي اعتبار ..ماعندهم ولا ذرة احترام .. معقوله فيه ناس كذا .. الظاهر نسوا ان فيه وحده .. عايشه بذا البيت .. اسمها رهف ..مالي اي قيمه عندهم .. يوم كنت في بيتنا .. لو اتاخر .. للساعه 2 .. ارجع وهم ينتظروني ..لكن هين يامشعل .. وصلت للغرفه .. دخلت وقفلت الباب .. مع اني اعرف ان مشعل وراي ..حطيت الشنطه على السرير ..دخل مشعل الغرفه .. وجلس على السرير .. طلعت لي ملابس من الدولاب .. ودخلت اتروش .. طلعت ولقيته للحين جالس .. مشطت شعري .. ولميته .. وصليت .. خلصت .. وانسدحت على السرير .. من انسدحت سألني : وش بتسوين

قلت له بدون ما اناظره : بنام

قال لي : مابتتغدين

قلت له : لا

مسوي فيها .. يهتم فيني تغديت اولا ..غطيت نفسي

سحب الغطا وقال لي : مافيه تنامين .. قومي تغدي

قلت له وانا ضاغطه على اسناني :ما ابي مشعل .. مو غصب

قال لي وهو ماسك الغطا .. عشان لا اسحبه منه : بس انتي قلتي قبل.. انك بتموتين من الجوع

قلت له .. وبدا صوتي يعلى : ايه هذا انت قلتها .. قلت لك قبل ..الحين ما احس بأي جوع..ابي انام

عطاني نظره .. مدري وش تقصد وطلع .. بصراحه انا ماكنت نعسانه .. ظليت منسدحه على السرير نص ساعه .. تذكرت ان الساعه 4 بيجون لي .. اهلي والريم وامها واختها نوره .. بقوم بتلبس .. وببخر البيت .. قمت وبدلت .. لبست بدله .. حلوه كانت قطعتين .. تنوره طويله .. مفتوحه للركب من الجهتين .. وفيها حزام طويل .. من الكرستال والخرز .. وبلوزه كمومها طايحه .. وفيها كرستال وخرز .. ولبست معاهم طقم ذهب .. وشعري فكيته وحطيت على راسي شريطه بنفس لون البدله .. الوردي والبنفسجي .. وحطيت لي مكياج بعد بنفس الالوان .. تعطرت .. ونزلت .. رحت ابخر المجلس .. دخل علي مشعل

وقال لي : الله تبخرين البيت

قلت له : ايه .. مشعل بيجون اليوم .. اهلي .. وبيت جيرانا

قال لي :الله يحييهم .. بس من زمان ماشميت ريحة بخور .. من راحت امي مع اختي نجود مصر

جلست وقلت له :ايه .. امك واختك متى بيرجعون .. ابي اشوفهم

جلس بجنبي وقال لي : والله مدري .. صار لهم شهرين هناك .. مايملون من مصر هذيلا

قلت له : واختك ماتدرس

قال لي : لا اختي تخرجت من الجامعه

سكتنا شوي .. كان يناظرني قال لي : حلوه عليك هالالوان .. على طول البسي بنفسجي ووردي

قلت له : بتمل

قال لي وهو يلعب بشعري : لا افاا .. وش هالكلام .. ما امل منك انا

قمت عنه على طول .. ايه قول لي كلام حلو .. عشان تنسيني انك تغديت عني ..قول وش عليك ..جات الخدام وقالت لي .. ان اهلي وصلوا .. رحت مبسوطه .. اخوي محمد ويوسف .. راحو مجلس الرجال .. وسعد معاهم طبعاً .. معتبر نفسه رجال هههههههه.. والريم وامها ونوره وبنتها وامي كانو معي بمجلس الحريم
.. جلسنا شوي .. بعدين وريتهم البيت.. طبعاً مافيه ولا كلمه حلوه ماقالوها لي عن البيت والريم تقول انها بحياتها ماشافت بحلا هالبيت .. وانا ما انكر اني انبسطت بمدحهم للبيت .. بعد ماوريتهم اياه رجعنا المجلس .. جلسنا نسولف ونضحك .. تصدقون .. امي تقول .. صارت تحسني حرمه كبيره ..وسالت عن رغد .. تبي تشوفها .. قلت لها نايمه .. لانها طول الوقت بغرفتها ماطلعت منها ... والريم طول ماهي جالسه .. جوالها ماوقف .. ولا الف مسج جاها ..لايكون لقت لها صديقه غيري ؟.. المهم ماطولوا.. من اذن المغرب .. راحوا.. حاولت فيهم عشان يجلسون .. يتعشون معي .. بس قالولي مره ثانيه ..الحين الساعه 9 وربع .. وانا جالسه بالغرفه لحالي .. فتح مشعل الباب ..وقال لي : البسي عبايتك

قلت له : ليه

قال لي : بنطلع نتعشا برا

يبي يصلح غلطته ويطلعني.. على طول سمعت الكلام .. ورحت لبست العبايه .. لاني كنت ابي اطلع .. وثاني شي بطني يوجعني من الجوع .. ماتغديت

طلعنا سوا من الغرفه نزلنا تحت .. لقيت رغد بالصاله .. لاوية لي فمها ..

قال لنا مشعل: يللا مشينا

المهم وحنا بالسياره .. سالني مشعل : اي مطعم تبين

قلت له : مدري كيفك

قالت رغد وهي تقلد صوتي : مدري كيفك .. وش عرفها هذي تسالها

لف عليها مشعل

وقال لها : رغــــــــــــــد .. وعطاها نظره

سكتت على طول .. ولفت تناظر بالدريشه

.
.

ايه احسن .. تستاهلين .. محد قال لك تطولين لسانك

.
.

ودانا مشعل مطعم على كيفه .. كان المطعم فخم وحلو .. جلسنا بأحد الطاولات اللي فيه .. كنا ساكتين ونناظر بالمنيو

تكلم مشعل وقال : هااه .. وش تبون تتعشون

قلت انا ورغد في نفس الوقت : لازانيا

لفت وناظرتني بحقد .. وقالت : لا لا .. ما ابي لازانيا .. بغير

قال لها مشعل بحده : وليه تغيرين .. رغد قلبي .. خلاص انتي تبين لازانيا

يالليل الليل ..قلت لمشعل : خلاص انا ابي ستيك .. وعصير برتقال

صرخت رغد : انا كنت بغير وبقول ستيك وعصير ليمون

نفخت خدودها .. وكتفت يدينها .. وقالت :اي شي ابيه .. هي تقول تبي مثلي .. اوووووف انا ما ابي اتعشا خلاص

الله يطولك ياروح ..هذي ليه اصلاً جات معانا .. تخرب العشا ولا وشو بالضبط

مسك يدها مشعل وقال لها : بابا لازم تتعشين ..ولا عاد كلنا ماراح نتعشا ..

هذا اللي بيموتني قهر .. بدال ماتطقها .. وتاخذ هالشوكه اللي قدامك .. وتبط عيونها ..تجلس تدلعها لي

قالت رغد : انا بتعشا بشرط .. تاخذ هي اللازانيا .. وانا ابي الستيك

من القهر قلت لها : لا من جد تعرفين تنكتين حبيبتي.. هو هذا اللي بيصير .. عاد تشرطتي اولا

ردت علي : لا هالشي مابيصير .. الا لاني قلت .. وغصب عنك .. انتي تاكلين وتشربين بفلوسنا

وقفت بسرعه .. ولفيت لمشعل .. قلت له : مشعل بروح الحمام ( يكرمكم الله ) خلصو طلب .. شوي وبجيكم

طلعت على طول .. ماسمعت رد مشعل .. قليلة الادب هذي ..مستحيل بجلس اتكلم .. وارد على بزره .. انا اعقل واكبر من كذا .. وما ابي اخرب طلعتنا .. فأسكت عنها احسن لها ولي

قبل ما ادخل الحمام .. مسك يدي مشعل اللي لحقني .. وقال لي : ماعليه رهووفه .. رغد صغيره .. ولا تاخذين بكلامها .. وانتي اكيد.........

قاطعته .. وقلت : لا لا .. حصل خير .. وبالنسبه لي انا عادي

سحبت يدي ودخلت .. هديت نفسي و طلعت .. ورجعت لطاولتنا اللي كنا فيها .. جلست .. ووصل الطلب

شوفوا الغبيه .. اخذت الستيك .. وعصير البرتقال .. وهي طالبه عصير ليمون ..قسم بالله عله .. انا ما احب عصير الليمون بس يللا

قال مشعل : لحظه .. رغد كانك قلتي .. تبين عصير ليمون

قلت انا : عادي .. مو مشكله

قال مشعل : بس رهف .. قلتيلي قبل انك ماتحبين عصير الليمون

انا سكت .. وهي شربت شوي من عصير البرتقال .. وقالت : حتى انا ما احبه

حط مشعل يده على راسه وقال : وليه ماقلتي من اول

قالت له : نسيت .. ولا هي تاخذ العصير اللي تحبه .. وانا اجلس كذا ما اشرب شي .. احسن مني هي يعني

صرخ عليها مشعل : رغـــد .. بلا عناد .. انتي تحبين عصير الليمون

حطت راسها على الطاوله .. وجلست تبكي .. ,, لا الوضع هذا ماينسكت عنه .. راسي يوجعني .. ما اكلت شي من الصبح ومالي خلق ,,

وقفت وقلت له : مشعل خلاص .. راسي يوجعني خلنا نرجع البيت

قال لي : لا رهف مايصير .. ماتعشــ

قاطعته : ميخالف .. مره ثانيه .. ابي ارجع البيت ..

قال لي بعد ماتنهد تنهيده طويله : طيب

لان مافيه حل ثاني .. هذيك تبكي .. وانا راسي يوجعني .. وهو مقهور



طــلعــنا مــن المــطــعــم ركبـــنــا الســيـــاره ورجـــعنـــا البـــيـــــت

^*^
/
\
/
\
/
\
/
\
/
^*^



**** نهاية الجزء الخامس ****
__________________

...:::][ الجزء السادس][:::...


___________
بيت مشعل .. الساعه :00 مساءً
__________


** مشعل **

دخلنا البيت ساكتين .. محد تكلم ..انا كنت حامل رغد .. لانها نامت في السياره ..راحت رهف غرفتنا .. وانا وديت رغد غرفتها .. حطيتها على السرير .. غطيتها وبستها .. طلعت من غرفتها .. ورحت على غرفتنا .. دخلت .. كانت رهف جالسه على نهاية السرير .. بنفس ملابسها ماغيرتهم .. وتلعب بصبوعها .. دخلت انا الحمام ( الله يكرمكم ) تروشت وطلعت ..لقيتها بنفس الوضعيه .. ابي اكلمها .. وفي نفس الوقت ماابي .. وش اقول لها يعني ..انسدحت وتغطيت .. كنت معطيها ظهري ..من حطيت راسي على المخده نمت ..


.
.
.


صحيت الساعه 4 الفجر .. عشان بصلي ..لفيت عليها .. لقيتها نايمه .. ماكانت مغطيه نفسها ..وبنفس ملابسها اللي امس .. الظاهر كانت جالسه تفكر ونامت .. كنت بغطيها ..بس من لمستها .. فتحت عيونها .. نومها خفيف .. قامت على طول

قالت لي : الساعه كم

قلت لها : الساعه 4 الفجر

قالت لي : زين صحيت .. عشان اقوم اصلي

طلعت انا عشان بروح المسجد .. صليت ورجعت .. لقيتها .. متلبسه للمدرسه .. وتمشط شعرها

وش فيها هذي .. ليكون بتروح المدرسه الحين .. قلت لها :ليه لابسه من الحين

قالت لي : بس

قلت لها : طيب جيبي المشط بمشط شعرك

ناظرتني وهي رافعه حاجب : لا والله

قلت لها : يللا عاد .. ترا انا كنت بصير حلاق

خافت وقالت لي : لا يكون بتحلق شعري

اخذت المشط من عندها .. وقلت لها : اما عاد .. جيبي بس .. الحين اوريك .. بعدين بتجيني كل يوم .. بتقولين لي .. مش مش .. مشط شعري

جلست تضحك وقالت لي : بنشوف

شعرها حلو وناعم ..انا امشطها .. وهي تقول لي ما خلصت .. عورتني .. لا تشد شعري بقوه .. خلك رقيق .. اااي قطعت شعري .. خل يدك خفيفه

تركت شعرها و قلت لها: لحظه بروح وبجي

قالت لي : يالليل مشعل

طلعت.. ورحت اخذت من شباصات رغد .. ورجعت الغرفه

قالت لي : وين رحت

طنشتها .. ورجعت امشط شعرها .. كانت هي تسولف لي عن اخوها محمد .. ومندمجه في السالفه

قلت لها : تيرا ترا .. خلصت .. شوفي نفسك في المرايا

لفت عشان تشوف نفسها بالمرايا .. شهقت بقوه .. وقالت : مــشــــعـــل .. مسوي لي جدايل

قلت لها : شكلك كذا حلو ههههههههههههههههههه.. روحي المدرسه كذا

قالت لي: من جدك انت .. تذكرت شكلي يوم كنت بالروضه ههههههههههههههه.. لا واحط لي وردتين من تحت


~~)(~~مشتاق انا مشتاق تلعب بي الاشواق
ماتدري كيف الشواق في غيبتك حرات~~)(~~


جوالي يدق .. ناظرت بالجوال .. ^ اختي نجود ^ يتصل بك

رديت عليها : الوووو .. هلا وغلا جودي

قالت لي : هلا بك زود .. اخبارك

قلت لها : تمام .. وانتوا .. وحشتوني .. انتي وامي

قالت لي : بخير والله .. وانت اكثر .. مشعل بكره حنا واصلين السعوديه

قلت لها : والله بتنوور الديره

قالت لي : طيب انا اخليك .. وسلملي على العروس .. وبوس لي رغد

قلت لها : يوصل

وقفلت

قالت لي رهف : اهلك

قلت لها : بكره بيجون

قالت لي وشكلها استانست : وناسه انا ابي اشوفهم .. يوصلون بالسلامه ان شاء الله

قلت لها : يللا ننزل نفطر

قالت لي : انزل انت .. انا بفك شعري .. بلمه بس وبجي

قلت لها : لا تتاخرين .. واليوم انا بوديك المدرسه .. وانا بجيبك


..............................
__________________



..............................


__________
بيت ابو يوسف .. الساعه : 6:00 صباحاً
__________


** محمد **

كنت منسدح على السرير .. والعب بالجوال اللي بيدي .. انا اللي ابي اعرفه الحين .. الريم تقرا مسجاتي .. او تطنشهم .. لا ما اتوقع تطنشهم .. طيب ليه هي بخيله لهذي الدرجه .. ماجاني منها .. ولامسج .. على الاقل واحد .. والله لويجيني مسج من الريم .. كان اكتبه بقلم عريض .. على لوحه فنيه .. واعلقه بغرفتي .. انا غبي .. مستحيل الريم بترسل لواحد ماتعرفه .. والله لو تدري ان اللي يرسل لها محمد .. كان جوالي .. ينفجر من كثر المسجات اللي بتجيني منها ..
خل ارسل لها مسج حلو بس

هذا المسج حلو


^*^
/
\
/
\
/
\
/
\
/
^*^


قــل للعيــون اللي شكت
بعد الاحباب


وقــل للدمــوع اللي
من الشوق هلت


وقــل للشعــور اللي
من الهم منصاب


وقــل للجــروح اللي
بالاحساس حلت


وقــل للخفــوق اللي
عجزعنه الاطباب


تــرى المشــاعر من البعد

{مــلـ،ـ،ــ،ــلـ،ــت }

,,M,,

^*^



** محمد **

الحين هي تقرا المسج ومبسوطه


** لريم **

وهذيلا ماعندهم سالفه غير المسجات اففف حتى بالليل يمسجون شكلي بقفل جوالي لا جيت انام .. اريح نفسي واوفر عليهم فلوس


** محمد **

بكتب لها مسج ثاني قبل ماتروح المدرسه

^*^
/
\
/
\
/
^*^

اقول .. انت الهوى

الغلا

الوفا

بأختصار ؟

انت وعيوني سوى


**الريم **

وانا اقول سوى ولا موبايلي

** محمد **

اكيد اعجبها المسج مره

** الريم **

وش هالمسج البايخ .. لا هذيلا الناس مو بس غثه الا ماعندهم ذوق بعد
بس ياترا من هذيلا ووش سالفة الام اللي رازينه لي بكل مسج.. عندي فكره عشان اعرفهم بدق عليهم وبسكت .. بسمع الصوت وبعرفهم

** محمد **

~~قول امين عساك تحبني وتموت فيني
قول امين عسا يدينك ماتفارق يديني ~~

اغنية عبد المجيد .. كانت نغمة جوالي

ماصدقت عيوني يوم شفت

& غلا روحي & يتصل بك ..

ارد ولالا .. ارد ولا لا

** الريم **

مايردون

** محمد **

امممم برد عليها بسمع صوتها الحلو وبسكت

**الريم **

اخيراً ردو ..بس وش فيهم ساكتين .. لايكون داقه عليهم عشان يسكتون

** محمد **

ليه ساكته ؟.. داقه عشان تسكت ؟

** الريم **

الحين بيتكلمون اولا .. ما الظاهر خل اقفل عنهم .. واقفل الجوال مره وحده

قفلت الجوال وحطيته تحت مخدتي .. واخذت شنطتي وطلعت من الغرفه

** محمد **

اووف خساره قفلت

بدق عليها انا هالمره

وبعد مقفله الجوال .. ليكون انا غثه

...........................................


_____________
المدرسه..الساعه 9:30صباحاً
_____________


** رهف **

كنت انا والريم .. تو راجعين من الفسحه .. وقفنا عند الباب ..

الا الريم تقول لي : مادريتي .. بأخر الاخبار

قلت لها بحماس : وشو

قالت لي : الليله ملكة هند

قلت لها : والله .. هند اللي معانا بالفصل ماغيرها

قالت لي : ايه

جلست ادور هند بعيوني .. لقيتها .. ابتسمت معاها .. جات لي على طول

قالت لي : رهووفه .. ماباركتيلي

قلت لها وانا اقلدها : ماباركتيلي .. انتي قلتيلي عاد

قالت لي : والله مامداني .. انتي تدرين حنا علمي .. حصه ورا حصه .. حتى انا قلت قبل الفسحه بقول لك .. بس انتي طلعتي مع الريم بسرعه

حضنتها وقلت لها : مبروووك

قالت لي : الله يبارك فيك .. شفتي لحقتك .. يللا عقبال الريم

قالت الريم : لا لا انا بخلص ثالث اول

قالت لها هند : انا ابي الفكه .. الحين خلاص لا تزوجت هالسنه .. ماراح اكمل مدرسه .. ياي وناسه

قهرتني بصراحه قلت لها : لا حرام .. دارسه كل هالسنين .. عشان بالنهايه ماتكملين

قالت الريم : هنوده والله حرام

قالت هند وهي تضحك : والله ماتدرون بمعاناتي .. اولاً اهلي خلوني ادخل علمي غصب .. ثانياً بكون متزوجه ومو فاضيه .. ثالثاً الليله لازم تجون والا بزعل

قلنا لها : ان شاء الله نجي

وراحت .. لفيت للريم وقلت لها :حرام صح

قالت لي : قهر .. تدرين .. حتى امل .. تزوجت السنه اللي راحت .. وتجي المدرسه عادي .. الحين ماراح تكمل هالسنه

خليت الريم ودخلت الفصل بسرعه .. رحت لها .. امل وحده معانا بالفصل .. احب اجلس معاها .. شاطره .. تزوجت .. ومستواها للحين ماتغير .. والحين بتترك المدرسه .. مو معقول

جلست على طاولتها

قالت لي : هههههههههههههه رهووف .. وجهك مايبشر بالخير .. ماتجلسين على الطاوله كذا .. الا اذا عندك موضوع يخوف

قلت لها : من جدك انتي بتتركين المدرسه

قالت لي : ههههههههههه مو قلت لك

قلت لها : لا جد .. ليــــــــــــــــه

قالت لي : الحين الوضع تغير .. والله لو ماحملت .. كان مابترك المدرسه .. بس لازم اتفرغ .. للولد اللي بجيبه

قلت لها : عادي .. لماً تولدين .. بيعطونك اجازه

قالت لي : لا تنسين التربيه

دفيت كتفها .. وقلت لها : يللا عاد اللي يشوفك يقول باقي لنا مية سنه .. كلها الا اشهر

ضحكت وقالت : وش اسوي بعد

قلت لها : براحتك .. بس مو تقولين بعدين .. رهوف مانصحكتني

قالت لي : تعالي اليوم الاربعاء؟

قلت لها : ايه

حسيتها تضايقت .. فسألتها: ليــه ؟

قالت لي : اليوم يجون اهل زوجي يتغدون معانا

قلت لها : وين المشكله

سكتت .. قلت لها : قولي لي عادي .. حنا صديقات

قالت لي : اهل زوجي مايحبوني .. بدون سبب .. ويبون المشاكل معي ومع زوجي .. الحين حملت على بالي .. بيحبوني .. لاني بجيب لهم ولد .. لكن نفس الشي

قلت لها : وزوجك

قالت لي : لا انا وزوجي سمنه على عسل .. تخيلي ولا وحده من اهل زوجي تحبني

خوفني هالشي.. عورني قلبي .. ليكون اهل مشعل مابيحبوني .. مو بعيد اذا رغد ماتحبني .. لا مافيه شخص .. يكره احد بدون سبب

قلت لها : متأكده بدون سبب

قالت لي : قسم بالله بدون سبب .. ينرفزوني ويقهروني .. ويفشلوني قدام الناس .. بدون سبب

قلت لها : طيب قولي لزوجك

قالت لي : مااحب .. يصير مشاكل بين امه وخواته

قلت لها : الله يعينك .. ودام زوجك يحبك ماعليك

دخلت المدرسه .. ورجعت انا مكاني .. امل خوفتني مره .. طول الحصه وانا افكر بكلامها .. المهم انتهى الدوام .. طلعت ابي اشوف جاني مشعل اولا .. لانه قال لي بيجيني اليوم .. ماجا .. شافتني الريم

وقالت لي : ماجا لك السواق

قلت لها : لا زوجي بيجيني اليوم

مرو خمس دقايق وماجا .. بس اللي جا هو خالد .. جا ياخذ الريم من المدرسه .. كنت احاول ما اناظر في خالد .. ما ابي اشوفه.. ما ابي اتذكر شي مستحيل وصار من الماضي .. انا حتى بالبيت احاول ما اذكره ..

قلت للريم : خلاص الريم .. انتي روحي .. اكيد عنده شغل بيتأخر شوي

قالت لي : اخاف مايجيك .. وتتورطين .. تعالي معي

مســـتـــحـــيـــل .. اركب في سيارة خالد ..

بس انا بصراحه خايفه تروح الريم .. واجلس لحالي .. ومحد يرجعني.. كله منك يامشعل .. احد ينسى زوجته .. قسم بالله مو حاله مع هالبيت .. مره يتغدا عني .. مره ينساني بالمدرسه
مرت نص ساعه .. والبنات راحو .. والمدرسه صارت فاضيه .. والريم واقفه .. تحاول معي عشان اروح معاها ..

قلت لها : خلاص ريوم .. بجي معك

رحت معاها .. وركبت هي قدام .. وركبت انا ورا

قالت الريم : خالد .. هذي رهف .. بنوصلها بيتهم

قال : وشو .أأ .. اهااا .. ايه .. طيب

لف علي وقال لي : عبايتك

كنت متوتره .. مسكت عبايتي بقوه .. وقلت له بخوف : هاااه .. وشو .. وش فيها عبايتي

قال لي : ابد قفلتي عليها باب السياره

ياربي انا غبيه .. فتحت الباب .. عدلت الوضع .. وقفلته

سالتني الريم : كيف وصف بيتكم

ماكنت اعرف .. ولا ادل بيتنا

فقلت لها : ودوني بيت اهلي




.......................


** الريم **

وصلنا بيت ابو يوسف .. اللي هم اهل رهف .. نزلت رهف .. جلست تدق الباب خمس دقايق .. محد فتح

قلت لها : يمكن اهلك طالعين

قالت لي : بس هذي هي سيارة اخوي محمد

قلت لها : اجل تعالي معنا البيت

وقفت شوي ساكته .. بعدين جات معي .. كنت مبسوطه ان رهوفه جايه معي .. من تزوجت ماجات لي

دخلنا البيت .. سلمت رهف على امي .. بعدين رحنا غرفتي

دخلت اختي الصغيره ساره الغرفه .. وحضنت رهف .. سارونه تحب رهف مره .. وكانت دوم تروح تلعب مع اخوها سعد .. المهم جلسنا نسولف شوي

بعدين قالت لي رهف : ريوم جيبي جوالك .. بدق على اخوي محمد .. لان سيارته بره .. اكيد بالبيت

عطيتها جوالي .. ودقت عليه .. مره .. ومرتين .. وثلاثه .. رد عليها .. قالت له يجيها عشان يرجعها البيت .. 10 دقايق وجاها .. باستني وطلعت .. مع اني كنت ابيها تجلس معي تتغدا .. بس قالت لي زوجها مايدري انها في بيتنا .. وتخاف راح لها الحين المدرسه .. ومالقهاها .

اخذت الجوال .. بشوف رقم محمد .. الفضول ومايسوي



........................

__________
بيت مشعل .. الساعه 7:00 مساءً
__________



** مشعل **


هذي رهف .. ماعندها غير هالسالفه .. من تعصب مني تروح تنام .. وانا اجلس مثل الخبل لحالي .. يعني الانسان ماينسى .. طفشت .. صار لي ساعتين .. جالس بالصاله على هالكنبه ..اكيد الحين صحت .. مو معقول للحين نايمه ..او يمكن القهر يخليها تنام كثر .. هالانسانه غريبه


.
.
.
.


ركبت فوق .. فتحت الغرفه .. لقيتها عند المرايا .. تحط لها مكياج .. اكيد حست انها غلطت .. يوم تطنشني وتركب تنام .. والحين تبي تراضيني ..عشان كذا تتعدل .. بس ما التفتت لي يوم دخلت .. كانت تحط لها مكياج ازرق فاتح ..مخليها مره ناعمه .. جات بتحط لها لون احمر كثيف .. مسكت يدها .. استغربت هي .. قلت لها وانا مبتسم : لا الالوان هذي انا ما احبها .. خليه ازرق بس


جلست تضحك .. تضحك .. وتضحك .. ما وقفت ضحك

انا تفشلت .. قلت لها : ادري ان الالوان هذي على الموضه .. بس انا ما احبها

زادت في الضحك .. فتحت الدولاب .. طلعت منه بدله .. باللون الازرق والاحمر .. كانت بتدخل الحمام ( الله يكرمكم )

بس لفت علي وقالت : مشعل انا متعدله الحين .. عشان بروح ملكة صديقتي .. وضحكت

قهرتني .. بايخه .. قلت لها : بالله .. وليه ماقلتي لي

قالت لي : كنت بقول لك .. بعد ما اخلص

قلت لها : ويمكن انا ما ارضى

طنشتني .. ودخلت الحمام ( الله يكرمكم ) .. شوي وطلعت .. كانت البدله .. مره تجنن .. وعليها احلى .. بس هي قهرتني .. وانا الحين بقهرها

قلت لها : على العموم .. روحي بدلي .. لاني مابخليك تروحي

وقفت متخصره لي وقالت : بس انا ابي اروح

قلت : وانا زوجك ومو راضي

قالت لي :بس انا بروح

وكانت بتطلع .. سحبت يدها .. وقلت لها : نـــــعــــم وين رايحه

قالت لي : بروح ملكة صديقتي .. اترك ايدي

قلت لها : ومن بيوديك

قالت : انت وش عليك .. او اقولك .. اللي تبيه

كانت لابسه عقد لولو .. سحبته بقوه بدون ماتفكه .. انقطع .. وطاحت حبات الولو على الارض

دخلت الغرفه .. وقفلت الباب بالمفتاح .. من جدها ذي .. تقفل الباب بوجهي كذا .. مافكرت انا وين بنام

لـــكـــن الصــبح يــصيــر خــيــر
^*^
/
\
/
\
/
\
/
\
/
^*^


***** نهاية الجزء السادس *****

...:::][ الجزء السابع][:::...

____________
بيت مشعل .. الساعه 8 صباحاً
____________




** مشعل **


كنت نايم بغرفة رغد .. في امان الله .. بس مو مرتاح .. احس شي يدغدغ خشمي .. فتحت عيوني .. لقيت رغد بوجهي .. تدغدغ خشمي بريشه .. وفاطسه ضحك .. مسحت على راسها .. باستني .. وقالت لي : صباح الخير

قلت لها : صباح النور حبيبتي .. الساعه كم الحين

ناظرت بالساعه ... اللي بيدها ... وقالت لي:امممم الساعه 2 الا 45 دقيقه

عدلت جلستي .. وقلت لها : 2 وشو الظهر .. نمت كثير .. تعالي بشوف

ضحكت عليها .. وقلت لها : ناظري الساعه .. متأكده 2 الا 45 دقيقه

ناظرت .. وقالت لي : لا لا صح .. العقرب هذا الساعات .. والثاني الطويل الدقايق

مسكت خدها وقلت لها : مايحتاج تلبسين ساعه

قالت لي : وش معنى رهف تلبس

ذكرتني برهف .. بروح لها .. بشوف وش صار عليها ذي .. قمت عن رغد .. بس هي لحقتني .. وقفت عند باب غرفتنا
انا ورهف

قلت لها : رغد وش فيك .. ابي ادخل

هزت راسها .. يعني لا

لا حول وهذا وقتك رغد .. قلت لها : رغد حبيبتي .. انا مابدخل بكلمها .. انا بدخل اتروش ياقلبي

قالت لي : وماتقدر تتروش الا هنا .. البيت كبير ما شاء الله

قلت لها : رغد بعدي خلاص .. لا تعصبين البابا

قالت لي : وش معنى هي ماتعصب عليها

ايه هين ما اعصب عليها .. وش دراك انتي بس

قلت لها : خلاص انا بروح مابدخل .. بس بزعل منك

مسكت يدي .. وقالت لي : لا لا .. خلاص

طاحت دموع من عيونها

.........................


** رهف **

وش هالازعاج اللي برا .. الواحد مايقدر ينام ابد .. هذا والبيت كبير ..صوت مشعل .. وبنته رغد ..بس هذا صوت صراخ.. ليكون بيحط حرته .. في هالصغيره.. قمت من السرير .. رحت عند الباب .. قربت اذني عشان اسمع وش يقولون

سمعتها تقول وصوتها عالي : انت صرت ماتحبني .. تحبها هي اكثر

لصقت بالباب اكثر .. ابي اسمعه وش يقول

قال لها : لا طبعاً .. انتي بنتي وقلبي وروحي وحبيبتي وبنت الغاليه .. مستحيل احب شخص
اكثر منك .. واليوم بتجي ماما فاطمه


حبتك القراده ان شاء الله .. يعني انا اللي بموت عليك الحين

قالت له : احلف بتجي .. هييه .. هييه

قال لها : والله .. يللا بعدي بابا .. عشان بجيب لك هديه اليوم

اللي قاهرني.. قليلة ادب ويدلعها .. بدال مايسنعها

قالت له : ابي الوان .. ولوحة رسم

مسويه فيها هالبزره .. مواهب الحين

قال لها : من عيوني .. يا احلى قمر .. عطيني بوسه

بعدت راسي عن الباب .. لانه حاول يفتحه .. بس مقفل .. فتحته بالمفتاح .. ورجعت على السرير بسرعه


............................



** مشعل **


كانت منسدحه على السرير .. بس ادري انها صاحيه .. اجل الجني اللي فتح الباب .. انا بروح بكلمها .. وكَأن شيءً لم يكُن .. بس عشان بيجون اهلي .. وما ابيهم يشوفون حالنا كذا .. ولا انا كنت بسحبها من شوشتها .. وبرميها مع الدريشه على حركاتها امس .. ههههههه امزح .. مو لهذي الدرجه .. حتى لو انا مااحبها .. مهما يكون هذي زوجتي .. رحت لعندها وجلست على حافت السرير .. كانت مغمضه عيونها بقوه .. يقالك نايمه الحين ..يللا بسايرها .. هزيت كتفها .. وقلت لها : رهـف .. رهــــوفــه .. رهـــوفـه قومي

ماقامت .. عاجبتها مسرحية النوم .. قلت لها : قومي اهلي بيجون .. مو حلوه يجون يشوفونك نايمه

فتحت عيونها على طول .. مسكت يدي .. قالت لي : والله مشعل .. بيجون اليوم

حسيتها استانست مره ..وهذا شي اسعدني .. هزيت راسي لها .. يعني ايه

قامت من السرير .. وقالت لي : الحين بجهزحالي .. وناسه مشعل .. من زمان انا ابي اشوفهم

قلت لها : اوكي .. انا الحين بروح السوق .. بجيب اغراض

قالت لي : ايه طيب ..,, ناظرت للساعه وقالت ,, هم الساعه كم بيجون

ناظرت انا بعد للساعه .. وقلت لها : تقريباً الساعه 1 الظهر


.............................
__________________


** رهــف **

قبل ما يطلع .. قال لي كلام ماتوقعته .. ولا حسبت له اي حساب

قال لي : بخري البيت

مو هنا المشكله .. المشكله كمل كلامه .. وقال لي : عاد رهـوف .. ملينا من اكل المطاعم .. وامي مستحيل بتجي من اول يوم .. وبتطبخ .. عشان كذا ابيك اليوم تطبخين لنا

قالها وطلع

.
.
.


. يـــــــــــاربــــــي .. ما اعرف اطبخ انا ..الا اذا كان يبي يغديهم .. اندومي وبيض .. فأنا مستعده .. جات الساعه 9 .. يا انزل اطبخ يا اشوف حل ..ههههههههههههههههههههههههههههههههه .. لا تقولون مجنونه اضحك لحالي .. بس تخيلت اهل زوجي .. يتغدون اندومي وبيض ..هههههههه .. اضحك على خيبتي والله .. جلست على الكرسي افكر .. وافكر .. لقيتها


.............................




______________
بيت مشعل .. الساعه 11:00 صباحاً
_______________


** مشعل **

رجعت من السوق .. ومعي كثير اغراض .. اول مادخلت من باب الصاله .. جاتني رغد تركض .. حطيت الاغراض على الارض .. وحملتها

حطيت يدي بالكيس .. وطلعت لها كيندر سروبريز اللي تحبه

باستني وقالت لي : احبك بابا

قلت لها : وانا بعد

طلعت لها الالوان ..ولوحة الرسم .. عطيتها اياهم .. ونزلتها

قلت لها :اكيد بترسميني

ضحكت .. وراحت تركض

المهم ركبت انا فوق ..لقيت باب الغرفه مفتوح .. دخلت .. الظاهر ماحست لي رهف

كانت ماسكه سماعة التلفون .. وتكلم .. كان هذا الكلام اللي تقوله : يمه انتي جهزي الاكل اللي قلت لك عليه ولا عليك .. لا عاد السلطه انا بسويها .. بخلي السواق يجي ياخذهم الساعه 12ونص .. ان شاء الله .. طيب .. طيب .. الله يحفظك .. مع السلامه

.
.
.
.
.


لفت وشافتني اناظرها ..وقفت وقالت : مــشــعــل

قلت لها : ياسلام ..تكلمين مين

قالت لي : مشعل عاد .. انت تدري

قلت لها .. وانا حاط يدي على خصري : وش ادري

قالت لي : اني اكلم امي بعد مين

سكت وجلست اناظرها .. قالت : مشعل لا تناظرني كذا .. كاني مسويه جريمه

قلت لها : كاني قلت لك .. انتي اللي تطبخين .. ماهو امك

قالت لي : ويعني مافيه فرق .. بيني وبين امي .. كله اكل

قلت لها : قولي ماتعرفين تطبخين

قالت لي : ايه ما اعرف اطبخ

ايه قولي من اول

قالت : انا كنت مشغوله بدراستي .. مو فاضيه اتعلم الطبخ .. والخياطه .. وهالشغلات

احد طلب منها مبرر؟


........................


___________
السياره على طريق الدمام ..الساعه :1:00 مساءً
___________


** نجود **

جديده عليكم صح ؟

لا تخافون .. من اليوم ورايح بغثكم ..يااه وحشتني الدمام .. فديتها وفديت ريحتها .. مشتاقه اشوف مشعل .. ورغوده حبيبة قلبي فديتها ..بس بصراحه متحمسه ابي اشوف .. زوجة اخوي رهـف .. شينه او حلوه .. رشيقه او دبه .. بيضا او سمرا ..احلى من ام رغد .. اولا .. لفيت على خالتي ام مشعل .. كانت تبكي وصوتها مسموع .. تضحكني خالتي .. كل مره نسافر .. تبكي قبل ما نوصل ونشوف الاهل .. حطيت يدي على يدها .. وقلت لها : خالتي .. وش فيك تبكين

قالت لي .. وهي تمسح دموعها : لا يابنتي .. هذي دموع الشوق ..للديره و البيت والاهل

شاعره خالتي فاطمه

قلت لها : ماعليه خالتي .. الحين بنوصل


.
.
.
.


وفعلاً وصلنا الى بيتنا .. كان السواق ينزل .. الشنط ..والاغراض .. دخلت انا البيت

صرخت بصوت عالي : انـــــــــــــــــــــــــا جـــــــــــــــــــــيـــــــــــــــــــــــــــ ــت


نزلت من الدرج بنت حلوه .. تهبل .. قطعه من القمر

جات لي وقالت : الحمد الله على السلامه .. هلا وغلا .. تو مانور البيت

سلمت علي .. وباستني .. وقالت لي : انا رهف زوجة مشعل

قلت بعفويه : الله زوجة اخوي تجنن .. خالــــتــــي .. تعالي شوفي العروس

جات خالتي ام مشعل .. وحضنت رهف بقووه .. وباستها ..قالت لها : الله يابنتي .. شحلاتك.. ماتوقعناك كذا ابد

نزلت راسها رهف مستحيه ’’ الظاهر هي من النوع اللي يستحي بسرعه ’’

قالت لنا : والله الحلا اخذناه من طيب اصلكم .. وش فيكم واقفين .. تفضلوا استريحوا

بصراحه حبيتها هالرهف من اول نظره ..جلسنا بالصاله

قالت خالتي ام مشعل : اقول بنتي وينه مشعل وحشنا مره

قالت رهف : يتروش .. شوي وبينزل

قالت ام مشعل : ومالقى يتروش الا يوم جينا

ضحكت رهف وقالت : مسكين ينتظركم من زمان .. بس لان راح يجيب اغر ....

قاطعتها وقلت : الله الله .. خالتي ترا الحين مشعل مو مثل اول .. لقى من يدافع عنه

نزلت رهف راسها بحيا وقالت : لا بس هذا الصدق

قالت ام مشعل : يوووه نجود اللي يسمعك تقولين لقى من يدافع عنه بيقول حنا دوم نتهجم على مشعل

قلت وانا اضحك : مو قصدي كذا

قالت رهف : بتسوونها سالفه ههههههههههه خلاص مابدافع عن احد

قلت لرهف وانا ابتسم : واخيراً بتصير عندي .. اخت بعمري

قالت لي : انا من زمان .. اقول لمشعل ابي اشوف اختك .. وامك

مثلي يعني .. حتى انا كنت ابي اشوفها

قالت خالتي ام مشعل : والله نجود هناك اذتني .. كل شوي تسالني .. تتوقعين زوجة مشعل كيف شكلها .. كيف اخلاقها .. بس طلعتي حلوه واخلاق .. وصغيره ههههههه .. تدخلين القلب على طول .. ولا تشرهين علينا ماجينا من بداية زواجك .. بس لان مشعل قال ماله داعي تقطعون سفرتكم بأولها وهو مافيه عرس ولا شي

قلت انا : ايه خالتي .. قلت لك مشعل ماراح ياخذ له عجيز وشينه

قالت خالتي : صدقتي والله .. خل اقوم اتصل في عماتك .. عشان يجون يتغدون معنا

يوم راحت خالتي .. فكيت شعري وقلت بمرح : وش رايك في شعري قصيته بمصر

عقدت حواجبها وقالت : بس شعرك طويل الحين وشلون قصيتيه

قلت وانا امسح على شعري : ترا كان اطول .. كان طول شعرك تقريباً

قلت : اهااا .. ماشاء الله .. بس حلو شعرك وحلوه قصتك

قلت لها بهمس : قصيته بمصر بدول ماتدري خالتي ام مشعل .. لانها ماترضى اقصه

قالت لي : ومالاحظت انه صار اقصر

قلت : لا وش عرفها هههههههههههه

قالت : بعلم عليك

مسكت يدها وقلت وانا اسوي حالي خايفه : بعطيك ريال ولا تعلمين

وضحكنا مع بعض

جلست اسولف مع رهف شوي .. سوالفها تجنن .. ارتحت لها .. والله وعرف مشعل يختار .. ركبت فوق .. فتحت باب غرفة رغد حبيبة قلبي .. لفت علي .. شافتني .. جات حضنتني على طول .. جلست تبكي .. الحين وش يسكتها ذي !


........................



** رهف **

كنت مره مبسوطه .. ماتوقعت اهل مشعل كذا .. حبيتهم .. وهم بعد حبوني .. نجود اخلاق وتجنن .. وام مشعل .. حسيتها بتصير لي مثل امي .. بس انا مستغربه من شي .. نجود ليه تنادي ام مشعل .. بخالتي .. هي مو امها؟.. لازم اسال مشعل بعدين


.
.
.
.


رحت انا اجهز الغدا بالمطبخ .. ومعي ام مشعل ..بعد ماسلمت على مشعل طبعاً .. سالتني انتي اللي طابخه

وش هالفشله .. قلت لها : لا مو انا .. امي

قالت لي : ليه تعبتيها .. كنتي خليتيني انا اللي اطبخ

قلت لها : لا تعب ولا شي

قالت لي : الحين بيجون عمات مشعل .. حنا نجتمع اول كل خميس .. وجمعتهم ترا حلوه وتونس القلب .. بس من سافرنا انا و نجود صارو مايجون

قلت لها : وليه ماجونا يوم تزوجت

قالت لي :ماحبوا يجون لك .. وانتي توك عروس .. فأنتظرونا نجي ..

قلت لها : مو مشكله

قالت لي : تعالي هذا هم وصلوا .. يللا عشان يشوفونك

رحنا لهم .. دخلتهم مجلس الحريم .. سلمو علي .. وباركولي على الزواج ..

اشكالهم غريبه .. بالذات البنات .. لا يكون ما استلطفوني

دخلت وحده حامله ولد .. شكلها لا هي كبيره .. ولا صغيره

اول مادخلت .. سلمت على خالتي ام مشعل .. وقالت وين نجودوه

قالت لها خالتي : مانزلت .. تتروش الحين بتنزل

لفت واشرت علي .. وهي مبتسمه .. قالت : اكيد هذي زوجة مشعل

وقفت اسلم عليها .. قالت لي : مبروك حبيبتي انا شجن


قلت لها : الله يبارك فيك .. هلا شجن

لفت على ام مشعل .. وقالت لها : عقبال نجود .. وباقي البنات

قالت لها ام مشعل : ان شاء الله .. الله يسمع منك .. عاد نجود تتدلع .. كل ماتقدم لها احد .. قالت ما ابي اعرس الحين

مسك ولدها شعري .. مسكته ماكانت قويه .. لانه صغير .. حتى ماشكله يمشي ويتكلم .. ضحكت وقالت لي : شكله حبك

ضحكت معاها .. واخذته من عندها .. قلت لها وش اسمه

جلست .. وجلست معاها .. قالت لي : ماجد

جلست العب معه .. لا هذي زينه .. بس الثنتين اللي يتهامسون هناك .. وش سالفتهم

دخل مشعل وقال : السلام عليكم

ردينا عليه السلام كلنا .. بس وش صاير .. وش السالفه مافيه ولا وحده من البنات تغطت حتى شجن ؟ .. يعني هم مايتغطون عن عيال عمتهم .. لهذي الدرجه متعودين مع بعض .. قهرني هالشي .. انا عيال عمتي حتى ما اعرف اشكالهم .. ولا معضم اساميهم ما اعرفها .. مو الا بعد ما اتغطى ..!!

مشعل كان يقول للهنوف : اجل الهنوف ثالث هالسنه .. يبيلك نسبه .. شدي حيلك عاد

وشجن تقول : لا الهنوف شاطره ما ينخاف عليها

ضحك مشعل وقال : ايه مثل رهف شاطره

وصار يدورني بعيونه وقال : فين مراتي ’’ يقلد المصريين ’’

قالت شجن وهي تأشر علي : هذي هي وراك .. بس لان ضعيفه مره ماتشوفها .. وش تاكل كل يوم ؟

لف علي وابتسم لي .. بعدين قال : ماتاكل شي

ابتسمت وقلت : لا عاد اصلاً 24 ساعه اكل

شهق مشعل وقال :وتكذبين بعد ؟ .. لحقتوا تعلمون زوجتي الكذب .. هي ماكانت تكذب .. انا مابخليها تجلس معكم دام هذي اولها

قالت ام مشعل : وبكيفك هي ماتخليها تجلس معنا .. رهف حبتنا وبتجلس معنا اكثر من ماتجس معك صح رهف

ناظرت في ام مشعل بعدين ناظرت في مشعل

قالت شجن وهي تضحك : خايفه تقول صح


وليه اخاف ؟؟؟


ابتسم مشعل وقال : اتحدها تقول .. على العموم يللا انا استأذن .. بروح مجلس الرجال مع عيال عمتي

طلع بس انا للحين مستغربه حلوه هذي مايتغطون عنه !!


........................


__________________

** حنان **


شينه .. صدقوني شينه هاللي اسمها رهف .. وش عجب مشعل فيها عشان ياخذها .. وع ولا تعرف تتكلم بعد .. من اول ماجلسنا للحين .. ماقالت شي مفيد .. شاقه لنا هالابتسامه .. عشان نقول عنها بشوشه

سحبت عباية اختي .. قلت لها بهمس : الهنوف .. الهنوف

قالت لي : هااه

قلت لها : وجع .. قولي نعم انا اختك الكبيره .. من الأحلى انا والاهي ؟

قالت لي : ما ادري

قلت : وش ماتدرين قولي بسرعه .. انا احلا منها بمليون مره

قالت : انتي احلا منها بمليون مره

هالغبيه تجلس تعيد لي كلامي

قالت بصوت شبه مسموع : القرد في عين امه غزال

انا سمعتها .. وطنشتها .. لان مالي خلق هواش هنا و لاني ادري اني حلوه .. واحلى منها

ياناس حسو فيني بموت قهر .. بقول لكم سالفتي وانتوا احكمواللي يصير عدل اولا


.
.
.
.



انا احب مشعل قبل ما يتزوج ام رغد .. كان عمره 24 سنه وانا عمري 16 سنه ..اعتبرني مراهقه و تزوج غيري .. وقلت خلاص ما صار من نصيبي .. بعدين توفت زوجته و صار عمري 20 وهو 28 صرت اتقرب من رغد .. عشان يحسني ام مناسبه لها .. ويتزوجني .. وبعد سنتين .. ياخذ لي هالشينه .. والله قهر انا بنت عمته.. انا اطول منها .. ارشق منها .. اكبر واعقل منها .. وبشرتي السمرا احلى من بشرتها .. بس فيه شي .. سر بيني وبينكم .. شعرها بس اللي احلى من شعري .. والجمال ماينقاس بالشعر .. وش شاف فيها

كملت كلامي بنفس الهمس وانا ادف الهنوف : الهنــوف الهــنوف

قالت لي : نعم

قلت لها : وش رايك .. تتوقعين اللي اتوقعه .. نصبت عليه .. وخلته يحبها .. عشان الفلوس

قالت لي :لا تحسبين كل الناس مثلك

ضربتها .. وقلت لها : وش قصدك

قالت لي : اللي تفهمينه افهميه

قلت لها : حتى لو احبه .. احب فلوسه .. نفس الشي احب شي فيه .. ومثل ماقلت لك .. ياويلك لو تكلمينها .. فــــا هـــمـــه

قالت بضيق : ماراح اكلمها .. ارتحتي

عدلت جلستي وقلت وانا ابتسم : ايه ارتحت


..........................
__________________




** رهف **

يتهامسون ويناظرون فيني .. يعني بالعربي نتكلم عليك .. بطنشهم عادي


.
.
.
.


دخلت نجود اول مادخلت قالت : حـــنــــونــــه

قامت وحده من اللي كانو يتهامسون .. وحضنتها بقوه ..الظاهر علاقة نجود فيها قويه .. شكلها من نفس عمرها .. وسلمت عليهم كلهم


جات نجود بجنبي .. وقالت لي : بعرفك على بنات العايله : اول شي حنونه عمرها 22سنه اكبر مني بسنه يعني .. خلصت دراسة الثانويه وجلست بالبيت

’’ ناظرت في حنان .. وابتسمت لها .. ما ردت لي الابتسامه .. معقوله ماتبتسم لي حتى ؟؟ ’’

كملت نجود كلامها : بعدين هذي .. ام ماجد .. شجن مايحتاج نقول عمرها .. لان ما اذكر هو 26 او 27 .. وهذا اخوها وليد حبيبي .. بعمر رغد ,, ابتسمت معي شجن ,, .. ونقدم لكم احلى بنات العايله .. الهـنـــوف عمرها 18 سنه اخت حنان .. بس الحين صارت لك منافسه في الجمال .. ’’ ناظرت فيني وغمزت ,,

قلت: لا عاد مو لهذي الدرجه .. ماشاء الله الهنوف حلوه

قالت الهنوف وهي تضحك : عادي رهف ملكة الجمال .. وانا الوصيفه الاولى .. بس من الثانيه

على طول اللي اسمها حنان .. دفت كتف الهنوف .. بيدها .. وانا لاحظت هالشي .. وسويت عمري ماشفت

قالت حنان : اثاري اختي طيبه .. وعندها تنازلات ،، وتناظر فيني ,,

وش فيها هذي علي ؟

المهم بقول لكم شي .. تراهم يبالغون .. انا مو حلوه لهذي الدرجه نهائي.. ما اتوقع احلى من الهنوف .. مثلاً بالمدرسه انا مو من احلى البنات .. يمكن حتى ما اعجب بعضهم .. انا وحده عاديه .. ومو ملفته للنظر .. بوصف لكم هالبنات .. وانتم احكموا اوكي


^*^
/
\
/
\
/
^*^

^ نجــود ^

ناعمه .. ملامحها هادئه .. عيونها لاهي ضيقه ولا هي واسعه .. لونها عسلي .. مثل لون عيون اخوها مشعل .. شعرها ذكرني بشعر الريم .. مموج وناعم .. لونه بني .. طويل .. جسمها امممم تعتبر ضعيفه .. وفيها طول .. بشرتها بين البياض والسمار ... وشخصيتها المرحه والعفويه .. تحليها


^*^
/
\
/
\
/
^*^



^ شجــن ^

شكلي اكثر وحده بجلس معاها .. كل خميس.. واحس انها بتساعدني في اشياء
كثيره .. بما انها متزوجه مثلي
شجن وحده عاديه وبسيطه .. في شكلها و لبسها و حركاتها ..ولدها ماجد يشبه لها مره


^*^
/
\
/
\
/
^*^

^الهنــوف ^

بصراحه حلوه .. ملامحها حلوه وبارزه .. عيونها مرسومه .. واسعه وسود
خشمها طويل .. جسمها مليان شوي.. فيها خدود .. احلى من جسمي وجسم نجود .. مو طويله انا اطول .. ودلوعه .. شعرها ناعم اسود بس مو طويل مره .. لنص ظهرها .. هذي اكثر وحده عجبتني


^*^
/
\
/
\
/
^*^

^حنـــان ^

هذي البنت مدري وش اقول لكم عنها .. ما اتكلم عن الجمال لا .. اخلاقها مدري كيف .. صحيح ما احكم عن الشخص .. من اول مره اشوفه فيها .. بس ما كلمتني ولا كلمه .. ولا ابتسمت معي حتى .. ويوم اختها كلمتني .. راحت دفتها عشان تسكت .. ماعلينا
شعرها لونه بني .. مثل لون عيونها الصغيره .. شعرها مو ناعم .. شكله خشن .. قصير لكتفها تقريباً .. بشرتها سمرا .. بس جسمها وااو .. بالطول والرشاقه محطمه على الكل

اشوى للحين محد غلبني في الشعر .. يللا الحمد الله .. يقولون الشعر تاج المرأءة .. هههههههه كاني صرت مغروره ........ خلونا من وصف البنات .. عشان نروح نتغدا


^*^
/
\
/
\
/
^*^

المهم خلصنا غدا .. وجات ام مشعل بالقهوه والشاي .. وجلسنا نسولف

سالتني ام حنان والهنوف : الا اقول رهف .. انتي كم عمرك وبأي سنه دراسيه

قلت لها وانا مبتسمه : بكمل الـ 18 سنه قريب .. وانا بثالث ثانوي

سمعتني ام مشعل وانا اقول بثالث ثانوي .. وقالت : غريبه .. اجل كيف مشعل يقول .. نجود صديقة رهف بالدراسه

من قالت ام مشعل هالكلمه .. قالت نجود : ايه خالتي .. تذكرين يوم ادرس بمعهد الانجليزي .. السنه اللي راحت .. رهف درست معي ..عشان كذا مشعل قال انها صديقتي بالدراسه

لحظه .. في شي غريب .. انا لا درست بمعاهد ..وما اعرف حتى انجليزي في المدرسه يالله امشي حالي.. ولا اعرف نجود قبل نهائي .. بس ليه نجود بتقول كذا .. معقوله انا فقدت الذاكره ؟ .. وربي شي غريب !!


........................................

_______________
بيت ابو يوسف .. الساعه 4:30 مساءً
_______________


** يوسـف **

كنت منسدح على السرير .. مو قادر اقوم .. احس نفسي للحين مانمت .. ناظرت للساعه .. معقوله نايم من الساعه 2 الفجر الى الساعه 4 العصر .. 14 ساعه .. خل اقوم احسن لي .. وهالخايسه هيفا ناشبتن لي في البلعوم ..ازعجتني .. كل دقيقه .. داقه علي


# احمدH # يتصل بك

~~)(~~خبروه اني على وصله حيت
وان تفارقنا ترى موتي دنا ~~)(~~


هذي هي دقت مره ثانيه .. شكلي بغير نغمة خالد عبد الرحمن .. كرهتني فيها .. او شكلي بمسحها من جهازي نهائي .. خل اشوفها وش تبي .. ولا بقهرها عشان تحل عني .. بسوي نفسي مو عارفها

رديت عليها : الووو .. مين ؟

قالت لي : انا هيفا انا من غيري انا

ماصخه وربي

قلت : على العموم انا ما اعرفك .. الظاهر غلطانه

قالت لي بدلع : يوسف حرام عليك .. انا وش سيت لك

هذي ماتفهم اني خلاص ما ابيها

قلت لها : الله يرحم والديك .. كم ادفع لك .. وتتركيني في حالي

قالت لي : انا احبك يوسف .. وانت تحبني .. مستحيل نترك بعض ببساطه

صحيح البنات ماعندهم كرامه

قلت بصراخ: رقمي .. خلاص انسيه .. ولا ترى بغيره .. لا تدقين ماراح ارد عليك


قفلت في وجهها



# سالمR # يتصل بك

~~)(~~خبروه اني على وصله حيت
وان تفارقنا ترى موتي دنا ~~)(~~


يا الله .. وهذي رنا دقت .. اقفل الجوال احسن .. ولا ماراح يسكت الحين

.
.
.
.

غسلت ونزلت تحت .. شافتني امي طالع

قالت لي : وانت هذي سالفتك كل يوم .. لا شغل ولا مشغله .. تنام تصحى تطلع .. تجي باخر الليل .. متى بتشتغل .. وبتتزوج

بسم الله .. الواحد ناقص .. يصحى من النوم .. وعلى طول قرقره

قلت لها : يمه لا تقرقرين .. فوق راسي من الصبح

قالت لي : أي صبح الله يهديك .. الساعه 4 العصر .. الواحد مايدري يقولك صباح الخير ولا مساء الزفت

ماعندي رد عليها .. مشيت فتحت الباب عشان بطلع

قالت : توك صاحي .. صليت ؟

قلت لها : اووووه يمه .. خلاص عاد .. وش قاهرك انتي .. بتحملين ذنبي

طلعت وخليتها .. لاني لو بقيت .. بتجلس تقرقر لليل .. اعرفهم الحريم .. مايشبعون قرقره

.
.
.

صديقي عنده شقه .. نجتمع فيها كل يوم .. نخطط فيها لسرقه جديده .. لا تخافون موسرقة بيوت محلات وخرابيط .. عادي يعني .. موشي خطير

دخلت سلمت .. وجلست ادخن

قال لنا عبد العزيز.. هذا واحد من الشباب : الليل راح ننظف محل جوالات

قلت انا : ننظف أي واحد فيهم ؟

قال عبد العزيز : الربيعي

قال حمد : بس الربيعي .. معروف .. يخوف شوي .. خلونا ننظف محل عادي

قلت له : وانت على طول جبان .. خلك مثل عزوز .. وياسر.. ماتبي تجي معانا .. خلك هنا .. ومالك نصيب في هالتنظيف

قال حمد بتردد : لا بنظف معاكم طبعاً

قلت انا :

يــــــــــــللا شبـــــــــــــاب مــشيـــنــــــا


^*^
/
\
/
\
/
\
/
\
/
^*^

***** نهاية الجزء السابع *****
__________________


1- هل بيكون لـ يوسف اخو رهف دور مهم في القصه ؟
2- وسالفة محمد والريم ماعرفنا عنها شي في هذا الجزء ؟
3- وش سر كلام نجود وام مشعل يوم يقولون ان رهف صديقة نجود في الدراسه ؟
4-اهل مشعل حبوا رهف .. يمكن هالشي يخلي مشعل يحبها .. ويمكن تصير اشياء مانتوقعها .. تابعوني في الجزء الثامن

...:::][ الجزء الثامن ][:::...


___________
بيت مشعل .. الساعه:4:30 مساءً
___________


** رهف **

طلعوا البنات الحديقه .. وانا جلست اسولف مع شجن

قالت لي : رهف

قلت لها : سمي

قالت : سم الله عدوينك .. بس ابي اسالك .. انتي تعرفين تطبخين

انا ما اعرف اطبخ نهائي .. بس استحيت اقول لها لا .. فقلت لها : يعني .. خفايف بس

قالت لي : تصدقين .. انا في بداية زواجي .. ما كنت اعرف اطبخ ابد .. حتى زوجي لاعت كبده من اكل المطاعم .. بس الحين .. صرت خيال بالطبخ

قلت لها : ما شاء الله .. شكلك الحين فنانه

قالت بأبتسامه : وش رايك اعلمك

قلت لها وكنت مستانسه : والله شجن يسعدني هالشي .. انا ابي اتعلم الطبخ

قالت : خلاص من عيوني .. متى ماحبيتي .. نبدا دروس الطبخ .. انا جاهزه

قلت لها : تسلمين .. ربي يخليك

قالت: الله يسلمك

جات نجود .. وقالت : رهف قومي اطلعي معانا

قلت لها : طيب

بعد ماقمت .. قالت نجود لشجن : تعالي انتي بعد معانا

قالت لها شجن : لا ابي اجلس .. برا فيه هوا قوي .. واخاف ماجد يمرض

قالت لها : خليه مع خالتي فاطمه

قالت : لا لا ادري فيه شيطون وبيتعبها .. لفت على وليد وقالت : ليه جالس هنا .. اطلع العب مع رغد

.
.
.
.

طلعنا الحديقه انا ونجود ووليد .. وكانوا عند البركه .. هنوف وحنان ورغد

قالت لي نجود : الجو يصير حلو بين العصر والمغرب

قلت بمرح : بين العصر والمغرب .. كملي الاغنيه

قالت لي : ايه والله ماناقص الا اغني بعد ههههههههههههههه

ضحكت معاها .. ورحنا جلسنا مع البنات الباقي

قالت حنان : اشوف تأخرتي .. ماصارت هذي تنادين على رهف .. حشى تسوين محشي

قالت نجود : يللا عاد كلها الا دقيقه

قالت الهنوف : ايه صحيح ما تأخرت

للمره الثانيه اشوف حنان تدف الهنوف اذا تكلمت .. انا مستغربه وشلون نجود ماتلاحظ

قالت لي حنان : انتي سنه ثالث ثانوي

قلت لها : ايه

قالت وهي تفكر : غريبه ليه متزوجه بدري


’’ وش دخلك ؟ تزوجت بدري .. ماتزوجت .. شي راجع لي ’’


قلت لها : تعرفين يعني ثانويه عامه وابي نسبه .. وماعندي احد يذاكر لي
عشان كذا تزوجت ,, ضحكت ضحكه مصتنعه ,,

الهنوف ونجود : ههههههههههههههههههههههههههههههه ومشعل هو اللي بيذاكر لك هههههههههههههههههههههه

قلت لهم : تتخيلون عاد مشعل مدرس خصوصي ههههههههههههههههههه

قالت حنان بضحكه بارده : هههه نجود تعرف تنكت زوجة اخوك

قالت لها نجود بمرح : ايه خفيفة دم رهــوفه طالعه علي

قالت حنان : مره

،، صح .. انا ابي اعرف .. ليه نجود قالت الكلام اللي قبل .. لخالتي فاطمه .. ابي اسالها .. بس مو قدام هذيلا ,,

شفت نجود تأشر بيدها وتقول لي : وين سرحانه

قلت لها : تعالي نجود ابيك شوي

قالت لي : اوكي

رحت معاها بعيد شوي .. مو عارفه وش اقول لها

قالت لي : وشو رهف .. فيه شي مضايقك

قلت لها : لا ابد

قالت : اجل

قلت لها بتردد : نجود انا متى درست معك بمعهد انجليزي ؟ ما اذكر

قالت لي وهي تضحك : اهاا ولا انا اذكر

’’ اجل وش السالفه ’’

قلت : بس انتي قلتي

قالت : ايه انا قلت .. هذا مشعل .. وصاني مية الف مره .. اني اقول انك صديقتي في الدراسه

تفاجأت ليه مشعل يخليها تقول كذا .. مافيه سبب .. غريبه ؟

قلت : وما سألتيه عن السبب

قالت : ما رضى يقول لي .. انتي اسأليه الليله

هزيت راسي بموافقه

قالت لي .. وهي تناظر يمين وشمال : بس رهف .. امممممم بسألك سؤال ملقوف شوي

قلت : اسألي

قالت وهي تحك راسها : هو مو ملقوف شوي .. الا مره

ياربي وش بتسأل نجود .. قلت لها : اسالي نجود خوفتيني

قالت : انتي من وين عرفتي مشعل


بالله عليكم مو مفروض انا اللي اسأل .. انا اللي اقول لها من وين مشعل عرفني .. وليه خطبني انا بالذات


شافتني ساكته .. قالت لي : خلاص حبيبتي براحتك

قلت لها : لا مو كــ

قاطعتني وقالت : لا عادي خلاص .. يللا نرجع


..........


** حنان **

مو اول قلت لكم .. 1- شينه .. 2- ماتعرف تتكلم .. اظيفوا عليهم صفه بعد 3- ماعندها اسلوب

الحين حنا مجتمعات .. وجالسات نسولف .. تاخذها وتروح ليه .. قسم بالله ماعندها اسلوب

قلت للهنوف : هنووفه .. وش رايك بالحركه

قالت لي .. وهي مشغوله تركب الالعاب اللي طلعو لرغد ووليد بكند سوربريز : اي حركه

قلت لها : غبيه انتي .. مالاحظتي انها مقهوره بلمتنا مع بعض .. وحبت تخرب علينا .. ماشفتيها قبل سرحانه تفكر بطريقه .. عشان تاخذ نجود منا .. هذي حاقده .. لازم مانسمح لها تفرقنا

ناظرتني وهي اقده حواجبها : حنان .. مو لهذي الدرجه .. وين جالسين حنا تفرقنا وتخرب لمتنا .. تبي تكلم اخت زوجها بموضوع .. هي حره

ضربتها على راسها .. وقلت لها : كم مره بفهم فيك .. كم مره بقول لك لا تصيرين خبله .. الله خلق لك عقل .. عشان تفكرين فيه .. بس وش اقول .. الغبي غبي مهما تفهم فيه

نزلت راسها وسكتت .. وش اسوي فيها ذي انا .. ابي مصلحتها .. القطو ياكل عشاها وهي ساكته

قلت لها : ردي علي .. انا اكلمك

قالت : رغــد ولــيد اقربوا ركبت الالعاب

حطيت يدي على ذقني .. وقلت بتفكير : من وين طالعه لنا هالرهف

قالت رغد : من اقرب زباله

استغربت جواب رغد .. فقلت لها : ليه قلتي كذا

قالت رغد : لانها منافقه .. تسوي طيبه قدام ،،، ماكملت كلامها لان الهنوف حطت يدها على فمها ،،،

وقالت لها : رغد عيب .. هذي زوجة ابوك واكبر منك .. وفي مقام امك

شلت يد الهنوف بقوه : روحــــــي منــــــــــاك زيــــن .. مابقى الا هذي تصير بمكان ... امها المرحومه.. رغوده ماعليك منها كملي

افففف جات رهف مع نجود .. انا اللي افهمه شي واحد .. رغد ماتحب رهف .. وهذا الشي لمصلحتي

قلت لهم : وين رحتو تأخرتوا

قالت نجود : لابس رهوف كانت تقول لي عن سالفه

طلعت ام مشعل وقالت لنا : يابنات اذن المغرب .. صلاة صلاة .. والرجاجيل بيصلون وبيطلعون الحديقه

ودخلنا البيت كلنا نصلي


...........................


___________
بيت مشعل .. الساعه 7:00 مساءً
___________

** نجـود **

واخيراً رحت عن البنات .. مستحيل اضيع فرصة اني اشوف فيصل .. اكيد تقولون اي فيصل .. الله يطول عمركم .. فيصل هذا ولد عمتي ..اخو حنان والهنوف.. بوصفه لكم امممم متوسط الطول وضعيف شوي .. بس ملامحه حلوه مره يعني وسيم وشعره ناعم بني عيونه لونها بني فاتح ومرسومه وخشمه طويل وحلو .. لاتقولون هذي ماتستحي حافظه مواصفات الرجال .. بس لان حنا مع بعض من يوم كنا صغار .. المهم اللي اعرفه ان الشباب طلعوا الحديقه .. ابي اشوف فيصل لو من بعيد .. تحجبت للضروره .. و طلعت من باب الصاله .. مالقيتهم .. الظاهر جالسين من الجهة الثانيه .. اذا طلعت من باب الصاله .. ولفيت عشان اروح الجهة الثانيه .. بيشوفوني .. وانا ابي مكان * اشوف وما انشاف * وين عاد .. ايه مجلس الرجال يطل على الحديقه .. بروح هناك .. بس ما ابي البنات يشوفوني .. لازم امشي بخفه وحذر .. ايه وصلت لباب للمجلس بأمان .. سمعت صوت خالتي فاطمه من وراي وش هالحظ

قالت لي : نجود حبيبتي .. عاد روحي قولي للخدمه .. تجي تنظف مجلس الحريم

وهذا وقته اروح واجي ؟

قلت لها : ان شاء الله خالتي

رحت وقلت لها .. ورجعت لمجلس الرجال .. بس هالمره دخلت على طول .. عشان لا احد يقول لي .. روحي وتعالي وودي وجيبي .. قفلت الباب وراي .. فتحت دريشة المجلس .. وينهم .. ما اشف شي .. ايه هذا هم .. بس ما اشوف الا نص وجييهم.. مافيه الا سلطان زوج شجن اشوف وجهه كله .. لانه نخله .. الاشجار اللي هنا تغطي علي .. فكره .. دام الاشجار يغطون علي .. فأكيد يغطون عليهم بعد .. بطلع من الدريشه مابيشوفوني .. بنزل وبطلطل عليهم .. واذا تورطت مره مره بدخل الحمام (( الله يكرمكم )) اللي بره ..عند باب المجلس الخارجي ..

فتحت الدريشه شوي شوي .. زين ماطلعت صوت .. وصرت الحين جالسه عليها .. اذا ظليت كذا .. بيشوفون نص وجهي .. نزلت راسي .. بس المسافه بعيده شوي من هنا للارض .. لفيت نفسي عشان انزل بالعكس .. كنت ماده رجلي على اخر شي .. احاول المس الارض .. ايه لمست الارض .. حطيت رجليني الثنتين .. وقفت على الارض .. وتنهدت براحه .. لفيت نفسي .. المصيبه .. لقيت فـــــيــــــــــصــل في جـــــهـــــي.............................