بين ثنايا الايام >>>>>>روايه مره حلوه

...:::][ الجزء الثامن والعشرون ][:::...


___________________
بيت مشعل .. الساعه : 1:30 مساءً
___________________

** حنــان **

نزلت اركض مع الدرج ورحت لعندها .. هزيتها وقلت : رهـف رهــف

طلعت ام مشعل من المجلس .. وجات تركض وهي تصارخ : وش فيها رهف .. رهف بنتي قومي .. قومي رهف

نزلت نجود والهنوف من فوق .. وتجمعوا عليها كلهم مع الخدم

جلست اصرخ واقول : مدري مدري انا كنت مع رغد برا .. وجينا شفناها كذا

قالت ام مشعل : خلونا نوديها المستشفى

قالت نجود ووجها احمر من كثر البكي : مافيه رجال في البيت مشعل ونايف وفيصل كلهم في البحر

حملوها عشان ياخذوها للسياره .. كلهم راحوا .. مسكت رغد وقلت لها بهمس وكنت متوتره مره : انتي ماتدرين عن شي .. ماشفتي شي .. زين

هزت راسها .. وراحت تركض عشان تروح معهم المستشفى

سندت نفسي على الدرج وانا ضامه يديني بخوف .. ياربي ليه سويت كذا .. الحين اذا عرف نايف مستحيل يتزوجني لو وش ماصار

ان شاء الله تموت عشان مايدري احد .. ان شاء الله .. ان شاء الله

.................................................. ......

** نجود **

كنت سانده نفسي على الجدار .. ادعي لها وابكي .. مو بس انا اللي ابكي كلنا ننتظر عند الغرفه اللي دخلوها فيها وحنا نبكي

و معنا زوج عمتي وولده سلطان

جاتني الهنوف وقالت : خلاص لا تبكين نجود بتصير بخير

هزيت راسي وانا ساكته .. قالت لي : دقيتي على مشعل

قلت لها : ايه مايرد

قالت بصوت عالي : ونايف وفيصل

قلت بقهر : مايردون بعد


بعد ساعه من الانتظار .. طلع الدكتور من الغرفه

وقفنا كلنا والتمينا حوله .. نساله عن رهف .. قال : هدوء ياجماعه
المدام حالتها خطيره .. بننقلها الى غرفه ثانيه


من قال كذا وقلبي يدق بقوه .. اخاف نفقد رهف في أي لحظه


..................................



__________________
شقة محمد .. الساعه :2:30 مساءً
__________________

** الريم **

كنت جالسه انظف المطبخ .. سمعت صوت محمد وهو يقول لي بصوت عالي : الريم البسي عبايتك

قلت له : وين بنروح ؟

جاني المطبخ وملامح وجهه ماتبشر بالخير .. قال لي : يللا بسرعه رهف طاحت من الدرج وحالتها خطيره .. باخذ امي وبنروح المستشفى

رحت بسرعه اخذت عبايتي وطلعت مع محمد وقلبي يدق بقوه من الخوف

طول ماكنت في السياره جالسه ابكي .. قال لي محمد : اقري لها شي بدل هالبكي .. ماراح تفيدينها ولا تفيدين نفسك

.
.

نزلنا من السياره ودخلنا ندورعليهم في المستشفى .. اول ماشفناهم رحت لنجود .. وقلت لها : وش صار على رهف

قالت لي وهي تبكي : ان شاء الله بتصير بخير

قلت لها : وين زوجها

قالت لي : في البحر .. مايردون علينا

وقف محمد مع اللي ينسب لهم ..و ام مشعل جالسه على كرسي وتقرا قرآن راحت ام محمد جلست بجنبها وهي تقرا قرآن وتبكي بصمت .. مسكت نجود ورحت جلست معهم بجنب ام مشعل

قلت لنجود : من جا معكم

قالت : الهنوف وحنان ورغد .. وشجن وزوجها جو قبل شوي .. ريوم لا تبكين بتصير بخير

قلت وانا امسح دموعي : ان شاء الله

بعد وقت طويل .. جا الدكتور .. وقفنا كلنا .. اشر لنا محمد عشان نسكت

وقال : هاه يادكتور بشر

قال : المدام بخير

الحمد الله يارب الحمد الله يارب .. مامدانا نبتسم الا وقال لنا : بس للأسف ماقدرنا ننقذ الجنين
اللي في بطنها

حطيت يدي على فمي وهزيت راسي بعدم تصديق .. باقي على ولادتها اقل من 4 اشهر حرام يموت

سمعت صوت ام محمد وهي تقول : لا حول ولا قوة الا بالله .. الحين نقدر ندخل نشوفها

قال الدكتور : هي تعبانه مره .. وتحت تأثير المخدر .. زوجها فين ؟

قالت له ام مشعل : بعدين بيجي

قالت ام محمد : دخلني انا امها

قال الدكتور : تفضلي معايا

مسكت يد ام محمد ومشيت معها

قال الدكتور : لا وحده اللي تخش

قالت ام محمد : خليها هذي اختها

وطبعاً الدكتور ما بيقدر على ام محمد

اول مادخلنا شفتها .. كانت ضعيفه وتحت عيونها سواد مبين عليها التعب

راحت امها لها .. وحضنتها وباست راسها

رحت ومسكت يدها واحاول قد ما اقدر ما ابكي .. لان امها تأشر لي لا تبكين

فتحت عيونها رهف شوي شوي .. ابتسمت وقلت : الحمد الله على السلامه يا الغاليه

حركت راسها بصعوبه وقالت بصوت خفيف لانها ماكنت تقدر تتكلم : يمه .. مات ولدي

قالت ام محمد : اهم شي انتي يابنتي .. بتجيبين غيره 10

قالت رهف والدموع تطيح من عيونها الى المخده : بس انا ابيه .. جيبوه لي الحين .. الملابس اللي في البيت من اللي يلبسها .. ما ابي غيره .. ابيه هو .. ’’ بصوت عالي ’’ مــــــــــابيـــــــه يـــــــــمــــــــــوت

طلعت من الغرفه على طول .. لاني بنهار ان جلست اكثر .. شافوني ام مشعل ونجود وانا طالعه كذا .. دخلو لها الغرفه على طول وهم خايفين


.............................................

___________________
البحر .. الساعه :5:30 مساءً
___________________

** مشعل **

ماكنت مصدق اتصال نجود .. مو مصدق الكلام .. مستحيل اصدق حرف من اللي قالته .. ولدي مات ؟؟ الولد اللي كنت احلم فيه مات .. الولد اللي حبيته قبل مايجي .. ولدي هذا كان بيكون مصدر سعاده بالنسبه لي .. وكيف لا وهو اللي خلاني احب رهف .. كان بيحمل اسمي كنت بسميه على اسم ابوي .. لالا مــــــــــامــــــــــــــات.. ورهف ؟ رهف كيف حالها .. لازم اكلمها .. لازم اشوفها .. ابي اروح المستشفى

اول ماوقفت من مكاني .. قال لي نايف بملل : وين بتروح

قلت بضيق : برجع

قال نايف : وشلون ترجع والمركب تعطل .. مايشتغل

قلت بأنفعال : مايخصني برجع الحين

قال بخوف : وش قالت لك نجود

قلت : ماقالت لي شي .. ابي ارجع

قال فيصل : العطل بسيط بصلحه بسرعه مابياخذ ساعه

فتحت عيوني وقلت : ساعه ؟ مستحيل اجلس هنا اكثر من كذا
وين المركب اللي فيه بندر واخوياه

قال نايف : هذا هو قريب

قلت : اجل خلونا نرجع معهم

قال : مايكفي

قال فيصل : ههههههههه لو يكفي كان رحنا معهم من زمان

دقيت على بندر خليته يجي لنا

يوم جا قلت لها : بندر بروح معكم

قال بندر : اووه .. قلت لكم مايكفي ماتفهمون انتم

قلت له : طيب انزل انت وخليني انا ارجع معهم

قال بندر : ياسلام

قال نايف : خلاص بندر تعال معنا انت .. ترا ساعه وبنمشي .. وحالة الغثيان عند مشعل كل مالها وتزيد

قال بندر : يللا

تبدلنا انا وبندر .. ورحت مع اخوياه دقيت على نجود

ردت علي : الووو

قلت : جودي .. عطيني رهف

قالت : تعبانه ماتقدر تكلمك

قلت : حطي السماعه في اذنها وانا بتكلم

شوي وسمعت صوت رهف تقول : مشعل ولدنا مات

صوتها قطع قلبي حتى اني حسيت بالدموع تتجمع في عيوني .. ثاني مره في حياتي احس اني خسرت شي احبه وابيه من كل قلبي

قلت لها بحنان : رهوفه حبيبتي .. اهم شي انتي باقيه

قالت : بســ...

قلت : لا بس ولا شي .. رهـف ولدنا اللي راح .. بيجي غيره صدقيني

قالت بصوت متكسر : بس انت ورغد حبيتوني من هالولد

قلت : اهم شي انــا احبك .. سواء كان الولد موجود اولا .. ورغد نفس الشيء
.. صدقيني
بنجيب غيره وغيره وغيره .. الكل بيحسدنا على العائله اللي بنكونها بعدين

سمعت صوتها تبكي بمراره .. قلت : رهف اذا انا غالي على قلبك ماراح تبكين

قالت : متى بتجي

قلت لها : اقل من ربع ساعه وانا عندك

قالت : طيب يا الغالي لا تتأخر .. انا انتظرك .. محتاجتك

قلت : اكيد حبيبتي ماراح اتأخر .. بس انتي لا تبكين .. مع السلامه

قالت : الله معك

قفلت من عندها .. وغمضت عيوني وبكيت من كل قلبي
.. عشان فقدت ولدي وعشان صوت رهـف اللي عور قلبي اكثر من ماهو متعور

........................................

__________________
المستشفى .. الساعه :6:00 مساءً
__________________

** الهـنوف **

اخر وحده دخلت الغرفه انا .. لاني ماكنت ابي ادخل بدموعي .. كل شوي تطلع لي نجود وتقول لي .. رهف تسأل عنك .. وانا اقول لها شوي وبدخل

بس تأخيري جاب نتيجه لاني دخلت لها بوجه مبتسم .. وقلت لها : الحمد الله على السلامه

قالت لي بدون ماتبتسم : الله يسلمك

رحت جلست بجنبها وقلت : رغد واقفه عند الباب .. مو راضيه تدخل مادري ليه

قالت رهف بصوت عالي : رغـــــــــــد .. رغـــــــــــــد

دخلت رغد ووقفت عند الباب وهي مغطيه وجهها .. قالت رهف : رغوده حبيبتي تعالي هنا ابيك

جات رغد لرهف وجلست على السرير

دخلت رهف شعر رغد ورا اذنها وقالت وهي تمسح على شعرها : ليه تبكين حبيبتي

رغد منزله راسها وماردت عليها

حضنتها رهف وقالت لها : لا تبكين ياقلبي

قمت انا ورحت عند الدريشه .. كتبت لفارس مسج


^*^
/
\
/
\
/
^*^

فارس اسفه لاني مارديت عليك

بس انا في المستشفى

رهف طاحت من الدرج وهي حامل .. ومات الولد اللي في بطنها

وحالتها صعبه الحين

^*^
/
\
/
\
/
^*^

رد علي بسرعه

^*^
/
\
/
\
/
^*^
لا حول ولا قوة الا بالله

الله يعينها

حبيبتي اذا رجعتي البيت

اكتبيلي مسج .. طيب

^*^
/
\
/
\
/
^*^

قفلت الجوال وحطيته في شنطتي


........................................


________________
بيت مشعل .. الساعه : 8:00 مساءً
________________

** نايـف **

رجعت البيت .. وجسمي مكسر .. لو ادري ان المركب بيتعطل ماكنت رحت البحر

البيت فاضي وهدوء .. دخلت المطبخ شربت مويه وطلعت

شفت الشغاله تنظف الصاله .. قلت لها : وين نجود ؟

قالت : في مستشفى

قلت بخوف : ليه ؟

قالت : رهف طيح من درج ومدام نجود روح معاها

تركتها وطلعت من البيت بسرعه .. دقيت على مشعل مارد علي .. دقيت على نجود بعد ماردت علي

ركبت السياره وحركتها على طول .. شوي ودقت علي نجود

رديت عليها وقلت : الووو .. وش صار فيها رهف

قالت : هي ماصار فيها شي .. بس ولدها مات

قلت : لاااا حرام.. لاحول ولا قوة الا بالله .. لا حول ولا قوة الا بالله .. في أي مستشفى انتم

قالت : ليه ماقال لك مشعل

قلت : لا بسرعه قولي

.
.

وصلت المستشفى ونزلت وانا اركض .. كل دقيقه ادف احد واتأسف .. وصلت لهم ودقيت باب الغرفه اللي فيها رهـف وقلت : يالله .. ادخل

سمعت صوت ام مشعل تقول : لحظه .. رهـف تحجبي نايف بيدخل

دخلت .. وكانوا كلهم متجمعين ..بس عيوني كانت عليها وشكلها خلى كل شي في جسمي يرجف .. ماكنت ابي اشوف قلبي رهف كذا .. قلت : الحمد الله على سلامتك رهـف

قالت بهدوء : الله يسلمك

قالت ام مشعل : دق على مشعل شوفه متى بيجي

قلت متفاجأ : مشعل ما جا

قالت ام مشعل : لا

من قالت لا جوالي دق

الرقم غريب ؟

رديت وقلت : الو نعم

قال : الاخ نايــف عبد العزيز

قلت : أيــه معك نايف

قال : مشعل وش يقرب لك

قلت : اخوي

قال : عظم الله اجرك اخوي .. مشعل عطاك عمره

قلت له بصوت عالي : مـــــــشـــعــــــــــل مــــــــــــات

صرخت رهف بصوت عالي : لاااااااااا

قفلت الجوال في وجهه .. وطلعت من الغرفه بعدم تصديق
جلست على الارض وحطيت يدي على راسي
كانت الدموع مغرقه عيوني
فما قدرت امنع نزولها على خدي

.......................................



** رهــف **

قمت من السرير ابي الحق نايف .. واتأكد من اللي سمعته .. بس طحت على الارض لان مافيني قوه .. كنت اسمع صراخ ام مشعل ونجود حولي .. وامي تهديني صرخت بصوت عالي : مشعل ما مات .. هو قال لي انه بيجي ... آآه يــمـه قومي شوفي نايف

هزيتها بقوه وانا ابكي بصوت عالي مثل الجنونه : قومي شوفيه .. اكيد يكذبون عليه .. كذابين كذابين

مسكتني نجود وهي تبكي وقالت لي بصراخ : رهف ارجعي على السرير

شلت يدي من يدها وقلت : اتركيني لحد يلمسني .. ابي اشوف مشعل .. ابي ولدي .. ما ابي اجلس هنا .. ما ابي

اللي خلاني اسكت .. صراخ الهنوف : ام مشـــعل قومــــي رغـــــــد اغـــــمــــى عليهــــا


^*^
/
\
/
\
/
\
/
\
/
^*^



**** نهاية الجزء الثامن والعشرون ****

احداث كثيره راح تصير في الاجزاء القادمه
وراح تغير حياة كل بطل من ابطال قصتنا

انتظرونــــي ..

...:::][ الجزء التاسع والعشرون ][:::...

™¤§°§¤ ماقبل الاخير ¤§°§¤™

____________________
بيت مشعل .. الساعه : 2:00 مساءً
____________________

** رهـف **

كانت رغد نايمه على السرير .. وانا جالسه على الكرسي بجنبها .. امسح على راسها بيد .. وامسح دموعي بيدي الثانيه

وام مشعل ونجود والباقي مدري عنهم .. اللي اعرفه ان مشعل غرق في البحر مع اللي كان معهم .. وما قدروا ينقذون حياة الا اثنين من اللي كانوا معه .. والباقي كلهم ماتوا ومشعل معاهم .. ليه يامشعل مابقيت مع نايف .. ليـه .. ما اصدق انك مت .. مااصـــــدق .. وشلون تخليني لالا وشلون تخلي رغد بنتك اللي تحبها وحيده .. قلبي يعورني من الحسره والالم .. صحيح ماتعرف قيمة الشي الا اذا فقدته .. انا كنت ابكي على الولد اللي اذا راح بيجي عشره غيره .. الحين مات ابوه .. وش بقى لي انا


فتحت رغد عيونها .. وناظرت في المكان بتمعن قامت .. وجلست تبكي وتصرخ تنادي مشعل .. مسكتها ابي اجلسها .. بس ماقدرت عليها .. مسكت طرف الثوب حقها وقلت وصوتي رايح من البكي : رغــد ارجعي مكانك الله يخليك

بس كانت اقوا مني .. سحبت نفسها بقوه وطلعت تركض في المستشفى .. حاولت اركض وراها بس ماقدرت .. حطيت يدي على الجدار وسندت نفسي بتعب .. ودموعي ماوقفت ولا دقيقه

شفت محمد جاي يركض لجهتي .. مسكني وسندني عليه .. قال لي : رهف انتي تعبانه ارجعي الغرفه

قلت : ورغد اخليها لحالها

قال : وين راحت ؟

قلت : مدري روح شوفها .. مدري عن احد

تركني وراح يركض

.
.
.

مرت ايام العزا اللي حملت بين ثناياها حزن وهم وحسره والم كبير .. اللي فقدوا مشعل كثار .. انا فقدت زوجي .. ام مشعل فقدت ولدها الوحيد .. نايف ونجود فقدوا اخوهم الكبير .. رغد فقدت ابوها بعد مافقدت امها

الكل بكى على مشعل بحسره

كنت جالسه على سرير غرفتنا انا ومشعل اتأمل الغرفه .. كان كل ركن فيها يفتقد مشعل

صحيح حياتي مع مشعل مافيها لحظات حلوه الا قليل بس .. " هزيت راسي قمت من السرير" .. وفتحت الدولاب .. الم اغراضي عشان برجع بيت اهلي .. كان مشعل الله يرحمه دوم يقول لي مابتطلعين من هالبيت .. انا الحين اطلع من البيت غصب عني

جمعت كل اغراضي وحطيتهم بالشنطه .. شفت اغراض ولدنا انا ومشعل .. مسكت قطعه منهم وضميتها .. بس رجعتها على طول .. بخليهم هنا لاني ماراح احتاجهم .. بجيب لنفسي الالم .. وبجدد الحزن بقلبي اذا ظليت اشوفهم في كل وقت .. عدلت نفسي ومسحت دموعي .. اخذت المشط بمشط شعري .. وغمضت عيوني

.
.


قال لي مشعل : ليه لابسه من الحين

قلت له : بس

قال لي : طيب جيبي المشط بمشط شعرك

ناظرته ورفعت حاجب : لا والله

قال لي : يللا عاد .. ترا انا كنت بصير حلاق

خفت وقلت : لا يكون بتحلق شعري

اخذ المشط من عندي.. وقال لي : اما عاد .. جيبي بس .. الحين اوريك .. بعدين بتجيني كل يوم .. بتقولين لي .. مش مش .. مشط شعري

جلست اضحك وقلت : بنشوف

مشط شعري وانا اقول له .. عورتني .. لا تشد شعري بقوه .. خلك رقيق .. اي قطعت شعري .. خل يدك خفيفه

ترك شعري :لحظه بروح وبجي

طلع ورجع

قلت له : وين رحت

طنشني ومشط شعري

قال : ترا ترا .. خلصت .. شوفي نفسك في المرايا

لفيت شفت نفسي في المرايا .. شهقت بقوه .. وقلت : مــشــــعـــل .. مسوي لي جدايل

قال لي : شكلك كذا حلو ههههههههههههههههههه.. روحي المدرسه كذا

قلت له : من جدك انت .. تذكرت شكلي يوم كنت بالروضه ههههههههههههههه.. لا واحط لي وردتين من تحت

.
.
.

حطيت المشط على التسريحه .. اخذت للغرفه نظره سريعه وطلعت .. مشيت شوي وشفت نايف جالس على الدرج وساند راسه على السور

اول مره اشوف نايف من بعد ماقال لنا عن موت مشعل .. او يمكن شفته بس ماحطيت بالي

قلت بصوت خفيف : عظم الله احــم

حسيت ان صوتي رايح .. فعدت كلامي : عظم الله اجرك نــا يــف

قال بدون مايلف علي او يغير وضعيته : اجرنا واجرك .. خلاص بتروحين

قلت : أيــــه .. ليه اجلس ماعندي شيــ...

بكيت بصمت عشان مايسمعني نايف

لف علي ناظرني شوي .. بعدي رجع لوضعيته الاوليه

قلت : مع السلامه

نزلت اركض من الدرج .. وقلت للخدمه تجيب شنطتي

شفت رغد جالسه فوق الكنبه وضامه رجلينها مع بعض

رحت لها وبست راسها

رفعت راسها وكانت عيونها حمر من البكي .. قالت لي : بتروحين ؟

هزيت راسي .. مسكت يدي وقالت : لا تروحي وتخليني لحالي

ضميتها و قلت لها : بجي لك كل يوم .. وانتي خلي نايف يجيبك بيتنا .. يللا حبيبتي انتبهي لنفسك

ودعت الكل و طلعت لقيت اخوي يـوسـف ينتظرني في السياره


.................................................. .


__________________
بيت ابو يوسف .. الساعه :4:00 مساءً
__________________

** الريم **

كنت جالسه مع رهـف في بيتهم .. صرت اروح لها كثير من رجعت بيت اهلها .. موت مشعل الله يرحمه صار له شهرين .. صحيح هي تضحك معي وكذا .. بس احس الحزن للحين بعيونها

قالت لي : ريوم كيف دراسة الطب .. صعبه مره

قلت لها : مره مره مره .. اشوا انك مادرستيها

ضربت يدي وقالت : لا انتي تقولين كذا عشان ماتحسريني

قلت : لا اكلمك جد .. بس تجنن الدراسه

فتحت ام محمد الباب وقالت : رهوفه رغد تبيك برا

وقفت رهف وقالت لي : لحظه ريوم

راحت وبعد ربع ساعه رجعت وهي ماسكه يد رغد

اول ماجلسوا قالت رهف : رغوده غريبه واقفه عند الباب .. العاده تدخلين على طول

قالت رغد : بقولك سر

قلت لها : قولي

قالت : هذا نايف قال لي لا تدخلين خليها تجي عند الباب بسلم عليها

هزت رهف راسها وقالت : المهم كيف حالهم ام مشعل ونجود .. وحشوني مره

.
.
.

من صارت الساعه 5 .. استأذنت وطلعت .. لان صديقتي اسرار قالت بتمرني وبروح معاها محل الهدايا .. بشتري لمحمد هديه عشان عيد زواجنا

مرتني ورحت معاها .. وجلسنا ساعه في المحل نختار هديه

قلت لها : وش رايك بهذا الصندوق فيه داخل ورد مجفف وحركات

قالت : ليه ماتاخذين له ساعه وخاتم

قلت : اخذت له في عيد ميلاده كذا

قالت : اجل خلاص خذي الصندوق .. وش رايك تاخذين له بعد ورده حمره

قلت : ايه راح اخذ

اخذت اسرار ورقه ملمسها حلو وسميكه .. وقالت لي : ليه ماتخاذين هالورقه وتكتبين فيها اغنيه رومنسيه

قلت لها : خلاص اختاري ورقه وانا بختار صندوق حلو

.
.
.

دخلت معاها شقتي اللي كانت نظيفه ومرتبه .. لاني ما احب اخليها غير كذا

جلسنا في المجلس

فتحت جوالها وقالت لي : في رساله في جوالي تجنن .. ليـه ماتكتبينها في الورقه

قلت : يللا اكتبيها

قالت : يا الذكيه اكتبيها بخطك

قلت : يللا هاتي

اخذت القلم وتمليت الكلمات .. يوم خلصنا .. اخذت اسرار الورقه ولفتها في الورده

قالت لي : قومي بسرعه جيبي شريط لاصق

قمت ورحت غرفتنا بسرعه .. وجبت لها شريط لاصق

طلع شكل الورده والهديه مره يهبـلون

قالت لي اسرار : يللا ريومه انا الحين لازم امشي

قلت لها : لا خليك معي بعد شوي

قالت : لا ما اقدر

دقت على اخوها وخلته يجي لها

وفي الليل جهزت العشا .. ولبست فستان احمر قصير مع شريط احمر على راسي .. وحطيت مكياج بنفس لون الثوب .. جا محمد.. وفتح الباب .. اول مادخل قلت له : مساء الخير

قال وهو يناظر فيني وفي العشا اللي على الطاوله .. مساء النور

قلت له : كل عام وانت الحب

قال : هــاه .. وش السالفه ؟

مديت له الهديه وقلت .. ان شاء الله تعجبك .. قال متفاجأ : تسلمين

قلت : محمد اليوم عيد زواجنا

قال وكانه استوعب : اهــــــــــــا .. صح اليوم تزوجنا

كنت اليوم ما ابي لا زعل ولا هواش .. عشان كذا مازعلت على محمد انه نسى عيد زواجنا .. مع اني متضايقه في داخلي

قلت له : افتح الورقه اللي على الورده

قتحها وجلس يقرا الكلام .. بعدين قال بطريقه مافهمتها : أأ أيـه تسلمين


...........................................

____________________
بيت العمه .. الساعه : 9:00 مساءً
____________________

** نـجـود **

’’ هنوفه متى بيجي فيصل .. باقي نص ساعه ويجي نايف ’’

قالت لي : مدري بس هو المفروض الحين في البيت

قلت لها : لحوول ترا ان ماكلمته اليوم .. ماراح اكلمه يوم ثاني .. وبقلعته

قالت : قولي قسم انتي بس .. ليه رغوده ماجات معكم

قلت : راحت لرهف

قالت : صارت كل يوم تقريباً تروح لرهف

قلت : ايه تحبها

نطت الهنوف علي وقالت : بس بس جا فيصل .. تسمعين صوته

وقفت وقلت : ايه ايه

قالت : اجلسي بس .. بناديه

قلت : بتجيبينه يجلس معنا هنا .. بغرفتك

قالت : عادي وش فيها هو بيوقف عند الباب .. لحظه

سمعتها تقول : فيـــصل .. تعال هنا نجود تبي تكلمك

ما اتفقنا على كذا.. انا اوريك هنوفوه .. فشلتيني

دخل وهو يتحمحم .. وقال : هاه نجود امري

قلت بسرعه : لا بس ابي اسأل عن اخبارك

قالت الهنوف : بلا نصب انتي تبي تكلمينه عن اللي صار في المزرعه

بلعت ريقي وقلت : أي مزرعه ؟

وقالت الهنوف كل اللي قلته لها .. بعد ماخلصت قال فيصل ببرود : كم رقمه ؟

قلت : ما اعرفه .. هو يدق من تلفون البيت

قال بنفس البرود : وماتدرين من هو

قلت : لا

هز راسه وقال : يللا عن اذنكم

طلع من الغرفه وخلاني بقمة قهري قلت : شفتي هنوفوه وش سوا .. حتى لو ماكان مصدق كلامنا .. على الاقل قدر ان نجود بنت عبد العزيز تنزلت وجات تكلمك

قالت الهنوف : مدري وش اقول لك .. خلاص اللي عليك سويتيه

وقفت وقلت بقهر .. وانا شوي وابكي : خلينا ننزل تحت معاهم .. فيصل ضيق خلقي

.........................................
.



** حنان **

كنت جالسه مع امي وام مشعل في المجلس .. اصب لأم مشعل القهوه واذا خلص اقول لها تبين بعد خالتي .. وامد لها صحن التمر .. عشان تقول عني بنت سنعه

شوي ونزلوا نجود والهنوف وجلسوا معنا

قالت ام مشعل : الهنوف كل ماكبرت صارت احلى .. ماشاء الله

الحين انا يا العجيز المكسره جالسه معك طول الوقت مامدحتيني .. وهالقرده تو جايه على طول مدحتيها ؟؟

كملت كلامها وقالت بهمس : تصدقين يا ام فيصل .. انا نفسي في الهنوف لنايف من زمان

انصدمت بصراحه .. ومت من القهر على كلامها هذا .. واللي موتني قهر اكثر الهنوف اللي استحت .. مصدقه عمرها تتزوج نايف هذي


؛×المشتاقه ؛× يتصل بك

~~)(~~انت بحري وانا اليم يقولون اللي يقولون انا بحبك متيم
خلي الحساد يموتون انت في قلبي غالي لو عنك يسالون ~~)(~~

عطيته مشغول وقفلت الجوال .. هذا وقته احمد يدق علي

طلعت من المجلس ولبست عبايتي .. ورحت برا انتظر نايف .. بيتزوجني يعني بيتزوجني .. فوضه هي يعلقني كذا .. يا يتزوجني يا يقول ما ابيك

بس ربع ساعه سمعت صوت احد يطق الباب .. رحت بسرعه وفتحته

من شفت نايف ابتسمت .. قال : السلام عليكم

قلت بدلع زايد : وعليكم السلام .. شخبارك نايف

قال : بخير وانتي

ناظرت الارض وقلت : نايف حالتي ماتسر لا عدو ولا صديق

لف يناظر الجهه الثانيه بعدين قال بملل : ليه

قلت : انا احبك وانت مو معبرني

قال : اظن ماله داعي اجرحك واعيد كلامي

قلت وانا عاقده حواجبي بحزن : وش عاجبك في رهـف

قال وكل حرف لحالها : أ ح ب هـ ـا

غمضت عيوني وقلت : انت ماتدري شكثر جالس تقطع قلبي

قال : طيب ادخلي داخل مو حلوه يجي فيصل ويشوفك واقفه معي .. اذا انتي ترضيها لنفسك .. انا ما ارضاها لنفسي

قلت : انا قابله فيك حتى لو ماتحبني

حط يده على فمه .. وانا ادري انه جالس يضحك

قال : قابله فيني ؟ فهميني كيف

وهو يقول كلامه هذا كان يحوس في جواله

قلت : قابله فيك يعني ....

اشر لي عشان اسكت وقال : هلا خالتي اطلعوا تراني برا .. مايخالف مره ثانيه ادخل واسلم مستعجل .. اوكي .. يللا

قفل وقال بعدم اهتمام : أيـه وش كنتي تقولين

لفيت وكنت بمشي .. قال : حنان انا اسف بس هذا اسلوبي وما اقدر اغيره

قلت : اسلوبك انك تكون قاسي وجاف مع البنت اللي تحبك

ورحت اركض داخل


........................................



** الهـنـوف **

بعد ماطلعوا بيت خالي .. رحت غرفتي وانسدحت على السرير .. كتبت لفارس مسج

^*^
/
\
/
\
/
^*^

وينك ؟
نايم ؟

^*^
/
\
/
\
/
^*^

جاني مسج منه

^*^
/
\
/
\
/
^*^

لا ياقلبي صاحي
اسمع اغنية خليك ليـا
حقة نوال الزغبي

^*^
/
\
/
\
/
^*^

كتبت له

^*^
/
\
/
\
/
^*^

خليك ليا ؟
ما اعرفها

^*^
/
\
/
\
/
^*^

كتب لي

^*^
/
\
/
\
/
^*^
تبين تسمعينها .. ثواني

^*^
/
\
/
\
/
^*^

كتبت له
^*^
/
\
/
\
/
^*^

اسمعها ؟ وين وكيف

^*^
/
\
/
\
/
^*^

ما كتب لي شي .. وبعد ربع ساعه .. كتب لي

^*^
/
\
/
\
/
^*^

افتحي الدريشه

^*^
/
\
/
\
/
^*^

اكيد خرف فارس .. وش بيسوي هالمجنون .. رحت فتحت الدريشه

شفت سيارة فارس تدور على بيتنا .. ورافع الصوت اعلى شي

.
.

خلــيك ليا مشغول بيا نسيني كل حياتي معاك ياحبيبي نسيني
خليك جنبي خذ روحوي خذ قلبي
ياحبيبي لحظه شوق في هواك في الدنيا وسنيني

.
.

كتبت له بسرعه

^*^
/
\
/
\
/
^*^

فارس مجنون انت .. روح بسرعه قبل مايكسرون سيارتك الجيران


^*^
/
\
/
\
/
^*^

كتب لي

^*^
/
\
/
\
/
^*^

ايه مجنون بحبك ياقلبي

طيب الحين بروح .. بس وش رايك فيها

تراها اهداء مني لك

^*^
/
\
/
\
/
^*^

كتبت له

^*^
/
\
/
\
/
^*^

ياروحي وربي تجنن

فارس اعــشـقـــك

.................................................. .......

_________________
السياره .. الساعه : 1:30 مساءً
_________________

** نــا يـف **

كنت في السياره مع رغد .. بوديها بيت رهف تتغدا معهم .. احس اني صرت اهتم في رغد كثير .. انا اللي اوديها المدرسه واجيبها ما اخلي السواق يوديها .. واشتري لها العاب وهدايا .. مثل ماكان مشعل يشتري لها .. ما ابي احسسها بالنقص

ناظرت في التنوره اللي لابستها رغد .. كانت فوق الركب بكثير قصيره مره مره

وهي تجلس مع سعد .. مهما كان سعد ولد .. ماكنت ابي اقول لها لا تلبسين كذا قدامه وكأني اتأمر عليها

فقلت لها : تلعبين مع سعد كثير

قالت : ايه احب العب مع سعد

قلت لها : وش تلعبون

قالت : نلعب كوره ونرسم .. ويركبني فوق السيكل و..

قلت لها : وشلون تركبين السيكل وانتي لابسه تنوره ؟

ناظرت في التنوره وقالت : أيـــه صح نسيت .. يعني اليوم مابركب .. خساره

قلت لها : خلاص حبيبتي بكره لا تلبسين تنوره عشان تسوقين السيكل

قالت بأبتسامه : ايه ماراح البس

.
.
.

وصلنا بيت رهـف نزلنا وقبل ما نطق الباب

فتح سعد الباب .. وقال : جيتوا من زمان ننتظركم

قلت : بل عليك وش عرفك ان حنا جينا

قال : سمعت صوت السياره .. يللا ادخلي رغوده

قلت : رغد اذا دخلتي نادي على رهف ’’ ناظرت في سعد ’’ عشان بسلم عليها

قالت : ان شاء الله

ودخلت مع سعد .. انتظرت شوي .. وانا ادعي اني اشوفها .. ما ابي اكلمها من ورا الباب مثل المره اللي راحت

سمعت صوت الباب ينفتح اكثر لفيت وشفت رهف متحجبه .. زين دعائي مستجاب .. قلت بأبتسامه : السلام عليكم

قالت بخجل : وعليكم السلام

قلت : شخبارك يا الغاليه

قالت : بخير وانت

قلت : بخير بشوفت .. شوفتكم

قالت : دوم يارب

قلت : يدوم لك الخير .. هاه محتاجه شي تبين شي .. ترانا اهلك لا تنسين

قالت وهي تناظر الارض : لا الحمد الله

حطيت يدي في جيبي .. ومديت لها ورقه

قالت متفاجأه : وش هذا

قلت بتردد : هـ هـ هذي هديه مني ..... ومن نجود

’’ طبعاً الهديه مني بس ’’

عقدت حواجبها وقالت : هديـه وش الهديه

قلت : كتبت او يعني كتبنا المزرعه بأسمك .. لانك حبيتيها

اشرت لي بيدينها وقالت : لالا مستحيل اخذ مزرعتك نايف

قلت بجديه : وش فيها يعني .. وهي مو مزرعتي .. مزرعة ابوي الله يرحمه

لفت تناظر الجهه الثانيه وقالت : ما اقدر اخذها .. اسمح لي نايف

قلت : بتزعل نجود

قالت : والله ما اقدر اخذها .. لو ان الهديه بسيطه اخذتها لانكم غاليين على قلبي

قلت : والله حنا غالين ؟

يا الخبل حنا وين وانت وين .. قلت بسرعه : والله هذي الهديه بسيطه .. وانتي تستاهلين اكثر من كذا

سكتت شوي بعدين قالت : نايف معليه بس ما اقدر اطول معك عند الباب

قلت بمرح : خذيها ولا مابتحرك

قالت : نايف حلفت اني ما راح اخذها

قلت : صومي 3 ايام وخذيها

قالت : نــــا يـف

قلت : طيب خلاص ترديني .. مع السلامه

قالت : مو قصدي اردك بس صعبه اخذها .. وربي صعبه

حطيت الورقه بجيبي وقلت بأبتسامه : المهم ترا المزرعه صارت مزرعتك .. وانا بمشي خلي بالك من نفسك .. وبعدين بجي اخذ رغد اطلعي سلمي علي

شفت ملامحها تغيرت .. قلت : امزح خلاص .. حلى هي اسلم عليك كل دقيقه .. ابي اسألك قبل ما اروح

قالت : سم

قلت : سم الله عدوينك وكل من يمشي حواليك

قالت : انت تمشي حواليني ؟

وانتي تمشين داخل قلبي .. قلت : لا قصدي يمشي حواليك بنيه شينه

قالت : اهاا .. آآمين

قلت : تقول رغد انك بتجين بيتنا بكرا ؟

هزت راسها وقالت : ايه بجي وحشني البيت .. ’’ نزلت راسها ’’ بس اكيد ماله لون من بعد مشعل الله يرحمه

بحركه لا اراديه مديت يدي ورفعت راسها وقلت : لا رهف خلي راسك دوم مرفوع

يوم شفتها تناظرني شلت يدي وقلت : بكرا اذا جيتي بكلمك في موضوع

قالت : بخصوص وشو

قلت : بكرا اقول لك .. يللا مع السلامه

قالت : الله معك



.................................................. ...

____________________
شقة محمد .. الساعه : 3:00 مساءً
____________________

** الريـم **

كان محمد يرتب شنطته عشان بيسافر .. وانا كنت جالسه على السرير اشوفه والدمعه بعيونه

قلت له : الا وين بتسافر

قال وهو مشغول بترتيب الاغراض : مدري ماقالوا لنا

قلت : طيب كم يوم بتسافر

قال : مدري ماحددوا لنا

قلت : طيب ومن اللي بيسافر معك

قال : للحين مادريت

محمد مو راضي يجاوب على أي سؤال من اسألتي .. اول مره يسافر ويخليني عشان كذا كنت متضايقه

شوي وقال : يللا الريم البسي عبايتك وخذي اغراضك عشان بوديك بيت اهلك

وقفت وقلت : ليه توديني ؟

قال : لان بطول في السفر ومو حلوه اخليك في الشقه لحالك

قلت : مو تو تقول انهم ماحددوا لكم ؟

قال : ايه ماحددوا لنا بس انا ادري اني بطول

قلت : طيب باخذ معي شوية ملابس .. لان عندي ملابس واغراض في بيت اهلي

.
.
.

وصلنا لبيت اهلي .. لفيت وقلت له : محمد بشتاق لك

ابتسم وقال لي : خلي بالك من نفسك

قلت : من عيوني .. وانت بعد

هز راسه وقال : لا توصين

فتحت الباب ونزلت من السياره .. قفلت الباب وتحرك محمد وهو يناظر فيني

..............................................

___________________
بيت مشعل .. الساعه : 4:00 مساءً
___________________

** نجود **

كنت جالسه في الصاله مع ام مشعل ورغد كانت في بيت رهف .. جالسه اقرا كتاب وام مشعل تشوف التلفزيون

فتح نايف باب مجلس الرجال وطلع

جا لعندنا وناظرني وهو مبتسم وقال : كيف حالك نجود

قلت : تمام .. اول مره تشوفني ؟

قال : هاه .. لا

نزلت راسي قريت شوي في الكتاب .. بعدين رفعت راسي لقيت نايف يأشر لأم مشعل بيده مدري وش يقول .. يوم شافني اناظره وقف

قمت من مكاني ورحت المطبخ .. ولصقت اذني عند الباب ابي اعرف وش السالفه

سمعت نايف يقول لأم مشعل : اللي كانـوا بالمجلس زوج عمتي وفيصل

قالت ام مشعل : اهــا

قال نايف : جايين يخطبون نجود لفيصل

من سمعته يقول كذا .. حطيت يدي على فمي بعدم تصديق .. وابتسامتي كانت شاقه الوجه

الفرحه هذي مو بس لان فيصل خطبني لا .. ماخطبني الا لانه صدقنا انا والهنوف في الكلام اللي قلناه .. وهذا اهم شي

بس تضايقت يوم سمعت كلام ام مشعل .. قالت : بس نايف .. امم يعني ..ايه بس فيصل شوي هاه

قال نايف : كيف يعني شوي هااه

قالت : صحيح انه ولد عمتها .. بس نجود تستاهل واحد مستواه اعلى من فيصل .. يعني انا ما ابي نجود تاخذ واحد اقل منها مستوا .. ويمكن حتى لو نجود اخذت رايها .. مابتوافق

قال نايف : لا والله بتوافق .. ودام فيصل يبي نجود وشاريها .. بياخذها دام راسي يشم الهوا

رد نايف برد قلبي طلعت من المطبخ .. لاني ما ابي اسمع شي من بعد كلامه


..............................................

__________________
بيت ابو يوسف .. الساعه :6:30 مساءً
__________________

** رهـف **

كنت جالسه اسولف مع امي عن سالفة خطبة نجود .. لان ام مشعل من طلعت من بيتهم صارت دوم تتصل لنا وتكلم امي .. فقالت لها انها متضايقه شوي من سالفة هالخطبه وتبي راي امي و تقول ان نجود تستاهل واحد اعلى واكبر مستوى من فيصل

قلت لأمي :انتي وش قلتي لها

قالت امي : انا قلت لها ان القريب اولى من الغريب

قلت : ايه والله .. وترا فيصل يمه انسان محترم وخفيف دم وخلوق.. وبفرح مره ان تم هالموضوع على خير

قالت امي : بس فيصل أي واحد فيهم ما اعرفه .. اخو شجن

قلت : لا اخو الهنوف

قالت : اهاا ما اعرفه

قلت : بس ترا نجود موافقه

قالت امي : وش عرفك ؟

قلت : ادري عنها و احس فيصل انسب واحد لنجود

سمعت صوت يوسف وراي : أي فيصل

لفيت شفته يلعب بمفتاح السياره .. الظاهر بيطلع .. قلت : وش فيك خاش علينا عرض

قال : لا ابد .. بس الاسم غريب علي

قال كلامه هذا وطلع برا .. سمعت صوت التلفون

قمت ورديت عليه : الووو

قلت : انا بقوم بشوف رغد

قالت امي : هي وينها

قت : تلعب بلاي ستيشن فوق مع سعد

قالت امي : سعد يحبها مره مايسولف الا عنها

قلت : ايه امس شاف بنت اجنبيه في mbc4 على طول قال تشبه رغد مثلها حلوه ههههههههههه

قمت عن امي وركبت فوق

دخلت غرفة سعد

لفت علي رغد وقالت : فزت علــيــه .. تعالي شوفي

قلت : والله .. غريبه فزتي عليه هذا محد يغلبه

قال سعد : لا رغد تعرف تلعب مو مثلك

قلت : هات وبوريك من اللي يفوز عليكم انتوا الاثنين

............................................



__________________
السياره .. الساعه : 9:00 مساءً
__________________

** نجود **

انا في السياره مع نايف .. كان عازمني على العشا .. والحين تعشينا وخلصنا .. ورايحين ناخذ رغد من بيت رهف

قال لي نايف : جودي بقولك عن شي

قلت : هلا قول

قال بجديه : فيصل ولد عمتي

من قال اسم فيصل مدري ليه خفت وقلبي دق

كمل كلامه وقال : طلب يدك اليوم .. وش رايك

قلت : رايي في وشو

قال : بختصار موافقه عليه اولا

كنت مستحيه واحس وجهي يعورني من الحيا .. قلت : انا مدري

قال : لازم تدرين عشان ارد عليه

قلت بتوتر : الراي رايك انت اخوي الكبير

ناظرت في وجهه وهو يسوق

ابتسم وقال : مابتلقين احسن من فيصل

وقف السياره عند بيت رهف .. فتحت الباب وقلت : بنزل اسلم عليها ماراح اطول

قال : لا عادي خذي راحتك .. انا انتظركم في السياره

طلعت .. ورحت طقيت الباب

سمعت احد يقول : من عند الباب

قلت بصوت عالي : انــا نجــود ابي رهــف

فتحولي الباب .. دخلت وقلت : السـلاام علـ ....

ماكملت كلامي لان احد سحب يدي

نظرت في اللي سحب يدي .. كان يـوسف ومعصب مره

مت من الخوف قلت وانا ارتجف : يوسف ارتـــ..

حط يده على فمي .. ومسك يديني الثنتين وسحبني بقوه .. وانا كنت احاول افك يديني واصرخ ماقدرت .. حتى الشيله اللي على راسي طاحت وتناثر شعري .. جلست ابكي بس يوسف مايحس ومستحيل يحس .. شد شعري بقوه وهو يمشي فيني .. ياربي مدري وين بياخذني اكيد الليله نهايتي على يد يوسف

^*^
/
\
/
\
/
\
/
\
/
^*^

**** نهاية الجزء التاسع والعشرون ****

...:::][ الجزء الثلاثون ][:::...
™¤§°§¤ الأخير ¤§°§¤™
الفصل الأول

_________________
بيت ابو يوسف .. الساعه : 9 مساءً
__________________

** يوسف **

كنت اسحبها لورا بيتنا .. وانا ماسك ايدينها الثنتين بيد .. واليد الثانيه حاطها على فمها .. وانا امشي فيها بسرعه .. ارخيت يدي اللي على فمها شوي كنت بعدلها .. فستغلت هي الفرصه وكانت تبي تصرخ .. رجعت قفلت فمها بقوه وانا معصب .. وربي كنت بمد يدي عليها وبصفعها كف .. بس مسكت نفسي .. وصلت لورا البيت ورميتها بقوه على الجدار

وصرخت عليها : مـــــــن فــــــيــــــصـــــل هــــــاهـ

كانت خايفه مره هزت راسها وقالت : أأ أأ .. مـــا اعرفه

قلت لها : كذابــــه

قالت وهي تبكي من الخوف .. بس تسوي انها مو خايفه : ايه كذابه ومابقول لك

فتحت عيوني .. مستغرب منها .. بنت في موقفها هذا مفروض ماتتكلم لي ولا كلمه .. مو الا ترد علي بهذي الطريقه

قربت منها .. ومسكت شعرها : غصب عنك بتقولين .. لا وربي ذبحتك ودفنتك هنا

قالت بصوت متكسر : اتـ ... تـ ـ ـ .. اترك شعري

شديته اكثر وقلت : مو تاركه .. يللا تكلمي

قالت وهي تحاول تبعد عني : ولد عمتي

قلت : ياسلام .. وليه يبي يخطبك ؟ يحبك !!

قالت على طول : لالا مايحبني

حاولت تهرب بس انا مسكتها بقوه وهزيتها : قولي يحبك .. او لا ؟

انا مقهور .. وبنفجر من العصبيه .. وهي بسكوتها هذا تزيد عصبيتي .. والله ان ماردت علي الحين بطقها طق عمرها ماشافته في حياتها .. ومو تاركها الى ان تتكلم

عطيتها نظره .. وانا ضاغط بأسناني على شفايفي

قالت بسرعه : مدري

قلت لها : بتوافقين ؟

قالت وهي ترتجف وطبعاً ما وقفت بكي : ان قلت لا بتقول لي كذابه وان قلت ايه بتذبحني

قلت وانا ماسك نفسي : لا مابذبحك يللا قولي .. ولا تختبرين صبري يانجود لانك بتندمين

هزت راسها بأيه

قلت لها وانا اخفض صوتي عشان محد يسمع : اسمعيني زيـن .. انتي ارفضيه وانا بتقدم لك على طول

بلعت ريقها وقالت : بس انا ما ابيك

قلت وانا اناظر عيونها بتركيز : انا مو جالس اخذ رايك .. وان وافقتي على فيصل والله لأوريكم انتي وفيصل نجوم الليل بعز الظهر

ناظرتها من فوق لتحت .. ودفيتها عني بقوه ومشيت

.................................................. ....

** نجود **

كنت مسنده نفسي على الجدار وحاطه يدي على قلبي واتنفس بقوه .. تحسست جسمي وانا منقرفه .. مسكت يوسف لي سببت لي اشمأزاز .. ياربي مو مصدقه شي من اللي صار .. معقوله يوسف مجنون لهذي الدرجه .. ما خاف احد يشوفه .. لا انسان مثل يوسف .. بايع الدنيا ومو فارقه معه .. مستحيل اتخيل حياتي معاه

تذكرت نايف اللي ينتظرني بره .. مشيت بسرعه له .. يمكن يوسف يرجع في أي لحظه .. رجعت لعند الباب بعد ماحطيت على راسي الشيله وتغطيت

سمعت صوت رغد وراي تقول : خالتي نجود

لفيت وقلت لها وانا للحين خايفه : من اللي ناداك

قالت لي : يوسف ’’ وبصوت خفيف ’’ المجرم

لا تكون رغد شافت وش سوى يوسف قبل شوي

سألتها وانا عاقده حواجبي : ليه تقولين عن يوسف مجرم ؟

هزت كتوفها وقالت بملل : اممم احسه مجرم
ايه هو مجرم من قال غير كذا ؟ .. قلت : وانا بعد نفس احساسك

مسكت يدها وطلعنا برا .. ركبنا السياره ونايف حرك على طول .. اكيد ماراح يسالني ليه تاخرتي .. لانه يحسبني كنت اسلم على رهف

انا خايفه مره ان يوسف يضر فيصل .. هذا مجنون ويسوي أي شي

.................................................. .[/color]


___________________
بيت العمه .. الساعه : 9:30 مساءً
___________________

** حنان **

كنت جالسه في الصاله ومتضايقه مره من نفسي ومن نايف .. مو مصدقه اني انا حنان بجمالي وبذكائي ماقدرت اطيح نايف .. ورهف الخبله خلته يحبها .. اصلاً ما اتوقع هو يحبها .. قال لي كذا عشان يقهرني .. بس ليه يقهرني دام انه مايحبني .. معقوله يحبني بس يكابر ؟

قمت من مكاني ومسكت سماعة التلفون .. ودقيت على بيت خالي

ردت الشغاله : هالووو

قلت : هالوو اللي ياخذك .. نايف موجود ؟

قالت : لحظه مدام

بعد 10 دقايق جاتني وقالت : يقول نايم

قلت : وش يقول نايم ؟ هو نايم اولا

قالت : نايم

قلت : اجل ليه تقولين يقول نايم .. قصدك انتي شفتيه نايم

قالت : ايه مدام

قلت : اوووه يللا انقلعي يا الخايسه

قفلت السماعه في وجهها وانا معصبه .. ماتعرف تتكلم هالشغاله .. خبله قسم بالله

قمت من مكاني ورحت الغرفه .. اول ماجلست على كرسي الكمبيوتر .. سمعت صوت نغمة المسج .. ناظرت بجنب شاشة الكمبيوتر لقيت جوال الهنوف

لحول هنوفوه ماعندها الا هالمسجات .. ابي اعرف من هذي اللي طول الوقت تكتب لها مسجات

مسكت جوالها وفتحت المسج

كان المسج


^*^
/
\
/
\
/
^*^

هلا حبيبتي هنوفه

سوري حياتي ما ردتيت عليك قبل شوي

لاني كنت جالس مع اخوي

احبك


^*^
/
\
/
\
/
^*^

من هذي اللي تكتب لهنوفوه حبيبتي وحياتي واحبك .. شي غريب

ليكون هنوفوه تكلم واحد ؟؟ لالا ما اتوقع الخبله هنوفوه ماتسويها

كتبت لنفس الشخص مسج

^*^
/
\
/
\
/
^*^

مالت عليك وعلى اخوك فوقك

وانا ما احبك واكرهك

^*^
/
\
/
\
/
^*^

جاني مسج بسرعه

^*^
/
\
/
\
/
^*^

ههههههههههههههههههههه

افاا ماتصدقين فارس

قسم بالله اني كنت مع اخوي

معقوله انا اطنشك يا بعد عمري

^*^
/
\
/
\
/
^*^

رفعت حاجب وانا ابتسم بسخريه .. ياما تحت السواهي دواهي

هنوفوه اللي القطو ياكل عشاها تطلع منها هالسوالف

اشوا مسكت عليها شي .. لاني ادري عنها حاقده علي و منى حياتها انها تمسك علي شي وتعلم علي

بس سبقتك يا الهنوف

اخذت الجوال وحطيته بالدولاب .. شوي وجات الهنوف تناظر هنا وهناك

شوي وقلت لها بملل وانا اسوي ان الوضع عادي : اممم وش تدورين ؟

قالت : حنان ماشفتي جوالي

قلت : لا ماشفته

بعد مادورت عليه ومالقته طلعت من الغرفه

بــــرا .. الله ياخذك على سواياك وسواد وجهك

............................................

_________________
بيت مشعل .. الساعه : 2:00 مساءً
_________________

** رهـف **

انا جالسه مع نجود ورغد بالصاله ماصار لي ربع ساعه من وصلت .. طبعاً انا ونجود سالفه ورا سالفه .. لان من زمان ماشفنا بعض

قلت لها : صح وش صار عليك انتي وفيصل

نزلت راسها وقالت : مدري متردده

قلت لها : متردده في وشو

قالت : كنت موافقه .. بس شكلي بغير رايي .. مو مستعده للزواج انا

قـــهــــرتــــــني مره على هالرد .. فيصل رجال مايتعوض .. قلت لها بعصبيه : بس فيصل مايتفوت والله احسه رجال بمعنى الكلمه

قالت وواضح انها تغير الموضوع : بروح بشوف وش الغدا .. تدرين تدرين تدرين اني مدري .. بس اكيد خالتي ام مشعل سوت طبخه انتي تحبينها .. لانها تدري انك تدرين .. و هههه بروح اشوف

رفعت حاجب وقلت بهدوء : وش تخربطين انتي ؟

ابتسمت وقالت : ولا شي

هزيت راسي .. وش فيها نجود خرفت

سمعت صوت احد يفتح باب الصاله .. لفيت وشفت نايف داخل ويبتسم في وجهي

ابتسمت له وسلم علي ورديت السلام

قال : رهوفه كيف حالك

قلت : الحمد الله على كل حال .. وانت ؟

قال : انا بخير .. بشوفتك

قالت رغد : عمي نايف .. باقي ساعه ونبدا في الدرس

قلت مستغربه : نايف يذاكر لك ؟

ضحك وقال : اما عاد انا اذاكر لرغد ههههههه عشان ترسب

قلت : اجل

قالت رغد : يعلمني الرسم .. واول رسمه برسمها لك ولبابا الله يرحمه

قال نايف : الله يرحمه .. يللا حبيبتي روحي جهزي الألوان

قالت رغد : ان شاء الله

يوم شفتها قامت وصرنا لحالنا .. قلت : نايف

قال : لبيه

قلت : لبيت في منى ان شاء الله .. بس وش الموضوع اللي تبيني فيه

قال والظاهر انه مايبي يتكلم في الموضوع الحين : امممم بعدين اقول لك .. يللا بروح ابدل ملابسي

.
.
.

بعد ماتغدينا .. طلعت برا اتمشا مع نجود

وحنا نتمشى قالت لي : الا تعالي

قلت : هلا

قالت : أأ أخوك يوسف يدرس ؟

قلت : لا

قالت : يشتغل يعني ؟

احرجني سؤالها لان يوسف لا يدرس ولا يشتغل .. شوي وقلت : هو اكيد يبي يشتغل بس في هالزمن وين الواحد يحصل وظيفه .. الوظيفه ماتجي الا بطلعة الروح

سكتت شوي بعدين قالت : ههههه ايه وانتي الصادقه

قلت : بس ليه تسألين ؟

قالت : هـاه .. لا بس كاني سمعت نايف يقول واحد يشتغل عندهم في الشركه اسمه يوسف .. حسبته اخوك

قلت : اهـا لا مو يوسف اخوي

وقفت عن المشي يوم شفت نايف ورغد جالسين يرسمون

قلت لنجود : وش رايك نروح نجلس معهم

هزت راسها ورحنا لهم

قلت بأبتسامه : وش ترسمون

قال نايف : ورده هههههههه تعرفين في دروسنا الاولى

قالت نجود : هاتي رغوده فرشاة الرسم بكمل الرسمه عنك

قالت رغد وهي نافخه خدودها : ما ابي

قالت نجود بجديه : هاتيها

قالت رغد : اذا صدتيني

وراحت تركض ونجود تركض وراها وتصارخ : بصيدك يــــــا الدبــــــه

وانا ونايف نضحك

وانا اضحك تذكرت موضوع نايف .. وقفت ضحك وقلت له : ما راح تقول لي وش الموضوع ؟

حك نايف راسه وقال بصوت خفيف : الموضوع .. ايه صح الموضوع

ولف يناظر في لوح الرسم بتفكير مدري حسيته منحرج .. لانه حاس الرسمه بالالوان .. ماخلا لون بنفسجي ولا برتقالي ولا ازرق الا حطه في ذيك اللوحه وهو يفكر .. وانا انتظر

بعدين قال : اسمعيني يارهف .. انتي الحين رجعتي بيت اهلك .. وتحتاجين من يستر علـ..

قاطعته وقلت : وبعد هالكلام كله

لف يناظرني وقال : رهف ابوك مابيضل لك .. الله يطول بعمره .. واخوك محمد متزوج ويوسف بعد مصيره بيتزوج وماعندك اولاد

قلت : وش قصدك

قال بسرعه : قصدي ابي ابي

قلت : تبي ؟؟

قال : ابي اتزوجك عشان اكون لك سند وظهر

دق قلبي بقوه يوم جاب نايف سيرة الزواج .. الا هالشي ماتوقعته انصدمت مره من الكلام اللي قاله نايف .. حتى اني سكت وجلست اناظر فيه بغرابه وبعدم تصديق ياليته ماقال لي

قلت : من جدك نايف

قال : ايه من جدي .. وش فيها ؟

ناظرت الارض وهزيت راسي وقلت : مستحيل هالشي يصير مستحيل

قال بصوت شوي عالي : ليه مستحيل مو عشاني .. عشان رغد .. انا بصير ابوها وانتي امها

قلت : نايف انسى .. وهالموضوع وربي ماراح اتكلم فيه مره ثانيه

قال : حرام عليك .. انا ......

خفت يقول لي انا احبك .. فقلت بسرعه : نايف انا حلفت اني مابتكلم في هالموضوع

سمعت صوت ضحكات نجود ورغد وهم راجعين من باب الصاله يركضون

ناظرت في وجه نايف اللي تغير من العبوس الى الابتسامه العريضه وهو يقول بصوت عالي مره : من اللي فاز

رفعت نجود يدها وهي تتنفس بصعوبه وقالت : انا طبعاً ههههههههههههه


.........................................
..

__________________
بيت العمه .. الساعه :3:00 مساءً
__________________

** الهنوف**

رجعت من الجامعه متأخر اليوم .. لان علينا محاضرات كثير وتعبت مره

اول مادخلت الصاله شفت امي جالسه على الكنبه واختي حنان واقفه بجنبها

قلت : السلام عليكم

قالت امي : لا سلم الله فيك ولا عظمه

قالت اختي حنان وهي ترفع يدها : آآمين

قلت : وش صاير

مدت امي جوالي في وجهي وقالت : مو هذا جوالك

من طاحت عيوني على جوالي بيدها .. قلبي دق بقوه من الخوف

قالت حنان بصراخ : ردي يا الداشره

قلت : أأيـ ـ ـه

قالت امي : حسبي الله عليك .. الله لا يبارك فيك ولا يوفقك لا دنيا ولا اخره

قالت حنان : سودتي وجهنا الله يسود وجهك .. مافكرتي في فيصل مافكرتي فيني انا اختك .. قسم بالله انك انانيه .. تكلمين شباب يللي ماتستحين

قلت بأنفعال : وربي ما اكلمه

وقفت امي وقالت : الجوال خلاص انسي موضوعه و .... " بعصبيه زايده " انقلعي عن وجهي خلاص مو متحمله اشوفك

كنت واقفه مكاني ماتحركت .. كل الدم اللي في جسمي نشف من الخوف

ومالي عين اقول لأمي هاتي الجوال او شي .. كنت خايفه ومنحرجه .. ما توقعت هالشي يصير.. من راحت امي على طول طاحت دموعي

قالت حنان : تسوين سواتك وتبكين بعد .. صدق خبله .. بروح اخبر عليك فيصل وابوي

مسكتها بسرعه وقلت لها برجاء : لا حنان الله يخليك .. الا فيصل

سحبت يدها وقالت : لا بقول .. اتركي يدي

قلت : تكفين حنان

قالت : طيب انا بسوي معك اتفاق .. انا بسكت وما بعلم فيصل وابوي .. وانتي ان خطبك نايف ترفضين على طول فاهمه

انا ويــــــــــــــــــــــــــــــــــــن وهــــي ويــــــــــــــــــــــــــــــــــــــــن

قلت : ومن قال لك ان نايف بيخطبني

قالت : مو بعيده دام ام مشعل حاطتك في بالها .. وفيصل مستحيل يرفض لنايف طلب .. وابوي مابيصدق على الله نايف يخطب وحده من بناته بيوافقون على طول .. بس اذا انتي رفضتي ونايف عرف انك رافضته .. مستحيل ياخذك .. لان نايف عنده عزة نفس وكرامه

قلت : خلاص اللي تبينه بيصر

طبعاً انا قلت كلامي هذا اسايرها بس والا انا عارفه ان نايف ماراح يخطبني
وماصدقت على الله تسوي معي اتفاق .. لاني لو وش ماكان اتفاقها بوافق عليه .. كله ولا تقول لفيصل وابوي

مشت عني حنان وهي تغني : والله وتحقق منايا شوفوا حبيبي معايا .....

ركبت غرفتي وجلست على السرير ابكي .. الحين اكيد فارس كاتب لي مسجات كثير .. خايف علي .. مستحيل اقطع علاقتي بفارس .. انا احبه وهو يحبني .. ليه يفرقونا

................................................

___________________
المطعم .. الساعه 3:30 مساءًَ
___________________

** فارس **

..: انت يــــا الغبي ماتشوف .. عقلك وين وانت تمشي .. ناظر قدامك يا الثور

..: اسف يا الاخو ماشفتك

رديت عليه : امشي عني مو ناقصك انا

يوم مشى عني الرجال .. جلست افكر في اللي صار .. وش فيني صاير اتنرفز بسرعه
واقل شي يعصبني .. الحين عشان الرجال دف كتفي بالغلط .. سويت له سالفه وجلست اصارخ

بس وربي الهنوف معصبتني .. زعلانه وماتكلمني عشان اني كنت جالس مع اخوي ومارديت على المسج حقها .. وانا مو اول مره اسويها واتأخر شوي بالرد على مسجاتها .. والحين كتبت لها مسجات كثير ماردت على ولا واحد فيهم .. والله ياالهنوف انا احبك واموت فيك .. ومستحيل اطنشك .. بس انتي متعبتني بزعلك هذا

بس تدرون .. يمكن فيها شي ؟ مريضه او تعبانه .. لا صح .. هي ردت علي بمسج

طلعت جوالي من جيبي .. وفتحت المسج مره ثانيه

^*^
/
\
/
\
/
^*^

مالت عليك وعلى اخوك فوقك

وانا ما احبك واكرهك

^*^
/
\
/
\
/
^*^

ردها يدل على انها زعلانه ومعصبه علي .. جد انا كنت غلطان .. حتى لو كان اخوي معي مفروض ارد عليها .. لو بكلمه وحده

نزلت راسي ادخل الجوال بجيبي واكمل مشي .. وانا امشي حسيت اني دفيت شي

رفعت راسي شفت بنت في وجهي

صرخت علي بصوت عالي : اوووف اعوذ بالله من شباب هالعالم يمشون ويدفون في البنات يسوون حالهم مايدرون .. حركاتك قديمه يا قليل الادب
يوم صدمت في البنت .. غمضت عيوني و ابتسمت تذكرت اول موقف صار لي مع الهنوف .. تذكرون يوم ارجع على ورا بالسياره واصدم فيها .. يـــــاربي انا كنت نذل .. قلت لها كلام جارح
بس هالشي اللي صار .. خلى علاقة حب حلوه تصير بيننا .. يالله لا تفرقنــا
فتحت عيوني وانا اتنهد بصوت عالي

سمعت صوت البنت تقول : الحمد الله والشكر

وكملت مشي وانا اناظر فيها مستغرب .. استوعبت اللي صار .. ياربي احـــــــراج .. اكيد الرجال اللي قبل شوي دعى علي اطيح بنفس الموقف
___________________
بيت مشعل .. الساعه : 7:00 صباحاً
___________________



** نجود **

نزلت مع الدرج بسرعه عشان ما اتأخر على نايف .. انبسطت يوم ماشفته بالصاله .. يعني انا مو متأخره ..

جلست على الكنب انتظره .. سمعت صوت التلفون .. فزيت بسرعه .. اكيد هذا يوسف .. لالا مو يوسف .. يا الله هاليوسف مسبب لي رعب في حياتي .. يارب يارب يارب تبعده عن طريقي .. انا وش سويت بدنيتي عشان الله يبليني بواحد مثل هاليوسف

جات الشغاله .. وردت على التلفون ..: نجود لحظه

اشرت لي .. قلت لها بصوت خفيف : نايمه انا

رجعت لسماعة التلفون وقالت : نايمه

اشرت لي وقالت : سمع كلامك

اشرت لها على نفسي بدون صوت

قالت الشغاله : ايه انتي

وش هالغباء حتى لو ماسمع بيسمعها الحين

اخذت سماعة التلفون واشرت لها عشان تروح

وقلت : الــــو

سمعت صوت يوسف الرايق يقول برومانسيه : صباح الورد

لاحول ولا قوة الا بالله .. قفلت في وجهه على طول

رجع يدق ويدق .. خفت منه بصراحه .. فرفعت السماعه

و قلت برجاء : يوسف الله يخليك .. خلاص خليني في حالي

قال : انا مو يوسف

بلعت ريقي وانا خايفه .. من هذا ؟

سمعت ضحكت يوسف ترن في اذني وقال : بسرعه تصدقين .. وبسرعه تخافين
يللا ما اطول عليك .. بس حبيت اسألك رفضتي فيصل والا للحين

قلت وانا ودي اسبه من هنا لسنه قدام : لا للحين

قال : مو مشكله قلبي .. بس لا تطولين لاني انتظرك .. واعرفي ان انا احبك وربي .. مع السلامه

قفلت بسرعه .. وانا اراقب نايف وهو ينزل الدرج

اول ما نزل نايف قال لي : صباح الخير

قلت : صباح النور

قال : يللا عشان اوديك

قلت : نايف اذا مسألة انك توديني وتجيبني من شغلي تتعبك او تضايقك .. عادي بخلي السواق يوديني مثل اول

قال نايف : الحين انا قلت انك تتعبيني وتضايقيني بالعكس انا بسوي اللي يريحك .. مع اني مستغرب من شي .. فجأه كذا قلتي ما ابي السواق يوديني وتبيني انا .. قوليلي السواق عليه حركات او شي ؟

قلت : لالا السواق زين .. بس انا ما ابيه

قال : على طاري ابيه وما ابيه .. عطيني رايك النهائي موافقه على فيصل اولا

نزلت راسي وانا افكر .. ان وافقت ماراح تكون حياتي سعيده مع فيصل .. يوسف بكل بساطه يقدر يخربها .. وان ما وافقت بندم طول عمري لاني احب فيصل

قال نايف : جودي .. انا ماراح اضغط عليك .. بس الرجال يبي رايك طيب

هزيت راسي وقلت : يللا مشينا

ابتسم وقال : يللا

.
.
.

وانا في السياره فكرت كثير بالموضوع
قررت اخاطر واجازف .. لأول مره

قراري هذا صعب اكيد .. وراح يخليني افقد
شي مهم في حياتي
والله يعينك يافيصل و يعينني انا معك
و والله يسامحك يايوسف .. الله يسامحك

.................................................. .......

___________________
بيت العمه .. الساعه 7:30 صباحاً
___________________

** الهنـوف **

لازم اشوف طريقه اطمن فيها فارس علي واطمن قلبي عليه .. مو متعوده يمر يومين بدون ما اكتب له شي .. وش اسوي ياربي .. الريـــم .. لا انا صحيح قليل ان شفت الريم في الجامعه .. بس معقوله اروح اقول لها قولي لفارس انا بخير .. يعني مافيه ولا طريقه

أيـــــــــــــــه لقيتها .. بكتب له مسج من جوال حنانوه وبعدين امسحه .. انا كيف ماجاتني هالفكره من زمان

بس كيف اخذه ؟؟

عادي اكيد الحين هي نايمه باخذه دقيقتين بكتب المسج وبرجعه .. ان شاء الله ماتحس

رحت لعند غرفتها وفتحت الباب بشويش .. مشيت على اطراف اصابعي .. وصلت لعند سريرها.. مديت يدي تحت المخده ادور الجوال .. الى ان مسكته .. سحبته شوي شوي .. وطلعت من الغرفه مثل مادخلتها

بسرعه كتبت لفارس مسج

^*^
/
\
/
\
/
^*^

هلا فارس حبيبي

اخبارك ؟ ان شاء الله بخير

المهم انا الهنوف وهذا جوال اختي حنان

لان شافوا مسجاتك وصارت لي مشكله في البيت واخذوا جوالي

وتراني الحين بخير لا تخاف علي ولا ترد على المسج

احبك

^*^
/
\
/
\
/
^*^

ارسلته وحذفت الرساله .. دخلت الغرفه ورجعت الجوال مكانه وطلعت .. الحمد الله ماحست لي ولا كان رحت فيها


.................................................. .........



_____________________
بيت العمه .. الساعه : 8:00 صباحاً
_____________________

** فيصل **

طلعت من البيت وركبت السياره .. شغلتها ومشيت .. ناظرت في الساعه
تأخرت كثير الساعه 8 .. اجل متى بوصل الشركه

والله نجود سهرتني ماخلتني انام .. ودي اعرف بس ليـــــه التأخير
مو كانت مفروض من البدايه تقول موافقه .. ونملك وينتهي الموضوع ؟

كذا انا ماراح ارتاح .. مدري هو تغلي منها والا ثقل

بس هالبنت بالذات محد راح ياخذها غير
لسببين .. الاول لاني احبها ..والثاني لانها تحبني

فجأه السيــــاره اللي بجنبي وقفت .. وانا كنت مسرع .. حاولت اوقفها بس ماقدرت
بحركه عفويه حطيت ايديني على اذني .. وطلع صوت قوي .. ناتج عن صدم سيارتي لسيارته

فتحت باب السياره .. ونزلت اشوف وش صار في سيارتي من قدام

لقيت الرجال اللي كان بالسياره الاولى وراي .. قال لي : آسف والله آسف يا الاخو .. بس سيارتي وقفت و ...

اشرت له وانا مبتسم : مو مشكله اخوي حصل خير .. عسى ماشر وش فيها سيارتك ؟

قال : يبي لها دف

قلت له : يللا بدفها معك

_____________________
بيت الريم .. الساعه : 3:00 مساءً
____________________

** الريم **


صحيت من النوم من زمان .. بس ماطلعت من الغرفه .. احس بأكتآب وبفراغ كبير من بعد سفر محمد .. افتقده مره وكل شي فيني يفتقده .. المشكله مادق علي ولا سأل عني .. وجواله دوم مقفل اكتب له مسجات بس مدري اذا يشوفها اولا .. اكيد مشغول مره .. بس وحشني موت موت موت .. ودي اكلمه لو دقيقه .. او حتى ثانيه .. بس ابي اعرف هو بخير او لا ياكل زين ينام مرتاح كيف عايش .. اكيد يفتقدني كثير مثل ما انا افتقده .. تتوقعون يفكر فيني بهاللحظه ؟

قطعت تفكيري ساره اللي فتحت باب غرفتي بقوه

لفيت عليها وقلت : بسم الله الرحمن الرحيم

قالت بخوف : ريوم انا جالسه في الصاله اشوف .. يووه وش كنت اشوف .. وش اسمها هذي .. نسيت .. ايه تذكرت .. mbc3 وفجأه دخلت امي الصاله .. وكانت عيونها حمرا .. وشكلها مره زعلانه .. وطبعاً كانت تبكي .. رحت سألتها : وش فيك ..........

ماسمعت باقي كلامها قمت من سريري ونزلت بسرعه تحت .. شفت امي في الصاله جالسه على الارض وتبكي .. رحت لعندها وحضنتها وانا خايفه مره

قلت لها : يمه وش فيك

بس هي ماردت علي وكانت تبكي بقوه .. قلت : قوليلي وش فيك


قالت بصوت متقطع من البكي : ريــوم بــــــــنــــــتـــــــي مـــحـــــمــــــد طلـــلـــقـــك

^*^
/
\
/
\
/
\
/
\
/
^*^

***** نهاية الفصل الاول من الجزء الاخير ******

...:::][ الجزء الثلاثون ][:::...

™¤§°§¤ الأخير ¤§°§¤™

الفصل الثاني
_____________________
بيت ابو يوسف .. الساعه : 4:00 مساءً
____________________

** رهـف **

كنت جالسه مع سعد في الصاله اذاكر له .. فاضيه وماعندي شي .. رجعتي لبيت اهلي خلتني اذاكر لسعد .. واتعلم الطبخ .. واغسل ملابسي بنفسي واغسل ملابس غيري بعد .. واسعاد امي كثير في شغل البيت وو .... كثير اشياء

وانا اذاكر له .. مسك الكتاب وقال لي : عادي اجيب المقص واقص صورة النمر

قلت له : لا طبعاً .. تبي الاستاذ يفشلك قدام الطلاب

قال : صوره وحده ما تأثر

قلت له بنضرات حاده : سعد

قال بزعل : خلاص خلاص

سمعت صوت التلفون يرن .. على طول رد سعد وقال : وعليكم السلام .. رهف ؟ .. لحظه

مد لي السماعه وقال : ام فارس تبيك

اخذت السماعه وقلت : هلا ام فارس

قالت بصوت مبحوح : اهلين بنتي .. تعالي البيت الحين الريم تعبانه وتبيك

استغربت من عجلة ام فارس في الكلام .. ما سألت عن اخباري وما سألت عن شي اكيد الريم فيها شي قوي .. ياربي عورني قلبي .. الله يستر

قلت بخوف : الحين بلبس عبايتي وجايتكم .. مع السلامه

قفلت ورحت لبست عبايتي ورجعت

قال سعد وهو مره مبسوط : هيــــه اليوم مافيه مذاكره هيـــه .. ونـــــــاســــه

قلت بعصبيه : سعد تعال وصلني لبيت الريم .. وارجع اقرا الدرس وراجعه بعدين اسمع لك

قام بسرعه عشان يوصلني .. وطلعنا من البيت دقيقتين الا وحنا واصلين

طقيت الباب بقوه من خوفي على الريم

فتحت الباب امها .. على طول قلت لها : وين الريم

قالت : في غرفتها

رحت اركض قبل امها .. لاني ادل كل مكان بهالبيت

يوم وصلت غرفة الريم .. فتحت الباب وتفاجأت من المنظر اللي شفته .. ريوم جالسه على السرير وتبكي بصوت عالي .. وشعرها متناثر بطريقه غريبه كان احد طاقها او شي
تقطع قلبي من منظرها

رحت لعندها بسرعه وضميتها بقوه

كنت ابي ابعدها عني عشان اعرف اتكلم معها .. بس هي ماخلتني .. فقلت لها وانا ضامتها : ريوم حبيبتي وش فيك ؟

ماردت علي كانت بس تبكي .. وش فيها بالضبط ؟ ؟ ؟ ؟ ؟

مسحت على شعرها وقلت لها : ريمي قلبي قوليلي وش فيك .. لا تبكين

بعدت عني وكانت عيونها حمرا من البكي قالت بصعوبه : مـ ـ ـ حــ ـ مـ ــــد " وسالت الدموع بمجرد ماغمضت عيونها بألم "

من قالت محمد قلبي بدا يدق .. ياربي وش فيه اخوي .. ان شاء الله مافيه الا الخير .. أي خير وانا اشوف الريم بهذي الحاله .. مسكتها وهزيتها بقوه : وش فيه محمد

قالت ودموعها ماوقفت : طلقني

حطيت يدي على فمي وفتحت عيوني مصدومه .. وقلت على طول : الريم محمد مستحيل يطلقك .. انا ما اصدق اللي تقولينه .. اكيد انتي تعبانه وفيك شي وجالسه تقولين كلام مو حاسه فيه

من شفت امها داخله الغرفه والدموع تملى عيونها .. وقفت وقلت لها : صحيح انـ محمد

هزت راسها بأيه

محمد .. أي محمد ؟ محمد اخوي ؟؟ اخوي انا .. ليه محمد يطلق الريم .. هو يحبها .. وانا اشهد على هالحب .. اذا محمد " اخــــــــــــــــوي " طلق الريم اجل يحق لي اصرخ واقول الدنيا مافيه خـــــيـــــر

جلست وضميت الريم مره ثانيه .. بس ضميتها بقوه هالمره .. ضميتها وانا اعرف وش اللي فيه .. ضميتها وانا حاسه بكل المها .. ضميتها وانا اسمع صرخة اوجاعها في اعماقها .. وبكيت بصمت .. ما اعرف اوصف لكم كيف قلبي يعورني على حال اختي اللي ما جابتها امي

سمعتها تقول بهمس : بس محمد يحبني

لا محمد اناني وحقيرما يحب احد .. لو كان يحبك ماطلقك مهما كانت الأسباب

كملت كلامها بصوت متكسر : هو طلقني لانه يبي عيال .. ومافيه رجال ما يبي يصير ابو ويصير عنده عيال .. صح .. مسكين محمد فارقني بدون ما احقق له آمنيته انه يصير ابو

مديت يدي ومسحت دموع الريم .. محمد مايستاهل تبكين عليه

مسكت يدي وبعدتها عن وجهها وقالت : انا كنت بوافق انه يتزوج علي .. والله العظيم كنت بوافق بس انه يطلقني ....



وجلست تبكي من كل قلبها .. يوم شفتها تبكي كذا .. تذكرت مشعل

فجلست ابكي معها .. ابكي على حالي وحال صديقتي .. تزوجنا في نفس الفتره وردينا بيت اهلنا في نفس الفتره

.
.
.

في هذاك اليوم نمت في بيت الريم .. وكل ما اصحى القى الريم تبكي انام مره ثانيه وارجع اصحى الاقيها تبكي .. حاولت اهديها واهون عليها بس ماقدرت .. الريم تحب محمد من كل قلبها بس للأسف محمد مايستاهل هاالحب

.................................................. ...



_____________________
بيت مشعل .. الساعه : 9:00 مساءً
____________________

** نجود **

اليوم ملكتي انا وفيصل .. اكيد انتوا مبسوطين الحين .. بس انا لا لسببين .. السبب الاول ان رهف ماراح تكون معي في هذا اليوم لان صديقتها الريم مو من زمان تطلقت .. ويوم كلمتها عشان تجي اليوم قالت : ما اقدر افرح معك وصديقتي للحين مجروحه وتعاني

عذرتها لان الريم اكثر من الاخت لها .. حتى انا تأثرت بطلاقها لانها طيبه وماتستاهل
بس يللا هذي الدنيا .. يوم لك ويوم عليك

والسبب الثاني .. اني خايفه .. خايفه مره من موافقتي .. يوسف مسبب لي رعب مو طبيعي
وحتى لو مابخاف على نفسي .. بخاف على فيصل .. احبه وما ابي يصير له أي شي يضره
وبموافقتي على فيصل بفقد اهم شي في حياتي .. " الآمان " ما ابي اعيش طول عمري الباقي
وظل يوسف يلاحقني

الحين ما اقدر اتراجع .. ان تراجعت عن الملكه في هاليوم .. بكسر قلب فيصل اللي مايستاهل

كان الفستان اللي راح البسه
احمر وابيض ناعم مره .. وشعري مجعدته وجايبته على كتفي
و الحين انا جالسه على كرسي التسريحه .. والكوافيره تسويلي اظافري

فتح الباب نايف وقال : جودي ماخلصتي .. يللا لا تتاخرين علينا

وقفت وقلت له : الا خلصت

قال بأ بتسامه : الله الله اختي مره تهبل

دخلت خالتي ام مشعل وهي تزغرت وترمي علي ورد .. وانا اضحك

قالت : يللا ياعروستنا انزلي

نزلوني تحت ولبست عبايتي .. ودخلت المجلس مع نايف

................................................

** فيصل **

كانوا برا
بسألونها اذا موافقه اولا نايف قال لي دقيقه تقول للشيخ موافقه وتوقع .. بس الدقيقه صارت ساعه

وش السالفه .. ليكون بتطلع من هنا يافيصل مثل مادخلت .. كنت اهز رجولي
بقوه من التوتر وانا احس العرق يتصبب مني .. واناظر في التكيف اذا يشتغل اولا .. يللا نجود

قولي انك موافقه ووقعي

.
.
.

ارتباطي في حب حياتي نجود .. هواسعد شي صار في حياتي .. وهذي اللحظه اللي انا فيها الحين .. هي احلى لحظه
كنا جالسين مع بعض في المجلس وساكتين .. يا انا اكلمها او هي ماتتكلم .. اعذرها اكيد مستحيه

قلت لها بحب: طالعه مره قمر

قالت وهي تمسح على شعرها : من ذوقك

قلت : الذوق تعلمته منك

لفت بعيونها تتفحص المجلس .. قلت بأبتسامه : اول مره تشوفين مجلس بيتكم

لفت ناظرتني وضحكت .. قالت : ما ادخله كثير

قلت : امممم .. بتدقين علي الليله

هزت راسها بـ " لا "

ياذا التحطيم .. قلت : ليـــــــه ؟

قالت بدلع : نعسانه بنام

قلت : ايه صح .. دقي علي بكره الصبح

قالت : بكره الصبح عندي دوام

قلت : اوكي غلاتي .. اول ماترجعين البيت دقي علي

قالت مستغربه : اول ما ارجع على طول ؟ والصلاة

ابتسمت وقلت : بعد الصلاة

قالت : لا سوري بعد الصلاة اتغدا

قلت بطولة بال : بعد ماتتغدين

قالت : الجو حار .. يعني شي طبيعي بعد ما اتغدا بتروش

قلت : اووه نجود خلاص لا تدقين

قالت : ان شاء الله مابدق

مسكت يدها وقلت بأبتسامه : لا تجننيني

ناظرت وجهي شوي بعدين فطست ضحك

تركت يدها وجلست اضحك معاها

فتح الباب نايف تخصر وقال : ماشاء الله ضحك وسوالف

لفيت وجهي وقلت : اوووف جا هالنشبه

قال محتج : لا نجود اختي

رفعت حاجب وقلت : احد سألك وش تقرب لك نجود ؟

قال وهو يتقرب لنا : لا بس اذكرك بهالشي .. يعني لا تحسب انك تقدر تنفرد فيها لحالك
اول ماوصل لنا نايف وواضح انه بيجلس .. وقفت بسرعه ورحت له .. وانا ابتسم لنجود ببرود

سحبت يده بدون ماتلاحظ نجود وقلت له بهمس : نايف الله يخليك لا تخرب جوي

عقد حواجبه نايف وقال : أي جو ؟

قلت : جوي انا ونجود

قال بأبتسامه عريضه : انا جاي هنا عشان اعيشكم جو حلو

طلع جواله من جيبه وحط اغنية " الدنيا حلوه " وجلس يغني معاها ويرقص

الدنيا حلوه واحلى سنين بنعيشها واحنا ياناس عاشأين ننسى اللي فاتنا ونعيش حياتنا عـ الحب متواعدين
كل الاحبه اتنين اتنين متجمعين في الهوى دايبين على ايه تكشر وليه تفكر دا العمر كلو يومين

لفيت اشوف نجود .. لقيت الابتسامه شاقه وجهها وواضح ان الوضع معجبها

مسك كتفي نايف وقال لي " مع الاغنيه طبعاً "
انسى اللي راح على طول على طول ماتسبش زعلك مره يطول افرح شوي واضحك شوي كدا خلي روحك عاليه وهاي وياألبي غني كمان وكمان وصل غنايا لكل مكان وانا لو علي دلوأتي جاي على شان أقول يازعل باي باي

ماتحملت امسك نفسي اكثر من كذا .. مسكته مع يده وقلت له بصوت عالي : ياخي انت اللي باي باي .. اطلع خلاص غثيتنا

ضحك وقال : هذا جزاي اللي جاي اونسكم .. على العموم يللا " باي باي "

طلع وقفل الباب .. لفيت وكملت لنجود الاغنيه وهي تضحك : الحب غير معنى الكون خلالو شكل وطعم ولون سكر زياده لا مش بعاد دنا حاس اني هطير احنا اللي بالحب صالحنا ايامنا وارتاحت روحنا فوت وعدي على شان تعدي وارتاح من التفكير

.............................................

__________________
بيت مشعل .. الساعه : 2:00 مساءً
__________________

** رغد **

كنت جالسه في الحديقه .. حاطه صورة بابا الله يرحمه على الطاوله .. وارسمها .. طبعاًًً الرسمه مو بالمستوى المطلوب .. بس تمشي الحال ههههههههه

اذا خلصت من صورة بابا برسم رهف واذا خلصت من رهف برسم سعد وبعدين جدتي وبعدين نايف ونجود لان هذيلا الناس اللي احبهم وعشان ماتزعل نجود برسم فيصل خطيبها

سمعت صوت سياره لفيت وراي شفت سيارة نايف .. وقفها ونزل من السياره .. تركت الرسم .. ورحت اركض لنايف

يوم وصلت له قلت : عمي نايف

لف علي ابتسم ومسح على راسي مد لي كندر وقال : جبت لك كندر ودباب حق اطفال .. اذا رحت البر هالمره باخذك معاي اوكي

ابتسمت وقلت : ثانكس

قال : ولكم

ودخل الصاله وكان بيصعد الدرج
بس انا لحقته وناديت عليه بتردد : أأ عمي نايف

لف وقال : رغوده عمري تبين شي ؟

قلت : انا ابي اقول لك شي مو مخليني انام

عقد حواجبه وقال : مو مخليك تنامين .. احد مزعلك ؟

قلت بصوت عالي : لااااااااا

قال : اجل

قلت : تذكر قبل مايموت بابا .. رهف طاحت من الدرج صح

قال مستغرب : ايه

بلعت ريقي وقلت : رهف ماطاحت

جلس على الدرجه وجلسني معه .. وقال وهو يناظر في وجهي بتركيز : الا طاحت اجل كيف مات اللي في بطنها ؟

اخذت نفس عميق و قلت : حنان بنت عمتي هي اللي دفتها

............................................

_____________________
بيت العمه .. الساعه : 3:30 مساءً
_____________________

** حنان **

كنت في غرفتي ارقص على اغنية (( الحب انت ))


الحب أنت وأنا أنت شمسي أنت ظلي أنت ومثلك أنت لي هواه قلبي وتمناه
نبض قلبي وسط قلبك هام دربي لأجل دربك مثل ما تحبني أحبك يا حبيبي وأتمناك
كل عام وأنت بحياتي حبيبي لا حد مثلك ولا حد سواك
تسكن بقلبي ونبضاته قريب يا أغلى ناسي ويا أحلى ملاك
عيد حبك شي ثاني دام قلبك مانساني أنت في كوني وغيرك ما أتمناه
ورده حمراء رمز ذاتك ذابت في أحمر شفاتك كلها تشبه صفاتك وأتمناك
كل عام وأنت بحياتي حبيبي لا حد مثلك ولا حد سواك
تسكن بقلبي ومن فؤادي قريب يا أغلى ناسي ويا أحلى ملاك
أنا منك وأنت مني جيتني أو رحت عني كلي أحلام وتمني وأتمناك
الحب أنت وأنا أنت شمسي أنت ظلي أنت ومثلك أنت لي هواه قلبي وتمناه
كل عام وأنت بحياتي حبيبي لا حد مثلك ولا حد سواك
تسكن بقلبي ونبضاته قريب يا أغلى ناسي ويا أحلى ملاك


وداخله جو مع الاغنيه .. قطعت جوي هنوفوه كالعاده .. محد غيرها يخرب جوي .. فتحت الباب وقالت : حنـــــــان

قلت بملل : نعم

قالت : تبيك رغد على التلفون

اوف وش تبي ذي البزره بعد

طلعت من الغرفه ورحت للتلفون .. رفعت السماعه وقلت بقهر : هــــــاه

..: هلا حنان

فزيت على طول من سمعت صوت نايف .. ركزوا معي ياناس .. نايف داق علي .. مو انا اللي داقه عليه .. ابتسمت وقلت بدلع : نـــايف ؟

قال : ايه نايف .. اخبارك حنان

قلت : بخير دام اني اسمع صوتك

قال : تسلمين .. حنان انا قررت

وش قراره يــــــاربي .. ان شاء الله هالقرار متعلق بالزواج .. يارب مايضيع تعبي اللي تعبته وانا احاول اطيح نايف .. يــــــارب يارب يارب

قالت : وش قررت ؟

قال : الواحد ياخذ بنت تحبه احسن من ياخذ بنت مايعرفها وينصدم فيها صح والا لا ؟

غمضت عيوني .. و قلت بسرعه : وش تقصد بهذا الكلام !!

قال : انا ابي اتزوجك

بعدت السماعه .. وجلست اضرب في اذني .. ما اصدق اللي اسمعه .. واخيراً بتتحقق كل احلامي
انا قلت لكم .. حنان مافيه شي تبيه .. ماتوصل له .. انا مو سهله ابد

قربت السماعه .. و قلت واسوي حالي مستحيه : صدق يانايف

قال وصوته مايعطي أي انطباع " كالعاده " : ايه صدق .. بس انا ابي اشوفك بتكلم معك

قلت بحماس : وين تشوفني حدد المكان وبجيك

قال : بخلي السواق يمرك ويجيبك بيتنا

قلت : اوكي .. متى بيجي ؟

قال : الحين بقول له .. يللا باي

قلت : بايات

قمت من مكاني وانا في قمة سعادتي .. اللي يبي الشي يتعب عليه .. ومحد يقدر ينكر اني تعبت حتى اوصل لنايف .. بالله استاهله اولا ؟ .. ركبت بسرعه غرفتي حطيت لي مكياج احمر على السريع ولبست عبايتي تعطرت .. و لبست شنطه و جزمه " الله يعزكم " حمرا وطلعت من الغرفه

شافتني الهنوف وقالت لي : وين رايحه ؟

دفيتها وانا ماشيه وقلت : مو شغلك

طلعت برا لقيت سواق بيت خالي واقف ينتظرني .. ركبت بسرعه وحرك السياره

كنت وانا في السياره اعد الدقايق واعد الثواني .. يالله متى نوصل
ان شاء الله نايف يحدد يوم الملكه من اليوم ونملك ونتزوج بأسرع وقت ونفتك من هالسالفه .. ولازم اوصيه انه مايخبر احد بهالموضوع الا بعد الملكه .. اخاف تصكنا عين انا ونايف ومايصير شي .. ياحسره عيون الناس ماترحم

تعطرت مره ثانيه قبل ما انزل وطلعت المرايا من شنطتي .. اشيك على شكلي .. قـمــر والله اطيح الطير من السما

نزلت وشفت الشغاله واقفه عند الباب .. تقول لي : تفضلي مدام

واخيراً بعيش العيشه اللي كنت اتمناها سواق وخدم وزوج عنده فلوس

دخلت الصاله كان نايف جالس على الكنبه يوم شافني .. وقف وابتسم

نزلت راسي وقلت : السلام عليكم

قال : وعليكم السلام .. نورتي

قلت : بنورك

سكت شوي بعدين قال : وشوله حاطه مكياج .. بتعجبيني يعني كذا ؟

عقدت حواجبي .. مافهمت عليه ؟

قال بغرور : اسمعيني .. انا جبتك هنا عشان بقولك كلمتين لا اكثر ولا اقل .. لاني نايف ولد عبد العزيز اشكالك يجوني لعند البيت مو انا اللي اروح لهم

قلت : اشكالي !! تراني بصير زوجتك قريب

ضحك بصوت عالي وقال : انا اتزوجك انتي هههههههههههههههه

قلت : وش اللي يضحك .. وبعدين هذا الكلام قلته لي في التلفون

رفع حاجب وقال : وانتي ماصدقتي خبر ؟

اشر علي من فوق لتحت وكمل : انا اخذ وحده مثلك .. اخذ وحده ماعندها لا ذمه ولا ضمير
" بصوت عالي " تحسبين مدري انك طيحتي رهف من الدرج

تصدقون اول مره قلبي يخفق بهذي الطريقه .. هذا وشلون عرف .. لازم انكر وما ابين له الحقيقه يمكن جالس يختبرني

قلت : حرام عليك .. انا اطيحها ليه ؟

قال : وتكذبين بعد ؟

قلت : ما سويت شي

قال بكل غضب الكون : ابي اعرف بس من عبد الرحمن اللي خلى رهف ماتكمل دراسه ؟

من علمه بسالفة عبد الرحمن بعد .. ياويلي نايف معصب مره خايفه في أي لحظه يضربني

قال : انا سمعت رهف تقول السالفه لصديقتها في التلفون .. قوليلي من عبد الرحمن .. تكلمين شباب ؟؟ مافيه الا هالتفسير

قلت بعصبيه : ما اسمح لك تــ

قاطعني وقال : انطمي ما ابي اسمع صوتك يقرفني .. انتي بكبرك تقرفيني .. يوم اشوفك اشمأز وكأني شايف حشره .. لانك مو بشر .. شي ثاني غير البشر .. انا مستغرب من شي واحد ماخفتي رهف تموت يوم دفيتيها ؟

قلت بأنفعال : احسن خلها تموت ونفتك منها ومن شرها .. واقفه في طريقي انا وانت .. نايف خلنا نتزوج وننسى هذا كله

رفع صوته و قال : انا وربي اللي خلقني .. ما راح اتزوج غير رهف .. وان كانت ماتبيني بجلس بدون زواج لنهاية عمري .. ولو تصعدين للسما وتنزلين ما تزوجتك .. ومن الحين اقول لك لا انتي بنت عمتي ولا اعرفك .. اطلعي برا ولا عاد تجين

تقدمت منه وقلت : نايف الله يخليك لا .. انت في التلفون قلت بتتزوجني مايصير تغير كلامك

صرخ في وجهي : انقلعي برا .. ياويلك لو اشوفك في بيتي مره ثانيه .. حتى عرس اختي نجود ما ابيك تجينه .. ولا تكلمين لا اختي ولا خالتي ام مشعل ولا حتى رغد .. انا اللي اعرفهم فيصل والهنوف وبس .. انتي مانتشرف فيك

قلت برجاء : نايف تكفى لا تطردني

قال بعصبيه : بتطلعين ولا اطلعك بالقوه

ونادى بسرعه وبصوت عالي على الخدم

جوه على طول وقال لهم : طلعوا هذي الحقيره من البيت

مسكوني وصرخت بصوت عالي : اتركوني ما ابي اطلع .. كله من رهف الحقيره ماخلتني اتزوج نايف .. اصلاً هو يحبني ويبيني .. اتركوني .. لا تلمسوني

...........................................

____________________
بيت العمه .. الساعه 4:00 مساءً
___________________

** الهنوف **

انا الحين في غرفة حنان .. وين مخبيه جوالي هذي .. دورت عليه في كل مكان ماشفته
لاتكون بس كسرته وتخلصت منه .. عشان حتى لو لقيته مااقدر اكلم فيه .. تسويها هذي أي شي مو بعيد عنها

فتحت الدولاب مره ثانيه ودورت بين ملابسها .. ايه الحمد الله لقيته .. اخذته وانا الارض مو شايلتني من الفرح .. اخيراً بطمن قلبي على فارس .. طلعت من غرفتها ورحت غرفتي .. كتبت بسرعه لفارس مسج

^*^
/
\
/
\
/
^*^

هلا فارس اخبارك ؟

وحشتني وحشتني وحشتني مــــــــــــوت

لا تنبسط كثير الجوال مارجع لي
طمني عليك ؟ بسرعه

^*^
/
\
/
\
/
^*^

انتظرت وانتظرت وماجاني مسج منه .. كتبت مسج ثاني

^*^
/
\
/
\
/
^*^

شكلك نايم

نوم العوافي

^*^
/
\
/
\
/
^*^

دام انه نايم خل ارجع الجوال مكانه .. لا ترجع حنان وتسويلي سالفه

قبل ما اطلع من غرفتي سمعت نغمة المسج .. فتحته وانا مبتسمه .. اشوا اني مارجعته


^*^
/
\
/
\
/
^*^


هلا انا بخير

انا اسف اني سببت لك مشكله

بس مدري وش اقول لك

انا يا الهنوف ما اقدر اكمل معك

كثير اسباب تمنعني

اتمنى تنسيني وتعيشين حياتك سعيده

ولا تعتقدين اني كنت اضحك عليك

لا انا فعلاً كنت احبك واموت في الارض اللي تمشين عليها
والله .. وهذا انا احلف لك بالله ومافيه احسن من الله

بس الواحد الزم ماعليه سمعته وسمعت خواته

انا صدري ضايق وان جلست في المملكه بتعب ومابقدر انساك

فقررت اكمل دراستي اللي قطعتها هنا برا والايام كفيله بأنها تنسيني حبك

مع السلامه

^*^
/
\
/
\
/
^*^

ماكنت مستوعبه كلمه من اللي كاتبه فارس .. قريت المسج اكثر من مره .. اوقف عند كلمة الواحد الزم ماعليه سمعته وسمعت خواته ؟ لازم يفهمني فارس معنى كلامه

طبعاً لا الكلام ولا الوقت يسمح لي اكتب شي في هاللحظه .. فدقيت عليه بسرعه ......

رد علي وقال : الووو هنوفه ؟

قلت بسرعه وبخوف : فارس وش كاتب لي

تنهد وقال : انا ما اقدر اغير شي الليله بسافر

قلت بعد مادمعت عيوني : لـــيــه بتسافر ؟

قال بتردد : هنوفه مو لازم الحب ينتصر في هالدنيا .. ومو أي علاقة حب تستمر وتنتهي بالزواج

قلت : طيب فهمني

سكت شوي بعدين قال : انتبهي لنفسك من اختك حنان .. تراها مره معروفه .. ومشهوره بين الشباب
حتى انا كنت اعرفها واكلمها

قلت : لالا اللي تتكلم عنها مو اختي حنان صدقني .. فارس انا احبك ما اقدر اكمل حياتي بدونك

قال : لا انا متأكد انتي دقيتي علي من جوالها و....

قلت : الووو فارس وينك

فارس يبكي ؟ مستحيل .. قلت : فارس لا تبكي .. دام انا احبك وانت تحبني وش اللي يمنع

قال بصوت متكسر .. بصوت يعور قلب أي احد يسمعه .. بصوت يحمل مليون آه .. ماتمنيت في حياتي اشوف فارس متعذب ومتألم كذا : ما اقدر اكمل معاك يا الهنوف .. خلي بالك من نفسك تكفين .. ترا انتي يا الهنوف .. بنت أي واحد يتمناها .. انتي انسانه مو عاديه .. انتي انسانه طيبه وشفافه وحنونه وقلبها كبير تقدر تسعد أي احد يعيش معاها .. " احذري من اختك حنان " ولا تنسين كلمتي هذي وخليها حلقه في اذنك الله يخليك لا تخليها تضرك .. ربي يسعدك مع غيري .. مع السلامه

قفل على طول .. قلت بصوت عالي : الوووو .. فارس لاااا .. فارس ارجع لي .. مابعيش حياتي بدونك .. انا احبك وانت تحبني .. فــــــــــــــــارس

رميت الجوال على الجدار يوم ماتكسر اخذته ورميته مره ثانيه بقوه .. حتى صارت كل قطعه من الجوال في مكان .. اخذت كل شي في غرفتي وكسرته .. كنت اكسر كل شي تطيح عليه يدي .. فـــــارس ارجع لي .. الله يخليك .. لا تسااااافر .. تكفى ارجع لي .. جلست على الارض وكل شي حولي كان مكسر صرخت بصوت عالي : فـــــــــــــــــــــــاااااااااااااااررررررررس

قمت من مكاني وطلعت من الغرفه نزلت تحت الصاله مدري وين كنت بروح بس كنت اركض .. تعثرت بشي وطحت على الارض ضميت يديني بقوه وجلست ابكي .. فارس تركني ؟ لا ماتركني .. لا .. لا .. لا .. لالالالالالا لااااااااااا

فتح اخوي فيصل الباب وجاني يركض .. جلس على الارض وحط يده على كتفي .. كان يكلمني بس مخي مو راضي يستوعب هو وش جالس يقول .. ركزت شوي يوم هز كتفي وقال : ليه تبكين

اشرت على قلبي .. و قلت : هنا يحترق يافيصل
ضمني بقوه وقال : عسى ماشر .. هنوفتي وش فيك ؟

اول ماشفت حنان فاتحه باب الصاله .. بعدت عن فيصل ورحت لها وانا اركض
سحبتها من شعرها بكل وحشيه وانا اصرخ : كله منك .. انتي السبب .. اكرهك .. انتي مو اختي

وهي ماسكه يدي وتقول لي : اتركيني يا المجنونه .. فيصل الحق علي بتذبحني آآآآآآآآآي فيصل

كنت اضرب فيها بدون رحمه في هذاك الوقت مدري من وين جاتني هالقوه اللي خلت حتى فيصل مايقدر يبعدني عن حنان .. تركتها يوم شفت الدم في وجهها من اظافري

مسكني فيصل وعطاني كف " ماحسيت فيه " وقال بصراخ : الهنوف وش فيك وين عقلك

طحت على الارض منهاره .. حطيت راسي على الكنبه وغطيت وجهي كنت ابكي من كل قلبي ودموعي كانت حاره من القهر .. آآآآه يا القهر آآآآآآه ياقلبي .. محد بيحس باللي انا فيني الا فارس .. بس وينه فارس

.................................................. .....
..



___________________
الطائره .. الساعه : 9:00 مساءً
___________________

** فارس **

كنت في الطائره وساند راسي على الدريشه متألم لحالتي وحالتها .. يمكن اكون ظلمت الهنوف .. بس لو غيري كان سوا كذا .. الحب مو كل شي في هالدنيا .. وحبي للهنوف مابيخليني ادوس على اهلي .. لاني فعلاً بزواجي بالهنوف بدوس على اهلي .. ان عرفوا خالد وابوي .. اني ابي اتزوج اخت حنان ماراح يوافقون بمجرد اجيب طاري اسم حنان وعايلتها .. ولو كان واحد من اخوياي يبي يتزوج اختي بيغير رايه ان ناسبت هالعائلة .. والسمعه اهم من الحب .. وانا واحد اخاف على اخواتي واهلي وما ابي اظرهم بشي .. ان شاء الله تستقيم هالبنت " المعروفه بين الشباب " والله سبحانه يصلح حالها .. صحيح الهنوف طيبه وتستاهل واحد احسن مني .. بس انا ما راح اسعدها .. اتمنى تلقى رجال يحبها يسعدها ويعيشها الحياة اللي تستاهلها وانا بحاول انساها .. وهي اكيد بتنساني مع الايام

.................................................. ....

____________________
الجامعه .. الساعه : 8:30 صباحاً
____________________

** الريم **

طبعاً انا خلصت ايام العده من زمان بس للحين وجهي شاحب وعيوني حمر من كثر البكي .. كل ماذكرت محمد بكيت .. اسأل رهف عن محمد .. تقول لي ماتدري عنه شي .. اهله كلهم مايدرون عنه شي .. وين مختفي يا محمد .. ان شاء الله خير

وانا امشي اسمع كلام البنات يتهامسون : طلقها واخذ صديقتها

لا حولا ولاقوة الا بالله .. كل يوم نسمع خبر اسوء من الثاني .. وش صاير في الدنيا .. مانسمع الا اخبار تحزن

الى ان دخلت الكلاس وانا اسمع البنات يتهامسون : والله دنيا طلقها واخذ صديقتها وهي احلى واحسن من صديقتها بمليون مره

حطيت كتبي وعدلت شعري .. شفت البنات اللي اعرفهم متجمعات .. فتحت اذني معهم ابي اسمع وش يقولون .. سمعتهم يقولون : ايه زوج الريم طلقها واخذ اسراروه اللي تدرس معنا

وقفت بروح لهم بس حسيت الدنيا كلها سودا ماقدرت اكمل .... طحت مغمى علي

...........................................


__________________
شقة محمد .. الساعه :30 مساءً
__________________

** محمد **

’’ الريم بسرعه بوديك بيت اهلك مو انتي تخافين تجلسين بالشقه بروحك.. يللا بسرعه عاد انا بروح الدوام تأخرت ’’

قالت لي : قلت لك الف مره اسمي اسرار مو الريم

قلت ببرود : زين البسي عبايتك .. لا والله طلعت وخليتك

قالت بدلع : ماتسويها .. تترك زوجتك وهي حامل .. لو احتاجت شي ؟

قلت وانا أأشر بيدي : خلك هنا بقلعتك

طلعت وقفلت الباب بقوه وانا معصب .. كاره العيشه مع هالأنسانه مره .. بس اكيد بعد ماتجيب لي الولد او البنت بتتغير حياتي معها

والريم اخبارها ؟ وش مسويه بدوني .. اكيد تتعذب .. لالا .. خلاص انا طلقتها وما ابي افكر فيها .. كفايه ان حياتي معها كانت عذاب

ليه ما امر بيت ابوي .. اموت واعرف اخبارهم .. بمرهم لاني متأخر على الدوام كذا ولا كذا

.
.
.

وصلت بيت ابوي اخذت نفس وطقيت الباب .. حسيت بأاحد يفتح الباب

دفيت الباب بشويش ودخلت .. طاحت عيوني على رهف اللي فتحت لي الباب

يوم شافتني لفت نفسها عني وراحت تركض داخل .. لا حول انا طلقت صديقتها او طلقتها هي ؟

دخلت داخل .. شفت امي جالسه بالصاله .. قامت وسلمت علي بحراره .. لانها مشتاقه لي من زمان ماشافتني .. شي طبيعي انا ولدها

بعد ماسلمت عليها قالت لي : بس قلبي شايل بخاطره عليك مره

قلت بحزن : افا يا الغاليه تشيلين بقلبك على ولدك

قالت : اللي سويته في بنت الناس مو قليل

دق قلبي يوم سمعت طاريها .. قلت : وش اسوي انا ابي عيال .. والريم ماتقدر تجيب لي .. وان خليتها على ذمتي وتزوجت عليها ما بقدر اعدل بينهم .. انا رجال على قد حالي

قالت لي : فطرت ؟

هزيت راسي بلا

ناظرت في وجهي وقالت : انت مو مرتاح في حياتك

نزلت راسي وقلت : ايه ومابذوق طعم الراحه .. انا تعبان مره

قالت لي : اجلس ياولدي بحط لك الفطور

قلت : تسلمين يمه بس ما اقدر مره ثانيه .. رهف ماراح تنزل يعني ؟

قالت : ما اعتقد

تنهدت بتعب وقلت : طيب يللا يمه سلمي عليها وعلى سعد ويوسف .. فمان الله

قالت : الله معاك .. انتبه لنفسك والله يوفقك

.................................................

** رهف **

كنت في غرفتي جالسه على طرف السرير .. ما ابي اشوف محمد .. مره مو طايقته اللي سواه مو شوي .. والمشكله ماعنده مبرر .. والله زمن بعد ماكان يموت عشان يتزوج الريم يطلقها ؟

مدري ليه يوم جا في بالي طاري الزواج فكرت في نايف .. وفي الموضوع اللي كلمني فيه
امممم يمكن يكون صادق في شي .. ابوي كبر في السن وماراح يتحملني كثير .. خاصه اني كنت متزوجه .. وتعود على انه مايصرف علي .. ويوسف وجوده والعدم واحد .. ومحمد ما ابي منه شي حتى لو كان موجود .. وسعد صغير .. عادي الصغير مصيره بيكبر .. بس بعد متى .. اوف وش اسوي ياربي ما ابي اعيش وحيده .. ولا كبرت في السن ما بيصير معي احد .. رهف لا تضيعين عليك فرصة الزواج من نايف .. انتي تتمنين واحد مثله .. وكل البنات يتمنون نصه
وهو يحبني وانا ادري ووقف معي كثير مايستاهل اني ارده .. ورغد محتاجتني مره .. خاصه انها صارت يتيمه .. مستحيل اخلي وحده غريبه تربيها .. وربي محتاره وش اسوي

..............................................

__________________
بيت مشعل .. الساعه : 9:00 صباحاً
__________________

** نجود **

اوف ابي اروح اليوم الشغل .. عشان اوقع اوراق واخذ اجازه .. لازم اجهز لزواجي ماعندي وقت .. فيصل يبينا نتزوج بسرعه وانا مزحومه مره

نايف وفيصل بالشغل .. مافيه الا السواق مستحيل اروح معاه

بجرب ادق على نايف جوال يمكن فاضي

دقيت عليه ورد بسرعه : الوو هلا جودي

قلت : هلا .. نايف تقدر تجي البيت تاخذني للشغل بس بوقع اوراق عشان اخذ اجازه وبطلع على طول

قال : جودي انا مشغول عندي اجتماع الحين بس فيصل ماعنده شي .. بقول له يجي يوديك اوكي .. يللا انا مستعجل باي

قلت : اوكي باي

بعد ربع ساعه دق على جوالي فيصل .. رديت : الوو هلا فيصل

قال : هلا قلبي .. اخبارك ؟

قلت : بخير وانت

قال : عــــــــــســـــــى دوم مــــــــــــو يـــــــــــــوم

قلت : يدوم عـز .........

قال بسرعه : وعزك ياالغاليه .. يللا اطلعي انا برا

قلت : اوكي .. باي

قفلت من عنده ولبست عبايتي بسرعه .. وطلعت

ركبت السياره وقلت: السلام عليكم

قال : وعليكم السلام .. اخبارك ؟

ابتسمت وقلت : اخباري عرفتها قبل شوي

قال : اممم مو مشكله حياتي انا ابي اعرف اخبارك كل دقيقه

قلت : طيب

كنت انتظره يحرك السياره .. بس مرة 10 دقايق وماحركها

ناظرته وقلت : يللا نمشي

ناظرني بغرابه وقال : ليه ؟

قلت : انت عارف ليه

قال : انت عارف ليه بحبك ليه وحبك ليه بيحلالي ليه بسهر ليه وادوب في عينيك

قلت بقهر : ليكون تسمع لهذي ؟

قال : ومالوو

لويت فمي وغطيت وجهي وقلت : اوكي

قال وهو يضحك : هااه بدينا نغار

استحيت ولفيت اناظر الجهه الثانيه وقلت : فيصل عاد

قال : زين بمشي على قولة اخوانا الكويتيين .. اتغشمر وياج

قلت وانا اضحك : اونك عاد .. بس اذا جيه عادي .. انا بعد ارمسك اماراتي

قال : هيه .. يللا نسير

وفي الطريق كل شوي يحط لي اغنيه .. يغني مع المغني ويقول اهداء لك

قلت : ماشبعت اهداءات

قال : لا .. لا يكون مليتي .. ما مداك تملين مني .. انا قايل يمكن اتزوج وحده ثانيه .. بس الحين اكيد بسويها

شهقت وحطيت يدي على صدري وقلت : تتزوج على نجود بنت عبد العزيز ؟

قال : الشرع حلل

اشر لي بصبوعه الاربعه وهو يحرك حواجبه

قلت وانا امثل عدم الاهتمام : ايه احسن .. بتجيني وحده تفكني منك

دخل يده من تحت الشيله مسك شعري وقال : متأكده

قلت : ايه

شد شعري بشويش وقال مره ثانيه وهو يناظر للطريق قدامه : متأكده

قلت : لالا امزح .. والله امزح

قطع شعره من شعري وقال : حسبت بعد

لف شعرتي على اصبعه وقال : حبيبي انزلي وصلنا

لفيت انا وقلت بأندهاش : ما اصدق وصلنا بهالسرعه

قال : شفتي اذا كنتي مع حبيبك ماتحسين للوقت

ضحكت وفتحت الباب

قال : انتبهي لنفسك

قلت : نلتقي لاحقاً

قال : ان شاء الله

نزلت من السياره وقفلت الباب .. لفيت اناظره شفته يطبع بوسه على كف يده ويطيرها جهتي في الهوا

ضحكت عليه وكملت طريقي

دخلت وقعت وخلصت كل شي بسرعه عشان ما اتأخر عليه

طلعت برا وانا اتلفت ادور سيارة فيصل بعيوني .. رحت لعند الشارع وانا اناظر بقهر .. وين راح فيصل .. لهذي الدرجه تأخرت ؟

بدق بشوفه .. فتحت الشنطه بملل وطلعت الجوال منها .. بس تركت الجوال لان احد مسك يدي

بدون ما ارفع راسي قلت وانا ادخل الجوال واقفل الشنطه : فيصل خرعتني حسبتك مشيت عنـ.....

لاحظت ان الملابس اللي عليه غير .. رفعت عيوني شوي شوي بخوف .. يـــوســـف

سحبت يدي بقوه وبعدت عنه على طول .. فتحت الشنطه ابي اطلع الجوال

بس هو سحب شنطتي بسرعه .. قلت وانا للحين ماسكه الشنطه : يوسف الله يخليك روح

قال بهمس : انتي ماتسمعين الكلام

خايفه فيصل يجي في أي لحظه .. عشان كذا كنت متوتره و ارجف بشكل مو طبيعي

حس برجفتي وقال : دام انك خايفه مني لهذي الدرجه .. ليه تعانديني

قلت وانا قريب ابكي : ماعاندتك

قال : مو قلت لك لا توافقين على فيصل .. لان انا ابيك ؟

قلت بخوف كبير : فيصل ماله ذنب اهله غصبوه عشان ياخذني

عصب يوم قلت كذا .. و قال بصوت شوي عالي : رجال اهله يغصبوه وين حنا فيه ؟ خايفه عليه .. تحبينه صح ؟

هزيت راسي بلا

قال وهو يسحبني من الشنطه : زين امشي معاي

من سحبني بكيت على طول وقلت : وين امشي معاك

قال : امشي سيارتي انا ابيك .. مستحيل اخليك مع فيصل

قلت برجاء : لا تنكفى يوسف انا ما ابي

قال وهو ضاغط على اسنانه : امشي سيارتي وبلا فضايح ترا الكلام بيجيك انتي ان شافوني معاك

قلت بفرح وانا احط يدي على فمي : فيـــصــــــل

تركني يوسف بسرعه وراح يركض سيارته .. وتحرك على طول

اخذت نفس بقوه .. ارتحت يوم تحرك .. طبعاً انا ماشفت فيصل كل هذا كان تمثيل مني عشان يتركني يوسف

دقيت على فيصل اول ماراح وقلت : هلا هلا هلا هلا الو الو الو

قال : علق الشريط ههههههههههه

مو وقت مزح ابد .. قلت : فيصل ليه مشيت ؟

قال : وليه اوقف ؟

قلت : عشان ترجعني البيت

قال : ماخلصتي دوامك وشلون ترجعين

قلت : ماقال لك نايف اني بس بوقع اوراق وباخذ اجازه

قال : اهـــــــــــــا لالا ماقال لي .. انتي وين الحين

قلت : برا عند الباب

قال : ادخلي داخل وانا لا وصلت بدق عليك .. بجيك طيران مابتأخر

قلت : زين لا تسرع

قال : اوكي .. باي

.................................................. .......
.

____________________
السياره .. الساعه 11:00 مساءً
____________________

** الريم **

كنت في سيارة خالد .. تعبانه مره .. تمنيت لو اني مارحت الدوام اليوم .. بموت من القهر احس بقلبي يحترق .. ابي اتأكد من اللي سمعته بنفسي من اسرار او من محمد .. مستحيل يسوونها فيني

لفيت على خالد وقلت له : نزلني بيت رهف

قال : لا بوديك المستشفى

قلت بأنفعال وانا ابكي : ما ابي ما ابي .. بروح بيت رهف

قال : انتي تعبانه مايصير كذا

قلت بعصبيه : ترا بفتح باب السياره وبنزل .. انا بدون شي عفت العيشه

قال بأستسلام : خلاص بوديك بس لا تقولين كذا

.
.
.

كنت حاضنه رهف عند الباب وابكي .. خلاص تعودت على البكي .. الدموع من يوم ماطلقني محمد ماتفارق عيوني .. الهم صار يلازمني في كل وقت

قالت لي رهف : خلاص يا الريم مو زين اللي تسويينه .. محمد مايستاهل

قلت وانا منهاره من البكي : ايه لانك ماتدرين وش صار بعد

مسكتني من كتوفي وقالت : زين ادخلي اول

دخلت معاها ورحنا غرفتنا .. قلت لها بكل السالفه

قالت : هالحقيره اللي ماتستحي سراقة الرجال

قلت ودموعي تكمل مسارها على خدي : الله يخليك دقي وتأكدي .. بعطيك الرقم

قالت : طيب بس انتي اهدي

عطيتها الرقم ودقت عليه

................................................

** رهف **

ردت علي بنت .. قلت : الوو اسرار ؟

قالت : ايه نعم من انتي ؟

قلت بتردد : انتي زوجة محمد !!

يوم سمعتها تقول ايه غمضت عيوني بقوه .. ما ابي اشوف الريم

قلت : انا اخته رهف

قالت بفرحه : والله انتي رهف .. هــــــــــلا وغــــــــــلا

قلت بقرف : غلا في قلبك نار ان شاء الله .. الله ياخذك ولا يوفقك لا دنيا ولا اخره .. يا الحقيره ياللي ماتستحين .. سرقتي زوج الريم وهي طيبه وماتستاهل

قالت : ما اسمح لك تتهجمين علي بهذي الطريقه

قلت : ابلعي لسانك انتي اخر من يتكلم

قالت : والله انا مالي ذنب هي اللي ماعرفت تحافظ على زوجها بغبائها

قلت : والله على نياتها البنت مادرت ان فيه ناس في قمة النذاله مثلك .. ايه وش عليك ( خاويني واخوايك اخذ زوجك واخليك )

قالت : ماخليت احد هي اللي خبله .. تبين تعرفين دليل خبالتها .. كتبت لزوجها كلام حلو في ورقه .. وعطتني الورقه عشان الصقها في الورده .. غيرت الورقه بورقه ثانيه كاتبه فيها رقمي وكلام اوصف فيه حبي واعجابي بمحمد ولصقتها في الورده وهي ولا حست ولا عرفت للحين خبله او مو خبله

قلت : مفتخره بللي سويتيه .. ابي افهم وش معنى محمد الرجال كثار

قالت : هي دوم تسولف عنه عجبني .. وبعدين من يوم عرفت انها ماراح تجيب عيال قلت فرصتي .. وايه صح ابشركم انا الحين حامل

انقرفت منها مره .. ماقدرت اكمل معاها .. قفلت في وجهها وحبست دموعي .. ابي اصير اقوه من الريم

مسكت يدها وقلت لها : ريوم لا تبكين خلاص عشاني

قالت وهي حاطه يدها على راسها : ابي ارجع البيت

قلت: اجلسي معي شوي بعد

تفاجأة يوم شفتها تضحك

قالت وهي تضحك بيأس : شفتي الايام وش سوت فينا .. رجعنا مثل اول انا في بيت اهلي وانتي في بيت اهلك .. ماحققنا ولا شي من اللي كنا نحلم فيه

قلت : انتي بتصيرين احسن دكتوره في المستقبل صدقيني

قالت : لا مابصير شي .. انا خلاص مستحيل اقدر اكمل شي .. تعبت مره

قلت : لا لازم تكملين هذا شي من احلامنا

قلت : دام ماتحققت كل الاحلام وش الفايده من تحقيق حلم واحد

بكيت وقلت : خسرنا الحلوه والمره .. وربحنا الآآه والحسره

وقفت وقالت : يللا بمشي

مسكت يدها ووصلت معها لعند الباب

قالت لي : يللا مع السلامه

قلت : الله معك

كنت اتبع خطاها وانا عند الباب

وهي تمشي لفت علي وقالت : سلمي على محمد

صرخت بصوت عالي : الـــــــــــــــــريـــــــــــــــم سيـــــــــــــــاره قــــــــدامـــــــــك

.................................................. ......



____________________
الشركه .. الساعه :00 مساءًُ
____________________

** يوسف **

اكيد مستغربين وجودي في الشركه .. بس ما اقدر اصبر اكثر .. قررت اجي اهدد فيصل واخليه يترك نجود .. والله لو يوصل الموضوع للذبح .. ما اخليه الا وهو تارك نجود
زين اني ماتهورت وكلمته قدام نجود قبل شوي .. ولا كان كرهتني اكثر هي بدون شي كارهتني .. بس اذا تزوجتها بتحبني .. مسألة وقت بس

دخلت الشركه .. وماكنت عارف وين اروح

سألت شخص شكله يشتغل في الشركه : وين مكتب فيصل عبد الله

قال : مكتب الاستاذ فيصل عبد الله في الطابق الرابع .. روح فوق واسأل

قلت : مشكور

بما ان المصعد يدوخ راسي .. رحت ركبت مع الدرج يوم وصلت الطابق الرابع وانا راكب اواخر الدرج جا واحد نازل بسرعه .. دفني بقوه وهو يركض طحت وضربت رجلي طرف الدرجه
.. وراح يمشي ولا كأنه مسوي شي .. بس فيه واحد كان وراه جاني يسرع

مد لي يده وقال : اخوي قوم شكلك تعورت

مسكت يده بيدي وقمت .. ويده الثانيه حاطها على ظهري

قال الرجال : والله هالموظف ماعنده اسلوب .. انا اعرف المدير في هذي الشركه .. بكلمه عن هالموظف .. وعن اسلوبه

ابتسمت وقلت : مافيه داعي يا الطيب ... آآآآخ رجلي

قال وهو يتفحص رجلي بيده : شكلها رجلك تعورت مره .. لازم تروح المستشفى يمكن فيه كسر ولا شي لا سمح الله .. لا تسكت عن نفسك

قلت بملل : زين

قال : شكلك تقول وش عنده ذا مسوي فيها دكتور هههههههههههه

قلت : ههه .. يللا مشكور عن اذنك .. أأ على فكره وين مكتب فيصل عبد الله

ابتسم وقال : فيصل عبد الله معاك .. امر اخوي

انصدمت .. ماتوقعت ان اللي اكلمه فيصل .. على طول تداركت الموقف وقلت : قصدي فيصل عبد الرحمن

ثبت ذراعي على كتفه وقال : تعال معاي بوصلك للمكتب

مدري وش اللي خلاني اغير رايي واقول اسم ثاني .. ولحسن حظي كان الاسم اللي آلفته .. اسم موظف موجود عندهم

وقف عند باب مكتب وقال : هذا مكتب الاستاذ فيصل عبد الرحمن .. تبيني اوصلك لداخل ؟

مديت يدي وقلت : لا مشكور اخوي ماتقصر

صافحني وقال : العفو ماسويت الا الواجب .. حياك

مشى عني وانا الاحقه بأنظاري .. يوم اختفى .. مشيت عن باب المكتب .. هذا هو فيصل خطيب نجود .. معاملته معي كانت عكس تماماً للمعامله اللي كنت بعامله فيها لو ماصار اللي صار .. مدري وش احس فيه بالضبط .. لأول مره في حياتي كلها احس بالذنب

طلعت من باب الشركه .. ودق علي ياسر

رديت عليه : الوو هلا يسور

قال : هلا يسوف .. لا تنسى الليله بنسرق محل الفساتين

قلت : بس الفساتين ماتجيب شي

قال : لا هالمحل ارخص فستان عنده بألفين .. يعني بنحصل على شي وشويات

قلت : اوكي تم


............................................

___________________
المستشفى .. الساعه : 12:30 مساءً
____________________

** رهف **

كنت في المستشفى عند السرير اللي فيه الريم .. تقول انها تبي تشوفني قبل ماتموت .. وهذا الشي اللي خلاني ابكي

كانت كلها دم في وجهها وفي جسمها .. وانا ماسكه يدها .. مو مصدقه اللي صار

قالت لي بصعوبه وهي مو قادره تتكلم : رهـ ـ ـ ـ ف انا ابي منك طلب اخيــ ـ ـ يـر قبل ما اموت

قلت وانا امسح على شعرها ودموعي تطيح : بسم الله عليك .. عمرك طويل .. مابتموتين صدقيني

بلعت ريقها وقالت : قولي لمحمد انـ ـ ـي احبه ......... ومسامحته على كل شي .. وع وعاذرته لانه ماغلط .. حلمه انه يصير ابو .. وانا ما حققت له هذا الشي ..و لو لو عشت مستحيل انساه انا حافظه اسمه في جوالي مستحيل انساك وهالكلمه محفوره في قلبي بعد .. قوليله هذا الكلام رهف ..أأأ مانه

حطيت يدي على فمها وقلت : لالا لاتتعبين نفسك حبيبتي .. انتي بتعيشين

قالت : خليني اكمل .. انتي بعد سامحي محمد عشاني ولا تقسون عليه .. وابيك تكملين دراسة الطب عنك ............ وعني .. هالحلم بالذات لازم يتحقق وما ابيك تبكين على موتي.. لاني ان مت برتاح .. لاني ما بقدر اكمل حياتي بدون محمد .. واذا تذكرتي ايام الدراسه وايامنا مع بعض .. ما ابيك تبكين بعد ..لانها ذكريات حلوه مانبكي عليها .. انا صحيح انحرمت من العيال ومن زوجي ومن كل شي احبه .. بس ما انحرمت من صديقتي واختي .. اللي لأخر لحظه في حياتي واقفه معاي

من شفتها وقفت عن الحركه ونفسها انقطع .. ناديت على الدكتوره وانا اصرخ بصوت عالي

جات لعندي حاولت تبعدني وماقدرت .. جات ممرضه ووراها ممرضه ثانيه مسكوني وبعدوني

غطت الدكتوره وجه الريم بالغطا الابيض .. صرخت على طول : لاااا الريم مابتموت مابتخليني لحالي .. ريوم قومي .. تكفين

طلعوني برا مكان ماكانوا موجودين امها اللي ماقدرت تدخل لها .. واخوها خالد .. من طلعت طحت على الارض ماقدرت اوقف مسكتني امها وقالت : رهف قومي قوليلي وش فيها الريم

قلت وصوتي متقطع من البكي : الريم خلاص .. تركتنا وراحت .. تركتني صديقتي واختي الوحيده .. من لي غيرها بهالدنيا .. ابي اشوفهــا .. ما ابيها تموت

ودخلت في نوبة بكي متواصل .. الى ان غبت عن الوعي

................................................



_________________
شقة محمد .. الساعه 1:30 مساءً
_________________

** محمد **

رجعت من الدوام تعبان .. شفت اسرار في وجهي

قلت وانا لاف عنها : السلام عليكم

قالت : وعليكم السلام

قلت : جوعان

قالت : انت تدري اني ما اعرف اطبخ

قلت : ومتى بتتعلمين ان شالله .. والا اقول وخري وخري بروح انام ابرك لي

وقفت وقالت : انت تبي حجه عشان تنام

قلت : ايه ابي حجه ما ابي اشوف وجهك

قالت : محمد اليوم عرفت ان اللي في بطني بنت

قلت : مبروك

قالت : ما اشوفك مستانس

قلت : مو قادر اعرف وش يعني وناسه معاك

قالت بيأس : اجل طلقني

قلت بعصبيه : ايه بطلقك وبرجع للريم .. وبربي بنتي معاها

قالت وهي تهز راسها : مو كل شي بالدنيا يمشي على كيفك يا محمد

قلت : الا على كيفي ومثل ماطلقتها على كيفي برجعها فـــــــاهــــمـــــه .. ويللا روحي عن وجهي ما ابي اشوفك

قالت : ابي افهم ليه تزوجتني

قلت ببرود : لاني كذا ولا كذا بتزوج وحده غير الريم وبطلقها بما ان وضعي المادي مايسمح لي اصرف على ثنتين .. اخذ وحده تحبني وفوق هذا عارفه بقصتي مع الريم وماراح تسأل عن اهلي .. او تقول عرفني عليهم .. وبعدين يا الذكيه من وين بجيب وحده غيرك .. بقول لأهلي شوفولي بنت اتزوجها ؟ ماراح يوافقون لان الريم بنتهم .. او ارقم واشوف البنت اللي تناسبني ؟ .. انتي سهلتيها علي ورقمتيني

قالت : محمد حرام اللي تســ...

اشرت لها عشان تسكت يوم سمعت نغمة جوالي .. ناظرت في الشاشه & رهـف & يتصل بك

رديت وانا متفاجأ اتصالها : الوو هلا رهف

قالت وهي تبكي وصوتها مبحوح : محمد الريم ماتت .. ’’ وبكت بصوت يقطع القلب ’’ ماتت وهي تتكلم عنك

رميت الجوال على الكنب وطلعت من البيت اركض .. جلست اركض في الشوارع اركض واركض .. وصلت للبحر وطيحت نفسي على بطني وبكيت بصوت عالي .. انا ابيها .. انا احبها .. ليه ماتت وخلتني .. كنت برجع لها .. لاااااااا اكيد انا بحلم

.
.
.

رجعت الشقه بالليل وانا تعبان .. وكنت حافي وشماغي مو على راسي .. فتحت الباب لقيت اسرار في وجهي .. مسكتها بقوه وطلعتها برا الشقه ورميت وراها عبايتها .. وانا اصرخ : انقلعي برا وما ابي اشوف وجهك

رحت للمطبخ ورحت للغرفه ورحت للصاله .. وانا اتخيل الريم في كل مكان .. ليه طلقتها بموت من الحسره والندم .. وش بيفيدني هذا كله الحين .. ماتت وانا السبب .. قتلتها

كان شريط حياتي مع الريم يمر قدام عيوني .. يوم اشوفها اول مره

.
.

كانت بنت عند الباب واقفه ومنزله راسها .. ماعرفتها ..لانها حاطه الغطا على وجهها .. قلت اكيد هذي وحده من صديقات رهف ..... لالالا .. هذي الريم ... انا متأكد .. ايه ايه .. هذي الريم .. ريحة عطرها نفسها ... تكلمت وهي مستحيه ومنزله راسها

قالت لي : رهف موجوده

من تكلمت قلبي بدا يدق بقووه .. صوتها مره ناعم ..فديتك .. وفديت صوتك يا الريم

رديت عليها : ايه ايه .. تفضلي

كنت انا مسند يدي على الجدار .. وهي كانت واقفه قريب مني ..اناظرها وانا مبتسم ..وااشر لها عشان تدخل .. بس هي مادخلت .. الظاهر عجبتها الوقفه معي .. وتبي تطول .. يحظك ياحمود .. من قدك

.
.

آآآآآآآه ماتوقعت الايام تاخذها مني .. مو الايام اللي اخذتها .. انت الحقير النذل اللي طلقتها وتركتها ......... ارجعيلي يا الريم وبعوضك .. ارجـــــــــــــــــــعـــــــــيـــــــــــــلـــ ـــــــــــــي


...............................................

_____________________
محل الفساتين .. الساعه 11:00 مساءً
______________________

** يوسف **

وقفنا برا عند المحل .. كان فيه رجال واحد بس يبيع وحنا ما حسبنا حساب ان فيه رجال واحد بس .. هالشي بيسهل علينا المهمه يعني .. وبنتين يشوفون الملابس .. انتظرنا هالبنتين يطلعون .. ودخلنا بعدهم .. هددت انا اللي يبيع بالسكين .. وياسر ودحوم قفلوا المحل .. اخذوا الفلوس اللي في المحل و بعدها اخذو كيس كبير .. وصاروا ياخذون الملابس ويحطونها بالكيس .. ضربت انا الرجال على رجله بالسكين .. عشان مايقدر يمشي .. حطيت السكين بجيبي .. ورحت اجمع معاهم .. وانا اجمع لمحت الرجال زحف للتلفون .. وكان بيدق رقم .. عرفت اني مابلحق عليه واكيد دق على الشرطه وبيوصلون .. تركت اللي بيدي بصمت ورحت لعند الدريشه اللي بالمحل .. كسرتها من الاطراف .. وطلعت منها .. بس اخوياي ماقدروا يطلعون والشرطه لحقوا عليهم .. مشيت بسرعه وكنت بركض .. بس لفيت وراي ناظرت للمحل وفكرت شوي .. حطيت يدي بجيبي وطلعت السكين وجوالي ومحفظتي وحطيتهم عند الدريشه اللي هربت منها .. ابتسمت بحزن ومشيت ’’ خسارة حريتي مو اعضم من خسارتي لأول حب في حياتي .. نجود ’’
.............................................



____________________
بيت ابو يوسف .. الساعه :00 مساءً
____________________

** رهف **

كنت جالسه في غرفتي اقرا قرآن للريم الله يرحمها .. وانا في قمة الحزن .. محمد حالته حاله .. ويوسف بالسجن .. وانا طول الوقت ابكي .. خسرت كثير ناس احبهم واعزهم .. مابقى لي غير الذكرى

فتح الباب اخوي سعد وقال لي : رهـــف فيه بنت تبيك عند الباب

حطيت القرآن .. وطلعت من الغرفه .. نزلت تحت وفتحت للبنت

ناظرت فيها شوي متفاجأه .. من هالبنت

بعدين قالت : السلام عليكم

قلت : وعليكم السلام

قالت : انتي رهف

قلت : ايه

قالت بأرتباك : ممكن ادخل

فتحت الباب وقلت : أأيه .. ت ت تفضلي

دخلتها وكانت امي جالسه بالصاله .. سلمت عليها وجلست

قالت : اكيد ماعرفتوني

قلنا : لا

قالت بخوف : انا اسرار .. محمد طلقني .. وبنتي للحين بدون اسم .. ابيه يسميها .. وشلـ ..

قمت من مكاني وقلت بعصبيه : وجعله مايسميها .. وش جابك بيتنا

قالت : الله يخليك رهف حاولي تفهميني

رحت ومسكتها بقوه من يدها وصرخت : انـــــقـــــلعـــي برا بيتنا .. ولا عاد تجين .. يــــللا برا

بس هي مو راضيه تطلع .. مسكتها امي من يدها الثانيه وقالت : اطلعي بالطيب يابنتي والله يستر عليك .. لان مالك جلسه في هالبيت

قالت وهي تبكي : مو ذنبي

قلت : الا ذنبك ويللا انقلعي برا

مسكتها من شعرها وسحبتها لبرا البيت .. جا سعد يركض وفتح الباب .. دفيتها برا .. وقلت : بعد اللي سويتيه في الريم لك عين تجينا .. ياويلك لو تجين مره ثانيه

وصفقت الباب بقوه

........................................

™±§•£‡ بعد مرور 10 سنوات من الاحداث السابقه ¦‡£•§±™
_____________________
بيت نايف .. الساعه : 1:00 صباحاً
_____________________

** نايف **

كنت نايم ورهف تصحي فيني .. وانا معطيها ظهري واقول : رهوفه خلاص خليني انام

سحبت الغطا عني وقالت : حلوه هذي تنام وانا اجلس لحالي .. واذا صحيت بكرا تصحيني

قلت وانا مغمض عيوني : نامي وش اللي يمنع

قالت بقهر : اللي يمنع ولدك مشعل مو راضي يسكت

قلت : اجل ارميه من الدريشه

قالت بدهشه : ارمي ولدي ؟؟؟؟؟؟

قلت : عندنا بناتنا شهد ورغد مالنا حاجه فيه

وش فيها سكتت وين راحت لا يكون نامت .. سمعت صوت الدريشه تنفتح .. نطيت من السرير .. ولفيت عليها شفتها فاتحه الدريشه وتاخذ مشعل بترميه

رحت لها اركض .. سحبت الولد وقلت لها : هيييه تخبلتي هاتي ولدي .. بسته وحطيته على سريره

ضحكت بصوت عالي وقالت : شفت كيف صحيتك

تخصرت وقلت : تنصبين علي يعني

تخصرت مثلي وقالت وهي تقلد صوتي : تنصبين علي يعني .. اكيد انصب عليك

سحبت يدها وبستها .. وقلت : لا تقلديني

قالت : كيفي

قلت : لا مو كيفك

قالت بتحدي : الا كيفي

قلت : رهف

قالت : نايف

قلت : ترا بعضك

قالت وهي تضحك : عادي

دفيتها على السرير .. وطاحت على ظهرها .. وصرت ادغدغها واقول : هاه تتأدبين عن حركاتك

وهي ميته ضحك ومو قادره تتكلم .. بعدين قالت : خلاص نايف الله يخليك بتأدب ههههههههههههههه .. نايف لا تدغدغني ما احب هههههههههههههه والله ما احب ههههههههههه

قلت : قولي احبك يانايف وبوقف

قالت : وقف الله يخليك هههههههههههههههههههه نايف خلاص عاد

قلت : قولي اول

قالت وهي تحاول تبعدني : بس عاد ههههههههه بتصحي مشعل يالله نام هههههههههه

قلت وانا للحين ادغدغها : يعني مابتقولين ؟

قالت : احـــــــــــــبــــــــــــك

قلت : كملي .. قولي احبك يانايف .. ولا ترا مابوقف

ضحكت وقالت : احبك يانايف ههههههههه امــــوت فــــيــك

تركتها وقلت : ياقلب وعمر وحياة وروح نايف .. وانا اعشقك يادنيتي مو بس احبك

قالت : الله يخليك لي ولـ رغد وشهد ومشعل

انسدحت بجنبها على ظهري وقلت : ويخليك لنا حبيبتي .. رغد متى نامت ؟

قالت : نامت الساعه 10 .. انا غصبتها تنام .. هي مو راضيه تنام .. تحاتي حق ليلة بكرا .. ما الومها حالة أي عروس

قلت : بنفتقد بنتنا رغد كثير اذا تزوجت

قالت : ايه صح

قلت : مو متعود تنام برا البيت

قالت : لا تخاف عليها سعد رجال ويحبها ويخاف عليها

بست عيونها اليمين وقلت : ايه والنعم فيه .. طالع على اخته " وبست عيونها الشمال "

ابتسمت وقالت : الايام بسرعه تمشي .. احس عرسي انا وانت كأنه الامس .. وبكرا عرس رغد وسعد اخوي .. والله دنيا

قلت : ايه والله

~~)(~~ كـذا من ربي حبــيته بسـرعه يوم لا قيـــــته
ياناس اللي تمنيـــــته أخيـراً صـــار محبــوبي ~~)(

سمعت نغمة جوال رهف وقلت : وش هالاغنيه المغبره .. وااااااااي قديمه

ابتسمت وقالت : بس لها ذكريات

ردت على الجوال وقالت : الووو هلا ام نايف .. ايه نامت .. طيب .. الساعه 8 .. عارفه .. الله يخليك .. بكرا تعالي بدري مانبي نتأخر .. العروس نامت من زمان .. طيب .. الله معك

قلت : وش تبي نجود

قالت : تسأل عن أمل بنتها

قلت : يالليل أمل بنت نجود وفيصل .. انا خلاص اعتبرها فرد من افراد عائلتنا .. كل يوم تنام معنا

قالت : تحب شهد .. وماترضى تطلع من البيت اذا جابتها امها وش تسويلها

قلت : مشعل سكت شكله نام

قالت : انا بعد بنام .. يللا تصبح على خير

قلت بأعتراض : لا والله تطيرين النوم من عيوني..بعدين تنامين وتخليني .. مافيه تجلسين معي الى ان انام

ضحكت وقالت : شكلنا بكرا راح ننام في العرس

.................................................. ....

__________________
بيت ابو يوسف .. الساعه : 1:30 مساءً
__________________

** محمد **

’’ يــــــــمــــــــــه .. ما خلصت الـــــــــريــــــــم ’’

سمعت صوت امي تقول : جالسه امشط شعرها

طلعت من غرفتي للصاله .. شفت امي جالسه تمشط شعر بنتي الريم .. والريم تبتسم لي وهي لابسه فستانها الاحمر

قلت : يللا بسرعه يمه

كنت انتظر امي تخلص منها .. عشان باخذها .. بطلع معها وبلعبها مثل ماوعدتها .. بنتي الريم اغلى شي بحياتي .. احبها مره .. سميتها الريم عشان اتذكر الريم الله يرحمها كل ماشفتها وناديتها .. انا الحين في بيت ابوي .. طبعاً امي تحبها وتدلعها ومو مقصره معاها كأنها امها .. وامها اسرار من يوم ما اخذتها منها ما سألت عنها .. عمري الحين 37 .. وماتزوجت بعد اسرار .. تقدمت الى ساره اخت الريم الله يرحمها .. لانها من كلام امي ورهف صارت مره تشبه للريم بشكل مو طبيعي نسخه منها .. بس رفضتني رفض قاطع .. وما الومها

كنت اعتقد ان العيال اهم شي " عشان اعيش سعيد " بس اكتشفت انك لازم تحب " ام العيال " عشان تعيش سعيد .. ولو ما الله كتب انه يرزقك انت وزوجتك عيال اكتفي بـ " حبها واخلاصها لك " والسعاده ماعرفت طعمها الا بوجود " الريم " بجنبي ...

والحين انا عايش مع بنتي احلى حياة ومع هذا افتقد فيها الريم الله يرحمها

.............................................

_________________
بيت فيصل .. الساعه : 2:00 مساءً
_________________

** نجود **

اوف معصبه مره .. فيصل ساعه يتروش وساعه يتلبس و ساعه يضبط الشماغ .. وانا لابسه عبايتي ومقهوره

قلت وانا سانده نفسي على باب الغرفه : فيصل وش رايك تحط لك ميك اب

قال : ما اعرف .. لو اعرف حطيت

قلت : حبيبي والله بيزعلون مني رهف ورغد ان تأخرت اكثر من كذا

قال ببرود : وش اسويلك صاحيه من الصبح .. كان خليتيني اوديك لهم .. بدال القرقره اللي تقرقرينها في هالتلفونات

شهقت وقلت : حرام عليك أي تلفونات .. بس كلمت عمتي ابارك لها عشان وليد تخرج من الثانويه بنسبه ترفع الراس

قال : اهاا قولي كذا .. كم نسبته وليد

قلت : قول ماشاء الله اول اخاف تصكه عين .. ’’ وبسرعه قلت قبل ماينطق بشي ’’ امزح معك .. نسبته 98 %

قال : ماشاء الله .. توقعت وليد يجيب هالنسبه ماشاء الله متفوق من يوم كان صغير

ناظرت في الساعه وقلت بقهر : خلاص الحين بيخلوني اتعدل اخر وحده

قال : احسن تتعدلين اخر وحده .. يصير شكلك مبهر وتتفنن فيك الكوفيره بحكم ان مافيه وحده بتتعدل بعدك .. ومابيخترب الميك اب بسرعه

ضحكت وقلت : هين بتتفنن فيني .. اصلاً بتكون طفشانه وتعبانه وتبي تخلص .. فبتخربط لي أي شي

تقدم مني وباس خدي وقال : حياتي اصلاً انتي حلوه بدون مكياج وبدون شي

ابتسمت مسكت يده وقلت : اتحداك تقول غير كذا .. يللا يللا تأخرنا

.................................................

___________________
بيت العمه .. الساعه : 4:00 مساءً
___________________

** حنان **

كنت منسدحه على بطني في الصاله .. وماسكه الجوال بيدي

واقول بقهر : اوف الشايب الغبي عنده كل هالملايين ليه سافر وماتزوجني

قالت امي : ماعليك يابنتي انتي حلوه وجميله .. ومليون واحد يتمناك .. صدقيني بتلقين واحد اغنى واحسن منه

ابتسمت بفرح وقلت : صدق يمه

قالت : ايه .. بس اخو صديقتك مريم كان بيخطبك ليه مابغيتيه

قلت وانا أأشر بيدي : خليه يولي هذا ماعنده ولا فلس .. وحده مثلي تستاهل واحد احسن من كذا

قالت : ايه وانتي الصادقه .. بتروحين اليوم عرس رغد

قلت : لا مو مرحب فيني هناك

قالت : بروح انا والهنوف

لفيت اناظر في الدريشه وانا افكر .. امي خلاص صارت عجيز مره .. بتموت قريب .. ان ماتت مابيضل لي احد في هالدنيا .. الهنوف ماتدانيني من هذاك اليوم .. يوم تطقني في الصاله وما اعرف السبب .. وابوي " مات الله يرحمه " وفيصل من عرف اني اكلم شباب تبرا مني وصار مايجي البيت ويقول اللي يبيه يروح له بيته هو ونجود .. وامي والهنوف يروحون له على طول بس انا ما اروح مالي وجه .. والبنات اللي اعرفهم كلهم تزوجوا .. حتى الشباب اللي كنت اعرفهم تزوجوا .. وكنت ابي اشتغل في شركة نايف .. لانهم شغلوا بنات هناك .. ويوم وديت ورقة تقديم الوظيفه .. شقها نايف في وجهي وقال لي مثل ماشقيتي اللوحه .. وللحين مدري أي لوحه اللي يتكلم عنها .. ابي اتزوج وش اسوي .. ابي الرجال اللي في بالي ويحق لي ما اخذ الا غني وعنده ملايين انا بنت حلوه ذكيه واهبل باقي 6 سنوات وادخل الـ 40 توه عمري 34 يعني صغيره يحق لي اتشرط ؟

.................................................




_______________________
صالة الافراح .. الساعه : 11:30 مساءً
______________________

** رهف **

الليله فرحتي ماتنوصف .. كنت احلم اشوف رغد عروس والحين شفتها .. واخذت سعد اللي يحبها وتحبه من يوم كانوا صغار .. حياتي تبدلت من حزن الى فرح .. زوج يحبني ويقدرني ومايقصر علي بشي وانا ابادله نفس الشي بالحب والاحترام .. عيالي مشعل اللي عمره 4 اشهر ورغد اللي عمرها 18 سنه وشهد اللي عمرها 8 سنوات الله يخليهم لي .. وابشركم حققت حلمي وحلم الريم الله يرحمها و خلصت دراستي .. وانا الحين طبيبة اسنان .. عسى الله يديم الفرح علي وعليكم .. قولوا امين

.
.

الحين انا ونجود نتمشى ونسلم على المعازيم .. كان العرس زحمه .. وكل الناس اللي نحبهم معنا .. بأستثناء اختي الريم الله يرحمها اللي افقدها في كل مناسبه سعيده

دخلت الهنوف وامها .. جات الهنوف لعندنا تركض سلمت علينا وهي مبسوطه

وقالت : الله تهبلون

قلت : مافيه وحده تهبل هنا غيرك

قالت : ايه هين .. ابي اشوف رغد متى بتدخل

قلت بأبتسامه : شوي وراح تدخل

ضحكت وقالت : زين انا بروح ارقص هههههه

ضحكت معاها الى ان راحت .. صح ماقلت لكم عرس الهنوف بعد شهرين بتاخذ بندر ولد عمتها .. ادعولها بالتوفيق

سحبت يدي نجود وقالت بهمس : شفتي الدنيا كيف بالمقلوب

قلت : كيف مافهمت

قالت : اجل وحده حلوه مثل الهنوف تتزوج وعمرها في الـ 30 غيرها مفروض تتزوج وعمرها على الاقل 22 .. ولا وفوق هذا بندر اخذها مع انه متزوج قبل .. يعني بتصير الزوجه الثانيه

قلت : ايه والله .. بس يللا اهم شي تزوجت

قالت : ترا تقدموا لها كثير قبل بندر بس هي ماتوافق .. كانت حالتها النفسيه مره تعبانه .. الله ينتقم من اللي كان السبب

قلت : آمــــيــــــــن

شوي وجاتني بنتي شهد ماسكه صديقتها راما

مدت لي يدها تسلم علي .. سلمت عليها وقلت بحنان : كيف حالك راما حبيبتي

قالت : زينه

مسكت شهد ونزلت لمستوها .. قلت وانا انظف فستانها بيدي : شهوده حياتي شوفي كيف وصختي فستانك بالبسكوت

قالت بصوتها الطفولي : جدتي ام مشعل هي اللي اعطتني اياه

وقفت وقلت لها بأبتسامه : اوكي حبيبتي يللا روحي ارقصي مع صديقتك راما

ابتسمت وراحت تركض ووراها صديقتها

على فكره صديقتها راما هذي تصير بنت خالد اخو الريم الله يرحمها .. معاها بالفصل .. والله الحياه صدف

لفيت على نجود وقلت لها : يللا انا بروح بدخل رغد مع نايف

رحت لرغد الغرفه اللي هي فيها .. مسكتني وقالت بخوف : الحين بدخل

قلت : ايه

هزت راسها وقالت : ما ابي .. استحي .. اخاف .. شكلي حلو ؟

قلت : قمر وربي قمر

قالت : يعني تهقين بعجب سعد !!

قلت وانا اضحك : الا بيموت عليك .. انتي وهالعيون الزرق

نزلت راسها بحيا .. ودخل نايف قال بعجله : الحين بندخل رغد ؟

قلنا مع بعض : ايه

مسك نايف يدها اليمين ومسكت يدها الشمال

كانت واقفه ماتمشي

لفيت عليها وقلت : وش فيك رغد

من قلت وش فيك على طول طاحت دموع من عيونها

قالت وهي تبتسم : صحيح انا فقدت امي وابوي الله يرحمهم .. بس الله عوضني بأم وأبو مافيه منهم

عيوني لمعت وكنت ببكي .. ضميتها وقلت : تدرين يابنتي احساس الفرح ماحسيت فيه الا مرتين في حياتي .. مره يوم اتزوج ابوك نايف .. والمره الثانيه اليوم .. والفرح مابيفارقني دام انتي وابوك واخوانك معي

قال نايف بمرح : يعني ليلتنا بتصير فلم هندي الحين ؟

ضحكنا انا ورغد .. وضحك معانا نايف

ودخلناها والكل انبهر بجمال رغد وحلاها .. قال نايف بهمس : ياربي استحيت الكل يناظر فينا

قلت : الكل يناظر معليه بس انت تناظر ممنوع

قال : معي رهف واناظر لغيرها معقوله ؟

قلت وانا ابتسم للناس : طيب يانايف

قال : ااصلاً هو فيه احلى من رهف اللي اخترتها بين كل هالبنات

قلت بحيا : تسلم يابعد عمري الله يخليك لي

قالت رغد : لا تخلوني اضحك الحين .. هذا وقتكم تتغزلون في بعض

ابتسمنا انا ونايف .. وحنا نحاول نكتم ضحكتنا .. وانا اتخيل الناس تموت وتعرف حنا في وشو نسولف

.
.
.

خلص العرس ورجعنا انا ونايف بيتنا

ما كان احد صاحي في السياره غيري انا ونايف .. شهد من اول ماركبنا السياره ماقاومت النعاس ونامت .. ومشعل نايم في حضني .. وانا اسولف مع نايف تذكرت شي .. وقلت له على طول : حبيبي نزلني بيت اهلي ابي اخذ شي

وبطبيعة نايف اللي مايرفض لي طلب قال : من عيوني

وصلت بيت اهلي نزلت وفتحت الباب لان عندي مفتاح لبيت اهلي .. ركبت غرفتي فتحت الصندوق حقي .. وطلعت دفتر نايف حق الشعر تذكرونه ؟

ونزلت تحت بسرعه .. قفلت الباب وركبت السياره

يوم دخلت قلت : هات مشعل ’’ لاني اعطيته مشعل قبل ما انزل بيت اهلي ’’

قال وهو يعطيني مشعل بحذر عشان مايصحيه : وش اخذتي ؟

مديت له الدفتر وقلت : هذا

عقد حواجبه وجلس يدقق فيه بعدين قال بصوت عالي فقع السياره : دفــــتــــــــــراشــــعــــــاري

هزيت راسي وضحكت : ايه

فطس ضحك .. وماسكت

قلت له : وش فيك

مارد علي لانه ميت ضحك

هزيت كتفه وقلت : نايف قول لي

قال : متى اخذتي هالدفتر ؟

قلت : من زمان قبل حتى ما اتزوجك .. تذكر يوم نتبادل بدون قصد بالشنط في المزرعه .. الفضول خلاني اخــ .....

حط يده على فمه وضحك .. قال لي : دفترك حق ذكرياتك عندي

قلت : احلف يا الحرامي وانـــ...

وقفت عن الكلام يوم استوعبت ان كل واحد اخذ شي للثاني وفي نفس اليوم

جلسنا نضحك انا ونايف

بعدين فتح الصفحه الاخيره وقال : قريتي هذي

هزيت راسي وقلت : لا

قال : هذي القصيده هي اللي فوزتني بمسابقة الشعر .. وانا كتبتها لك

قلت بدهشه مخلوطه بالفرح : والله كتبتها لي

قال : ايه لاني مثل ماقلت لك اول ايام خطوبتنا .. اني احبك من زمان من يوم شفتك بالبيت اول مره

قلت : ايه مكتوب في دفتر الشعر

ابتسم وقال : القصيده عنوانها "°o.O بــيــن ثــنــا يــا الأيـــــام O.o°"
وانتي احلى شي شفته بين ثنايا ايامي .. والله احبك موت يارهف

رديت له الابتسامه وقلت : وانا بعد احبك .. صحيح شفت في ايامي اشياء كثير حزينه وماتوقعتها بس الشي السعيد بين ثنايا هالايام هو زوجاي منك

تحمحم وقال : يللا حياتي بلقي عليك قصيده الحين .. وان شاء الله اقدر اعبر فيها شوي
من حبي لك

"°o.O هذي رهفO.o°"

بعيني شفتها وصورتها لي اميــــره
كامله والكامل الله ومحد يوصل غلاها

عرفتها وعرفت ان حبها ماهوبحقيقه
محروماً علي ولازم انسى حـــــــلاها

مهيب سهله القلب عقبهابحاله غريبه
هذي رهف والقلب يفز لاشاف خطاويها

اموت انا واخلي دمعتي بعيني حبيسه
هذي سواتك ياقليبي مالقيت غيرها تغليها

النار بقلبي حسيتها وحسبتهاوالله قليله
اثاري القلب ميتاً فيها يغليها و يبيهـــــــا

حتى يدي تحبها وتكتب لها الف قصيده
والعين في كل لحظه تشوفها تشتريهـــا

ياقوة الله عليها شوفتها ماهيب بسيطه
وانا واعوذ بالله منها اعشق مواطيهـــا
نستني حتى بـــــــرد الغرب وخريفه
بقلم : صاحبة الكلمه

كان نايف يلقي قصيدته لي بحب وانا سانده راسي واسمع له .. حرك السياره وناظرت لبيت الريم .. طاحت دمعه من عيوني .. مسحتها بسرعه وابتسمت



^*^
/
\
/
\
/
\
/
\
/
^*^


***** النــهــاية ******


تمت كتابة اول حرف في هذه القصه يوم الثلاثاء تاريخ 9 شوال 1427 هـ
31 أكتوبر 2006 م

وتمت كتابة اخر حرف في هذه القصه يوم السبت تاريخ 7 رجب 1428 هـ
لسبت 21 يوليو 2007 م


«««(•´¯`•.•÷× الى كل من تابع قصتي واحبها ×÷•.•´¯`•)»

كلمات قصتي هذه محفوره في قلبي .. فأتمنى ان تكون محفوره في قلوبكم ايضاً .. وعلموا جيداً ان القصه لم تكتمل الا بتشجيعكم لي .. قد تبحر سفينة افكاري باحثه عن رواية جديده .. و تعود لترسي في قلوبكم .. تذكروني دائماً ..
هذه كانت كلمات صاحبة القصة