غريبه بين اهلي للكاتبه دمعه سراب>>روايه اماراتيه روعه

الجزء السابع عشر

احمد واللي ماكان يتوقع ان الكلام اللي سمعه صج قاعد قبال محمد وينتظر تعليق على اللي صار وسيفوه قاعد يمه..
محمد:" شفيكم اطالعوني جذي؟"
سيف:" طالع هذاااا ويسألنا ليش انطالعه بعد ، انت مو بس بنطالعك الا بناكلك بعد."
أحمد:" حتى هني جبت طاري الأكل انت ماتشبع."
سيف:" واللي يرحم والديك موووو وقتها خلنا ننتظر تعليق ابو مشعل."
محمد:" خير شتبون تعرفون؟ والا تدرون ليش اسأل بإختصار اي صح اللي سمعتوه وماعندي اي كلام ثاني وياالله وروني مقفاكم بره الحجرة خلوني ارتاااح."
احمد يطالع سيف ويقول له:" خووي مو كأنها طرده؟؟!"
سيف:" اعتقد جذي ، بس شرايك اليوم انام هني والله انا عاجبتني القعدة هذي وماودي اغيرها."
احمد واللي جته الضحكة من نظرات استهبال سيفووه:" اي والله انا بروح اغير دشتاشتي واييك على طوول."
سيف:" لااااا تعااال وين رايح عندك الكبت هذا فيه ثياب وايد اختار اللي تبي ترى كلهم يداد محد لابسهم خخخ."
محمد وحمل العكاز ماله وصار يضربهم، وهم يضحكون عليه:" بس الله ياخذ ابليسكم بقول لكم بالتفصيل ادري انتوا ماتحبون الاختصار."
وقعد وياهم ومافكوه الا يوم قال لهم كل اللي صار من طأطأ لي السلام عليكم...
أحمد:" آآآخر شي كنت اتوقعه من سحر."
سيف:" انا عكسك هذا اول شي كنت اتوقعه، محد يعرفها بس انتوا ماتصدقون."
أحمد:" زين وش بتسوي؟"
محمد بنظرات ماعرفوا معناها:" ولاشي ، مابسوي ولاااااشي، كل اللي بينا انتهى ومالها اي معنى بحياتي ، هي بطريج وانا بطريج ثاني."
سيف:" ابركها ساعه، وصدقني بتلقى اللي احسن منها وتسواها الف مرةةةة."
محمد:"ههههههه حلوة منك ابركها ساعه شكلك كنت تنتظر يوم فراقنا عن بعض على احر من الجمر؟"
سيف بخجل<< موراكبه عليه:" بصراحة من زمان كنت اقول انها ماتستاهلك وماودي انك ترتبط فيها ابداً ، بس مو بالطريقة اللي صارت، بس الحمدالله انكشفت على حقيقتها وذلفت."
احمد:" سيف عيب ولو لاتقول هالكلام حتى لوغلطت الله يحاسبها مو انت."
محمد بقهر:" خله يقول اللي يبيه ، مايهمني شي فيها غير انها تبتعد عن حياتي للأبد."
كان رغم صموده قدام اخوانه الا انه مليان قهر وألم من اللي صار، ووده يسوي اي شي علشان ينسى هالسحرهذي..!!

^^^^^^^^^^^^^^^^^^^^^^^^
سمر:" ياسلام ياشوووق صج انج بيت اسرار الحين احنا معاج وماتقولين لنا ان سحر سوت جذي؟ افاااا عليج بس."
خلود:" انا قلت اكيد صاير شي بس مدري انتوا قلتوا لي خبله وخرابيطج فكينا منها شفتوا اني طلعت صح."
بدور:" اشششش خلونا نشوووف البنت شوفوها اكلتوها." طالعت شووق وقالت:" يالله بسرعه طلعي كل اللي تعرفينه لااربطج هني واسوي لج تعذيب حتى تعترفين."
شوق:" حشى يممممه منج وهذا اللي تقولين لهم اكلوني ، انتي اللي بلعتيني بقشوري، ماصار شي بس اللي سمعتوه صح."
سمر:" اي ندري صح ، بس نبي التفصيل."
بدور وبلهفه:" يالله ترى ارتفع ضغطي واعصابي تلفت خخخخ."
شوق:" اذا جذي خلج ماني قايلة شي."
خلود:" قولي لانذبحج."
شوق وتبي تقهرهم شوي وهي قايمة:" يالله ياجماعة بقوووم ارتاح ترى تعبانه شوي."
سحبوووها ثلاثهم من اياديها وقعدوها مرة ثانية:" ويييييين رايحة قعدي."
شوق:" ههههههههههههه كل هذا شوووق ولهفة لي ياحظي."
بدوروهي ضاربتها على جتفها:" عن المصاخة كأنج متخيففة اليوم ،قووولي ذليتينا والله ماتسوى علينا."
شوق:" مدام ماتسوى ليش تبون تعرفون."
سمر:" على قولة بعض الناس لقافة خخخخخ."
خلود وبنظرة إنتقام :" اددددري تقصديني اوووريج."
شوق:" زين سمعوني لااتهاوشون، تذكرون يوم اللي طاح فيه اخوكم هو نفسه اليوم اللي سمع فيه سحر تكلم رفيجتهاا وتقول انها مستحيل تاخذ واحد معاق ، بذيج اللحظة كنت انا داخلة الصالة ومحمد كان واقف يم الدرج وسمعها، وبعدها باليوم الثاني قال لي وطلب مني اني مااقول لأحد وانا وعدته ونفذت وعدي وبس هذي كل السالفة، عرفتوووا."
خلود:" اشووف فيصل محارب اخوي ذاك اليوم ويقول حجي عنج."
شوق حزنت يوم سمعت خلود لأنهامن ذاك اليوم خايفة تسبب مشاكل بين الأهل، بس حاولت تبين قووية وتمسك نفسها وماتوضح لهم خوفها:" خليها على الله ياحبيبتي."
بدور:" ولاعليج عمري انتي مستحيل احد يمسج بشي دام انتي في بيت جدي."
خلود:" زين وش تتوقعون الحين محمد بسوي؟"
سمر:" مايبي لها تفكير حبيبتي اكيد كل واحد فيهم بروح بطريج."
خلود:" بس انتي تتوقعين سحر بتخلي السالفة جذي؟"
بدور:" وش تبينها تسوي يعني، خلاص انكشفت على حقيقتها وخالي مايبيها ، ولااحنا بعد."
شوق:" حراام يمكن كانت مجبورة ، والا ماتقصد تقول جذي."
خلود:" لاادافعين عنها وانتي شفتيها بعينج يوم قالت هالحجي عن اخووي والا فيه تفسير ثاني له واحنا مانعرفة."
سمر:" صح كلامج ، مااعتقد انها ماتقصد هالشي وانا والكل يعرف تصرفاتها ، بس ماكنا نتوقعها تقول عنه جذي وخصوصاً إنها تحبه من زماان."
خلود:" ان شاءالله مايرد لهااااا."
شوق:" الله يسوي اللي فيه الخير."

^^^^^^^^^^^^^^^^^^^^^^^^
بعد دقايق من كلمت ميثة عبدالعزيز اتصلت على سحر وخبرتها انها سألت عنه وانها قالت له مايقول لفهد انها سألت عنه...
سحر:" اوكي يالله بااااي."
سكرت التلفون وتمت تفكر باللي قاعد يصير وش ممكن تسوي علشان اطلع روحها من هالورطة اللي طاحت فيها.. وقطع حبل أفكار صوت طق على الباب..
فتح أخوها الباب شوي:" ممكن أدخل؟"
سحربإبتسامة حزينة ودمعة مصطنعه:" تفضل."
فيصل:" شخباااارج؟"
سحر:" بخير."
لاحظ عليها العبوس والإكتئاب:" سحر شفيج؟ شكلج متضايقة من شي؟"
سحر:"لالا مافيني شي بس زهقت القعدة هني، حاسة اني بختنق وابي اطلع."
فيصل:" انتي الله يهداج اللي حابسة عمرج ، قومي وشوفي نفسج بالمنظرة كأنج عيوز ."
سحر:" انااا عيوووز."
فيصل:" امززح بس شكلج موحلوو يعني ويهج أصفر، وشعرج كشة ، يعني موعوايدج."
سحر:" واللي صار يخلي الواحد يهتم لروحة."
فيصل وردت له كلماته الحقد:" ماعليج هونيها اوريج انا فيهم."
سحر:" الله لايخليني منك ياخوي."
فيصل:" بس انتي بعد ديري بالج وعن الحركات اللي تسوينها ، ترى انا بعد اعرفج ياسحر موهينه، وموغريبة عليج انج تقولين الحجي اللي سمعته."
سحر:" اي حجي؟"
فيصل:" سحر مافي داعي لأنج اتلفين وادورين يعني الكلام اللي قلتيه عن محمد موسهل ، واعتقد كان ممكن يسوي اكثر من جذي."
سحر وبسرعة البرق طاحت منها دموووع التماسيح:" يعني الحين اي واحد غريب يقول شي خلاص تصدقونه؟ يمكن انا قلت شي وهي فسرته على كيفها."
فيصل:" بس تقول امي انه محمد سمع الكلام بإذنه من جذي طاااح ومرض."
سحر:" صدقني أكيد سمع الكلام غلط ، فيصل لاتنسى اليوم ريل خالتي وش سوى بأمي، هزأها وطردها من البيت."
إنصدم لما سمعها تقول جذي:" شنووووووووووو طردهااا ، بأي حق يطردها."
سحر:"أنا اقول لك ياخوي شوق بنت الخلفان من دخلت بيت خالتي انعفس فوق تحت ، تصدق ان طرد امي وقام يصارخ عليها ويهددها بعد انه اذا احد مس شعرة منها ماراح يسكت..!!"
فيصل:" لاااا أشوفها طالت وشمخت ، سكتناعنهم قاموا يتطاولون على أمي بعد ، انا ماراح أسكت أبدااا ويصبرون علي."
وطلع من الحجرة بعد ماشحنت سحر راس أخوها، وزودت الحقد اللي بقلبه وملت قلبه كره لهم..!!! كانت خطتها في طور النمو تبي تنتقم من محمد اللي سبب لها كل هالمشاكل ، وتنتقم من شوق اللي خربت عليها كل شي من دخلت البيت..!!

^^^^^^^^^^^^^^^^^^^^^^^^

قوووة مريووم."
مريم:" هلااااا خرعتيني يادبه."
سمر:" انا دبه يادبه."
مريم:"هههههههههههههه، وينج فيه يالقاطعه ماتسألين ولاتبينين ولاحتى مسج او مسكول والا مانستاهل."
سمر:" افاااااااا عليج من عيوني الحين اسوي لج مسكول."
مريم وهي دازتها:" قووووووومي زين ههههه تطنزين علي انتي ، لاحبابه مومقبولة منج الحين."
سمر:" زين ولايهمج بس اطلع من بيتكم اسوي لج مسكول."
مريم:" بعد العافية خخخ."
سمر:" الحين بزنطج."
مريم:" اشوف يالله هاج رقبتي يوديها اذا مارحتي اعدام."
سمر:" هههههههههه اللهم ياكافي بعيد الشر عني كش كش ."
مريم:"ههههههه زين يابنت العم خبريني وش اللي يابج؟"
سمر:" بل جزاة الخير اييها اسأل عنها، اهي طردة يعني."
مريم:" طاااااااالع هذي اقووول قوولي وش عندج لاالحين طلعت عينج."
سمر:" مو كأنج صايرة مجرمة ، شكلج اطالعين افلام رعب."
مريم:"ووع امحقها افلام ماحب الرعب احب الأكشن."
سمر:" اقول عن الهذرة وسمعيني ، ليلة الخميس بنطلع بتيين ويانا انتي ويانوف؟"
مريم:" على حسب مدري جدول أعمالي شنو، وبعدين بشوف سكرتيرتي اذا فيه مواعيد اولا ، وبعدين بتصل فيج اخبرج."
سمر وين فالعتها بالدب اللي كان بيدها:" مااااااااااالت على اللي ايي ويطلعج وياه."
مريم:" هههههههههههه شدعووة انزين صج وين بتروحون؟"
سمر:" بنروح السينما."
مريم:" من صدقج؟ وابووج؟؟؟مجانين انتوو؟"
سمر:" ههههع امزح ياخبلة وش ناوية يقصون رقابنا لونروح ، بس آآآآخ حلال عليهم حرام علينا، المهم بنروح نتعشى بالشاليه ليلة الخميس خبرج الخميس واخواني اجازة يبون يصيفون شوي هناك شقلتي يالله بسرعه."
مريم:" على شورتج توكلنا على الله ، بس أمي وأبوي؟"
سمر:" شفيهم بعد؟"
مريم:" بتمون بروحهم هني.؟"
سمر:" لا بنييب لهم الحاضنة تقعد وياهم."
مريم:" عن لطنااااااااااااازة."
سمر:" شدراني فيج، اقول لها بنطلع ، تقول لي امي وابوي بروحهم خير ياطير يعني."
مريم:"زين اكلتيني، وحمد بروح ويانا؟"
سمر:" اي محمد اتصل فيه وخبره، يالله عن الهذرة الزايدة انا بروح اوكي السايق بره الحين امي بتاكلني بالبيت ليش تأخرتي تبي تروح بيت جيران خال أبو جد أم جارتها."
مريم:" هااااااااااااااا..!!!!"
وهي تضحك عليها:" اقوول لج انتي خبلة اليوم خخخخخخ."
مريم:" انقلعي بس."
سلمت عليها وردت لبيتهم..!!

^^^^^^^^^^^^^^^^^^^^^^^^
الجو كان هادئ وكأيب بالنسبة لها ، مر شهر على خطوبة اختها اللي كانت مقررة تتزوج على طوول بدون خطوبة لكن بعد مافكرت قررت انها تتزوج بعد شهر على الأقل وفعلاً قرب الموعد ومابقى غير أسبوعين على زواجها ، وبينتقلون لبيتهم الجديد..!!!
عبود:" هدييييلووو شفيج سرحانة؟"
هديل:" ههههههه والله اشووف ماخذ راحتك هديلووو هاااا ."
عبدالله:" شسوي مليت صار لي ساعة وانا قاعد قبالج ماعطيتيني ويه، والحين المغرب مافي شي اسويه."
هديل:" تعااال صووبي ." قام وقعد صوبهاوقالت له:" آمر تدلل وش تبي تسوي؟"
عبود:" بصراحة خاطري في شي بس مدري اخاف اقووله."
هديل:" شنوووو؟"
عبود:" أبي اشوف شوق ."
هديل تذكرت اختها اللي انقطعت عنها وماصارت تسأل عنها:" صدقك من زمان ماشفناها ولاسمعنا صوتها من خطوبة هدى."
عبود:" شرايج نتصل فيها؟"
هديل:" زين بس وينها امي وهدى؟"
عبود:" لاتحاتين طلعوا من الساعه 4 العصر السوق وانتي نايمة وللحين ماردوا."
هديل:" حشى ماصارت اكيد خمت السوق ، زين تعال بنتصل فيها قبل إييون ونحصل زفه."
عبود:" بسسسسرعه.."

وفي بيت ابومحمد..

سيف:" ألوو."
هديل بإرتباك:" السلام عليكم ."
سيف:" وعليكم السلام."
هديل:" شوق موجودة؟"
سيف:" اي لحظة وحدة."
وبسرعه راح دق على جرس فوق وردت عليه خلود:" خييييير."
سيف:"تلفون لشوق خليها ترد على التلفون اللي فوق بسرعه."
خلود:" اوكي."

شوق:" ألوووو."
هديل:" حياالله القاطعه."
شوق:" هلاااااااااا عمممري"
هديل:" ايييه صبغينا ، اشووفج نسيتينا ماتتصلين ولاتسألين ."
شوق:" والله غصباً علي وسااامحيني والله ماتغيبون عن بالي."
هديل:" ايييه وواضح ان احنا دوم على بالج ، اقوول ترى عبود زعلان يبي يشوفج."
شوق:" ههههه حليله هو يمج؟"
هديل:" ايه هاج كلميه."
عبود:" الووو."
شوق:" هلا والله حبيبي شخبارك؟"
عبود:" موزين لأنج ماتسألين عني."
شوق:" افااااااا ،، ترى أزعل."
عبود:" انا اللي بزعل ترى مابكلمج اذا ماجيتي بيتنا."
شوق بحزن:" يصير خير عبود."
عبود:" ايه يصير خير ادري مابتيين الا بزواج هدى."
شوق تفاجأت بكلامة:" زواجها؟"
سحبت هديل منه التلفون بسرعه:" هلا شوق هذا انا."
شوق:" صج اللي اسمعه؟"
هديل:" ايه صج ، بعد اسبوعين زواجها وقاعدة تجهز نفسها، تقول خلاص مابتسوي حفلة بتزوج على طووول وهي الحين وياامي بالسووق يتشروون."
شوق:"حساااافة عليهااااا."
هديل:" المكتوب صار ، خلاص هي راضية فيه كيفها بتندم بعدين."
شوق:" لاتقولين جذي، ادعي لها بالسعادة."
هديل:"شوووق بعدج ادافعين عنها وهي اللي ماسوت فيج سواتها، وثانيا وش تتوقعين من وحدة اتزوج واحد كبر أبوها..!!!!"
شوق:"مهما كان هذي اختي ، والله يهنيها ويهديها."
هديل:" قولتج الله يهديها."
شوق:" زين طمنيني عنج انتي وش مسوية؟"
هديل:" ضايق خلقي بعد اسبوع بننقل اغراضنا البيت الجديد، وموطايقة اروح."
شوق:" يمكن يكون الجووو هناك أحلى شرايج اذا انتقلتوا اتيين لنا البيت بتصيرون اقرب لنا صح؟"
هديل:" اي صح، بس اخاف امي ماترضى."
شوق:" مااعتقد ،حاولي وياها واكيد بتنقتنع."
هديل:" ان شاءالله، زين حبيبتي انا بسكر التلفون اخاف اييون ويسون لي سالفة."
شوق:" زين ، انتبهي لروحج وعبودي بعد ، اتحملي فيه زين ، وان شاءالله نلتقي مرة ثانية."
هديل:" وانتي بعد ، مع السلامة وسلمي عليهم."
شوق:" الله يسلمج يوصل."
وسكرت السماعه وهي فرحانة انها سمعت صوت اخوانها اللي صار لهم أكثر من شهر ماسمعت صوتهم ولاشافتهم ، صج انها كانت مقصرة معاهم.

^^^^^^^^^^^^^^^^^^^^^^^^

دخلت بيت خالتها وهي خايفة ، ماتدري وش بصير بعد اللي سمعته من خواتها..
نوف:" هلا والله."
نجود:" هلا بيج حبيبتي شخبارج؟"
نوف:" اسأل عنج، شخبارج؟وش أخبار بيت خالتي؟"
نجود:" بخير يسلمون عليكم، الاوين خالتي وسحر؟"
نوف:" فووق على ماأظن سحر بغرفتها كالمعتاد وأمي بالصالة فوق."
نجود:"زين بروح اسلم عليها اتيين وياي؟"
نوف:" اوكي يايه."
وركبوا فوق وكانت خالتها قاعدة بالصالة اطالع التلفزيون..!!
نجود:" السلام عليكم خالتي؟"
ام فيصل تمت ساكته وسوت نفسها ماسمعتها، وللمرة الثانية سلمت نجود:" السلام عليكم خالتي."
نوف:" يممممممه."
ام فيصل:" هااا ، وعليكم السلام." وسكتت
نجود:" شخبارج خالتي؟ وشخبار سحر؟"
أم فيصل واللي تبي تنفجر بأي أحد من عايلة أبومحمد :"أخبارناعند ابووج."
نجود بإستغراب وتوتر:" ابوووي؟"
أم فيصل:" ليش مادريتي وش سوى ابوج فيني؟"
نجود:" خالتي المسامح كريم ، ماعليج منه يمكن كان معصب ولحظة غضب أكيد..."
وقاطعتها:"معصب؟ لاحبيبتي مومعصب هو كان قاصد وانا ماراح اسمح له يهني وأسكت عنه."
نوف:" يممممه هي حرب."
ام فيصل:" انتي سكتي مالج خص وروحي تحت."
نوف انقهرت من امها وراحت حجرتها.. وخلت نجود بروحها وخالتها اللي أكلتها بكلامها اللي يسم البدن.
أم فيصل:" سمعيني قولي لأبوج هو اللي جنا على العايلة بتصرفة..واحنا في غنى عنه."
نجود انصدمت من كلامها ، حست نفسها غريبة بذيك اللحظة حاولت تمسك دموعها حتى ماتبين ضعيفة لكن عبرتها كانت الأسبق.
أبو فيصل كان واقف وسمع كلام زوجته:" ام فييييييصل..شقاعدة تقولين..؟!"
وبنظرات غيظ وحقد طالعته وماردت عليه لكنها سمعته كلام تمنت نجود حزتها انها ماشافت بوفيصل بهالموقف:" انت ماااالك خص اهلي وكيفي وياهم دامهم بدواا بالمشاكل، واللي مايبينا مانبيه."
ابوفيصل مسكين حس نفسه بدوووامة ادوور وموراضية توقف زوجته تقول له هالكلام، بعد كل هالسنين تقول له انت مالك خص..!! طلع من الصالة ومن البيت لأنه حس نفسه بيختنق ماقدر يقعد دقيقة ثانية.

^^^^^^^^^^^^^^^^^^^^^^^^

كانوا قاعدين بالصالة سوالف وضحك ويابعضهم ، وينطرون أبوهم يرجع من الشركة علشان يروحون بيت بونورة يخطبونها لسيف اللي صرعهم من كثر مايحن ويزن فوق راسهم..!!
احمد:" الله يابودعيج منووو قدك ، بتصير معرس."
سيف:" ومنووو بودعيج انت؟"
سمر:"ههههههههههه لايافالح انت."
سيف:" سكتي انتي، ماسألتج."
سمر:" ودي اعرف ليش اتجعم الواحد اللي يسولف وياك ياكرهي لك."
سيف:" وووه ابركها ساعه محد قالج حبيني ياالأميرة الناعسة."
سمر:" ياثقيل الدم."
شوق ومحمد وخلودوأحمد تموا يضحكون عليهم وعلى هواشهم.. أما امهم فكانت تجهز نفسها علشان من يوصل بومحمد يروحون..
محمد:" اتصلت في شيخة؟"
أحمد:"وانا وش لي خص فيه، خله هو يتصل."
سيف:" ماطلبت معونتك انا اتصلت فيها وقالت بتوصل بعد5دقايق.."
خلود:" سيف ونجود مابتاخذها؟"
سيف:" ااااي صج محمد اليوم انا اتصلت فيها بس حسيت فيها شي."
محمد:" شلون يعني، شفيها؟"
أحمد:" يمكن مريضة."
سيف:" لامومريضة بس صوتها متغير وكأن فيها شي وخاشته، حتى انها كانت متحمسة للروحة الليلة.."
محمد تم ساكت يفكر كان خايف ان فيصل مسوي لها شي والا خالته:" زين انا بتصل فيها."
وقبل لايدق عليها وصلت شيخة وبنفس الوقت أبوه:" السلام عليكم."
وردوا عليهم :" وعليكم السلام."
شيخة:" يالله تأخرنا."
بومحمد:" صبري شوي مستعجلين على شنو؟ الناس مواعدينهم الساعه 8:30 والحين 8:15"
سيف:" يبه وعلى مسافة الطريق يعني تبي بالضبط نمشي 8:30؟؟ بنوصل متأخر."
خلود:" مايقدر يصبر."
سمر:" سكتي لايسمعج ويهاوشج."
بومحمد:" وينها أمكم؟"
سمر:" فوق تبي اناديها؟"
بومحمد:" اي يالله ناديها."
محمد:"يبه انا مورايح وياكم."
سيف:" لييييييييييش؟؟"
محمد:" تعبااان شووي"
بومحمد:" خلّ التعب عنك وامش ويانا مايصير اروح بدون ولدي العود."
ام محمد واللي نزلت بسرعه:" اااي صادق ابوك مايصير يروح بدونك يالله انت واحمد قوموا."
أحمد:" ولييييييييه وانا شكو بعد اروح، محمد وسيف وابوي يكفون."
بومحمد:" زيييين لاتروح بس محمد قوم يالله."
محمد:" ونجود؟"
بومحمد:" شفيها؟"
محمد:" ماوصلت."
شيخة:" اتصلت فيني واعتذرت قالت مب يايه تقول تعبااانة شووووي"
محمد ماكان مطمأن بس قال لهم:" زين بروح بس بعدين بمر عليها."
سيف:" سوو اللي تبوونه بس الحين لاتأخرونا يالله."
وطلعوا كلهم وتموا البنات وأحمد بالبيت ، كانوا زعلانين لأنهم ماأخذوهم وياهم.
خلود:" انا ودي اعرف ليش ماياخذون الا لكبار؟"
سمر:" لأن جلسة كبار."
شوق:" وانتي وش اللي حارق اعصابج؟ عااادي آخرتها بتشوفينها."
خلود:"أدددري"
أحمد:" انا بطلع تبون شي؟"
سمر:" لاسلامتك."
وسلم عليهم ، وهو طالع سمع سمر اتكلم عن مريم وعن الشالية ، حس بحزن يوم سمع اسمها وطلع بسرعه من البيت."

^^^^^^^^^^^^^^^^^^^^^^^^
حاولت انها تقوووم من سريرها وتغير من الحالة اللي هي فيها،لازم تتحرك والا بيقضي عليها الحزن والتفكير ، كانت سحر تفكر بجنووون شلوون تخلص روحها من الورطة اللي هي فيها، وتنتقم من اللي سواه فيها محمد..!! اتصلت بميثه بسرعه واعدتها انهم يلتقون بعد ربع ساعه بالمجمع...

وبعد ربـع ساعه..
ميثة وهي تحبب في سحر:" هلا والله اسفرت وانورت والله اشتقت لهالويه المنوور."
سحر:" تسلمين."
ميثة:" ها آمري وش تبين تشربين."
سحر:" مابي شي الحين ، بعدين بنشرب ، قولي لي وش سويتي على اللي قلت لج عليه بالضبط؟"
ميثة:" عن شنو؟"
سحر:" لاتقولين لي مااتصلتي."
بعد ماتذكرت:" ايييييه تذكرت بلى اتصلت وتكلمت وياعبدالعزيز، وقال ان فهد مريض ، ويسأل عنج يقول شفيها ماتسأل عنه، الا صج انتي ليش ماتتصلين فيه ؟ صاير بينكم شي؟"
كانت سرحانه بكلام ميثة وتفكر بنفس الوقت بفهد اللي قلب كيانها فوق تحت ، على الرغم من اللي صار وسواه فيها الا ان في شي يجذبها صوبه..!! حب؟؟ اعجاب؟؟ والا إشباع رغبات وحب انتقام وبس..؟!
ميثة:" سحـر شفييييج؟ وين سرحتي؟"
سحر:" ها؟ لا ماسرحت بس افكر بفهد."
ميثة:" وووول هالكثر تحبينه؟ عيل ليش ماتتصلين فيه وتسألين عنه..؟!"
سحر:" ماعليج انتي يالله وش تبين تشربين مابي أتأخر أكثر الساعه تسع ونص."
ميثة:" الله أكبر ، الحين سحر تقول تأخرت..!! وييين ايام قبل ماتردين البيت الا الساعه 11 والا اكثر."
سحر:" كل شي تغير، وثانياً يالله خلصيني وراي أشياء اسويها."
ميثة:" زين بس لاتصرخين علينا."
وبعد ماطلبوا لهم شي يشربونه سألت سحر ميثة:" اقوول ميثه انتي متأكدة انه قال لج ان فهد مريض؟؟"
وهي قايمة:" ايه متأكدة."
سحر:"وقلتي له مايقول لفهد انج سألتي عنه؟"
ميثة:" ايييه قلت له، سحر شفيج ؟ اكيد موصاير شي بينكم؟"
وبعد ماقامت:" لاماصار شي يالله مشينا."
وطلعوا من المجمع وكل وحدة تفكر وبالها مشغول.. ميثة كانت مستغربة من حال سحر اللي تغيرت فجأة وكانت متأكدة ان صار شي بينها وبين فهد بس ماتبي تقول لها..
^^^^^^^^^^^^^^^^^^^^^^^^

خلووود:" سمووور تعااالي وصلوووا."
سمر بسرعه نطت من فوق الكنبه اللي قاعدة عليها هي وياشوق وراحت تشوفهم تحت..
ام محمد:" والله خوووش اووادم طيبين واايد."
سيف:" ههههه شفتي يمه اعرف اختااار."
محمد:" اسكت عااد فشلتنا انت وياويهك."
سيف:" ليش وش فيه ويهي قمررر 14."
بومحمد:"ماتجوزون اقعدوا زين."
محمد:" انت تآمر يابومحمد."
سيف وهو يقلده:" انت تآآآآمر يابوو محمد << عداااال واحنا اولاد البطة."
شيخة:" لا حاشى لله ، انت ولد الجيران مواحسن من البطة."
ضحكوا عليه كلهم وخلوه يعصب لكن فرحته بعد ماطلبوا يد نوورة حبيبته خلاه يسامحهم على طنازهم:" زييين اوريكم اليوم بعفوا عنكم لأني مستانس لكن بعدين مابخليكم."
سمر:" زين الحين يعني خلاص نجهز نفسنا حق الحفلة."
محمد:" صبري انتي مستعجلة على شنو بسألون عنه اول زين والا موزين اخلاقه ومدري شنو."
ام محمد:" وش يسألون عنه بعد ، والله ولدي مافيه منه."
محمد:" هو جهة مافي منه اكيد مافيه منه خخخ ماجبتي الا سيف واحد هههه، بس لازم بسألون لاتنسون العادات."
ابومحمد:" من حقهم واحنا بعد من حقنا نسأل عن اخلاق البنت."
سيف:" سوو اللي بتسوونه بس اهم شي اخطبها خخخ."
شيخة:" استح على ويهك شوووي."
محمد:" ههههههه مستعجل المسكين خليه يستانس."
شيخة:" على طااااري مستعجل، محمد ابيك بكلمة راس."
ابومحمد بمزح:" وانا ماتبيني وياكم والا بس لمحمد."
شيخة:"هههههههههه لايبه محشووم انت الكل بالكل واذا ماعند محمد مانع بتكلم وياه قدامكم."
محمد:" عااادي تكلمي وقولي اللي تبينه مافيه شي ينخش عنهم."
خلود واللي كانت رازه ويهها اول وحدة:" اي اي قووولي."
طالعها محمد وحب يقهرها:" لحظة خيتو ، اقوول خلود لو سمحتي بدون لقافة روحي حجرتج."
سمر جتها الضحكة يوم شافت نظراتها وملامحها اللي تقلبت:" ليييييييييييش؟"
محمد:" بس مابيج تسمعين الكلام ، تجيج الأخبار بعدين خخخ."
خلود:" من صدقك؟"
محمد:" لا من صدقي، قووومي يالله."
سيف ميت من الضحك عليها:" اقووول خلوود وانتي رايحة لاتنسين تاخذين علبة لكلينكس وياج."
محمد:"ههههههههه اسكت انت لاقومتك وياها."
سيف:" افاااااااا."
خلود واللي زعلت ومدت بووزها مترين:" ززززين ماعليه." وقامت وهي زعلانة.
سمر:" حراام ليش سويتوا فيها جذي."
أم محمد كانت فوق وتوها نازله بعد ماغيرت ملابسها:" شفيها خلود مادة بووزها؟"
محمد:" مافيها شي يمه دلع بنات"
شيخة:"زين مدام امي جت انا بقول لكم وش في بالي."
ام محمد:" خير يابنيتي قوولي شصاير؟"
شيخة:" مافيه الا الخير." وهي توجه كلامها لمحمد:" انا اقول ياخوي مدام سيف بيخطب جريب ، وش رايك انت بعد تخطب وتحاول تعيش حياتك من جديد؟"
محمد ماكان يتوقع كلام اخته:" والله مدددري شقول ، انا بصرااحة...."وقاطعته الوالدة:" وش ياوليدي اللي راح راح خلاص ، انسى كل شي وانا ودي ومُنى عيني اشوفك معرس واشوف عيالك وعيال اخوانك."
سمر استانست وبنفس الوقت قالت:" واذا على العروس ان شاءالله نلقاها لك وبنات الحلال وايد."
محمد:" بس انتوا تدرون اني للحين اتعالج ، وللحين مااقدر امشي بدون عكاز استند عليه."
ابومحمد كان ساكت وقاعد يطالع رااي كل واحد فيهم..
شيخة:" العكاز موعيب وانت ان شاءالله وبإذنه بتمشي وماعليك قصور ان شاءالله، يعني مايبقى الا انك تستقر وتبني حياتك."
ام محمد وبعيون دامعه:" تكفى ياوليدي فكر ولاتردنا انت بس وافق."
كانت نظرات محمد كلها حيرةةة وألم.. مايدري شلون بعد حبه لسحر وفوق اللي صار انه يتزوج انسانة ثانية.!!
ابومحمد:" سمعوني، انا خليتكم اتكلمون وكل واحد قال رايه فيكم ، وباقي محمد.. انا اقول لاتضغطون عليه الشور شوره ، وهو اللي يقرر اذا كان بيتزوج او لا.."
محمد ابتسم لأبوه وقام وحب راسه:" تسلم يبه، وخلووني افكر وان شاءالله برد عليكم بأسرع وقت."
شيخة:" ان شاءالله واتمنى ماتخيب أملنا، واحنا مانبي الا سعادتك ياخووي."
الكل كان مستانس وينتظر رد محمد، وفرحة سيف ماتنوصف ابداااً.. وأخيراً بيتحقق حلمه اللي ينتظرة من سنين ..

الكل بعد ماعرف الكلام اللي قالته سحر ، وتشوهت صورتها فوق ماهي موواضحة بالنسبة للأغلب..شلون راح يتعاملون وياسحر؟ بتمون يجاملونها ويتكلمون وياها مثل قبل؟؟ ونجود اللي مو بس هي طالتها نار خالتها حتى زوج خالتها المسكين ، وش بتسوي نجود؟ وبتقول لأهلها ان خالتها سمعتها كلااام يسم البدن..؟ وزوجها وش بسوي بعد ماأحرجته واهانته؟؟ وفيصل الأخ وولد الخالة اللي تقلبت احواله وفروا مخه بسهوله، راح يسكت ويهدأ ، والا بزيد اشتعال النار؟ رحلة الشالية وش تتوقعون يصير فيها؟ مريم وأحمد؟؟ محمد وشوق؟؟ وسمر وخلود؟؟ خطووبة سيف قريب والكل مستانس ياترى الفرحة بتصير فرحتين والا بتم فرحة وحدة بس؟؟؟ أحدااااث مستمرة وفي تطوور وآلام وأحزان وأفراح مازالت تعانق قلوبهم..

الجزء الثامن عشر

الساعه 11 وللحين محد قعد من النووووم...!!
أم محمد:" يااااالله عليهم يسهرووون طووول الليل ولايقعدوون الا بعد الأذان..!!"
شوق:" خالتي ماعليج بروح أقعدهم."
أم محمد:" ياليتهم مثلج يابنيتي والله كان أرتاح بالي، الله يرضى عليج ان شاءالله روحي شوفيهم."
شوق:" ان شاءالله."
كانت شوق تحب تساعد خالتها أم محمد، وهي راكبة كان محمد نازل باللفت..
محمد ابتسم لها وسلم:" السلام عليج."
شوق وهي منزله راسها وبإبتسامة تااااخذ الواحد لبعييييد:" وعليكم السلام."
محمد:" أمي بالمطبخ؟"
شوق:" لابالصالة قاعدة."
محمد:" زين شكراً.." خلاها وراح ، وهي بعد ركبت بسرعه علشان تقعد النايمين.

محمد:" صبااح الورد يمه."
أم محمد:" صباح الخيرات يمه، وينك فيه تو الناس؟"
محمد:" والله يمه لاتعاتبيني طوول الليل مانمت من الألم."
طالعته بخوووف:" ألم؟؟؟؟ في شنوو ووين؟"
محمد:" لاتخافين بريولي شووي مدري احسها ثقااال صايرين وايد ، صار جم يوم مارحت للعلاج."
بنظرات عتاااب:" ليييييييش؟ ماتبي تصحى ريلك؟ يايمه روح لاتهمل روحك."
محمد:"ان شاءالله ان شاءالله." وهو يطالع الصالة:" الا ماشوف أحد قاعد؟"
وهي تصب له كوب شاي:" ابدااا خواتك نايمات وراحت شوق تقعدهم ، واخوانك كل واحد بشغله على مااظن."
محمد:" اهاااا.." وسكت شووي وتابع كلامه:" يمه شرايج براي شيخة؟"
ابتسمت له:" ياااليت تسوووي اللي قالت لك عليه، ولاعليك من الماضي وانتبه لنفسك وصحتك احسن ياوليدي، ونفسي اشووف عيالك قبل لاربك ياخذ امانته."
محمد:" اسم الله عليج يمه بعد عمرٍ طوويل ان شاءالله، بس يمه مدري حاس نفسي مومستعد، وثانياً انا للحين مامشيت مثل أول، يعني من بترضى فيني وانا بهالحالة؟"
أمه:" ليش تقول جذي؟ انت ماشاءالله عليك مال واخلاق وأدب وكل بنت تتمناك ، وسالفة مشيك هذي لاتحاتيها انت بس دااوم على العلاج وبتصير أحسن من أول، وتوكل على الله ياوليدي ولاتيأس من رحمة الله."
إبتسم لها لكن ماجاوبها وظل يفكر باللي راااح واللي جاااي، ومن هذي اللي بترضى فيه؟ وشلوون بيقدر يعيش حياته بعد ماخطط وياوحدة ثانية..!!!!!"

^^^^^^^^^^^^^^^^^^^^^^^^
هدى:" افففففففف يمه يمــه.."
أم عبدالله:" خير وش صاير؟ شفيج تصرخين جذي؟"
هدى:" أسويرتي الذهب اللي عطاني اياها بوعمر كانت علي البارحة مدري وينها مااشوووفها."
أم عبدالله:" دورتيها زين يمكن دخلتيها الكبت والا خليتيها بمكان ثاني."
بعصبيه وهي ترمي اي شي بويهها:" دورت دورت دورت ماشفتها أففففف ، لحظة يمكن هديلوو تدري وينها اكيد هي شالته."
طلعت من الحجره والشرار يطير من عيونها وبدون استأذان فتحت باب الحجرة:" هديلووووو."
هديل واللي تخرعت يوم شافتها:" بسم الله ، شفيج داخله لاإحم ولادستور."
هدى:" فكينااا هذا اللي ناقصني، ماشفتي أسويرتي الذهب اللي امس كانت علي؟"
هديل:" أدري وينها بس ماني قايلة لج، علشان مرة ثانية ادقين الباب قبل لاادخلين."
هدى:" يمـــه شوووفيها، يمـه.."
جتها بسرعه وهي تصرخ:" وشفيكم بعد ترى ذبلتووو جبدي وياكم."
هدى:" شوفيها تدري وينها وتقول مب قايلة لي."
أم عبدالله:" ماتحملت صراخهم ونحاسة هديل فعطتها كف على ويهها:" الحين بتقولين وينها."
هدى ضحكت عليها، هديل كانت حاطة يدها على خدها ونظرات التحدي مالية عينها:" ماني قايلة واللي تقدرون عليه سووه."
وتركتهم وركضت بره الحجرة وطلعت بره بالحووش تصيح.. أما هدى فتمت واقفة وياامها مقهروين من تصرفها:" يمه اذا ماطلعتها لي بذبحها." وتوها تقول جذي والا عبدالله جاي من الصالة وحامل اسوورتها بيده:" يمه هذي مالت منووو؟"
هدى طالعت امها وهي موعارفة وش تقول لها... أما ام عبدالله:" هذا اللي تقولين دوورت وخليتيني اطق اختج..."
هدى بدون ماترد عليها سحبت الاسورة من ايدعبدالله وراحت حجرتها:" زين تستاهل علشان مرة ثانية ماتعاند وتقول لي وينها."
عبدالله كان مستغرب موفاهم وش اللي صاير..نزل للصالة يدوور على أخته بس مالقاها..
عبود:"هديل.. هديييييل.. هديييل.. وين راحت هذي؟ موشايفها بالبيت؟"
طلع بره الحووش ولقاها قاعدة بزاويه يم شجرة صغيرة وهي تصيح، يوم شافته مسحت دموعها وإبتسمت له.
عبود وبحنية:" شفيج؟ احد سوى لج شي؟"
هزت راسها بالنفي وقالت له:" لاتشيل هم ياعمري عادي تعودت."
عبود تضايق يوم شافها تقول جذي:" ليش مااشيل هم؟ منتي اختي؟"
طالعته بإستغراب:" عبود حبيبي مابيك تهتم لهالأمور البسيطة هذي، انت بعدك صغير."
عبود بعصبية:" صغير صغييير، يعني الصغير مايفهم، مايحس ولايدري باللي يصير حووله؟ هديل انا ادري اكيد امي والا هدى سوولج شي بس انتي موراضية تقولين لي، انتي تحسبين اني مااشوف الحزن اللي بعيونج؟ وطريقة كلامج وكل شي تغير فيج هديل ماصرتي تضحكين وياي مثل قبل ، وخصوصاً من تركتنا شوق. ياليتني كبير كنت طلعت أنا وياج من البيت وسكنا بمكان ثاني أبرك."
تفاجأت بكلامه، ماعرفت وش ترد عليه، احساسه وطريقة كلامه كأنه شخص كبير موطفل عمره مايتجاوز التسع سنين..!!

^^^^^^^^^^^^^^^^^^^^^^^^
ياالله أاااااااقعد...!!
محمد:" افففففففففف، وشلون دخلتي الحجرة؟؟؟"
خلود:" دخلت من الدريشة يعني من وين بدخل."
قعد وهو يفرك بعينه ويضحك بسخريه:" هه هه هه ، ياخفة دمج قوومي زين فارقي بنزل الحين."
خلود:" مقبووله منك ، على انك ذاك اليوم قلعتني وماخليتني اسمع وش بتقول شيخة لك، الا اني مسامحتك موعلشان شي لا بس لأنك اخوي الكبير والا انت موكفوووو."
طالعها وهو مبطل حلجه:" وهذا وانا اخووج العوود تقولين موكفووو عيل لو كنت أصغر أخوانج وش بتقولين.. اقوول الشرموعليج على اللي معطيج ويه انقلعي اشووووف وعطاها مخده بويهها خلاها تقوووم وهي تضحك عليه...!!!!!"

سمر:" هااااا ، قعد والابعده؟"
خلود وهي تحرطم:" اي قعد."
أحمد:" وين هذا بعد للحين ماجه لوع جبدنا واحنا ننتظر."
شوق:" انا سمعته يقول لخالتي بروح لنواف وبيرجع بعد ربع ساعه."
أحمد:" هذااا وقته.."
سمر:" مايقدر يفااارك النسيب خخخخ."
مارد عليها وتم قاعد على الكرسي وهو يهز رجووله...
خلود:" سموور اتصلتي في بيت عمي؟"
سمر:" ايه اتصلت وقالت نوف ان ناصر وحمد بجون بعد 10 دقايق وثواني هم جايين هني."
خلود:" زييييين مابقى الا محمد ينزل وسيفوو ايي وننطلق."
رن تلفوون أحمد ورد عليه بسرعه:" هلا وينك فيه؟ يااخي جان قلت لاتعطلنا، يالله زين مع السلامة."
سمر:" هذا اكيد سيف، وش قال؟"
أحمد:" يالله يالله جهزوا روحكم بنمشي بيلحقنا بعدين."
وتوهم بيتحركون والامحمد ناازل:" هااا وين على الله؟"
أحمد:" توها الناس جان لانزلت بنمشي يالله جهزت اغراضك؟"
محمد:" قبلك.. واخذتهم الخدامة وخلتهم بالسيارة من زماااااااان."
سمر:" وووول شكلك أكثر واحد فينا تبي تطلع..."
محمد:" ههه لا بس جكــارة فيكم.."
أحمد:" هه هه هه ، خلصوونا مانبي انتم هني لصلاة الظهر."
وبسرعه البرق كل وحدة فيهم جهزت نفسها، وركبوا السيارة العائلية..واتصلوا بحمد علشان يلحقووونهم.وقبل لايطلعون كانت بدور ومازن بره يحارسونهم...!!!!!!!

وفي السيارة
محمد:" شغل المكيف يااخي ذبحتنا.."
أحمد:" الهوا لطيف احلى.. مايحتاج تكييف."
محمد:" لحظة" وهو موجه كلامه لخواته:"انتوووا حرانين والا لا؟؟"
خلود وحبت ترد له اللي سواه فيها:" والله الجوو حلوو مايحتاج.."
سمر:" ايه عادي به وبدونه..!!"
محمد انعفس ويهه:" وانتي ياحظرة الأستاذة بدوور؟"
بدور:" والله افضل الجووو اللطيف من زماان ماشمينا هواء."
ومازن كان بسابع نووومه لأنه مومتعود يقعد من الصبح..!!! وشوق طبعاً ماكانت تتكلم لأنها تستحي تبدي رايها لكنها ماتوقعت سؤال محمد لها:" والأخت شووق؟؟"
شوق بإندهاش:" هاااا..!! انا..؟"
محمد ضحك على ردة فعلها بس ماحب يحرجها وهو يقول بنفسه ( لا عيل أمي ):" اي انتي تبين تكييف والا لا؟؟ تراج آخر أمل."
شوق ماحبت تفشلة فقالت:" حرّ شووي بس مووايد يعني عادي لوشغلته..!"
وقبل لايتكلم محمد، قال احمد:" اقوول محمد قبل لاتقول اي شي احنا جم ضد جم صرنا خخخخخ."
وضحك عليه بإستخفاف:" هه هه هه هه ، اقووول سوووق وانت ساكت والله لو الجو حااار مووت ماخليتك."
احمد:" هههههع زين اشووة موحر."
خلود وهي تكلم البنات:" حواارهم ممل مايشجعون الواحد بالرحلة ، ماناقصنا غير احوال الطقس.."
بدور:" شتبينهم يقولون يعني؟ كيفم." وجهت كلامها لشووق اللي كانت اطالع الطريق وتتأمل السماء والأشجاار وكل شي يمر عليها:" شووووق.."
بإبتسامة:" هلااااا."
بدور:" من زماان ماشفتج ومن زمااان ماسمعت أخبارج؟؟ وأخبااار خواتج؟"
شوق تذكرت أختها هدى عرسها الأسبوع هذا:" والله انا بخير وخواتي الحمدالله."
سمر:" خلاص هدى بتزوج؟"
بدور:" يعني مصممة ماغيرت رايها؟"
بنظرة حزينة:" للأسف، اعرفها اللي براسها تسويه مايهمها شي مدام الزواج هذا بحقق لها اللي تبيه."
خلود:" بس هي صغيرة وماتدري بعاقبة اللي تسويه."
سمر:" صح كلامها، وامها؟ اقصد مرة ابووج واقفة وياها؟"
شوق:" ايه ويااهاا وهي اللي شجعتها اساساً على هالزيجة هذي، والشخصين الوحيدين اللي رافضين الفكرة هديل وعبدالله، وهذلين مابيدهم شي يسونه."
بدور:" ومتى بتتزوج؟"
شوق:" هالاسبوع."
بدور:" لاحووول، وبتروحين العرس؟"
خلود:" هذي اختها اكيد بتروح."
شوق:" ان شاءالله مع اني موطايقة ارووح واشووف وجه البين قاعد يمها..!"
وضحكوووا عليها لأنها أول مرة تعلق على زوج اختها..!!!!!

^^^^^^^^^^^^^^^^^^^^^^^^

قعدت من الصبح وبدلت ثيابها وخلت لها شوية ميك آب وبسرعه طلعت من البيت بعد ماقالت لأمها انها بتروح لصديقتها بس ماقالت لها من حتى ماتقعد تتسأل..!!
ميثة:" هلا، ايييه انا بالبيت خيييييير؟"
سحر:" لامافيه شي بس ابيج تسوين لي شي بسرعه وتردين علي."
ميثة:" خير قولي."
سحر:" اتصلي على عبدالعزيز وسأليه عن فهد هو وينه فيه الحين؟ بس بدون ماتقولين له اني انا اللي سألت عنه زين؟"
ميثة:" ليش وش صاير؟ وانتي في وين؟"
سحر:" ماصاير شي، وانا الحين رايحة لفهد."
ميثة تكلم نفسها( الله يستر مدري وش يدوور براس هالمجنونه هذي اتصل لعبدالعزيز واسوي اللي تبيه لاتسوي لي سالفة وبعدين اعرف كل شي ) :" زين بتصل نطريني دقايق وارد عليج."
سحر:" زين لااطولين."
وبعد خمس دقايق بالضبط ردت عليها:" هلا قوولي."
ميثة:" يقول انه بالشقة الحين ويمكن نايم."
سحر:" ماسألج ليش تسألين عنه؟"
ميثة:" ماسأل بس شكله راقد ومن جذي ماركز."
سحر:" احسن ، يالله باااي."

وبعد دقااايق كانت سحر نازلة من السيارة ، هي طبعاً خلت السايق يوصلها يم بيت وحدة من ربعها وحارسته ليوم اختفى واخذت تاكسي بسرعه وراحت لشقة فهد..!!
ركبت بسرعه و ودقت الجرس بعد تردد ، وخلت يدها على البلورة..!!! كان فهد منسدح على الكنب يطالع التلفزيون.. ولما قام يطالع من الباب ماشاف غير السووواد ( غريبة من هذا اللي حاط يده؟ أممممم افتح الباب؟ اكيد هذي حركة من حركات البايخ عبدالعزيز ) وفتح الباب...
تفاجأ لما شاف سحــر واقفة.. ماتوقع انه يشوفها بهاللحظة بس كان متأكد انها بيوم من الايام راح اتيي له..
فهد بإبتسامة خبيثة:" دخــلي.."
دخلت الشقة وقعدت على الكرسي ، وهو تم واقف دقيقة عند الباب يطالعها ويفكر بالكلام اللي بتقوووله...
سحر:" مايحتاج مقدمااات ، انا يايه انهي اللي كان بينا."
فهد وبسخرية:" هه هه هه تنهينه...؟"
استفزها بطريقة ضحكة بس مسكت نفسها وقالت:" ايه انهيه، فهد انت خنت الثقة اللي عطيتك اياها ، وابي الأشرطة اللي سجلتها وكل واحد يروح بطريقة."
فهد:" حلووووو ، انا بخليج بطريقج بس موالحين وقت اللي انا ابي ياماما.. سمعيني زين ياسحر، مااعتقد ان الوضع اللي انتي فيه يستحمل مناقشة وتفاووووض << وهو مشدد على هالكلمة..!!"
سحر بغيض:" وش تبيني اسوي لك يعني."
وهو يلعب بالرموت كونترول:" الظاهر بديتي تفهمين ، اللي ابيه منج انج تنفذين كل اللي ابييييييه سمعتيني؟؟ كـــل اللي ابيـــه..!! ومااعتقد بترفضين اي طلب لأني ممكن بأي لحظة غدرمنج اوعنااد ورفض راح احوول حياتج لجحيم."
كانت ساكته وتسمع كل كلمة منه وكأنها سيف يقطع فيها،، لكن فووق هذا قررت إنها تسوي اللي يبيه بالرغم انها كارهه هالشي بس علشان تخلص نفسها من الورطة ، وتبتعد عنه..!!
فهد:" اشووووفج ساكته؟؟ شكل كلامي موعاجبج؟؟؟"
سحر:" بس..."
فهد:" بدوون بس ولا شي اللي قلته لج ماعندي غيره، تنفذين كل اللي ابيه وننتهي من الموضوع."
سحر ماكان عندها مجال تناقس الأمر محسوووم خلاااص لازم تسوي اللي يبيه منها ومهما كان الثمن بس تتخلص منه ومن وجوده بحياتها:" زيييين اللي تبيه يصير."
ابتسم وقعد يمها وقعد يطبطب على ظهرها وهي مقهوورة مووت:" هذي حبيبتي اللي اعرفها..!!!"

^^^^^^^^^^^^^^^^^^^^^^^^
وبعد نص ساعه مسير بالسيارة وصلوا للشالية وطبعاً ماوصلوا الا وسيف كان هناك قاعد ينتظرهم..
ناصر:" يالخوووان انت هني..!!"
سيف وهو يضحك:"ههههههههههه ليش ماتبيني ايي."
وهو ساحب الشنط من السيارة:" لا ابيك هني ، بس تعااال ساعدنا يااخي."
محمد:" يالله يابنات نزلووا وادخلووا داخل."
خلود:" ليش جايبينا نقعد داخل؟"
سمر:" اي والله محمد نبي نقعد بره معاكم شوي."
أحمد:" مووقته خلونا ندخل الاغراض وبعدين يصير خير، يالله جتفي بينقلع من ثقلهم، حشى حاطين اثقال."
سمر:" موتبوون تاكلون خلاص لازم تصير الشنط أثقال."
خلود:" يالله انا بدخل أغير هدوومي وألبس شي مناااسب للجوو اللي ياخذ العقل."
حمد:" انتبهي بس لاياخذ عقلج ونبتلش فيج بعدين خخخخخخ."
خلود:" هه هه هه ."
محمد:"هههههههههههع ياحلووها وهي راده عليك بهالضحكة خخخ شكلك يوونس."
طالعه بقهر:" اقووول اقلب ويهك زيييين." وهو يقلده :" شكللللك يووونس."
ودخلوو كلهم بعد ماكل واحد حمل شي من الاغراض..

^^^^^^^^^^^^^^^^^^^^^^^^

رجعت البيت وأعصابها ناااااار موقادرة حتى تفكر بشئ غير فهد وكلامه. ذبحها وحطم كل امنياتها بالحياة سعيدة ( لكن لا,, مستحيل اتنازل عن أحلامي وسعادتي له، لازم آخذ حريتي وانهي اللي بينا بأسرع وقت ممكن والا راح أرتكب جريمة فيه.. شقاعدة اخربط انا شقاعدة أقوول اي جريمة واي بطيخ، اللي بيني وبين فهد وصل لمرحلة مااقدر اتصرف فيها غير برغبته، آآخ بس لو اطيح يدي على مكان النسخ اللي عنده كنت دست عليه مثل الجلب..!!)
أم فيصل:" سحـر.. سحـر."
سحر:"هلا يمه شصاير؟"
أمها وهي تفرك يدينها في بعض:"أبوج ماشفتيه؟"
سحر:" لا بالشغل اكيد يمه شفيج؟"
طالعتها بقهر:" لااليوم ماراح تعبان شوووي."
سحر مااهتمت وقالت لأمها:" يمه، الحين وش بنسوي بعد اللي سواها ريل خالتي؟"
أم فيصل:" لاتذكريني باللي سوااه ، بروحها جبدي أحسها بتنبط من أذكره ، شكلهم ناوين على شي، حتى أختي مادافعت عني وخلته يصارخ علي بكيفه."
بفضول سألتها:" يمه وش اللي ناوين عليه؟"
أم فيصل:" مدري مدري." وفي لحظة ذكرت بنتها العنود أكيد تدري بشي دامها تكلم خلود."
سحر:" يمه شفيج تفكرين بشنو؟؟"
امها:" لحظة، قومي نادي أختج خليها اتيي بسرعه."
ودقت عليها من الإنتركول اللي تحت لفوق:" عنودو تعالي امي تبيج بسرررعه."
العنود نزلت بسرعه تشوف وش يبون منها، هي حست ان يبون شي دام سحر مناديتها وامها تبيها:" الله يستر بس."
أم فيصل:" قعدي يمه تعاالي."
العنود:" خير يمه شصاير،في شي؟"
ام فيصل:" لا ماصاير شي بس ابي اسألج ، انتي تكلمين خلود بنت اختي صح؟"
العنود:" اي واذا اكلمها شفيها؟"
ام فيصل:" لامافيها شي بس حبيبتي عنود ماسمعتيها قالت لج شي؟"
العنود مخربطة وموعارفة وش تبي منها امها بالضبط:" شي مثل شنو يمه."
ردت عليها:" يعني خبر، شي صاير عند بيت خالتج مثلا,, يعني جذي."
العنود:" اييييه فهمت ، اي صح قالت لي ان سيف بيخطب قريب."
ونطت سحر وسألتها:" بس هذا؟"
العنود بإحتقار:" ايي وش تبين تقول يعني."
ام فيصل:"يمه عنود تذكري ماقالت شي غير؟؟"
العنود وهي قايمة:" لايمه لوقالت بقولج، عن أذنكم بروح حجرتي." وتوها بتركب فوق تذكرت شي وطالعت أمها:" يمه تذكرت ، خلود قالت انه الفرحة يمكن تصير فرحتين بس مدري من تقصد بالضبط ." وهي اطالع اختها وتبي تقهرها شوي وشددت على الإسم الاول:" يمكن محمّد بيخطب ، والا أحمد."
سحر انقهرت واايد من أختها وكان ودها اطقها على طريقتها بالكلام وهي متأكدة انها متعمدة..!!"
أم فيصل:" شفتي.. انا قلت لج شكلهم ناوين على شي والله يستر من اللي بسوونه."
سحر:" يمه، واللي يسلمج حاولي تشوفين خالتي كلميها، يمكن ترجع المياه شووي لمجاريها."
أمها مع انها كانت متأكدة ان الميـاه مستحيل ترد مثل اول الا انها مافقدت الأمل.

^^^^^^^^^^^^^^^^^^^^^^^^
ناصر وهو يصارخ على أحمد:" يااا أخي فطستنـــي قووم الله ينتقم منك."
حمد:"هههههههههههه زين ماسوى فيك زين فطسه فطسه." ومامداه يقول جذي ومايشووف روووحه الا بحوض السباحة.. والكل قاعد يضحك عليه.
ناصر:" زين ماجاك بدال ماتساعد اخوك."
سيف:" خخخخخخ لازم عمليات انقاذ."
محمد قاعد على كرسي ويضحك عليهم وهو يهدد:" اللي يقرب بلعب عليك كاراتيه بالعكازين اللي عندي."
أحمد:"ههههع مب قرب أخاف على عمري منك."
محمد:"ماااالت من زينك الحين اقوول اسبح اسبح."
ناصر:" جوووعان بمووت من الجوووع وين هالبنات اللي وياكم كل وحدة شكلها أخيب من الثانية والله شكلنا بناكل بيض مومستوي ، وقواطي تونه."
كلهم بصووت واحد:" يييييييييييييييييييييييييييع."
بس طالعهم وهم يقولون جذي انفجــر بالضحك ولاقدر يجود نفسه:" الله يخس ابليسكم متفقين إتحاد الأمم."
حمد:" لوعت جبدنا ، وانت ماتحاتي الا بطنك، اصبر أكيد يسوون لنا غدووه عدله خخخخ دجاج نيئ."
محمد:" مالت عليك وعليه، بتكلحها عميتها ، بنشووف ان اراهنكم بسون لنا بيض وطماط خخخخ البنات مايعرفون الا هالاشياء."
سيف:"بس جوووعتونا تكلموا عن شي ثاني."
أحمد:" نطق المفجوع الرسمي الثاني."
حمد بصوووت عالي:" هههههههههههااااي حلوووة ياكابتن."
سيف وهومقهور من حمد ويقلده:" حلووة ياكابتن ، مرّة بعينك."
محمد:"هههع حلوة مرّة بعينك من وين جايبها من اي قاموس خخخخ."
سيف بقهر:" هاهاهاهاي."
ناصر وهو يتشمم:" ماتشموون ريحة شي يحترق؟"
محمد:" خخخ اشووفك صرت تشمشم من ورانا اقوول بطنك مأثر على عقلك وحواسك الباقي ان بس أسبح وفكنا."
ناصر:" هذا طايح فينا اسبح اسبح اقوول انت اللي تعال اسبح اسبح خخخ."
محمد:" شكلك ناوووي طق بالعكاز."
أحمد:"هههههه ان طقيته تكسر مافيه ضلووع عدله."
سيف:"خخخخخخخخخ صاير مثل الحريم طقة ويطيح."
ناصر:" هااا نعم نعم ، وش قلتوووا ، لاياعيوني انا قدها وقدود."
حمد:" ايييه راوهم ياسبع البرمبا."
كلهم تقلبت الوانهم من الضحك يوم قال حمد سبع البرمبااااا ، اما ناصر فأنقهر وقام ينتقم من كل واحد فيهم بطريقته...!!!

أما البنات فكانوا قاعدين داخل الشالية يطبخوون ويخبصوون وطبعاً كانت قائدتهم شوق لأنها الوحيدة اللي تعرف تطبخ.. والباقي كانوا معاونات ومساعدات لها.
شوق وهي تضحك على أشكالهم:" هههههههههههههه والله بتذبحوني من الضحك ، وبترفعون ضغطي."
بدور:" هاهاهاههااي ، خلودووو الشاي مايخلون فيه زعفران."
خلود:" يخلووون يخلوون يخلوون."
شوق:" اقوول ثنتينكم يخلوون بس لاتخلون يمكن أخوانكم وعيال عمكم مايحبون."
مريم واللي كانت تسوي فطائر لحمة بالبيتزا:" لاعادي اخواني يشربون أي شي ، بس الغدى مدري شخباره."
شوق:" الله يستر انا سويت لهم دجاج محشي وكوسا وباذنجان محشي، بس مدري اذا كان طباخي بيعجبهم والا لا.."
سمرواللي سحبت كوسا من غير ماتنتبه عليها شوق:" يمممممي يجنن."
نوف:" طاالعوهااا حرامية أخذت كوسا."
شوق وهي اطقها على يدها والكل يضحك عليهم:" ماتصبرين للغدى؟"
مريم:" ماتصبر الصبر معدووم هالايام خخخخ."
سمر:" سكتي انتي اللي يشوووفج أم الصبر."
وقبل لاتتكلم خلووود وتعلق سمعوا صوت ناصر ينادي مريم:" مريوووووووم مريوووم."
طلعت له بسرعه بعد مالبست شيلتها:" هلا خير شصاير تصارخ؟"
ناصر:" استوى الغدى والا للحين، ترى متنا من الجوووع بطنا صار يصفر."
وهي تضحك:" هههههههههههه زين قول لهم يطلعون من المسبح ، ويغيرون ثيابهم والغدى يصير جاهز على الطاولة في ثواني."
ناصر:" اوووكي ، بس تعالي وش سووويتوا لنا شكلكم مخبصين داخل."
مريم:" لاتخاف بتسد جووعك مسوين بيض وطماط ." حبت تلعب عليه حتى ماتخرب مفاجأتهم..
ناصر:" انا قايل لهم اكيد بيض مومستوي خخخخخخ برووح ابشر الشباب بره."
مريم:" مااالت هين اراويك."
ناصر وهو طالع:" هههع وده دأني وهو يأشر على دقنه ( لحيته ) خخخخخخ ."
رجعت مريوم للمطبخ وقالت لهم:" سمعووا شكل الشباب متراهنين علينا، ومتفائلين شر..!!"
سمر بإستغراب:" شلون شر يعني؟"
مريم:" ههههه يقول ناصر انه قايل لهم ان احنا اكيد مسوين لهم بيض مومستوي."
خلود:" شنووووو مومستوي"
بدور:" ماعليج منه ، وان شاءالله قلتي له ان شوق طابخة وخربتي مفاجأتنا."
مريم:" لاماقلت موخبله خخخخخ."
شوق:" الله يستر ترى مافيني شدتهم شكلهم يعلقوون وايد واخاف تقطوون الاكل كله."
سمر:" لاشدعووه شكلج طباااخة، ومن اليوم ورايح بنسميج الشيف شووق."
نوف:"ههههههههه حلوو لايق عليها شكل الغدى يجنن ، اقوول شوق حتى لو ماكان حلوو بياكلونه من الجوووع."
خلود:" طاااالع هذي بدال ماتشجعها تحبطها، اقوول شكلهم بياكلون اصابيعهم وراه."
شوق واللي استحت من مديحهم:" بس زييين احرجتوووني."

^^^^^^^^^^^^^^^^^^^^^^^^
الوقت قاعد يمضي ونجود قاعدة بروحها بالبيت والملل وااصل حده ، اخوانها كلهم راحوا الشالية ، بس ماحبت تخرب عليهم وتقول لهم باللي صار وياخالتها، وتزيد الطين بله.
فيصل كان بعده بره مارجع البيت والجوو صاير ممل وكأيب، افكارها صارت تودي واتييب عقلها بينفجر ولاتدري وش تسووي وياهم..
قامت غيرت ثيابها ولبست ثياب النووم وراحت ترقد لأن الساعه صارت 12 وفيصل حضرته مارجع ( افففففففففف أقووم احسن لي ، لأني خلاص اذا تميت قاعدة بنبط وبنفجر، مدري وينه الله يهديه مخلني بروحي بالبيت لهالحزة؟ فيصل تغير وايد ماعاد مثل قبل ،حتى سلامه علي صار ثقيل عليه..!! آآآآه يافيصل لهذي الدرجة تغيرت مشاكل العايلة؟خلني اقووم ارقد اريح لي، ووقت اللي يجي البيت خله يجي )
وراحت ترقد وخلت نور الصالة مولع ، وركبت فوق تنام، وبعد ساعه بالضبط يعني الساعه 1 بعد منتصف الليل ، رجع فيصل وبااااااله مشغوووول بالتفكير وكلام أمه...
دخل البيت والهدووء يعم المكان بشكل موحش ، دخل حجرتهم ، كانت نجود في سابع نوومة من التعب والتفكير..!! قعد على كنبة مقابل جدار عليه لوحة فيها صورة أطفــال كانت هدية من أخته العنود لهم..!! كلام أمه مشوش مخه، معقوولة يسوي اللي قالته له؟
( آآآآآه وش هالقهر ) وقعد يتذكر كلامها حرف حرف (( أسمعني ياوليدي أنت لازم تتزوج ودام مرتك مااتييب عيال خلاص مالهم حجه عليك ، ومن حقك تستانس بحياتك ويصير لك سند بعد ماتكبر، والشرع حلل أربع )) وجه رده عليها:" يمه وش قاعدة تقولين اتزوج على نجوود مستحيل..!!"
أم فيصل:" وش اللي مستحيل؟ زواجك موشي غلط ولاهو حرام علشان تقول مستحيل ، واذا انت خايف من زوج خالتك فماعليك منه مايقدر يسوي لك شي والشرع واقف بصفك."
فيصل:" أخاااف ، ومن شنوأخاف ، انا اذا بتزوج بتزوج بدون ماآخذ رايهم ، ولايهمني أحد فيهم ، اللي براسي أسويه." وسكت شووي وكمل كلامه:" بس اتزوج عليها مااقدر يمه اخاف أظلمها..!!"
بعصبيه ردت عليه:" تظلمها؟ ليش بالله ؟ اسمع ياوليدي كفااااية اللي صار من وراهم لأختك سحر ، مابيك تضيع عمرك على أمل يمكن يتحقق ويمكن لاااا ،تزوج ولاعليك منهم أبدااااً وصدقني بتستانس وبتقول قالت أمي."
فيصل:"............."
أم فيصل:" لاتفكر وايد واتكل على الله ، وانا لك عندي عرووس مثل القمر ، وان شاءالله تصير لك ذريه منها."
فيصل طالعها وهو يفكر بالكلام اللي قاعدة تقوله:" يعني انت مخططه ومابقى الا التنفيذ؟"
ام فيصل:" انا من زمان كنت بقول لك هالشي ، بس ماكان فيه فرصة ، وجت الفرصة بنفسها الحين ، أتمنى تقرر بسرعه مافي وقت البنت زينة ومابيها اتضيع من ايدك."
فيصل:" مدري مدري."
أمه وهي تربت على جتفه:" ياوليدي أنا أسوي هالشي من له؟ كل شي علشانك انت وخواتك مابي أموت وانا ماشفت عيالك."
فيصل:" بعد عمرٍ طووويل ان شاءالله."
أم فيصل:" عيل سو اللي اقول لك عليه ولاتتردد."
هز راسه وقال:" بفكر يمه بفكر.."
انتبه لنفسه وهو على الكنبه صارت الساعه 1:15 وهو للحين ماغير ثيابه ونام..! قام بسرعه وبدلهم وغط في نوووم عميق بعد التفكير في بلااااوي بطيح على راس المسكينة نجود.

^^^^^^^^^^^^^^^^^^^^^^^^

بعد ماتغدووا وخلصووا أكل قعدوا على الكنب يرتاحوون كلهم..
أحمد:" ماشااااءالله ماتوقعت الغدى حلووووو لهذي الدرجة."
ناصر وهو يتحسس بطنه:" اييييه والله ياليت بعد كملوها تحلللليه."
محمد:" ههههههههههههه ماتشبع انت."
حمد:" ولالباجر بعد."
سيف:"خخخخخخ علشان يصير بطنه مترين."
ناصر:" باااااااااايخة ."
سيف:" طالعه عليك خخخخخخ ، بس ماسألناهم طبااخ منوو؟"
أحمد:" من يعني أكيييييييد شووق."
محمد:" وش اللي يأكد لك انها هي؟"
أحمد:" يالذكي لأنها الوحيدة اللي تعرف تطبخ والا نسيت انها كانت تطبخ في بيت أبوها على كلام خواتي."
حمد:" ياابخته اللي بياخذها ههههع بياكل كل يوم طبخة ، شكله بيصير دب من وراها."
وقعدوووا يضحكوون على تعليقه ، وتمووا يسولفووون لي ماصارت الساعه 2 ونص وكل واحد فيهم راح ينام بسريره..!!

بعد صلاة العصر ، وبوقت قصير غااااابت الشمس وخيم الليل ، كان القمـر يحمل من النوور مايكفي يخلي المكان من أروووع المناظر..!!!! تجمعواا كلهم بره وقعدووا بالزراعه الجو كان شبه بارد وحلووو ، البنات كانو قاعدين على طاوله بروحهم والشباب بالجلسة اللي بره بس موقريبة وايد من البنات..!!وطااايحين سوووالف مع بعضهم.. لكن كل واحد فيهم تقريباً باله مشغول بشي..!!
أحمد كان يطالع مريم بدون محد ينتبه عليه، ويفكر فيها. ومحمد يفكر بكلام أخته وزواجه من وحدة ثانية غير سحر << هذي اللي بتدمر عيشتنا..!! ، انتبه على حمد اللي كان قاعد يطالعه من تحت لتحت، وحاس فيه شي وبسوط واطي :" محمد تقوم نتمشى شوي؟"
محمد هز راسه وقام وياه.. وقعدوا يتمشون يم حوض السباحة، محمد كان سرحان ولاتكلم ولاكلمة لحد ماقطع حبل افكاره صوت حمد:" محمد حاس فيك شي بس مدري اشوفك متغير علي صرت ماتشاركني بأفكارك مثل قبل..؟!
طالعه بإبتسامة بعد ماتنهد:" لاتصير حساس مثل البنات."
بعصبيه وقهر:" انا...!! انا حساس مثل البنات؟! جزاااة الخير سواد الويه ، زين افكر فيك واحاتيك."
محمد:" بل، اكلتني بقشوري انا موقصدي انت مثلهم قلت لاتصير في فرق بالجملة ، وماتسوى علي الواحد مايمزح مووووول كلش."
حمد:" اي اي رضينا، بس قووول لي وش الشي اللي شاغل بالك."
محمد:"امممممممممم ، انت طبعاً تعرف كل شي من البداية للنهاية يعني من تركت سحر لين الحين؟"
حمد:" اي عارف كل شي غيره شي جديد."
محمد:" ملقووف اصبر، من جم يوم اختي شيخة بعد مارحنا نخطب لسيفوه اقترحت علي اتزوج وانسى الماضي و..."
وقاطعه:" صح كلامها عين الصواب انا احترم رايها، المفروض انت تسوي جذي من زمان موتنتظر اختك والا أحد يجي يقول لك انسى وماتنسى وتزوج."
محمد:" اشوووفك متحمس ومأيد كلامها."
حمد:" ايه وموبس مأيده ، ومقتنع فيه ، ماراح أقول لك انا لو مكانك كنت بسوي وبسووي ، يمكن أكون أضعف منك ، بس الماضي يامحمد لازم تنساه وتترك ذكرى اللي ماتتسمى وراك وتشوف حياتك. وتتزوج وخلينا نفرح ياأخي."
محمد:" بس..."
حمد:" لابس وبسبس، وتزوج ويااخوك وخل الفرحة فرحتين."
محمد:" ومن هذي اللي بترضى فيني الحين وانا على هالوضع؟"
حمد:" ليش معقد السالفة انت قاعد تتعالج مابتظل جذي طول عمرك بإذن الله، ومافيك شي انت ، ومرة ثانية قول من هذي اللي مابترضى فيني ، انت كل وحدة تتمناك."
محمد:" اي اي ، الحين يعني اقول لشيخة ادور لي على بنت الحلال؟"
حمد:" امممممممممممم." وهو يطالع حوواليه وانتبه عليها وهي قاعدة تضحك وياخواته وبنات عمه وقال:" محمد."
محمد:" خير؟"
حمد:" طالع منك." وهو يأشر على البنات
محمد:"ماني فاهم شفيهم البنات؟"
حمد:" يالغبي طالع زين لاتصير دلخ."
محمد:" لالا..لاتقووول لالالا.."
حمد:" شفيها البنت أخلاق عاليه وحلوة وأدب و..."
قاطعه:" وشنو نسيت انت ابووها من؟"
استغرب من كلامه وعدل قعدته لأنهم تعبوا من المشي وقعدوا:" افاااااااااا ياولد العم.. انت تقول هالكلام؟ ماتوقعتك تفكر بالطريقة هذي."
محمد:" مدري بس شتبيني اقول لأولادي لين سألوني عن جدهم؟"
حمد:" مايحتاج تقول شي مات والله يغفرله، البنت مالها ذنب ياخوي وهي ماعليها شي وكانت مظلومة بإنها عاشت وياابوظالم ومايخاف الله."
محمد:" مدري أخاف أقدم على خطوة أندم عليها طول عمري."
حمد وهو يطالعها:" حرام هالبنت تنظلم بحياة أبوها وبعده ، فكر زين ولاتتردد وصدقني ماراح تلاقي أحسن منها."
محمد:" لاتضغط علي خلني أفكر براحتي وبشوف أختي يمكن هي عندها أحد ثاني لاتستعجل."
وسكت شوي وقال:" ليش ماتاخذها انت؟"
حمد:" لالا انا مابي اعرس من الحين بعدي صغير خخخخ."
محمد وهو يضربه على راسة:" عدااااال هو انت بأي صف؟"
حمد:" كي جي1"
محمد:" مااقووول الا مالت هذا اللي كان ينصح."
وقعدوا يضحكون ويسولفون في سوالفهم اللي ماتخلص.

وكانوا البنات في عالم آخر من السوالف..
خلود:" وش بتسوون لكم حق الحفلة؟ انا عن نفسي ابي اسوي شي ستايل وحلووو اخلي الكل يتكلم عنه."
بدور:" زين ياحلوة وانتي سمووور؟"
سمر:" انا مابي شي مألوف يعني شي غريب مختلف عن الموديلات العادية يمكن أميل للجرأة شوي."
بدور:" ياعيني ياماتحت السواهي دواهي عيل انتي تبين شي جرئ..؟! ، اما انا مدري للحين بفكر وبشوف الموديلات والمجلات وبعدين بختار.."
وطالعت سمر مريم وسألتها نفس السؤال..
مريم:" اممممم مدري مابي شي معقد أحب البسيط بس يكون مميز..!!"
ونوف طبعاً رايها مثل اختها بالغالب ودائماً تاخذ رايها، والوحيدة اللي كانت ساكته هي شوق، وانتبهت لها مريم:" وانتي شوق مااشوفج قلتي شي والاموناوية تتعدلين؟"
شوق:" مدري يمكن ألبس شي من عندي والا مولازم اتعدل.!!"
بدور عصبت:" ليش يعني ماناقص الاتقولين ماني جايه وياكم بعد."
شوق:" لاموقصدي بس تعرفون صلة القرابة بعيدة وماله داعي...."
وقاطعتها سمر:" شوق حبيبتي خلي عنج هالحجي انتي الحين صرتي منا وفينا والالازم اذكرج بكلااام ابوووي؟"
شوق بخجل:" لاماله داعي بس....."
خلود:" لابس ولاشي بتلبسين وبتتعدلين وبتصيرين أحلى وحده بعد شرايج؟ ويالله عن الدلع."

^^^^^^^^^^^^^^^^^^^^^^^^
هديل:" خلاص يمه جهزت كل الاغراض ولافيه شي ناقص."
أم عبدالله:" زين علشان بعد صلاة العصر بيي ريل اختج وياه الخدامه بياخذون الاغراض."
هديل بإرتباك:" يمه.."
من غير نفس:" خيــــر؟"
هديل:" ليش ننتقل لبيت بوعمر، هدى زوجته خلها تعيش معاه احنا شنسوي هناك خلينا في بيتنا احسن يمه..!"
بعصبيه:" جب ولاكلمه هذا اللي ناقص تمشينا على كيفج ذلفي بره يالله."
هديل ماسكتت ودرت عليها:" انا ماغلطت واللي قلته هو الصح، وجودنا في بيتهم غلط في غلط وانا ماراح ارتاح وياعبود هناك."
أم عبدالله:" ياسلام على حساب راحتج تبينا نقعد في الفقر، اقوول انقلعي من ويهي لاراويتج نجوم الظهر."
مشت عنها وهي مقهورة شافت بويهها هدى اللي كانت تبيها تشيل الأجياس اللي بالصالو ودزتها بيدها:" روووحي زين."
هدى:" ياحقيرة..!!"
وراحت لأمها تسألها:" شفيها هذي استخفت؟"
أمها بقهر:" شدراني جاية تقول خلينا بالبيت ماتبي تروح بيتج."
هدى:" لاااا هذي جنت وقعدت والظاهر ان ويهها ويه فقر ماتبي تفارق هالبيت مو مال عز."
أم عبدالله:" وانتي الصادقة ، مدري طالعه على من هالبنت ، حتى اخوها غير."
هدى وهي تلعب بشعرها واتعلج:" على من يعني، على البقرة شوقوو."

^^^^^^^^^^^^^^^^^^^^^^^^
أحمد:" اوووه يالغشاش.. طلع الكرت اللي عندك."
ناصر وهوميت من الضحك:" صدقني ماعندي شي هاااك طالع."
سيف:" اقوول نصوور حبيبي قووم اوقف اشووف."
ناصر:" ليش بعد."
سيف:" بشوف الكرت اللي تحتك قاعد عليه خخخخ."
احمد:" يعني قاعد عليه آآآخ منك يالنصاب ماينلعب وياك."
ناصر:" هههههههههع أقوول انت ويا ويهك من زين لعبك عاد.."
أحمد:" اشووفك نزيه باللعب وماتغش."
ناصر:" انا اغش افااا ، انا ماغشيت الكرت انا خشيته لوقت اللزوم لكن غش مااغش عيب من غشنا فليس منا."
سيف:" عدااال ياحكيم، بسكم لعب قوموا نتمشى شوي لاعت جبدي واحنا قاعدين، خلونا نشوف حمد ومحمد وش يسوون."
أحمد:" لاأنا بقعد شوي وبعدين بروح داخل."
سيف:" براحتك ، انت قوووم نصوور بسرعه."
نااصر:" ياالله هذا انا قمت."
وخلوا احمد قاعد بروحه، انتبه لطاولة البنات كانوا كلهم داخل ماعدا مريم وسمر ظلوا يسولفون، وبعد عشر دقايق دخلت سمر وتمت مريم قاعدة..
أحمد ( أروح لها والا مااروح؟ لالا خلني قاعد أبرك لي، اففففف لالا مايصير لازم اكلمها ومايصير أظل جذي أحاتي وأفكر واتعذب لازم أكلمها أي لاااازم. )
قام من مكانة وراح لها، هي كانت معطته ظهرها، تردد وبغى يرجع مكانه بس قلبه كان يقول له روح لها وماراح تخسر، وصل لها وسلم:" السلام عليكم."
طالعته وبإرتباك:" وعليكم السلام."
أحمد:" ممكن أقعد؟"
مريم:" تفضل."
أحمد تم ساكت دقايق ومريم كانت منزله راسها حست فيهم هالدقايق كأنهم سنه بس انتظرته لين تكلم:" مريم ممكن أكلمج بموضوع؟"
مريم حست أنه فيه شي من يوم جاها وقعد:" خير آمر؟"
أحمد:" الخير بويهج، أمممممممم مريم مدري يمكن تعتبريني جرئ أو وقح لأني بكلمج بموضوع خاص."
بإستغراب:" خاص؟"
أحمد:" ايه خاص، أنا مابي أطول عليج الحجي وأخليج تفكرين وايد."
قاطعته:" خوفتني احمد صاير شي؟"
أحمد بدون مقدمات:"مريم أنا أعرف انج تحبين واحد اسمه علي."
انصدمت وماقدرت ترد عليه حست ان الدنيا تلف وادور فيها ( شلوون عرف؟ )
أحمد حس بصدمتها وان بداخلها مليون سؤال فتابع كلامه:" انا عارف انج تحبينه وتكلمينه من ورى اخوانج، بس صدقيني يامريم حبي لج خلاني ادور عن سبب رفضج لي وخصوصا تبريرج بالبنسبة لي انا بالذات ماكان مقنع لأنج تعرفين انا احنا أكثر من مجرد عيال عم..!! انا مثل اخوج يامريم؟؟ مااعتقد هالشي لولا انج كنتي تحبين واحد ثاني،انا سألت عنه."
طالعته بغيظ:" وانت بأي حق تسأل عنه وتدخل بحياتي الشخصية يااحمد؟"
أحمد يدري انها منصدمة ومايبي يعاتبها ويحاسبها على كلامها:" انتي بنت عمي اولا، وثانيا انتي مهما كنتي تعرفين الولد هذا مستحيل تعرفين حقيقته بالكامل.. وانا سألت عنه وطلع انسان لعوب."
قاطعته للمرة الثالثة:" مستحيل انت ماتعرفه، علي انسان خلوووق ومحترم ، وراح يتقدم لي وهو واعدني بهالشي وقال لي قريب."
أحمد يتألم من داخله لأنه يشوف اللبنت اللي يحبها اي كثر متعلقة بشخص غيره وليته انسان يستحق:" سمعيني زين انا ماكلمتج ولافاتحتج بالموضوع الايوم سألت عنه وخليت ناس يسألون عنه ، وعرفت فعلا انه انسان لعوب ومستهتربحياته وطايش، مريم تراه يعرف غيرج ألف بنت ومثل ماوعدج بالزواج وعدهم ،واذا تبين تتأكدين عندي أرقام بنات يكملهم جابهم لي واحد من تلفونه."
مريم جمدت بمكانها ماكانت قادرة تستوعب كل هالكلام عن علي الانسان اللي عطته كل مشاعرها بصدق.. وبالأخير يطلع محتااال؟!
أحمد:" ادري فيج مومصدقه ومصدومة وصعب عليج تتقبلين فكرة خداعة واكيد تقولين اني افكر انتقم لأنج رفضتيني، والا ابي اخرب عليج، لايامريم وألف لااااا ، انا ماسويت هالشي الا لأني أحبج وأعزج وأفديج بعمري، وابي تعرفين شقد أخاف عليج وأي شي يصيدج يضايقني، مريم لأول مرة اعترف لج فيها ومن كل قلبي انا مافقدت الأمل لأني أحبج أحبج أحبـــج.
قالها ومشى عنها، خلاها في دوامة تفكير مليانه صدمات ، صعب جداً تفكر بعلي بالصورة الجديدة اللي قالها لها أحمد (( معقوولة؟! وش اللي سمعته هذا؟ مستحيل علي يكون انسان دنيئ ومنحط لهذي الدرجة ، معقولة كان يتسلى بمشاعري طول هالمدة هذي؟ سنتين ياعلي وانت تلعب فيني؟ وانا ياغافلين لكم الله، آآآآه ياعلي... وأحمد؟ شفيه احمد.. مدري أفرح لأنه كشف حقيقة علي والا اتضايق؟!! والا مشاعره اللي فصحها لي، ليس اتضايق من نجاتي من علي؟! آآآآآه ، شلون أرفع راسي قدامه مرة ثانية، وفووق هذا يقول لي أحبج؟! معقولة يااحمد لهذي الدرجة تحبني؟ ))
انتبهت على يد تهز جتفها ، كان أخوها حمد:" الجميل سرحان في ميـــن؟؟"
حاولت تخفي ارتباكها وعلامات الصدمه بويهها:" هلا، لاسرحانة ولاشي بس افكر بخطوبة سيف و بلبس فيها."
حمد:" اييييه صح، بس ويهج مايقول جذي."
مريم:" وش يقووول ويهي ياحضرة الفيلسوووف؟"
حمد:" يقول كأن تلقيتي خبر ضايقج."
ضحكت غصباً عنها:"هههههه خبر؟! من وين ياحسرة تجيني الاخبار؟ لاياخوي بس يمكن التعب هو اللي مغيرني شوي."
حمد:" اذا تعبانة قومي نامي؟"
مريم:" ان شاءالله تآمرني شي؟"
حمد:" اممممم كان ودي اسولف وياج شوي بس خليها مرة ثانية احسن."
ابتسمت له:" ان شاءالله، تصبح على خير."

^^^^^^^^^^^^^^^^^^^^^^^^

قعدت الصبح من النوم وفيصل من زمان قعد وراح الشغل بدون مايقعدها!! كانت تعبانة وايد من كثر السهر والتفكير ، قامت من السرير وغسلت ويهها وبدلت ثيابها، وبعد دقايق اتصلت بإختها شيخة وقالت لها بتمر عليها البيت وبتقعد وياها شووي.
شيخة:" واخيراً جيتي البيت يالقاطعه."
نجود:" صدقيني موقاطعه بس تعرفين الحال."
وهي تصب لها العصير:" أي حااال؟ في شي صاير واحنا ماندري عنه؟"
نجود إبتسمت وقالت بقلبها( قولي في شي انتوا تدرون عنه ) طالعتها وقالت:" لامافي شي."
شيخة:" نجود حبيبتي انتي صار لج فترة واحسج موطبيعيه، انتي خاشة عني شي؟"
نجود أبداااً ماكانت تخش عليها اي شي الا الاشياء الخاصة طبعااااً، بس هالمرة محتارة وصعب عليها تقوول لأختها اللي صار في بيت خالتها.
شيخة:" اشووفج سرحتي ورحتي بعيد، وصلتي وين ياترى؟"
نجود:" بقول لج شي بس ابيج توعديني ماتقولين لأحد بالمرة يعني لاأبوي ولاأمي ولاحتى محمد فاهمة."
شيخة:" انتي ماتوثقين فيني؟"
نجود:" أكيد اي." وسكتت شووي وكملت:" خالتي ام فيصل."
شيخة:" شفيها؟"
نجود:" حاقدة علينا بصووورة ماتتصورينها وخصوصا من أبوي يوم انه كلمها عن شوق لدرجة انها اهاااانت عمي قدامي وقالت لها يوم دافع عني مالك خص فينا..!!"
شيخة ماصدقت اللي اللي تسمعه:" معقوولة خالتي تقول جذي مستحيل."
وتمت كمل نجود كلامها:" موغريب عليها، حتى فيصل تغير علي وااايد ماعاااد مثل قبل، اهاناتهم زادت واحتقااره لي وصار يتجاهلني أووقات وايدة، أحس خالتي قاعدة تشوشه استغفر الله ربي مابي أظن فيها، بس صاير يقعد عندهم أكثر مايقعد وياي واذا قلت له شي قال أهلي وماتبيني اقعد وياهم، كل تبيني قاعد 24 ساعه مقابلج؟! ومايجيني البيت الا بعد مااكون نمت..!!"
شيخة:" معقوولة اللي اسمعه؟!! نجود متأكدة انتي؟مويمكن انتي حساسة شووي؟"
نجود بقهر:" انا حسااااسة انتي تعرفيني زين موممكن أقول شي مومتأكدة منه ، وليش اتبلى عليهم."
شيخة:" سامحيني، بس الكلام اللي تقولينه بصراحة يخلي الواحد يستعجب ، الله يعينج اذا قاعدين يسوون فيج جذي وانتي وش مسوية؟"
نجود:" وش تبيني اسوي ساكته ولااتكلم احاول امتص غضبهم واهاناتهم بسكوتي."
شيخة:" عفية عليج ، وفيصل بعد حاولي ماتدخلين وياه بأي نقاش حااد."
نجود:" اقووولج مااتكلم ، تخيلي يقعد الصبح ويطلع بدون ماادري فيه ويرجع بدون مدري فيه."
شيخة:" لاحووول ولاقوة الا بالله العلي العظيم، تصبررري مالج الا الصبر الحين، لكن لازم نسوووي حل ومااراح نقعد جذي،نجود لااازم ابوي يدري باللي يصير من وراه ويكلم ريلج يتفاهم وياه."
نجود:" ابوووي لاااا..مااقدر اخاف يسوي لي مشاكل ويااه مالها اول ولاآخر، تعرفين ابوي عصبي بهالسوالف، مدري كفاية خالتي ونظراتها اللي تذبح الواحد."
شيخة:" بس انتي جذي بتبينين لهم انج ضعيفة ومغلوب على امرج وصدقيني اخاف يصير شي نندم عليه بعدين."
بخووف:" نندم عليه؟! ليش وش ممكن يسوون فيني بعد؟يحبسوني ويعذبوني؟! لااامولهذي الدرجة."
شيخة:"ههه والله ضحكتيني، موغبية انا ، بس تصرفهم معااج ممكن يكون قاسي لدرجة اطفشج منهم وتكون العواقب وخيمة."
نجود:" مدري مدري بس حالياً مابيج تقولين لأي أحد فاااهمتني ، وبصبر يمكن يتغير الحال مع اني مااعتقد وبعدين بنشوووف وش بنسوي."

^^^^^^^^^^^^^^^^^^^^^^^^
الكل نااايم ولاواحد فيهم كان قاعد غير محمد اللي مارقد الاشووي لأنه يفكر بكلام حمد، أذن أذان الصبح صلى وراح يقعدهم واحد واحد، وطبعاً البنات دق على سمر بتلفونها وخلاهم يقعدون..
خلود وصوت مليان رقاااد:" صلوووا ونامووااا..!!"
بدور وهي تفرك عينها:"هممممممممممممم اي."
شوق:" انا خلاص شبعت نوم بروح اقرأ قرآن."
والباااقي قاموا يصلون وردوا نامووا لأن السهر مثقل جفوووونهم.

شوق بعد ماخلصت قراءة القرآن راحت المطبخ وقعدت تسوي لهم الريوق.. مريم كانت الشخص الثاني اللي مارقد زيييين بالليلة اللي طافت، بعد الصلاة قامت وراحت الصالة ، وماكان أحد قاعد (( أرووح أشووف المطبخ أحسن اجهز الريووق. ))
ومادخلت الا شوق تقريباً خلصت التجهيز..
مريم:" انتي هننني؟"
شوق:" ايه شبعت رقاد وقلت اجهز الريوق."
مريم:" وبتخلصين جريب اشوووف.."
شوق:" ايه بس بااقي الشاي اذا ماعليج كلافه وأمر تسوينه؟"
مريم:" من عيوني انتي تآمرين بس."
شوق:" مايآمر عليج عدووو يارب، وتسلم عيونج."
كانت مريم رغم انها تحاول تبين طبيعية الا ان شوق قدرت تلاحظ الحزن اللي بعيونهاوبتردد:" مريم."
مريم بإبتسامة حزينة:" هلااااا."
شوق:" ادري يمكن مالي دخل بس أحسج تغيرتي عن امس، شكلج حزينة وفي شي شاغل بالج."
ارتبكت مريم اكثر ولاعرفت ترد عليها وتمت ساااكته ونزلت راسها..
شوق:" انا آآآآسفه الظاهر ضايقتج ، ماكان من حقي اسألج واتدخل."
مريم رفعت راسها وطالعتها:" لااااا ابدااا ياشوق، لاتقولين جذي انتي غالية وعزيزة بس خليها على الله."
شوق:" ونعم بالله، ولايهمج اذا حسيتي انج تبين تقولين ااااي شي وتفضفضين انا حاضرة."
مريم:" تسلمين حبيبتي ماتقصرين."
وجهزوا الريووق ثنتينهم ودقايق الا محمد قاعد على الطاولة وتفاجئ لماشاف الأكل موجود:" مااااشااءالله من سووى هالاكل كله؟"
والامريم كانت داخلة وحاملة صينية الشاي:" شوووق اللي مسويته."
اول ماسمع اسمها تذكر كلام حمد، وابتسم:" ماشاءالله متى قعدت وسوت كل هذا؟"
مريم:" من اذان الفجر وهي تسوي فيه المسكينة تعبت عمرها ماقصرت فيها الخير."
محمد:" ااايه صح، قولي لها مشكووورة ماقصرت تعبناها ويانا لكن الشره موعليها على خواتي اللي كل وحدة فيهم وش طوولها وماتعرف تسوي شاااي، عموماً قولي لها تسلم ايدها على الغدى امس كان حلووو وايد."
مريم:" ان شاءالله يوصل، تبيني اصب لك شاي بالحليب والابس شاي؟"
محمد:" لابس شاااي ومشكوورة."
وبعد ماصبت له الشاي وحطت الكوب يمه دخل أحمد اللي تفاجأ بوجودها:" صباااح الخير."
رد عليه اخوه بس مريم بسرعه طلعت بعد ماردت بصوت واطي..
محمد بإستغراب:" شفيها اللي يشوفها يقول شايفه جني."
أحمد:" هه هه هه بايخة، شدراني يمكن شكلي ماعجبها وانا توني قاعد من النووم.."
احمد كان يحاول يبين طبيعي وفعلا قدر يتغلب على مشاعر والضيقة اللي فيه."

^^^^^^^^^^^^^^^^^^^^^^^^

قعدوا كلهم الساعه 10 بالضبط لأن الوقت قرب الظهر ومايبون يقضون بقية اليوم بالنوم..
البنات كانوا انشط من الشباب، جهزوا الغدى طبعاً بمساعدتهم للشيف شوق اللي سوت لهم سمج مشوي بالفرن ومحشى ،، وسوت لهم صلصة حارة وساعدتها أكثر شي مريم وسمر في الكيكة اللي سوتها..!!
كان الطبااخ بذاك اليوم متعب لكن ستانسوا وايد لأنهم ولأول مرة يعتمدون على نفسهم بالطباخ بدون مساعدة أمهاتهم.. وطبعاً لاقى طباخ شوق المديييح من الكل والشكر طبعاً ومانست مريم تشكرها نيابةً عن محمد..!!
حمد وهو ينغز محمد بخاصرته:" ابسط ياعم ياعيني ع اللحمة المشوية والسمكة المقلية والفته باللحمة والكشري يمممممي ، عيني عليك بااااردة اذا اخذتها وسمعت كلامي عزالله بتصير دب بعد شهرين مااطووف من البااااب خخخخخخ."
محمد:" فال الله ولافالك، عدووويني يارب."
حمد:" اسمع كلامي يااخي ومابتندم."
محمد وهو ياكل من الكيكة:" انت مايهمك الابطنك وبس."
حمد:" بذمتك الكيكة اللي بيدك مو يجنن طعمها، ويااخي ترى موبس أكلها حتى هي بتعجبك."
محمد وهو صافقة:" اسسستح على ويهك وماني راعي هالسوالف اللي تقولها."
حمد:"هههههههه أضحك وياك يالخبل يعني أبداااا ماتتقبل مزح."
محمد:" ثقيييييل وااايد."
حمد:" ليش جم وزنة خخخخخ."
محمد:" باااااايخ."
حمد:"ههههههع لاجد مافكرت باللي قلته لك وين بتلاقي أحسن من وحده ترعاك وتلبي رغباتك وطلباتك وفوق هذا طباخه ممتازة."
محمد:" ردينا ع الاكل والتشهي ، قلت لك مدري لين ردينا البيت اشوف اختي يمكن رايهم غير."
حمد وهو صافعه بمخده:" طااالع هذا انت اللي بتزوج والاهم ، يااخي هذي حياتك وانت اللي تختار من بتكون شريكة حياتك، لاتحاااول تجمد مخك عن التفكير وتتكل على بيتكم."
محمد:" ادري لكن مايمنع آخذ رايهم."
حمد:" تدري انك تبط الجبد، خذ رايهم كيفك انا قلت لك اللي عندي وخلاص."
محمد:" وانت تدري انك حنّان وزنان وتعوور الراس."
ومد برطمه عليه:" مشكوووور ماتقصر ايي منك أكثر ، وانا اللي ابي مصلحتك."
محمد يدري انه بيزعل بدقيقة وبيرضى بدقيقة فماراضاه ولافكر انه يكلمه وبعد دقيقتين بالضبط..
حمد:" اقوول بتقوووم تمشي شووي."
محمد وهويضحك عليه:"ههههههههههههههه اشووفك رضيت بسرعه."
حمد:" لأن اللي بتابعك بيزعل طووول عمره ولابتراضيه لويموت..!!"
محمد:" شسوووي أبوطبيع مايجوز عن طبعه خخخخخ."
حمد:" زين يابوطبيع بتتمشى وياي والا لا؟"
هز راسه بالنفي وخلاه حمد وراح يتمشى..!!

^^^^^^^^^^^^^^^^^^^^^^^^
بالصالة كانوا البنات يطالعن التلفزيون وياهم أحمد وناصر وسيف..
شوق:" اقول بدور متى بنرد البيت؟"
بدور:" ليش مليتي؟"
شوق:" لابس أبي اتصل بهديل خاطري اسمع صوتها، وبصراحة ابي اروح ازورهم."
بدور:" بل الأولى سهله بس الزيارة صعبة ماتخافين من مرة ابوووج؟"
شوق:" لامااخاف وهذلين اخواني ولازم اشوفهم مايصير اقاطعهم طوول عمري مالهم احد."
بدور:" زين هاج تلفوني وكلميهم على راحتج يالله."
شوق:" مشكوووورة حبيبتي."
بدور:" ولوو مابينا شكر احنا خوات."
وقامت عنهم وراحت تتصل بره، الكل كان قاعد عدا سمر وحمد ومحمد اللي راح يتمشى طبعاً..
وبالجانب الثاني من الشالية كانت سمر قاعدة تتكلم بالتلفون..
سمر:" هههههه والله من صدقك انت؟ اكيييد وحشتني."
(....) :....................
سمر:" يمكن، بس الحين صعبة وااايد كلهم وياي ومااقدر."
(....) :....................
سمر:" أدري، أدري ياقلبي بس صعبه صعبه مااقدر.."
(....) :....................
سمر:" لاماتهون علي أبد، كلشي ولازعلك بس تعرف ظروفي ومو أول مرة أشرح لك وضعي."
(....) :....................
سمر:" لاااا ياقلبي مابنسااااك ودووم على بااالي، وان شاءالله لين ردينا نلتقي بأي مكان أختارة أنا، وأبي طبعاااا تقرير ال................!!!!!!!
ماكملت كلامها ولاردت على الطرف الثاني، لأنها تفاجأت بشخص كان واقف وراها يمكن سمع الكلام اللي كانت قاعدة تقوله ويمكن لا..!!
ياترى سمر كانت قاعدة تكلم منووو؟ ومن هالشخص اللي بحياتها؟ ومريم راح تقتنع بالكلام اللي قاله لها أحمد؟ وتتأكد من الأرقام اللي عطاها اياها؟والا بتتجاهل كل شي وبتتبع قلبها وتلغي عقلها..!! ومحمد وش راح يكووون قراره اذا رد البيت، راح يوافق على شوق؟ وشوق بتوافق عليه لو هو وافق؟؟؟ سحروفهد من سئ الى أسوأ جحيم تعيش فيه ومستحيل تتخلص منه.. تتوقعون تسوي شي، وتنقض عهدها ويافهد وتكسر كلامه؟ ونجود وفيصل مأساتها للحين ماابتدت..؟! وهدى ونذااالتها، وهديل ومعاناتها في البيت الجديد..!! مفاجآآت بحياااة الجميع بالاجزاء القادمة..

الجزء التاسع عشر

شيخة:" هلا يمة شخبارج؟"
أم محمد:" هلا فيج حبيبتي وينج فيه ماتقولين عندي أم بسأل عنها."
وهي تضحك:" صدقيني يمه مانسيتج بس انشغلت بالبيت شوية."
أم محمد:" زين اتصلتي بأخووج؟"
شيخة:" لا مااتصلت هم باجر بردون البيت وبشووف وش قرر."
أم محمد:" ياليته عااد يسمع الكلام ويتزوج."
شيخة:" لاتخافين أخوي وأعرفه زين بوافق بس لازم شوي يلاقي صعوووبة بالبداية بتقبل الفكرة ، بس صدقيني راح يتغير بعدين وينسى كل اللي راح ويبدأ من جديد ، وهو يبي له صبر بس."
أم محمد:" يااااالله الله يسمع منج."

^^^^^^^^^^^^^^^^^^^^^^^^
قطعت التلفون بسرعه ولاردت على الشخص اللي كانت تكلمه، حمد هو الشخص اللي كان وراها، بسمافة بسيطة بس ماسمعها..!!
ارتبكت أول ماشافته وبسرعه خشت التلفون بكمها...
حمد بإستغراب:" سمر؟! شقاعدة تسوين هني؟"
سمر:" هاااا، هلا حمد ماسوي شي بس مليت قلت اتمشى لي شووي."
حمد:" ايييه."
سمر:" عن اذنك."
حمد وزاد استغرابه:" أذنج معااااج..."
حمد عمره ماقال لأحد وش يجوول بخاطرة واللي في داخلة لأنه مايدري ان كان الشخص الثاني ممكن يتقبل احساسة او لا..!!
دخلت الصالة بسرعه كانت حاطة ايدها على قلبها، اخذت نفس عمييييق وقعدت ، كانت دقات قلبها ادق بقوووووة (( مدري هو سمعني أولا؟ امممم لالالا مااعتقد أبداً ملامحة ماكانت تدل على انه سمع شي لازم آخذ الحذر مرة ثانية والله بغيييييت اروووح فيها، هالمره طفت فيها المرة الثانية مدري وش بيصير."

وشوق كانت تتكلم بالتلفون ويااختها ، وكانت الأخبااار ابداً ماتسر..!! خصوصاً ان اختها راح تترك البيت اللي تربت فيه وبتتركه.. كانت تسولف قريب الباب بإتجاه الجلسة اللي قاعد فيها محمد..!! أشعة الشمس حاااارة وشوق من حرارتها خدودها صاااروا مثل الطماط..!! شكلها كان يجنن لأن لونها كان حنطي مايل للبياض فطااالعة تهبل..!!
محمد وهو يطالعها (( فعلاً مثل ماقال حمد بنت حلووووة ، استغفر الله شقاعد اسوي حرااام اللي قاعد اسويه مايصير اطالعها بهالنظرات هذي..!!! اعوووذ بالله من الشيطان ، بس فعلاً ليش انا أرفضها بنت زينه واخلاقها عااالية وش اتمنى اكثر من جذي شكلها مستحيل ينعاب ماشاءالله عليها كاملة والكامل الله، بس شلون سحر بتتقبل الخبر؟ أكيد بتنصدم وبأكد لهم شكوكهم بأن شوق هي اللي خربت علاقتي فيها..!! لالا.. مالهم دخل فيني أبداً، هم وش يخصهم اصلاً كل شي انتهى بيني وبين سحر وكل واحد أختار الطريق اللي يريحية.اووووه مدري مدري هي بترضى فيني؟ ليش لا..وهي بتلاقي مثلي وين؟ هي تتمنى تلقى واحد مثلي..!! اففف ليش هالغرور يامحمد، انا ماكنت جذي الظاهر بديت أخرف من القعدة والتفكير بروحي، اقووم ابرك لي واذا رديت البيت راح اعطيهم قراري النهائي."

^^^^^^^^^^^^^^^^^^^^^^^^
دخل وراها المطبخ وهو موقادر يتخيل زوجة ثانية غير زوجه ثانية غير زوجته:" يايمه شلون تبيني اتزوج عليها...؟!"
أم فيصل وهي تصب الشاي:" ماتبي تاخذ عليها وحدة ثانية في حل ثاني."
فيصل بغباااء:" شنوووو؟"
أم فيصل:" طلقها، وتزوج غيرها في ألف من تتمنى تراب ريلك."
بتفاجئ:" هاااااااااااااا..!!"
ام فيصل:" قلت الحل الأفضل وانا كلمتك من قبل وعندي بنت الحلال اللي بتريحك وترضيك ، وخل نجود على ذمتك أحسن من انك اطلقها تدري ليش، علشان تحرق قلبها مثل ماحرقوا قلب بنتي.."
فيصل:" يممممه شنو احرق قلبها هي لعبة اطلقها واعرس ، لالا مااقدر اتزوج غيرها."
وبعصبية:" أنت تبي تذبحني، عيل لاتجيني وتشتكي لي الحال، ماعندي عيال ومادري شسوي ، ولمتى بتحمل هالوضع ، هي لوفيها عياااال كانت جابت من زمااان..!!"
فيصل:" يمممممممه..!!"
أم فيصل:" لايمه ولايبه، اذا تبيني ارضى عليك تزوج عليها مولازم اطلقها مثل ماقلت لك والشرع حلل اربع وانت عندك عذر شرعي مرتك ماتجيب عيال تزوج وريحنا."
فيصل وكأنه بدأ يقتنع:" خليني افكر، واذا رسيت على راي بخبرج ."
أم فيصل بعد ماحست استجابته نوعاً ما لها:" بعطيك مهلة خلال هالاسبوع ابيك ترد علي لأني كلمتهم وقالوا لي بشوفون البنت بالأول."
وبنظرات حيرة هز راسه وطلع من عندها وهو يفكر صار له يومين وهو على الحال تفكير بدون نتيجة نجود حبيبة عمره شلون يفكر يتزوج عليها.!! (( مستحيل مااااا أقدر اتزوج، بس امي عندها حق الشرع حلل اربع وانا ماعندي عيال وابي اشوف عيالي قبل لاامووت..!! بس انا قايل لها مستحيل اتزوج عليها طول عمري آآآآآخ ياراسي بينفجر مدري شسووي حيرة وطحت فيها..!! ))

^^^^^^^^^^^^^^^^^^^^^^^^
الساعه 2 الظهر وفهد كان قاعد ينتظر اتصال عبدالعزيز له، كانوا متفقين يطلعون وياسعود رفيجهم القهوة، وشوي الاتلفونه يرن..
وبعصبيه:" جااان لااتصلت.."
عبدالعزيز:" بل يمممه خرعتني اللي يرد جذي."
فهد:" اسأل نفسك يااخي صار لي ساعه انتظر ردك الزفت وياالخبل الثاني سعود."
عبدالعزيز:" زييين اذيتنا يااخي، اسمع يقول بجينا القهوة بس خلنا نروح قبله وبيلحقنا بعدين."
فهد:" ياسلام جان قال قبل لايعطلنا افففف صج بوطبيع ماايوووز عن طبعه، جهز انت نفسك وانا جايك الحين لأني طلعت من الشقة."
عبدالعزيز:" وانا انطرك تحت لأني جاهز من زمان."
فهد:" يالله سكر زين."

وبعد 10 دقايق بالضبط كانوا ثنينهم قاعدين على الكراسي بالقهووة ويشيشون..
عبدالعزيز:" ريحه عجييييييييبة توقف الراس..!"
فهد وهو ينفخ الدخان بويهه:" لكن مومثل توقيفة اللي خبري خبرك.."
عبدالعزيز:" انت تحلم خخخخخخ، الا ماقلت لي شخباااارك؟"
فهد:" أحسن منك."
عبدالعزيز:" صدقني ماتستاهل أحد يسأل عنك على هالنزارة وثقل الدم اللي فيك."
فهد:" ماني محتاج لسؤالك مستغني."
عبدالعزيز:" آآآآخ منك أراويك لكن صدقني بدوور الدواير وبتقووول وينك ياعبووودي ماتسأل عني."
فهد:" ووووووع اسكت بس قال عبودي قال."
وقبل لايرد عليه عبدالعزيز جاه صوت واحد ثاني:" وانتوا للحين تتهاوشون ماتجوزون."
فهد دار راسه للصوت:" هلاااااااا ابودعيج الحمدالله على السلامة."
سعود:" الله يسلمك."
وقعد كل واحد يحب خد الثاني..!! وحضنوووا بعضهم لأنهم من زمااان ماشافوا بعض..!! ونفس الشي بالنسبة لعبدالعزيز..
سعود:" تدرون وصلت الفجر اليوم تمنيتكم وياااي والله، صج كانت سفرة ولاكل السفرات كل ماتتمنى وتشتهي الأنفس تلقاه عز الطلب هنااااك خخخخخ."
عبدالعزيز:" ياعيني رحت للخبرك يعني؟"
سعود:" ايييييي افااا عليك.."
فهد:"هههههه شكلك لعبتها عدل هناااك؟"
سعود وهو يضحك:" قلت لك تعااال انت مارضيت."
وقبل لايرد عليه قال عبدالعزيز:" مايقدر الريال عنده فرس لاااازم يروووضها."
سعود:" أوووووه أووووه، من صدقك؟ من وين لقيتها؟"
فهد:" آآخ منك يابولسان ماتسكت لكن اراويك."
سعود:" ليش ماتبيه يقول ، اكيد تبي تستفرد فيها بروحك خخخخ."
فهد:" ههههههههه اي يابابا كل واحد ياخذ نصيبه."
وقعدوا يضحكون وكل واحد فيهم مجود شيشته وشيش..!!
عبدالعزيز:" سعوودوو شفيك مفهي؟ وين سرحت هاااا ؟ من اللي ماخذة عقلك."
سعود طالعهم وقال:" اييييه وحده."
فهد:" أحد قالك واحد ندري وحده بس من هي؟"
سعود:" بااايخ، حلوووة لكن عنيدة تدرون صار لي أكثر من 6 شهور أعرفها وماقدرت أطلع وياها."
عبدالعزيز:" حشى.. جان من زمان هديتها."
فهد:" بالعكس هذا النوووع اللي يعجبني."
سعود:" اي صح ، عجيبة بنت عز لكن شقول عنها والا صوتها لين تسمعه ياخذ العقل."
فهد:" هههههههه بس بس لايكون بتحبها صج ، اشووفك ذبت فيها زين من وين تعرفت عليها؟ وليش ماقلت لنا يالخاين؟"
سعود:" ماقلت لأني ابي أرووضها خخخ، اما وين تعرفت عليها هي كانت تروح دائماً بيت عمها وبيتهم يم بيتنا وخبرك الأدب والأخلاق وماتسوووووي خخخخخ."
عبدالعزيز:" ههههه عفارم عليك يابواخلاق."
فهد:" عفيه عليك بس عليك بالترووويض خخخخ شي صعب والله بالنسبة لنوعيتها."
سعود:" صح لسانك بس ماقلت لي الفرس اللي عندك من وين؟"
فهد:" جابها عبدالعزيز لي من عند الفرس اللي عنده."
عبدالعزيز:" احم احم ، طبعااا وبدوون فخر."
سعود:"ههههههههههههه ماشاءالله عليك صرت رجاااال."
عبدالعزيز بعصبيه:" لاااا احلف انت وياوجهك ماااالت عليكم ثنينكم."
فهد وهوفاطس من الضحك عليه:" وانا وش لي خص فيه ."
سعود:" ماعليك كمل كلامك."
فهد:" امممممم، هي بصراحة حلوووة وعزّ الطلب عليها ....." وقام يساسر سعود بأذونه ويضحكوووون.. وكمل كلامه:" وكانت ماتعطي احد وجه ابداااا لكن روضتها بطريقتي وخليتها خاتم بأصبعي وأقدر أدوووس عليها بأي لحظة ، وماراح اتركها الا لين خليتها تحب رجوولي وتتمنى الموووت..!!"
سعود:" بل ، طوول عمرك مجرم.."
فهد:" قصدك بطولة ورجوولة مواجرام ههههههههههههه."
سعود:" اقول فهد ماعندك صورة للفرس؟"
فهد:" الا عندي صور، بس اذا قصدك فوتوغرافيه لاماعندي."
سعود بإستغراب:" عيل شعندك؟"
فهد بكل خبث:" فيديوووووو..!!"
بطل عينه وفج حلجه:" فيديووووووووو؟؟؟"
عبدالعزيز:" سكر حلجك لايدخل ذبان داخل، ايه عنده فيديو شفيك مستغرب."
سعود:" ابي اشوووفها."
فهد:" لايابابا ولاحتى تحلم، شوفها ممنوووووع حالياً.."
سعود:" افاااااااا حتى علي انا."
فهد:" انت وغيرك وحتى عبدالعزيز ماشافها بالفيديو بس ع الطبيعه شافها جاية لي الشقة."
سعود:" يابخته خخخ تدري شكلك بتسوي سالفة جايدة لها."
فهد:" بصراحة بديت في السالفة موتوي خخخ."
سعود:" شكلك ناوي تلعبها هالمرة عدل."
فهد:" اي صح ، ابي العبها عدل وراح اسوي اللي في بالللي وماراح احد يوقف بوجهي."

^^^^^^^^^^^^^^^^^^^^^^^^

بعد صلاة العشاء ردوا من الشالية كانوا يومين من أروووع الأيام اللي قضووها مع بعض..لكن هاليومين كانوا سنتين بالنسبة لمريم ،كان ودها ترجع البيت من اللحظة اللي صدمها فيها احمد..
دخلت البيت وراحت لغرفتها بسرعه، طلعت تلفونها ودقت على أرقام البنات اللي عطاهم اياها احمد، أول رقم ( بنت ) وثاني رقم ( بنت ) وثالث رقم ( بنت ) ورابع رقم ( بنت ) و....ووووو وعاااشر رقم ( بنت ) طبعاااا وكان رقمها من ضمن هالأرقام الموجودة..!!!!
تمت تصيح على سريرها قهر وغيظ لين ماغفت عينها شووي وقعدت على صوت تلفونها يرن طالعت الرقم ورمت التلفون، كان علي متصل لها، كانت مختنقة بعبرتها وموقادرة ترد عليه وتنهي كل شي بهالسهولة..!! وقف التلفون عن الرنّ، وبعد مابدلت ثيابها ومسحت دموعها رن مرة ثانية وقطعت صوته حتى مايذبحها رنينه..!!
علي كان مصرّ يعرف وش فيها ماترد لأول مرة كانت تتأخر بالرد عليه، واتصل للمرة الخامسة ، وبعد اصرار من مريم ( خلاص لازم انهي العلاقة اللي بينا، لازم اقطعهاااا ) وردت عليها بصوت مخنوق ومبحوح:" نعممم..؟!"
علي:" هلا حياتي..!"
بعصبية:" لاتقوولها، لاتخدع نفسك وتخدعني."
علي تفاجأ بردها، واعتقد بلحظة انه متصل على رقم غلط:" ليش موانتي مريم حبيبتي؟"
مريم:" لااتجيب اسمي على لسانك يالنذل، واسمعني زين رقمي امسحه من تلفونك فااهم ، وموبس من التلفون من ذاكرتك بعد ، واذا كنت تحسب ان مشاعري وبنات الناس لعبة بإيدك فأنت غلطااان وستين غلطان."
علي:"...................."
مريم:" انسى وحدة كانت بحياتك اسمها مريم ، واللي بيني وبينك صفحه وطويتها انا من حياتي، وانا عرفت كل الاعيبك عليّ وان في غيري ألف تكلمهم.."
علي:" من قالج هالكلام ياعمري صدقيني ترى ماعرف احد غيرج وأقسم لج."
مريم:"استغفرالله ، انت ماتخاف ربك تحلف بإسمه جذب، وشلون بتخاف وانت معدوم الضمير، تراني كلمت البنات اللي تكلمهم وتأكدت من كل شي، ويالله مع السلامة."
وماعطته فرصه يتكلم وصكت التلفون بوجهه ، وهذي كانت آخرة مرة تكلم فيها علي وآخرمرة ترتكب فيها غلط وتكلم اي شااااب غريب..!!!! وطبعاً علي ماحاول يتصل مرة ثانية لأن ماعنده شي يدافع نفسه فيه..!!!

^^^^^^^^^^^^^^^^^^^^^^^^
محمد:" آآآخ ياظهري."
أم محمد:" سلامتك ياحبيبي تبي أدلك ظهرك؟"
محمد وهو يطالعها بطرف عينه:" شدعوووه يمه أول مرة يألمني ظهري."
سمر:" ياعيني ع الحب احم احم، اقوول محمد موأول مرة بس الوالدة الظاهر تبي تقول شي لك خخخخخخ."
أم محمد:" وانتي ماتجوزين، وبعدين شدراج عندي شي؟"
محمد:" يمه ماتحتاج السالفة شطارة، كفاية الدلع ههههه."
سمر:" ايييييه الله لنا ناس وناااااس."
أم محمد:" لاناس وناس ولاشي بس تعرفون اخوكم الكبير هذا."
سمر:" خخخخ ايه صح صح ." وهي توجه كلامها لمحمد:" تعال ياحبيب قلب الماما، تعاااال يغـــي ،قول باباااا خخخخ."
وهو رامي عليها مخده صغيرة:" ماااااااااااالت من الحرررة."
وهي تضحك:" شنسوي بعد حكم القوي على الضعيف،يالله استأذن بروح غرفتي لأني تعباااانة تصبحون على خير."
وردوا عليها جميع:" وانتي من اهله."
وطبعاً مابقى بالصالة الامحمد وأمه لأنه الكل من وصل راح غرفته يرتاح.
أم محمد:" محمد."
وهو يتحسس رجايله:" هلا يمه آمري تدللي يالغالية."
أم محمد:" مايآمر عليك عدوو ياوليدي ، أممممممم...."
محمد:" شفيج سكتي؟"
طالعته وقالت:" فكرت بااللي قلناه لك؟"
محمد كان ناسي السالفة أو بالأصح يتناسى ، بس ماكان ناسي القرار اللي اتخذه..!! وبعد دقيقة من الصمت قال:" ايه يمه فكرت."
وبلهفة لمعرفة اجابته:" هاااا شقلت خلاص وافقت؟"
ويوم شافها متلهفه وايد حب يلعب بأعصابها شوووي:" أمممممم بصراحة يمه وبدون زعل وهذا قرار اتخذته بعد تفكير طوويل، اني مااتزوج إلا بعد عشرسنوات..!! ومواكيد بعد يمكن مااتزوج ابداً لأني شلت الفكرة من بالي."
ماقدرت تتحمل وطالعته بعيونها الدامعه:" حراااام عليك ، ترى اذا ماتزوجت لااني امك ولاأعرفك فاااهم."
محمد وبكل بروود:" مومشكله ادوور لي ام ثانية."
بطلت عينها:" شنووووو."
وهو فاطس ضحك عليها:" شسوي بعد انتي تقولين ماتبين تصيرين أمي قلت ادور لي أم ثانية تحنّ عليّ."
طالعته وقااامت وقبل لاتمشي سحبها من ايدها وحباها:" يمممه شفيج بسرعه ينقص عليج."
أم محمد:" يعني شنو قاعد تلعب بأعصااابي."
محمد:" ههههههههههههههههههه والله من حبي لج خخخخ."
أم محمد:" الله يهديك ان شاءالله، بس ماقلت لي خلاااص انت وافقت والابتلعب بأعصابي مرة ثانية؟"
محمد بإبتسامة عريضة:" ايييه يمه وافقت."
من فرحتها حضنته ودمعة عينهاااا ، وهو حبها على راسهااا وكان فرحان لأنه يشووف الفرحة اللي انرسمت على وجه امه..!!

^^^^^^^^^^^^^^^^^^^^^^^^
قعدت الصبح بعد ماظلت طووول الليل سهرانة تفكر بفهد، والقرار اللي فرضه عليها، انتبهت على صوت مسج بتلفونها فتحته (( صباااااح الورد حبيبتي مشتاااق لج ياقلبي ، متى بتشرفيني؟ )) انبطت جبدها يوم قرأت المسج ومسحته ، وكتبت رد له (( لاتخاااف ماني طايرة..!! العصر بجيك )) وبعد ثواني جاها رده (( أدري فيج مابطيرين ياعمري لأنج ماتقدرين اطيرين من دوووني..!! انتظرج العصر باااااي ياارووووحي..!! ))
وهي تمسح المسج:" راااحت رووحك..!!"
وتوها مسكرة التلفون والاصوت الباب يدق:" منووو؟"
العنود:" هذا انا."
سحر بتأفف:" افففففففف شتبين؟"
العنود:" فتحي الباب في شي بعطيج اياه."
استغربت ( شي؟؟ ) :" زييين لحظة."
وقامت فتحت الباب وكانت العنود حاملة بيدها ظرف كبير:" هاااج هذا لج جاي بإسمج بس ماعليه طواابع..!!"
سحر وهي ساحبته منها:" زين شكراً.." وسكرت الباب بويهها وقفلته..!! قعدت على الكنبة وفتحت الظرف كان داخله صورة ورسالة، طالعتها وكانت صدمة بالنسبة لها صورتها ويافهد بالشقة! حست ان الدنيا تلف وادووور فيها ماقدرت تتخيل حقارته ونذالته لوين وصلت،فتحت الرسالة بسرعه وكان مكتوب فيها (( حبوووبة هذا تحذير مني لج اذا أخليتي بإتفاقنا واكيد صار بعلمج اني اقدر اوصل لج وانتي في بيتكم..!! باااي ياقمر.. المرسل فهد..!! ))
شققت الرسالة والصورة وهي تسب وتلعن فيه وفي اليوم اللي شافته:" الحقير الكلي,,,, آآآخ منك يالنذل.."
هذا كان جزء من لعبة فهد بسحراللي يبي يوطي راسها بالقااااع..!!

^^^^^^^^^^^^^^^^^^^^^^^^
فوق الغدى الكل كان قاعد ياكل بهدوء..وطبعاً ممنوعة السوالف قااعدة متبعه من سنين..!! مجرد تعليقات بسيطة اذا لزم الأمر..!! وبعد ماتغدوووا كأنه إفراااااج قعدوا يشربون الشاي وذاك اليوم كانت شيخة وعيالها ونجود موجودين بالبيت والأخوان كلهم وشوق..أما أمهم وأبوهم.. راحوا يرتاحون..
سيف:" اقووول شيخة متى نسوي الملجة..؟"
شيخة:" امممممم لحظة."، وطالعت محمد:" ماقلت لي وش ردك على سؤالي؟"
محمد:" قلت لأمي ماقالت لج؟"
شيخة:" لاماقالت شي."
قاطعها:"خلاص سوي اللي تبينه انا موافق."
شيخة طااارت من الفرحة:" من جد؟ قوول والله."
نجود بإستغراب:" شصاير وش السالفة ضايعه بالطوووشة."
محمد:" شيخة بتقولج بعدين."
سمر وخلود وأحمد وسيف فهموا وش السالفة ، أما نجود وشوق مافهموا شي. شوق اسااساً ماكانت مهتمه للسالفة لأنها ماتحب تتدخل بينهم ابداً. فأستأذنتهم وراحت غرفتها..
محمد كان قاعد يطالعها، فعلا كانت شوق البنت المثالية وأي واحد يتمناها، عجبته اكثر يوم انها قامت، غير البنات الفضوليات اللي يرزون وجوههم. بس الحب اللي في قلبه مهمى دفنه صعب انه يمووت بالسهولة هذي.
شيخة:" محمد.. محمد..!!"
محمد:" هلاااا خير."
شيخة:" وين سرحت؟"
محمد:" ابد كملي وش ناوية تسوين؟"
نجود:" اقووول قولولي وش صاير والاناوين تخلوني مثل الاطرش في الزفة؟"
ردت عليها سمر وهي تضحك:" محمد قرر يتزووووووج.."
نجود والفرحة مو واسعتها:" من صدقكم؟ محمد صدق اللي اسمعه؟"
وبإبتسامة هادئة ودافئة:" اي صح اللي تقوله."
شيخة:" زين مدام انت رضيت اترك الباقي علي وو..."
قاطعها:" أكيد بتركه عليج بس عندي سؤااال يقرقع بقلبي."
شيخة:" ههههههه اسأل."
محمد:" من سعيدة الحظ اللي بتاخذني؟"
شيخه:" لاتستعجل لوحارستني أكمل كنت عرفت من، ومن ناحية انها سعيدة حظ فهي فعلاً سعيدة حظ ، وبصراحة أكثر اللي بياخذها راح يكون أسعد حظ ان شاءالله."
سمر:" خيتوووو شوقتينا من هذي؟"
خلود:" اي صدق، شكلها حلووو؟ والا اخووي احلى خخخخخ."
بدور:" يممممممه يالله قوولي ترى مااتحمل اكثر."
أحمد:" بس هذا اللي يهمج مالت عليج خلينا نعرف من بتصير زوجة أخوووي."
شيخة:"هههههههههههههه حتى انت يااحمد!"
سيف:" موبس هو حتى انا ابي اعرف."
محمد:" اقووول شيخة حبيبتي انتي تعااالي غرفتي قولي لي من هي، والا اقوول لج طرشيه مسج خخخخخخ."
وقامت نجود وسحبته من يده وسمر وخلود وبدور نفس الشي وبصوت واحد:" لاااا ماتقوووم."
وهو بمووت من الضحك على اشكالهم:" والله صرعتووووني بس موقايم بقعد هاااا يالله خيتو شيخة قوولي لاياكلوني."
شيخة بعد صمت دام ثووواني:" اممممممممممم...... شـووووق..!!"
محمد كانت متوقع يسمع اسمها بس مو متأكد من توقعه هذا، الكل كان متفاجئ:" شووق؟"
شيخة:" اي شووق شفيكم مستغربين ، بصراحة أنا فكرت ولقيت انها انسب شخص لأخوكم ، بنت أخلاقها عاليه وأنا اعرفها من يوم هي صغيرة وحسبتها مثل بنتي بيوم من الايام، لولا انها انظلمت وتربت في بيت مافيه من الرحمة ذرة وحدة..!! وماشاءالله عليها جماال وأدب وشاااطرة وبتدخل ان شاءالله الجامعه وربة بيت من هي صغيرة وش تبون أكثر."
أحمد بتململ:" بصراحة انا مدري شقول الراي راي محمد وهو اللي بيتزوج بس البنت تربت في بيئة سيئة ماتخااافوون..........."
قاطعته بدوور:" خاااالي كل شي الا انك تسئ لسمعتهااا وتتهمها بهالشي، شوق بنت متربية حتى لوكانت عايشة في البيئة اللي تقول عنها، وبعدين هي مالها ذنب في انها نولدت هنااااك."
احمد تم ساكت ولارد عليها لأن كلامها فعلاً صح، بس ماحب يجادلها...
سيف:" انا اقول لاجد يدخل الراي رايه وهو اللي بيتزوج وهو اللي بعيش وياها."
سمر:" شوق حلوة وفعلاً مافيها شي ونتمنى انها تكون زوجة اخونا."
نجود:" مهماً كانت آرائكم خلوه هو يقول رايه."
وسكتوا كلهم وقعدوا يطالعون محمد وينتظرونه يتكلم، صارت خمس دقايق وهو بعده ساكت ويطالعهم واحد واحد، نظراتهم كانت تبي تخترق عقله وتعرف وش يفكر فيه وش ممكن يكون رده عليهم..!!
وقطع صمتهم صوته:" أنا آسف..."
طالعوا بخيبة أمل:" ليييييييييييييش؟؟؟؟؟"
محمد:" موااافق."
سمروهي شايلة يدها من على قلبها:" طيحت قلووبنا."
وقامت خلووود وحضنته وباسته على خده..!!
محمد:" خخخخخخ كل هذا من الفرحة؟"
خلود:" اكيد."
سيف:" الله لنا اشوف فرحتكم لمحمد موو مثل فرحتكم لي؟ ترى انا اغاااار."
خلود:" انت عاد الواحد يخاف يكلمك والايسوي شي تفشله، بس يالله ماعليه هذي بوسه اكراميه لك مني خخخخخ."
وراحت باسته وقعدوا يضحكون عليهم ، وقاطعهم محمد:" اقووول اشووفكم استانستوا لكن نسيتوا أهم شخص بالسالفة؟ شووق رايها هو المهم."
شيخة:" صح لسانك، لازم نسألها أكيد."
نجود:" طبعاً انتي اللي بتتولين مسؤولية سؤالها."
شيخة:" لاموانا."
سمر:" عيل منوو؟"
طالعة بنتها وقالت:" بدوووور."
بدور:" نعم؟ انا؟؟؟ لايمة اخاااف مالي خص."
أحمد:" اقوول موتوج ادافعين عنها انتي اللي بتتولين مسؤولية سؤالها يالله قوومي بسرعه."
بدور:" يمة شلووون مابعرف اتكلم ولابقول لها شي."
شيخة:" انا اخترتج لأنج اقرب وحدة لها والاماتبينها تصير مُرة خالج؟"
بدور:"ههه اكيد هو يطولهاااا عاااد."
محمد:" هيييي حدج عاااد لاأهون الحين ، قصدج هي طووولني."
بدور:" والله شوق مافي منها الكل يتمناها ويالله الحين خلني ارووح اشوفها."
وقامت عنهم وراحت فوق لشوووق.
شوق:" من؟"
بدور:" يعني من تتوقعين غيري فجي الباب."
وهي فاتحته:" حشى متوحشة أشوفج هاليومين.."
بدور:" لاحلفي انتي وياويهج."
اطاالع روحها بالمنظرة:" شفيه ويهي وش زينة كأني البخت خخخخ."
بدوور:" هاهاها ياخفة دمج من متى صرتي تنكتين؟ اقعدي بس."
وبعد ماقعدوا على الكنبة:" خير يارزينة شصاير فيج انتي مو طبيعية اليوم أبد، غريبة."
بدور:" موووغريب الاالشيطان."
شوق:" اممممم .... يالله انتظر."
بدور كانت مستحية ومرتبكة وخايفة تفاتحها بالموضوع وخصوصا ان الكل ينتظرها تحت.
شوق:" اقوول اذا بطولين بقوم ارقد أحسن."
بدور:" صبري شفيج مستعجلة اللي يشوفج مونايمة سنة، امممم أممممم أمممممممممم ممكن اسألج سؤال؟"
شوق:"اسألي."
بدور:" انتي مرتاحة هني في بيت جدي؟"
استغربت سؤالها:" اي ليش تسألين شايفه مني شي يدل على العكس."
بدور:" لااا، يعني انتي مستانسة لأنج تعيشين ويانا هني وياخلاتي,,, وووخوااالي؟"
شوق زاد استغرابها:" اااااي الحمدالله مرتاااحة بس ليش السؤال، لايكون تبين تاخذين بيتكم ترى مابنتقل خخخخ."
بدور:" ههههههه لاموجذي السالفة بس..." وسكتت...
شوق:" كملي شفيج؟"
بدور:" لويتقدم لج واحد حلووو يعني كشوووخي وأخلااااق وعنده خير ومخلص دراسته و..."
قاطعتها:" لوين تبين توصلين بدور بدون لف ولادوران انا من البداية قلت لج انتي مطبيعية شعندج يالله قوووولي."
بدور:" لاانتي جاوبي بالأول بتوافقين؟"
شوق:" الرجال مايعيبه شي بس اهم شي عندي اخلاقه ماتهمني الفلوس والمظاهر، (( خذوا فقراء يغنهم الله من فضله )) صدق الله العظيم، والغنى مايغني عن السمعه الطيبة والاخلاق."
بدور:" صح ، يعني لوتقدم لج واحد الحين توافقين؟"
شوق:" الحييين؟؟"
بدور:" موالحين يعني التوو واللحظة ، بس هالفترة."
شوق:" مدري على حسب اذا حسيته يناسبني وممكن اعيش وياه باقي عمري ليش لا."
بدور:" زين لويتقدم لج خالي محمد توافقين؟"
شوق ماصدقت اللي تسمعه ، تمت مفهيه واطاالع بدور واسم محمد يتردد بذهنها..
بدور:" هيييي وين رحتي؟ شفيج مصدومة جذي وكان مس كهربائي صادج."
بإندهاش:" انتي من صدقج؟ شقاعدة تخربطين؟"
بدور:" موخرابيط ولاشي خالي قرر يتزوج وبصراحة رشحانج عروسة له وهو وافق."
شوق:" ووافق؟ لاااا يابدور انتوا بقراركم هذا بتورطوني وبتخلوني بمشاكل أنا في غنى عنها، نسيتوا سحر وبيت خالتج؟ مستحيل أوافق وأسبب خلافات لها اول مالها تالي."
بدور:" اللي بين خالي وسحر انتهى خلاص وصار في الماضي، وكل واحد فيهم صار بطريق ثاني. شوق تكفين لاتردين خالي فكري زين قبل لاترفضينه، وصدقيني راح تعيشين وياه سعيدة."
شوق:" خالج مستحيل ينسى سحر وحتى لوقرر يتزوج حبه لها ماكان بفترة بسيطة سنين وهم يحبون بعض يعني مابينساها بسهوووولة."
بدور:" تقدرين تنسينه، الله يخليج حبيبتي شووق لاتردينه، انتي ليش معقدة السالفة."
شوق:" صدقيني ماااعقدتها بس هذا الصدق."
بدور:" تكفييييييين فكري، لاترفضين بدون تفكير ، صدقيني ماراح تندمين اذا اخذتي خالي وراح تعيشين بأحلى عيشة معززة ومكرمة واكيد راح تحبينه."
شوق:"........................."
بدور:" افهم من سكوتج انج راح تفكرين؟"
شوق:" مدري."
بدور:"لاحوول، انتي فكري ماراح تخسرين شي واتمنى يكون قرارج اللي نتمناه كلناااا، ترى الكل يتمنى تكونين زوجة خالي حتى خالي نفسه، من نظراته لج حسيت هالشي ومابقى الا رايج انتي وبيدج انتي تخلين بدال الفرحة فرحتين، زواج خالي محمد وسيف.."
شوق بخجل:" بفكر."
بدور:"زيييين وياااااااربي توافقين." باستها بخدها وطلعت من الحجرة رأساً للصالة وقالت لهم بأنها راح تفكر وطبعاً ماخبرتهم بالحوار اللي دار عن سحر ومحمد، حتى ماتفتح جروح خالها ويمكن تخليه يتراجع عن خطوته هذي.

^^^^^^^^^^^^^^^^^^^^^^^^

الساعة 4 العصر..
دقت الجرس وفتح لها فهد الباب:" هلا وغلا دخلي.."
دخلت الشقة وخاطرها تقتله وتفتك من همه..
فهد:" شفيج ساكته."
بدون نفس:" مافيني شي."
فهد قعد صوبها وحط يده حول خصرها، وخلى وجهها مقابل وجهه:" سحر حيااتي حبيبتي سمعيني انا احبج بس مابي اشووفج مبرطمة ومادة بوزج يعني أبيج تنسين ان بينا عهد وعيشي وياي عااادي كوول مثل قبل فررري ياااقلبي، وصدقيني ماراح اييج شي."
فهد خبيث وعمره ماقال شي الا وراه بلاااوي.. ومستحيل أحد يقدر يصدق كلامه من اللي يعرفونه زين ويعرفون قصدة بكل كلمة يقوولها الا اللي يجهلونه..!!
أما سحر هزت راسها بالإيجاب وابتسمت له غصب عنها، لأنها فعلا لوكبرت راسها اكيد راح يسوي لها شي ويوديها بستين داهيه..
فهد:" رووحي انتي، ادري فيج تحبين تسمعين كلامي..!!"
وبهذي اللحظة قضت فيها للمرة المليون آثااام وخطايا، بداية لنهاية لذة بتوديها جحيم الدنيا قبل الآخرررة..!!

^^^^^^^^^^^^^^^^^^^^^^^^
دخل البيت وهو يصفّر ويغني..
أم حمد:" أعووذ بالله ياوليدي انت ماتجوز عن هالاغاني حرااام ياوليدي حرااام، اذكرالله."
ناصر:"ان شاااااءالله يمممه احااول مابغني، وين مريم ماشفتها هاليومين من ردينا من الشالية.."
أم حمد:" مدري فيها من رديتوا وهي حابسة عمرها بغرفتها ماشفتها طلعت رحت لها سألتها شفيج قالت ماكو شي."
ناصر:" غريبة بروووح اشوفها." مشى عن امه وهو رايح لمريوم قعد يغني وسمعته امه:" الله يهديك ان شاءالله..!!"
ودق الباب.. مريم:" منووووو؟"
ناصر:" Me."
مريم:"ههه ادخل الباب مفتووح."
ناصر:" إزيييك يامرمر عامله إيه فينك مشفتكيش زمااان أوووي؟"
مريم:" انت ماتجوز عن هالحجي تلووع جبدي كفااية المصاروة اللي باالكلية شكلك تحب مصرية."
ناصر:" اييييه لألأ مش ممكن مستحيل ايه الاتهامات الشنيعه دي انا حقول لبابا يشوف صرفه معاكي.."
مريم:" خير شتبي الحين؟"
ناصر:" انا سألتج وجاوبي لايكون مافهمتي اعيد لج؟"
مريم:" لالا، تذكرت انا هني بالبيت وين تبي تشوفني يعني؟"
ناصر:" مريوم شفيج متضايقة اشوفج من ردينا وانتي حابسة عمرج هني، فيج شي؟"
مريم:" اناااا؟"
ناصر:" لا الشغاله اي انتي."
مريم:" موحابسة نفسي بس عندي تقارير لازم اسلمهم للكلية."
ناااصر ومااقتنع بكلامها بس ماحب يغصبها بالحجي:" اكيد؟"
مريم:" اي اكيد."
ناصر:" مدري مريوم حاس فيج شي بس موراضية تقولين عموماً براحتج بس اذا حبيتي تكلميني انا موجود وحاضر لج من عيوني هذي قبل هذي."
مريم كانت بتصيح لولاانها تمالكت نفسها:" مشكوور ياخوي ماتقصر."
طلع عنها ظلت تفكر بالحاال اللي وصلت له (( اييييه الحمدالله ان ماصار شي بينا )) تذكرت احمد بذيج الحزة وخافت انه يقول لأحد من اخوانها وقررت انها تكلمه علشان تنبهه مايقول لاحد.. وبعد توتر وارتباك اتصلت..
أحمد يطالع الرقم ويفكر (( غريبة هذا رقم منوو؟ ))
سيف:" يااخي صدعتنا شفيك ماترد."
أحمد:" مدري رقم غريب بس مشبه عليه."
سيف:" هاته برد عنك."
أحمد:" لاااا مافي داعي أنا برد." ورد عليها:" ألوو."
مريم ساكته ولاتكلمت، ويوم قال ألو للمرة الثالثة ردت:" أحمد."
أحمد بإستغراب:" اي نعم انا احمد."
مريم:" شكلك ماعرفتني؟ انا مريم بنت عمك."
أحمد توتر شوي وقام طلع بره:" هلا مريم شخبارج؟"
مريم:" بخيرالحمدالله، شخبارك انت؟"
أحمد:" بخير دامج بخير، آمري في شي؟"
مريم:"أمممم أحمد السالفة اللي كلمتني فيها أحد يدري عنها؟"
أحمد:" اذا قصدج اخوانج لاتطمني مايدرون."
مريم ارتاحت يوم سمعته:" اتمنى يكون هذا سر بيني وبينك ومايعرفه احد ابداً."
احمد:" مريم اللي يضرج يضرني ويضرنا كلناااا، ومستحيل اسوي شي يضرج وتأكدي محد يعرف السالفة غيري و...." وسكت تذكر انه سيف ومحمد يدرون...
مريم:" شفيك قطعت كلامك؟"
أحمد:" مريم بصرااحة مدري شقول بس اخواني سيف ومحمد يدرون."
مريم بصدمة:" شلوووون؟"
أحمد:" سيف هو اللي قال لي انج تعرفين واحد، وانا كنت مرة اسولف ويامحمد وغلطت وقلت له بس صدقيني وأضمن لج ان محد فيهم بيتكلم واصلا مالهم شغل فيج."
مريم:" انت متأكد ياأحمد اخاف يقولون لواحد من اخواني."
أحمد:"صدقيني مابقولون شي اللي صار في الماضي خلاص وانتهى على مااعتقد وهم لوبيتكلمون كانوا من زماان قالوا لأخوانج ومانطروا للحين."
مريم:" ريحتني الله يريحيك دنيا وآخرة."
أحمد:" آمين."سكت شوي وقال:" مريم اتمنى تنتبهي لعمرج وماتغلطين الغلطة هذي مرة ثانية."
مريم بخجل:" ان شاءالله."
أحمد:" و......."
مريم:" شنوو؟"
أحمد:" ادري مو وقته ولااستغلال واتمنى ماتفهميني غلط."
مريم:" خير؟"
أحمد": تقبلين فيني زوج لج؟"
مريم:"........................."
أحمد:" مابي ردج الحين، ادري توج طالعه من تجربة ،بس ابيج تفكرين على راحتج وماراح اضايقج ابدااا خلال هالفترة بس انتظر منج رد يريحني،يالله مع السلامة."
مريم:" الله يسلمك.."

^^^^^^^^^^^^^^^^^^^^^^^^
بعد ماخلصت سواد وجهها وقعدت على السرير تعدل روحها، تمت ساكته وهي تفكر بفهد ، ياترى وش نهاية اللي بينهم؟ وش نهاااية هالحياااة؟وش نهاااية هالقصة؟؟
فهد:" شفيج ياعمري؟"
سحر:" مافيني شي بس تأخرت لازم أرووح بسرعه."
قرب منها وطالعها:" زين بس انتبهي لنفسج."
سحر:" بسألك سؤال، احد شاف الاشرطة اللي صورتها؟"
فهد وهويضحك:" ههههه لاياقلبي مو نذل لهذي الدرجة محد شافهم ولاأحد بشووفهم."
سحر:" وش اللي يأكد لي كلامك ويخليني أثق فيك."
فهد:" ياااارووحي مااالج حل ثاني ، وكلام غيره ماعندي."
هزت راسها وابتسمت له، وبعد مالبست عباتها طلعت من الشقة وراحت يم بيت رفيجتها بتاكسي، واتصلت بالسايق علشان يجي ياخذها..
سحر كان نجسة انسانه دنيئة منحطة من الداخل والخارج، بنت فقدت أغلى ماعندها شرفها وعذريتها..!! فقدت السمعه وحياتها وعمرها وآآآخرتها، كل هالاشياااء كان الشيطان معميها عن طريق الصواب.!!

^^^^^^^^^^^^^^^^^^^^^^^^
يمه..يمـه.
أم محمد:" تعاال هني.."
سيف:" شخبارج يمه؟"
أم محمد:" بخير ياحبيبي خير وش تبي."
سيف:" يه يه شعندها الوالدة ادلعني."
أم محمد:"هههههههه والله احترت وياكم ان دلعناكم مشكلة وان مادلعناكم بعد مشكلة."
سيف:" لالالاااا خلج جذي يمه على طووول دلع في دلع,, أمممم يمه ماقلتوا لي متى بنسووي الملجة؟"
أم محمد:" شفيك مستعجل، مابتنتظر نشوف رد شووق، وش بصير ويااخوك؟"
سيف:" يمه مابتنظر يمكن يطوول وانا ماابي انتظر اكثر من جذي، بنسوي الخطوبة وبعدين هو يسوي على كيفه."
أم محمد:" مدري اسأل اخوك أو أختك شيخة."
سيف:" اوووكي بسألهم."
أم محمد:" سيف، تتوقع شوق توافق على أخوك؟"
سيف:" وليش ماتوافق؟ الا اذا ماكانت تبي تسوي خلافات ويابيت خالتي..!"
أم محمد:"خاالتك؟ ااايه صح نسيتهم والله ، صج الله يستر فعلاً مسكينة شوق الله يعنيها بالتفكير."
سيف:" بصراحة يمه انا اقول اذا وافقت توكلوا على الله وكل واحد ياخذ نصيبها وسحر قررت نصيبها وهي ماقصرت بأخوي وبصراحة أكثر وأكثر ماتستاهله ابداا."
أم محمد:" لاتقوول جذي هذي بنت خالتك."
سيف:" يمه كلمة الحق لازم تنقال والمفروض ماتزعلين ، والحمدالله انه افتك وارتاح من الشقى وانا من زمان كان ودي ماياخذها."
أم محمد:" انت اللي بتودينا بداهيه وياخالتك لوتسمعك."
سيف:" هههه ليش بعد، ماسمعتي ولاشي وحتى لو مايهمنى ابداً، عن اذنج بروح مستعجل الحين."
أم محمد:" الله يوفقك.."

^^^^^^^^^^^^^^^^^^^^^^^^

اليوم الرابع من سألت بدور شوق...

الأفكااار تودي وتجيب فيها محتارة ماتدري وش ترد عليهم (( أوااافق والا لا؟ أخاف اذا وافقت أعيش بمشاكل انا في غنى عنها، انا موقدهم ولابتحمل اللي بصير لي وياهم، بس انا شذنبي هو اختارني أنا، وخلاص اللي بينه وبين سحر انتهى، إيه انتهى وأكيد هو مااتخذ هالقرار إلا بعدما اتخذ قراره بنسيان الماضي ونسيان سحر. لكن....أخاف أخوها يسوي مشاااكل ونجوود المسكينة؟!! لكن هم وش يخصهم مالهم شي عند محمد، مايقدرون يسون شي. محمد انسان متزن وعاقل، كل الصفات اللي اتمناه وتتمناها اي بنت موجودة فيه، كامل والكامل الله، وأكيد مايخلى الانسان من عيوب حتى انا فيني عيوب بس مااشوفهااا. افففف شقاعدة أخربط، والله تعبت تعبت، اواافق والاارفض وقبل لاتتخذ قرارها النهائي سمعت صوت طق على الباب..
شوق:" من؟"
سمر:" هذا انا.."
شوق:" تفضلي الباب مفتوح."
دخلت وسلمت عليها:" شخبارج؟ وينج فيه مااشوفج اطلعين من غرفتج وايد؟"
شوق مستحية مووت منهم:" ابد سلامتج."
سمر:" عليّ هالحجي؟ امممممم شوق ممكن سؤال؟"
شوق:" تفضلي."
سمر:" فكرتي؟"
شوق:"هاااا." استحت ونزلت راسها..
سمر:" حبيبتي انتي احسج دايخة بالتفكير، اممم سمعيني مانبيج تتخذين قرار غير اللي يرضيج ويريحج ولاتعتقدين انج اذا رفضي اخوي راح تختلف معاملتنا ومعزتج عندنا، بالعكس بتمين عزيزة وغالية لأن هذا الشي قسمة ونصيب والواحد مايقدر ياخذ غير نصيبه، هذي حياتج وقرارج، وانتي لازم تحطين في بالج ان هالقرار راح تنبني عليه حياتج كلها، بس اللي أبي اقوله لج لاتتسرعين بالرفض، يمكن أغلبنا متوقع رفضج، والسبب معروف الخوف من المشاكل ويابيت خالتي. لكن تأكدي مهما حاولوا يأذونج ماراح يقدرون انتي الحين وحدة منا وفينا."
ابتسمت لها وبدون شعور حضتنها وقعدت تصبح... سمر استغربت ردة فعلها والدمووع اللي طاحت من عيون شوق بغزارة..
شوق:" انتي ماتتصورين الحياة اللي كنت عايشتها قبل، وهذي النقله الكبيرة غيرت حياتي جذرياً!! عشت يتيمه من ماتت أمي، عشت الحزن والألم والدمع ، عشت في بيت انا بالطق واصحى بالطق..!! عشت في مكان مافيه من اللي يحبوني غير اثنين مالهم لاحول ولاقوة.!! عانيت الأمرين نار أبوي ونار زوجته وأختي هدى، كنت بلحظة راح اتشرد وأعيش حياة الشوارع ولولا الله ثم انتوا ماجيت عندكم، وكنت خايفة تكرهوني لأني جيت من بيئة مختلفة وايد عنكم، ويمكن تقولون طمعت فينا وماصدقت على الله اني اعيش عندكم. يعلم الله ويشهد عليّ إني صرت أحبكم وأعزكم مثل أخواني. بس موافقتي على أخوج أخاف تسوي بحياتكم تغرة كبيرة بينكم وبين خالتكم!! مدري اذا اخوج بيقدر يتقبلني زوجة له، وينسى سحر؟ مدري اذا فعلاً هو قرر يتزوج رغبة بالزواج وتغيير حياته للأفضل والا رغبة للنسيان بس..؟وكل هذا محيرني ومخوفني.."
سكتت وأخذت نفس عميق وتنهدت...سمركانت اطالعها مرة بحزن ومرة بإعجاب بطريقة تفكيرها..!! فعلاً هالانسانة دُرّة، رغم صغر سنها الا انها تفكر بكل شي ومافكرت بس بمصلحتها. ابتسمت لهاوقالت:" شوووق تأكدي ان محمد واحنا كلنا ننتظر ردج بفااارغ الصبر."
شوق:"................."
سمر:" ماقلتي وش ردج؟ صارج اربعة ايام وانتي تفكرين واحنا نفكر ودخنا بالتفكير أرجوج شوق ابي اطلع من غرفتج وعندي جواااب."
شوق طالعتها والبسمة مرسووومة بشفاهها وعيونها..!! سمر:" شنووو معنى هالابتسامة؟ افهم انج......!!!
هزت راسها، سمر مانطرت اي رد منها طلعت على طوووول من غرفتها،، شووق ماكانت تدري قرارها هذا صح والا خطأ هو قرار واتخذته..!!

^^^^^^^^^^^^^^^^^^^^^^^^
طلعت من غرفة شووق والفرحة مو واسعتها، يوم سمعت ردها حضنتها وباستها بخدها، شوق كانت تضحك عليها... ومومصدقة الفرحة اللي انرسمت على وجه سمر...!!!!!! أما سمر فراحت لأخوها على طووول.. ودخلت الغرفة بعد ماسمعت رده:" الباب مفتووح."
سمر:" قوووة ياعريس."
محمد:" عن الحركات قولي شعندج؟"
سمر:" بل ماتسوى علينا ندلعك وبعد تتحرطم."
محمد:" انتي ماادلعين الا اذا وراج شي."
طالعت وراها:" ماوراي شي شوووف."
محمد:" هاهاهاهاها بااايخة، ترى طبعج مثل امي يعني مكشووفة قولي شتبين؟"
سمر:"افففف زين يابودلع، جم تعطيني؟"
محمد:" لشنووو؟"
سمر:" ابي اشتري لي سيارة."
محمد:" بل عندج ابوي وبعدين انتي وش تبين بالسواقة عيب قعدي مكانج."
سمر:" هههههههع صج ينقص عليك بسرعه."
محمد:" مااقول الا مااالت على اللي معطيج ويه."
سمر:"ههههههههههههههههههههه اقوول بتعطيني جم لاتعطلني؟"
محمد:" اقول سموور اذا ماقلتي بقضي عليج بضربة وحدة ، جم عن شنوعاااد."
سمر:" على الخبر اللي عندي."
محمد:" اااي خبر؟ لايكون احد مااات؟"
سمر:"فال الله ولافاااالك، حشى ماتتفائل انت."
محمد:" هذي اخبارج انتي ماتجيبين شي عدل غير فلان مات وهذا توفى وذاك انتحر."
سمر:" جزززاتي لكن مااقول الا ماتستاهل اخبرك أول واحد خلك آخر واحد حرررة."
وهو يضحك عليها:" هههههههههههههه زين تعااالي قعدي يمي وبعطيج اللي تبينه بس قولي قلبي صار يقرقع على هالخبر ماتسوى علينا."
سر:" اممممممم زين ياعريس مبرووك."
محمد فهم وش تقصد وكانت ردة فعله مجرد ابتسامه عريضة ولمحة حزن بعينة ماانتبهت لها سمر..!!
سمر:" ها شقلت وش رايك بالخبر؟"
مارد عليها وسألها:" انتي متأكدة؟"
سمر:" اييييييييه متأكدة توني طالعه من عندها."
محمد كان مستانس وبنفس الوقت متضايق، ليش مايدري فعلاً شوق بنت تستاهل كل خير ، لكن هذا الخير بتلقاااه عنده؟؟ وبحياااته؟؟؟ كان يتمنى ان احساسة مايخيبة ويلقى الحب اللي كان يتمناه بهالزواج هذا..

^^^^^^^^^^^^^^^^^^^^^^^^
أم فيصل:" شفتوااا ، قلت لكم هذا اللي كنت حاسبة حسااابة وصااار."
فيصل:" شصاااير يمه؟"
سحر": عن لصراخ يمة وقولي شصاير..!"
أم فيصل:"محمد ولد خالتكم."
سحر:" شفييييييه؟"
أم محمد:" بيخطب."
فيصل:" شنووووووووووو؟"
العنود وبإبتسامة:" وااو ومن بيخطب؟"
أم فيصل:" شووووق."
فيصل من الصدمة وقف، وسحر كانت مصدووومة لآخر حد..!! آخر شي كانت تتوقعه ان ياخذ هالحثااالة..!!
زواج محمد من شوق راح يغير حياااة الكل...
فيصل وش بكون تصرفة بعد سمااعه للخبر اللي عفس كيانهم؟؟ وسحر حياتها تدمرت باللحظة اللي تركت فيها محمد علشان واحد مايستاهل وعلشان المال والجمال واللعبة، شلون راح تقااابل شووق؟؟ وشوووق نفسها وش بكون مصيرها بعد هالقرار، اللي راح يشعل النار بقلوب البعض؟؟ نجود وفيصل وقرار زواجة؟؟ مريم وأحمد راح يكونون لبعض؟ والاخلاص هذي نهاية المطاف؟ وسمر اللي طلعت لها قصة ماهي على البال؟؟ وسعوود من يكون؟؟ ومن تكون الفرس اللي يتكلموون عنها؟؟ حياااااة مليئة بالأحقاد والآثام والفسااد وحلم حياة دافئة على وشك الانهيار..!!

الجزء العشرين

الساعة 10 الصبح والوقت خلاص بدأ بالعد التنازلي، ارتباطها بمحمد أيام ويتحقق..
انتبهت على صوت بدور اللي فازعة المكان:" فجـــي الباااااب يالله بسرعه..!!"
شوق:" بسم الله، زييين ثواني ، ووول حشى شفيج استخفيتي؟."
بدور:" افففف قووولي تفضلي عاااد والا خلاص الكبر لله ترى."
شوق:" هههههههههههههه لاموطبيعية انتي ابدااا ، الا غريبة وش مقعدج الصبح؟"
بدور:" لاحوول كيفي يااختي وثانياً ليش مالبستي؟"
شوق:" ألبس؟ ليش؟ وانا مفصخة؟"
بدور:" خخخ خفيفة اقوول نسيتي البارحة وش اتفقنا اليوم بنطلع نجهز لج للملجة والا تبين تقعدين لنا في بجامة النووم..!!"
شوق:" بااايخة ، زين دقيقة وانزل لكم يالله بدون مطرود طلعي بره ببدل."
بدور:" يممممه منج الحين تقدرين تبدلين بملحق الحمام يالله ذلفي غيري هدوومج لانتأخر ورانا مشاوير أمي وسمروو تحت ينطرون."
شوق:"زين يافضووولي."
بدور:" هييين اوريج ، بس يالله لاتعطلينا."
وراحت بسرعه غيرت هدومها ولبست عباتها ونزلوا مع بعض..
سمر:" صح النووم ياجميل."
شوق:" هههه وااالله مونايمة بس نسيت."
شيخة:" احم احم نحن هنا."
شوق بخجل:" السلام عليكم ، آسفة أكلوني حتى السلام ماخلوني اسلم."
شيخة:" هههههه من حقج."
بدور:" يمممه بس خلاص ساااحت البنت وش يلمها بعدين."
سمر:"الله ياخذ بليسج بدورووو ، يالله لانتأخر ورانا مشاوير الدنيا."
خلود واللي توها قاعدة من النوم:" لحظظظة وين بتروحون عني؟"
سمر:" رايحين نشووف جهاز مرة اخوووج..!!"
شوق استحت وتمت ساكته.. نجود:" لاااا وانااا؟"
شيخة:" انتي مو الحين كلنا ماراح نشتري شي ، بنرووح بس لشوووق."
خلود:" زين بس هااااا هالله هالله اذا شفتوا شي حلوو خبروووني والا اقوول اخذوه لي خخخخ."
بدور:" اي ماعليه بس يالله تحركوا ترى تأخرنا صارت11 الا ثلث."
شيخة:" ايييه يالله مشينا."
^^^^^^^^^^^^^^^^^^^^^^^^
ولأول مرة في بيت نورة..

بشار:" أقووول يمه متى ملجة نورة؟"
أم بشار:" ليلة الخميس هذا الأسبوع."
بشار:" ووول بهالسرعه؟؟"
وهي تمشط شعر أخته الصغيرة عبير:" اي سرعه الله يهديك صار لهم شهر من طلبوا ايدها وتونا الحين بنسوي الملجة..!!"
بشار:" اهااااا زين وينها نورة؟"
نورة ووصلت على سؤاله:" شبيك لبيك نورة بين إيديك."
بشار:" هههههههههههههههه بسم الله والله لوطالب مليون ماحصلتها."
نورة:" بس انا أحسن من المليون."
بشار:"خخخخخ ياعيني ع الغرور من قدج بتاخذين من عيال العاصي."
أم بشار:" مومهم لفلوس ياوليدي المهم اخلاقهم واخلاق الولد ولو انه مب زين ماكنا وافقنا عليه."
بشار:"إييييه صح ، نورة بسألج ماتدرين وين ألاقي أخوووج الطاير؟"
عبير:" هههههههههههههههههههه طاااير؟؟ من هذا يمه اخو يديد؟"
أم بشار:" لاحبيبتي يقصد نواف".
نورة:" وانا وش دراني وينه يمكن طالع."
بشار:" لاانا قلت يمكن انج تدرين وينه خصوصاً انه رفيج النسيب.."
نورة:" وانت على بالك انا وياهم، اتصل فيه يااخي اكيد بتلقاه."
بشار:" تلفونه مايستقبل مدري هو في وين شكله خارج نطااااق التغطية من راسه لرجايله."
نورة:"هههههههههههه حرااام عليك لاتظلمة يمكن نايم فوووق يالحبيب رووح شوووفه."
بشار:" ايييه صج نسسسيت، بقووم اشوفه."
وقبل لايقوم، عبير:" بثااار، لاتنثى اتييب لي كاكاو."
بشار وهو يقرص خدودها الحُمُر:" امووووت وتقولين اسمي عدل واييب لج صندوووق موبس واااحد."
نورة:" اقوول يالأخوو بقووله مليون مرة بس ييب لي كاكاو."
بشار:"لو لآخر عمرج خخخخخخخ."
عبير وهي تحر أختها:" انذين لاتنثى..!!"
بشاروهو يقلدها:"هههههههه انذين مثتحيل انثى ياعثل." باسها بخدها وراح لغرفة أخوه..

أم بشار صغيرة مب كبيرة أكبر عيالها عمره 24 سنة ونواف أصغر من سيف بسنة عمره الحين 22 وسيف صار عمره 23 سنة..!! وعبير هي أصغر عيالها عمرها 3 سنوات غلطة بأكثر من حرف شكلها غيير عن أخوانها لون شعرها أشقركيرلي وعيونها عسلية وأحلى مافيها خدودها اللي يشوفها يقول انها آية من الجمال..!! وأما نورة فهي صديقة سمر وغنية عن التعريف..!!

^^^^^^^^^^^^^^^^^^^^^^^^
اتصلت بسحر على طول بعد ماردت من الموول..
سحر:" هلا ميثو."
ميثة:" هلا بيج شخبارج انتي؟"
سحر:" اوووكي بخير، انتي اللي وينج وش اخبارج ماعاد اسمع لج حس."
ميثة:" هاااا، انااا لوانتي؟ عموماً انا توني رادة من المول ولوتدرين شفت منوووو."
سحر بدون اهتمام:" من يعني؟"
ميثة:" بيت خالتج شيخة وسمر وبدور ووحده حلوووة بصراحة اعتقد انها شوق."
سحر بغيض وقهر:" من صدقج انتي؟"
ميثة:" ايه عيل اجذب عليج شفتهم داخلين محل لفساتين السهرات و.."
قاطعتها:" بس بس سديتي نفسي، الله ياخذها الحقيرة من دخلت حياتنا خربت كل شي."
ميثة:" سحر نسينا ماكلينا، من اللي استغنى عن الثاني؟"
بعصبيه:"اوووووووووه ميثو واللي يخليج لاتعصبيني زود ترى واصله لخشمي، انا لازم أدمر حياتها واخليها تندم على اليوم اللي دخلت فيه بيت خالتي."
ميثة:"الله يستر منج بس، الا بسألج هو صج اللي سمعته انها بتتزوج محمد؟؟"
سحر:" يعلهاااا ماتفرح ان شاءالله ، اي صج اللي سمعتيه، بس صدقيني براويها الويل."
ميثة:" وانتي شلون بتقربين منهم بعد اللي صار؟"
سحر:" كل شي وله حل عندي.." وبهاللحظة تذكرت فهد(( الا فهد الله ياخذه موقادرة عليه ))!
ميثة:" ياهوووووه ياعالم وينج فيه؟؟؟"
سحر:" شفيييييج بطيتي اذني."
ميثة:" ماكو شي بس اشوفج سرحتي، المهم بتيين وياي اليوم العصر بنطلع."
سحر:" انتي ويا من؟"
ميثة:"ويا من يعني؟"
سحر:"اهاااا، مدري اذا قدرت بتصل فيج."
ميثة:"اووكي ياجميييل انتظر ، يالله سي يو."
سحر:" باااي."
القهر والحقد اللي بقلبها كان يزيد يوم عن يوم ، رغم انها السبب في كل المشاكل اللي قاعدة تصير لهااا والحال اللي هي فيه ، محد له يد فيه غيرها وغيرالشلة الفاسدة الا انها تبي تورط وتهدم حياة شووق المسكينه.

^^^^^^^^^^^^^^^^^^^^^^^^

سيف:" هلاااااااااااا يالحبيب وينك فيه؟"
ناصر:" ابدااا بالشغل وين بذلف يعني؟"
سيف:"رووح زين انت وياويهك، انت زين تشتغل 8 ساعات ورى بعض ولاااا تاخذ 5 ساعات بريك خخخخخ."
ناصر:" انااااااا حرام عليك في ذمتك متى شفتني ماخذ 5 ساعات بريك."
سيف:"ههههههههههههههههه يااخي نمزح وياك، ماتشد مزح أبد."
ناصر:" قم زييين ."
سيف:" افااااا ، اقوول ترى عازمك على الغدى."
ناصر من سمع كلمة عازمك نط من مكانه:" احلللللف ووووين؟"
سيف:"ههههههههههههههههههههههههههههههههه بتموتني ضحك على طوول نطيت من صدقك انت تبيني اعزمك علشان تفلسني."
ناصر:" انا اقووم احسن اشوف الاهانات تتحذف علي من كل صووب."
سيف وهو سااحبه من ايده:" تعااال زين اقعد، خلاص مابمزح وياك بسكت بس اقعد ابيك شوي."
ناصر:" خير شتبي؟"
سيف:" اخووك وينه؟ من زمان ماشفناااه ماله حس ابد."
ناصر:" شدراني الحين هذا اللي تبيني فيه صج ماعندك سالفه."
سيف:"اففففف انتي مدري ليش مستعجل على عمرك اركد شوي."
ناصر:" زين ركدنا يالله قول."
سيف واللي تغيرت نبرة صوته:" امممم ناااصر."
طالعه ومارد عليه علشان يكمل كلامه:" ناصر تذكر سعود؟"
وعلى طول ناصر رفع حواجبه وطالعه بنظرات استغراب:" ليييييش؟"
سيف:" رجع من السفر."
ناصر:" ليته مارد ابرك."
سيف:" انت للحين مانسيته ولاربعه الخايسين؟"
ناصر:" مستحيل انسى هالاشكال هذي ، انت نسيت اللي سوه؟"
سيف:" لاموناسي."
ناصر:" آآآآآآآخ ياليت ذيك الايام ترجع كنت لاعرفت فيها هالسعود هذا ولافهد."
سكت شووي وطالع سيف وسأله:" وين شفته؟"
سيف:" بقهووة الشباب شفتهم قاعدين ويابعض وسمعتهم يتكلمون عن فرس ومدري شكلهم صايدين لهم صيده..!!"
ناصر:" استغفرالله ربي، هذلين عمرهم ماراح يتووبون الا لما رب العالمين يبتليهم."
سيف:" ابليس مايكسر مواعينه خخخخ."
ناصر:" صج فاااضي وش هالامثال اللي تييبها."
سيف:" شدراني العجايز يقولون جذي."
ناصر:" مااالت عليك ، اممممممم تدري للحين فيني حرة ، للحين ماشفيت غليلي منهم."
سيف:" تعوذ من ابليس وخلهم يولون مايسوى تضيع روحك علشان هالاشكال والحمدالله ان الله فكك منهم واللي صار ان شاءالله علمك درس انك ماتصاحب اي شخص وان السالفة عدت على خييير."
ناصر:" اييييه صح اللي سوه يمكن شئ من لاشئ بس افرض لوصار فيني شي ورحت فيها ذيك الحزة من بينفعني؟؟ هم؟؟؟ طبعاً لا، بس يالله ان الله يمهل ولايهمل."
سيف:"الله كريم، هو بيتهم للحين يم بيتكم؟"
ناصر:" ايه بس انا من ذاك اليوم ماشفته ولاادري فيه."
سيف:"احسـن ، يالله انا ماشي شرايك اتيي وياي البيت تغدى؟"
ناصر:" لامشكور مايحتاج بروح بيتنا."
سيف:" طالع هذا الحين اعزمة ويرد العزيمة صج ماعندك حشيمة خخخخ صار سجع."
ناصر:"ههههههه عزيمة وحشيمة لكن عناد فيك موجاي وياك."
سيف:" كيفك انت الخسران الغذى اليوم محاشي دجاج."
ناصر يموووت على هالطبخة وسيف تعمد وقال له عنها:" هاااا ايه صج والله اقول سيف حبيبي انت بيي وياك..!!" وباسة في خده،، ومسحها سيف وهو يضحك..!!

مفاجأة ماهي على البال، سعود وفهد كانوا يعرفون سيف وناصر..!! كانوا كلهم ربع بس الله خلق وفرّق ناصر بيوم من ايام الزمالة اللي بينهم قاعد بشقة سعود وطبعاً ماكان يدري ان ربعه شلّة خرابة من ايام طفولتهم..!! كان بذاك اليوم قاعد وياهم وطبعاً الأخوان حبوا يخربون ناصر وخلوا له مخدرات بكووب العصير وشرّبوه أكثر من كاس لين ماوصل حده وخلوه مايدل الطريج..!! وطبعاً لولا تربية ناصر واخلاقة كان تأثر باللي سووه فيه واستمر معاهم لكنه هاوشهم وصارت سالفة طوويلة عريضة افترقوا فيها عن بعض وطبعاً بذاك اليوم ماظلت كلمة نابية ماتلفظوا فيها على ناصر وسيف..!! <<< مؤدبين الأخوان لااله الاالله..!!
وساءت علاقتهم مع بعض وكان ناصر راح يشتكي عليهم بالشرطة لولاان سيف وقفه وقال له راح نتطورت معاهم وخصوصاً انهم يقدرون يلبسونهم التهمه ويشركونهم بالسالفة..!!!! (( حيازة مخدرات )) طبعاً عقوبتها شديدة..!! وانتهت السالفة على ان كل واحد راح بطريقه لكن القهر والكره اللي بقلب ناصر لهم ماخلاه ينسى ابداً اللي سووه..!!

^^^^^^^^^^^^^^^^^^^^^^^^
هدى:" الوو هلا حبيبي."
بوعمر:"هلا بيج ياقلبي." << شوف الرومانسية..!!
هدى:" بعد يومين زواجنا تقدر مااتيي البيت يعني خل شوفتك لي بالعرس احلى..!!"
بوعمر وموقادر يتحمل دلعها والصبااغ اللي تصبغها اياه وهو مصدق..!!:" ليييش انتي تعرفين اذا ماامرج كل يوم وش يصير فيني؟"
هدى:" وانا بعد بس شسوي ياقلبي بس لازم جذي، وبعدين بصير وياك على طووول ان شاءالله ومانفترق ابداً."
بوعمر:" على راحتج ياروحي انتي، تصدقين عممممري ماحسيت بالفرحة اللي انا فيها الحين..!!"
هدى:" اددددري وان شاءالله دووم يارب." وهي تضحك بداخلها على الخبال اللي هو فيه ومصدق كلامها بعد..!!
بوعمر:" زين خلصتوا لم اغراضكم اللي تبونها؟ مابقى شي تبين انقله لبيتنا الجديد؟"
هدى:" لااا خلصنا بس باقي الأشياء والأثاث بنخليها بالبيت احسن مايحتاج ننقلها."
بوعمر:" ايه صح."
هدى وحست انه في احد جاي الصالة:" يالله ياروحي انا بسكر السماعه الحين الظاهر امي تبيني."
بوعمر:"اللي يريحج، لاتحرميني سماع صوتج..!!"
هدى وهي تضحك:" ان شاءالله، مع السلامة..!!"
وسكرت السماعة وقامت بسرعه وراحت لأمها اللي كانت اصلاً قاعدة بحجرتها ولاتدري فيها، كان الظاهر عبود هو اللي طايف لأنها شافته طالع من المطبخ بس اشووه ماسمعها..!!
أم عبدالله:" هدى شفيج واقفة؟"
هدى:" هاا لامافيني شي."
وقبل لاتقعد سمعت صوت جرس الباب يدق:" افففف وش ينزلني الحين."
ام عبدالله:" زقري عبود وقولي له يفتح الباب."
هدى:" زييين ." وبسرعه نادته وراح يشوف من بالباب..
عبود رد بسرعه:" يممممه يمممه."
هدى:" امي فوق ماتفهم شتبي؟"
عبود:" هذي ام منصور تبي امي."
هدى:" زين خلها تدخل المجلس وبقول لأمي.."
ونزلت بسرعه أم عبدالله لأم منصور:" ياحياالله من زارنا ، زارتنا البركة."
أم منصور:" الله يحييج ياوخيتي، عاش من شافج والله."
أم عبدالله:" عاشت ايامج، وينج انتي ماتبينين كلش قاطعتنا."
أم منصور:" والله شسوي تعرفين مشاغل لعيال."
أم عبدالله:" ايييه الله يعينج."
أم منصور اطالع البيت وتقريباً كانوا مشطبين على كل شي:" اشوفكم خلاص نويتوا تتحولون؟"
أم عبدالله:" ايييييه مو ريل بنتي موراضي نقعد بالبيت بروحنا قال لازم نروح ويابنتي نسكن والبيت ماشاءالله كبير وماحبينا نرده."
أم منصور والحسد بيطفرمن عيونها:" ايييه بالبركة ان شاءالله من هذا لأحسن." وسكتت شوي وقالت:" الا مااادريتي؟"
ام عبدالله بفضول:" بشنووو؟؟؟"
أم منصور:" الظاهر انكم اخر من يعلم، تعرفين بيت بومحمد العاصي؟"
أم عبدالله بفضوول اكبر:" اي اعرفهم شفيهم؟؟؟"
أم منصور:" بنت ريلج شوق بتاخذ ولدهم الكبير محمد..!!"
وقفت بمكانها:" من صدقج؟؟؟؟؟؟."
أم منصور:" شفيج تخرعتي ايه صدق وترى قريب ملجتهم هو واخوه الصغير اثنينهم بعرسون مع بعض.. ايييه اولاد عز مايتعطلون..!!"
أم عبدالله ماردت عليها لأنها كانت بوادي ثاني كللللش (( والله وعرفتي تلعبينها عدل يابنت أمج وانا كنت احسبج خبلة ماتفهمين والله وطاحوا بيدج يابنت الخلفان ))
أم منصور:" ام عبدالله، ام عبدالله شفيج سرحتي؟"
أم عبدالله:" هااا لالا ابداً بس تذكرت بنتي هدى فيه اغراض تبي تروح تشتريهم.!!!!"
أم منصور:" عيل انا استأذن بروح بيتنا تعرفين اليهال مايتخلون بروحهم وياالخدامة."
أم عبدالله:" توها الناس قعدي شووي."
أم منصور:" لاخلج ويابناتج اكيد انتوا مزحومين."
أم عبدالله:" الابسألج من وين عرفتي انها بتاخذ ولدهم محمد؟"
أم منصور:" جارتنا أم بدر تزورهم أم محمد وهي اللي قالت لي، وتقول انه كان بياخذ بنت خالته سحر بس مدري الظاهر غير رايه من شاف شوق."
أم عبدالله:" وانتي الصادقة هي اللي عرفت شلون تاخذة."
أم منصور زاد فضوولها وكان ودها تستفر أكثر وأكثر:" شلووون ؟ مافهمت؟"
أم عبدالله:" افهمج ، هذا شوق بعد ماتوفى ابوها الله يرحمه اخذها بومحمد عنده الظاهر قدرت تلعب على بنته شيخة لأنها صديقة بنتها، وخلتهم ياخذونها عندهم ولعبت عليهم لين ماسرقت محمد من بنت خالته..!!"
أم منصور:" بنت ابليييييييييس..!! انا اقول شلون بياخذها وهو ناوي ياخذ بنت خالته وانا سمعت انهم مكتوبين لبعض من يوم هم صغااار."
أم عبدالله:" هذي طلعت خبيييثة لكن وين بترووح منا..!!!!"
أم منصور:" الله يعينهم عليها شكلها بطلع عيونهم دامها بهالقوووة اكيد مسوية لهم شي."
أم عبدالله:" اي والله..!!"
وانتبهت ام منصور للساعه وبسرعه استأذنت من ام عبدالله:" يالله اشوفج على خير وان شاءالله نكمل سوالفنا مرة ثانية."
أم عبدالله:" يسلمج ربي مع السلامة."

طلعت أم منصور وظلت أم عبدالله قاعدة تفكر باللي صااار لشوق ، وماحست على هدى وهديل وعبدالله اللي جو قعدوا يمها لأنهم انتبهوا لشرودها من طلعت أم منصور..!!
هديل تناديها:" يمـه.." بس ماانتبهت لصوتها ولاحست فيه..!!
عبدالله قام لها وهزاها:" يممممه شفيج؟؟"
ام عبدالله بذهول:" هاااااا..!!"
هدى:" لالااااااا اكيد فيج شي؟ يمه ام منصور وش كانت تبي منج؟"
طالعتهم وقالت:" وش تتوقعون كانت جاية تخبرني؟"
هديل:" ماندري يمه قولي صاير شي؟"
أم عبدالله بإبتسامة خبث:" شوق..!!!"
هديل وعبدالله بخوف:" شفيهاااااا؟؟؟"
ام عبدالله:" بتزوووج."
هدى طالعت امها بصدمة وقالت:" شنووو بتزوج ؟ من؟ وشلووون؟"
ام عبدالله:" بنت إبليييس ماطلعت هينه بتاخذ محمد ولد العاصي."
هديل وعبدالله كانوا مستانسين ان اختهم بتتزوج وبتعيش حياة مستقرة، أما هدى وامها فكان القهر والحقد مالي قلوبهم عليها حتى وهي بعيد عنهم.
هدى:" يمممه ماقلتي لي شلون؟"
ام عبدالله:" مدري بس كل اللي اعرفه انها اخذته من بنت خالته ، لأن كان بيتزوج بس اختج طلعت شاااطرة وذكية وقدرت تخرب بينهم."
بعصبيه هديل وقفت وقامت ادافع عنها:" لااااا مستحيل اللي تقولينه شوق اختي واعرفها زين مستحيل تسوي اللي تقولين عنه."
ردت عليها هدى اللي وجهها تعفس من لحظة سمعت الخبر:" عيل ماتفسرين سبب تركه لبنت خالته؟؟ مااعتقد ان فيه تفسير غير انها خربت علاقتهم وقدرت تستولي عليه."
هديل:" هي حرب، لااا حرام عليكم تشوهون صورتها، ماكفاكم الظلم اللي لقته في بيتنا بعد تبون تخربون عليها وهي بعيد عنكم، لاترحمون ولاتخلون رحمة الله تنزل.."
بس كملت كلامها ماشافت إلا كف جاينها على خدها، وصوت أمها يبط الأذن:" هذا اللي ناقص ترفعين صوتج علينا، اشووفج صرتي قليلة أدب زيادة عن اللزوم،وسمعيني شوق اياني واياج لي كلمتيها تقولين لها شي ترى اراويج نجوم الظهر، فااهمة يابنت ال,,,,,!!!! "
هديل دموعها طفرت من عيونها وراحت تركض لغرفتها، عبدالله كان واقف يطالع اللي يصير بصمت وقهر ويوم شاف اخته راكضة طالع امه وقال:" مااااحبج انتي مو أمي ، ولاهذي اختي مااحبكم أكرهكم ياليت تروحون عنا وتفكونا..!!!" وقبل لاترد عليه امه او تسوي فيه شي ركض ورى اخته ودخل وراها..!
أم عبدالله:" طااالع المجنون هذا الظاهر قلة الأدب وطوالة للسان زادت حتى اليهال قاموا يطولون لسانهم، والله كل هذا منج ياشوق ياسوسة البلا!! اذا ماطلعت عينج وخليتج تندمين حتى على وجودج بالدنيا مااكون ام عبدالله."
هدى كانت قاعدة اتعلج وتفرك ايدينها في بعض بقهر، وتفكر بشوق اللي راح تاخذ واحد أغنى واحلى بمليون مرة من اللي تزوجته هي.!!
أما هديل فكانت قاعدى تصيح وهي حاضنة صورة شوق ، وعبود المسكين قاعد يمها وموعارف وش يسوي لها، لكن وعيده وتهديدة لأمه بقلبه مانساه ولاراح ينساه ولازم بيوم من الايام بينتقم منهم..!!
عبدالله كان صغير لكن الظيم والقهر اللي يشوفه من أمه لأخته وله خلاه يكبر عشر سنين لقدام..!! والألم والمعاناة اللي تشوفه أخته خلاه اقووى وقووى..!!

^^^^^^^^^^^^^^^^^^^^^^^^

أووووه " قالتها والكل قاعد يضحك عليها شكلها كان مثل المهرج ويمكن أحلى شوي خخخخ
خلود:" تطنزون علي لكن أراويكم"
العنود:" ههههههه تكفين مسحي اللي بويهج قبل لاأيي أحد ويتخرع."
بدور ومسكرة حلجها من الضحك، أما سمر فاطسة من الضحك هي ومريم..!!
خلود:" تنكتين حضرتج اللي يشوف انا اللي حاطة مو حضرتها." وهي تأشر على سمر..!!
دخلت نوف وهي ماسكة قلاص ماي:" بسمممم الله الرحمن الرحيم قل أعوذ بربّ الفلق."
ومامداها قالت هالكلمتين وكلهم تسدحوا من الضحك لدرجة ان قلاص الماي طاح من ايديها وتكسر على الأرضية..!!
مريم:" بسم الله انكسر الشــر..!!"
بدور وهي تضحك:" مو منها من خلودوو والله بتذبح الأوادم قوومي طيري اللي بويهج."
سمر:" حراام عليكم بس لعوزتوها بمايكفي وثانياً مواهبي الفنية خلوني اطلعها ههههههع."
خلود:"مالت عليج وعلى مواهبج الفذة انتي اصلا موفالحة بشي غير قراءة القصص الغراميه!"
مريم:" زين بس خلاص شبعتوا ضحك قومي طيريه خلينا نشووف وش بنلبس في الملجة."
قامت خلود وهي معصبة على تطنزهم وضحكهم عليها:" وطبعاً بطريقها قالت للخدامة تروح تنظف مكان القلاص اللي انكسر.

مريم:" الا نسيت وين شوق؟"
سمر:" شفيج مريوم نسيتي قلنا لج وياشيخة ونجود عند الخياطة يصممون لها فستان الملجة."
مريم:" ايييييييه صح نسيت."
بدور وهي تغمز لها:" اللي ماخذ عقلج."
مريم:" روووحي زين هو في أحد يقدر ياخذ عقلي." قالتها وكان أحمد طوول الوقت شاغل بالها وتفكيرها وللحين كانت تفكر بكلامة وقرارها النهائي للحين مااتخذته."
سمر وكانت اطالع مجلة أزياء:" شووفوا اخترت هذا شرايكم."
نوف:" واااو رووعة بس تهقين يسون لج مثله؟"
سمر:" ايه اكيد نسيتي فستاني بخطوبة رفيجتي سناء."
مريم:" ايييه كان روووعة صراحة ماتوقعنا شكله بيطلع مثل المجلة."
سمر:" وش على بالكم انا مااروح الا لأماكن تضبط التصميم مو اي كلاااام."
العنود كانت ساكته واطالعهم وكلامها كان كلش قليل، طالعتها سمر وسألتها:" عنوودوو شفيج ساكته؟ شكل القعدة موعاجبتج؟"
العنود بإبتسامة:" لاااا بالعكس، بس محتارة مدري وش اختار وخبركم مالي بسوالف الفساتين."
مريم:" ولايهمج احنا بنساعدج وبنختار لج حق المجلة والخطوبة."
نوف:" اااايه ولاتنسوني انا بعد موبس هي والا بتفلتوني."
مريم:" واحنا نقدر."
وقعدوااا يضحكون مع بعضهم ، وتذكرت سمر بنت خالتها سحر، كانت تبي تسأل العنود عنها بس خافت تفتح موضوع هم في غنى عنه.

^^^^^^^^^^^^^^^^^^^^^^^^

انتهى يوم وبقى يوم على زواج هدى وأجواء البيت متعفسة فوق تحت.. خبر خطوبة شوق لمحمد خلاهم يتضايقون عدا هديل وعبود بس حتى هالفرحة موكاملة..!!
كانت هدى قاعدة بغرفتها اطالع روحها بالمنظرة >> البنت تحسب نفسها ملكة جمال الكون!
وأمها طالعه لبيت ام منصور تتقصى سالفة خطوبة شوق وتشوف آخر الأخبار، وعبود كان يلعب بره بالكرة..
قامت هديل من الكنبة وسحبت التلفون وانخشت بالمجلس واتصلت بشوق بسرعه قبل لاأحد ايي ويسوي لها سالفة..
هديل:" ألوو السلام عليكم، ممكن أكلم شوق؟"
خلود:" وعليكم السلام ، اممم ممكن ثواني ، انتي اختها صح؟"
هديل:" ايه هديل انا هي موجودة والا طالعه؟"
خلود:" لاهي موجودة ثواني بس."

شوق:" هلااااا بهالصوت."
هديل:" هلااا بالقاطعة."
شوق:" ههههههه بعدج عليها ماقطعت صدقيني."
هديل:" واضح والدليل انج تسألين عنا، بس موهذا المهم صج اللي سمعته شووق؟"
شوق فهمت وش تقصد وقالت لها:" ايه صج حبيبتي."
هديل:" واحنا آخر من يعلم! ليش ماخبرتينا ع الأقل مابتخسرج خمس دقايق."
شوق:" والله غصباً عني كل شي صار بسرعه وكنت راح اخبرج بزواج هدى واسويها مفاجأة."
هديل:" لاتزعلين مني بس أنا ماخذه على خاطري منج ، درينا من الجيران ومادرينا منج."
بإستغراب:" الجيران؟"
هديل:" ايه أم منصور جتنا البيت وخبرت امي."
بإنفعال قالتها:" أم منصووووووور؟!! شدراهااا هذي؟"
خلود طالعتها واستغربت درة فعلها وحست ان فيه شي صاير وزاد فضولها وتمت مقابلة شوق وهي تتكلم ويااختها..!!
هديل:" مدري من قال لها بس هي اللي وصلت لنا الخبر وقالت بعد......" وسكتت ولاكملت كانت محتااارة تقول لها والا لا خاايفة تضايق اختها بالكلام اللي انقال.
شوق:" شفيج كملي ليش سكتي؟ شقالت؟"
هديل:" مايحتاج ياشوق أهم شي انتي مستانسة بإختيارج ومرتاحة."
شوق:" الحمدالله، بس هديل ليش غيرتي الموضوع ماقلتي لي شقالت أم منصور أعرفها حرمة ماتخاف الله."
هديل ماكانت تبي تقول لها اللي سمعته، بس غلطت بكلامها:" امممممم بصراحة شوق الخبر اللي منتشر انج تمسكنتي لحد ماتمكنتي من محمد وخربتي علاقته في بنت خالته وغير راية وقرر يرتبط فيج وأمي وهدى طبعاً مصدقين هالحجي والإشاعه قاعدة تكبر وتكبر..!!
شوق انصدمت من الكلام اللي قاعدة تسمعه حست بقهر وألم ويملأ قلبها وحتى دمعوها تسللت من عينها وطاحت على خدها وقالت لها:" هذااا جزاااتي ، سمعيني ياهديل انا قراري ماارح أغيره واذا موعاجبهم يشربون ماي البحر!! لكن... استغفر الله مااقول غير حسبي الله ونعم الوكيل، حسبي الله ونعم الوكيل."
هديل كانت تصيح وهي تسمع اختها اتحسب عليهم،ماقدرت تقول لها ولاكلمة وسكرت السماعه.. كانت شوق قاعدة على الكنبة وتصيح الكلام اللي سمعته مو شووي راح يخلي الناس تكرهها!! خلود موعارفة وش تسوي لها محتااارة، لأول مرة كانت تشوف شوق منفعله وتصارخ بالتلفون كان بذيك اللحظة محمد داخل البيت جاي من العلاج الطبيعي، استغرب أول ماشافها طالعته خلود وعلامات الحيرة بويهها قرب صوبهم:" السلام ، شصاير؟"
شوق يوم سمعته صار ويهها احمر مسحت دموعها بسرعه ونزلت راسها وردت عليه وخلود السلام:" وعليكم السلام."
خلود هزت جتفها إجابة عن سؤاله لأنها مافهمت شي من كلام شوق، أما شوق تمت ساكته ودموعها موراضية توقف.. ومحمد واقف يبي يعرف وش صاير:" ماجاوبتوني شصاير؟"وهو يوجه كلامه لشوق:" شووق ممكن أعرف ليش تصيحين؟"
شوق ماقدرت ترد عليه لأنهاموقادرة تواجهه ومستحية منه بنفس الوقت. رد سألها مرة ثانية:" ممكن أعرف ليش؟" قعد على الكرسي المقابل لها بمسافة وكمل كلامه:" انا الحين مثل ماتقولين خطـيبج ممكن اعرف وش اللي خلاج تصيحين؟ احد زعلج وقال لج شي؟"
شوق:" ................."
خلود:"محمد من شوي اتصلت لها اختها هديل، بس مدري شصار بينهم وكل اللي فهمته انه فيه احد موعاجبه شي مسويته شوق..!! واعتقد خطوبتها منك."
محمد بدأ يعصب مايحب يكرر كلامه بس كان متحمل علشان ماتتوتر شوق اكثر وتخاف:" من اللي موعاجبه؟ جاوبوني؟"
دموعها زادت ولاوقفت وزاد قهر محمد وزادت حيرته وياها، طالعته وحاولت تتمالك نفسها وتقول كلمتين على بعضهم لكن صوتها اختفى من خجلها منه، بس الألم والقهر اللي تحس فيه خلاها تتجرأ شووي وتقول له بصوت مهزوز!!:" إشاعه منتشرة اني هدمت حياتك الشخصية واستوليت عليها، وخـربت علاقتك ويا...."
وقاطعها بعصبيه وقهر من اللي قاعد يسمعه:"سمعيني زين بإختصار اللي موعاجبة قدامة البحر يشرب منه والا يدق راسه بأي جدااار قدامة أنا قراري هذا ماراح اتراجع عنه ، واي احد عنده كلام خله يجي يواجهني انا، ومحد له شغل باللي كان وماصار..!! سامعتني شوق؟ دمووعج هذي مابي اشوفها مرة ثانية؟ انا البنت اللي ابي ارتبط فيها ابيها قووية مايهزها شي، انا عارف انتي مريتي بظروف قاسية بس اتمنى انج تصيرين اقوى من جذي." كان كلام أختها يتردد في ذهنها بكل كلمة يقولها محمد!
بعد ماخلص كلامها قام من عندهم وهو واااااااصل حددده، أما شوق فتمت قاعدة وتحاول تمسك نفسها وخلود قاعدة ومحتارة وبعد دقايق من الصمت:" أممم شوق حبيبتي ماعليج من اللي ينقال احنا نعرفج وكل هالاشاعاات مغرضة تبي تخرب بينج وبين أخوي وتأكدي ماراح يتغير شي أبداا لو وش يقولون عنج."
شوق ابتسمت لها ومسحت دموعها:" انتي ماتعرفين مرة أبوي وصديقاتها يخربون بيوت."
خلود:" ماعليج منهم وانتي سمعتي كلام محمد واتمنى انج تكونين عند حسن ظنه ولاتخيبين أمله فيج ، شووق بلييييز إبتسمي موحلوة تصيرين ماتعودنا عليج جذي، يااالله عاااد."
وإبتسمت شوق غصباً عنها لأن خلوود مابتخليها في حالها، بس الحزن الجديد اللي دخل في بداية حياة جديدة كدرها وضايقها وخلاها تفكر وتحسب ألف حساب لحياتها الجايه.

^^^^^^^^^^^^^^^^^^^^^^^^

كانت قاعدة بغرفتها وتقرأ مسجات حبيب القلب (سعود )، كانت مشتاااقة له مووت ودها تشوفه وتكون وياااه في أقصى الدنيا بس ماتقدر تسوي هالشي لأنها مستحيل تسويه..!!
وتوها تفكر فيه والاتلفونها يرن ....الجوهرة.... كان أسمه مسيف بهالاسم وبلهفه ردت عليه:" هلاااااااا حبيبي."
سعود:" هلا بعد عمري شخبارج سموورتي؟"
سمر:" هههههههههه بخير دام قلبي بخير."
سعود وهو بمووت علشان بس يخليها تطلع وياه ويشوفها:" حياااتي."
سمر:" روووحي آمر تدلل."
سعود:" انتي ترى اللي قلتي آمر موترفضين."
سمر:" على حسب."
سعود:" يعني مابتوافقين."
سمر:" انت قول شعندك."
سعود:" ابي اشووفج ونقعد بروحنا."
سمر:"......................."
سعود:" شفيج ساكته؟"
سمر:" انت تعرف جوابي مستحيل اقدر اقعد وياك بروحنا."
سعود:" أول مرة اشوف ثنين يحبون بعض مايقدرون يلتقون ولايقعدون مع بعض."
سمر:" فيه ناس وايد، عمري انت ترضى علي اطلع بمكان عام والناس تشوفني؟ ماتهمك سمعتي؟"
سعود (( إحنا وياهالسمعه افففف )) :" ياعمممري انتي اخاف عليج من قال مااخاف بس صدقيني بمووت علشان اشوفج واقعد وياج ماعرف اكلمج بس تلفون ماارتاح وايد ابي اكلمج face to face أرتاااح أكثر لما اشوفج وأشوف ردت أنفعالج لما أكلمج ، صدقيني ماراح يصير شي ولاتخافين بمكان عام بس لاترفضين ولاتخافين واذا تبين يبي وياج اي احد تبينه ماعندي مانع مع اني ماراح ارتاح بس شسوي."
سمر:".........................!!!"
سعود:" سمر أرجوووج ردي عليّ تكلمي قولي شي، شفيج ساكته؟"
سمر:" مدري سعود أخااف أحد يشوفني وتصير لي سالفه."
سعود:" صدقيني محد بشوفج انتي اختاري المكان اللي تبينه وانا حاضر لج."
سمر:" مدري خلني أفكر."
سعود:" ياقلبي مايبي لها تفكير ياأي يالا..!"
سمر:" مدري سعود مدري قلت لك عطني فرصة افكر، انت تشوفها سهله عليك لأنك ولد أما أنا فغيييير صدقني."
سعود (( هذي مدري متى بتقتنع وبتسوووي اللي ابيه بطلع روحي لكن مابتركها الا لين حصلت عليها!! )) :" يارووحي دامج وياي انتي بأمان وصدقيني ماراح نطوول ربع ساعه او نص ساعه وكل واحد يرد بيته شقلتي؟"
سمر وبعد مااقتنعت وبتردد:" اللي تشووفه."ط
سعود يوم سمعها حس ان الدنيا موواسعته من الفرحة الجهنمية..!! خطته بدت تنجح وتثمر:" صدق اللي اسمعه سمورتي؟"
سمر:" ايه صج."
سعود:" تصدقييين انا اليوم اسعد انساااان بهالوجود ماتدرين شكثر فرحتيني ياحياااتي الله لايحرمني منج."
سمر واللي وجهها صااار طماااط:" تسلم قلبي."
سعود:" يالله ماقلتي لي متى بنلتقي؟"
سمر:" بعد يوم من ملجة أخوي أنكون فضينا شوي اوكي."
سعود:" صاااااار."
سمر:" بس مثل ماوعدتني موأكثر من نص ساعه."
سعود:" اللي تآمرينه ياروحي ، يالله اخليج الحين يبوني شوي، تحملي بنفسج عمري."
سمر:" ان شاءالله وانت بعد."
سعود:" اووكي، باااااي ياقلبي."
وسكر التلفون وسمر مومصدقة انها وافقت على طلبه..!! (( معقولة؟ انا اسوي جذي؟ هذي آخرتها ياسمر؟ بس شفيها ربع ساعه او نص ساعه وانا قايمة بس ان شاءالله محد يشوفني. ))

^^^^^^^^^^^^^^^^^^^^^^^^

اليوم العرس والكل مشغول.. أم عبدالله راحت تجهز نفسها عند صالون قريب من منطقتهم علشان ماتتأخر على الصالة، أما هديل فأضطرت تروح وياأختها لأنها بتصير بروحها محد وياها يساعدها..!!
شوق كانت بالبيت قاعدة بغرفتها تفكر باللي قاعد يصير لها، سمعت صوت الباب وقامت فتحته من دون ماتتكلم ، كانت بدور واقفة وطبعاً وصلتها الأخبار من خلود:" أوقف عند الباب؟"
شوق إبتسمت إبتسامة باردة ودخلتها الغرفه، كان وجهها شاحب وملامحها تقتل إبتسامة اللي يطالعها...!! هموم الدنيا رجعت لشوق ولفرحة شوق..!!
بدور:" سمعت باللي صااار شوق أرجوج لاتفكرين باللي صار صدقيني اذا تابعتي الناس بتتعبين، أنسي ياشوق الماضي وكل اللي يربطج فيه عيشي حياتج عيشي الحاضر."
شوق بنظرة عتب وألم:" تبين انسى أهلي؟أختي وأخوي؟ تبين أنسى دمّي؟ شلون تقدرين تحرميني من أبسط شي الأخوّة..!!"
بدور ودموعها واقفة على عيونها:" ماقلت لج انسيهم هم ،انسي خالتج وهدى حاولي تعيشين بدون ماتفكرين فيهم ولاحتى تفكرين تردين لهم مرة ثانية أوتزورينهم."
شوق:" واخواني ماااا أقدر يابدور ماأقدر أترك هديل وعبدالله أموووت وأنحرم من شوفتهم."
بدور:" شوفيهم بس من بعيد لبعيد لاتقربين من حياتهم عيشي بعيد عنهم، كفاية اللي لقيتيه منهم."
شوق بصوت مبحوووح:" وهذا انا بعيد عنهم، سلمت منهم؟ لاااا مااعتقد وين ماأروح بأذوني وبيرمون شرهم عليّ، والظاهر اني بعيش طوول عمري في حزن وألم ومشاكل."
بدور:" لااا لاتقولين جذي تفائلي، وشكلج نسيتي خالي، ياشوق خالي محمد شاااريج وماراح يتخلى عنج أكيد."
شوق هزت راسها لكن الجروح اللي فيها مستحيل تبرى بيوووم وليلة..!!
بدور:" يالله ضحكـــي ياااالله عفية، صدقيني مااحب أشوفج جذي مادة البوووز مترين."
رفعت حاجبها وطالعتها:" مترين ياثقيلة الدم..!!"
بدور:"هههههههههه اييييه خلج جذي، زين ماقلتي لي بترووحين زواج اختج الليلة؟"
شوق:" مدري محتاارة."
وقبل لاترد بدور عليها اندق الباب ، بدور:" منوووو؟"
خلود:"هذا انا."
بدور:" دخلي الباب مفتوح."
دخلت وكان شكلها متوهقة، فسألتها شوق:" خير شفيج؟"
خلود:" أمممممم اممممممممم مدري..!!"
بدور:" يه جاية هني تقولين لنا مدري؟ قولي شعندج؟"
وهي موجهه كلامها لشوق:" اليوم زواج اختج صح؟"
شوق:" ايه."
خلود:" أممممممممممممم محمد يقول لج لاتروحين."
شوق تفاجأت من كلامها ( محمد؟؟!! ليش؟؟ )..!!
بدور:" اسمع ياعم شفتي مايبيج تروحين يخاف عليج."
خلود:" قال لي بصراحة لاتروح العرس بس اذا ماتبي تسمع كلامي كيفها..!!"
شوق فهمت من كلامها انه يبي يشوفها تسمع كلامه أولا!! وانه مايبيها تروح علشان ماتسبب لنفسها مشاكل هي في غنى عنها.
بدور:" هييييييي وين سرحتي؟"
شوق:" ماسرحت ." طالعت خلود وقالت لها:" قولي له مابروح بس مومعناته اني ماراح اروح اشوفهم مرة ثانية..!!"
خلود:" ان شااااءالله بوصل له الرسالة حرفياً."
شوق:" هيييييييي ياخبلة تعالي، بس قولي له اني مابروح موتقولين له الباقي."
بدور:"هههههههههههههههههههههاي خااافت على عمرها."
شوق وهي تخزّ فيها:" انا اخااااف..!! اوووريج يالكشة."
خلود:" اقووول فكوووني وقولوا لي اقول له شنو؟"
بدور:" قولي له على أمررررررك يانور العين."
شوق:" ويييييييهج ، خلود بس قولي له ان شاءالله مورايحة العرس."
خلود:" اوووكي يالله عن اذنكم."
وطلعت قبل لايعطلونها اكثر.. وطبعاً نقلت الكلام حرفياً لمحمد..!! وقعد يضحك عليها لأنها نقلت له حتى كلااام بدور..!! >>> ماتتأمن على سرّ...!!

زواج هدى كان روعة بس ماكان ناقصة غير وجود شوق اللي كانت فرحة هديل راح تكتمل بوجودها..!! بهذي الليلة أنتقلت كل العائلة للبيت الجديد، وانتهى عهد الفقر بالنسبة لهدى وأمها..!!

^^^^^^^^^^^^^^^^^^^^^^^^

بعد زواج هدى إنزاح هم كبير من قلب أم عبدالله لكن همّ شوق مازال بقلبها تكره هالبنت كره كبيييير..!! اليوم ملجة سيف على نورة والكل بطيير من الفرح ، وطبعاً العريس مافوقه فوق تقولون دعاية سجنال2 ..!!
محمد:" هههههههه والله شكلك يموت من الضحك شفيك تمشي وتوزع إبتسامات ياأخي أركد شوي."
سيف:" والله موشغلك كيفي فرحااان ماتبيني افرح؟"
أحمد:"خخخخ من حقك ياولد ، اقوول متى بتملجون العصر؟ والا المغرب؟"
سيف:" لايااابابا الليلة حفلتهم والخطوبة باجر وش فيك ألف مرة أعيد لك السيناريو."
أحمد:"هههههههههههههههههههههههه اي سيناريو؟ لاااا اقول محمد أخوك الظاهر براغي عقلة طارت."
محمد:" مو مننننه من الفرحة اللي مو واسعته."
سيف:"هاهاها بااايخين أقوول محمد وانت متى بتملج؟"
محمد:" هالأسبوع ان شاءالله بس انتظر الدكتور يسمح لي أمشي بدون العكازات."
أحمد:" انت موتقدر تمشي من غيرهم، خلاص اتركهم وتوكل على الله مايحتاج الدكتور."
محمد:"لاااا يابابا مومستغني عنهم الا اذا الدكتور قال لي انااا انسان مطيع ومنضبط."
سيف:" خخخخ الله على الانضبااط الا الساعه جم الحين؟"
محمد:" الساعه 6:30 وش فيك؟"
سيف فززز من مكانة:" افففف تأخرت بروح أجهز نفسي يبي لي ساعه على ماآخذ شاور واجهز ساعه."
احمد:"لعنبوو العروس انت مو المعرس ، كلها ساعه تاخذ شاور وتجهز نفسك وكل شي، ساعتين شدعووة بتسوي شعرك تسريحة والا بتخلي ميك آب."
سيف:" عن المصاخة نسيت اني معرس اقوول باااي بروح لاتعطلوني اشوفكم بالمجلس الساعة الثامنه ليلاً بتوقيت بيتنا."
محمد:"ههههههههههه والله موعاقل أبصم لك بعشر."
احمد:" ماااعليه الفال لك خخخخخ."
طالعه وهورافع حاجبه:" الفال لي بشنوو يطيرعقلي؟"
أحمد:"ههههههههه لااقصد زواجك."
محمد:"ايييه على بالي بعد ، وعقبالك انت بعد."
أحمد إبتسم وهز راسه.. تذكر مريم اللي للحين مايدري وش قرارها بسؤاله لها..

^^^^^^^^^^^^^^^^^^^^^^^^

وفووق عند البنات كانت القيامة قايمة كل وحدة تبي يعدلونها أول، مريم وسمر خلصوا من شعرهم وبسرعه خلوا اللي تمكيج تعدلهم، وخلصوا أول ناس تقريباً..!! أما الباقي فكانوا للحين كل وحدة موعارفة وش تسوي لها، أما شوق وبدور فأختاروا شي بسيط جداً لأنهم مايحبون التعقيد خصوصاً إنها الملجة موالحفلة..!!
شيخة:" تعاااالي الله ياخذ ابليسج اشووف وش مسوية بويهج؟"
خلود:" شفيه ويهي؟ ماسويت شي شحلاتي."
شيخة:" روووحي طيرية بسرعه وااايد انتي بعدج بنت ماتخلين لج هالكثر ميك آب."
خلود برطمت وعصبت:" وش معنى سمر والباقي يخلون لهم وايد."
سحبت شيخة بنتها وقالت:" هاااا شوفي هذا وايد مواحسن من اللي مخلته لج الحين."
خلود:" ماني مطيرته عاجبني."
بدور:" يممه شفيج خليها احنا قررنا اليوم نخلي خفيف علشان باجر نتغير أكثر بالحفلة، شفتوا العبقرية..!!"
شيخة:" مااالت وهذا اللي ابيج تعاونيني على خلود."
نجود:" هههه والله شكلج موحلوو جذي خلود خلج نعوومة احسن مكبره عمرج أكثر من اللازم."
خلود:" ماااابطييير شي ولابغيره لاتحاولون." وطلعت من الحجرة ونزلت تحت..تشوف الوضع.. وبطريقها شافت محمد واحمد قاعدين يسولفون...
احمد:" يمممممه وش هذا؟"
محمد:" اعووذبالله من هذي؟ وش هالصبغ اللي حاطته بويهج."
أحمد:" كأنها علبة ألواان متحركة خخخخخخ."
خلود وصلت حدها:" هه هه هه هه سخيفين والله عااجبني، وثانياً انتوا شعرفكم بالموضة."
أحمد:" ومن قال لج مانعرف بس انتي الظاهر ماشفتي ويهج بالمنظرة."
محمد:" هييي انت هي السالفة موبس على شافة ويهها بالمنظرة ، انتي الحين جم عمرج اللي مصبغة ويهج هالكثر يالله روووحي غسلي ويهج وخلي لج خفيف واذا ماتخلين شي يكون احسن ماعندنا بنات صغاار يخلون لهم ميك آب."
خلود:" ماااني مطيرته ماااني مااني."
محمد عصب مايحب أبداً يشوف خواته جذي وخصوصاً ان خلود صغيرة بالنسبة للمكياج اللي مخلته لها:" اقوووولج يالله ولاجريتج من شعرج وغسلت ويهج غصب."
احمد:" مكانج سمعت الكلام يالله تحركي."
انقهرت ورجعت تصيح فوووق..!! دخلت الحجرة ومااادة بوزها ألف وعيونها حُمُر..
شيخة:" شفيج تصيحين؟"
سمر:" انا اعتقد ان اخواني تحت واكيد تطنزوا عليها."
نجود:"هههههههههههه عارفتهم مايجوزون عن حركاتهم، اكيد ماخلوا ولاتعليق الاقالوه."
خلود وبقهر:" هم بس علقوا حضرة محمد هزأني وقال لي روحي طيريه وخليج لج خفيف ويكون أحسن لوماتخلين."
بدور:"ههههع قالت لج أمي ماسمعتي الكلام، زين الحين نزلتي وتهزأتي."
شيخة:" زين عن الهذرة الحين روحي غسلي ويهج وتعالي يخلون لج خفيف، شوفي بنات عمج وخالتج وش زينهم."
خلود:" زيييييييييين عورتوااا راسي."
كان الكل مشغول بنفسه وبعد ساعه وربع بالضبط خلصوا تجهيزهم، وانطلقووا الى بيت نورة.

^^^^^^^^^^^^^^^^^^^^^^^^
وفي بيت نورة بالديوانية..
سيف يهمس لأخوه أحمد:" تأخر الشيخ شفيه."
أحمد:" وانا شدراني الخبر عندك المفروض."
سيف:" ابوي قال خل كل شي عليّ وانا إتكلت عليه."
حمد:" شفيكم تهذرون أهدأوا شووووي ماتشوفون الشيخ جاااي."
سيف:" احللللللف."
أحمد ومسك نفسه عن لايضحك:" وليش يحلف أما إنت متصرقع على العرس."
حمد:" خخخخ اسكتوا لاتفضحونااا."
ودخل الشيخ الديوانية وسلم على الحاضرين ، كان الجووو تشووبه أنواااع التوتر والقلق والخووووف ، قلب سيف كان شوي ويطلع من مكانه ، وبعد دقايق من قعد الشيخ عقد وراح لمجلس الحريم وأخذ الوكالة واخييييراااً صااارت المجلة وسيف ونورة صاروا زوجين على سنة الله ورسوله.. بس طلع الشيخ والشهود من مجلس الحريم صوووت الزغاريد ملأت المكان والكل قعد يبارك للثاني..
وبعد ماباركوا لبعض فتحوا غطاء العرووس كان يجنن عليها فعلاً كان شكلها يهبل ، الميك آب غيرها 180 درجة فوق ماهي حلووة..
سمر وهي تبوسها بخدها:" ألف ألف مبرووك يالغالية وأخييييراً صرتي مرة أخوووي."
بخجل طالعتها:" الله يبارك بحياتج أحرجتيني."
سمر:" اقوول ترى الخجل مولايق عليج لأني اعرفج هههههع."
نورة:" اقووول ذلفي الحين لااشوتج."
سمر وهي تغمزها:" ايييه هذي نواااري خخخخ يالله بخلي الجماعه تسلم عليج."
وبعد ماتباعدت كانت ثاني وحدة تسلم عليها أمها لأن سمر سبقتها، كانت دمووع الفرح بعيونها مثل اللؤلؤ وأخيراً شافت بنتها عروس وجريب يزفونها لبيت ريلها، حضنتها وكانت نورة شوي وتصيح وتخرب كـــل الميك آب لكن تمالكت نفسها وباست امها فوق راسها وقالت لها:" يمممه ترى الكحل سااال على خدودج صرتي باندا..!!"
أم بشار:" ماتجوزين عن سوالفج حتى الحين تنكتين."
نورة:" اذا ماضحكت وياج يمه ويامن أضحك..!"
أم ماقدرت تتحمل وحضنتها مرة ثانية ، وسمعت صوت البنات يقولوون لها:" بس لاتخلص ترى نبي نسلم عليها." وقعدوا يضحكون وكل وحدة فيهم سلمت عليها وبعد ماقعدوا وصفقوا وغنوا.. كانت نورة قاعدة ع الكوشة واطالعهم ومومتخيله نفسها انها خلاص ارتبطت بالإنسان اللي حبته وراح تعيش وياه باقي العمر.
بعد فترة دق تلفون سمر وكان سيف متصل:" هلا بالعريس."
سيف:" هلا بيج ، وين انتي؟"
سمر:" انا بمجلس الحريم ويا الحبيبة."
سيف:" عن النغزات اقوول سووولي طريق بدخل."
سمر:" زين اصبر اخبرهم واذا سويت لك مسكول ادخل بنكون عند الباب ننطرك."
سيف:" اوووكي يالله بسرعه."
وبسرعه قالت للجماعه ان المعرس يبي يدخل، والكل تغطى وطلع من المجلس طبعاً عدا الأهل والمقربين تموا قاعدين يبون يشوفون المعرس..وبسرعه غطوااا نورة بالغطاء وسوت سمر مسكول لسيف.. وكل خواته تجمعوا يم الباب علشان يدخلونه..
ودخل وياهم المجلس كانت زغاريد عمته ( ام نورة ) وأمه وخواته ماااليه المكان كان سيف حلووو وشييييك..
سمر:" يااااولد وش هالحلااااة ، اقول اوقف يم العرووس."
سيف بصوت خافت:" اووريج بعدي شوووي."
سمر:" اوووكي بفوتها لك من حقك ياعريس."
وقف يمها وموعارف وش يسوي ، وتم يوزع إبتسامات وهو يطالع خواته، حست شيخة انه بفشلهم فراحت له وهمست:" ارفع الغطاء عن ويهها وبوسها بجبينها، وبسك توزيع إبتسامات."
سيف:" زييين لاتفضحيناااا." وبعد ماابتعدت عنه قابل العروس ورفع الغطااا كان لأول مرة يحس قلبه موبمكانه أصوات الحاضرين ماعاد يسمعها ولايشوف أحد غير نورة ، اي نورة اللي عشقها سنين طوويلة بالنسبة له..!! باسها على راسها ، كانت خدودها بتنفجر من الدم اللي تجمع فيها من الخجل..!! كانت مستحييييية موووت وهي واقفة يمه جذي من غير شي كان ودها تاخذ الغطا وتغطي نفسها فيه..!! مسك يدها وقعدوا مع بعض ، طالعته بطرف عينها وطبعاً كان قاعد يطالعها وسرحاااان فيها.
طلعوا كلهم وتموا مع بعض ، كانوا مثل عصااافيرالحب إبتسم سيف ورفع راسها وباسها بخدها، استحت اكثر وأكثر وأكثر وتمنت لوتطلع من المجلس ولاتكون وياه بروحهم..!!
سيف:" ألف ألف الف مبروووك ياحياااتي."
نورة بصوووت أكثر من خااااافت:" الله يبارك فيك."
سيف:" ماااااسمعت..!!"
نورة وتحااول ترفع صوتها:" الله يبـارك فيييك."
سيف:" امممم الحين سمعت ، تدرين انج طااالعه قمممر، وأخيييراً ياقلبي صرناا لبعض، الله لايفرق بينااا يارب."
نورة:" يارب."
كانت هاللحظات بالنسبة لسيف ونورة من أجمل اللحظات، حيااة سعيدة كانت بإنتظارهم وتغيرات في مجرى حياااتهم ممكن تصييير بعد مدة..!!

^^^^^^^^^^^^^^^^^^^^^^^^
وصبااااح اليوم الثاني من مجلة سيف، في بيت أبوعمر..!!

هدى وهي تصااارخ على الخدامة:" انتي عمممميه والا تتعيمين..!! ماتشوفين هدومي موقايلة لج لاتغسلينهم وياهدوم اخواني، وبعدين موقايلة لج اذا خلصتي من الغسال نظفي غرفتي..؟"
الخدامة( روز) :" سووري ماما أنا يقول انت في نوم بعدين انا ينظف حجرة مال انته."
هدى:" أفففففف بلوووة انتي زين ذلفي من ويهي الحين، وقولي لسونيا تجهز الغدى لمتى بننتظر."
الخدامة ( روز) :" اوووكي ماما."
طلعت الخدامة وأعصاب هدى شوي وتنفجر، هذا اليوم الثالث من زواجها وأبوعمر للحين ماشرف ولاشافت طلته..!! الأفندي يسهر بره ولايرد الا ويه الفجر ولاتشوفه..!!
شوي وصوت أمها تتكلم بالتلفون:" اايه عرفتها نورة بنت ابوبشار شفيها، لالاااا اخذت أخوه؟"
هدى بسرعه رزت نفسها يم أمها تسمع المكالمة..
أم عبدالله:" اييييه الله يهنيها، لااا والله سمعت بس الظاهر انها قوووية وقدرت تمشيهم على كيفها.. لااااا والله؟! خطوبتهم نهاية هالأسبوع؟ من قال لج؟ ايييه اييه عرفتها، من قالج بخليها في حالها هذي طلّعت عينا ذبحت ابوها الله يرحمة ، ايه موهينه هالشوق والله."
وتوها قايلة جذي والا هديل واقفة فوق راسها وقطعت المكالمة بويهها..!!!
أم عبدالله واللي طارت طيورها:" عسى الله ياخذج ونفتك منج." وعطتها صطار على ويهها وطيحتها على الأرض.
هدى:" والله انج حيوووانة وش هالتصرف ياالمجنونة."
هديل:" طقيني يمة ، وقولي اللي تبين تقولينه بس شوق لاتأذونها حرااام عليكم شفيكم انتوا مابقلوبكم رحمة..؟! ارحمووها وخلووها بحالها ليش يايمه هالاشاعات اللي اطلعونها على أختي..؟! وانتي هدى ماتحسين؟ هذي اختج حنّي عليها واذا ماتبين ع الأقل لاتكرهينها..!!"
أم عبدالله:" شيلي هالخرابيط من بالج والله اذا تدخلتي مرة ثانية والله لأرميج بالشاااارع ياالمجنووونة."

دفااع هديل لأختها بدفعها الثمن غااااالي ، ومصيرها راح يكون بين جحيم وثاني..؟! مآسي بالطريق ممكن تحطم أحلى قلوب وأرواااح..؟! هدى من حقارة لنذالة ، تصرفات أسوأ من السئ، وش ممكن يصير وياها وزوجها بعد هالثلاثة الأيام اللي ماشفته فيها؟ وهديل ؟ سمر في بداااية الإنحراااف ياترى فيه أحد بينقذها مثل مانقذ أحمد مريم؟ ومتى بترد عليه بموضوع زواجها من أحمد..؟ وسيف ونورة خلاص زوجين بعد طوول إنتظار.. وحياة حلووة جاية بالطريق. ومحمد وشوق والإشاعاات اللي بدأت تنتشر على لسان أم منصور وأم عبدالله، وسحر اللي ماطلع لها دوور بملجة سيف؟ ياترى بتطلع بخطوبة محمد؟ والا بتستحي على وييها وماتروح؟ وبااااقي شخصياااات القصة أحداااث في تطووور ودموووع في إنهيار وقلوب منكسرة..!!

الجزء الواحد والعشرين

(( اليوم الخميس يعني لازم اتصل لسعود علشان احدد مكان نلتقي فيه ، أكيد اذا مااتصلت هو بيتصل مااعتقد بينسى السالفة وهو بموووت علشان يشوفني، ياااربي شسوي ويااه وين ألتقي فيه؟ مالي الا مجمع ال.... ، هناك محد يروح من اللي اعرفهم وبروح بوقت محد يطلع فيه علشان ماأشوف أحد.. بس اليوم الخميس يعني ناس وايد بالمجمع افففف مدري مدري احترت ويااه )) هذا كان تفكير سمر اللي متوهقه شلون تطلع وتشوف سعود..!! وفعلاً بعد نص ساعه من التفكير اتصل لها سعود..
سمر (( يااااربي هذا وش أقول له الحين ؟ اكيد بيزعل )) :" هلا "
سعود:" هلا بهالصوت ، شخبارج حبيبتي."
سمر:" بخير دامك بخير، ودامك يمي على طووول."
سعود:" موباين؟"
سمر:" ليييييش؟"
سعود:" ماقلتي لي متى بنلتقي؟"
سمر:" كنت توني بتصل فيك وانت سبقتني."
سعود:"واااالله ياعمري؟ زين قولي لي وين اشوفج؟"
سمر:"أمممممممممم تعرف مجمع الـ.......؟"
سعود:" ايه اكيد."
سمر:" هناك أشوفك الساعه 4 بالضبط موتتأخرزين ولاتنسى بس ربع ساعه مابقدر أطوول."
سعود:" من عيوووووني ياعيوني، اللي تآمرين فيه."
سمر إبتسمت وبنفس الوقت كانت خايفة:" زين حبيبي اخليك الحين."
سعود:" اوكي ياقلبي انتبهي لعمرج ياعمري."
سمر بخجل:" ان شاءالله ، مع السلامة."
سكر السماعه وكان بطير من الفرح بداية اللعب بدى يحلووو وكل شي يخطط له قاعد يصير مثل مايبي..!!

^^^^^^^^^^^^^^^^^^^^^^^^
أم محمد:" أخوكم للحين ماقعد؟!"
أحمد:" يمه من حقه البارحة ملجته وين بيقعد لج الحين."
محمد:" عن الحسد قول تبي تنام خخخخخ."
أحمد:" هاهاها لو أبي كنت ماقعدت الحين."
أم محمد:" زين عن لهواش تريقوا ولاتتكلمون وانتوا تاكلون."
محمد:" خخخخ الوالدة اشوفها اكتسبت أوامر الوالد >> وهو يقلده :" لاتتكلمون وانتواااا تاكلون اهدأوا وسمّوا بالله الرحمن بعدين تغصون."
أم محمد:"هههههههههههههههههه الله ياخذ ابليسك يامحمد وش فيك تقلد أبوك."
أحمد:"هههع والله عجيب انت شرايك تشتغل هالشغلة."
محمد:" ياخفيف متنازل عنها حقك."
وقبل لايرد عليه قامت أمهم تشوف وش بتطبخ اليوم لهم للغدى..
أحمد:" اقوول عن الخبال بسألك متى بتملج؟"
محمد:" شرايك هالأسبوع؟"
أحمد:" مدري بصراحة أحس لوتعجل يكون أحسن يعني تعرف مدام احنا عندنا خطوبة ماله داعي اطووول المدة."
محمد:" انا اليوم اتصلت الصبح للدكتور قال لي تقدر خلاص تترك العكازات وتمشي بدونهم بس بشرط أروح للعلاج الطبيعي مرتين او ثلاث بالأسبوع.."
أحمد:" زين توكل على الله عيل."
محمد:" ان شاءالله يصير خير."
وسكت شوي وقعد يطالع الأرض وهو يفكر.. وأحمد كان نفس الحال سرحان ويفكر بمريم..
أحمد رفع راسه وطالع محمد:" محمد.."
محمد:" هلا خير."
أحمد:" الخير بويهك، أمممم بسألك سؤال بس اتمنى ماتتحسس منه."
محمد:" ليش يجيب الحكة سؤالك."
وهو يضحك:"ههههههه لا بس مدري مابيك تضايقك."
محمد:" مدري كأني عارف وش تبي تسأل."
أحمد:" وش الإجابة وانا بعرف اذا كنت عرفت السؤال اولا."
محمد وهو يبتسم ويبي يجنن أخوه:" اي من زمان مارحنا."
أحمد:" هاااااااااااااا وين ترووح صج انك مخبل الحين في ذمتك هذا اللي بضايقك..!!"
محمد:" ههههه لا ادري مدري يمكن يجوز اي شي يصير وكل شي قابل للتعديل."
أحمد حط ايده على جبين محمد:" لايكون مسخن؟!"
محمد:"هههههههه لاابداً بس خاطري اجننك شوي."
أحمد:" تدري انك مستخف؟"
محمد:" تصدق ادري."
أحمد:" زين ماقلت لي وش إجابة السؤال اللي خمنته؟"
وهو يطالع اخوه:" أممممممممممممم أممممم خلاص كل شي ماضي وماعاد يهمني وجودها."
أحمد:" حتى لو جت الخطوبة؟"
محمد:".....................!!"
أحمد:" يعني للحين تفكر فيها وتحبها؟"
محمد:" لااا ماأحبها ولاأكرهها بس أنا ماأبي ادخلها بحياتي اللي بينا انتهى وماله وجود، وانا الحين ناوي أتزوج يعني اللي باخذها هي اللي بتكون بحياتي وبس."
أحمد إبتسم له، كان يدري ان اخوه مهماً قال وقال وقال مشاعرة اتجاه سحر موممكن تتغير بالسهولة اللي يقولها هو..!!
محمد:" شفيك ساكت."
أحمد:" لاأبداً."
محمد:" زين انا بقوم عنك بروح اتمشى بره شوي احس الجو ممل داخل."
أحمد:" اوكي وانا بروح اشوف سيفووو بقعدة من النوم غصب."
محمد:"مو أقول لك محترّ انت رووح ارقد احسن خخخ."
أحمد:" كييييييييييييييفي."

قام احمد ومحمد بعد خمس دقايق ، طلع لبره وهو يفكر (( آآآآآخ والله مدري شبيصير معقولة تجي سحر بعد اللي صار الخطوبة والمجلة؟ مااعتقد اكيد مابتقدر اتيي وتشوف وحدة ثانية بمكانها،، وانا اصلا ليش افكر فيها بالطقاق ماعاد يهمني وجودها وحتى لو قوّت عيونها وجت الحفلة ماراح يهمني ))

^^^^^^^^^^^^^^^^^^^^^^^^
فهد:" هلا بيك والله نورت الشقة."
سعود:" من يومي خخخخ."
فهد:"ههههه ماعلينا ادخل."
سعود:" مشكور، الا اشوفك غيرت الديكور."
فهد:" اوووه غيرته ولافوق 4 أو5 مرات كل مرة اغيره."
سعود:" اي انا بعد ترى مااظل على شكل معين."
فهد:" أقعد بس، تبي بارد حار آمر."
سعود:" موجاي اشرب ولاآكل ، بس ابيك بشغله."
فهد:" خير؟"
سعود وهو يبتسم إبتسامته الخبيثة:" الفرس قريب بصيدها."
فهد وعدل قعدته:" ووووووالله؟"
سعود:" ايه ، واليوم العصر بشوفها شرايك اتيي وياي؟"
فهد:" وان شاءالله تبيني اقعد وياك ومستحي؟"
سعود:"هههههههههههههههههههههههه والله ضحكتني ياالخبل مابيك تقعد ويانا بس ابيك تقعد من بعيد وتشوفها."
فهد:"ايووووة اذا جذي من عيوني، بس ماقلت لي ليش؟"
سعود:" بس ابيك تقزها لي خخخ يااخي جزاة الخير اراويك اياها، موانت اللي ماراويتني الفرس اللي عندك."
فهد:" ايييييه تبي تشوفها؟ حاضرين."
وقام فهد وجاب البوم صور ، كان مصورها وياه بكاميرا عادية ومحتفظ بالألبوم..
سعود:" واااااااااااو صج رهيبة من وين طحت عليها ، يابختك والله."
فهد:" اشوووف بدينا بالغيرة ههه."
سعود:" ابدااا بس ترى اللي عندي بعد موهينه، بس تصدق فيهم شبه من بعض وكأنهم يصيرون لبعض."
فهد:" يخلق من الشبه اربعين ، لكن ماقلت لي الساعه جم بتروح وين بنلتقي؟"
سعود:" بمجمع ال... الساعه4 العصر."
فهد:" بل قول الظهر موالعصر شدعوووة تبون تنامون بالمجمع."
سعود:" لايااخي بس البنت تخاف احد يشوفها والا يسوي لها سالفة ، على قولتها ( إذا تهمك سمعتي وتحبني خلنا نلتقي من بعيد وبس ) خخخخخخخخ مااقول الا مالت ."
فهد:" ماعليك منها بالبداية بس جذي وبعدين تقدر تسحبها شوي شوي لعندك وتحصل اللي تبيه."
سعود:"ايييه وانت الصادق نصبر ونشوف ، يالله عن اذنك وراي مشاوير لازم اول لقاء نشتري لها شي ماشيات وبعدين نلحس عقلها بجم كلمة خخخ."
فهد:" قصدك تاكلها هههههع."
سعود وهو قايم:" اييييييييي باكلها وبعظامها بعد."
وقعدوا يضحكون وكل واحد فيهم سلم على الثاني وطلع سعود لمشاويرة..!!

^^^^^^^^^^^^^^^^^^^^^^^^

كانت قاعدة بغرفتها تفكر بأختها وبأخوها عبدالله اللي ضايع بين هالمشاكل اللي قاعدة تصير..
وفجأة سمعت صوت صراااخ بره كان صوت رجل اختها السكران.. جاي بعز الظهر ولايدري عن روحه يمشي ويدق بالطوووف...!!
ابوعمر:" اووووووه فجي عني انتي ويابنتج المجنونة..!!"
ام عبدالله:" اياني وياك تمد ايدك عليها ، اكسرها لك."
ابوعمر وهو يدووفع يمين وشمال:" هاههاهههي اهئ ضحكتيني، تباااعدي لاكسرت الطاولة فوق راسكم."
هدى:" يمممممه شوووفيه هذي عيشة انا عروس ماصار لي اسبوع يسوي فيني جذي؟"
ام عبدالله:" ماعليج انتي تدرين فيه موبوعيه."
ابوعمر سمع آخر كلمة:" من اللي موبوعيه أكـيـ ـد انتي." ومشى عنهم وهو يسب ويغني:" لعنة عليج يالخايسة ، ياليلة دانه اهئ ياليلة دانـ ــة ." ورفس باب المجلس وطاح عند الباب..!!
هدى:" الله يلعنك يالحقير، لكن ماعليه اذا ماخليتك تعلن افلاسك وكل شي اخليك تكتبه بأسمي ماأكون هدى." وتوها مكملة جملتها والا هو وقاعد يزحف ويغني:" البرتـقـ ـالة...!!"
وتم يزحف لين وصل عند كنبة ونام عليها وهو ولايدري بالدنيا..!!

كانت هديل واقفة فوق بزاوية من زوايا الجدران واطالع المصيبة اللي ابتلت فيها اختها وابتلوا فيها هم.. (( اييييييه ياهدى هذي السعادة اللي كنتي تحلمين فيها؟ ياماحذرتج وشوفي وش صار، هذا خامس يوم لج من عرستي ويايج سكران ويسب ويلعن، وماندري وش بسوي اكثر من جذي بعد، مااقوول الا حسبي الله على اللي كان السبب ))
وانتبهت على يد اختها وهي ماسكتها:" شقاعدة تسوين هني تتشمتين؟"
هديل:" هااا لاياهدى انا ماقاعدة اتشمت مستحيل انتي اختي."
بإحتقار:" عيل وش موقفج هني؟ يالله ذلفي داخل ، ماتستحين طالعه من غير غطا على راسج يعني لوشافج ريلي صج قليلة حيا."
هديل:" موقصدي بس سمعت صوت صراخكم وطلعت وثانياً انا واقفة بمكان مايشوفني فيه."
هدى:" عن الأعذار البايخة وذلفي داخل ولاأبي اشوف رقعه ويهج بره."
دخلت هديل حجرتها والدموع اطيح منها، كلام اختها كان قاسي وااايد ، ماقدرت تسوي شي لها ولاترد عليها اكثر من اللي قالته لأن الحجي وياها ضاااايع ، حسااافة انها في بيت موبيتها لأن هدى ممكن تطرد هديل من بيتها بأي لحظة..!!

^^^^^^^^^^^^^^^^^^^^^^^^
أم محمد:" يالله شفيكم كل واحد قاعد بحجرته مايبي يتغدى؟"
محمد:" يالله يمة كلنا هني محد ناقص."
ام محمد:"بعد العافية يالله سمّوا بالله."
أبومحمد:" بسم الله الرحمن الرحيم، يالله ياعيال تغدوا."
وطبعاً كالمعتاد الكل قاعد ياكل بهدوء وصمت ولاكلمة تطلع مني والا مني ، عااادة اعتادوا عليها من يووم هم صغااار.. وبعد الغدى كأنهم شريط مايخلص..!!
شوق:" عن اذنكم."
محمد:" شوق قعدي ويانا."
شوق وهي منزلة راسها:" ان شاءالله مرة ثانية ، تعبانة شوي بروح ارتاح."
سمر طالعت محمد وهو يطالع شوق ، كانت نظراته كلها حزن وألم ، حست فيه وبمشاعرة اللي موقادر يتحكم فيها بعد فراق سحر..!!
سيف:" اقوول في احد ناقصة بطاقات دعوة للحفلة باجر؟"
هزوا راسهم بالنفي ، كل وحدة فيهم أخذت بطاقات على عدد اللي تبي ووزعتهم..
خلود:"واخييييييرا باجر الحفلة.."
أحمد:" شفيج مصرقعه على شنو؟"
خلود:" مومصرقعه بس من زمان ماصار عندنا مناسبة."
سيف:" خلهم يستانسون شفيك عليهم."
أحمد:" اشوفك صرت ادافع، كل هذا علشان انها حفلتك."
محمد:"ايييه عيل شلون مايصير مايدافع."
سيف:" عن لطناز انتوا الاثنين."
محمد:" ماقلت لنا وش شعورك بعد ماصرت رجل متزوج."
سيف:" والله شعوري شعور اي مواطن عنده سيارة."
وبس قال كلمته هذي وقعدوااا يضحكووون على تعليقه...
محمد:" والله انك موهين ياسيفوووو."
خلود بهبل:" مافهمت شي..!!"
وقعدوا يضحكون عليها لأنها صغيرة على تعليقاتهم اللي ماراح تفهمها ابدااا..!
سمر كانت قاعدة وتفكر، كان يبين عليها التوتر والشرود انتبه لها احمد وسألها:" سمر فيج شي؟"
سمر:" هاااا مافيني شي."
أحمد:" مايبين من قعدتي وانتي موويانا ابداً لاحظت عليج الشرود من يوم نتغدى."
سمر:"لالا مافيني شي بس ارهاق من التجهيز."
طالعها محمد وسألها:" متأكدة؟"
سمر بإبتسامة باردة:" ايه متأكدة."
محمد:" عيل هااااج يودي هذلين." ورمى عليها عكازاته وقال لها:" خذيهم مابيهم من اليوم ورايح وديهم للخدامة تحطهم بالستور."
سمر وهي اطالعه بإستغراب:" محمد انت صاااحي؟"
محمد:" اصحى منج ، خلاص لاعكازات بعد اليوم."
نطت خلووود من مكانها وحضنتها وباسته بخده وطوقة رقبته بيدينها:" يعني خلاص بتمشي جذي بدون عكازات؟"
محمد:" ايييه بس فطستيني شيلي يدينج عن رقبتي."
خلود:" ماااني اول عطني حلاوة الخبر الحلو هذا."
سيف:" قوومي لاالحين بالعكاز فوق راسج."
محمد:" صج ماتنعطين ويه قووومي ترى اذبحج الحين."
خلود وموراضيه تتركه:" ماااني."
محمد:" اقوول سمر عطيني العكازات خلاص بمشي فيهم خخخخخخ."
خلود:" شووف البخيل صج ماينأخذ منك لاحق ولاباطل."
وضحكوا عليها، وعلى سوالفها صج آخر العنقود واحيان ترفع الضغط بس بعد حركاتها وتصرفاتها تضحكهم.
سمر:" والحين يعني ارجعهم لك والا اوديهم؟"
محمد:" وديهم خلاص."
خلود:" وانا نسيتني؟"
محمد:"زين امري لله هديني وبطلع لج من مخباتي." ومد يده وطلع دينار:" هاااج."
طالعته وحواجبها شوي ويتكسرون من خزها له:" واايد عليك."
أحمد:" طالع هذي بدال ماتقول له الله يغنيك."
سيف:" زين احمدي ربج عطاج دينار لوكنت مكانه عطيتج ربع دينار خخخخخ."
خلود:" مايهمني مابي دينار.."
محمد:" ههههههه والله انج طماعه ، وعمري مابشوف مثلج، هاااج يودي." وطلع من بوكه عشره دينار وعطاها اياها...
خلود على طووول قامت وباسته:" الحين انت حمووودي حبيبي خخخخخخ."
وضربها على جتفها:" آآآخ منج يالمنافقة."
خلود:" عيب مايقولون منافقة قول حقانية هههههع ." وراحت بسرعه فووق تخلي العشرة بحصالتها..

أحمد:" والله لك خلق تهذر وياها ، والله مكانك كنت عطيتها طراق ومشيتها حجرتها."
محمد:" عاد انت كلش ماتحب اليهال، الله يعينك لين تزوجت مدري شلون بتعاملهم."
سيف:"ماعليك منه بس حجي يقوله والله اشوفه يلعب وياها عادي ويسولف بس الظاهر مزاجه الحين متعكر.. اكيد فيك شي حمدان."
أحمد إبتسم لهم:" مافيني شي شووية اشغال."
محمد:" عليناااا اعترف شعندك؟"
سيف:" يالله قووول ترى ننتظر."
أحمد:" شفيكم مافيني شي يه."
محمد:" لافيك بتقول يعني بتقول."
احمد:" واذا ماقلت شبتسوي؟"
محمد:" وش بسوي؟ بفطسك." وقاام يدغدغه أحمد كانت نقطه ضعفة احد يدغدغه من خواصرة غير اخوانه ، وماتركه محمد الايوم قال له:" خلاااااااص بقووول والله بقووول بس هدني ذبحتني."
سيف:"ههههههع والله وعرفت له يامحمد."
محمد:" خبرة عشرة عمر، يالله احمدوو قول لااذبحك مرة ثانية."
احمد:"لالا خلاص بقول بس لاتقرب." وسكت شوي وقال:" امممممم بصراحة ماعندي شي بس مشغوول بالتفكير."
محمد:" بشنووو يالبطل."
احمد:" بسؤال طرحته على شخص وللحين ماوصلني رد منه."
سيف:" وهالشخص ماله اسم؟"
محمد:" الظاهر ناوي على ذبحة ثانية لاتقول بالالغاز اعترف بدون لف ولادوران."
أحمد:" مريم."
سيف ومحمد طالعوا بعض وقالوا:" مريم؟؟"
احمد:" اي شفيكم مستغربين مريم، كنت سائلنها سؤال وللحين ماردت علي."
محمد:" الحين اكدت لي وبكل جدارة انك غبي."
احمد فج عينه:" ليييييييييييييش."
محمد:" اولا عرفت وش السؤال اللي سألتها اياه، بس يالذكي وش تتوقع منها تركض وتقول لك ردها، اتصل لها يالخبل وبتعرف اجابتها والا ناطر ينزل عليك الوحي ويقول لك وش قررت."
سيف:" وهو الصادق اتصل لها الحين وخبرنا."
احمد:" لاموالحين بعدين ، طالع انت الساعه جم الحين 3 هذا مو وقت اتصال."
محمد:" ماعليه بس لاتنسى ننتظر اتصالك اليوم وخبرنا باللي صار."
احمد:"اووكي، انزن انا بروح انام، لااحد يقعدني سي يوم."
وقام عنهم وكل واحد فيهم راح لغرفته واشغاله..!!

^^^^^^^^^^^^^^^^^^^^^^^^
الساعه4 بمجمع الـ......
كانت سمر قاعدة تنتظر سعود ، الخوف كان مالي قلبها موقادرة تقعد بالكرسي كان ودها تقوم وتترك الجمل بماحمل لكن اكيد سعود بيزعل وبسوي لها سالفه. وبعد خمس دقايق بالضبط رن تلفونها..
سعود:" هلا حياتي وينج فيه؟"
سمر:" انا بالكوفي فوق انت وينك؟"
سعود:" انا الحين داخل المجمع يايج فوق ثواني واكون عندج بس ماقلتي لي في احد معاج؟"
سمر:" لابروحي بس لاتتأخر ترى بمشي."
سعود:" لاااايامعودة قعدي مكانج مابغيت اشوفج تقولين بمشي."
سمر:"ههه بصبر وامري لله."
وسكر عنها التلفون وطبعاً كان وياه فهد وافترقوا من اول ماوصلوا فوق علشان سمر ماتشوف فهد وياه... وتم قاعد بروحه بس بمكان يشوفهم فيه.. أما سمر فكانت قاعدة تلعب في تلفونها وفجأة...
سعود:" السلام عليكم."
سمر خافت ترفع راسها واطالعه:" وعليكم السلام."
سعود:"اقعد والا امشي؟"
بتوتر وإرتباك وحمرة خدّ:" لا مدري براحتك."
سعود:"ههههههه اذا براحتي بقعد." قعد وتم يطالعها وهي منزلة راسها ومستحية موووت منه:" شفيج منزلة راسج ماتبين تشوفيني؟"
سمر:" ههههه اي بلى بس مدري خايفة."
سعود:" ولييييييييه الحين انتي وياي تخافين من شنو يالله حبيبتي رفعي راسج ابي اشوفج."
وبعد ثواني رفعت راسها وطالعته ، كان سعود شخص وسيم وفعلاً ياخذ العقل ، وشكله كيوووت وايد..
سعود:" ايييه جذي بصراااحة قصيتي عليّ انتي."
سمر بإستغراب:" ليش؟"
سعود:" ماقلتي لي انج حلوووة هالكثر."
سمر:" يووه لاتحرجني."
سعود:" بصراحة لما كنت اشوفج في بيت عمج ..." وبهاللحظة بس تذكر سعود بيت عمها..!! سمر بنت عم ناصر..!!!!! (( شلون طافت عليّ هالسالفة والله وطحتي بيدي ياسمر ))
سمر:" شفيك سكت؟ سعووود؟"
سعود:" هااا هلا لاماكو شي بس تذكرت شغله، زين وش كنا نقول؟"
سمر وتبي تمشي الوقت بسرعه:" ماكنت تقول شي."
سعود موقادر يفكر معقولة الحظ يمشي معاه جذي الزمن يلف ويدور ومايلقى الا بنت عم ناصر..!!
سمر:" سعود انا بمشي."
سعود:" لييييييش؟ ماقعدت معاج."
سمر:" بصراحة انا قلت لبيتنا اني بشتري لي شوية مجوهرات للحفلة وماأبي اتأخر وايد."
سعود:" زين ياااااعمري خلينا نشوووفج مرة ثانية."
وبسرعه كل واحد فيهم ترك الثاني ، سعود بسرعه قاام وراح لفهد:" ها سعود بشر؟"
سعود:" وش ابشر اسكت لوتدري بس شصار."
فهد:" ها شصار رشحوك للإنتخابات."
سعود:" عن التطنز ، تدري شتذكرت وانا قاعد وياسمر."
فهد:" شدراني انا، بمخك قاعد."
سعود:" تذكر ناصر؟"
فهد وهو يحاول يتذكر:" لامااذكره من ناصر؟"
سعود:" شفيك نسيت ناصر العاصي؟؟؟؟"
فهد وهو يطق جبهته:" ايييييييييييييه شفيه؟"
سعود:" سمر بنت عمه."
فهد:" أحللللللللللللف."
سعود:" والله وانا اسولف وياها تذكرت لكن شلون غاب عني هالشي مدري تصدق اني نسيت انه هالبيت هو نفسه بيت ناصر ، الظاهر الفرس نستني كل شي حووولي."
فهد:" ايييه شكلها عجييييبة ومبرووكة عليك."
سعود:" والله وطاحت بيدي أوووريك الويل ياناصر انت وسيفووو الخايس."
بداية صراع سعود وناصر وسيف ،، مشكلة جديدة ماهي على البال.. وسمر طاحت في مصيبة مايندرى تطلع منها اولا..!!

^^^^^^^^^^^^^^^^^^^^^^^^

الجمعه الساعه5 العصر، الكل بالصالون وكل وحدة فيهم لاهيه بنفسها وبعفستها >> كشختها!!
سمر طلعت فظيعه تهبل لأنها فعلاً كانت جميلة ، وخلود طبعاً كانوا عليها خواتها حسيب ورقيب ، علشان لاتخلي ميك آب وااايد فاقع ، بس طلعت كيوووت وحلووة، أما بنات عمهم فكانوا مثل خلود مايحبون فـُل ميك آب ، أما بدور فللحين محتارة في شعرها وش تسويه..!! ونجود وشيخة خلصوا كاااامل.. وطبعاً شوق كانت داخل يحطون لها ميك آب..
بدور وشوي وتصيح:" يمممه ماني عارفة وش اسوي احترت ، كلكم بتخلصون وانا ولاسويت شي."
شيخه:" قلنا لج سوي هالتسريحة موراضية بتطلع حلووة عليج وعلى فستانج ، شسوي فيج بعد."
نجود:" ياالله يابدوور لاتقعدين تعقدين السالفة سوي لج شي بسرعه ، ترى الوقت بخلص وانتي للحين ماتمكيجتي."
وتوها بترد عليهاوالا شوق طالعه من غرفة المكياج، بصراحة الكل ماعرفها كان شكلها ياخذ العقل البنت لأول مرة تتعدل بهالكشخة ، فعلاً تسحر لقلوب..!!
بدووور وهي اطالعها:" وش هالكشــخة والحلااااوة ياشووقوو والله بتخربين عليناااا كلنا."
شوق:" ههههه والله احس شي ثقيييل فوق عيوني مومتعودة أخلي هالكمية من المكياج."
شيخة:" لاااا تعودي من اليوم ورايح نبيج كل كشخة."
شوق:" والله أحرجتووني اللي يشوفني ملكة جمال."
بدور:" والله احلى من ملكات الجمااال ياحلوووة."
سمر:" بدور عن الهذرة وروحي سوي شعرج بنمشي."
بدور ونست رووحها:" اوووه والله نسيت عمري انزين خلاص اسوي هذي وبس وانشوف."
وخلتهم وراحت تسوي شعرها وطبعاً كانت كل وحدة فيهم تقول الزود عندي أشكالهم كانت روعه..

^^^^^^^^^^^^^^^^^^^^^^^^
ناصر:" الله يالحبيب وش هالكشخة والله بدلة ولاأرووع رززة ، ااااح وش هالعطوور والبخوور ماخليت شي الا تسبحت فيه، عقبااالي خخخخخ."
سيف:" اقووول اقلب ويهك شووي."
أحمد:" جزاته يتغزل ويمدح فيك تقول له اقلب ويهك شدعووة ، كل هذا لأنك خلاص ودعت العزوبية."
محمد:" يالله يالحبيب روح اخذ عروستك وروحوا صوروا لاتتأخرون عن الحريم ويسون لك حرب عالمية ثالثة."
سيف:" ياأخي يصبرون وش وراهم ، الحين انا بروح آخذ خطيبتي وبنروح نصور اوكي ، وانتوا روحوا صالة الرجال موتقعدون هني ، يالله مع السلامة."
ناصر وهو يتطنز:" هالله هالله بالصووور الزييينه خخخخخخخ."
سيف وهو راكب السيارة:" أسكت لا سدحتك بالأرض."
وقعدوا يضحكون عليه وخلاهم وراح..
محمد:" زين يالله يالشباب خلونا نمشي."
أحمد:" لحظة حمد للحين ماوصل مدري فيه متأخروايد."
محمد:" نصوووور ماتدري عن اخوك؟"
ناصر:" لامادري ، بس ثواني بتصل فيه."
وبالصوب الثاني رد عليه حمد:" هلاااااااا خووك شفيكم للحين ماجيتوا."
ناصر بإستغراب:" ليش وين انت؟"
حمد:" بالصالة قاعد انتظركم، ليش وين انتوا؟"
ناصر:" طااالع هذا واحنا نحارسه هني صج ماعندك سالفه ، يالله زين سكر بنجيك بعد دقايق."
حمد:" اووووكيك يافالح."
وسكر التلفون وهو يقول:" شفتوا الأفندي بالصالة قاعد واحنا هني يالله خلونا نمشي قبل لانحصل جم زفه من عمي وابوووي."
كل واحد فيهم ركب سيارته ماعدا محمد ركب ويا أحمد لأن ممنوع عليه يسوووق مؤقتاً لحد مايتعااافي كـُلياً.

^^^^^^^^^^^^^^^^^^^^^^^^
الساعه 6:45 خلصوا من الصالون واتصلوا بالسواق يجيهم، نجود كانت قاعدة تنتظر فيصل
شيخة:" تعالي ويانا."
نجود:" لاصبري بتصل في فيصل اكيد بجي لي، بس ثواني خيووه."
واتصلت فيه:" الو فيصل."
فيصل من غير نفس وكان توه قاعد من النوم:"خييييير."
نجود عرفت من صوته ان توه قاعد:" مابتجيني الصالون؟"
فيصل:" اي صالووون؟ ايييييييه لاااا موجاااي لج روحي ويااحد من اهلج موفاضي لج." وسكر التلفون بوجهها..
نجود تغيرت ملامحها وشوي والدمعه اطيح من عينها، حست شيخة ان فيه شي صار
شيخة:" حبيبتي شفيج؟ بجي لج والا لا؟"
نجود هزت راسها وطاحت الدمعه من عينها، فهمت شيخة كل شي وقالت لها:" تركيه يولي ولاتخربين مكياجج الحين ولاتكدرين عمرج عليه، شووفي اللي يبيج اييج فاااهمة ومابي هالدموع تنزل من عينج مرة ثانية يالله قووومي ويانا خلينا نتوكل على الله."
نجود هزت راسها، ومسحت دموعها قبل تعفس مكياجها، لكن الألم اللي بقلبها والحسرة ماراحت ومازالت صكت التلفون بأذنها (( ليش يافيصل تسوي جذي؟ انا وش سويت لك؟ وش ذنبي تعاملني بهالجفا وهالقساوة؟ كل اللي صار مالي خص فيه ليييييش يافيصل لييش؟ ))

^^^^^^^^^^^^^^^^^^^^^^^^
في الصالة..

دخلوا البنات طبعاً قبلها راحوا يصورون ، القاعه كانت مليااانه ناااس بس مو أي ناس لأن الدعوة كانت خاااصة..!! أهل العروس كانوا موجودين وكل وحدة كانت كشختها غير عن الثانية ، دخلت سمر أولهم ومريم مع بعض القاعه ، وجذبوا انظار الحريم والبنات وكل وحدة تهمس بأذن الثانية والتعليقات مجانية..!!
دخلت بعدها خلود والعنود ونوف مع بعض ، وكانوا نووواعم وحلووات وطبعاً من أول مادخلوا راحوا يدورون صديقاتهم علشان يقعدون وياهم.. وبعد عشر دقايق دخلت بدور ووراها شوق مستحية ومنزلة راسها موعارفة تمشي.. أنظار الكل كانت متجهه صوبها شكلها كان فعلاً رووعة وجميلة بكل معنى الكلمة ، فستانها نااعم وهادئ وايد ، مكياجها كان ثقيل بس مناسب لها مطلعها وكأنها عرووس ، الحريم من أول ماشافوها قاموا يحشوون >> ابوطبيع مايجوز عن طبعه!!
شوق تمت ماسكه يد بدور وهي تمشي وياها بخطوات هادئة ومتوترة بنفس الوقت.
بدور:" شفيج شووي واطيحيني بهالتوتر هدي ايدي."
شوق:" لاتحلمين ولاتتفائلين وااايد موهادتج ماني استحي امشي بروحي طالعيهم شلون يطالعون أحسهم أكلونا بنظراتهم وكأنهم موشايفين أوادم قدامهم."
بدور:" وانتي الصادقة أول مرة يشوفون قمر يمشي..!!"
شوق:" سكتي لاصفقتج بالصندل اللي علي."
بدور:"ههه صج صايرة خفيفة دم أقوول أمشي لاهديتج ومشيت عنج."
شوق:" تكفين لاتسوينها."
وبسرعه وصلوا لطاوولة كانوا متجمعين حولها أهلهم وأهل العروس وتم التعارف بينهم للمرة الثانية هناااك. وكانت مفاجأة لشوق وجود شمس بالحفلة...!!
شمس:" هلاااااا وغلاااا بالحباااايب."
وحضنوا بعض وشوي وكانت شوق بتصيح لولا بدور اللي باعدتهم:" يعني مالنا نصيب بالسلام."
شمس:" شلوون وانتي راعية الدعووة."
وسلمت عليهم وقعدوا يسولفون ويابعض وكل وحدة فيهم متشوقة تعرف أخبار الثانية..!!
شمس:" والله مافيكم خير تسألون ولاتتصلون بعد؟ شدعوة خلصتوا المدرسة وانعزلتوا العالم."
بدور:" والله موبيدنا انشغلنا وتعرفين شوق الحين في بيت جدي و.."
شمس بإستغراب:" شنوشنو..؟ وش هالاخبار بعد ليش وش صار."
شوق إبتسمت لها ولمعت في عينها دمعة حزينة، شمس حست انها ضايقتها بسؤالها:" آسفة الظاهر ضايقتج."
شوق:" لااا عادي، بس طلع فيه نسب بينا وبين بدور وخبرج أبوي الله يرحمه كان يبي يزوجني لريال كبره ، بس جد بدور اخذني عندهم، وهذي كل السالفة بإختصار."
بدور:" اقوول موكأن السالفة ناقصة شي؟"
شوق هزت راسها بالنفي، وشمس اطالعهم:" ليش وش صاير بعد؟"
بدور:" احم احم شفتي القمر هذا >> وهي تأشر على شوق ."
شمس:" ايه شفيها."
بدور:" بتاخذ خااالي محمد."
شمس فجت حلجهاوعينها وظلت اطالع ومومستوعبه اللي تسمعه:" هاااااا شلووون ليش وش صار ووو....." ومامداها تكمل والا مفاجــأة ماهي على البال..

^^^^^^^^^^^^^^^^^^^^^^^^

أذن أذان المغرب وتوه قاعد من النوم ، كان للحين نايم بالمجلس مكان اللي انسدح فيه..!!
قام متثاقل وجسمة متكسر موقادر يحرك نفسه، هدى كانت طالعه وياصديقاتها المجمع، قالت لأمها وطلعت.. أما هديل فكانت قاعدة فوق بغرفتها، وعبدالله يلعب بالحوش كره..
طلع من المجلس وهو يطااالع ويدور هدى، وبصوت مثل صوت الغراب:" ام عبدالله ، أم عبدالله."
طلعت بسرعه من غرفة المعيشة وهي تصارخ:" زين زين شفيك تصااارخ هذا انا."
ابوعمر:"قولي لهدى تجهز لي العشاء."
ام عبدالله:" الحين بقول للخدامة."
ابوعمر:" انتي صمخة والا تتصيمخين ، اقولج هدى تقولين الخدامة."
ام عبدالله:" موهدى موهني."
طالعها بغضب:" لييييييش وين هي؟"
أم عبدالله:" طلعت السوق راحت تشتري لها شوية أغراض."
ابوعمر:" ياسلاااام ومن أذن لها تطلع؟"
ام عبدالله:"انا قلت لها روحي عادي."
ابوعمر:"خوووش خوووش لايكون انتي ولي أمرها وانا مدري."
ام عبدالله:" انت كنت نايم شتسوي لك بعد."
ابوعمر:" ماتطلع تقعد تنرز بالبيت وياويها."
ام عبدالله:" اذا حضرتك طووول الليل موموجود وبالنهار نايم وماترجع الاحالتك حالة متى تقولك وانت ياحسرة ماتدري بالدنيا."
ابوعمر وزاد الشر بعينه:" احترمي نفسج دام النفس عليج طيبه، وانا زوجها ولي حق عليها فاهمه ياااعمتي."
طالعته (( عمى ياخذك )) :"اوووه عن اذنك ." ومشت عنه وخلته يحترق بمكانه ، ظل ينتظر هدى للين ترجع من السوق.. وفعلاً بعد ساعه من انتظاره ردت البيت. وأول مادخلت..
أبوعمر:" ياهــلا والله، اسفرت وانورت توها الناس والله."
هدى بإرتباك:" خيـر شفيك؟"
ابوعمر قام وصفعها:" مرة ثانية اذا طلعتي من البيت من غير شوري تشوفين شي عمرج ماشفتيه، وحطي كلامج برقبتج مثل الطووق موبس حلقة بأذنج ، أنا رجال البيت وكلمتي هي اللي تمشي فاهمه مو ست الحسن والجمال أمج، ومن اليوم ورايح طلعه للسوق مافيه أشوفج كل يوم وناطة السوق على بالج قاعد على بنك أصرف عليج..! والله عشنا وشفنااا."
هدى كانت مصدومة واقفة بمكانها وحاطة يدها على خدها، موقادرة تستوعب لصطار الكف اللي عطاها اياه.!! اما بوعمر فطلع لحجرته فوق وطبعاً قبل لايركب قال لها:" روحي حطي لي العشاء."
أم عمر كانت بالمطبخ ولاسمعت شي من اللي صار، والوحيد عبود هو اللي كان موجود ، وشاف اللي صار لأنه كان توه داخل ، كسرت خاطره هدى على الرغم من البلاوي اللي هي تسويها ، راح لها وهو يقول وبكل براءة:" تعووورتي وايد؟"
هدى وبكل عصبيه دزته:" رووح عني ياويه الفقر."
عبدالله تفاجأ، ماتوقع رد اخته عليه الحين جزاة الخير سواد الويه ، مسكين تم واقف مكانه يطالعها بحسرة وألم ، فرق بين خواته هديل وشوق ، وهدى النسرة..!! طالعها وهي راكبه فوق وبقهر قال:" تستاهلين اللي ياج وأكثر..!!"
هدى سمعته ودارت له:" اووريك يالحيوان ، انا تقولي استاهل لكن الشره موعليك على اللي جابك البيت هني وقعدك."
عبدالله كان متعود على سماع مثل هالكلام بس ماكان يحز في نفسه كثر مايشوف البلوى اللي هم طاحوا فيها ، لا العزّ ولاالجاه يغني عن لحظة سعادة وحدة ممكن يعيشها وياخواته بحب..

^^^^^^^^^^^^^^^^^^^^^^^^
كل وحدة منهم تركت اللي بيدها، كانت صدمة لهم آخر شي كانوا يتوقعونه هو وجودها بالحفلة.. ســحر كانت داخلة القاعه وياها أمها وصديقتها ميثة..!!
نجود:" شيخة تشوفين اللي اشوفة؟"
شيخة وهي اطالع سحر بإستغراب:" إييييه.."
أنظار خوات محمد وشوق وبدور كانت كلها متجهه لسحر. أما سحر فطالعتهم بنظرة سريعه لكن الشخص اللي كانت ادور عليه مو بنات خالتها، وأخيــراً لقتها قاعدة ويابدور..!!
شوق كانت خايفة ومتوترة أشد التوتر خصوصاً يوم شافتها، سحر وبكل ثقة راحت سلمت على خالتها:" هلا خالتي الف مبرووك."
أم محمد:" الله يبارك بحياتج يابنيتي."

أم محمد كانت مصدومة بوجود سحر وموعارفة شلون ترد عليها، لأنها طرشت بطاقات الدعوة وكانت واثقة من ان اختها مستحيل اتيي بعد اللي صار.. وبعد ماسلمت على سحر كانت أختها بتسلم عليها وقفوا قبال بعض ونظرات الحقد تطاير من عيون أم فيصل.. ونظرات الحيرة والألم من عيون أم محمد..!!
ومن غيرنفس باركت أم فيصل لأختها، وقعدت بطاولة قريبة من طاولتهم.. الجو كان متكهرب وتغير الى توتر وأعصاب مشدودة..!! طوول الوقت كانت شوق قاعدة ماقامت وسحر ماشالت عيونها من عليها كان ودها تذبحها وهي قاعدة مكانها..!!
شمس:" اقوول شفيكم انقلبت الوانكم من دخلت سحر؟"
بدور:" مافينا شي."
شمس:" الا فيكم ، زين ماقلتوا لي شلون شوق بتاخذ محمد وسحر وش صار فيها؟"
شوق:" شمس الله يخليج مووقته نشرح لج بعدين اذا صار وقت نلتقي ونسولف."
شمس واللي كانت بتمووووت بس علشان تعرف وش اللي قاعد يصير..!!

وبعد نص ساعه من الإنتظار وصلت العروس والمعرس، طفوا انوار القاعه وشعلوا الشموع وصار المكان يهبل.. دخلوا نورة وسيف وكأنهم عصافير حب يهبلوون ، فستان نورة كان يجنن كل وحدة هناك كانت تتكلم عنه، وطبعاً كلهم كانوا قاعدين ولين وصلوا للكوشة ولعوا الإضاءة وصااار الرقص خوات المعرس ماوقفوا من الفرحة وكل وحدة راحت تبارك لأخوها.. أما شوق فكانت مغطيه نفسها وقاعدة بمكانها، عقلها ماكان وياهم كانت تفكر بسحر وجودها المفاجئ هناك.. وفجأة ومن غير ماتنتبه ماشافت الا وسحر واقفة بويهها.. حست ان الدم وقف بعروقها،والضغط ارتفع بويهها..!! ماقدرت حتى ترفع راسها واطالعها..
سحر وبكل غيرة وحقد وحسد:" يومج قرب ياالحقيرة، بدوسج بنعاااالي..!! وبخليج تندمين على اليوم اللي دخلتي فيه بيت خالتي.. وأخذتي فيه محمد..!"
شوق ماتمالكت نفسها ومن دون شعور رفعت راسها وصارت عيونها بعيون سحر:" خلاص ياسحر محمد اختارني ولافي قوة ممكن تغير رايه ، انتي خسرتيه بيدج انسي واحد اسمه محمد."
كلمات شوق جت مثل السهام بقلبها، لأنها فعلاً كانت صح ، بس سحر مستحيل تعترف بهالشي هذا، حست بنار تاكل فيها، بغت تصفعها بس مسكت نفسها وتباعدت عنها من غيرماترد عليها ولاكلمة..!! شمس ماكانت منتبه لها لأنها كانت مندمجة وياالعروسين وتحلم بأنها بيوم من الايام تقعد بهالكوشة..!!
أما شوق فكانت مومصدقة نفسها ، هي تقول هالكلام..!! لكن إحساسها بالقوة خلاها تقوله وتقهر سحر فوق ماهي مقهورة.

^^^^^^^^^^^^^^^^^^^^^^^^
دخلوا البيت وسحر ميته قهر، طول الطريق كانت ساكته ولاتكلمت ولاكلمة ، وصلوا ميثة لبيتهم ورجعوا للبيت ، أول مادخلوا كان هناك فيصل قاعد وأعصاااابه على نار..!!
أم محمد:" السلام."
فيصل:" شلون تروحون؟؟"
أم فيصل:" ردّ السلام بالأول بعدين اسأل."
فيصل:" وعليكم ، بس يايمه ليش رحتوا نزلتوا من نفسكم ورحتوا لهم..!!"
سحر:" فيصل واللي يرحم والديك لاتعور راسنا بأسألتك ، رحنا لأن نبيهم يعرفون إن احنا احسن منهم..!! وهذي سوالف حريم انت ماتفهم فيها.
فيصل بعصبية:" سحر احترمي نفسج وكلميني بأحترام ، واي سوالف اللي ماافهمها كل اللي اعرفه ان انتي وامي ماكان المفروض تروحون ، لايكون بعد ناوين تروحون خطوبة اللي مايتسمى؟"
سحر:" واذا رحت شفيها؟؟ خلني مثل الشوكة بالحلق..!! ماراح اتباعد الا لما انتقم منهم."
فيصل:" هييييي اي انتقام تركي عنج هالخرابيط وكل شي خليه عليّ راح اخليهم يندمون."
سحر كانت مقهورة وبالذات من شوق اللي طااال لسانها وقوة عيونها..!!
فيصل:" سحر شفيج؟"
سحر:" هاااا مافيني شي ، مقهورة ومنبطة جبدي."
أم فيصل:" عدوووينج يااابنيتي ، والله طالعها يافيصل من رجعنا وهي على هالحالة معصبة ومحترقة.."
فيصل:" محد قالكم روحوا هناك ، آخر شي توقعته انكم تروحون."
سحر:" رحت قلت يمكن انا ارفه عن نفسي وأقدر اسوي شي لكن الظاهر ان ست الحسن والجمال ماكلة الجوو كله هناك..!!"
فيصل:" اي ست الحسن؟ وماكلة شنوو؟ شتخربطين؟"
سحر وجمعت دموووع التماسيح بعيونها:" تخيلوا ماشفت الاشوق الحقيرة جاية لي وتقول انها اخذت محمد وانه مستحيل يتركها وراح ادوس عليّ بنعالهااا..!"
انفجر فيصل يووم سمع كلام سحر، أم فيصل تدري ان بنتها تجذب بس كل شي يهون علشان تطرد بنت الخلفان من بيت اختها..
فيصل وبكل حمق وعصبيه:" ياغبية شلون سكتي عنهاااا؟"
سحر:" شتبيني اقووول..!!"
ماقدر يتحمل اكثر وطلع بره البيت ، ظل يدور بالسيارة ساعه كاملة ولما رجع البيت..كانت نجود قاعدة بالصالة فوق هي بكشختها كانت صااايرة مثل الملاك هادئة وناعمة.. لكن غضب فيصل وحقده خلاه مثل الأعمى مايشوف شي..!!
نجود طالعته وابتسمت:" السلام عليكم."
فيصل ونفسه طاايرة:" وعليكم ، شرفتي؟"
نجود حست بغصه لكن تحملت:" وصلتني شيخة."
قعد بكنبه بعييييد عنها ، وتم يفكر وهو يعض على أظافره، عاااده مستحيل يتركها من يوم هو صغير..!! وقطع حبل الصمت صوت نجود:" ليش ماجيت الحفلة؟ ولامريتني؟"
فيصل:" عندج أهلج."
نجود:" ياسلام واهلي هم بعد مسأولين عني والا انت؟ انت زوجي وعليك تتكفل فيني، وبعدين ليش يافيصل تسكر بوجهي السماعه، انا شسويت علشان تعاملني بهالطريقة؟"
فيصل:" اوووووووه، لاتقعدين تسوين نفسج بتموتين، سمعيني انا انسان حرّ اييج مااييج كيفي، وبعدين سمعيني يانجود فهمي شوق ان اختي سحر مولعبه بيدها تهددها، خليها توقف عند حدها لاأمسح فيها الأرض."
نجود:"لييييش وش سوت لاتتبلون البنت ماسوت شي لأختك ، وانت ادرى بأختك."
فيصل:" انتي اللي لزمي حدج وشوفي اذا موعاجبج كلامي شربي من ماي البحر."
نجود زاد قهرها والألم اللي بقلبها، دموعها خربت كل مكياجها، كانت موقادرة تستوعب حقد وكره فيصل والتحوول الكبير اللي هو فيه. ماقدرت ترد عليه وركضت بسرعه لغرفتها تصيح.. أما هو فقعد مكانه يفكر باللي قاله (( آآآخ ياااقلبي وش اللي سويته؟ وش اللي قاعد يصير؟؟ احس نفسي ضاايع ضااايع..!! لكن كل منهم خربوا حياة اختي وحياتي..!! ))

^^^^^^^^^^^^^^^^^^^^^^^^

الساعة2 الفجر وتوهم رادين البيت ، ابوهم وأمهم ردوا البيت من زمان بس البنات ظلوا بالصالة سوالف ورقص وسهر..!! شوق بالهااا كان مشغول وايد لدرجة ان مزاجها كان متعكر.. انتبهت سمر لها وسألتها:" شوق شفيج؟ احسج متغيرة؟"
شوق:" لااا مافيني شي بس تعبانة شوي."
خلود:" تعباانة؟ وانتي قمتي من مكانج طوول الوقت سرحانه مدري في شنو؟؟"
شوق:" صدقووني تعبانة هذا اللي فيني."
سمر:" شوق انا شفت سحر يايه لج وكلمتج اعتقد هذا اللي ضايقج صح؟"
سكتت ولاردت عليها، خلود:" اييييييه صج هذي شجابها الحفلة؟ والله انها قوية عين ، ماتستحي على ويهها بعد اللي صار اتيي؟"
سمر:" عيب عليج هذي بنت خالتنا."
خلود:" هي لوتعرف العيب مافكرت اتيي."
سمر:" ماعلينا، بس سحر ليش جت لج ؟"
شوق:" ولاشي ، كانت تسلم وبس."
خلود نطت بسرعه وقعدت صوبها:" حلفي انتي وياويهج القمر هذا ، في ذمتج يعني من حبها لج بتسلم عليج ، شوقو لين بغيتي تجذبين علينا تجذبي عدل ههههههع."
شوق ضحكت لأسلوب خلود وحركاتها:" والله شتبين اقول لكم ، صدقوني ماتبون تسمعون اللي قالته، وخلوها على الله."
وبصوت واحد:" نبي نسمع..!!"
شوق:" ياحبكم للحش، مابقول وخلوها في حال سبيلها، بس كل اللي اقدر اقوله لكم ، انها ماراح تخليني في حالي..!! واللي مااطاله بيدها الظاهر بطاله بريلها، تصبحون على خير.!"
كلمات شوق حزت بنفسهم ، عرفوا ان سحر كانت تتوعد فيها وتهددها، شوق مسكينة كافيه الناس خيرها وشرها وفوق هذا محد مخليها في حالها..!!

^^^^^^^^^^^^^^^^^^^^^^^^
وبعد أسبـــوع من خطوبة سيف..

أم محمد:" يالله يااحمد روح اتصل بأخوك شوف الطلبيه للحين ماجابوها الليلة الملجة وانتوا ولاهامكم، انا على نار وانتوا ابرد من الثلج."
أحمد:" ههه يمه الله يهداج عن العصبيه لاتوترين اعصباج كل شي بمر على خير انتي بس اهدي.."
أم محمد:" انا مابهدأ الا لين شفت كل شي جاهز ، وبعدين انت ليش للحين ماجهزت نفسك مابتروح ويااخوانك المجلس."
احمد:" برووح بس صبري عليّ شووي."
سمر كانت نازله وهي تنادي امها:" يمه، يمممه ماتدرين وين ودت الخدامه عبايتي؟ دورتها مالقيتها."
أم محمد:" موفاااضية لج انا روحي سأليها، واذا ماعندج لبسي عبايه غير عندج وايد."
سمر:" مااااااني ابي هذي ، اووووف."
أحمد:" سمووور عن الدلع مو وقتج، وتعااالي بسألج ليش ماجهزتوا نفسكم بعد شوي بيي الشيخ وبملجون وانتوا للحين ناشرااات الشعوور."
سمر:" عن التطنز احمد مالي خلقك الحين."
احمد:" عدااال يااونسيس."
سمر:" احمد والله صاير ثقيل دم ، عن اذنك."
وراحت عنه وهو ظل يضحك عليه، وتوه بيمشي والا سيف داخل:" هلا والله يالحبيب."
سيف:" هلا اللي يشوفك يقول موشايفني سنة."
احمد:" افااااا جزاتي ارحب بالمعرس الجديد."
سيف:" مشكور ماتقصر الا وين البنات؟"
احمد:" فوق وياكشيشهم ليش؟"
سيف:" لابس ابي نورة."
احمد:" ااهااا هي هني؟"
سيف:" اي ليش انت ماتدري؟"
احمد:" لاوالله للحين مارحت اسوي شعري وياهم علشان ادري."
سيف:" هاهاها اشوف دمك خفيف اليوم."
احمد:" عجب العجاب توها سمر تقول دمي ثقيل وانت خفيف وبعدين مدري من بقول نص ونص."
سيف:" مواقول لك صاير تنكت، ماقلت لي وين محمد؟"
احمد:" تصدق مدري فيه من العصر وهو مختفي."
سيف:" زين اتصل فيه."
احمد:" مايحتاج كاهو جاي."
سيف:" هلا هلا ، هلا بالعريييس."
محمد:" وهلا بيك والله."
أحمد:" وينك يااخي ترى امي مصرقعتني تقول طلبية الوجبات للحين ماوصلت ومابقى شي وايي الشيخ والناس بالمجلس، الحريم والرجال تجمعوا صار لهم ساعه، ولايفوتك البنات للحين فوق ماخلصوااا."
محمد:" لاوالله احلف."
احمد:" وليش احلف روح شوفهم بعد."
محمد:" زييين اروح الحين."
سيف وهو ساحبه من ايده:" لاااا وين بتروح خطيبتي فوق ."
محمد:" اووه اووه ابسط ياعم الحبيبه فووق من قدك."
احمد:" ماعليك منه الحين هو بروح فوق."
محمد:" لااا وين يروح فوق مو خطيبتي فووق بعد مايصير يروح."
احمد:"هههههه وحدة بوحدة."
سيف:" ايه ويالله انت بعد شدّ الهمه وخلنا نثلثها، الا بسألك مااتصلت لها؟"
احمد:" لاوالله انشغلت ونسيت اتصل."
محمد:" ماااااااالت عليك جان اتصلت وخليتنا نعرف شصااار."
احمد:" ماعليه اوعدكم بعدين بتصل."
محمد:" اووكي يالله خلونا ندخل المجلس لايسبنا ابووي قاعد وياعمي بروحه."
احمد:" روحي انتوا انا بروح اغير ثيابي وبعدين بلحقكم ."
سيف:" اوووكي ."

^^^^^^^^^^^^^^^^^^^^^^^^

طلع من الغرفة وقعد بالصالة فوق يطالع التلفزيون ، اليوم فاااضي وماعنده شي وهدى وامها قاعدين ويابعض يسولفون..
ام عبدالله:" تدرين اليوم ملجة من؟"
هدى:" من؟؟؟"
ام عبدالله:" شوق."
ابوعمر سمع الاسم بس سوى نفسه مومنتبه وياهم..
هدى:" ووع قطيعه ان شاءالله ، الله ياخذها اكرهها يمه مدري ليش ماتنزل لي من زووور..!"
أم عبدالله:" سكتي بس وانا يعني الي اطيقها، من يوم ابوها كان عايش اتمنى افتك منها ، بس ماتوقعتها بهالذكاء وقدرت تلعبها عدل."
هدى:" ايييه ادري سوسة بس ماكان يبين عليها، الا يمه ماعزمونا؟"
ام عبدالله:" ياخبلة وين يعزمونا انتي تعرفين حفلات هالعائلات كلها خاصة ومايعزمون الا اللي يبونهم.."
هدى:" بس احنا خواتها."
ام عبدالله:" ماعلينا الأيام جاية وبعرف شلون اوصل لها."
وتوها هدى بترد الا هديل طالعه من الحجرة، وبسوط نااااااازل:" سكتي لاتسوي لنا سالفة."
ام عبدالله:" ادري فيها."
نزلت هديل وهي حاقرتهم ولاحتى طالعتهم ، ونااافخة الوجه عليهم ، حتى ابوعمر انتبه لها..
ابوعمر:" هدى شفيها اختج؟"
هدى:" مافيها شي دلع بس."
ابوعمر:" وش دلعه بعد؟ الا انتوا مارحتوا ملجة اختكم ؟"
هدى تبلعمت ولاعرفت وش تقول:" الا انت شدراك؟"
ابوعمر:" انااا عارف كل شي ولاتحسبين اني غشيم ماادري."
هدى:" لااا بس هم ماقلوا لنا ولالنا الشرف انروح لها، اصلا مااطيقها وش يوديني لها."
ابوعمر بخبث:" غريبة مع انها حلووة وايد ومؤدبة باين عليها."
ام عبدالله كانت بترد عليه بس هدى سبقتها:" وانت شدراك فيها ، لايكون حاط عينك عليها بعد خلاص البنت وراحت في ستين داهيه لاتقعد تحرق اعصابي."
ابوعمر:" وانتي ليش تحرقين اعصابج ، مواللي تبينه صار وتزوجنا خلاص سدي حلقج وقعدي."
هدى:" اووووه موعيشة هذي تقعد تسكت فينا على كيفك."
ابوعمر وبكل برووود:" هدي اعصابج يابعد عمري مايسووى ترى اذا عصبت بتندمين على كل كلمة قلتيها."
هدى:" يمممممه شوووفيه..!"
ابوعمر قعد يضحك على حركاته، صج انها ياااهل كل شي يصير تركض لأمها وتقعد تصيح..!!
أم عبدالله:" ابوعمر واللي يرحم والديك لاتقعد تأذي بنتي على اللي يسوى واللي مايسوى."
ابوعمر:" والله انا ماقلت شي."
وسكت عنهم وقعد يطالع الفلم ، بهالوقت كانت هديل راجعه لغرفتها ، شكلها كان رغم حزنها حلووة..!! وتلفت النظر بهدوئها ورزانتها.. كل هالاشياء كانت قاعدة تجذب بوعمرلها..!! كان يطالعها من تحت لتحت، ويتأمل فيها وبتصرفاتها، فعلاً الله خلق وفرق بين هالأختين..!!
(( اييييييه والله اني غلطان يوم تزوجت هالبلوة ، لكن شسوي حظ ونصيب خسااارة بس مايصير اتزوجها، لكن شعليه كل شي وله حلّ عندي..!!! ))

^^^^^^^^^^^^^^^^^^^^^^^^
كانوا قاعدين بالشقة ضحك وسوالف وشرب وصياااعه وضيااع..!! فهد كان سرحاان يفكر بسحر، كان خاطرة يشوووفهااا..!! فجأة قام عنهم وراح حجرته، وقبل لايدخل..
سعود:" وين يالحبيب؟؟"
فهد:" دقايق وراجع لكم."
دخل وطلع من جيس خاشه بأحد ادراج طاولة صغيرة بالزاوية ، كان فيه شوية مخدرات..!! اشتمهاااا وبعد دقايق حس ان رااااسه وقف شووي ، طلع تلفونه واتصل على سحر.
سحر وهي اطالع الرقم (( افففف وش هالبلوة شفيه متصل الحين وش يفكني منه ، أرد عليه لايسوي لي سوالف )) :" الووو."
فهد وبصوت كله دووخة وبحّة:" هلا حياااتي ، ليش ماتردين بسرعه؟؟"
سحر:" مشغولة شوي."
فهد:" بشنوو مشغولة؟"
سحر:" اوووه شفيك شيخصك بشنو مشغولة؟ وبعدين شتبي داق الحين؟"
فهد وبدأ يعصب:" انتي اللي جودي لسانج،وسمعيني ابيج اتيين الحين شقتي فاهمه مشتاق لج."
سحر تفاجأت بطلبة، الحين المغرب ومابتقدر تروح له وخصوصاً الليلة لأنها تبي تروح ملجة محمد..
فهد:" شفيج ساكته يالله تعاالي بسرعه."
سحر بتردد:" بس,,,,"
فهد:" بس شنو الحين يعني الحين لاتقعدين اطلعين لي حجج واهيه ، والا ترى تعرفين وش ممكن اسوي لج ، لاتنسين اتفاقنا ياعسل."
سحر:" الليلة ملجة ولد خالتي."
قام يصارخ عليها:" وانتي شيدخلج الرقاصة مالتهم، قلت لج تعالي وياالله عن السخافة عليّ باي." قطع الخط بويهها وماعطاها فرصة تتكلم ، خلاها بورطة وموعارفة شلون تتخلص منه ، والحين شلون بتروح شقته..؟!
رمت التلفون على سريرها وقعدت تفكر ، كانت متعدلة علشان بتروح ملجة محمد وتخرب عليهم..!! لكن الحظ هالمرة لعب دوره ووقف مع شوق ، ولعبة سحر هالمرة مابتتحقق ، لكن لعبة ثانية قاعدة ادور عليها وموهقتها (( افففف شسوووي وياهالبلوة اللي ابتليت فيها، انا الحين شلون اروح له، الأكيد ان امي مابتروح الملجة ، وعنودووو بتروح وانا، لكن يووووه احترت ولاني عارفة حتى افكر. اتصل لميثة وأقول لها اتيني هني وتوديني ))
اتصلت في ميثة وماردت عليها (( وين طست هذي اكيد طالعه بره ، افففففف شسوي الحين، خلني ادق عليها مرة ثانية قبل لايتصل الزفت فهد ويزفني ))
ميثة وبصوت متخدر:" الوووو."
سحر:" حشى ناااايمة هالحزة؟"
ميثة:" هااا منووو؟؟"
سحر:" هذا انا الله ياخذج قعدي بسج رقااد خستي وانتي كل نايمة ، قوومي انا بورطة."
ميثة بس سمعت كلمة ورطة قعدت عدل:" خيير وش صاير؟"
سحر:" فهد يبيني اروح له الحين."
ميثة:" الحين؟ شلون وملجة محمد؟"
سحر:" شدراني فيه قال لي لازم اتيين وانا لازم اروح له."
ميثة:" زين تبين اوصلج؟"
سحر:" ايييييه موهذا اللي انا متصلة علشانه يالله بسرعه ، انا جاهزة انطرج زين."
ميثة:" دقايق وانا عندج."
بسرعه قامت ميثة وجهزت نفسها، وراحت تاخذ سحر اللي كانت تنتظرها...
وبالصالة تحت كانت أم فيصل قاعدة تفكر بأختها وبولد اختها وتفاجأت بسحر اللي كانت بتطلع..
ام فيصل:" سحر وين رايحة؟"
سحر بتوتر:" هاااا هلا يمه، بطلع شوي."
ام فيصل:" شفيج موعلى بعضج؟ موكنتي بتروحين ملجة محمد؟"
سحر:" لايمه غيرت رايي مابروح نسيتي اخوي فيصل شلون عصب وبعدين هو قال خلوا كل شي عليّ، وانا هالمرة بخليه يتصرف وبعدين بجي دوري انا."
ام فيصل كانت واااااثقة في بيتها ثقة عميااااء، وخلتها تطلع من غير حتى ماتسألها وين ومع من بتطلعين..!!
وفي السيارة كانت سحر ساكتة وتفكر بفهد وبمحمد وبشوق وبطريقة تفكها من فهد وبطرقة ثانية تهدم فيها حياة شوق..!!
ميثة:" شفيج ساكته؟"
سحر:" ولاشي، بتنزلين وياي؟"
ميثة:" لامابنزل بس تدرين زين قعدتيني عبدالعزيز ينتظرني في مغارة علي بابا."
سحر:" انتي تروحين له هناك؟"
ميثة:" ايه كل يومين اروح." كانت ميثة تتكلم عادي وكأن السالفة عادية ماتهمها في شي، ميثة كانت انسانة ضااايعه اهلها موفاضين لها ولايسألون عنها وين راحت والا من وين جايه ، امها لاهيه بصديقاتها وبمغازلها..!! والأبووو من صوب ثاني لاهي بعلاقاته النسائية، يعني هذا الشبل من هذا الأسد ، ميثة طلعت انسانة مفرغة من الداخل ومن الخارج.. مالها هدف ولامعنى بالحياة، وحيدة أمها وأبوها وكل ماتطلبه مجاب حتى تعليم سياقة وتعلمت ، ماكانت تحب السوااقين ابداااً..!!
ميثة:" وصلنا ، زين متى تبيني اردج البيت؟"
سحر:" بتصل فيج يمكن مااتأخر اوكي يالله باااي."
ميثة:" بااااي."
نزلت سحر وبسرعه دخلت المصعد وركبت لشقة فهد، وصلت عند الباب ودقت الجرس ، وبعد ثواني انفتح الباب، كانت متنقبة علشان محد يعرفها ويقول لأهلها بعدين..
طالعت اللي فتح لها الباب بإستغراب، وبالمقابل اللي فتحه قاعد يطالعها بإستغراب:" خير اختي تبين شي؟"
طالعته وتمت ساكته، استغرب وسألها:" اختي مضيعه؟ والا تبين صدقه؟"
سحر ارتفع ضغطها وبغط تصفقة بشنطتها، لولا انها سمعت صوت فهد يسأل:" منووو بالباب ياعيسى؟"
عيسى:" شدراني تعااال شوف الظاهر وحدة طرارة." قالها وقعد يضحك..ز
جه فهد ومن شافها عرفها، طالع عيسى وغمز له:" طرارة بعينك يالأعمى."
عيسى:" وانا شدراني."
فهد:" دخلي."
سحر:" لاماني داخله، ماقلت لي ان عندك ناس هني."
فهد:" قلت لج دخلي لاتعورين راسي ترى واصل حدي."
عيسى وهو قاعد يشرب عصييييييير>> عارفين العصير..!! :" اقوول شفيك طولت عند الباب لايكون تبون تروحون اطرون من ورانا..!!"
سعود:" ههههههههه اقول عيسى اسكت لايرميك بره الشقة الحين."
سحر:" قلت لك ماني داخلة طلعهم بعدين ادخل."
فهد:"ههههههههههههههههههههههههههههههه والله ضحكتيني." وسحبها بالقوووة من ايدها ودخلها الشقة.
سحر طاحت على الأرض، طالعوها كلهم بنظرات سخرية وإستهزاء..!! فهد وهو رافعها:" قلت بالطيب ياحبيبتي مادخلتي شسوي لج يعني، يالله فصخي الرايبون اللي عليج وقعدي، خلينا نستانس ياعسل.."
سعود:" اقوول فهوودي حبيبي هذي الفرس اللي قلت لي عنها."
فهد:" اييييييييه هذي هي والحين بتشوفها، مو انا قلت لك كل شي بوقته حلووو ياحلووو."
سحر كانت قاعدة اطالعهم وقلبها شوي ويطلع من صدرها..موعارفة وش يتحجون عنه.. قام عيسى وقعد صوبها.. فلعه فهد بالرموت:" قم ياااالله قم ."
عيسى:" افااااا مالنا نصيب بالحلوين.."
سحر وقفت يوم سمعته يقول هالكلمة:" ااااي حلووين واي خرابيط ، طلعني من هني يافهد."
طالعوا بعضهم وقعدوا يضحكون عليهااا وبصووت عاااالي، وبصوت تشمأز منه النفس..
فهد:" قعدي مكانج ، قال اطلعها قال، لاياماما طلعه من هني الحين لاااا ، مااطلعين الا على مزاااجي."
قام لها وجراها لحجرته داخل واعتدى عليها غصباً عنها، وبعد ماخلص فهد لبس هدومه ونادى سعود ووراه عيسى واعتدوا عليهاا ، كانت ليلة سوودة بالنسبة لسحر، ميثة وعبدالعزيز ماكانوا يدرون باللي قاعد يصير في سحر.
أما سحر فكانت تصيح وتندب حظها وباليوم اللي تعرفت فيه على فهد ، وكل حقدها وغضبها على فهد كانت تتوعد فيه على محمد وشوق وبيت خالتها..!! ضحكات سعود وفهد وعيسى رسخت في ذهنها، تمت قاعدة بحجرة فهد وتصيح الساعه كانت 9:30 وبعدها قاعدة ، لبست ثيابها وعباتها وطلعت بره الحجرة كان سعود نايم ، وعيسى طلع من الشقة اما فهد فكان وقاعد يطالع شريط الفديو اللي صوره هالليلة هذي..!! اول ماشافته انصدمت ، يعني وعوده لها في انه ماراح يصورها مرة ثانية كلها جذب في جذب.. هجمت عليه مثل اللبؤة وهي تصيح وتضربه:" ياحقير ياحيوان ، انت قايل مابتوصل ياالنذل ." وتمت تضرب فيه وتسبه وهو يضحك عليها، وبقبضة ايده قدر يوقفها، كان اقوى منها ألف مرة..
فهد:" قلت لج تسوين اللي ابيه غصباً عليج وعلى اللي خلفوووج فاهمه ، واذا عاندتي مرة ثانية صدقيني الشريط هذا بتشوفينه بكل مكااان وأول شخص أمج وأبوج بوديه لهم ياعاااهره."
كلماته مثل سهام من نار بقلبها، الحقد عمى عينها وقلبها، خلاها تبي تنتقم من كل شخص آذاها بيوم اوللحظة.. طلعت بسرعه من شقته وكانت ميثة تنتظرها تحت لأنها اتصلت فيها وقالت لها تمر عليها..
ميثة بإستغراب:" سحر شفيج؟؟"
سحر انفجرت من لصيااح وماقدرت توقف ، ميثة استغربت حالها، لأول مرة تشوفها بهالطريقة تصيح كانت تكسر الخاطر وقفت السيارة على صوب وحاولت تعرف شي منها..
ميثة بخووف وقلق:" شفيج قولي لي صار لج شي؟ سوى لج شي فهد؟"
سحر وهي رافعه راسها ولدموع مغرقة وجهها وبصوت كله وعيييد وغضب:" قولي وش ماسوى فيني النذل."
طالعتها بنظرات كلها استفهام واستغراب:" ليش وش اللي صار ياسحر طيحتي قلبي."
كانت سحر مترددة تقول لميثة والا لا، وبالأخير قررت انها تقول لها يمكن تساعدها وتلقى لها حل ويهالمشكلة هذي.
ظلت ميثة ساكته وسحر تتكلم وتتكلم وتتكلم ، وموعارفة وش ترد عليها، حضنتها وقالت لها:" هدي نفسج الحين وباجر نشوف وش بنسوي."
سحر كانت بوادي أما ميثة فكان الخوف والرعب يسري فيها (( ماأدري اذا عبدالعزيز بعد كان مسوي مثل فهد والا لا؟ معقوولة يصورني وانا مدري؟ لازم باجر اتفاهم وياه على كل شي واعرف ليش سوو جذي؟ ))
كلام سحر خلاها بصدمة كبيرة موقادرة تستوعبها، كل اللي صار لسحر ماكانت متفقه فيه وياعبدالعزيز وفهد، اتفاقهم كان بس علشان يكسرون غرورها وخلونها تحس ان فيه ناس من حولها وان موهي الوحيدة بنت العز والحسب وصاحبة الجمال والدلال. بس تصوير بالفيديو وتهديد والإعتداء اللي صار لها الليلة كل هذا ماكانت تدري فيه، حست ميثة بندم وألم لكن بعد شنو؟ بعد فوات الأوووان..!!

^^^^^^^^^^^^^^^^^^^^^^^^