غريبه بين اهلي للكاتبه دمعه سراب>>روايه اماراتيه روعه

العصر بعد الصلاة كانوا قاعدين كلهم بالبيت، شيخة وعيالها، أبوها وأمها وأخوانها كلهم. سمر كانت تسولف ويابدور عن شوق، خلود وسيف مثل الأطرش بالزفة.. أما أحمد ماكان باله وياهم لأن قاعد يطالع التلفزيون>> فاضي..
خلود تسأل سيف:" ووش السالفة؟؟"
سيف:" والله مدري خبري خبرج اذا تعرفين شي قولي لي.."
خلود:" هيييييييييي بدورو سمر شالسالفة؟؟؟"
سمر:" ماكو شي سكتي." وردت تسولف ويابدور..
سيف:"هههههه سكتوها،، أقوول انا بطلع الظاهر اذا قعدت أكثر باجن، يبه أنا بطلع شوي تامرني شي؟"
أبومحمد:" لايبه بس خلصت امتحانات والاللحين؟"
سيف:" باقي علي امتحانين وأخلص."
أبومحمد:" ايه حط بالك زين بيض الويه."
سيف:" ان شاءالله ، مع السلامة."
أم محمد:" الله يحفظك."
شيخة:" يبه والحين باقي يومين.. مايصير نسكت عن الموضوع."
سمر:" إيييه يبه حرااام المسكينه يصير فيها جذي."
خلود مستغربة واطالعهم وتفكر(( وش السالفة شفيهم؟؟ منو هذي اللي حرام يصير فيها جذي؟؟)) طالعت بدور وسألتها:" بدور وش صاير؟ منو هذي اللي تسولفون عنها؟"
بدور:" بعدين بعدين مب الحين."
خلود انقهرت لأن محد عاطنا ويه وقايل لها وش صاير.. وحاولت تسأل أخوها لكن أحمد مشغول بالتلفزيون ولايدري وش صاير عندهم. بالرغم انه يعرف سالفة أخته اللي صارت.
أبومحمد:" انا قلت لكم مااقدر اتصرف على كيفي الشغلة يبالها تفكير."
أم محمد:" صاج أبوكم وش بيده يسويه، مالكم الا الدعاء لها بأن الله يفرج عنها."
بدور كان مقهورة وودها تذبح أبوشوق اللي مايخلي رحمة الله تنزل.. ظلت ساكته وتفكر شلون توصل لشوق وتتكلم وياها.
شيخة:" يبه انت شلون عرفت اللي بيتزوجها هذا؟؟"
ابومحمد:" هذا دلال على أراضي وعقارات."
شيخة:" وش أسمه؟؟"
أبومحمد:" ينادونه ابوعمر وأسمه خلف ليش؟"
شيخة:" بس اسأل،، زين ماقدرت تستفسر عنه شي ثاني.؟"
أبومحمد:" والله من سمعته دارت بي الدنيا، وماعرفت وش آقول له."
سمر كانت تفكر بشوق اللي تكسر الخاطر من المآسي اللي قاعده تصير لها، مايكفيها الضرب اللي تحصلة ويزود عليها أبوها بزواج مصلحة. أما خلود انقهرت وراحت غرفتها.
بدور:" سمر أبي اتصل فيها بس أخاف تشيله أمها وتقعد تسأل ليش؟"
سمر:" قولي لها تبين تسألين عنها، وثانياً هي تعرف أمج يعني عادي."
بدور:" يعني تهقين عادي؟؟"
سمر:" لاتعقدين السالفة، قووومي أتصلي وشوفي."
وقامت القسم الثاني من الصالة وبتتصل، وبعد دقيقة ردت مكانها والإحباط على ويهها.
سمر:" خير؟؟"
بدور:" اي خير، ردت علي أختها هدى وقالت لي أن أبوها مانعنها ترد على أي تلفون."
سمر:" صج حقير."
سمعها ابوها وطالعها، سمر:" آسفه ماقصدت اقول هالكلام."
أبومحمد:" شيخة أبيج تتصلين لأم عبدالله وتسألينها عن السالفة."
شيخة:" واذا سألتها وش بنستفيد؟؟ يبه انت لازم تواجه بوعبدالله وتحاول تمنعه ينفذ اللي براسه."
أبومحمد:" اذا واجهته بتصير مشاكل مالها آخر، ومابي أعرض سمعة العايلة لكلام الناس."
شيخة:" يعني زواج شوق مابخلينا عرضة لكلام الناس، الكل يدري انها تصير لنا."
أبومحمد:" مدام أبوها على وجه الدنيا ماقدر اسوي لها شي غير مساعدات بسيطة، مااقدر أمنعه."
شيخة:"و الشرع؟؟"
أبومحمد:" وانتي تهقين ابوها يهتم للشرع والا للدين، اللي مايصلي مايخاف الله ولاممكن انه يكترث بشي."
بدور وسمر قاموا وراحوا فوق لخلود يقولون لها السالفة، أما أحمد رقد مكانه ونبهته شيخة يروح لغرفته يرتاح..أماأبوها فكان متضايق وطلع الحديقة يقعد بره ويا أمها. وهي ظلت تفكر بالمصيبه اللي بتصير لشوق.

^^^^^^^^^^^^^^^^^^^^^^^^

كانت قاعدة بغرفتها وناصبه العزا فيها..!! ماكانت تطلع من الغرفة ولاتاكل ولاتشرب من القهر والظيم.كانت مطلعة صورة أمها وتكلمها ودموعها مغرقة الصورة وويهها! " آآآآآآآآه،، آآآآآآآآآآآآآه يايمه شفتي وش صار في بنتج؟؟ شفتي يايمه أبووي وش يبي يسوي فيني؟؟ ليييش يايمه رحتي وخليتيني لييييييش ، لييييييييش خليتيني لعذاب ابوي وظلم زوجته..؟! شفتي يمه بنتج بزفونها لواحد أكبرمنها بسنين، لواحد مثل أبوها..!! يمه ياريييييت أخذتنيني ويااااج.."
ظلت تصيح وهي حاضنة الصورة.

وبالصالة تحت..
أم عبدالله:" هههههههه والله صدقتي بنستريح جريب من ويهها."
هدى:" بس يمه بسألج هو غني؟"
أم عبدالله:" ابوج يقول انه بخير يعني اكييييييد راح يفيدنا."
هدى:" أكييييد هذا شي ضروري.."
كانت هديل نازلة من على الدري وسمعتهم:" حرااام عليكم تسون فيها جذي، يمه لاتخلين أبوي يزوجها لأبوعمر.واللي يخليج."
أم عبدالله تضحك استهزاء:" ههههههههههههههه وش تقولين انتي أكيد خرفتي، مابغينا نفتك منها تبينا نخليه يرد بكلامها، وحتى لو قلت له مستحيل يتراجع بعد ماعطى الريال كلمة."
هديل:" انتي تقدرين تمنعينه بس ماتبين هذا الشي يصير لأن موبمصلحتج صح."
هدى كانت قاعدة وتسمع مشاحناتهم.. أم عبدالله:" شوفي اذا ماسديتي هالحلج بكسر راسج فاهمه، يالله ذلفي من ويهي."
هديل:" بروح بس الله أكبر عليكم."
ام عبدالله:" شوفي هالبنت ادعي علينا، حسبي الله عليج من ابنيه، والله لوماانتي بنتي كسرت ظلوعج."
هدى وتحاول تهدي أمها:" يمه بس خلاص ماعليج منها، لاتوترين نفسج علشانها."
أم عبدالله:" وييييين الواحد مايعصب وعنده عيال تسد النفس."
هدى:" وانا منهم؟"
أم عبدالله:" لااااا أكييييييد إنتي غير،، الاوينها ماتبين؟"
هدى:" فوق بغرفتها ذابحة روحها من لصياح، ولانزلت تاكل ولاشي."
أم عبدالله:" ههههه خلها تصيح من الحين لبعد اسبوع زواج وبتزوج غصباً عليها، حرمت نفسها من الأكل، الشرب بكيفها بس نفتك منها."
هدى والفرحة مب واسعتها:"ان شاااااااااااااااااااااااااااااءالله، ههههههه."

^^^^^^^^^^^^^^^^^^^^^^^^
وبلندن الساعة ثنتين الظهر..
حمد:" يالله ياأخي شفيك انت لمتى بتظلون متنا جووووع.."
فيصل:" بس هذا انت مايهمك الااا الأكل، صبر شوي زوجتي للحين ماجهزت."
حمد:" ولييييه انا قايل حريم ويانا مايصلح."
محمد:"ههههههه والله راحت عليك ياحمد."
فيصل:" نعم نعم وش قلت؟؟ اقووول سد حلجك وانثبر مكانك."
حمد وهو رايح عند باب غرفتهم:"افففففف انا بدخل اذا خلصتوا خبروني."
فيصل:" أحسن.. محمد وش قلت اليوم لازم تروح للمستشفى علشان تباشر علاجك."
محمد:" ماعليه بعد صلاة المغرب ان شاءالله، والله جعنا وينها؟"
فيصل:" خلصنا من هذاك تطلع لي أنت صبر بروح أشوف." وطلع من غرفتهم وراح لغرفته ودق الباب:" نجوود ماخلصتي؟؟"
نجود وهي فاتحه الباب:" خلصت."
فيصل:" يالله يابنت الحلال عورو راسي بياكلوني."
نجود:"ههههههه، يالله ماعليه خلصنا روح نادهم علشان ننزل."
وراح دق عليهم الباب وطلعوا له.. كان محمد الوحيد طبعاً على كرسي كان حاس بشوية ضيق من شكله.أخذوا سيارة من الفندق وراحوا يتغذون بمطعم، وطبعاً المطاعم ولاأروع.أول مادخلوا فتح الموظف لهم الباب:" Good afternoon sir."
حمد:" Good after noon, a table for four ."
الموظف وهو يأشر على إحدى الطاولات:" Yes, please would you like this table the window? "
حمد طالعهم وياخذ رايهم:" وش رايكم؟"
محمد:" وش رايكم أنا بالنسبة لي المكان حلوو."
نجود:" اوكي."
حمد:" yes thank you . "
وبعد ماقعدوا بأماكنهم ياب لهم المنيو:" Here's the menus. "
محمد:" thank you. "
قعدت نجود تتصفح القائمة ومحتارة وش تطلب، والشباب بعد نفس الشي:" فيصل وش بتاكل؟"
فيصل:" والله مدري وش أطلب، تعرفوني ماآكل أكل من بره وايد."
حمد:" وش رايكم تاكلون لحم خرووف."
محمد:"اكله انت مابي أنا."
فيصل:" انا قررت وش أبي، وانتي نجود؟"
نجود:"وانا بعد ، بس ماراح آكل أشياء دسمة وايد."
محمد:" كيفج بس لازم تاكلين."
حمد:" يالله شنو نطلب والابعد بتجوعونا أكثر؟"
محمد:"لااااا خلاااااص بنطلب ." وياهم الجرسون:" yes sir, what will we have first? "
محمد:" Will, we won't soup, some roast potatoes, roasted meat and beefsteak and salad ok."
حمد:" وووول كل هذا بناكله؟!"
فيصل:" انت تقول بتمووووت من الجوع ياالله شد حيلك واكل."
نجود:"هههههه اليوم بتصيده التخمة."
وسأله الجرسون وش يبون يشربون..
محمد:" هييي انتوا وش تبون تشربون؟؟"
حمد:" انا أبي عصير برتقال، وانتو؟"
فيصل:" انا احب عصير الفراولة وزوجتي بعد."
محمد:" وانا وياكم." وقال للجرسون:" And give me 3 grape-fruit and one orange-juice. "
الجرسون:" Ok just ten minute. "
محمد:"Ok "
وراح الجرسون.. وبعد وجبة دسمة للجميع قرروا يرجعون الفندق..لأن صلاة العصر جربت.
فيصل وهو داخل غرفته ويقول لها:"وتقول مابي أكل دسم بعد، اشوفج خليتي شي."
طالعته وحاطة يدينها بخصرها:" والله أنتو ماقصرتوا، كل اللي طلبتوه خفيييييييف، بس بعد ماكثرت."
فيصل:" شي أكييييييييد."
نجود:" وش تقصد؟؟"
فيصل:"هههه ماقصد شي."
نجود وبعدمافصخت عباتها وشيلتها:" يالله بقوم أصلي." وهي قايمة:" حبيبي محمد بروح المستشفى؟"
فيصل ويجهز نفسه للوضوء:" يقول بعد صلاة المغرب، ليش؟"
نجود:" لا بس اسأل."
وبعد ماصلوا صلاة العصر قعد معاها بالصالة الصغيرة.. وفتح التلفزيون وقعد يفرفر بالقنوات ولاثبت على قناة.
نجود:" فيصل دوختني وقت بس عااااااد."
فيصل:" والله برامجهم تلووع الجبد مافي شي عدل."
نجود:" من زين برامجنا يعني."
فيصل:" على الأقل في برامج تتطالع هني لااااا."
نجود:" زين ماعلي من البرامج، ممكن أكلمك بموضوع؟"
فيصل:" آمري قوولي وش عندج؟"
نجود:"حبيبي مابيك تعصب بس أبيك تسمعني بهدوء وبعدين عطني رايك اتفقنا؟"
فيصل واللي شك بالسالفة وحس انه يعرفها:" اوكي."
نجود:"انا يايه هني علشان نفحص من جديد وأنشوف اذا كان ممكن أحمـ..." وقاطعها على طول وماترك لها مجال تكمل:" لااااااا، انا قلت لج راي من قبل أنا راااااااضي باللي انقسم لي. مايحتاج اتعبين نفسج واتعبيني."
نجود:" بس يافيصل مايصير احرمك من أبسط حقوقك."
فيصل:" حبيبتي فهميني حقوقي واصلتني بالكامل مابي أي شي غيرج انتي، اذا رب العالمين كاتب لنا ماانيب عيال خلااااص ارضي يابنت الناس ولااتعبين عمرج."
نجود والدموع تنزل على خدها:"لااااا لاااازم نسوي فحوصات وندخل على أطباء يمكن نلقى علاج لاتحرمني من أمنيتي."
فيصل نزل راسة:" واذا ماكو فايدة؟"
نجود:" أوعدك أني ماراح أفتح موضوع العلاج مرة ثانيه."
فيصل وهو يمسح دموعها:" أكيييييييد؟؟"
نجود تهز راسها بالإيجاب:" صدقني أبي سعادتك بالدنيا."
فيصل:" ياعمري أنتي، سعادتي معاااج وبس."
إبتسمت وحضنته تمت تصيح لأنها مب قادرة تحقق أمنيته..

^^^^^^^^^^^^^^^^^^^^^^^^

الساعة ثمان..
أم محمد:" سيف، قوم أتصل لأخوك من زمان ماسمعت صوته.."
سيف:" يمه توج اليوم الصبح مكلمته وين من زمان؟"
أم محمد:" أخوك وأختك بغربة لازم أطمن عليهم، يالله والا بقوم انا."
سيف:" لاتقومين ولااتعبين نفسج، انا بتصل."
ودق على رقم الفندق وحولوه لغرفة محمد وحمد:" ألووووو."
حمد:"هلاااااا والله بهالصوت شخبارك؟"
سيف:" بخير الحمدلله أنتوا شخباركم؟ وش مسوين؟؟ أكييييد الجو على كيف كيفك هناك."
حمد:" اوووه، صدقني وناسة ياليتكم كنتوا ويانا."
سيف:" يالله الجايات اكثر من الرايحات، وين محمد؟"
حمد:" محمد بغرفته لحظة وحده اوكي."
سيف:" اوكي."
وراح بسرعه يناديه:" محمد تلفون من بيتكم يالله بسرعه." ودفع الكرسي له وبسرعه رد عليهم:"الووو..هلا وعليكم السلام يالقاطع."
سيف:"هههه شدعوة اللي يقول مسكت انت بالإتصال، شخبارك؟ وشخبار أختي وريلها؟"
محمد:"كلنا بخير نسأل عنكم، وين الوالد والوالدة؟ وأخواني؟"
سيف:"أحمد طلع، وانا اراجع باجي امتحانين وأخلص وسمروخلود كاهم نازلين وأمي يمي ذابحتني من الضرب علشان تبي تكلمك."
محمد:"هههههههههههه قصة هي، عطني أكلمهم."
أم محمد:"هلا يمه شخبارك؟"
محمد:"ياهلاويامرحبا بالغاليه والله عاش من سمع صوتج يمه، انا بخير بدعائج لي."
أم محمد:" يمه قول لي انت بخير لاتخشون علي شي.."
محمد:"ههههههههه يعني وش بصير فيني يايمه، والله بخير والحمدلله وان شاءالله بعد جم ساعه بروح المستشفى."
أم محمد:" ايه انتبه لنفسك، ولاتسرعون بالطريج هالله هالله يايمه."
محمد:"من عيوني انتي بس لاتحاتين، الا وين أبوي؟؟"
من سألها عن أبوه تذكرت حاله وماحبت تقول له عن شي:" ابوك بخير بس تعرف مشغول بالشركة وايد، واذا رد البيت بخليه يكلمك."
محمد:" الله يعطيه العافية وسلمي عليه وايد."
أم محمد:"ان شااااءالله، يالله ياولدي هذلين خواتك يبون يكلمونك."
محمد:"اوكي، هلا خلود هلا بهالصوت شخبارج، والله فجيتوا علي وااااااايد."
خلود:"هلا بيك، وحشتني وااااااااااايد وااااايد، شدعوة ماتسأل عني لوماني أختك."
محمد واللي فطس من الضحك عليها:"هههههههههههههههههههه لاوالله نسيت أطلب منج السماح، اللي يشوفج خطيبتي مب أختي خخخخخ."
خلود:" تطنز هاااا لكن ماعليه أوريك، المهم مابي أطول لأن الملقوفة اللي يمي تبي تكلمك."
محمد:"هههههههه من الملقوفة؟؟"
خلود:"من بعد غير سمووور."
محمد:"عطيني اياها، ألووو."
سمرماخذه السماعه وضربتها ضربه على جتفها:"ألو السلام عليكم."
محمد:"هلا وغلا سموور شخبارج حبيبتي؟"
سمر:"والله اسأل عنك، شخبارك وش أخبار نجود؟"
محمد:"بخييييييييييير كلنا، شخبار إمتحاناتج؟ وش سويتي فيها؟"
سمر:"تمام باجي إمتحان وأخلص."
محمد:"زين شدي حيلج ويبي مجموع."
سمر:"لاتحاتي، ابيض الويه."
محمد:"أعرفج ذكيه، زين سموور مابي أطول أكثر عليكم سملي على أحمد وقولي له يتصل خلنا نسمع صوته، واذا قدرت أنا بتصل فيه اوكي ولاتنسين سلموا على شيخة وقوليهلها يقولج محمد يالقاااااااطعه."
سمروهي تضحك:"ان شاءالله سلم عليهم وانتبه لنفسك."
محمد:"ان شاءالله، يالله مع السلامة."
سمر:"الله يسلمك."
وصكت التلفون وراحت لأختها الي اطالع التلفزيون ورمت عليها مخده صغيرة:"اذا انا ملقوفة انتي وش تطلعين."
خلود:"هههههههه أمممممزح معااااه والله صدقيني."
سمر:" آخر مرة لج."

^^^^^^^^^^^^^^^^^^^^^^^^

الساعات تمشي بسرعه، واليوم جرب يخلص ويبقى يوم على زواج شوق أم فيصل سمعت الخبر من أختها وقالت لها انهم مالازم يسوون شي لأن أكيد بيصيدهم كلام الناس وكلامهم مايرحمهم..!! وفي بيت أم فيصل كانت العنود قاعدة تقرأ في كتب تفيدها بوقت الفراغ، أما البرنسيسة سحر قاعدة فوق وأحلامها.
سحر:"اففففففف وش هالملل هذا، متى أخلص من هالإمتحانات وأبدأ الاجازة."
وتوها تقول جذي والا واصلها مسج، وأول مافتحته حست إن قلبها وقف بلحظة(( شحال اللي غيابه حيل يتعبنا ،عزيز إن سأل عنا وعزيز لوغاب وماتذكرنا!)).. وثواني واصلها مسج ثاني ((أبني حدود الصبر دونك وتنهااار.. مشتاق أشوفك لكن البعد جباااار.)) كانت المسجات من محمد،، ماتوقعت انه يرسل لها حست بضيق لما قرت مسجاته، عكس الأول لما كانت تقراهم اطير من الفرح وتحس بغرورها أكثر!!
سحر:"هذاااا وقته، وش اسوي له اففففف..!!"
وبعد دقايق وصلها مسج ثالث يقول(( إذا لساني مايكلمك، ترى قلبي ماينساك، ومهما يطول الوقت على بالي ذكراك.)) لكن هذا المسج كان من فهد مب من محمد. وشوي والا فهد متصل، وترددت وايد قبل لاتشيله لأن محمد شغل تفكيرها وأخيراً ردت عليه:"ألوو."
فهد:"هلاوالله، شخبارج؟"
سحر وتحاول تبين طبيعيه:" بخيرإنت شخبارك؟"
فهد:"بخير، سحر أنا آسف الظاهر اني أزعجتج اليوم يوم قلت لج إني مشغول."
سحر:"لاعاااادي."
فهد:" وش قلتي عن طلبي؟"
سحر وتسوي نفسها مب ذاكرة:" اي طلب؟"
فهد:" نسينا ماكلينا، فكرتي باللي طلبته منج؟"
سحر:"اهاااا، قلت لك لاااا مابي."
فهد:"لييييييش زين ابي اعرف السبب ممكن؟"
سحر:" شوف اذا انا ابي الشي بذيك الحزة انا بقول لكن انت تطلب لاااا."
تضايق فهد من اسلوبها وغرورها الزايد لكن تحمل علشان يوصل للي يبيه:" زين ماعليه على أمرج اللي تبينه يصير، يعني ماأمللج بعدين وانا اسألج متى؟"
سحر:" مايحتاج تسأل، وقت اللي اشوفه مناسب بخبرك."
فهد:"انطر هاليوم بفااااارغ الصبر."
سحر:"لييييش؟"
فهد واللي بدى يلعب لعبته:" والله مدري صوتج، كلامج وكبريائج كل شي يخليني أشتاق لشوفتج أكثر."
سحر كل ما سمعت كلامة حست بزيادة بالغرور والعجرفة..!! كانت ذبحتها انها تسمع كلمات الاطراء والاعجاب وخصوصاً من الشباب.
سحر:"ههه انت تشوف جذي؟؟"
فهد:" اكييييييد، الا اذا كنت اتغلين."
سحر وبدون تردد:"زين ممكن توصف نفسك؟"
فهد:"هههه لاااا لعبي غيرها، بتشوفيني يوم اللي بتحددينه، اوصف نفسي لااا."
سحر واللي ماتوقعت انه يرفض:" زين مب مشكله استفسار ثاني انت حلوو والا..؟"
وهو يضحك عليها:"والا شنو جيكر، لاتخافين وسييييييييم ويموتون علي."
حست بنوع من الغرور بكلامة:" زين بنشوف."
فهد:" قلت لج تطمني."
سحر كل اللي كان يهمها ان الشخص اللي قاعد يكلمها شكله ومستواه المادي، يعني أخلاق سمعة ماكانت تفكر فيها أبداً وهذا كان أكثر شي راح يدمرها. وبعد كلاااام شيطاني لنص الليل سكرت السماعة، كانت العلاقة بينهم تتطور بسرعه.سحر ماعادت تقدر ماتسمع صوته يوووم واحد، وهو مثل مايقول:" احلوووت اللعبه!!! "

^^^^^^^^^^^^^^^^^^^^^^^^
دخل البيت الظهر وهو مستانس لأن باقي يوم واحد وتكتمل تخطيطاته..
أبوعبدالله:" أم عبدالله وينج؟؟"
أم عبدالله بصوت عالي:" بالمطبخ."
وراح لها وهو شاق الحلج:" شووووووفي وش بيدي.."
بس شافتها طاح من يدها الصحن وانكسر من الزهقة:" ياااااالله شنو هذاااا من وين لك؟؟"
وهو يخلي شيك لفلوس بجيبه واللي عطاها اياه بوعمر:" من عند النسيب."
أم عبدالله:" بوعمر؟"
وهو يهز راسه:" لااااااااا ياخبله، هذا فوائد اللعبة اللي سويناها على بومحمد."
أم عبدالله:" وشلووون قدرتوا تاخذون كل هالفلوس؟"
ابوعبدالله:" مو شغلج هذا شغلنا احنا، لحظة بسألج وينها فيه بنت بدروه؟؟ جهزت نفسها؟"
ام عبدالله:"لاوالله من يومين وهي حابسة روحها بغرفتها تصيح، ولاأكلت ولاشي، ترى اذا مااكلت بتموت علينا عقلها احسن لها."
ابوعبدالله وعصب من سمعها:" هذا تبي تروح علينا الخير واللي سويته كله الغبيه بنت الـ,,,,." وركب بسرعه فوق وحاول يفتح الباب لكن كان مقفول وبصوته اللي زلزل البيت:" فتحي الباب لاأكسره فوووق راسج."
من سمعته دق قلبها وانملأ خوف ورعب منه، ترددت وايد قبل لاتقول من مكانها،، كانت خايفة تفتح الباب خواتها وأخوها كانوا بره يم غرفهم واقفين من سمعوا صوت ابوهم..
ابوعبدالله:" اقووولج بطلييييييه لاكسرتج انتي وياااااه."
وقامت المسكينه وفتحت الباب بيدها اللي كانت ترجف، وبس فتحته يودها من رقبتها:" اذا كنتي تعتقدين انج بتخليني اتراجع بتصرفج هذا فأنتي غلطانه وااايد، بتاكلين وبتزوجين غصباً عنج وأنا قلت لج عنادج مايفيدج ومحد يقدر يمنعني من اللي ابي اسويه." كانت حاسة انها بتختنق من كثر الضغط اللي ضغطه على رقبتها، وبعد ماخلص كلامه رماها على السرير وصادها بظهرها،وصرخت المسكينة من الألم لكنه ماهتم لها ومشى.
كانت هديل واقفة وبس طلع من الغرفة ركضت لأختها وحضنتها، وشالتها من مكانها كانت شوق هزيييييييلة بكل معنى لهالكلمة. قلة الاكل وكثر لصياح تعبها وهد حيلها.

^^^^^^^^^^^^^^^^^^^^^^^^

شيخة كانت قاعدة تتكلم ويازوجها وتحاول تلقى حل للمصيبة الثانية اللي طاحت فوق راس ابوها اللي مايدري..!! وأخيراً اتفقت وياه على انهم يروحون بيت ابوها ويكلمة بنفسه عن بوعمر. واتصلت لأبوها وقالت له ان سالم يبي يكلمه قبل لايطلع ويروح الشركة.
والساعه أربع العصر كان أبومازن وشيخة وأبومحمد قاعدين بالصالة وعيالهم فوق..أما أم محمد فكانت طالعه من البيت رايحة بيت جيرانهم.
أبومحمد:" خير سالم وش الموضوع اللي تبيني فيه؟"
طالع سالم شيخة وكأنه يسألها انه يقول له اولا، وهزت له راسها بأنه اي قول له..
سالم:" والله ياعمي مدري من وين أبدأ الموضوع معاك ، بس لازم تعرف."
أبومحمدبإستغراب:" أعرف شنو؟ تكلم لاتخليني أسحب الكلام منك."
سالم:" عمي انا سمعت من شيخة انك شاري أراضي صح؟"
ابومحمد:" ايه ليش؟"
سالم:" اللي تعاملت معاه عمي انت تعرفه زين؟"
ابومحمد:" بصراحة انا مااتعاملت وياغير هالمرة بس يقولون عنه زين."
سالم:"هه من قال لك هالحجي؟"
ابومحمد:" والله مااذكر منو، بس وش تبي فيه تبيني تشتري شي وتبيني اكلمه؟"
سالم:"لااااا مب هذا قصدي."
أبومحمد:"عيل قووول وش عندك ياولدي تراك حيرتني."
سالم:" خلف بوعمر هو الدلال اللي دلاك على الاراضي صح؟"
بومحمد:" ايه صح، وش فيييييييه لاتسكت كمل."
سالم:" عمي بصراحة هذا انسان نصاب ومحتال، ومعروف عنه بس شلون تعاملت انت معاه مدري."
ابومحمد:" مستحيل شلووون تقول عن الريال جذي."
سالم:"عمي الكلام اللي اقول لك صج، وانا اعرفه زين بوعمر، احتال على ناس وايد وباعهم اراضي مبيوعه، وأصحابها مايدرون..!!"
ابومحمد واللي انصدم من سمع هالخبر اللي مايسر:" شنوووووووووو؟؟ والأراضي اللي شريتها أنا؟"
سالم:" انت شريت جم ارض منه؟"
ابومحمد:" ارضين والوحدة بخمسه وثلاثين ألف دينار، يعني ثنتينهم بسبعين ألف."
شيخة ماتحملت تشوف ابوها اللي مايتحمل مثل هالأخبار لأنه صحته بسرعه تتدهور..
سالم:"زين انت رحت شفت الأراضي وينها فيه وموقعها وين؟"
ابومحمد:" انا قلت له وهو راح ودور ، وكنت واثق فيه وقلت مايحتاج اروح واشوفهم."
شيخة واللي كانت ساكته طول الوقت وتسمع:" يبه شلون تشتري شي بدون ماتشوفه واتأكد منه."
ابومحمد:"هذا غبااااء مني."
شيخة وسالم:" محشووم."
سالم:" زين عمي انت عطني الوصولات اللي وقعتها وانا بشوف السالفة وان شاءالله مايكون احتال عليك."
شيخة:" ان شاءالله."
ابومحمد:"الله يستر، انت تعااال معاي الشركة وبعطيك اياهم."
سالم:" ان شاءالله، توكلنا على الله."
وطلعوا من البيت وظلت شيخة قاعدة بالصالة تفكر باللي قاعد يصير فيهم..

^^^^^^^^^^^^^^^^^^^^^^^^
بعد صلاة المغرب صلوا في بيت أبوها وظلوا قاعدين هناك، عيالها ماكانوا يبون يطلعون من بيت يدهم. وهي كان بالها مشغول بأبوها وبمشكلة شوق. نزلوا البنات وظل مازن يلعب فوق وياخاله سيف.
سمر:" شيخة يسلم عليج محمد ويقول لج يالقااااااااطعه."
شيخة:" يابعد عمري والله المشاكل لهتني عنه ونسيت اتصل له."
بدور:"ههههه نفس الكلام بسفرته اللي راحت، مشغوله ومدري شنو وماتصلتي فيه."
شيخة:" سكتي انتي."
خلود:"ههههههه فضحتها، أقووول قومي اتصلي فيه احسن لامايكلمج شهر."
شيخة:" مايقدر، بس بقوم اتصل له."
وراحت طلعت تلفونها واتصلت فيه وبعد ربع ساعة من السوالف، اتصلت لأختها وقعدت تسولف معاها، وسلمت عليها بدور والبناب بعد. أما يدتهم كانت بغرفتها فوق تقرأ قرآن وتدعي من الله ان يفرج عنهم، وعن شوق اللي حاله ماتسرلاجريب ولابعيد.
وبعد سوالف بالتلفون قعدوا يطالعون فلم.. لكن بدور كان بالها مشغول بشي ثاني غير التلفزيون. شوق اللي انقطعت أخباها وصارت ماتسمع عنها شي غير آخر خبر اللي وصلهم عن زواجها.
سمر تهز بدور:" شفييييييج وين سرحتي؟"
بدور:" ابداااا بشوق."
سمر:"ايييييه المسكينه، والله تكسر الخاطر وش انسوي مدام ابوها الظالم عايش مابتفتك من ظلمة."
بدور:" والله وحشتني وخاطري اشوفهاواوقف يمها."
سمر:" صدقيني مالنا الاالدعاء لها،اكييييد رب العالمين بساعدها."
بدور:"الله يسمع منج." وسكتت شوي وتذكرت شمس:" تصدقين سموورة خطوبة شمس جريب بعد ماتطلع النتايج."
سمر:"صج؟؟؟؟"
بدور:"اييييييييه والله نسيتها المسكينه، اكيد غايصة بتجهيزاتها."
سمر:"الله يعينها والله."
بدور:" اففففف والله مدري وش اسوي بعمري، اقول لها عن شوق؟؟ والا اسكت وبعد الخطوبة اخبرها؟"
سمر:"لااا حرام مسكينه تعكرين فرحتها خليها وبعدين خبريها."
بدور:" برااايج."

^^^^^^^^^^^^^^^^^^^^^^^^

الساعة وحدة الظهر من اليوم الثالث،، وبدأ العد التنازلي عند شوق..كانت المسكينة ذابحة عمرها ومب قادرة حتى توقف على ريلها. أبوها اتصل لأبوعمر وحدد معاه الموعد وقال له ايي الساعه اربع العصر مع الشيخ اللي بيعقد عليهم. شوق كانت فوق وخالتها أم عبدالله واقفة يم باب الغرفة وتحاول تفتح الباب:" فتحي الباب...."
ابوعبدالله كان راكب فوق وسمعها:" وش صاير بعد؟"
ام عبدالله:" مب راضيه تفتح الباب.."
هديل:" يببببببه حراااااام عليك لاتزوجها منه لاتظلمها حراااااااام."
طالعها بنظرة إحتقار لها ولكلامها وكسر باب الغرفة ودخل..!! شوق كانت قاعدة على السرير وماسكة صورة أمها بيدها، وهي تهز راسها بالرفض وتقول له:" لأ..لأ.. مستحيل."
يودها من T-Shirt اللي عليها، وقومها من مكانها لكنها فلتة منه ورجعت لورى وهي تصارخ وتصيح:" حراااااام عليك، حراااااااام عليك."
ابوعبدالله والغضب وصل حده عنده:" حلااااااااااال وغصباً عليج." وهالمرة جراها من شعرها وسحبها.. وظل يسحبها على الدرج لين ماوصلها يم باب الميلس.. ونادى زوجته وقال لها :"هاتي لها غطى تتغطى فيه."
ام عبدالله:" الحين."
عبدالله كان يركض ورى ابوووه ويشوته على ريله:" لاتسوي جذي خلها."
ابوعبدالله:" عبدالله تباااااااعد لااضربك."
هديل وتمسح دموعها من على خدها:" عبدالله حبيبي تبااااعد تعاااال يمي."
وركض لها وهو يصيح:" هديل ليش ابوي يسوي جذي؟ ليش يضربها؟ انا احبها لايضربها."
هديل زادت بالصياح يوم سمعته يقول جذي:" مدري.."
الوحيدة اللي كانت مستانسة هدى، وطبعاً أمها لأنهم خلااااص بيستريحون منها للأبد.. ويابت لها عباه علشان تلبسها اياه.. كان الشيخ اللي بيعقد للحين ماوصل.. ماكانو يبون يروحون المحكمة يعقدون لأن مايبي يوديها لاتفضحة هناك. وبعد ريع ساعه من الإنتظار دق بوعمر جرس الباب ومعاه الشهود والشيخ. ودخلهم بوعبدالله الميلس.
ابوعمر:" وينها؟"
ابوعبدالله:" بره الحين بنخلص من كل شي."
وطلع بوعبدالله اييب شوق، لكن صرخة من أم عبدالله خلت الجماعه اللي هناك ايودون قلبهم من الخوف..!!

ياترى وش صار، وخلى أم عبدالله تصارخ بهذي الطريقة؟؟ شوق صادها شي؟؟ وأبومحمد اللي انصدم بأبوعمر، ياترى فعلاً غشاه بالأراضي؟؟ وسحر والمسجات اللي ياتها من محمد اللي للحين ينطر ردها عليهم؟؟ وعلاقتها مع فهد؟؟

الجزء العاشر

في لندن الساعه السادسة مساءً..
فيصل وبعصبية:" أنا قلت لج مايحتاج أصريتي علي، كنت عارف النتيجة ماكان فيه داعي انج اتصرين على الفحص مرة ثانيه وثالثة وعاشرة لأنج..لأنج بتظلين تصيحين واتصرين على علااااج بيد رب العالمين، انا راضي باللي انكتب لي عيال مابي مب لازم بينقصني شي؟ بصير شي فيني لما مايكون عندي عيال؟؟ جاوبيني.."
نجود وهي تصيح وتمسح دموعها:" كان عندي أمل ان ممكن نلقى علاج."
فيصل:" انتي تعرفين ان كل الاطباء اللي رحنا لهم أكدوا ان مافينا شي، وان هذا الشي بيد الله يعني لاتقعدين تعورين راسج بالروحة والردة. وسافرنا أكثر من مكان وكلهم نفس الكلام. ليش ماتقتنعين؟"
نجود ومااستحملت اكثر:" فيصل انا ابي لك السعادة، ابيك تصير ابو، ابي يصير لك سند لما تكبر. مابي حد يعيرني، انت ماتحس فيني يافيصل، ماتشوف نظرات الناس، وخالتي لي كل مرة اروح فيها بيتكم.والجيران.. فيصل مابي أحرمك من أنك تكون أبو."
فيصل:" وش قاعده تقولين؟ وش تخربطين انتي؟؟ الناس مايهموني وأمي ماعليها مني، أنا مرتاح جذي.."
نجود:" لاتخدع نفسك بهالكلام، انا اشوف نظراتك للعيال لماتشوفهم، لاتحسب اني ماألمح نظرات الألم والحسرة اللي تحس فيها."
فيصل تم ساكت ويفكربكلامها، هو فعلاً كان يكابر ويخدع نفسه بهالكلام لأن مايبي يخسر زوجته اللي يحبها ويموووت فيها.طالعها بعيونة اللي انملت أدموع:" أنا مابي أخسرج، مابيج تضيعين مني علشان أتلبين لي هالرغبة، أنا أحببببببج تعرفين شنوو أحببببببببج ومستحيل أفكر بشي غيرج حتى لوكان هالشي يخليني أكون سعيد.."
كانت تعرف ان كل كلمه يقولها يكابر فيها، لأنها تعرفه زين تعرف انه بحاجه لهذا الولد.. تعرف شعورة اللي كل ماحد ياب طاري لعيال تجمعت الآلام بقلبة..صح يحبها ويموت فيها بس لوإنها اتييب له ياهل كانت علاقتهم تقوى أكثر وأكثر وتكون أكثر ترابط...!

^^^^^^^^^^^^^^^^^^^^^^^^
وفي غرفة محمد وحمد...
حمد:" انت شفيك يمكن مشغولة؟ والا اقووول ماتبي ترد ليش انت راز ويهك لها؟"
محمد:" حمممممد انت اللي شفيك؟؟ انت تعرف اللي بيني وبينها، مافي داعي تقول جذي، وياأنك تقول شي مفيد او انك تسكت أبرك."
حمد واللي يحب يعانده وبكل تحدي:" مابسكت كيفي، انت تعرف انها انسانه مغرورة وشايفة نفسها،انت مدري على شنو تحبها قووول لي بالله، فيه أحسن منها بمليووون مرررة.."
طالعه بنظرة قهر وغضب وانفجر فيه:" انت تعرف قاعد اتكلم عن من؟"
حمد وبدون أهتمام لغضبة:" ايه اعرف سحر."
محمد:" خوش والله، أولا أحب أنبهك انها مب مغرورة ولاشايفة نفسها، وثانياً مافي مثلها بالدنيا كلها، وثالثاً مافي مثلها بالدنيا كلها، ورابعاً والأهم سحر راح تكون زوجتي جريب."
حمد:"هه بنشووووف!!"
محمد:" أكييييييييييييد بنشووووف."
وسكتوا شوي وكل واحد فيهم متضايق من الثاني،، حمد مب طايق تصرفات محمد وهذا مب طايق اسلوب حمد بالكلام عن حبيبته وزوجته المستقبلية. وبعد ربع ساعه من الصمت,,
حمد:" أسمع أنت وويهك ترى ماأحب أقعد مع واحد خافس لي ويهه! على العموم أعتذر لك مب علشانها هي علشانك انت."
محمد ظل يطالعه ويفكر، وبعد خمس دقايق:" قبلت أعتذارك مب علشانك علشان انك بتظل هني وياي طووووول السفر."
حمد ويجاكره:" والله إحمد ربك إني ياي معاك ماهونت وقعدت."
محمد:" يعني اتمنن علي هالجية مالت عليك، كأنك عدو مب رفيجي وولد عمي."
حمد:" افاااااااااااااااااااااااااا انا الحين عدو، مب كأني خايف عليك وخايف على مصلحتك لأني أحبك."
محمد:" والله انت لوخايف علي ماقلت جذي عن سحر، وانت تعرف انها راح.."
وقاطعة حمد:" زوجتك أدري.. خلااااص ها...مابتكلم." وهو حاط يده على حلجة.
محمد:"ههههه سامحتك خلاااص شيل يدك وتكلم."
يطالعة ويهز راسة بالرفض.. مد محمد يده وقعد يدلدغة لين مافطس من الضحك وشالها..
حمد:"هههههههههههههههههههههه بس بس ذبحتني الا هذي."
محمد:" زين وش قلت الليلة وين بتطلعون؟"
حمد:" ولااااامكان، غير المستشفى،، والله ملل الفندق."
محمد:"هذا انت تقول ملل عيل انا وش اقوول اللي ماقدر اطلع الا باهالكرسي."
حمد:"لاااا لاتقول جذي ان شااااءالله بتخلص العلاج وبترد تمشي."
محمد:"ان شاءالله."
حمد:" الحين وش قال لك الدكتور؟؟"
محمد وهو يطالع رجايله ويتلمسهم:" أحتاج لعلاج طبيعي مكثف،، واذا ماأخذت العلاج بسرعه راح تتصلب بعض الشرايين واذا تصلبت يمكن ماأرجع أمشي."
حمد:"الله لايقوووله،، انت خذ العلاااج مثل ماقال وتوكل على الله وبإذنه بتمشي.."
محمد:"ايييييييه ياحمد،، تهقى لوماأمشي بتقبل فيني سحر؟؟"
حمد واللي مايحب طاريها:" افففففف،، والله اسمعني اذا تحبك صج مايهمها مشيت والامامشيت."
محمد:"صح كلااااامك."
وظل ساكت يفكر بمصيره لوفعلاً مايمشي،، شلون راح تنقلب موازين حياته بهالكرسي المتحرك..!!

^^^^^^^^^^^^^^^^^^^^^^^^

كان بالمستشفى يرقد على السرير وهو بين الحيااا والمووووت.. زوجته رايحة يايه وتفكر" شلون جذي،، شلون؟؟ مايصير كان كل شي بينتهى، باجي دقايق وأنخلص.شلوووون بلحظة ينهدم اللي بنيناه بلحظة؟!"
هدى كانت قاعدة على الكرسي وتفكر بنفس الفكرة،، ماكان يهمهم ليش صار فيهم جذي، اللي كان يهمهم انهم اللي خططوا له ماتم ولااستوى.
هدى:" يمه ابوي شصار فيه؟؟"
أم عبدالله:" وانا أدري الدكتور للحين ماطلع ولاادري وش السالفة، ماكان فيه شي صاحي مايصير جذي..مايصييييير."
هديل كانت قاعدة على كرسي بعيد عنهم شوي لكن بنفس الممر وتسمع كلامهم وتقول بقلبها:" اييييييييييه وتسألين يايمه ليش صار جذي؟؟ وانتي المفروض تكونين أول وحده تعرف السبب، معاملته لشوق، ضربة جحودة لها، السب والشتيمة وفوق كل هذا تسألين ليش؟!!"
طلع الدكتور من الغرفة اللي فيها بوعبدالله وهو منزل راسة، وبسرعه راحت له ام عبدالله:" خير يادكتور طمني وش فيه ريلي؟"
الدكتور:"واللهي مش عارف اقولك ايه بس حالتو صعبه قوي."
أم عبدالله:" ايه يعني وش فيه ليش حالته صعبة؟"
الدكتور:" جلطة بالمخ..."
صرخت أم عبدالله وضربت بيدها على قلبها:" لاااااااااااا مستحيييييييل."
الدكتور:"وع العموم حيتم تحت المراقبة في غرفة الانعاش ، ربنا يكون في عونكوو."
هدى كانت تسمع وخايفة من اللي تسمعه،، أول مرة تشوف مثل هالمنظر، كان ابوها على السرير إمدّد وعليه جهاز القلب والتنفس والضغط وغيره. أما هديل ماكانت تتمنى هالشي يصير لأبوها، لكن الظالم بالنسبة لازم ينال جزاه بيوم حتى لوكان هذا ابوها.ظلت قاعدة مكانها وتقرأ آيات وسور حافظتها من القرآن الكريم.
وبالبيت كانت شوق قاعدة وياعبدالله وتصيح، عبود ماكان فاهم وش صار في ابوه ولاهي تدري وش صار فيه بالضبط.
عبدالله:" شوق وش ليش ابوي طاح؟؟ وش فيه؟"
وهي تتنهد وتاخذ نفسها من كثر ماظلت اتصيح من ظربة وظلمة:" مدري ياعبدالله مدري."
عبدالله كانت شوق تكسر خاطرة رغم صغر سنه الا انه يفهم شوي.. ويخاف عليها. شوق ماكانت عارفة وش شعورها،صورة أمها مازالت بيدها رفعتها وقعدت اتلكمها وكأنها تكلمها:" شفتي يايمه، رب العالمين ماينسى عباده، آآآآآآآآآآه يايمه تعباااااااااااااااااانه حييييييل.. شفتي شصار في ابوي يمه، مدري أفرح لأني ماتزوجت والاافرح لأن ابوي دخل المستشفى؟! لكن لااااا الشماتة موطبعي ولامن أخلاقي يايمه، بس الله أقوى على الظالم. مدري اذا رد ابوي بيصرعلى زواجي مرة ثانيه؟ والابيتراجع؟؟خااااااايفة يايمه خايفة.."
وبعد دقايق سمعت باب البيت انفتح، خافت وحضنت عبدالله وخلته يمها،، وشوي والاخواتها داخلين البيت وأمهم. هدى طالعت شوق بإحتقار ونظرات كلها كره وراحت لغرفتها فوق. أما خالتها فراحت لغرفتها بدون حتى مااطالعها. وطبعاً مافيه الاهديل اللي راح تقعد معاها وعبود.
شوق:" خير وش صار؟"
هديل قبل لاترد عليها:" حبيبي عبدالله روح غرفتك اقعد."
عبدالله:"لاااا مابي اروح،، ابوي وش فيه؟؟"
هديل:" تعبان شوي يالله حبيبي اسمع الكلام."
عبدالله:" ان شاءالله." وبعد ماراح عنهم طالعت هديل إختها وقالت لها:" سامحيني."
بإستغراب:" على شنووو؟"
هديل:" كنت أعرف بالسالفة بس ماخبرتج لأني كنت خايفة عليج ومابي أشغلج عن الامتحانات."
شوق بإبتسامة:" ماعليه اللي صار صار، بس ماقلتي لي وش فيه ابوي؟"
هديل:" اسم الله عليج جلطة بالمخ."
شوق بدهشة:"جلللللللللطة؟؟؟؟؟؟؟"
هديل:"ايه، وهو الحين بالعناية المركزة، في غرفة الانعاش....."
شوق:"لاحول ولاقوة الابالله."
هديل:" انتي خايفة عليه؟"
شوق:" مااقولج خايفة، بس ماأتمنى موت حد حتى لوكان سبب تعاستي وعذابي، ومااتمنى له الاان الله يهديه ويقوم بالسلامة."
هديل:"أصييييييلة، يالييييييت انا مثلج، برغم كل اللي سواااه فيج وكان بيسويه الا انج اتمنين له الصحة؟! والله انج بنت أصووول."
قاموا ثنتينهم وراحوا لغرفهم لأن الساعه كانت9 بالليل.. وكل وحدة راحت غرفتها وهي تفكر في مصير ابوها وش راح يكون.
أمابوعمراللي جته صدمة من اللي صار وأمله في الزواج من بنت بوعبدالله شبه منهار، طلع من بيتهم بعد اللي صار والزعل والغضب مجتمعين فيه وماكان عارف وش يسوي. بس كان مصمم على الزواج من بنته ومُصر عليه..!!

^^^^^^^^^^^^^^^^^^^^^^^^

وفي بيت بومحمد
أم محمد:" اللهم لاشماته،، جزاته الظالم."
سمر:"اييه المسكينه الله فكاها من شره."
خلود:" سموور انا شفتها من قبل؟؟"
سمر:"لاااا ماشفتيها ولاتعرفينها."
خلود:"افااا خسارة ودي أشوفها."
سمر:" الايام جايه."
وقطع عليهم صوت التلفون..
سمر:" هلاااا شيخة لاأبوي مدري وينه طلع، امي إي موجوده.." طالعت امها:" يمه شيخة تبيج."
وأخذت منها السماعة:"هلاااااااا ابنيتي بخير الحمدلله شخبارج انتي؟"
شيخة:" بخير الله يسلمج يمه، سمعتوا باللي صار؟"
ام محمد:"اييييييه سمعنا لاحول ولاقوة الابالله،، لكن اقول لج الله رحم هالمسكينة."
شيخة:" والله آخر شي كنت اتوقعه يصير فيه جذي."
أم محمد:" ربج كريم وماينسى عباده يابنتي وشوق تعتبر يتيمة والله تكفل فيها يوم انا ماقدرنا انسوي شي لها، وماكان بيدنا الا الدعاء لها."
شيخة:" الحمدلله على كل حال، زين يمة أشوفج باجر ان شاءالله، سلمي على أخواني. مع السلامة."
أم محمد:"الله يسلمج في أمان الله وحفظة."
وبعد ماصكت التلفون قامت وراحت غرفتها تريح شوي..أما سموورة وخلود ظلوا بالصالة يطالعون التلفزيون، امتحاناتهم خلصت وماعندهم شغله غير التلفزيون.
سمر:"خلوووووود ملل صاير البيت سيفو بره وأحمد وياربعه بعد مافيه الااحنا قاعدين."
خلود:" وش انسوي مايصير نطلع بروحنا، ومالج الاالتلفزيون.." وسكتت شوي وتذكرت:" الابسألج سمووور من زمان ماشفتج تقرأين قصص ليش؟ مليتي؟"
سمر:"لامامليت بس الإمتحانات شغلتني واللي صار الحين بعد نساني، بس تدرين يبي لي قصص يديده لأن اللي عندي تقريبا كلهم قرأتهم وماباجي الاثلاث او اربع ماقرأتهم."
خلود:" ممكن سؤال؟"
سمر:" قولي وش عندج."
خلود:" انتي وش تستفيدين منهم؟؟ يعني مضيعة وقت."
سمر:" من قال لج مضيعة وقت بالعكس رووووووووعة القصص، شرايج اجربين تقرأين وحدة."
خلود واللي ماتحب تقرأ:" لاااااااااااااا مابي انا ماحب اقرأ كتب المدرسة الا بالغصب تبيني اقرأ قصص متسحيييييييل."
وشوي والا ابوهم داخل ومعصب حده، سكتوا عن السوالف وظلوا يطالعونه بإستغراب..
سمر:" خير يبه شفيك؟؟"
ماطالعها ولارد عليها وراح غرفة المكتب الخاصة فيه..طالعوا بعض ثنتينهم مستغربين منه..
خلود:" وش فيه ابوي؟"
سمر:" سلامة سمعج انا وياج شفتيه تكلم."
خلود:"غريبة اكيييييييييد صاير شي."
سمر:" اكيييييييييييييد،، اتوقعين شي يخص شوق؟"
خلود:"مدري يمكن."
وبعد خمس دقايق سمعوا صوته يصارخ،، وسمعوا شوي من الكلام اللي كان يقوله:" مااايصير.. الأراضي مبيووعة؟؟ مايهمني لازم....... اتصل في محامي الشركة وشوف وش ممكن يسوووي...أكيد،،.."
كان الكلام مبهم بالنسبة لهم بس عرفوا منه انه مايخص شوق،، لكنه يخص ابوهم وهالشي اكيد كبيير.

^^^^^^^^^^^^^^^^^^^^^^^^

مرّ الوقت بسرعه وصارت الساعه 11 بالليل.. كانت سحر تنتظر اتصال فهد بفارغ الصبر، انقلبت الموازين عندها.. كانت تترقب اتصالات محمد والحين فهد، ماكانت ترد على رسايل محمد الا نادراً.
سحر:"الوو.. هلا بيك."
فهد:" هلا بالغلا شخبااااااااااارج؟؟"
سحر:"والله اسأل عنك."
فهد:" مب باين،، ولاحتى مسج تسألين فيه، ايييييييه عاااد وش يهمج الا فهوودي عادي."
سحر:"ههههههههههه مدلع نفسك بعد."
فهد:"أكييييييييد بدلع نفسي."
سحر:" شخبارك بعد وش مسوي؟؟؟"
فهد:" والله هذا حالي شغلي والربع."
سحر:"ماتطلع؟"
فهد:"هههههه من قال مااطلع على طول اقوولج مع الربع، أ....سحر ممكن؟"
سحر:" ممكن شنو؟"
فهد:" أشوفج؟؟"
سحر:" قلت لك وقت اللي ابي بخبرك."
فهد:"ايييه عاد لمتى بظل انطر اليوم اللي تبين؟ والله مشتاااااااااق اني اشوفج كثر ماسمعت صوتج."
سحر:"ههه لهذي الدرجة؟"
فهد:"مااتصورين اش كثر، بس ياريتج مااطوليييين."
سحر:" لاتستعيل وااااااااايد كل شي بوقته."
فهد:" لي متى بصبر يابنت الناس، ترى صبري ينفذ بسرعه وآمل."
سحر:" ماعليه اصبر جم يوم بس وبصير اللي تبيه."
فهد والفرحة مب شايلته:" بنشووووف."
سحر:" كلمني عن نفسك أكثرأحسك شوي غامض."
فهد:"ههههههههههههه لاماني غامض ولاشي بس ماعرف أكلم حد من غير ماعرف شكله شلون يكون، وصبري علي شوي الاتوج تعرفيني."
سحر:"اهااااا على قولتك توني أعرفك."
فهد:" الا ماسألتج ماطلعت النتايج؟"
سحر:"لاوالله باجي بعد يومين أو يوم ان شاءالله بيطلعون، بس انا مااحاتي شي ابداااااا."
فهد:"ليش بالله ماتحاتين؟"
سحر:"لأني واثقة من نفسي."
فهد:"تدرين تعجبني الثقة اللي فيج هذي، أ.. سحر ممكن أسألج سؤال؟"
سحر:"اييييييه عاااادي."
فهد:" بس تجاوبيني بصراحة، وبدون لف ولادوران اتفقنا؟"
سحر:"اوكييييي،، اسأل انت بالأول."
فهد:" زين،، حبيتي حد من قبل؟؟" كان سؤاله جداً خبيث لأنه يعرف إجابته بس كان يبي يعرف ردها عليه.
سحر وبعد تفكير بسيط:" ايه.."
فهد:" للحين تحبينه؟؟"
سحرظلت ساكته وماتدري وش تقول له ايه اولا، كانت محتااااااارة وايد، وبعد ثواني تكلمت:" ايه."
فهد:" واااااااااااايد؟"
سحرسكتت وتجاهلت السؤال ولاجاوبت عليه وغيرت محور كلااااامهم بالكامل.. كانت تتضايق لما تذكر محمد، لأنها كانت عاقدة آمالها عليه وفجأة ينهدم كل شي بغمضة عين.

^^^^^^^^^^^^^^^^^^^^^^^^

الصبح الساعه9 في شركة بومحمد..
كان بومحمد معصب ويمه اخوووه بوحمد ويحاول يهديه:" ياخوي هدي أعصابك ان شاءالله ماصار الاالخير."
أبومحمد:" اي خير ياخوي من طلع لي هذا بوعمر عفس الدنيا فوووق تحت، آآآآخ ياليت أشوفه,,"
ابوحمد:"وش بتسوي فيه يعني بطقة؟ مااعتقد والا بتقول له يرد لك فلوسك ياخوي بيقول لك أنا ماضربتك على يدك وقلت لك تعال اشتر الاراضي."
أبومحمد:" بس هذا غشاش ولازم ارفع عليه قضية."
طالعه:" ياخوووي اي قضية حتى المحامي قال مايقدر يرفعها لأنها قضية خسرانة."
أبومحمد وبقهر:" هذا اللي ببط جبدي وقاهرني، شلون يقدر يسوي جذي بالناس هذا، هذا حراااامي لازم ينال جزاه."
دخل سالم المكتب وكانت عنده بشارة:" السلام عليكم."
ردوا عليه السلام وقعد على الكرسي:" عمي عندك لك خبرين، الأول إن الأرض الثانية مب مبيوعة وعليها قضية ونقدر نكسبها وتستردها، بس الأرض الأولى لاااا مبيوعه وعليها العوض."
ابومحمد:"ايييييييييييه الله ينتقم منه.."
بوحمد:" وش الخبر الثاني؟"
سالم:" انتو تعرفون بوعبدالله الخلفان بالمستشفى؟"
بومحمد:"ايه انا أدري."
بوحمد بإستغراب:" بالمستشفى؟؟؟ شلوووون؟؟ وش صاير؟"
ابومحمد:" انشغلت ونسيت اقول لك انه كان يبي يزوج شوق بنت بدرية لأبوعمر."
بوحمد بدهشة:"شنووووووووو يزوجها له؟ واحنا وين رحنا؟"
أبومحمد:" وانت وش تقدر اتسوي له يعني."
استأذن منهم سالم بسرعه لأنه كان مشغووول وايد.. وخلاهم يكملون موضوعهم..
بوحمد:" زين كمل قول لي وش السالفة؟؟"
ابومحمد:" كان هذا بوعمر ياي علشان اخلص معاه معاملة الأراضي ونخلص البيع والشراء، وبعد ماخلصنا ظلينا نسولف شوي والايقول لي بتزوج،، ضحكت عليه وبعدها سألته من بتاخذ؟ من بنته؟؟ قال لي شوق بنت بوعبدالله الخلفان."
ابوحمد:" زين وبعدين؟"
أبومحمد:" وش وبعدين انصدمت من يوم قال لي، آخر شي كنت اتوقعه ان يتخلص منها بهذي الطريقة، وكان المفروض ملجتها أمس بس ربك رحيم عليها."
ابوحمد:" مب فاهم وش صااااار؟؟"
ابومحمد:" بوعبدالله ياته جلطة وهو بالمستشفى بالعناية الحين."
ابوحمد:" لااااحووووووول،، وشلون صادته؟؟"
ابومحمد:" والله عاااد شلون صادته انا مدري،، بس الحمدلله البنت افتكت من هالزيجة هذي،،لكن ياخوووي حاز بقلبي اني مخليها عنده معذبها ومسود عيشتها."
أبوحمد:" والله مدري وش اقوول لك بس تكسر الخاطر،، خصامات أجدادنا معاه وأهله ماخلت شي بحاله،لكن وش نقول غير الله يرحمهم ويحسن اليهم."
أبومحمد:" ايه لو يدي قدر يعارض هالزواج أكثر مما سوى ماصاراللي صار هذا كله، ولاتعذبت المرحومه ويابوعبدالله."
أبوحمد:" اللي صار هذا الله كاتبه لهم، ومانقدر نرد للماضي ونغير أأأأأأي شي وان شاءالله الياي يكون أحسن من اللي راح بالنسبة لها ولنا."
ابومحمد:" ان شاءالله."

^^^^^^^^^^^^^^^^^^^^^^^^

وفي بيت بوعبدالله ، كان الوضع مختلف تماااااااااماااااً، كانت أم عبدالله العصبية واصله للآخر عندها.. شوق المسكينه حتى بعد طيحة أبوها مب لاجيه من السب والشتيمه عليها من خالتها وهدى.كانت قاعدة فوق بغرفتها وتقرأ قرآن حتى تريح أعصابها من اللي صادها. وفجأة سمعت صوت خالتها تناديها بصوتها اللي يبط الأذن:" شوووقووو يالــ... نزلي تحت بسرعه."
شوق:" الله يستر،، مدري شفيها تصارخ." وقامت بسرعه قبل لاتسوي لها سالفة..وهي نازلة من الدرج كانت هدى كاته ماي، والمسكينة شوق كانت تركض بسرعه وماتدري وطاحت على ظهرها:" آآآآآآآآآآآآآآآآآآآخ." طيحتها كانت تألم وااايد وهدى تمت تضحك عليها وتباعدت عنها، راح عبود لها:" الخايسة براويج." وهو يطالع هدى.. والمسكين ماشاف الا اصطار على ويهه وتقول له:" هذي علشان لاتقول لي يالخايسة لاأقص لسانك، وعلشان مايخصك وش اسوي وش مااسوي."
شوق طالعته حضنته وحبته على خده:" بس حبيبي ماعليك منها، ومرة ثانيه لاتقول مثل هالكلام ماحبك ترى لين قلته."
عبود:" بس هي أذتج وخلتج اطيحين."
شوق:" ماعليه، اللي يسوي جذي مريض."
عبود:" بس هدى مب مريضة ماتاخذ دوى؟"
شوق وبضحكة خفيفة:"هههه اقصد ان اللي يسوي جذي مريض نفسياً، يعني عنده خلل."
عبود وعلى قد فهمه:" يعني مينووونه؟؟"
شوق:"ههههههه لاااا نص ونص." وقطعهم صوت امه اللي بيفجر البيت:" الله يااااااااخذج وينج يا....."
شوق واللي كل ماسمعة حد منهم يسبها حزبنفسها:" ان شاءالله يااااااااايه."
كانت تبيها تطبخ الغدى لهم لأنها بتروح المستشفى تطمن على ابوهم.. وطبعاً مافي حد غيرها ممكن يطبخ.
أم عبدالله وبكل وقاحة:" سمعيني انتي طبخي الغدى ولاتنامين وانتي تشتغلين، واذا خلصتي لاتنسين غسلي لثياااب لأنهم صاروا واااااااايد وعلقيهم على الحبل،، وخمي بره ونظفي الميلس فاهمة؟؟"
شوق:" بس أنا تعبانه وماقدر أسوي كل هذا."
ام عبدالله:" موشغلي شغل البيت لازم يخلص وطباخ لازم أطبخين."
طلعت من البيت ولاعطتها فرصة انها تتكلم، كانت هدى من أكسل ماخُلق بهالبيت ماتحي تسوي شي بنفسها أبدااااا وكانت الخدامة هي اللي تسوي كل شي وشوق. وبعد نص ساعه من طلعت أم عبدالله دق جرس الباب ومحد كان تحت بالصالة غير شوق فأضطرت إنها تلبس شيلتها وتروح تشوف من بالباب..
شوق:" منوووو؟؟"
وسمعة صوت ريال:" أم عبدالله موجودة؟"
شوق:" لاااا طلعت راحت المستشفى لأبوي."
وسمعته مرة ثانية:" زين فتحي الباب ابي اعطيج أغراض لكم."
وفتحت شوق الباب بخوف، وكان وراه ريال كبير يمكن كبر أبوها، شعره أبيض وعيونه جاحظة وشكلها يسد النفس:" خير أي اغراض؟"
مد يده وعطاها أجياس فيها بعض الفواكة ومكسرات و. و...، طالعته بإستغراب:" بس أقول لها من من؟؟؟"
إبتسم لها وكان شكله أعجب بشكلها:" قولي لها ابوعمر."
شوق من سمعته يقول إسمه درات فيها الدنيا وامتلى قلبها خوووف ورعب منه وبسرعه بسرعه سكرت الباب وقالت له:" ان شاءالله مع السلامة."
ومن ورى الباب كان واقف ومستغرب:" شفيها هذي تخرعت،، بس والله انها حلوووة، معقووولة هذي بنته من مرته الاوليه؟! يصييييير ليش لا. بس آآآآخ على هالحظ ان شاءالله يطلع هذا من المستشفى واتزوجها قبل لايصير شي ثاني بعد.." هذا اللي كان يدور براسه من أفكار. أما شوق اللي كانت منصدمه من شكل الانسان اللي كانت بتاخذه وهي حاطه يدها على قلبها:" الحمدلله اللي فكاني منه." ونزلت من عينها دمعه من خوفها من هالشخص.ومشت من عند الباب حاملة بيدها الاجياس،، وتوها بتفتح باب الصالة الا باب الجرس يدق مرة ثانيه..
وقف قلبها من سمعته يدق، خافت تفتحه ويكون هو، وعلى ماهي واقفة تفكر سمعة الجرس يدق مرة ثانية نزلت الأغراض من ايديها، وراحت يم الباب وبتردد:" مـ ،، مـنوو؟؟"
سمعت صوت حرمة مألوف بالنسبة لها، وبسرعه فتحته ومن شافتها حظنتها، كانت شيخة ويابدور هم اللي يايين. طالعت بدور وحظنتها:" هلاااااا بيج وحشتيني."
بدور:" وانتي أكثر."
شوق وهي تمسح الدموع اللي طاحت من عينها:" تفضلوا داخل حياكم."
شيخة وهي طالع شكل شوق وجسمها اللي مليان بقع من الضرب والطيح:" زاد فضلج ياعمري."
بدور:" شخباااارج؟؟ طمنيني قولي لي وش صااار؟"
شيخة:" نطري ندخل بعدين سأليها كل اللي تبين."
شوق:"هههههه ماتغيرتي هذا انتي دوووم مستعيلة."
بدور:" اشوفكم بتنلقبون علي."
شوق:"ههههه لاااا لاتخافين." وبعد مادخلو وقعدتهم بالميلس قعدت يم بدور اللي ماهدتها من يوم دخلت..
شيخة:" حبيبتي شوق طمنينا وش اللي صار؟"
شوق وهي منزلة راسها وتحاول تنسى الأيام اللي مرت فيها وبإبتسامه:" أكيد سمعتوا خبر زواجي؟"
بدور:"ايه سمعنااه وخفنا عليييييج وايد."
شوق:" أول أمس كان المفروض أكون في بيت غيرهذا بس رب العالمين كريم ورحيم،،."
شيخة:" زين شلون صادته الجلطة؟"
شوق:" مدري كان داخل الميلس ويوم طلع بيبي يسحبني غصب لداخل وقف مرة وحدة وحسيته مب قادر يمسكني بالمرة وطاح يمي." وقعدت شوق تصيح يوم تذكرت اللي صار لها من عذاااب بذاك اليوم..
شيخة قمت لها وحضنتها:"بس ياعمري،، الله بيفرجها."
بدور:" والحين؟؟؟"
شوق بعد ماهدأت:"والحين هو بالمستشفى وتحت رحمة رب العالمين."
بدور:" يعني للحين بالعناية؟"
شوق:" الظاهر جذي، خالتي من أكثرمن نص ساعه كانت رايحة له."
شيخة:" أدري شفتها من جذي يينا لج بهالوقت علشان انشوفج وناخذ راحتنا."
شوق:" اووووووووووه نسيت مااضيفكم، وش تشروبون؟"
شيخة:" سلاااااااامتج لااتعبين عمرج احنا الحين بنمشي بس اذا ردت خالتج اهني لاتقولين لها ان احنا يينا زين؟"
شووق:" ان شاءالله، لاتقطعووون."
بدور:" ان شااااءالله،،.." وهي تحببها:" تحملي بروحج زين واذا صار اي شي وقدرتي تتصلين فينا اتصلي."
شيخة:" ماازيد على كلامها، انتبهي لنفسج، مع السلامة."
وصلتهم للباب ودخلت البيت وهي مستانسة لأنها شافت ناس تحبهم ويحبونها. وبس فتحت الباب الا هديل بويهها:" من كان بره؟"
شوق:" هذي شيخة وبدور."
هديل:" صج؟؟"
شوق:" ايه.." وتذكرت بوعمر:" هديل تدرين منو يه البيت من شوي؟"
هديل تهز راسها:" لاااااااا مدري،، من ياي؟"
شوق:" بوعمر."
بإستغراب:" شنووو، وش يبي؟"
شوق وهي تأشرعلى الأغراض اللي يابها:" هذلين من عنده."
هديل:" وعععع وش يابه صج مايستحي على ويهه، وراز الفيس بعد."
شوق:" لوشفتيه يخووووووف ماتخيلت نفسي وياااه في بيت واحد."
هديل:" الله لايقووووله، ان شاءالله ماتاااخذينه ونستريح منه."
شوق:" الله يسمع منج،، بس لو شفتي نظراته كأنه بياكلني والله وقف قلبي يوم قال اسمه."
هديل:" عرف انج انتي اللي كان بياخذها؟"
شوق وهي تحمل الاجياس:" لاااااا ماأعتقد."
هديل:" ياخوفي منه هذا والله."
شوق:" الله يستر،، زين هديل تقدرين اتساعديني؟"
هديل:" اكييييييييد من عيوني، وش تبين اسوي بسويه."
شوق:" انا خليت لثياب بالغسالة وأكيد الحين جففتهم بس أبيج تعلقينهم على الحبل."
هديل:" اووكي دقايق وأخلصهم ."
وتعاونوا ثنتينهم على شغل البيت وبعد ماداخو راحوا غرفهم يرتاحون لحد ماترد أم عبدالله من المستشفى.

^^^^^^^^^^^^^^^^^^^^^^^^

دخلت عند الدكتور تسأله عن حالة زوجها..
ام عبدالله:" يعني حالته وايد صعبه؟"
الدكتور:" واللهي يامدام الحالة صعبه قووي والجلطة كانت جامدة كتيييير، وانا سبق وقولتلك الأعمار بيدالله، واحنا حنعمل اللي بنقدر عليه."
أم عبدالله:" يعني بموووت؟"
الدكتور:" يامدااام الأعمار بيدالله وانا ماعرفش يمكن تتحسن حالتو ويستجيب للعلاج ويمكن لأه."
أم عبدالله:" زين ممكن أشوفه؟"
الدكتور:" ايوه بس ماتحوليش تتكلمي معاه ولااي حاجه."
أم عبدالله:" ان شاءالله."
وطلعت من مكتب الكتور وراحت لقسم العناية المركزة.. وسألت إحدى الممرضات اللي هناك. ودلتها على الغرفة اللي فيها بوعبدالله. كان راقد على السرير وحالته يبان عليها صعبه,, ويه كان شااااحب وااايد وحالته ماتسر. ظلت واقفة وخايفة.." ايييييييه يابوعبدالله ماهقيت بيوم اشوفك بهالمكان،، لكن صدقني اللي تبيه راح يصير، بس انت شد حيلك وأرجع!" كانت أم عبدالله ماتفكر بشي غير انها تتخلص من شوق بأي طريقة، سواء شفى بوعبدالله أو لا..!!

دخلت أم عبدالله البيت الساعه 2 الظهر، وكان بالها مشغول بآخر الاحداث اللي صارت.خلت عباتها ودخلت المطبخ تشوف اذا سوت شوق الغدى والا لااا، وهي فاتحة الباب شافت الاكياس اللي على الطاولة وبالثلاجة الفواكة استغربت لأنها الصبح يوم تطلع ماكان كل هذا موجود وطلعت تنادي شوق:" شووووقوو ،، شوووقوووو."
كانت قاعدة وياهديل بالغرفة الصغيرة اللي يم الدرج يدورون بعض الكتب:" نعم خالتي."
أم عبدالله:" من وين هالأغراض اللي بالمطبخ."
شوق:" يه بوعمر وسأل عنج، ويوم قلت له انج بالمستشفى، قال لي ان عنده اغراض لنا."
أم عبدالله بإستغراب:" بس هذا اللي قاله؟؟"
شوق:" ايه بس هذا."
أم عبدالله:" زين روحي حطي الغدى بسرعه بموت من اليوووع."
شوق بتأفف:" زييييييين."
وعلى الغدى... هدى كانت قاعدة واتأفف:" يمه وش هالطباخ؟؟؟"
هديل:" وش فيه حلووو واينن."
هدى بنزارة:" ماسألتج انتي."
أم عبدالله واللي ماكان لها خلق هالهواش:"اووووووووه شفيكم انتوا اكلوا وانتوا ساكتين."
استغربت هدى عصبية أمها، اللي قاعدة وتفكربهالمصيبة اللي حلّت على روسهم..
هدى:" يمه شخبار أبوي؟؟"
أم عبدالله:" واعليه هذا اهو على حطت ايدج، حالته وااااااااايد صعبه."
هديل:" بيصير زين والا..؟"
أم عبدالله:" أدعي له والله عين ماصلت على النبي، كان وش زينة مافيه شي."
هدى:" ايه صاجه يمه عين ماصلت على النبي."
شوق الوحيدة اللي كانت ساكته، أما عبود كان ياكل ومب مهتم بشي لأنه كان يوعااااان وااايد.

^^^^^^^^^^^^^^^^^^^^^^^^
وصل عند بيت عمه ودق الجرس.. فتح البواب الباب له ودخل السيارة، كان بيتهم وبيت عمه مثل التصميم وكان يعرف كل زاوية فيه..!! نزل أحمد من السيارة وسوى رنه لناصر.. حتى ينزل له وبعد ثواني كان قاعد بالصالة وياهم..
ناصر:" وينك من زمان مايتنا."
أحمد:" الا يشوفك مكسر عتبة باب بيتنا."
نوف:" حياالله اللي لفانا."
أحمد:"هلاااا بيج نوفو شخبارج؟ وشخبارالنتايج؟"
نوف:" أنا بخير، والنتايج جريب بتطلع انشاءالله."
أحمد:" اي عاااااد لاتنسينا من الحلاااااوة."
ناصر:" الحلااااوة علي اذا نجحت."
نوف:" بنشوووف."
أحمد:"لاااا نوف تستاهل."
نوف:" أكيييييييد استاهل."
ناصر:" اقوول ترى من مدح نفسه يبي له رفسه."
نوف:" اقوووم أحسن لي بروح اطالع التلفزيون تبون شي؟"
ناصر:" ايه قولي للخدامة اتيب عصير اوكي."
احمد:" مافيه داعي."
ناصر:"وانت جب بعد ، يالله روحي."
نوف وهي تضحك:"اوووكي."
وبعد ماراحت سأل أحمد:" أقووول شخبار سيفوو مايه وياك؟"
أحمد:"ههههه وين ايي وهو دايخ لحد شوشتو مثل مايقولون."
ناصر مافهم:" شلون يعني؟"
أحمد:" رووووح زييين مسوي نفسك غشيم ماتفهم."
ناصر وظل يفكر ثواني:"اهااااااااااااااا فهمتك، الا ابوك متى بيخطبها له؟"
أحمد:" هذاااا وين والخطووووبة وين أنت ماتدري بالدنيا الظاهر."
ناصر:"ليش وش صاير بعد؟"
أحمد:"اوووه شكلك نايم بالعسل."
ناصر:" وش السالفة؟؟؟؟"
أحمد عدل قعدته وقال لناصر كل السالفة، وطبعاً اثنينهم مايعرفون شوق ولاشافوها، بس شافوا بوعبدالله ايام ماكان اي ابومحمد الشركة ويهدده. وبعد سوالف وبسطة وأكل ،، دخلت مريم البيت:" السلام عليكم."
أحمد وناصر:" وعليكم السلام."
ناصر:" من يابج؟"
مريم:" السايق بعد منو."
أحمد كان يطالعها والبالطو الابيض بيدها كانت مريم حلووة وهادئة..إبتسمت له وسألته:" شخبارك أحمد؟ وشخبار عمي والبنات؟"
أحمد:" بخير يسألون عنج، انتي شخبارج؟"
مريم:" بخير الله يسلمك، يالله عن اذنكم بروح داري."
أحمد:" أذنج معاج." وظل يطالعها ليييين ماركبت الدري وأختفت عن انظاره...
ناصر وهو يهزه:"هيييييييييييييييي وين سرحت يالأخووووو؟؟!"
أحمد مفهي ولايدري به، ورد هزاه بقوووه ويأشر بيده عند ويهه:" هييي أحمد عسى ماشر أشوفك معللللق."
أحمد:"هااااااااااا،شنوووو؟"
ناصر:"هههههههه، وشو اللي هاااا وشنوووو أقووول قوم خلنا نطلع شوي."
أحمد:" لييييييييش مابي أطلع مالي خلق."
ناصر:" ليش ياحبيب أمك مالك خلق؟"
أحمد:" ابي اقعد هني زيييييييين أجابل ويهك."
ناصر:"زين لاتكفخنا."
أحمد كان من يشوف مريوم يتلخبط كيانه، وينعفس!! يحب مريم بس مب عارف شلون يقول لها والايقول لحد من أخوانها. وكان يخاف إنها ماتكن له أي شعور وتعتبرة مثل أخوها.

^^^^^^^^^^^^^^^^^^^^^^^^
الساعة 6 المساء في بيت بوعبدالله..
أم عبدالله:" عبوود حبيبي روح شوف منو عند الباب؟"
عبود:" ان شاءالله." وبسرعه راح يركض للباب، وبعد ثواني دخل الصالة وهو ينادي أمه.
أم عبدالله:" خير منو؟؟"
عبود:" هذا واحد يقول إسمه بوعمر."
شوق من سمعته خافت وتغيرت ألوانها، طالعت هديل وهدى والخوف واضح عليها..
أم عبدالله:" زين قوول له الحين بييه" وقبل لايطلع نادته:" اقووول عبدالله اوقف هناك لاتدخل زين." هزراسه لها بالإيجاب وطلع.
لبست عباتها بسرعه وراحت تشوف وش يبي بره، كانت مستغربة من جيته لهم بهالوقت..
كانت شوق ساكته تفكر فيه، وقطع حبل تفكيرها صوت هديل اللي كانت تسأل:" هذا وش يبي بعد ياينا الحين،، مايستحي على ويهه."
هدى:" والله أنا اشوفه خوش ريااال، ومافيه شي."
هديل:" جان تزوجتيه انتي مدام عاجبج."
هدى:" لوياني مارفضته."
هديل:"اففففففف والله تصدقين كنا أرتحنا منج."
وقبل لااترد عليها دخلت أم عبدالله الصالة ويهها منوور،، ولاوحده منهم كانت تقدر تسألها ليش ياي بوعمر بيتهم الاهدى طبعا.. وراحت أم عبدالله غرفتها ونزلت مرة ثانيه وقعدت وياهم. هدى قامت من مكانها وقعدت يم أمها:" يمه حبيبتي ممكن اسألج سؤال؟"
ام عبدالله واللي مزاجها رايق ع الآخر:" ايه يمه سألي اللي تبين."
هدى:"بوعمر وش كان يبي منج؟"
ظلت ساكته وتفكروبعد ثواني ردت عليها وهي إطالع شوق:" والله يايمه كان ياي يسأل عن أبوج وعن عروسته."
هدى:"هههههههههه."
شوق طالعتها بنظرات حزن وألم وقالت لها تعاتبها وتسألها:" ليش تسوين فيني جذي ليش تعذبيني لأني موبنتج؟"
أم عبدالله:"هههه هذا اللي ناقص تعاتبيني لااا تعالي طقيني بعد،، سمعيني وحطيني على بالج هذا بيكون ريلج وراح تتزوجينه، مدام أبوج قرر هالشي لازم يصير."
حست انها بتختنق بعبرتها وركضت بسرعه لغرفتها تصيح، كان الشي الوحيد اللي يريحها القرآن والصلاة، كانت بكل مرة تصلي فيها تدعي لربها بالفرج، وانها مااتزوج بوعمر اللي ممكن يدمر حياتها أكثر وأكثر.

^^^^^^^^^^^^^^^^^^^^^^^^
اتصلت ميثة لسحر واتفقت معاها انها بتمر عليها لابيت وبتقعد معاها لأنها من زمان ماشافتها وتبي تعرف آخر أخبارها ويافهد.. وبعد ربع ساعه من الاتصال دقت ميثة جرس الباب وفتحت لها الخدامة، وبعد انتظار خمس دقايق نادتها سحر تركب لها بغرفتها.
ميثة:" ياهلاااااا وييييييييينج يالقاطعه ماتسألين عني."
سحر:"اي طالعه عليج، انتي الي اختفيني اشوفج مشغووولة هالأيام وياحبيب القلب."
ميثة:" كلٍ يرى الناس بعين طبعه،، وينج انتي؟؟ وشخبارج ويافهد؟"
إبتسمت له وطالعتها بنظراتها الملياااااااانه غرور:" تماااااام."
ميثة عدلت قعدتها وطالعتها:"شكلج غرقاااااانه معاااه؟ اعترفي؟"
سحر:" ماانكر إنه انساااان حبووب ومغرور بنفس الوقت، بس شعوري ناحيته مدري شنو قلت لج مجرد صديق لاأكثر."
ميثة:"عليييييي هالحجي؟؟ مجرد صديق،، هذاك أول يالله قولي لي وش تحسين لما يتصل والا لما يرسل مسج؟؟"
سحر حبت تكابر وماقالت لها بالإحساس اللي تحسه:"عاااادي يعني اقضي وقتي معاااه، الا على طاري المسجات،، محمد يرسل لي مسااجاات الدنيا كل يوم." وعطتها تلفونها وراوتها المسجات.
ميثة:"الله كل هذي مسجات؟ وااااااااااو ،، لكن بسألج تردين عليه؟"
سحر:"احياناً واحياناً،، ساعات أمِل من كثر المسجات اللي يرسلها."
ميثة:"ههههههههههههههه ياعيني وين شعورج قبل ناحيته؟"
سحر:"مدري احس كل شي تغير، من صار الحادث..َ"
ميثة:" الظاهر انج ماتحبينه أساااااااساااً..!!"
سحر:"لاااااااا أحبه وامووت فيه بس مدري في شي يقول لي لااا."
ميثة:" قووومي زين، سمعيني محمد انسيه خلااااص انتي وش دراج انه بيرد يمشي؟؟ وحتى لوتعالج يمكن اتظل في عاهه ، انتي ترضين تاخذين واحد عنده عاهه مستديمة؟؟"
سحر:" انتي وش تخربطين،، اكيييييييد لااااااا ومستحيل اوافق على حد جذي."
ميثة:" بس خلاااص حاولي تجاملينه لين ماتصارحينه انج ماتبينه."
سكتت عنها وظلت تفكر بكلامها،، شلون تترك ولد خالتها اللي تعلقت فيه سنين،، وكانت عاقدة كل آمالها عليه، معقوووله شعورها يتغير بهالسهولة؟
ميثة:" سحررر وين سرحتي،،،؟؟"
سحر:"هااا،، لالا ولامكان ،، ميثوووه مامليتي من القعدة بالبيت وش رايج نطلع باجر؟"
ميثه:"اوكي مب مشكله ماعندي اي ماااااااانع،، وش رايج اتصل بشذى وسوسن ايووون معانا؟"
سحر:"لاااااا واللي يرحم والديج مابيهم."
ميثة:"ههه ليش؟"
سحر:" مب الحين مابي أشوفهم،، خلها طلعه ثانيه."
ميثة:" اوكي براحتج."
وقعدوا يسولفون لين ماصارت الساعه 10:30 ،، واستأذنت ميثة لأنها مشغووولة بمكالمات مع الحبيب. وطلعت من البيت واتصل فهد لسحر.كان الشيطان يلعب بينهم وهم ياغافلين لكم الله.. سحر وميثة وفهد وعبدالعزيز!! سحر كانت ماتشعر الا بالسعادة والغرور لمايكلمها فهد!وكان هذا الاتصال هو بداية ضياااع سحر.

وبعد ماخلصت من مكالمتها مع فهد، وخلت راسها على المخدة رن تلفونها مرة ثانيه، لكن من شافت الرقم انعفس ويهها وتغيرت ألوانها، كان محمد اللي متصل إحتارت ترد عليه والالا؟؟
" ياااااربي وش اسوي؟ ارد عليه؟؟ وش أقول له؟ وش يبي الحين؟ افففف انا الظاهر مابفتك من هالبلووووة،، " وعلى ماهي تفكر انقطع، لكن محمد مايأس واتصل مرة ثانيه. " اففففففف الظاهر مُصر إنه يكلمني،، ارد عليه واريح نفسي."
وفعلاً ردت عليه:"ألوووو."
محمد واللي حس ان روحه ردت له من سمع صوتها:"هلاااا حبيبتي، وحشتيييييييييني موووووت."
سحر ماعرفت شنو ترد عليه وظلت ساكته.. محمد استغرب:" شفييييج مشغولة؟؟ والاماوحشتج؟؟"
سحر:"لاااا من قال جذي بالعكس."
محمد:" بس مب باين اني وحشتج؟ صوتج يقول جذي، شكل اتصالي ازعجج."
سحر:"لاااااااااااا ياعمري."
حس محمد بسعااااادة لما سمعها منها:"شفتي شحلاتها طالعه من حلجج."
سحر:"شخبارك انت الحين؟"
محمد:" معاااج أنا بألف خير حبيبتي ، انتي اللي شخبارج؟ ليش اذا ارسل لج ماتردين؟"
سحر:"بخير." وسكتت وماردت على سؤاله. لأن ماكان عندها جوااب له.
محمد:"مارديتي على سؤالي؟"
سحر:"مدري..!!"
محمد:" شنوو ماتدرين، انا قاعد هني على ناااار أحاتيج وابي اعرف اخبارج انتي تقولين لي مدري؟ سحر وش فيج قولي لي إذا في شي مضايقج؟ والا حد مضايقج؟"
سحرواللي تقلب مزاجها وعصبت شوي:" ماااااااافيني شي تعبااانة وابي ارتاح فيها شي؟!"
محمد انصدم من طريقة كلامها له، حاول يتمالك نفسه لكن ماقدروسكر التلفون بويهها. سحر بعد ماتوقعت منه ردت هالفعل هذي، وانقهرت منه أكثر وأكثر مب كفايه احلامها ضاعت معاه وبعد يسكر السماعة بويهها.!!

وفي لندن بعد ماسكر محمد التلفون..
حمد واللي توه داخل الغرفة:" ووووووول شفيك معصب جذي، شوي شوي لاتكسر التلفون."
مارد عليه وظل يفكر ويفكر ويفكر... حمد قعد على سرير محمد مجابلة ويأشر له بيده:" ياهووووو وش فيك؟ من كنت تكلم؟"
محمد طالعه بنظرات الغضب:" مافيني شي، خلني في حااااااااااالي."
حمد حس إن محمد معصب وايد وعرف السبب من غير مايسأله:" زين بخليك لكن أبي أقول لك كلمتين بس إتركهااا وإنسااااااااهاااا..."
زاد عصبية وصارخ بويهه:" وش اللي انساها، حمد واللي يخليك فج عني."
حمد:" انت اللي اسمعني، لاتقعد تقول لي أحبها ومستحيل انساها وحنا محيرين لبعض، البنت اذا ماتبيك بيعها، وش تبي فيها، مليووووووووون وحدة تسواها، محمد اعذرني لأني أكلمك بهالطريقة هذي بس حرااام تقعد توتر نفسك وتعصب على شنو؟ على بنت ."
محمد مااستحمل كلامه ورمى تلفونة في الجدار.. استغرب حمد تصرفة لأنه أول مرة يسوي جذي. محمد طووول عمرة كان هادئ ومتزن، لكن الحادث واللي صاده هو اللي غير من مزاجيته وخلته يعصب دووووووووووووووم.
قام حمد من مكانه وراح على سريرة وطالع محمد اللي كان عاقد حواجبه ويفكر بعصبيه.. حمد:" تعوذ من ابليس واذكر الله وارقد وراك علاااااج من الصبح."
مارد عليه وتلحف وغطى ويهه، طووول الليل ظل محمد قاعد ويفكر" ايييييييييه ياسحر أنا تكلميني بهالسلوب؟ لكن وش فيها متغيرة علي؟ معقووولة الحادث خلاها تتغير؟؟ بس هي ماكانت جذي من قبل لاأسافر، كانت اوكي معاي؟ أحسها جافة وماتبي تكلمني، تتهرب من اتصالاتي ومسجاتي؟ معقولة يروح الحب اللي بينا بهالسهولة؟ تنسى حبها لي؟ لالالااا مايصير يمكن تعبانه والا عندها مشكلة وماتبي تقولها لي حتى ماتزعجني؟لكن اذا ماتبي تزعجني ليش كلمتني بهالأسلوب وهي تدري اني ماحب اي بنت ترفع صوتها بويهي؟ اااااااااااااه يااااااااااااارب، ساااااااعدني وش اسوي؟ لازم أتعالج بأسرع وقت حتى أخطبها بهالإجازة هذي قبل لايصير شي." ... كل هالأفكار كانت دور براسه اللي بينفجر من كثرة التفكير.

^^^^^^^^^^^^^^^^^^^^^^^^

مرت الأيام بسرعه، وكل شي تغير علاقة سحر ومحمد تدهورت، بكل مرة يتصل فيها لازم يتهاوشون وتنتهي بعصبية محمد وضيق سحر من الوضع اللي هي فيه. وفهد اللي للحين يحن عليها يبي يشوووفها..وأخيراا وبعد صبر أيام وأسابيع قررت انها بتشوفة في المول. وراحت ويا ميثة هناك وقعدت بالكوفي شوب تنتظره.
ميثة:" شفيييييج متغيرة ألوانج، أهدي أشوي."
سحر:"ميثة واللي يرحم والديج فكيني، ماتوتريني أكثر."
ميثة:" صدقيني بتفضين عمرج بنفسج."
وظلوا يسولفون شوي وبعد عشر دقايق دق تلفون سحر.. وردت عليه كان فهد:" ألوو."
فهد:"هلاااوغلااا، شخبارج؟"
سحر:"بخير، وصلت الموول والا بعدك؟"
فهد:" والله من زمااااان واناا اشوفج الحين."
سحر:"شنوووو، حنا مااتفقنا جذي."
فهد:" أمززح معااج شفيج عصبتي أنا للحين بره عند الباركات بعد خمس دقايق بكون عندج."
سحرواللي هدأت اعصابها:" اوكي بسرعه لأني مابي اطوول عندي مشاوير ثانيه."
فهد:" اوكي، باااي."
سكرت التلفون وظلت تنتظر، وفعلاً بعد خمس دقايق كان فهد متصل لها يسألها:" ويييييييينج فيه؟؟."
سحر:" قلت لك بكوفي شوب، بالطابق الثاني مب تحت ."
فهد:"اهاااا على بالي تحت انتي، اوكي شلون أعرفج؟"
سحر:" اركب وبتعرفني مايحتاج اوصف."
وبس ركب فهد شاف بنتين قاعدين حول طاولة بالكوفي شاف ميثة وعرفها لأنها حبيبة رفيجة المزعومة.." أكييييييييد هذي الثانية اللي وياها،اكيييد هذي سحر صج لها الحق انها ترفض، وااايد جميلة بنت الـ..، لكن وين بتروحين مني ياسحر."
فهد:" ألووو صج عرفتج من شفتج،."
سحر:"وين إنت؟"
فهد وهو يمشي بإتجاههم:" هذا انا اللي ياي صوبكم."
سحر ماتوقعت انه يكون بهالجمال هذا، أنييييييييييق ووسيييييم وايد كان بمستوى محمد تقريباً الا انه يفرق عنه بالاخلاق والتربية السنعه. كان يمشي بكل غرور وثقة ويوم وصل يمهم وقف وسلم:" السلاااام عليكم."
سحر حست إن قلبها شوي ويوقف، عمرها ماصارت بهالموقف:" و.. وعليكم السلام."
فهد وهو يطالع ميثة:" شخبارج ميثة؟ وين عبدالعزيز عنج؟"
ميثة واللي متعودة انها تسولف مع الشباب ولاتهتم لأحد:" بخير ، والله مدري يقول مشغول."
فهد:"اهاااا،، سحر؟؟ شفيج مستحية؟"
سحر:"لاأبدااا بس مابي حد يشوفني وانت واقف هني."
فهد:"ايوووة فهمت قصدج، بس يالله انا بمشي تامروني شي؟"
سحر:"سلامتك."
فهد وحاس بسعادة:" بتصل فيج بعدين او بالليل اوكي، انتبهي لنفسج مع السلامة
سحر:"اوكي، مع السلامة."
وبس راح عنهم تنهدت سحر تنهييييدة طويييييييييلة:" كنت بموووووت."
ميثة :"ههههههههههه والله كان عادي وماكان يبين عليج انج خايفة، زين ماقلتي لي شرايج فيه؟"
إبتسمت لها إبتسامة النصر وقالت:" بصراحة ماينعاااااااااب."
ميثة:"مو قلت لج من قبل."
ميثة كان غرضها من كل هذا انها تخلي تكسر غرور سحر، والطيور على أشكالها تقع.

^^^^^^^^^^^^^^^^^^^^^^^^
الصبح الساعه10...
إتصلوا المستشفى لبيت بوعبدالله يخبرونهم إن أبوهم تحسنت حالته شوي، فرحت أم عبدالله واااااااايد وبسرعه خذت عيالها وراحت له المستشفى، شوق راحت معاهم كانت طيبة وعلى نياتها، راحت تزور أبوها اللي طول عمره كان ظالمها، ومعذبها. ويوم وصلوا المستشفى دخلوا عليه الغرفة بعد ماإستأذنوا من الدكتور وسمح لهم بزيارة سريعه.
أم عبدالله:" ماتشوف شريابوعبدالله."
هدى:" حمدلله على سلامتك يبه."
وسلمت عليه هديل وعبود، أما شوق الوحيدة اللي ظلت ساكته وخايفة تكلمه ماكان يقدر يتكلم لأن حيييييل تعبان بس ظل يطالعهم ويبتسم ويوم وصل لشوق طالعها بنظرات الكره، حتى وهو مريض وبين الحيا والمووت يكرهها ويحقد عليها.
أم عبدالله وهي فرحانه انه تحسن:" لاتتعب نفسك يابوعبدالله، نسيت أقول لك يسلم عليك بوعمر ترى مرّ البيت والله انه خوش ريال ماقصر معانا كل شي اييبه لنا."
بوعبدالله ماكان باله معاها لأنه كان يطالع شوق، وبقلبه كان يقول:" انتي السبب، انتي اللي خليتيني اوصل لهذي المواصيل، انتي مرضتيني الله ياخذج وافتك منج، لكن وين بتروحين مني يابنت بدرووه انتي واهلج، بطلع رووحكم."
وبعد دقايق وصار اللي ماكان بالحسبان، ودقت ساعة الصفر،وقف كل شي عن الحركة.جهاز القلب خلااااااااص وقف، وجهاز التنفس ماعاد يفييييييييييد.
ام عبدالله وهي اطالعه بصدمة وتهزه بصراخ:" بوعبدااااااااااالله،، بوعبدااااااااااااالله، بوعبدااااااااااااااااااااالله.."
شوق طلعت بسرعه وراحت تنادي على الدكتوروالا وحده من الممرضات، هديل حظنت أخوها وطلعت بسرعه لأنها ماتتحمل تشوف هالمنظر هذا.. وهدى ماكانت مستوعبة اللي قاعد يصير وظلت تصيح وتنادي أبوها:" يبببببببببببه،، يبببببببببببه..يبببببببه أقعد؟؟!!"
وبعد ماوصل الدكتور والممرضات طلعوهم من الغرفة وحاولوا ينقذونه، لكن بوعبدالله من زماااااااان ترك الدنيا ومااااااااات وماتت شروره وياااه.
المستشفى بذاااك القسم كان مسأاااه كانت مصيبببببه حلّت على روووسهم، وخصوصاً أم عبدالله، ردوا البيت والخبر أنتشر ربع بوعبدالله تحسفوا عليه وبجوا، أما الجيران اللي كان مأذيهم ويعرفون سواته ماكانوا يقدرون يقولون الا لاحول ولاقوة الا بالله، انالله وانااليه راجعون. الناس اللي سمعت الخبر راحوا بيت بوعبدالله، يواسونهم صح كان قاسي وظالم بس كان ريال البيت.
أم عبدالله كانت قاعدة وتولول على حظهم:" اااااااااااااااااخ يابوعبدالله، مدري من وين نزلت علي هالمصيبة، وش اسووووي بعمري وياهالعيال؟ آآآآآآآآآآه آآآآآآآه ماعاد لي سند من بعدك يابوعبدالله..!!" الوحيدة بالبيت اللي كانت تندب حظها وهدى على هالبلوة اللي صارت لهم مثل مايقولون. شوق كانت فوق تصلي ركعتين قربة لله،، وتترحم لأبوها عسى الله يغفرله. أما عبدالله فكان مسكين يطالع أمه وخواته ويصيح بزاوية الصالة، كان طووول الوقت يسألهم عن ابوه، وين راااح؟ وليش خلاااهم؟؟ وهديل كانت قاعدة على الكنبه، الحريم اللي كانوا يدخلون ويواسنهم كانوا يسمحون على راسهم هي وأخوانها،" لاااااتمسحووون على راسي،ليييييييش تسووون جذي؟ لأني يتيمه؟ ماني يتيمة اليتيمة شوووق اللي مالها حد في هالدنيا الحين، أبوي الظالم ورااااح امها وتوفت من سنين، ماعندها احد، أنا عندي أمي وأختي وأخوي، لكن شوووق ماعندها الا أنا وأخوي، إحنا وش بنسوي لها؟ آآآآآآآآآآآآه ياحبيبتي ياشووق."

^^^^^^^^^^^^^^^^^^^^^^^^
إنتشر الخبر بسرعه وفي بيت شيخة..
بدور:" يمممممممممممممه ،، يممممممممممه ."
شيخة:" بسم الله شفيج اتصارخين جذي؟"
بدور:"يمممممه بوشوق ماااااااااااااااااات."
شيخة بدهشة وصدمة:" شنوووووو؟؟؟ مااااااات؟؟ شلووووون؟"
بدور:"الله يهداج يمه شلون الواحد يموت؟ يمه مب كان مريض الله أخذ أمانته."
شيخة مب مصدقة اللي تسمعه:" انتي متأكدة؟؟ من وين سمعتي؟"
بدور:" أم سارة متصلة وقالت لي."
شيخة وهي رايحة تلبس عباتها:" بدور يمه بروح بيت يدج بتيين معاااي؟"
بدور:" أكييييييييد، بس يمة مب لازم نروح لبيت شوق اول؟"
شيخة:"ماعليه بعدين بالأول نروح بيت يدج، وبعدين نرد لبيت شوق."
بدور ماكانت عارفة شعورها، تستانس لأنه شوق افتكت من ظلم ابوها والاتحزن لأن شوق مالها أحد بهالدنيا غيرهم وهي ماتدري؟"
بسرعه جهزت نفسها وبعد عشر دقايق كانت شيخة في بيت ابوها، ووصلت الخبر لهم.
أم محمد:" لااااحووول ولاقووة الا بالله، ومتى صار هالشي؟"
بدور:" من نص ساعه سمعت بس متى توفى مدري."
أم محمد:" ورحتوا لهم؟؟"
شيخة:" لايمة على طوول ييتج البيت، بتين وياي؟"
أم محمد:" مااقدر، اخاف ابوج يعصب والا يسوي لي سالفة."
شيخة:" يايمه ياحبيبتي الريال ميت وش بصير يعني."
أم محمد:" اتصل فيه واسأله بالأول."
أبومحمد وصلة الخبر من توفى بوعبدالله، وكان مصدووم من الخبر، وابوعمر ماتوووقع ان بوعبدالله يموت وينتهي كل شي بهالسهولة.
وبعد ماأذن بومحمد لفاطمة زوجته انها تروح ويابنته، راحوا ومعاهم عيالهم اللي اصروا على انهم يروحون معاهم,, خلود كان ودها تشوف شوق اللي كانوا يتكلمون عنها، وسمر وبدور بعد وياهم. وبعد ماوصلو هناك كانوا قاعدين بالصالة وكل واحد فيهم اللي بقلبه غيييييييير عن الثاني، والناس اللي كانت يايه تعزيهم . خلود وسمر ظلوا اطالعون البيت وشكله كان صغير بالنسبة لهم ومثل مايقولون بيت فقاره..! بس ماكان يهمهم كل هذا لأن الانسانن بالنسبة لهم مايتقيم بفلوسه.
خلود وهي تهمس بأذن بدور:" وينها شوق؟"
بدور:" الظاهر فوق، بسأل أختها." طالعت هديل وسألتها:" وين شوق؟"
هديل وبنظرات الحزن:" فوق تبين اناديها لج؟"
بدور:" اذا ممكن."
طالعت هديل عبود ونادته:" عبدالله حبيبي روح نادي على شوق قول لها بدور هني."
عبدالله:" ان شاءالله."
سمرتقول لبدور:" ياحليله اينن."
بدور:"ايييه يحب شووق ويموووت فيها."
وبعد أقل من خمس دقايق نزلت شوق كانت رغم الالم ورغم الحزن جمييييييلة تلفت إنتباه الكل بهدوءها ورقتها وصبرها!! خلود ماتوقعت شوق تكون بهالحلااااااااااوة هذي توقعتها بنوته عادية، خلود تكلم سمر:" شفتيها شحلاااااتها اتينن."
سمر:" والله هذااا وقتج انتي، قوومي زيين." ووقفت وسلمت عليها وحضنتها:" عظم الله أجرج."
شوق:"أجرنا وأجرج." وبعد نفس الشي سلمت على خلود، ولما شافت بدور حضنتها وتمت تصيح وتصييييح:" شفتي اللي يصير فيني يابدووور شفتي، ماااعاد عندي أحد."
بدور وهي تصيح:" بس ياشوووق بس،، احنا معااج."
سلمت شوق على شيخة :" عظم الله اجرج، الله يصبركم على ماابتلاكم."
شوق:" اجرنا وأجرج."
وآخر وحدة كانت بتسلم عليها كانت أم محمد، ظلت اطالعها وتصيح، كانت أول مرة تشوفها بعد كل هالسنين اللي راحت، كانت تشبه أمها بدرية بطيبتها وشكلها وصبرها ع الظيم والألم، كل شي كان يذكرها فيها ببدرية. إتسغربت شوق هالنظرات من أم محمد " ليش إطالعني جذي؟ ليش هالحزن كله بعيونها؟؟"

^^^^^^^^^^^^^^^^^^^^^^^^

النتايج طلعت وكل واحد فيهم نال نصيبه على حسب إجتهاده، خلود وسمر نجحوا وبإمتياز، سيف بعد نجح وارتفع مجموعه عن قبل وتخرج من الجاااامعه وكان بيطيييييييير من الفرح.
بدور نجحت بتقدير جيدجداً،أما مازن فرسب ونال عقااابه من أبوه وأمه وفرضوا عليه دراسه بالمعهد طوووول الإجااازة تعويض حتى يتأدب ويدرس زين مرة ثانيه.
سحر وأختها العنود نجحوا وطبعاً بإمتياز بعد، وبيت بوحمد نوف كانت من الثانيه على صفهم, ومريم كانت الأولى على دفعتها بالفصل هذا. أما بيت بوعبدالله فشوق وهديل كان تقديرهم ممتاز، وعبدالله كان مثلهم تمااااااماااً حليله كان بالصف الثاني.والحيدة بينهم هدى اللي رسبت بكل جدارة وعليها تعيد السنة!! مرّ الشهر الأول من بعد سفر محمد ووفاة بوعبدالله بسرعه، ومابقى شي ويرد لديرته وأهله. بعد ثلاثة أيام بتطلع أم عبدالله من العدة وتعيش حياتها مثل حياة أي أرملة توفى زوجها.

في بيت بوعبدالله بعد الثلاثة الايام..
هدى واللي طاااقة جبدها ومنقهرة لأنها رسبت:" افففففف هذي أكره إجازة مرّت علي بحياتي، والا النتايج اللي تقهر."
هديل:" محد قال لج لاادرسين واعتمدي ع الغش."
هدى:"اوووووووووه سكتي انتي مالج خص فيني ولا يدخلج غشيت والا ماغشيت."
شوق:" ماعليه بتعوضين ان شاءالله هالسنة."
طالعتها بقهر:" وانتي بعد من دخلج، سدي حلجج وأكرميني بسكوتج."
شوق:" هدى انا اعرف انتي ليش تعامليني جذي ماكأني أختج."
هدى:"ماااااااطيقج مااااااحبج ، ومن قال انتي أختي انا ماعندي الاأخت وحدة وبس,."
شوق:" ماقوول الا الله يهديج."
هدى وبعصبيه:" وش قالوا لج مينونه؟ والله لو مامات ابوي كنا افتكينا منج واسترحنا."
نزلت ام عبدالله من فوق:" شفيكم صوتكم واصل لفوووق وانتي ماتيوزين عن بناتي دوم ااتهاوشينهم."
هديل:" يمه هذي هدى مب شوق."
ام عبدالله:" جب ولاكلمه انتي الثانيه، سمعوني من اليوم وساير كلامي هو اللي بيمشي بهالبيت واللي مب عاجبه >> وكانت تقصد شوق بكلامها.. الباب يوسع جمل."
كلهم سكتوا وظلوا يطالعون بعض، قعدت معاهم أمهم وهي تفكر شلون بتصرف عليهم وبتربيهم، ووصية أبوعبدالله اللي للحين ماتدري وش فيها..
أم عبدالله:" في أحد اتصل البيت؟"
هدى:" ايه، بوعمر يمه."
بإستغراب:" بوعمر؟ ماقال وش يبي؟"
هدى:" مدري قال بيتصل مرة ثانيه ويبيج بموضوع مهم."
طالعتها وعلامات الاستفهام على ويهها:" موضوووع؟ وش موضوعه؟ من توفى بوعبدالله وهو ماقطعنا، أخاااف له علينا فلوووس الله يستربس."
هديل:" والله شكلنا ولابنستريح منه هذا."
هدى:" والله قاااعد على قلبج."
والعصر بعد الصلاة دق جرس الباب وكان بوعمر هو اللي واقف..
بوعمر:" شلونك عبدالله، امك هني؟"
عبدالله:"ايه هني أناديها لك؟"
بوعمر:" ياريت." وظل واقف بره ينطرها اتيه عند الباب. ومن ورى الباب بعد ماخلته مفتوح شوي حتى تسمعه، بوعمر:" السلام عليكم ياام عبدالله."
ام عبدالله:" وعليكم السلام،، خير ان شاءالله."
بوعمر:"الخير بويهج، بغيتج بكلمة راس."
ام عبدالله:" تفضل، آمر."
بوعمر:"مايامر عليج عدو، يمكن مب وقته بس وش اسوي مابليد حيله ومثل مايقولون الحي أبقى من الميت، أنا عارف ان كنا راح نصير نسايب بس كل شي مقدر ومكتوب وبصراحة كانت صدمة لنا اللي صار، وانا ابي اقول لج ياام عبدالله انا للحين شاريكم وشاري البنت وماراح اتخلى عنكم، وتعرفين كلام الناس مايصير اروح وايي بيتكم ومافيه صلة قرابه وش قلتي؟"
أم عبدالله حست أن ابواب السعادة انفتحت بويهها مرة ثانيه:" والله مدري وش اقول لك، انت تعرف توني طالعه من العدة الناس وش بتقول؟"
بوعمر:" انا ماراح اسوي عرس ولاشي مجرد كتب كتاب وباخذها وينتهي كل شي شرايج؟"
ام عبدالله:" خلني افكر وارد عليك المساء والاباجر ان شاءالله."
بوعمر واللي بطير من الفرح:" يالله مع السلامة ماتامريني شي؟"
ام عبدالله:" مشكور وماتقصر."
راح بوعمر وترك وراه أفكار مالها نهاية بعقل أم عبدالله إللي ماتوقعت إن بوعمر للحين يفكر بالزواج، على بالها ان كل شي انتهى بمووت بوعبدالله، لكن البداية كانت هني ومو بس قبل لايموت!! دخلت الصالة وهي تفكر" أكيييييييد بوافق وش يصير مافيها شي، منها استريح من مجابلها واذيتها ومنها أستفيد من بوعمر."و قررت انها ترد عليه باليوم الثاني.
^^^^^^^^^^^^^^^^^^^^^^^^
باليوم الثاني كان الحظ واقف يم أم عبدالله، الوصية وصلتها وكان البيت مكتوب بإسمها الفرحة كانت مب واسعتها لأنها خلااااص صارت حرررة وصاااااحبة البيت.
أم عبدالله:" هديل، عبود ، هدى وشوقووو نزلوا تحت أبيكم بموضوع."
وبعد خمس دقايق كانوا كلهم بالصالة تحت ومستغربين من أمهم لامتهم كلهم وكل واحد يسأل نفسه ياترى وش تبي منهم، الا عبدالله الوحيد اللي ماكان يفهم بكل شي.
أم عبدالله:" سمعوني زين، وصلت اليوم وصية المرحوم أبوكم."
هدى:"وش فيها يمه؟"
ام عبدالله:" بتعرفين خليني أكمل كلامي، طبعاً هو ماكان يملك ولاشي غير هالبيت وبعض الفلوس اللي خلاها لنا بالبنك. الأهم من هذا إنه سجل البيت بإسمي وانا الحين صاحبة البيت هذا."
هدى وبفرحة:" صج يممممة؟؟ مبروووك."
هديل:" زين وبعدين؟"
هدى:" ياثقل دمج ياهديلوووو."
أم عبدالله:" وعندي خبر ثاني." وبكل سخرية ومكر :" يهم القموورة شوق."
طالعتها شوق بإستغراب وكأنها تنتظر الخبر، هديل:" شنووو الخبر؟"
أم عبدالله:" بوعمر يبي يتزوجها."
كان كلامها مثل الصاعقة على راس شوق، طالعتها والدمع بسرعه تجمع بعينها:" لاااااا مستحيل اتزوجه مستحييييييييييل." وركضت لغرفتها وهي تصيح.
هديل:" حراااااام عليج يمه لاترحمينها ولاتخلين رحمة الله تنزل عليها؟ مو كفاية الظيم اللي شافته من ابوي ومنكم وبعد يايه تزيدين عليها همها."
أم عبدالله وصفعتها على ويهها:" انتي مايفيد معاااج الا الطق، الظاهر انج تبين اعاملج مثلها، يالله ذلفي من ويهي واللي ابيه هو اللي بيصير، وانا وعدت الريال انها بتزوجة، روحي لابااارك الله فيج من بنيه."
وبعد ماركبت هديل فوق قعدت أم عبدالله وهدى مكانهم،، وظلوا ساكتين ويفكرون بالسالفة..
أم عبدالله:" الحين انا وش اسوي مااقدر اجبرها، وابوعمر من صوب وهذي من صوب افففففففففففف والله بلوووة وانحذفت علي، انا وييين وهالبلاوي وين."
هدى واللي كانت شاطرة بالهسوالف>> طالعه على أمها:" اقووول يمه انا عندي حلّ لمشكلتنا."
أم عبدالله:" هدى انا مب ناقصتج الحين."
هدى:" يمه صدقيني حل بريحج ويرحنا، انتي بس سمعيني واذا ماعجبج اقتراحي ولاكأنج سامعه شي وش قلتي؟"
أم عبدالله:"قولي وأمري لله.">> هذي تعرف الله؟!!
هدى:" انتي مو قلتي البيت بإسمج الحين؟"
أم عبدالله:" ايه ويعني؟"
هدى:" بس خلااااص انتي ماعليج الاتخيرينها ياإنها اتزوج بوعمر والاإنها تطلع من البيت، لأنج حرررة ببيتج وماتبينها فيه؟"
ام عبدالله:" روووحي زييين أكيد بتعاند وراسها يابس اعرفها ماقدرعليها؟ والناس؟؟"
هدى:" ومن قال لج انها بترفض ، هي راح تحس انها بين نارين ياانها توافق والا انها تطلع من البيت، والشي الاكيد انها بتوااافق حتى ماتتشرد."
أم عبدالله واللي بلمح البصر عجبتها الفكرة وحضنت بنتها من الفرحة:"والله مااافيه الا انتي تبردين قلبي، الله يخليني واشوووفج عروووس."
هدى وهي تضحك:" ان شاءالله."
^^^^^^^^^^^^^^^^^^^^^^^

في بيت شيخة أم مازن..
بدور:" ألووو."
شوق:" السلام عليكم."
بدور بدهشة:" هلااااااااااا وعليكم السلااام شخبارج؟ عاش من سمع هالصوت."
شوق:" لحقيييييييني يابدووور."
بدور بإستغراب:" وش فيييييييييج؟ عسى ماشر؟"
شوق:" خالتي أم عبدالله تبي تزوجني لأبوعمر"
بدور:"شنووووووووووو.. لحظة لحظة، يمــــة يمــــة تعالي لحظة."
شيخة:" خير تكلمين منو؟"
بدور:" هذي شوق تقول ان ام عبدالله تبي تزوجها على بوعمر."
شيخة:"هااااااااااااااااااااااا؟؟؟ من صجها هذي؟ ماتستحي على ويهها؟؟ اشوف عطيني السماعه.... ألووو.. ألووو...؟! ." لكن مافي أحد يرد عليها:" بدور انتي متأكده؟ مافي احد يرد علي؟!"
بدور:" ايه متأكده ، اشوف عطيني،،، الووو شوووق ألوووو؟؟" وحاولوا يتصلون لها مرة ثانيه لكن الخط كان مقطوووع، لأن هدى كانت مارّة وشافتها تتكلم بالتلفون وقطعت الخط عليها..!!
هدى:" على بالج انج بتلقين مفرّ منا لاااا انتي بتزوجينه غصباً عليج."
شوق:" حراام عليكم شسويت لكم ارحممووووني الله يرحمكم."
هدى:"ههههههههههههههه، طيعي أمي بتستريحين." وراحت بسرعه تنادي أمها وتقول لها على اللي صار، وبسرعه ركبت ام عبدالله فوق لشوق..
أم عبدالله:" سمعيني يابنت بدرووه شغله من ثنتين ياإنج اتزوجين بوعمر الريال الطيب اللي إختاره لج أبوج، والا إنج تطلعين من بيتي."
هدى كانت تضحك ومستانسه من الإنتصار اللي بيحققونه>> بحرب قاعدين.
شوق ماعرفت وش ترد عليهم ظلت اطالعهم ومدوعها مغرقه عينها.. وتفكر بالكلام اللي قالته لها أم عبدالله اللي واقفة تنتظر رد منها:" يالله وش قلتي؟؟؟ يااتزوجين ياإطلعين."
شوق وهي تتوسل لها:" حراااااااااااااااام عليج أبوووس ايدج مابي اتزوجه، خليني هني وييييييييين أروح؟ مااعندي أحد واللي يسلمج واللي يخليج لااطرديني من البيت،، بسوي اي شي تبينه بشتغل بالبيت حتى لو اصير خدامة عندج بس لاأطرديني." كانت تقول لها هالكلااام وقلبها بتقطع ألف مرة..
أم عبدالله:" وانتي شنوووو خدااامة بالبيت لاأكثر ولاأقل، بصراااحة مابيج عندي أحسج ثقل على قلبي يالله بسرعه قووولي ياإطلعين يااتزوجين بوعمر الريال ماابي انطره اكثر من جذي."
شوق:" ليييييييييييييييييييش مافي قلبج رحمة، شسويت لج حتى ترميني هالرمية هذي، ابوووس ايدج لااطرديني من البيت." والمسكينة نزلت عند ريلها وتترجاها انها ماتزوجها ولاتطردها من البيت، لكن الرحمة من قلوبهم انشالت وماعاد لها وجود.ورفستها وقالت لها :"إذا ماتبين توافقين من باجر تلمين أغراضج وبرررره البيت فاااااهمة؟!"
ظلت المسكينة تصيح وهي على الارض تندب حظها العاثر،"آآآآآآآآآآآآه آآآآآآآآآآآه، وييييييييين أرووووووووح حرااام عليكم حراااام عليكم حراام عليكم."

هذا كان آخر قرار لأم عبدالله، ياتزوج شوق بوعمر ياإنها تطلع من البيت، نارين مامنهم مفر، شوق ظلت محتااارة طووول اليوم مب عارفة وين تروح والا لمن تلتجأ؟؟؟ وشيخة اللي زاد خوفها عليها من سمعت الخبر، وخصوصاً لما انقطع الخط وحست إن صادها شي، لكن شنوو؟ الله أعلم؟ بومحمد لما يسمع هالخبر راح يقدر يوقف مع شوق؟ومحمد المسكين اللي بلندن يحاتي سحر اللي لاعبه بذيلها ويافهد، وهو ياغافلين لكم الله مايدري بسواياتها، هل راح اتظل علاقتهم مثل ماهي مدهورة والا راح تتغير بس يرجع؟واحمد اللي يبي يقوول لمريم عن حبه لها، راح يقدر؟ ولما يقول لها هل بكون شعورها ناحيته مثل شعوره؟

الجزء الحادي عشر


دخلت المول ومعاها ميثة، الجرأة كانت يوم عن يوم تزيد سحر فصخت الحيا بالمررة وصارت طلعاتها لازم وياميثة وفهد وحتى عبدالعزيز..!!
ميثة وهي تهمس لعبدالعزيز:" حبيبي شرايك نتمشى بروحنا شوي؟"
عبدالعزيز:"اووكي مب مشكلة."
وهم قايمين، طالعتهم سحر:" خييييييير وين بتروحون؟"
ميثة:" بنتمشى اوكي وبنرد بعد شوي."
سحرطالعتها بنظرات انها لييييييش تسوي جذي ماتبي تقعد بروحها ويافهد، بس ميثة إبتسمت لها وغمزت بعيونها وكأنها تشجعها على الغلط أكثر وأكثر. وبعد ماراحوا عنهم..
فهد:" أ.. سحر."
وهي اطالعه بطرف عينها:" نعم."
فهد:" أبي اقولج شي بس مابيج تزعلين والا تعصبين توعديني؟"
سحر:" على حسب اللي بتقوله."
فهد:" لاااا اوعديني بالأول."
سحر:"اوكي أوعدك."
فهد:" أحبج."
الا هذا الشي ماتوقعت انها تسمعه منه، ظلت منزله راسها وتفكر فيه:" شلون يحبني وهو مجرد صديق؟ لكن شفيها مافيها شي عاااادي أنا الكل يتمناني وماينقصني شي." وقطع حبل تفكيرها فهد:" سحرتضايقتي؟"
طالعته بإبتسامة:"لاااا.."
فهد:" شرايج؟"
سحر:" بشنووو؟"
فهد:" باللي سمعتيه."
سحر واللي تحب تماطل وايد:" بس حنا متفقين ان نظل مجرد اصدقاء."
فهد:" سحرمافي صداقة بين ولد وبنت وانتي بصراحة عاجبتني شقلتي؟"
سحر:" فهد انت شقاعد تقول؟ عاجبتني وموعاجبتني سيارة أنا بتشتريها؟"
فهد:" ياعمري أنا آسف."
طالعته بإستغراب:" وش قلت؟"
فهد:"آآآآآآآآآآآآآآآآآآآآسف، بس صدقيني أحبج ومابي غيرج إنتي."
سحر كل ماليها تنتفخ من لغرور بسبب المديح اللي يمدحه اياها فهد، اللي كان قاعد يلعب بالنار وسحر ماتدري انه خبيث وغرضه منها شي واحد بس.
سحر:"خلني أفكر."
فهد:" وش تفكرين فيه الله يهداج شوفي اذا موعاجبج انا من الحين بقول لج بمشي عادي، بس كوني واثقة ان مشاعري اتجاهج صاقة واني حبيتج من كل قلبي."
سحر:" بس يافهد.."
فهد:" رفعي راسج وقولي لي بس شنو؟"
سحر وهي تفكر بأيامها الماضية اللي ويامحمد:"لا،، لاااا ولاشي."
فهد واللي مجود أعصابه لأنها رفعت ضغطة:" ياسحر ياا..آسف مابي أي كلمه قبل لا اعرف رايج والحين، وش شعورج اتجاهي؟ اتحبيني والا لا؟"
سحرواللي كانت ماتفكر بعقلها بس بقلبها وبعد تردد:" إيـــه."
فهد:" يعني افهم انج تبادلين نفس الشعور؟"
سحروتغاضت عن سؤاله:" بس إسمعني علاقتي معاك أنا اللي راح أمشيها واذا موعاجبك كل بطريجه، لاتفهمني غلط بس أقصد طلعاتنا أنا اللي راح أقولك متى أبيها ومتى ماأبيها."
ظل ساكت ويفكر بقلبه:"ايييييه ياسحر اذا ماخليتج تبوسين ريلي ماكون فهد، راح أحطم غرورج بجمالج وفلوسج وأنانيتج وإحتقارج لكن صبري علي."
سحر:" وش قلت يافهد؟"
فهد بإبتسامته الخلااابه:" إنتي تامرين بس أنا بعد عندي شرط، مو بكل شي بتمشينها على كيفج، يعني أنا الريال ولازم يكون لي كلمة والا انا غلطان."
سحر:" موافقة."
بداية الرحلة الشيطانية بدت من مكالمة وبدت من هذا المكان، سحر كان إنسانه ساذجة رغم جمالها وثقافتها اللي مااطبقها بحياتها، كل همها الجمال ولفت الإنتباه والسيطرة.حياتها كانت خالية من أي معنى من معاني الحياة. وفهد ذاك الإنسان المريض بإشباع رغباته وغروره ومثل مايقولون الطيور على اشكالها تقع!

^^^^^^^^^^^^^^^^^^^^^^^^
ظلت بغرفتها تصيح وتندب حظها اللي رماها هالرمية:" آآآآآآآه يايمه، وين أروح؟ وش بيدي أسويه؟ قلوب من حجر يايمه ماتلين.ويييين أروح ياليتج أخذتيني."
هديل كانت واقفة يم الباب وأدق عليها:" شوووق شوووق فتحي الباب، شفيج؟ شوووق."
لكنها ماردت عليه ولافتحت الباب، كان الألم اللي بقلبها يذبحها ألف مرة، مافي حد بهالدينا يقدر يساعدها:" إييييه ياشوووق هذا انتي وحظج العاثر دوم تمشون سوى ماراح نفترق الظاهر ابد، وش تبين مني ياهديل؟ ماعاد الكلام يسوي شي، وانتي ماتقدرين تساعديني." كانت كل دقه ادقها هديل ع الباب بقلب شوق وكأنها تقول لها " طلعي من البيت انتي مالج مكان هني مالج مكان بينا!!"
هديل يأست من أنها تفتح لها الباب، وتوها متباعده الا هدى بويهها..
هديل:" كل منج إنتي ساس البلا بهالبيت شيطااان رجيم العياذ بالله منج، انتي مافيج ذرة من الانسانية، مافي قلبج رحمة، ليش تخلين أمي تسوي جذي فيها؟ وش بتستفيدين؟"
هدى بعصبيه:"اووووووووه شيطان بعينج، ماحبها ماطيقها مااحب اشوووف ويهها، وثانيا كيفنا أنا وأمي."
هديل واللي مو مصدقة انه اختها بهالنذاله هذي:" خاااافي الله ياهدى بييج يوم، ترى الدنيا ادور ومالها أماان."
هدى:" هذا اللي ناقص شرايج ادعين علي بعد ماكأني أختج."
هديل:" حسبي الله ونعم الوكيل فيج، لكن من اليوم ورايح ماراح أسكت عن اللي يصير بهالبيت."
هدى:" والله اذا موعاجبج الباب يوسع جمل تقدرين اطلعين."
هديل ماتحملت الكلام اللي تسمعه منها وعطتها كف على ويهها، هدى انصدمت منها وطالعتها بكل غضب وكره:" اوريج ياهديلوو يالخايسة توقفين ضدي لكن اذا ماخليت أمي توريج ماكون هدى."
وقفت هديل عند باب غرفتها وهي اطالع ايدها اللي ضربت أختها:" آآه يارب وش صار بهالبيت كل ماقلت بتتحسن الاوضاع تنقلب أكثر وأكثر."
نزلت هدى لتحت وراحت لأمها وهي تصيح:" يمه شفتي بنتج شسوت فيني.."
أم عبدالله:" شسوت بعد انتوا ماتيوزون عن هالواش كل يوم."
هدى:" ضربتني على ويهي كل هذا علشان خاطر شوقوو الكلبة."
أم عبدالله بعصبيه:" شنوو؟ انا هذي مابستريح منها الا اذا طلعت من البيت موكافي بسبتها مات بوعبدالله، يايه تخرب بناتي."
هدى:" يمه متى بتطردينها من البيت؟ الظاهر انها ماراح توافق على بوعمر، وراكبه راسها."
أم عبدالله:" من قال لج انها بتظل بالبيت انا مااتحمل اشوفها، لازم أفتك منها بسرررعه."

بوعمر مازال يتردد على بيت بوعبدالله، وينتظر الرد منهم وام عبدالله كانت تصبره وتقول له صبر وتجذب عليه وتقول له البنت تقول ان ابوها توه متوفي وماتبي تتزوج وان هي تحاول تقنعها. وهو مازال مصمم على زواج سواء منها والامن غيرها..!!

^^^^^^^^^^^^^^^^^^^^^^^^
شيخة اللي كانت محتارة من أمرها قررت انها تروح لبيت شوق وتشوف السالفة، وفعلاًبعد صلاة العصروبدون ماتتصل وتخبر أم عبدالله إنها بتيي بيتهم راحت وفاجأتها بجيتها..
أم عبدالله واللي نست إن شيخة تصير لشوق بسبب انشغالها بموضوع الزواج:" شيخة؟؟؟؟"
شيخة:" شفيج مستغربة إي شيخة؟ ممكن أدخل؟"
أم عبدالله:" إيه، إيه تفضلي."
ودخلتها الصالة وقعدت،أم عبدالله ماكانت تدري وش سبب جيت شيخة المفاجأة..
أم عبدالله:" الله يحيج ياأم مازن، شخباركم؟"
شيخة:" حنا بخير انتوا اللي شخباركم؟ وشخبار شوق؟"
أم عبدالله بتوتر:" هاااا؟ اي زينين زينين."
شيخة:" شنو اللي زينين وش فيج ياأم عبدالله صاير شي؟"
أم عبدالله:" لا ماصاير شي."
شيخة وبدون مقدمات للموضوع لأنها ماعادت تستحمل الوضع اللي فيه نسيبتها:" وين شوق ياأم عبدالله؟"
أم عبدالله وهي تهز ريايلها:" ف،فووق فووق ويا البنات."
شيخة:" أم عبدالله أبي أعرف منج شي، وابيج اتجاوبيني على السؤال."
أم عبدالله:" شنووو؟"
شيخة:" انج تبين اتزوجين شوق لبوعمر صح اللي سمعته والالا؟"
أم عبدالله:" لاااالااا انا ماقلت انا اصلا ابوها الله يرحمة يوم قال يبي يزوجها لأبوعمر رفضت وقلت له حرام البنت صغيرة وهذا ريال عود مايصير بس هو.."
وقاطعتها شيخة:" واذا قلت لج ان شوق اتصلت وقالت لي انج تبين اتزوجينها له."
أم عبدالله:" لاااا مستحيل الله يهداج انا اسوي فيها جذي، انتي تعرفيني زين."
شيخة:" ياأم عبدالله أنا اعرفج زييييين ومايحتاج تقولين لي، زواج شوق مستحيل يتم وانتي تعرفين السبب."
شوق واللي كانت واقفة عند الدرج بس ماحسوا عليها:" ليييييييش؟ وش السبب؟"
انصدموا ثنتينهم لوجود شوق بالصالة، ام عبدالله تمنت إن الأرض تنشق وتبلعها بهاللحظة، شيخة كانت مب عارفة وش تقول لها.
شوق وهي تنزل من على الدرج:" ماقلتوا لي وش السبب اللي يمنعج ياخالتي انج تزوجيني؟ وشيخة وش دخلها بالسالفة؟أبي أعرف."
أم عبدالله حست إن كل تخطيطاتها واللي تبيه إنتهى، بعد هذي اللحظة. وقفت شوق قبال خالتها أم عبدالله وتسألها:" ليش ياخالتي؟ جاوبيني وش السبب؟"
شيخة طلعت تلفونها واتصلت بأبوها وخبرته بالسالفه واللي صار في بيت بوعبدالله، ومازالت شوق بحيرة ولاتدري وش اللي قاعد يصير من حولها. بعد ربع ساعه بالضبط كان بومحمد وبوحمد وأم محمد في بيت بوعبدالله. دخلو الميلس وقعدوا هناك. شيخة قالت لشوق إنها تلبس شيلتها وعباتها وتدخل الميلس.
بومحمد:" الظاهر صار الوقت اللي تعرف فيه كل شي."
كانت أم عبدالله قاعدة بالطرف الثاني من الميلس وحاسة انها إنسانه صغيرة بينهم.. ودخلت شوق وكانت لأول مرة تشوف بومحمد وبوحمد فيها، كانت هزيله وويهه تبين عليه الضربات والكدمات اللي كان ابوها يضربها، آثار الضرب ماكانت تروح من جسدها لأنها في كل يوم وكل مرة تنضرب.
شوق:" السلام عليكم."
وردوا عليها السلام وقعدت يم شيخة، لأنها الشخص الوحيد اللي تعرفه بينهم.كلهم لاحظوا الشبه بينها وبين أمها بدريه الله يرحمها.
شيخة:" شوق حبيبتي.." وهي تأشر على أبوها:" هذا ابوي ، وهذا عمي بوحمد، وأكيد تعرفين أمي."
شوق هزت راسها بالإيجاب ومازالت علامات الإستفهام على ويهها وش يبون منها؟ وليش أم عبدالله حاسة بالذل بينهم جذي؟"
بومحمد:"شوق يابنيتي أنا مدري من وين أبدأ الكلام معاج بس حان الوقت اللي تعرفين فيه كل شي." وقال لها بومحمد السالفة من أولها لحد يومهم هذا، شوق ماكانت مستوعبه اللي قاعدة تسمعها، كانت طول الوقت تسمعه ودموعها على خدها تسيل، وكانت إطالعه وهي تفكر:" إنتو أهلي؟ إنتو ناسي؟ وينكم من زماااان؟ آآآآآآه يايمه، ليش خليتوا ابوي يسوي اللي سواه فيني؟ ليش ماخليتوه يرحمني؟ وين كنتوا كل هالوقت؟؟ ويييييييين؟؟"
وبعد ماخلص بومحمد كلامه، ظلت شوق ساكته وتصيح. طالعت شيخة وسألتها:" وينكم عني؟ ليش خليتوني بينهم؟ ليييييييييش؟" وحظنتها وردت تصيح بألم..
بومحمد:" من حقج تعاتبينا، بس حنا بعد ماكنا نقدر ناخذج منه، لأنه أبوج وحتى القانون معااه."
قاطعه بوحمد:" بس الحين ياخوي محد يقدر يوقف بويهنا."
بومحمد وهو يطالع أم عبدالله:" سمعيني ياأم عبدالله، أنا عارف وش كنتي ناوية تسوين في شوق، لكن أنا مالي كلام معاج، مع حرمة." فر راسه بإتجاه شوق:" يابنيتي أنا ياي اقول لج ان بيتي مفتوح لج ، وانا ياي آخذج معاي."
شوق ماتدري وش تسوي، تترك أختها هديل وعبدالله، والاتقعد معاهم وتظل بين الهم والظيم؟! بس هي وش يقعدها بالبيت بعد ماكتبه ابوها بإسم زوجته، وهي مالها الحين قعده فيها. طالعت أم محمد وأبومحمد:" إذا كان لي مكان."
أم محمد ومدت يدها لشوق:" البيت بيتج واذا ماشالج البيت تشيلج عيونا." وقامت شوق وحظنت أم محمد، كانت لأول مرة تحس بالأمان، حست حنان الأم، إن لها حد يوقف معاها سند لها.
بومحمد:"ياالله ياشوق روحي جهزي أغراضج وبتاخذج شيخة لبيتنا، ياالله أنا وأخوي بنرد الشركة." وهو يطالع زوجته:" وانتي بتردين والا؟"
أم محمد:" لا أنا برد علشان اخلي الخدامة اتجهز غرفة لشوق."
أبومحمد:" يالله عيل عجلي مابي نتأخر ورانا اشغال."
أم محمد تكلم شيخة:" انتبهوا لعمركم، ولااتأخرون."
وطلعوا من البيت وراحت شيخة وشوق لغرفتها يجهزون أغراضها، اما أم عبدالله مازالت قاعدة بالميلس وتفكر باللي صار لها بهاليوم النحس مثل ماتقول:" أففففف وش هالحظ كنت أبي أفتك منها بس بالطريقة اللي أنا ابيها، باللي يعجبني وش اللي طلعهم لي هذلين؟ الخير اللي كان بيني بروح، لكن لااا بوعمر مالازم يروح من ايدي، وهذي شوق ويهها نحس علي مافيها خير."
أفكار حقيرة كانت ادور براسها، عمرها ماتبت ولافهمت انها لازم تيوز عن الجذب والحقد.
هدى كانت فوق قاعدة اطالع شوق وشيخة ومستغربة:" هذي وش يابها فوق؟ وأمي وينها؟"
نزلت بسرعه ادور عليها، وهديل كانت بغرفتها ماتدري بأي شي وماإنتبهت الا على عبدالله فاتح الباب:" هديل لحقي شوق بتطلع من البيت."
هديل:"شنوووووو هذا أكيد أمي طردتها." وبسرعه ركضت لغرفة شوق وتفاجأت لما شافت شيخة هناك:" السلام عليكم، شخبارج أم مازن؟"
شيخة:" هلا هديل وعليكم السلام، بخير الحمدالله إنتي شخبارج؟"
هديل:" شصاير؟ ليش تلمين أغراضج؟ وين بتروحين؟"
شوق نزلت راسها ومسحت الدمعه اللي طاحت من عينها:" بروح بيت أهلي بيت بوشيخة."
هديل مافهمت وش صاير:" ليييش؟ شلوووون؟"
وقعدت معاها على السرير وقالت لها كل السالفة..
هديل وبحزن:" يعني بتروحين خلااااص؟"
شوق:" صدقيني لوكنت أتحمل أقعد هني أكثر ماكنت طلعت بس انتي أكثر وحده تعرف بالظروف اللي عايشتها هني، بس صدقيني ياهديل مستحيل أنساج إنتي أختي، وماراح أتخلى عنكم، وحتى عبدالله."
هديل حظنت شوق وتمت تصيح واتحسف عليها، وبعد ماساعدتهم نزلوا أغراضها تحت ونادت شيخة السايق ايي يشيل الشنط.كانت هدى قاعدة بالصالة ومقهووورة حدها من اللي صار، وأم عبدالله قاعدة واتعضض بأظافرها مثل اليهال لصغار من القهر. وقفت شوق قبال خالتها وقالت لها:" مع السلامة ياخالتي، ومشكورة على كل اللي سويتيه."
أم عبدالله ظلت منزله راسها واطالع الأرض، وهدى كانت حاطة ريل على ريل وتهزهم وودها اطلع شوق من البيت بأسرع وقت.
شوق وهي تحاجيها:" هدى انتبهي لنفسج، ومشكورة ماقصرتي."
هدى وبكل وقاحة:" وبعدين...">>> يعني خلصي كلامج وفارجي بسرعه.
حظنت عبدالله وظل يصيح ويقول لها:" لاتروحين؟ من بدرسني؟ من بيلعب معاي؟ وين بتروحين؟"
شوق وهي تمسح دموعه من على خده:" حبيبي لاتخاف ماراح اتخلى عنك وبظل ازورك."
عبدالله:" لاتروحين."
شوق:" حبيبي لازم أروح."
هدى وهي اطالعها وبصوت خافت:" روحة بلارده!!"
وأخيراً سلمت على هديل وحظنتها ووصتها على أخوها عبدالله وقالت لها انها اتحمل بروحها.

^^^^^^^^^^^^^^^^^^^^^^^^

طلعت من البيت وعيونها مليانه دمووووع على عبدالله اللي طلع من البيت وركض وراها، كان قلبها يتقطع عليه لأنها ماراح تشوفه دايم قبالها.
وصلت بيت بومحمد، كانت أول مرة تشوف بيت بهالحجم، فتح البواب البوابه ودخلت السيارة داخل، ظلت إطالع وشعور غريب تملكها خوف وقلق من وجودها هني. وقفت السيارة وفتح السايق الباب لهم. طلعت شيخة وظلت شوق داخل السيارة خايفة..
شيخة:" حبيبتي شوق شيفج؟ وصلنا."
تحركت بسرعه وطلعت من السيارة وقفت وطالعت الباب الضخم اللي كان مليان زخارف وكأنه تحفة فنيه مب باب!! دقت شيخة الباب وفتحت لهم الخدامة:" ليز خلي السايق يدخل الشنط اوكي فوق بغرفة شوق."
ليز:" اوكي ماما."
ظلت واقفة عند الباب اطالع المكان من السقف للأرض، كان بيتهم فخم >> فيلا..الديكور والأثاث الفخم، غير المناظر وكل شي بالبيت كان اينن.
نزلت أم محمد من فوق وشافتهم بالصالة:" ياهلااا فيج يابنيتي، حياااج ليش واقفة عند الباب."
شيخة:" انا أدري فيها، من دخلنا وهي واقفة الظاهر ماتبي تدخل."
أم محمد:" لااا وين يمكن مستحية شوي، اقول شوق حبيبتي يايمه ترى البيت بيتج وانتي مثل بناتي، وسوي اللي يريحج."
شوق وبسرعه دمعت عينها:" مشكورة ياخالتي، ماقصرتي."
شيخة:" يالله عاااد عن لصياح وتعالي شوفي غرفتج يالله." وهي راكبه على الدرج تسأل أمها:" أخواني وبدور للحين ماردوا؟
أم محمد:"لا للحين أكيد جريب بردون البيت مايصير يتأخرون أكثر مابقى شي عن أذان المغرب."
شيخة:" زين عن اذنج." وطالعت شوق وقالت لها:"سمر وخلود يو بيتكم يوم توفى ابوج، بس يمكن ماتذكرينهم، ان شاءالله اذا ردوا بتعرفين عليهم."
شوق:" ان شاءالله."
ودخلت غرفتها واللي ماكانت تحلم بحياتها انها تعيش بغرفة مثل هذي." ظلت اطالع الغرفة وتذكرت هديل وعبدالله اللي تركتهم وياأمهم الظالمة الأنانية.
شيخة:" شفيج؟"
شوق:" مدري حاسة اني ظلمت أخواني يوم طلعت من البيت."
شيخة:" وش اللي تقولينه؟ انتي من زمان كان لازم تعيشين بهالبيت، وأخوانج الله كفيل فيهم وان شاءالله أمهم توتعي على نفسها وتتعامل معاهم بطيب لاتخسرهم وتخسرحياتها."
شوق:" شيخة.. أنا مدري شلون أرد جميلكم هذا، مدري شلون أشكرج."
شيخة:" سمعيني ياشوق أنا مابيج تشكرين ولانبيج تردين الجميل لأن المفروض إحنا اللي نرد لج كل شي ونساعدج ونخليج تعيشين حياة غير اللي عشتيها مع ابوج، ونعوضج عن اللي راح بالرغم ان مافي شي راح يعوضج عن الأذى والظلم اللي حصلتيه."
إبتسمت ونزلت راسها:" زين ممكن أطلب طلب؟"
شيخة:"إنتي آمري."
شوق:" إني اشوف أخواني."
شيخة:" ماعليه انا بسأل أبوي وان شاءالله ماراح يرفض لج هالطلب."

^^^^^^^^^^^^^^^^^^^^^^^^
كانت قاعدة معاه بالمطعم وناسية عمرها. ماكان يهمها بالدنيا الحين غير فهد وبس.. حتى محمد نسته وتناست ايام الحب اللي قضتها وياه.
فهد وهو ماسك ايدها:" أحبببببببببببج."
سحركانت إطالعه وتبتسم، ماكانت تحس إنه كل لسمه نار راح تاكل يدها بيوم الحساب يوم العقاب. كانت ضحكاتها سجاجين بتنغرس فيها يوم الحساب!!
فهد:" حبيبتي تأكدي إني ماراح أخليج أبداً، إحنا إنخلقنا لبعض ومستحيل حد يفرقنا."
سحر:" لهالدرجة تحبني؟"
فهد:" وأكثر مماتتصورين، سحر عمري ليش ماسمعج تقولين لي كلمات حلوة مثل ماقول لج؟"
سحر:" خلها مع الايام."
فهد:" مايصير ابي أحس إنج تحبيني فعلاً."
سحر:" يعني مايصير الابهالكلمات هذي؟"
فهد:" عيل شلون بتظلين تناديني فهد."
سحر:" شفيها؟"
فهد:" يعني تبين اتفهميني انج كنتي تنادين ولد عمج بإسمه؟"
سحر تضايقت من سمعت طاريه، ماكانت تبي تذكر أي شي خصوصاً بعد ماسد التلفون بويهها.
فهد:"سحر حبيبتي بلييييييز قولي لي أبي أسمعها منج."
سحر:" لأ."
فهد وهوبعده ماسك بيدها:" يالله حبيبتي قولي لي."
سحر:" قلت لك خلها مع الأيام جذي ماعرف لااتصر علي الحين والا بمشي."
فهد:"لالالاااا تعالي وين، ماخليج تروحين ماشبعت من شوفتج."
سحر:" ياحبيبي الوقت تأخر الحين الساعه 5:30 وجريب أذان المغرب.."
فهد:" ااااااالله ياحلوها طالعه من حلجج عيديها مرة ثانيه علشان خاطري."
سحر:"هههه وش اللي اعيدها ماعرف هي طلعت بروحها جذي."
فهد:" زين أمري لله،اقوول ياعمري متى اشوفج مرة ثانية؟"
سحر:" مدري، اذا اتصلت الليلة أخبرك يالله إنتبه لنفسك."
فهد:"عمري نفسي معاج انتبهي لها."
سحر كانت مستانسة وحاسة انه بتشقق من الفرحة. كانت دائماً تقوول ويني وين هالحب من زماااان.....!!!

^^^^^^^^^^^^^^^^^^^^^^^^

دخلو البيت والفرحة والضحك مالي البيت..
أحمد:" والله ماخذ لي ميانين اطلعهم ، بسكم ضحك."
سيف:"ههههههههههههههههه والله انها نكته عجيبة."
بدور:" خالي وهذي وحدة بعده:صعيدي ماطبخت له زوحته عشى زعل وراح ينام راحت له وقالت أسوي لك مساج؟ قال ليها بنفره في الأرض!"
خلود:"خخخخخ حلووة."
أحمد:" هههههههع بايخة أقول بتيوزوون والا بتظلون تضحكون."
سمر:" خلهم من زمان ماضحكوا وفرفشوا."
خلود:"اشششششش طالعواا هناك.."وهي اتأشر على شنط شوق.
سيف:" شنوو؟ مال منو هالشنط؟"
سمر:" لايكون رجع محمد من السفر؟"
أحمد:"خبلة انتي وين يرجع ماخبرونا."
سمر:"يمكن مسوين لنا مفاجأة."
خلود:" يمكن ،، يمممممه يممممممه."
أحمد:" لاتصارخين جذي تخرعينها، يمــــــه يمـــــــــه."
سيف:"هههههههههه طالع ويقول لاتصارخين."
خلود:" أدري فيه يحب يجاكرني."
طلعت شيخة من غرفة شوق على صراخ أحمد ، وأمها كانت معاها بالغرفة يسولفون مع شوق. شيخة وهي تكلمهم من فوق:" خيييير شفيكم."
بدور:" يمه انتي هني؟"
شيخة:" ايه، وش فيك احمد تصارخ جذي؟"
أحمد:" لا بس نسأل الشنط اللي هني حق منو؟"
خلود:"أخوي محمد رجع؟"
شيخة:"هههه لا مومحمد، بدور سمر وخلود تعالوا فوق ابيكم شوي."
سيف:" وش معنى بس البنات اللي تبينهم واحنا موأخوانج؟"
شيخة:"خخخ خفيف اقووول قعدوا انتوا هني والبنات خلهم يركبون بسرعه."
أحمد:" اييييييه الله لنا، ياخبر اليوم بفلوس بكره ببلاش."
خلود:" لاتنطر لبكرة اليوم بيوصلك الخبر خخخ."
احمد:" أدري وكالة رويتر."
خلود:"اوووووه جزاة الخير بقول لك."
شيخة:" يالله بسرررعه."
وركبوا البنات فوق وظل سيف وأحمد تحت يسولفون. وصلوا فوق ووقفوا يطالعون وين راحت؟ اي غرفة؟ وطلعت لهم مرة ثانية من آخر غرفة يم غرفة سمر:" تعالوا هني."
فتحوا الباب وكان شوق واقفة مجابل الدريشة وعاطيه ظهرها لهم.. إستغربوا من هالبنت؟ودارت ظهرها لهم.
بدور بطلت حلجها وعينها بدهشة:" شوووووووووووووق؟؟؟؟؟؟!!!!" وركضت بسرعه لها وحضنتها:" ياحبيبتي ياشوق."
شوق:"هههههه شوي شوي."
بدور:" شلون؟ " طالعت أمها:" يممممه؟؟"
إبتسمت لها:" ايه قلنا لها كل شي."
سلمت عليها سمر وخلود واللي كانوا مستغربين هالتطور هذا اللي صار.
خلود:" حياالله شووق."
شيخة:"هههه ماتيوز عن هالحركات."
أم محمد:" يالله انا بنزل عن أذنكم، ترى اذن الأذان قوموا صلوا."
شيخة:" ان شاءالله." وقامت تروح تصلي.
بدور:" والله هذا اخر شي كنت أتوقعة انج تكونين هني."
شوق:" وهذا انا قدامج."
سمر:" ايييه خلاااص الحين بدور وش بفكج منها 24/24 ساعه بتشوفينها هني."
بدور:"عندج مااااااانع."
سمر:" هههه لاماعندي مانع بس شوق هي اللي بتمل منج."
بدور:" والله شوووق تموووت فيني مستحيل تمل مني، صح شوق."
شوق واللي حبت تجاكرها:" والله على حسب اذا كانت 24/24 يمكن أمل."
خلود:"ههههههههه وين تودي ويهها الحين."
بدور:" اشوفج انقلبتي علي انتي وياهم."
سمر:" أقوول خلونا انصلي ونكمل سوالف بعدين."
أخذت شوق لها دش سريع وصلت صلاة المغرب، وظلت قاعدة بغرفتها لحد ماايي لها أحد من البنات. وبعد ماخلصوا الصلاة دقت بدور الباب..
شوق:" تفضلي ."
بدور:" وش عرفج إن انا؟"
شوق:" انا مدري ان انتي بس اللي اعرفه انه وحده منكم اللي راح ادق علي الباب."
بدور:" زين أمي تقول لج تعالي تحت قعدي ويانا."
شوق:" ومن اللي تحت؟"
بدور:" أممم سمر وخلود ويدتي تسوي العشاء وياالخدامة وخيلاني اثنينهم وأمي وبس."
شوق:"لااا استحي خيلانج تحت ماعرفهم وتبيني انزل."
بدور:"اوووه بلاااااا دلع اذا ماشفتيهم الحين بتشوفينهم بعدين مردج بتعرفينهم لأنج بتمين اهني على طوووووول، وثانياً خيلاني يعرفون من إنتي يعني ماعندج حجه."
شوق:" أممممممم لا مابي أستحي، وبعدين أهم مايعرفوني والحين بشوفوني..لالا مب الحين."
بدور:" يالله عااااد وش بسون فيج يعني بياكلونج خيلاني والله حبوبين ومافي مثلهم، يالله بسرعه لبسي شيلتج كاهي ثيابج محترمة ونزلي وياي، ياااااااااالله شووووقوو بسرعه."
شوق بعد تردد:"زين ثواني، نطريني."
بدور:" وين بروح وبخليج."
بسرعه لبست شيلتها، ونزلت معاها تحت وقبل لاتوصل عند الصالة اللي هم فيها، وقفت مكانها:" لااا يابدور مابي برد الغرفة احسن."
بدور:" شنووو يالله مصختيها عاااد الحين يوم نزلتي خلاص يالله امشي جدامي اشوف."
شوق:" واللي يرحم والديج خليني ارجع."
بدور:"يالله يالله امشي وياي مب ترجعين."
وسحبتها من ايدها ووصلوا الصالة، كان أحمد وسيف قاعدين يتمازحون وياأمهم اللي بتموووت من الضحك من سواتهم فيها. وقفوا من شافوا شوق داخله عليهم..
شوق:" السلام عليكم."
ردوا عليها السلام وقعدت يم شيخة وبدور على الكنبه اللي مجابلة سمر وخلود. نطت خلود وحبت تكسر هالصمت:" اعرفكم شووق نسيبتنا."
شيخة:"ههههههه خوش تعريف والله."
أحمد:"اقوول قعدي مكانج احسن." وشوي الا يدق تلفونة مسج من ناصر ولد عمه،، أحمد:" عن أذنكم."
سيف:" وين رايح؟"
أحمد:" اقوول تعال معاي شوي ابيك بسالفة."
سيف:" اووكي، عن اذنكم ياجماعه بس لاتحشون فيني."
شيخه:" مدري من بيحش فيك انقلع بس."
سيف:" أدري انتي اول وحدة فيهم."
أحمد:" سيف الله يهداك يالله بسرعه."
بدور:" شفتي هذلين خوالي دايماً جذي حبوبين وااايد وعليهم دقااات."
سمر:" شوق إنتي تخرجتي السنة صح؟"
شوق:" ايه."
سمر:" زين بدخلين الجامعه والا معهد والاشنو؟"
شوق:" بلى انا قدمت للجامعه بس للحين ماطلعت نتائج القبول."
بدور:"شوق انتي ضامنة دخولج نسبتج بالتسعين."
شوق:" ان شاءالله."
كان على طاولة يم الدريشة مجموعة براويز صور فيها صورهم يوم كانوا صغار..ولفتوا انتباهها..
بدور:" هييييييييي وين سرحتي؟"
وهي تأشر على الصور:" هذي صور منو؟"
سمر:" هذلين صورنا، يعني أخواني وخواتي يوم كنا صغااار."
شيخة:" نسيت أقولج ان عندنا أخوان اثنين مسافرين محمد ونجود، محمد هو أكبر أخواني بس أنا البكر طبعاً، ويه وراي محمد أخوي وبعد نجود وأحمد وسيف وسمر وخلود آخر العنقود."
خلود وهي تعدل قعدتها:" إحم إحم ، يعني أنا."
شوق:"هههههههههههههه اي عااارفة ان انتي."
شيخة:" أنا بخليكم بروح لأمي أساعدها." وراحت عنهم وخلتهم وياسوالفهم واسألتهم لشوق.

^^^^^^^^^^^^^^^^^^^^^^^^

دخل سيف وأحمد غرفته وقعدوا على الكنب...
سيف:" خير وش عندك؟"
أحمد يمزح:" وش تحب تشرب."
سيف:" هذا وقتك انت مع ويهك هذا قووول أحمدوو خلني اطلع وراي مشاوير."
أحمد:" اي مشاوير هذي لاتقول بتروح بيت نورة.؟"
سيف:"هااااا ويهك اروح هناك وش قالوا لك، انا محترم نفسي مومثل شباب الحين هااايف وماشي على حلّ شعروا خخخخ."
أحمد:"ههههه حتى بهذا تنكت، أقوول خلنا ندخل بموضعي احسن."
سيف:" اي هذا احسن شي قلته."
أحمد طالعه من طرف عينه ورمى عليه مخده صغيرة من على الكنب:" زين سيف أبي أسألك سؤال، إنت شلون عرفت إن نورة تحبك؟ وشلون قلت لها إنك تحبها؟"
سيف:" لييييييش باالله تبي تعرف خصوصياتي؟ لايكون بديت تحب من ورااااي؟"
أحمد:" أووووووووووه انت قول بعدين بقول لك السالفة."
سيف:" والله مدري وش اقول لك أسلوبها كان غير البنات مؤدبة يعني تعرف بنات هالزمن مايعين واايد وعليهم حركات هذي كانت غييييييير عنهم، لفتت إنتباهي وكانت سمور حبيبتي رفيجتها ومازالت."
أحمد:" زين كمل."
سيف وحاط ريل على الثانية:" إحم، وبعدين ياطويل العمر قلت لأختي سمووورة عن السالفة وهي كانت الوسيط بيني وبينها، وكلمتها جم مرة بالتلفون بس هي كانت خايفة وقالت لي انها ماتبي تسوي شي من ورى أهلها ولازم أتقدم وانت تعرف الباجي طبعاً."
أحمد:" ايه اعرف وهو متى بيخطبها لك؟"
سيف:" انت تشوف الوقت مناسب انطر يرجع محمد وبعدين أفرااااج."
أحمد:"اي اي ."
سيف:" شنو اي اي وش السالفة ماقلت لي شي."
أحمد:" أمممم.. أ..سيف مدري من وين أبتدي..."
قطع كلامه:" ياأخي لاتحتار ولاتتوهق أنت تحب؟"
أحمد:" مدري."
سيف بإستغراب:" شلون ماتدري ياتحب يالا، بس مدري هذي أول مرة أسمعها."
أحمد:"صح إنت أصغر مني بس حنا متقاربين من بعض يعني الحمدلله متفاهمين."
سيف:" لايكون بتخطبني وانا مدري؟ ياأحمد ياحبيبي قووول وش اللي في بالك، تحب منو؟"
أحمد:" مريم."
سيف بدهشة:" مريييييييم؟"
أحمد:" ايه مريم شفيك مستغرب جذي؟"
سيف:"لا بس اهي تحبك؟"
أحمد:"مدري."
سيف ومازال بدهشته وإستغرابه:" شلون؟ اهي تدري انك تحبها؟"
أحمد:" بصراحة لا ماتدري، ولاحد يدري غيرك انت الحين."
سيف:" ياسلاااااام ومن متى ان شاءالله؟"
أحمد:" مدري من زمان بس ماكنت أعرف اني أحبها أفكره مجرد إعجاب بشخصيتها، بس اذا اشوفها أحس ان دقات قلبي غير تسرع اكثر، واتوتر أكثر."
سيف:" ياااااااااااااااااحبيبي يااااعيني ع الحب."
أحمد:" ياشينك."
سيف:" زين والحين وش بتسوي؟ بتقول لها؟"
أحمد:" مدري شلون شرايك انت؟"
سيف:" والله أقول لك انت كلم حمد والا حد من خواتي لكبار طبعاً وشوف وش يسون لك."
أحمد:" وش يعني؟! أنا ابي بالأول اعرف رايها فيني ."
سيف:" وش فيك يعني، وش حلاااااتك وش زينك وماناقصك شي اكيد بتوافق عليك."
أحمد:" ياأخي أحد قال لك ع الموافقة انا ابي اعرف شعورها اتجاهي بالأول بعدين أفكر بالخطوبة والزواج."
سيف:" أنا اقول لك كلم حمد مثلا وقول له باللي في قلبك لااضيييييييع من ايدك."
أحمد:" برايك جذي؟"
سيف:" أكيد، ع العموم انا طولت وبطلع يالله تبي اتيي وياي والا؟"
أحمد:"لا مابي أطلع بقعد شوي هني."
سيف وهو رايح عند الباب:" الا بسألك شرايك بشوق نسيبتنا؟"
أحمد:" باين عليها بنت حبوبه ومقاسية وايد، وانها كافيه الناس خيرها وشرها."
سيف:" وانا اقول جذي بعد، يالله بااااااااي."
أحمد:" باي."
وطلع سيف من غرفته وظل يفكر باللي شغل نفسه فيه، مريم هي الانسانة الوحيدة اللي لفتت انتباهه لأنها هادئة ومتزنه وهو مايحب الصياعة وبنات هالزمن هذا. يعني ميولة مثل ميولها بس هذا مايمنع انها ماتكن له نفس الشعور.

^^^^^^^^^^^^^^^^^^^^^^^^

في بيت بومحمد باليوم الثاني من وجود شوق في بيتهم، كانت العنود في البيت أما سحر فكانت في بيت ميثة بعااالم ثاني.
أم فيصل:" وينها فيه الحين؟"
أم محمد:" فوق ويا البنات قاعدة."
أم فيصل:" ماتخافين منها؟"
طالعتها بإستغراب:" وليش أخاف؟"
أم فيصل:" يعني تربيتها والبيئة اللي كانت تعيش فيها."
أم محمد:" ياوخيتي البنت وش طيبها وش حلاتها."
أم فيصل:" أنا ماقصدت حلاتها ولاطيبها، انتي ماتدرين يمكن تعلمت سوالف مب زينة من ابوها تعرفينه.. يعني مايحتاج اعلمج."
أم محمد:" استغفرالله، الريال مات وماتيوز عليه الا الرحمة، والبنت مافيها شي ومااعتقد انها شينة لأنها عانت وقاست في بيت ابوها وانتي تعرفين الظروف اللي عاشت فيها."
أم فيصل:" انا احذرج بس لاتقولين بعدين اختي ماقالت لي."
أم محمد:" لاااا ماظني البنت جذي، حرااام لاتظلمينها ماشفنا منها شي."
أم فيصل:" كيفج والله، الا بسألج مااتصلتوا لمحمد؟"
أم محمد:" تصدقين أمس نسينا نتصل، وانتوا فيصل مااتصل لكم؟ وماقالوا متى بردون؟ صار لهم شهر وأكثر والله خاااطري فيهم وحشوني."
أم فيصل:" وانا بعد بس انتي تعرفين العلاج، والله عن جيتهم ماقال."
أم محمد:" الله يردهم بالسلامة ان شاءالله."
أم فيصل:" على سالفة محمد ياوخيتي، والله مدري وش اقول لج."
أم محمد:" انتي قوولي ولاتستحين."
أم فيصل:" أ.. تعرفين لعيال كبروا وأبي أريح نفسي وأشوفهم مستقرين، يعني انتي فاهمه وش اقصد."
أم محمد:"هههههههه الله يقطع سوالفج، ايه فاهمه تقصدين محمد وسحر صح، ادري انه يه الوقت بس انتي تعرفين وش ظروفة اللي مر فيها وان شاءالله اذا رجع بالسلامة بفاتحة بالموضوع ومايصير خاطرج الا طيب."
أم فيصل:" ماتقصرين ياوخيتي."

^^^^^^^^^^^^^^^^^^^^^^^^
في لندن..

فيصل:" يااااااسلااااااام إحساس جميل انك ترد لبلدك بعد هالغيبة."
حمد:" اي والله مشتااااااق لشوفة هلي والحبايب كلهم."
فيصل:" الحمدلله كانت سفره مريحة، انا بصراحة استانست وايد حتى نجود استانست."
حمد:"اي والله ماخلينا مكان مارحنا هذا وجايين لعلاج لو لسياحة شسوينا؟!"
فيصل:" ماأعتقد ان بظل شي صاحي بلندن."
حمد:"ههههههههههههههه والله ناقصنا باقي الشباب."
فيصل:" اي والله."
محمد كان ساكت ولايشاركهم سوالفهم، كان باله مشغول بشي واحد بس، مافي شي شاغل باله غير سحر اللي من آخر مكالمة ماتعبت نفسها واتصلت اعتذرت فيها له، والا سألت عنه:" آآآآآآآه ياسحر، صبري علي بس أرجع." وانتبه على ايد فيصل يهز جتفه:" محمد، ياهوووو شفيك وين رحت؟"
محمد بإبتسامة مصطنعه:" هني مارحت مكان."
فيصل:" طل وين هني؟ قول لي وش كنا نقول؟"
محمد وبدون مايحس على عصبيته الزايدة:" اوووووه شفيكم انتوا خلوني بروحي."
حمد وفيصل ظلوا يطالعون بعض بإستغراب، حمد:" محمد شفيك تصارخ جذي؟"
محمد:" آسف، بس خلوني بروحي."
فيصل:" أوكي براحتك، حمد قوم خلنا نطلع شوي."
حمد:" اوكي."
وطلعوا اثنينهم من الغرفة، وخلوه بروحه يرتاح كان حمد يعرف اللي فيه بس ماحب يقول لفيصل لأنه أخو سحر..
حمد:" لاتزعل منه، هاليومين مدري شفيه."
فيصل:" انا،لاااا مب زعلان بس متضايق من الحاله اللي هو فيها."
حمد:"الله يهديه بس، لوتدري شكثر تحملت عصبيته."
فيصل:" غريبة محمد ماكان جذي!!"
حمد:"إيييييه خلها على الله ولاتنسى الجهد اللي يبذله في العلاج، أكيد ماخذ كل طاقته."
فيصل:" ماااعليه مافي داعي تشرح لي، عارف محمد زين."
وطلعوا من الفندق بعد مامروا على نجود وأخذوها معاهم.. أما محمد فكان قاعد وأعصابه تلفاااااانه ع الآخر:" وش هالقهر هذا، وش اللي سويته حتى يصير فيني جذي؟ علاقتنا كانت ماشيه على احسن مايكون، يعني معقوولة انج اتغيرين علي ياسحر بهالسهولة؟آآآآآه ياسحر لوتدرين شكثر أتعذب بسبتج، ليش ماادقين وتسألين عني؟ مابي شي غير اني اسمع صوتج واتطمن عليج."
هذا الشي اللي كان شاغل باله، عمره مافكر الا براحتها وسعادتها، حب محمد كان غريب، يقولون الحب أعمى بس مب معناته ان يغض النظر عن الجوانب السيئة. وهذا كان عيب محمد اللي مستحيل يتنازل عنه، غريبببة مع انه انسان واعي وفاهم..؟!

^^^^^^^^^^^^^^^^^^^^^^^^
دخلت الصالة وعطت عباتها الخدامة توديها غرفتها، كانت العنود تقرأ كتاب تعليمي وأبوها يطالع التلفزيون.
أم فيصل:" سمعت باللي صارفي بيت أختي."
أبوفيصل:"لااا شصاير بعد اللهم ياكافي."
أم فيصل:" تعرف بوعبدالله الخلفان اللي توفى؟"
بوفيصل:" ايه أعرفه شفيه؟!"
أم فيصل:" بنته شوق أخذها ريل أختي ويابها يسكنها في بيتهم."
بوفيصل بدهشة:" شنوووو؟"
أم فيصل:" اللي سمعته."
بوفيصل:"ياالله زين يسوي يكسب أجر فيها وحراام اتظل ويامرة ابوها يكفي اللي شافته منهم."
أم فيصل:" يعني انت تشوف اللي سواه زين."
بوفيصل:" عين العقل، وانا لوكنت مكانه راح اسوي نفس الشي."
أم فيصل:" والله مدري وش اقول أخاف انها تسوي شي لهم، البنت تعرف مكان تربيتها و.."
وقطع عليهم الكلام صوت سحر اللي كانت نازلة من فوق:" مرحباااا ياأحلى أم وأبو بالدنيا."
بوفيصل:"هلا وغلا ببنيتي."
أم فيصل:" متى رديتي من بيت ميثة؟"
سحر:" من زمان صار لي نص ساعة، الا منو هذي اللي اتكلمون عنها يمة؟"
طالعت أم فيصل أبوها وماعرفت وش تقول لها، ابوفيصل دار لسحر وقال لها:" وحده تصير لأهل ريل خالتج."
سحر وهي قاعدة على الكنب مجابل امها:" اي شفيها؟"
أم فيصل:"والله مدري وش اقول لج."
سحربإستغراب:" ليش شفيها هذي اللي اتكلمون عنها؟"
بوفيصل:" مافيها شي." ودار يطالع التلفزيون وخلى أمها تقول لها السالفة..
سحر بعد ماسمعت سالفة شوق:" ووووي وان شاءالله بخلونها معاهم؟مايخافون على عمرهم منها؟"
طالعها بوفيصل:" ليش يابنيتي يخافون منها؟ وش بتسوي فيهم؟"
سحر:" شنوو يبه هذي ابوها راعي بلاوي يعني اكيد هي.."
وقطع كلامها:" فيها شنو؟ حرام عليج تتبلين على البنت وانتي لاشفتيها ولاتعرفينها، يمكن البنت غير مب لازم تطلع مثل ابوها."
سحر:" مدري يبه بس ينخاف منها، بس تدرين يمه ودي اشوفها انتي وش قلتي لي اسمها؟"
أم فيصل:" شوق."

^^^^^^^^^^^^^^^^^^^^^^^^
تجمعوا في بيت بومحمد يوم الخميس مثل العادة يتغذون هناك، ماكان ينقصهم غير محمد وحمد ونجود وريلها فيصل، الكل كان موجود بيت بوحمد وبيت بوفيصل كلهم كانوا متجمعين. شوق كانت خايفة من هالتجمع ومستحية وااااااااااايد لأنها لأول مرة راح تجتمع معاهم ولأول مرة راح تشوفهم ناس غرب بالنسبة لها.
سحر كانت متشوقه انها تشوف هالبنت اللي يتكلمون عنها، شوق كانت بعدها قاعدة بغرفتها ويابدور مستحية تنزل. والحريم كلهم كانوا متيمعين بصوب واحد والبنات بصوب.. وطبعاً الشباب كلهم كانوا بره بالحديقة قاعدين ويا الريايل.
سحر:" اقول سمورة حبيبتي وينها هذي نسيبتكم."
سمر:"فوق ويابدور."
سحر:" الا وش فيها مانزلت للحين؟ اكيد متفشلة تنزل؟"
سمر بإستغراب:" ليش متفشلة تنزل؟"
سحر:"لا بس يعني تعرفين ماضيها يفشل."
سمر واللي ماتوقعت يكون تفكير سحر بهالطريقة هذي:" على ماأعتقد ان موبيدها اللي صار لها، والبنت الحمدالله محترمة ومافيها شي."
سحر:"هههه شفيج أكلتيني جذي، انا مااقصد شي بس يعني اللي يعيش حياتها ماأعتقد ايي من وراه خير."
سمر:" بليييز سحر لاتحكمين على البنت وانتي ماشفتيها." وسكتت عنها لأنها فضلت انها ماتثير هالموضوع لأنه ماراح يتسكر بسرعه.
كانت خلود وبنت عمها وخالتها يسولفون مع بعض عن شوق كانت حديث الساعه بالنسبة لهم لأن قصتها كانت مثل قصص الأفلام والمسلسلات. ومريم كانت قاعدة تسمعهم وبس.
وبعد دقايق دق تلفون سحر وكان المتصل فهد، ماتوقعت انه يتصل لها بهالوقت هذا تغيرت الوانها وحاولت تمسك نفسها وماتبين لهم أي شي، وقامت من مكانها وراحت ترد عليه.
سحر:" الوووو."
فهد:" هلا حبيبتي شخبارج."
سحر وبدون مقدمات:" بخير ليش متصل بهالوقت والله عفستني."
فهد:" يه ليش؟ وينج فيه؟"
سحر:" في بيت خالتي نتجمع كل خميس ابيتهم، خير شتبي الحين؟"
فهد:"لاسلامتج مابي شي أسأل عنج وحشتيني."
سحر وخايفة ان حد يسمعها:" زين ياعمري بروح الحين وبالليل اكلمك بااي."
فهد وبقهر:" اوكي باي."
وبعد ماسكر التلفون:" صج حماارة انسانه حقيرة ومغرورة."
عبدالعزيز:"ههههههههه موتوك تقول لها حبيبتي وحشتيني."
فهد:" وانت من صجك احب لي وحدة جذي؟ انا من تكلمت عن الخبلة ميثووه صار خاطري اكسر غرورها، لكن تصبر علي شوي."
عبدالعزيز:" وووووواااوو راحت عليها يعني."
فهد:" وأهلها بعد ههههههههههههههههههههههه."
عبدالعزيز:" ليش وش بتسوي؟"
فهد:"لااااا خله كل شي بوقته حلوووو ياحلووو."

وفي بيت بومحمد... ردت سحر لمكانها وقعدت يم سمر..
سمر:" هذي منو؟"
سحر:" لا هذي ميثوووه تعرفينها ومشاكلها."
سمر:"اهاااا، تدرين اقوووم اروح اشوف بدور وشوق شفيهم للحين مانزلوا."
وبسرعه راحت فوق ودقت باب الغرفة..
بدور:" منووو؟"
سمر:" هذا أنا."
بدور:" دخلي الباب مفتوووح."
فتحت الباب:" شفيكم للحين اهني؟"
بدور:" سألي الآنسة، مب راضية تنزل."
سمر:" ليش؟؟؟؟؟؟؟؟؟"
شوق:" والله مدري أستحي منهم ماعرفهم، ويمكن أضايقهم بوجودي."
سمر:" وش هالحجي اللي تقولينه، يالله بلا دلع علي ونزلي، واذا انتي مستحية من أخواني تراهم بره وياالشباب ومافيه الا البنات والحريم تحت يعني ماله داعي تستحين وتضايقين."
بدور:"ياااالله عااااااد لاتسوينها سالفة كل مرة بتنزلين تحت نقعد انجرجر فيج."
شوق:"هههه اوكي خلاص الحين بنزل."
سمر وهي طالعة:" يالله بسرعه انا بتقدمكم." وطلعت وصكت وراها الباب.
شوق:" بدووور طالعي شكلي اوكي؟"
بدور:" واااااااالله قمممممر واتيننييييييين بلد."
شوق:"ههههههههههههه لاتكفين مابي احد اين بسبتي كفاية انتي."
بدور:"شقصدج؟"
شوق:" سلاااااااااااامتج يالله ننزل لاأغير رايي."
بدور:"لالالالالا يالله توكلنا على الله."

ونزلوا ثنتينهم وكان الكل تحت يبي يشوووف هالبنت اللي كانت محووور حديثهم. كانت أول وحدة تشوفها سحر اللي ماتوقعت انها تكون بهالجماااااااال هذا وهالحلاااوة.
شوق:" السلام عليكم."
ردوا عليها السلااام كلهم وكانوا يطالعونها وكأنهم يتفحصونها..!! >> كائن غريب..!!
سحر:" سمر ماقلتي لي انها حلووة جذي."
سمر:" وهذا اللي يهمج ؟!"
سحر:"لاااا.."
قعدت يم بدور سمر ومريوم اللي كانت اطالع شوق وتفكر بحياتها اللي عاشتها وقاست فيها.
سمروهي تعرفها على بنات عمها وخالتها:" هذي سحر بنت خالتي وهذي أختها العنود،، وهذي مريوم بنت عمي وهذي اختها نوف، وهذي خالتي أم فيصل وهذي مرة عمي أم حمد، وخلصنا."
شوق:"الله يخليكم لبعض ان شاءالله."
سمر:" ويخليج."
كانوا يسولفون وهي قاعدة تسمعهم وبس كانت مستحيييية وااااااااايد منهم ومب عارفة تتأقلم معاهم..وظلت سحر اطالعها ومقهورة منها ليش؟ لآنها حلووووة وأحلى منها..!!
سحر كان سم ضروها انها تشوف حد أحلى منها، كانت ماتبي تشوف حد غيرها يمدحونه لجماله لأنها أنانية!
مريوم:" شوق انتي خلصتي دراسة الثانوية؟"
شوق:" ايه خلصت."
مريوم:" وش تفكرين تدرسين بالجامعه والاالكلية؟"
شوق:"لا بالجامعه، ودري أكون مدرسة."
سمر:" ماشاءالله مدرسة شنو؟"
شوق:" أحب العربي وايد."
مريوم:" ان شاءالله تحققين رغبتج."
سحر واللي كانت تبي تعرف نسبتها هذي:" وانتي جم نسبتج يعني؟"
شوق واللي استغربت من اسلوبها:" 97.88 "
مريوم:" مااااشاااءالله."
سحر سكتت ولاتكلمت ماتوقعت ان تكون نسبتها أعلى منها أيام الثانوية. خلود كانت اطالع سحر المقهورة ومستانسة من براءة شوق بالرد."
خلود:"شوق انتي شاااطرة بالتدريس؟"
شوق:" يعني، كنت أدرس أخوي الصغير."
مريوم:" اخوج؟"
شوق:" أقصد أخوي من مرة ابوي، انا عندي خوات ثنتين واخو واحد."
مريم:" الله يخليهم."
شوق:" وياج يارب."
شوق حبت مريم لأنها كانت طيبة وأسلوبها وااايد حلووو بالكلام ، أما سحر اللي كانت رافعة راسها وتكلمها من طرف خشمها فمامالت لها بالمرة وحست انهم ماراح يكونون أصحاب بيوم. وبعد ربع ساعة نادتهم الخدامة يقومون يتغذون لأنه جهز. وراحوا يتغذون والريايل حطوا لهم الغذاء بره بالحديقة لأن الجووو كان واااااايد حلووو وحبوا يغيرون جوو عن داخل البيت.
وبعد ماتغذوا..قعدوا البنات بالصالة اللي فوق علشان ياخذون راحتهم عن سوالف الحريم..
كانت سحر اطالع شوق بإحتقار لهيئتها وملابسها:" والله تلووع الجبد."
سمر:" سحر شفيج ساكته؟"
سحر:"لامافيني شي كاني اسمعكم."
سمر:"اقوول بدور وين السنة بتسافرون؟"
بدور:" ووووي ماقلت لج السنة بنصيف بالبيت."
مريوم:"هههههههه ليش؟"
بدور:" كل من حضرت الأفندي المحترم مازن."
سمر:" سكتي لايسمعج هذا أذاينه مثل الفار، يسمع من بعيد."
شوق:"هههههههههههههه."
بدور:" اي والله خرب علي اجازتي السنة، بس تدرون توقعتها بتكون مملة وكأيبة، لكن وجود شوق بيخليها أحلى وأسعد إجازة."
سحر بقلبها:" طلّ أحلى إجازة، مدري وش عاجبج فيها يابدور!!"
مريوم:"انا الحمدلله إجازتي مب طويلة يعني سفر ماكو، الا اذا نوف حبت تسافر وياأمي وابوي."
نوف:" لاااا سفر من غيرج مايسوى ماحب بروحي."
مريوم:"يالله ماعليه قعدي معاي احسن."
سمر:"هههههههههههههه اي والله أحسن."
بدور:" تدرون من ناقصنا بهالقعدة الحلووة؟"
خلود:" منووو؟"
بدور:" خالتي نجوووود وخالي محمد." بدور كانت متعمدة انها اتييب طاري محمد جدام سحر اللي تنرفزت من سمعت إسم محمد.
خلود:" صااااادقة بهذي والله وحشونا، مدري متى بردون هذلين طوولووو وااايد."
مريوم:"العلاااااج ياخذ له وقت وحمد البارحة يقوم انه محمد وايد يتعب من العلاج لأنه يستهلك كل طاقته."
سحر رغم كل شي سوته من خيانتها لمحمد، ونسيانها أو تناسيها له الا انها تغااار عليه ولاتحب حد يتكلم عنه وخصوصااااا مريووم.
سمر:"ان شااااءالله يردون بالسلامة."
شوق واللي كانت مستحية تسأل:" ليش هم وش فيهم مسافرين؟"
سمر:"الله يسلمج هذا أخوي محمد كان مسوي حادث من السرعه، وصارت حالته خطيرة لكن الله كتبه له عمر يديد بس كانت عنده إعاقة بريايله الثنتين وراح لندن يتعالج، وصار له شهر وشوي هناك هو وولد عمي حمد وأختي نجود وولد خالتي فيصل ريلها."
شوق بحزن:" مايشووووف شر ان شاءالله، ويرده لكم سالم."
بدور:"خخخخ سالم ابوووي."
سمر:"هههههههههههههه ياخفة دمج."
سحر:"سمر هو ماقالج متى برد؟"
سمر:"لاااا مدري متى بردون."
خلود:" شوق شرايج اتين معانا المول اليوم؟"
شوق:" خييير؟"
بدور:" شفيج تدودهتي؟ قالت لج اتييييييين معانا المووول؟"
شوق:"لاااا ماله داعي."
سحر:" شوق انتي من وين تشترين هدموج؟" كانت سحر متعمدة تسألها هالسؤال وتحرجها جدام البنات. شوق نزلت راسها لأنها ماتوقعت هالسؤال أبداً وحست بسخرية سحرلها.
بدور طالعتها بنظرات قهر وغضب، ولاعرفت ترد عليها جدام شوق..
سمر:" سحــــر..؟!"
مريوم واللي حبت تغير الموضوع:" شرايج نطلع الحديقة بره؟"
خلود:" شوووق ياهووووو."
شوق واللي حاولت تمسك الدمعه اللي تجمعت بعينها:" ماااعليه."
ونزلوا معاها تحت بعد ماكل وحدة لبست شيلتها، لأن أكيد الشباب قاعدين بره. وظلت سمر وسحر قاعدين فوق..
سمر:" وش اللي سويتيه للبنت؟"
سحر ولاكأنها مسوية شي:" وش سويت؟"
سمر:" يعني سؤالج المحرج هذا ماتعتبرينه شي؟"
سحر:" سؤال عادي شفيها؟ سمر حبيبتي احسج وايد متحيزة لها وادافعين عنها."
سمر:"السالفة مب سالفة تحيز والا دفاع انتي تعرفين ظروفها ماله داعي تحرجينها عن اذنج."
وقامت عنها وماعطتها اي فرصه إنها ترد عليها، وهذا اللي زود قهرها فوق ماهي مقهورة.

^^^^^^^^^^^^^^^^^^^^^^^^

كانوا الشباب قاعدين يسولفون عن المباريات ومسابقات الفورملا وغير.. وكان هذا شاغلهم الوحيد بهالقعدة هذي.. والبنات كانوا يتمشون بالجانب الثاني من الحديقة.
بدور:" لاتزعلين من سحر، هذي طبعها جذي مغرورة وشايفة نفسها."
شوق وبإبتسامتها المرحة:" لااااعادي، تعودت على كل شي."
العنود:"اقوول شوق ماعليه مسحيها فيني أختي وأعرف طبايعها."
شوق:" حبيبتي تسلمين لكن ماعليه، مازعلت خلااااص نسيت اللي صار."
خلود:"سمحي لي عنودوو بس ماتحمل اختج."
العنود:" وانا يعني اللي اتحملها، تدرين انا مااقول الا الله يعين اخوج عليها."
خلود:"افففففففف لااتذكريني."
مريوم واللي انتبهت لعلامات الاستفهام اللي انرسمت على ويهها:" ادري اكيد مب فاهمه شي من اللي يقولونه، الله يسلمج سحر ومحمد يحبون بعض من زمااان وهم محيرين لبعض وبيخطبها."
شوق:"اهااا الله يسعدهم ان شاءالله."
بدور:"ماااااااااااعتقد ."
شوق:"ليش يعني قولي ان شاءالله."
خلود:" انا اقول خطوبتهم ماراح ادوم اكثر من اسبوع."
نوف اخت مريوم:" ليش يعني مب اكثر من اسبوع؟"
خلود:" لأنه مستحيل بيتحملها بيشقق هدووومة."
العنود:"هههههههههههه والله تدرين صج هي اختي بس بصراحة ماتناسب محمد."
مريوم:"اقووول انتوا وش لكم بهالسوالف يناسبها ومايناسبها اللي الله كاتبه لهم بصير."
شوق:" صح كلامها، انتوا ليش معترضين مدامهم يحبون بعض اكيد متفاهمين والمفروض تدعون لهم بالسعادة والتوفيق."
بدور:"ياااااعيني ع الحكم."
شوق:"هههههههههه اي حكم الله يهديج هذا الصج."

وبالطرف الثاني من الحديقة كانت سوالفهم ماتخلص الرياييل عن الشركة والمعاملات ومناقصات والشباب بسوالفهم. وبين ماهم يسولفون تفاجأوا في البوابة اللي انفتحت وطلع ودخلت سيارة نزل منها حمد ونجود وفيصل، ونزل بالطرف الثاني من السيارة محمد اللي كان واقف على ريايله بعكازين يساعدونه ع الوقفه. كانت مفاجأة لهم، لأن حمد ماخبرهم إنهم بيون بهاليوم ولافيصل.

مفاجأة سعيدة بالنسبة للعائلة كلها، الا لشخص واحد وهو سحر اللي مدري شنو راح تكون ردة فعلها لما تشوف محمد؟؟؟ وشوق وسحر شلون راح تكون علاقتهم مع بعض؟؟ وليش سحر تتصرف بهالطريقة المتعجرفة هذي؟ وفهد لوين راح يوصل وياها؟؟ وأحمد متى راح يقول لمريوم عن حبه لها؟ومازالت الاحدااااث في تطووور مستمر....

الجزء الثاني عشر

كانت مفاجأة مب على الحسبان بالمرة، محمد كان مستاااانس وايد لأنه رجع لبيته وأهله..
أم محمد وهي قاعدة يم ولدها:" ياحبيبي وأخيراااااا رجعت لي."
نجود:"هههههه الله عليج يايمه وانا مالي نصيب من الحب والحنان كله."
أم محمد:" من يقول تعاااالي ياعمري."
خلود:"ههههههه الظاهر اليوم الحب والكلمات الحلوووة ببلاش انا بعد وياكم خخ."
محمد واللي وحشته خلود ودلاعتها:"لالااااا لي بروحي انا ونجود بس، وحتى نجود بتنقلع الحين يعني لي بروحي."
نجود:"لاوالله ياسلاااام حاب يستفرد بروحة بالوالدة حريمتك."
وقعدوا يضحكون عليهم وظلوا يسولفون ويتحجون عن سفرتهم هناك. كانت سحر قاعدة فوق وللحين مانزلت. محتارة شلون تنزل وتقابل محمد الحين. ظلت تفكر وتفكر وأخيراً اتخذت قرارها وقررت تنزل. شوق كانت واقفة بعيد عنهم ماحبت تمنعهم من لحظات السعادة وياأخوهم وأختهم. كان محمد شخصية حلووة ومحبوبة من الكل ولفت نظرها أسلوبة ومرحة معاهم. بدور مانستها بس المفاجأة خلتها تنشغل ولأول مرة عنها. فقررت شوق انها ترد لغرفتها. وفوق الدرج كانت سحر نازلة وشوق بتركب والتقوا وجهاً لوجه وبروحهم..
سحر طالعتها بسخرية:" انتي مكانج موهني."
شوق استغربت كلامها، سحر واصلت مشيها ونزلت لتحت أما شوق فظلت تفكر وهي واقفة مكانها:" شفيها سحر تكلمني جذي؟ شسويت لها؟ انا ناقصة." وبسرعه مشت ودخلت غرفتها تريح نفسها.
وقفت سحر يم المكتبة من بعيد اطالع محمد شلون يسولف ويضحك ويمه العكازين اللي يتكأ عليهم. وهو يضحك ويمازح خلود وقف فجأة، وانتبه الكل للمكان اللي قاعد يطالع فيه. تقدمت بخطوات واثقة من نفسها وسلمت على محمد:" السلااااااااام عليكم، الحمدالله على السلامة."
محمد بإبتسامة ثقيلة:" الله يسلمج، شخبارج؟"
قعدت على الكنبة وظلت ساكته واطالعه بنظرات قهر وهو نفس الشعور، ماكانوا توقعون ان اللقاء بينهم يتم بهالبرود هذا. سحر ماكانت حابة القعدة فقررت انها تطلع .
سحروهي اطالع محمد بطرف عينها:"يمه انا بروح بيت ميثة تامريني شي؟"
أم فيصل:" ليش عيال خالتج توهم واصلين ماقعدتي شي."
سحر:" ماعليه يمه الأيام يايه."
أم فيصل:" زين حبيبتي روحي بس لاأتأخرين وااايد."
سحر وهي رايحة:" ان شاءالله من عيوني، ياالله مع السلامة ياجماعه."
سلموا عليها وطلعت، استغربوا تصرفها هذا حتى امها كانت مستغربة، ظلت مريم وسمر يطالعون بعض وشوي ويضحكون.
مريوم:" شفيها؟ ليش طلعت؟"
سمر:" مدري والله اللي شفتيه شفته، أحسها مب طبيعيه فيها شي."
مريوم:" وانا بعد أقول جذي."
سمر:" والله مااقول الا الله يتمم عليها بعقلها ويهديها."
مريوم:"ان شاءالله، الله يهدي الجميع."
سمر وهي تنادي نجود:" نجووودوو خيوو شيبتي لي من لندن؟"
وقبل لاتجاوبها نط محمد وقال:" وانتي هذا اللي يهمج."و هو يقلدها:" شيبتي لي من لندن."
نجود:"هههههههه لاتخافين ماخليت شي الا ويبته لج انتي وياهالخبلة اللي صوبي."وهي تأشر على خلود.
خلود:" والله ماني خبلة جان تقصدين اللي يمي يمكن." وكانت تقصد بدور.
بدور:"لااااا وش دخلني قالت لج انتي وااالله."
مريوم:" اهم شي وش الصوغة اللي يبتوها لنا انا عاد مايهمني ترى كل واحد يبي صوغته."
محمد:"ههههههه حتى انتي وياهم ياسلااام بس نسيت أقول لج صوغتج عند أخوج."
مريوم:"لا انا ابي صوغتي اللي من عندكم بعد."
بدور:" اوووووه مريوم صج طماعه مايكفيج اللي من اخوج بعد لايفة علينا هني."
سمر:"ههههههه لاانتي ولااهي خلونا انا وخلود نتقاسم الغنيمة وبعدين الباجي حقكم خخخخ."
خلود:" في هذا صدقتي."
شيخة واللي كانت طول الوقت اطالعهم وتضحك على سوالفهم:"هذا اللي فالحين فيه ماتتفقون الا على هالاشيا."
خلود:"لاااا والله نتفق على اشياء واااايد بس انتوا ماتدرون."
سمر:"اي طبعااا ماتدرون مثل مايقولون اتفق العرب على ان لايتفقوا خخخخ."
محمد:"ههههههههه حلووو."
أم محمد:" يالله يبنات خلو أخوكم يروح يريح نفسه، يالله يمه محمد قوم ريح نفسك."
محمد:"ايييي والله تعبان." وتوه بقوم الا يايه مسج من حمد( ياأخي وينك راز ويهك ويا الحريم دااااخل تعال بره اقعد ويا الرياييل.)
محمد طرش له مسج يقول فيه( اكيييييد محترّ خخخخ والله مب طالع القعدة اتينن هني، ويالله ضف ويهك موكفاية بالسفر.)
وبعد ثواني ياه مسج منه( اقوول مالت عليك وعلى اللي يعطيك ويه مرة ثانيه، روووح نام احسن لك)
محمد( اكيد بروح انام عيل اقعد اجابل جمالك)، وبعد ماخلص من المسجات..
خلود:" إحم إحم، الله لنا ناس باليوم عشرين مسج وحنا ولاشي."
محمد:"وووول عليج يالحسودة، هذا حمد يالخبلة يبيني أطلع بره اقعد معاهم"
أم محمد:"لاياحبيبي لاتتعب نفسك أكثر روح غرفتك وارقد لك شوي."
محمد:" وانا قلت له جذي بعد، يالله عن اذنكم." ومسك عكازينه ووقف على ريايله، كان يكسر الخاطر لكن محد فيهم بين له هالشي لأنه مايحب نظرات الشفقة من حد. ركب اللفت أسهل له طبعاً وراح لغرفته.

كانوا البنات مستانسين ويسولفون وضحكهم واااصل لآخر الدنيا. انتبهت مريوم لإختفاء شوق وقالت لبدور:" بدوووروو وين شوق؟"
بدور وهي حاطة يدها على حلجها:"اوووووووه نسيتها والله، وينها فيه؟"
شيخة:" يمكن فوق روحي شوفيها."
وقامت بدور بسرعه، ووصلت عند باب غرفتها ودقت الباب، شوق:" منوو؟"
بدور:"هذا انا."
شوق:" دخلي الباب مفتوح."
بدور:" واااااااااااالله آآآآآسفة ماكان قصدي أخليج."
شوق بإبتسامة:"لاااا عادي مافي داعي تعتذرين كان من لازم أخليكم تستانسون برجعة خالج."
بدور:"صدقيني من كثر ماتفاجأنا انشغلت عنج."
شوق:"شفيج اقووولج عاااااااااادي."
بدور:"الله شكثر فرحاااااانه لأنه خالي رجع بالسلامة، بس المسكين لازم يستخدم العكاز لفترة شوي طويلة."
شوق:"ليش؟"
بدور:"الله يسلمج تعرفين الكسور على ماالتحمت مرة ثانيه ، والشلل هذا كان يبي له فترة على مايروح، يعني أمممم مدري شوقوو ماعرف اشرح لج."
شوق:" السالفة كلها انه بيظل بالعكاز لين مايتوازن وقدر يمشي مثل اول ."
بدور:"صح لسانج ياقمر."
وسكتو شوي كل وحدة بالها مشغول بشي..
شوق:" شفيج ساكته؟"
بدور:"انتي اللي شفيج ساكته؟"
شوق:" بصراحة أفكر في هديل وعبدالله وحشوني وايد ومدري شخبارهم."
بدور:"لاتحاتينهم ان شاءالله مافيهم الا العافية."
شوق:" تدرين كسر خاطري عبدالله يوم اني طلعت من البيت ظل يركض ورى السيارة وهو يصيح."
بدور:" واعليه ياحليله مسكين، شوق عمري لاتقطعين زيارته هو وهديل حرام."
شوق:"أعرف بس أخاف من خالتي أم عبدالله تسوي شي والا.."
وقاطعتها:" وش بتسوي يعني ماتقدر، لاتنسين يدّي الحين هو ولي أمرج وهي مالها سلطة عليج."
إبتسمت لها وطالعتها، تذكرت كلام سحر بس ماحبت تقول لها حتى ماتسبب خلافات بين بعضهم، وهي ماتدري يمكن بيوم يكونون اصدقاء..!! وبعد فترة من الصمت:" بدوور وانتي وش اللي شاغل بالج؟"
بدور:"اييييييييه نسيت اقول لج ماشفتي شصار تحت فاتج ، سحر نزلت وسلمت على خالي توقعنا مثل العادة تقعد تدلع وبكلامها وحركاتها جدامه، وضحكاتها البايخة لكن هالمرة غييير سلمت عليه ببرود وطلعت راحت لرفيجتها."
شوق:" يمكن مشغول تفكيرها بشي؟"
بدور:"لالالا خالي من شافها تغيرت ألوانه حسيت له جذي، حتى هو سلامه لها كان عادي."
شوق:" والله مدري وش اقول لج انا ماعرفهم حتى أحكم بينهم."
بدور:" ماعلينا شرايج اتيين ويانا الموول باجر قررنا خلاص ان احنا نروح."
شوق:" لا مابي اروح."
بدور:" لييييييييييييييش؟؟؟"
شوق:" تدرين المصروف اللي عندي مايكفيني اروح اتسوق والا مشاوير الحين."
بدور:"افاااااااااااااا عليج يدّي وين راااح هااا؟"
شوق:" لالالا مابي اقول له وش بيقولون عني، بس ماصدقت انها يايه هني علشان تشرى وتاخذ فلوس!!"
بدور:" أكسر ويهه اللي يقول عنج جذي، يالله عاااد بلادلع."
شوق:" ارجوووج يابدور لاتجبريني على شي مابيه، وبعدين مب محتاجة شي يكيفيني اللي عندي."
بدور:" لاااااحوووول أول مرة اشوف بنت ماتحب تتسوق والا تشتري لها اشياء يديده."
شوق:"في أولويات ياحبيبتي ومدام انا مب محتاجة ماله داعي."
بدور:" بكيفج مابجبرج، بس على الأقل تعالي معانا رفهي عن نفسج اوكي؟"
شوق:" يصير خييير ياعمري انتي ."

^^^^^^^^^^^^^^^^^^^^^^^^

كانوا قاعدين بالبيت والملل وااااصل للآخر.. هدى كانت مقهورة من اللي صار وااايد.
هدى:" ايييييه ناس لهم العز وناس الفقر."
هديل:" حرام عليج حمدي ربج على النعمة اللي انتي فيها."
هدى:" اي نعمة اللي تقولين عنها، روحي شوفي الناس شلون عايشة مب احنا اللي وين مااطقينها عويه."
هديل:" استغفرالله اشكري ربج وبزيدج من نعمته."
هدى واللي ماتحاسب للكلام اللي تقوله بالمررررة:" الحمدلله والشكر شايفين شي..!!"
هديل:" حسبي الله عليج، انا بقوم لانكفر بسبتج."
هدى:" فكه احسن بعد."
طالعتها من طرف عينها وراحت غرفتها تقعد احسن لها من جابل هدى، وهي مارة عند غرفة شوق، تذكرتها وتذكرت أيامها اللي قضتها بهالبيت. وقفت يم باب الغرفة تذكرت آخر الأحداث اللي صارت يوم ابوها يضربها ويجرها لتحت، والا امها اللي رفستها يوم تطردها من البيت:" آآآآآآه ياشوق والله مشتاقة لشوفتج، محد أرتاح له الا انتي رحتي وخليتيني بروحي." وهي واقفة كان عبدالله قاعد من رقادة بعد الظهر واقف يطالعها:" هديل ليش واقفة هني؟؟ شوق ردت؟؟"
هديل إبتسمت له:" لاحبيبي مافي شي ، وشوق في بيتهم الحين."
عبدالله:" هي ليش طلعت؟! هذا بيتها..!!"
هديل:" عبود حبيبي بيتها الحين بمكان ثاني موهني."
عبدالله:" زين ليش ماانروح لها؟"
هديل:"لاعبود امي ماترضى ماتبينا انروح ولاتبي تشوفها بعد."
عبدالله:" انا مااحب أمي لأنها طردتها من البيت حتى هدى ذاك اليوم طيحتها على الدرج."
هديل:"لاااا مايصير تقول جذي لازم تحبها، لأنها أمك وتحبك زين حبيبي."
عبدالله وغير مقتنع:" زين."
ونزل تحت لأمة اللي كانت قاعدة وياهدى بالصالة بعد ماخلصت من تنظيف وترتيب البيت..
أم عبدالله:" اففففففففففففففف والله شقى تعبت مااقدر أتحمل أكثر من جذي من وين أييب خدامة كنت براحة والحين شغل البيت كل علي."
هدى واللي تعودت الجذب:" يمة من عيوني اساعدج بس تعرفيني ماعرف اسوي شي."
أم عبدالله:" أعرفج يمه حنونه انتي قلبج طيب، بس هذيج اللي رازة الويه فوق ولاتساعدني."
عبدالله:" يمه يوعان."
أم عبدالله:" روح الثلاجة شوف لك شي أكله."
عبدالله وهو رايح المطبخ:" لوكانت شوق هني كانت سوت لي كيك."
أم عبدالله:" الله ياخذها لابارك الله فيها ولافي الساعة اللي ربت فيها."
هدى:"افففف باطة جبدي."
سكتت شوي وقعدت تفكر في بوعمر اللي للحين كان يزورهم، حتى بعد ماعرف باللي صار وان شوق أخذوها أهلها، ريال سكير مثل حال أبوهم بس غني وعنده فلوس، كان يبي الولد ومصر على الزواج.
هدى:" يمه بوعمر ليش للحين ايينا البيت؟"
أم عبدالله:" مدري ليش." وبس دقايق والاجرس الباب داق ونادت ولدها يروح يفتح الباب..
عبود:" مافي الاانا افتح الباب، خلي هذي تفتحه." وهو يأشر على هدى.
أم عبدالله:" يالله بلاطوالة لسان علي، بسرعه وتعال قوللي منو."
عبود وبسرعه رجع:" هذا بوعمر."
أم عبدالله:" زين يايه." وقامت لبست عباتها وراحت له:" حيا الله من زارنا."
بوعمر:" الله يحيج."
أم عبدالله:" خير يابوعمرآمر."
بوعمر:" مايآمر عليج عدو بس يايب لكم هالأغراض هذي."
أم عبدالله وتسوي نفسها مستحية ومتفشلة منه:" يووه يابوعمر ليش مكلف على نفسك وكل يوم يايب هالأغراض، ماله داعي الموجود مكفينا."
بوعمر:" لامايصير ياأم عبدالله، المرحوم كان عزيز علي وهذا واجبي اتجاهكم."
أم عبدالله:" مشكوووور وماتقصر عسى الله يجزيك الف خير."
بوعمر:" يالله عن أذنج تامريني شي؟"
ام عبدالله:" مايآمر عليك عدو، مشكور سلامتك."
بوعمر:" الله يسلمج، وهذا انا اقول لج اذا احتجتوا اي شي والا نقصكم شي قولوا لي لاتستحون، يالله مع السلامة."
ام عبدالله:" في امان الله." وهي صاكة الباب ومستاااانسة وشوي واتشقق..!!
دخلت بسرعه للصالة وهي حاملة الأغراض بيدها..
هدى:" واااااااو وش كثرها الأغراض يمه!!"
أم عبدالله:" ههههه هذا كله من بوعمر الله يخليه."
عبدالله:" يمه هذا يخوف، ماحبه."
هدى:" وأحد قال لك تعال حبه."
أم عبدالله:" صج فيه الخير ماقطعنا.."
هدى:" اييييه من مات ابوي وهو مافارق البيت، حتى من بعد ماراحت لبقرة!!"
عبدالله وبكل براءة:" أي بقرة؟؟"
هدى وبضحكة ساخرة:"ههههههههههههههههههههه بموووت من الضحك عبود حبيبي هي وحدة بقرة، اقول يمه انا اشوف بوعمر وايد ايينا لازم مانخسره ونستفيد منه."
ام عبدالله:" اييييه عارفة بس شوي شوي مب مرة وحدة تالي ينحاش منا."
هدى:" صح لسانج ياأحلى أم بالدنيا."
كانت نوايا أم عبدالله شريرة لمصلحتهم طبعاً، كانت اتخطط ومستعدة للتنفيذ..!! وهدى كانت تابع لأمها وتخطيطاتها، وكل همهم لفلوس والمظاهر..!

^^^^^^^^^^^^^^^^^^^^^^^^
بعد ماطلعت من بيت خالتها أم محمد، أخذت السايق وراحت بيت ميثة، وقالت له يروح لأنها بتظل عندهم بالبيت، ورجع السايق للبيت.
ميثة:" هلاااا والله شخبارج؟؟؟"
سحر وهي رامية بنفسها على الكبنة بقهر:" وش تشوفين؟؟"
ميثة:" اف اف اف شفيج عسى ماشر؟"
سحر:" رجع محمد."
ميثة وبرووود:" ويعني وش صار مافيها شي."
سحر:" شلون تقولين مافيها، انتي تذكرين يوم اللي قلت لج ان سكر التلفون ابويهي..؟ من ذاك اليوم ماكلمته."
ميثة:" سحر حبيبتي انتي مكبرة حجم الموضوع أخذي السالفة عاااااااادي وش بسوي لج يعني؟ مايقدر يسوي شي، الا ماقلتي لي رجع يمشي والااا؟"
سحر:" بعكاكيز."
ميثة:" حللللللللفي!! ماقلت لج مامنه فايدة خلااااص."
سحر:" وانا شبي فيه الحين، بس انا افكر باللي ممكن يصير الحين بعد مارجع."
ميثة:" وش بصير؟ ماأعتقد ان فيه حد بيجبرج على انج تاخذين إنسان عنده إعاقة، ولاتنسين انتي دلوووعة أبوووج وأمج يعني مابيجبرونج على شي ماتبينه."
سحر:" عاااارفة."
ميثة:" ومدامج عارفة ليش مكدرة خاطرج، اقوول شرايج نطلع الحين نروح اي مووول والا الكورنيش؟"
سحر:" مالي خلق اطلع."
ميثة:" ولاحتى ويافهد؟"
سحر طالعتها بطرف عينها وإبتسمت:" كورنيش لا الموول مب مشكلة."
ميثة:" يالله جهزي نفسج ومشينا."
سحر:" اوكي لبسي على ماأعدل اليمك آب."
ميثة:" دقايق وانا تحت أمرج."
وبعد ثلث ساعة جهزوا، وأخذوا السايق وراحوا المول وهناك قالوا له يروح وبعدين بيتصلون فيه علشان ايي ياخذهم.
ميثة:" ااااااالله شوفي الجوو هني ونااااسة." كانت تتكلم وسحر بوادي ثاني غير اللي هي فيه:" سحر هيييييي شفيج اكلم روحي انا؟"
سحر:" لالا، بس بتصل بفهد بخليه ايي هني."
ميثة:" أمممم أشوف عبدالعزيز يمكن ايي وياه."
وكل وحدة فيهم اتصلت لحبيبها المزعوم، الشيطان كان قاعد يلعب عليهم شوي شوي. سكرت سحر التلفون وميثة بعدها تتكلم وتضحك وياحبيبي وياعمري.. وبعد عشر دقايق سكرت الخط. سحر:" شقال لج؟"
ميثة:"يقول بحاول انه ايي والأكيد ياي، وانتي؟"
سحر:" يقول جريب من المول بيي بسرعه."
ميثة:" اووووكي عيل خلينا اندور شوي على مايوصلون."
سحر:" يالله.."
وقعدوا يتمشون على مايوا لهم، فهد كان متكشخ وشكله ملفت كانوا البنات اللي بالمول بموتووون عليه!! سحر كانت مقهورة منهم لأنها ماتحب حد يطالعة والا يتلزق فيه..!!
فهد:" هلا حبيبتي شخبارج؟"
سحر:" بخير الحمدالله انت شخبارك؟"
فهد:" اذا حبيبتي بخير انا بخير."
استحت منه ونزلت راسها وهي تبتسم>>> الله على الحيا والدلع..!!
فهد:" ها ميثة شخبارج؟"
ميثة:" تووووه الناس صار لي ساعة واقفة."
فهد:" بعد شسوي، الا وين عبدالعزيز؟"
ميثة:" يقول يمكن ايي ويمكن لا بس الاكيد انه بيي."
فهد:" اييييه كاهو ياي."
ميثة:" عن اذنكم بروح له."
سحر:" اذنج معاج."
وظلت سحر وفهد بروحهم يتمشون بالمول، ماكان يهمها أي حد غير وجودها ويافهد. وبعدها تعبت وقالت له انها تبي تقعد وتشرب لها شي. وقعدوا بأحد الكوفي شوب اللي هناك.
فهد:" عمري شفيج؟ أحسج مو على بعضج؟"
سحر:"لاااا عادي مافيني شي."
فهد:" لاااا إحساسي يقول عكس جذي."
سحر:" وش بكون فيني يعني؟"
فهد:" والله مدري انتي أدرى، اشوفج ماتقولين لي اللي بقلبج شكلي ماأهمج ولاتحبيني."
سحر:" ليييييش؟"
فهد:" يعني لوتحبيني ويهمج أمري جان قلتي لي وش فيج يمكن أساعدج."
سحر:"وش تبي تعرف؟"
فهد:" اللي شاغل بالج عني."
سكتت وظلت اطالع علبة العصير اللي بيدها، رفعت راسها وظلت إطالعها بعينها اللي اتجنن الشباب..!! وقالت:" ولد خالتي محمد رجع من السفر."
فهد:" حمدالله على سلامته، متى الوصول؟"
سحر اطالعه بإستغراب:" شنوووو شفيك انت اقول لك محمد تقول لي حمدالله على سلامته."
فهد:" وش تبيني اقول لج يعني." كان يسوي نفسه مقهور ويغااار من محمد.
سحر:" شفيييييييك شكلك زعلت؟"
فهد وهو يطالع بالطرف الثاني:" لااا سلامتج ماني زعلان."
سحر واللي ماحبت اتضايقة وحبت إنها تراضيه:" حبيبي شفيك."
طالعها ومارد عليها، وردت قالت لها:" عمري، حبيبي.."
إبتسم غصباً عنه، مب علشان انه رضى عليها ومب زعلان، على غبائها وبلاهتها ولأنه قاعد يلعب عليها:" حبيبتي تعرفين أغاااااااااار عليج ومابيج اتيبين طاري ولد عمج وانامعاج مرة ثانيه."
سحر:" حااااضر ياحياتي بس لاتكدر خاطرك."
فهد بعد مامسك إيدها:" مب زعلان ولاني مكدر خاطري."
سحر:" تحبني؟"
فهد:" أموووووووووت فيج."
وتوها بترد عليه، والا تشوف سيف ولد عمها قاعد يتمشى وياربعه، من شافته ارتبكت وانعفس حالها.. فهد:" شفيج خايفة ومرتبكة؟"
سحر:" سيف."
فهد بإستغراب:" اي سيف؟"
سحر:" ولد خالتي أخومحمد." وأشرت له المكان اللي قاعد يمشي فيه ووصفته علشان يعرفة.
طالعها ببرود:" ويعني؟ ماشافج عااااادي."
سحر:" شنوو عادي ان شافني وياك بيعفس الدنيا كفاية مايدانيني ولاأدانيه."
بإستغراب:" ليش بالله مايدانيج وش فيه زود؟"
سحر:" مدري مدري بس ان اذا شافني معاك بسوي لي فضيحة، انا بروح الحين اوكي بتصل بميثة وبرد البيت، والليلة اكلمك يالله باي."
فهد واللي ماكان مهتم اذا شافها ولد خالتها والا لا:" اووكي باي."
وبس ثواني من تباعدت عنه الا سيف بويهها، خافت إنه شافها وهي قايمة من يم فهد وارتبكت زووود، طالعها بنظرات الإحتقار وسألها:" شسوين هني؟"
حاولت إنها ماتبين خوفها وارتباكها وبنفس الطريقة اللي يكلمها فيها:" موشغلك."
انقهر من ردها وقال:" وشنو اللي مو شغلي بنت خالتي وبروحها بالمول لازم اسألها مو حنا نخاف على أهلنا فاهمتني."
سحر:"اولا وش شايفني ؟ وثانياً مو بروحي يايه، وثالثاً مو شغلك وش اسوي هني، عن اذنك."
سيف:" اذنج معاج يا..... بنت الخالة." قالها بطريقة خلتها تنقهرمنه واااايد، مو كفاية محمد يطلع لها هذا!! مشت عنه بسرعه ودقت على ميثة والتقت معاها وقرروا يردون البيت لايشوفهم سيف ويغربلها بعد.

^^^^^^^^^^^^^^^^^^^^^^^^

قعد بعد أذان المغرب بعشر دقايق، كان محمد تعبان وااااايد دخل الحمام توضأ وصلى. كان متملل ومتضايق من سحر اللي ماكلفت عمرها وسألته شلون صحته وفضلت انها تطلع ويا رفيجتها ميثوه عليه اهو!! :" أفففف أطلع بره الصالة لا أستخف وانا قاعد هني وافكر، اشوف سمورة وش اتسوي احسن." وأخذ عكازينة بكل بطئ وصعوبة مرّ عند غرفة سمر وطق الباب:" سمر؟ سمووورة؟" لكن محد رد عليه، وكان توه بلف إنتبه للغرفة اللي يمها >> غرفة شوق. :" غريبة من فيها؟" وبحركة سريعه حرك نفسه ووقف مقابل الباب. بنفس اللحظة اللي كان محمد بيرفع يده يدق الباب كانت شوق واقفة وراه وفتحته..
وقف محمد مستغرب ويده مازالت موقفة لفوق علشان كان بطق الباب. وشوق وقفت مصدومة لأنها ماتوقعت وجوده هني. ظلوا اثنينهم يطالعون بعض لثواني معدودة مرّت كأنها ساعة، وبحركة سريعه سكرت شوق الباب بويهه.
سمر:" هيييييييييي وش تسوي هني؟!"
محمد مازال في دهشته وإستغرابه، وقام يأشر لها على الباب ويطالعها ينتظر إجابه منها.
سمر:" هههههههه تعال انت بس واقول لك السالفة."
مشوا شوي شوي لين ماوصل عند الكنب وقعدوا، كانت الصالة اللي فوق وااااسعه وايد لكن مب كبر الصالات اللي تحت.
محمد:" منووو هذي؟"
سمر:" هذي شوق بنت بوعبدالله تعرفه؟"
محمد:" أي بوعبدالله؟"
سمر:" يوووه محمد لاتقول لي ماتعرف بوعبدالله الخلفان، وبكلام أوضح خلف الخلفان تذكره؟"
محمد:" اييييييييييييه اعرفه شفيه؟"
سمر:"هذي بنته."
محمد بدهشة ومبطل عينه:"هااااااااااااااااااااااااا؟!!!!"
سمر وهي تضحك عليه:" ههههههههه شفيك اطالع جذي ومستغرب؟ ايه هذي بنته لأنه هو توفى و..."
محمد واللي مومستوعب شي:" شنوووووووووو توفى؟؟؟ ليش ومتى وشلون وصار وانا مسافر؟"
سمر:"هههههه شوي شوي كل هالأسئلة بجواب عليها."
محمد:" اييييه قولي لي كل شي وبالتفصيل الممل."
شوق كانت بعدها واقفة ورى الباب وخايفة، أول مرة كانت تشوفه وعن قرب:" وووووي وش اسوي فشييييييييلة وش اقول لسمر؟ بس صج أخوها وسييييم مثل ماقالوا. وانا وش علي اللي يهمني الحين شلون بجابلة مرة ثانيه؟!! هههههه والله احس شكلي كان يموت من الضحك، خلني احارس سمر اتيي أما الحين مابطلع بالمرررة."
وبعد ماخلصت سمر من سالفة شووق، سكت محمد وطالعها:" مسكينة كسرت الخاطر، بس اقول سموور حبيبتي مافيها علامات جذي والا جذي؟"
سمر بإستغراب:" علامات شنووو؟" وسكتت اشوي :" اهااااا حرااااااام عليك يامحمد لبنيه مافيها شي، قلت لك ابوها بس اللي كان والعياذ بالله.."
محمد:" هههههه شفيج امزح معاااج ماصدقتي، بتاكليني اي محمد غلط لازم آكله.."
سمر:"هههههه لاااا بس خفت انك مثل سحر.
من سمعها تغير ملامحة،طالعها وحب إنه مايوضح لها ان فيه شي:" ليييش؟ وش قالت؟"
سمر:" ضايقت شوق وايد وكانت اطالعها بأسلوب غريب، يعني بالعربي الفصيح مب طايقتها، تقول ماتخافون على عمركم منها؟!"
محمد:" هههههههههههه."
سمربإستغراب:" تضحك؟؟"
محمد:" ايه لأني توقعت إنها تقول جذي انتي ماتعرفينها بنت خالتج؟"
سمر:" الاأعرفها." وتذكرت شوق اللي بالحجرة قاعدة تنتظرها من زماااان:" ووووي نسيت شووق المسكينة، اروح لها اشوف شصار فيها."
محمد:" شدعوة عاااد شايفة جني" وهو يقلد حركات خلود ملكة جمال البيت مثل ماتقول:" وش زيني الله ملك جمال البيت خخخخ."
سمر:"ههههههههههههههههه اقول لاتغتر بنفسك لا اتيك رفسة."
محمد:"خروف يرفسج انا اتييني رفسة." ورمى عليها مخده صغيرة وركضت بسرعه لغرفة شوق وهي ميته ضحك عليه.
دقت سمر الباب وسمعت صوت شوق المرتبك:" منووو؟"
سمر:" هذا انا سمر."
وفتحت لها الباب ودخلت، شوق وهي اطالعها وبويهها الضحكة والارتباك:" شفتي شصار؟"
سمر:"ههههههه ايه شفت، ماعليه عااادي ماصار الا الخير."
شوق:"تضحكين والله وقف قلبي يوم فتحت الباب ومااشوف الا اخوج واقف مجابل الباب، والله ماعرفت وش اسوي، احس اني خبله يوم ظليت واقفة ولا عاد يوم صكيت الباب بويهه."
سمروبعدها تضحك عليها:" صدقيييييني عاااااادي، ماقال شي لاتخافين."
شوق:" هو بره للحين؟"
سمر:"ايه بره شنو بتيين وياي نقعد معاه؟"
شوق:"لالالالا مستحيل، بعد هالموقف ماارز ويهي بره."
سمر:"ليييييش، يالله عاااد بلادلع اشوفج وااايد زودتيها رازة ويهج بالغرفة هني طلعي شوي ويانا والله اخواني مايقعدون وايد بالبيت حتى لو كانوا والله حبوبين.,"
شوق:" لا أستحي مابي."
سمر:" زين مابقعدج بنفس الصالة بيتنا كبييير وواااااسع ماعندج حجه غير شوقوو بلادلع هااا."
شوق ضحكت عليها.. سمر:" شفيج اضحكين."
شوق:" لا بس أول مرة تناديني شووقووو، ذكرتيني ابيت خالتي مرة ابوي ايام كانت تعصب."
سمر:"شوق حبيبتي ممكن اسألج؟"
شوق:" سألي آمري قولي اللي تبين."
سمر:" مايآمر عليج عدو، بس شلون قدرتي اتحملين كل اللي صار لج هناك؟!"
كان سؤالها مثل اللي يقلب المواجع، خلاها اتذكر الأيام القاسية اللي عاشتها،ايام الظيم والضرب القسوة. ظلت منزله راسها وتفكر بالأياااام اللي راحت وبعد ثواني رفعت راسها طالعتها بإبتسامة ترد الأمل والروح:" وشلون مااتحمل، وين كنت بروح ومحد لي غير الله والبيت اللي كنت عايشة فيه، ماكنت أعرفكم ولاأدري ان انتو اهلي، شلون مااتحمل وهذاك ابوي وأخواني، عارفة ان ماكان يملك ذرة وحده من الأبوة لكن وش كان بيدي اسوي غير اني اصبر واصبر وادعو رب العالمين بالفرج."
سمر واللي حست إنها رجعت ذكريات يمكن تحاول تنساها:" آسفه، أحس إني ذكرتج بأشياء ماتبين تذكرينها."
شوق:" لا ليش اتأسفين، هذا اناوهذا الماضي اللي عشته، انا وهو مرتبطين في بعض من يوم انولدت." وسكتت شوي وطالعتها:" مااااااعليج مني، الحمدلله على كل حال وكلٍ ياخذ نصيبه بهالدنيا، بس ماقلتي لي وين رحتي يوم نزلتي من ساعه؟"
سمر:" نزلت اشوف الخدامة الخبلة اقول لها سوي عصير ويبي شوية كيك وحلويات هني بغرفتج ولايابتهم."
شوق:" لييييش بالله كل هذا؟ ماله داعي."
سمر:" اقوول انقلعي انتي اويهج الكل حقي وحقج."
شوق:"هههههههههههههههههههه." وتموا يضحكون ويسولفون. كانت سمر مستانسة انها لقت وحدة بالبيت وياها من سنها وتفهمها غير خلود اللي لاهيه بالتلفزيون وبس.

محمد كان قاعد بره ويطالع التلفزيون.. وشوي والا اييه سيف.:" هلاااا بوسعود."
محمد:"ههههههههههه انتوا كل يوم مطلعين لي اسم يوم بوسعود يوم بومشعل."
أحمد واللي كان توه ياي وماسمعهم:" صح النوم بوفهد."
محمد:"ههههههههه طاااااااالع هذا بوفهد بعد."
أحمد:"هااا شصاير بعد غلطنا بشي."
سيف:"لا سلامتك بس الأخ يعترض عالأسماء اللي اناديه فيها."
أحمد وقعد يم سيف:" ليش بالله شفيها الأسماء وش زينها وش حلاتها اتينن ان شاءالله اذا تزوجت سمهم كلهم بهالأسماء هذي."
محمد:"حشى بتزوج ارنب والا قطوة أنا مب بني آدم."
سيف:" محمد على طاري السالفة هذي شفت سحر اليوم بالمول."
محمد:"شنووو، وش كانت تسوي هناك؟"
سيف:" يوم شفتها ارتبكت حسيت انها تفاجأت يوم شافتني ولما سألتها قالت لي موشغلك ومشت."
محمد عصب وااايد وحس انها تبي تقهره بتصرفاتها، أحمد طالع أخوه بطرف عينه وحاول يقول له ان هذا مب وقته ان يقول له عن تفاهات سحر. وحب بسرعه يغير الموضوع..
سيف:" الا محمد سمعت آخر الأخبار وهو يطالع أحمد ويضحك."
محمد ببرود:"هااا، لا شنو؟"
سيف:" ترى الأخبار عن أحمد لايفوتك."
أحمد واللي عرف وش كان يبي يقول:" هيييييييي انت وش تبي تقووول."
محمد انتبه لهم:" شصاير؟"
سيف:" قول وش موصااااير تعااال شوف اخوك وش عنده من ورااااك خخخ ."
محمد واللي حاول يتناسى سحر:" وش عندك أحمدووو قووول بسرعه."
أحمد:" صدقني ماعندي شي بس هذا سيف يحب.."
وقاطعه سيف:" أحب شنو هاااا؟ والله انا بقول الصج اللي سمعته وقلته انت بلسانك."
محمد:"هههههه اقووول طلع اللي عندك بسرعه وماعليك منه."
سيف:" جائكم التقرير التالي أحمدوو يحب مريووم بنت عمي ."
محمد:"ههههههههههههههه يه يه والله وطلع عندك سوالف وانا مدري وين خاااشها يادب هااااا؟"
أحمد واللي صار ويه احمممممر منهم، كان خجووول وايد:" اووووه شفيكم انتوا مافيه بينا شي ماصار شي."
محمد:" يقول تحبها؟"
سيف:" ايه يحبها بس هي ماتدري."
محمد:"ماااااالت عليك وياي شاق الحلج انا قلت تدري."
أحمد:" ماتدري ولاحد يدري غير الجحش اللي صوبك."
سيف:" انا جحش يادب."
محمد:" زييين اقووول ليش ماقلت لحمد والا لناصر؟"
أحمد:" موأول اتأكد من مشاعرها مو أروح أقول له بخطبها وانا مدري فيها."
محمد:"اي اي صح كلامك، زين ياغبي شلون بتأكد وانت ماقلت لهم، اقوول عطني التلفون."
أحمد بإستغراب:"لييييييش؟"
سيف:" سؤال غبي."
أحمد:" انت جب ولاكلمه لاالحين توطيت في بطنك."
سيف:"هههههههههههه وانت تقدر."
أحمد:" زين ماقلت لي ليش تبي التلفون."
محمد وهويطنزعليه:" بتصل لبيت الجيران اسألهم عن بنتهم بخطبها لك، يااخي وش بسوي يعني بتصل لبيت عمك."
أحمد:"لالالا واللي يرحم والديك موالحين."
محمد:"ليش؟"
سيف:" يخاااف من الصدمة."
احمد:"روووح زين انت ، محمد مابي الحين يمكن نايم حمد والا.."
قاطعه:" انت اسكت عن اقتراحاتك وتنبؤاتك الفاشلة."
ورد عليه حمد:" هلاااااااا بوبمشاري."
محمد:"هههههههه انا محمد ياخبل."
حمد:"هلااااااااااا بودعيج. وينك من وصلت مادقيت ولاكلمتنا ولاسألت ولا شخباركم و.."
محمد:"بس بس بتاكلنا انت ادري فيك ، اقوول عندك شي الحين؟"
حمد وهو ياكل مكسرات:" لااا بس قاعد آكل."
محمد:" انت ماتشبع لاهني ولاهناك، اقووول تعال ابيك بسالفة."
حمد:"ماتنقال بالتلفون؟"
محمد:"لاااا."
حمد:" ولا اتأجل لباجر؟"
محمد:" اذا تبي تاكل حريمتك ماخليك تعااال لااوريك شغل الله."
حمد:"زيييييييين عاااد مايخلون الواحد يتهنى ، بعد نص ساعه يايك."
محمد:"حشى البيت بالمريخ اللي بياخذ نص ساعه كلها عشردقايق."
حمد:"كيفي تبي تنطر نص ساعه انطر ماتبي مب ياي وش قلت."
محمد:" اصبر وامر لله، يالله باااي."
حمد وهو متمدد على الكنبه وياكل بالمكسرات:" بااااي."
وبعد ربع ساعه كان حمد قاعد وياهم..
محمد:" تقووول نص ساعه."
حمد:"يـــه ياي تحاسبني ترى ارد البيت الحين."
محمد:" اقوول انثبر مكانك لاالحين علقتك انت وقميصك هذا."
حمد:" شفيه؟"
سيف:"ههههه كأنه غابه مب قميص هذا."
حمد:" الا انت لااتكلم."
سيف:" كيفي بتكلم."
محمد:"اقوول سدوا حلوجكم الحين،حمد تعالي منيييه بقولك السالفة."
سيف:"انا بروح غرفتي تامروني شي؟"
أحمد:" خذني معاك."
محمد:" سلمتك سيوف،أحمد وين بتروح اقعد."
أحمد:" لا بروح ويااه عن اذنكم."
محمد:" اذنك معاك."
وبعد ماراحوا لغرفهم، ظلوا اثنينهم بس، وظل محمد ساكت يفكر وقطع حبل تفكيره حمد:" هييييييي ياي انا مب علشان تفكر قول وش عندك بسرعه ترى يوعااان بمووت من اليوووع."
محمد:" مااالت عليك بس هذا انت أكل في أكل والله تسد النفس، أقول اسمع السالفة.."
حمد:" وهذا انا سمعت شي."
محمد:" اذا مايزت عن هالحركات صدقني بشوتك بره البيت."
حمد وهو حاط يده على حلجه:" خلاص سكتنا قول شعندك."
محمد:"بدون مقدمات أحمد يبي يخطب أختك مريم."
شال يده من على حلجه وظل مفتوح، محمد:" شفيك بطلت حلجك جذي، قلت مُنكرأنا,."
حمد:"هااا لا بس.."
محمد:" شفيييك بس شنو، أحمد مايبي يخطبها الحين بس بالأول يبي يعرف شعورها اتجاهه لأنه.."
وقاطعه:" يحبهاااا؟! وان شاءالله كان بيــ ..."
وبعد قاطعه محمد:" لااااتخااااف مابينهم شي، وأختك ماتدري بشي وهو قال لي الحين انه يحبها بس ماقال لأحد غير سيف وانا الحين توني دريت، وكاني قلت لك علشان تشوف أختك."
حمد:" واااالله مدري وش اقول لك تفاجأت بالخبر."
محمد:" مابيك انت تقول شي ، ابي أختك هي اللي تقول لها وييب لي رايها."
حمد:" هو من متى يحبها؟"
محمد:" مدري والله فيه شكله من زمااان بس ساكت ماقال لأحد."
حمد:" وبيخطبها؟"
محمد"لا بيذبحها."
حمد:"هااااا!!!"
محمد:" شدراني فيك، ولد عمك مايلعب اذا كان هذا اللي في بالك، أخوي وأعرفه."
حمد:"افاااااااا انا تظن فيني؟ ماهقيتها منك."
محمد:" والله انت اللي اسألتك تقول جذي."
حمد:"زين وليش حضرته ماقال لي ومخلي رئيس الوزراء هو اللي يتكلم."
محمد:" لأنه لويظل سنين مابيتكلم."
حمد:" ماااعليه يصير خير."

^^^^^^^^^^^^^^^^^^^^^^^^^
اتصل لها وبسرعه ردت عليه مثل الخبله، صااارت تحبه ومستحيل تستغني عنه وعن صوته يوووم واحد..!! تحولت كل مشاعرها وكل أحاسيسها لفهد لاغير.
سحر:"هلااااا حبيبي..."
فهد:"اااااااااالله ياعمري بلييييز عيديها مرة ثانيه."
سحر واللي صار ويهها احممممر:"هههههههه لاااا مابعيدها."
فهد:"افااا ليش؟"
سحر:"بس لأنها تطلع بروحها جذي."
فهد:"يعني الحين ماتطلع؟"
سحر:"لأ.."
فهد:"حبيبتي بسألج شصار اليوم العصر يوم شفتي ولد عمج مدري ولد خالتج."
سحر:"تقصد ولد خالتي، ماصار شي بس سألني ليش انا بالمول."
فهد:" وهو شكو يسألج؟!"
سحر:"عيااال خالتي واعرفهم لازم يسألون، وعامةً العايلة الرياييل جذي لازم يسألون وين بتروحين ومن وين يايه مايخلون الواحد على راحته."
فهد:"مااااعليج منهم."
سحر:" وانا مفتكره فيهم يعني، ولاحد يهمني اصلاً بس عن الهذرة وعوار الراس وياهم."
فهد:" اعرفج زين، حياتي تدرين وحشتييييييييني مووووت وودي أشوفج."
سحر:" تبي الصج وانا بعد."
فهد:" أكييييييد؟"
سحر:"وش تشوف يعني؟"
فهد:" والله مدري انا احس اني مشتااااق لج وااااااايد كل يوم احس اني اتعلق فيج اكثر واكثر، وكل مرة اشوفج فيها يزيد حبي لج وعلاقتي فيج، واختصااار لكل هالكلااام احبببببببببج مووووت."
في كل لحظة تمر وكل كلمة كان فهد يخدعها فيها كانت تحس بسعادة وغرور، الغبية ماكانت تدري بألاعيبة.
فهد:"الوووووو وين رحتي؟"
سحر:"معااااك مارحت مكان."
فهد:" ماأعتقد."
سحر:"لا اعتقد لأني مارحت مكان."
فهد:"ابي اشوفج."
سحر:"خلها باجر انت تدري الساعه جم الحين."
فهد:" أدري وانا ماقصدت الحين أخااااف عليج ياعمري ومستحيل أخليج اطلعين بهالوقت وحتى لوكان فيه سعادتي."
سحر وبكل جرأه:" أحبــــــك."
فهد:"بعد عيديها مرة ثانية."
سحر وبجرأة أكبر وأكبر:" أحبـــك أحبـــك..!!"
لعب الشيطان بعقلها، وفهد كل يوم تحلووو اللعبة عنده وبعد فترة صمت دامت ثوااااني:" عمري سحر أبي منج طلب أخاف ترديني."
سحر:"حبيبي مستحييييل اردك."
فهد:" أكييييد؟"
سحر:" انت أطلب وشوف."
فهد:"ابيج اطلعين معاي بالسيارة."
سحر كان ودها هالشي بس عزة نفسها مثل ماتقول ماتسمح لها انها تطلبها منه، وبعد ماسكتت فترة وهي تفكر:" ومتى تبيني اطلع معاك؟"
فهد:"لويصير اليوم ، بس خليها لباجر شرايج؟"
سحر وبعد ماتغلب عليها الشيطان:" انت تامر ياعمري."
فهد:" أحببببببببببج وأمووووت فيج."
كانت سحر غارقة بألعاب فهد وخديعته، لااااهين اثنينهم بالدنيا ومغرياتها!! سحر خلاااااص نست كل شي وماعاد يهمها بهالدنيا شي غير فهد وبس. محمد انتهى بالنسبة لها وماراح تفكر انها ترد له بالمممرة.

^^^^^^^^^^^^^^^^^^^^^^^^

كان صباح يوم هادئ ولطييييييف على غير العادة، كل الوجوه كانت سعيدة أم محمد كانت بالمطبخ تسوي لهم بأيدها الريووووق. اليوم دلع عالآخر يمكن رجوع محمد مغير الجووو!! ويمكن اشيااااء ثانية!!
خلود بعد مافتحت لها شوق الباب:" صباااااااااااااح الورد ياجميل."
شوق:" صباااح الورد، من متى انتي صاحية؟"
خلود:" صاااار لي نص ساعة." وهي اطالع الساعه:" يعني الساعه 9:30 وانتي؟"
شوق:" انا من صليت الفجر مارقدت، وكاني جدامج للحين قاعدة."
خلود:" من صجج مانمتي؟ مستحيييييل انا ماارقد جان ينعفس يومي كله."
شوق:"هههههه شدعوة تعودت عاااادي بالنسبة لي."
خلود:"زين خلينا ننزل تحت الريوووووق جهز وعصافير بطني بتصوصو يالله."
شوق:"هاا لاااا مابي مويوعانه."
خلود:"اقوول بتيين والا لخيتج جم بكس خليتج اتعدلين الحين."
شوق:"هههههههه صدقيني اذا ابي بنزل."
خلود:" اشوف جدامي يالله لبسي شيلتج وتنزلين وياي الحين ماعندي دلع بنات."
شوق ومب عارفة اتيود نفسها من الضحك:"ان شااااااءالله يدتي."
وبعد مالبستها وصكت باب غرفتها:" الا وين سمر؟"
خلود:"ههههههههههههههه تسألني عن سمر، هييي انتي شفيج صاحية سمووور بسابع نووومتها الحين."
شوق:"غريبة بس امس هي قاعدة من وقت؟"
خلود:" أمس غير اليوم غير، البارحة كانت سهرانة وياغرامها وعشقها."
طالعتها بإستغراب على شوية هبل:" هااااااا...!!!!"
خلود:"خخخخ لايروح مخج بعيد ، هي تقرأ قصص روماااانسية وماتنام الا اذا خلصت القصة، وعااااد محد يقدر يقعدها لأنها غرقانه بأحلامها الجنونية."
شوق:"غريييييبة مايبين عليها من النوع اللي يحب القصص وهالسوالف."
خلود:" والله مدري فيها، اقول بتخلينا نمشي والا انتم بيوعنا احسن؟"
شوق:"مشينا لاتاكليني."
ونزلوا باللفت بسرعه لأن خلود ماتبي تجهد نفسها أكثر..!! وأول ماوصلوا غرفة الطعام كان محمد هناك قاعد وأخوانه وأمه..
خلود:" صبااااااح الخير للحلوين."
محمد:"صباح الورد، وينج طولتي اليوم على مانزلتي وحشتينا."
خلود:"عن الطماشة لووووسمحت."
وقعدت على كرسيها وتوها منتبهه ان شوق مادخلت معاها:"يؤيؤ وينها هذي كانت ورااااي؟!"
أحمد:"منوو هذي؟"
خلود:" شوق."
أم محمد:" قووومي شوفيها."
خلود:"اووووكي."
وطلعت من الغرفة وشافتها واقفة يم لجدار:" يــه شفيج واقفه هني؟ دخلي."
شوق:"لاااا مابي."
خلود:"شصاير؟ شفيج اخواني بس اللي هني وانتي صار لج اكثر من ثلاثة ايام ويانا يعني خلج عااااادي."
شوق:"لااااا، برد غرفتي." ومشت عنها بترجع وسحبتها خلود من يدها:" تعاااااالي وين رايحه، لايكون مستحية من محمد؟!"
نزلت راسها وصار ويهها احمر، خلود:"خخخخخ اكييييييد على سالفة البارحة."
شوق:"شدراااااااااج؟"
خلود:" قالت لي سمر، ياااالله عاااااد دخلي مافيها شي."
وماشافت الا سيف طالع بويهها:"هييييييي انتوا شفيكم واقفين يالله عااااد عزووومة هي."
شوق ارتبكت وصااااار ويهها احمممر، خلود طالعته:" وانت شعليك، روح داخل والحين بنيي."
سيف:"انتي من كلمج يالله قلبي ويهج." وهو يطالع شوق:" صح شوقو."
شوق ومستحية حدهااااااا:" لااا."
سيف:"جزاة الخير سواد الويه ، اروح اكمل ريوقي احسن."
ودخل بسرعه، ودخلوا وراه على طول كانت مرتبكة من انها بتشوف محمد ومستحية منه لأنها صكت الباب بويهه ولاأعتذرت.
شوق وبصوت يكاد ينسمع:" صباح الخير."
أم محمد:"صباح الخير حبيبتي يالله تعالوا تريقوا."
خلود:" زييين رضت تدخل تقول مستحية."
على طول طالعتها شوق وعيونها تترجاها انها ماتقول شي،خلود وهي تغمز لها بعيونها وبصوت خافت:"لاتخافين مابقول شي."
وقعدت بآخر الطاولة هي وخلود، محمد ماكان باله وياهم لأن كان يفكر بسحر، وجود شوق ماشغل باله أبداااااا..
أحمد:" محمد هييييي وين سرحت؟"
محمد:"هاا، لاماكو شي بس نسيت اقول لك اليوم بيتصل حمد وبرد عليك خبر او انه بيي البيت."
أحمد:"اووكي."
أم محمد:" يمه محمد أبيك بسالفة اذا خلصت أكل تعال لي بالصالة."
محمد:" ان شاءالله يمه."
كانت شوق طول الوقت منزله راسها ولارفعته، ولاحظها محمد وفضل انه يطلع بسرعه علشان تاخذ راحتها.
وراح للصالة وكانت أمه قاعدة تنتظرة هناك..
محمد:" خير يمه؟"
أم محمد:" الخير بويهك ياوليدي، أنت الحين الحمدلله أحسن من قبل و.."
محمد وحس باللي تبي تقوله:" يمه اعرف وش تبين تقولين."
أم محمد واستانست انه فاهمها:" زين لي متى بتظل انا ودي اشوف عيالك قبل ماموت واللي باقي موكثر اللي راح."
محمد:" بعد عمر طويل يمه، لاتقولين جذي."
أم محمد:" زين شرايك نخطب لك بنت خالتك."
محمد:"سحر."
أم محمد:" عيل من غيرها، انتوا محيرين لبعض وتحبون بعض أدري، ومدامك رديت من السفر والحمدلله منت معتاز لشي كل اللي تبيه ابوك بينفذه، وش قلت."
محمد واللي كان وده يسبق أمه بهالكلام:" يمه انا كنت ابيج بنفس الموضوع، وسوي اللي تبينه."
أم محمد وطااارت من الفرحة:" صج، يعني اخلي ابوك يكلم ابوها."
محمد:" ايييه، يالله يمه عن اذنج بروح فوق."
أم محمد:" اذنك معاك ياوليدي."
وبعد ماراح فوق رفعت السماعة واتصلت لأختها..
أم فيصل:" ماتقصرين ياوخيتي ، مب هذا احسن لهم البنات يكبرون بسرعه ونبي نرتاح ونشوفهم ونشوف عيالهم."
أم محمد:" اي والله صادقة، زين انا الليلة اذا رجع بولعيال بقول له وان شاءالله يمكن الليلة والا بكرة يكلم بوفيصل علشان الخطبة."
ام فيصل:" خير البر عاجله، وان شاءالله كل شي يتم على خير."
أم محمد:" يالله مع السلامة وان شاءالله انشوفج العصر."
أم فيصل:" ان شاءالله، مع السلامة."
وسكرت السماعة والا خلود واقفة وراها:" بووووووووووووووووو."
أم محمد:" بسم الله، حسبي الله على ابليسج ماتيوزين عن هالحركات ابد."
خلود:"اقووول يمه لاتلفين وادورين، من متى مقررين تخطبون لمحمد."
أم محمد:" وانتي واقفة تسمعين كلامنا شحقه؟ هاااااا.؟ انتي ماتيوزين ابدااا."
خلود:" واااالله كنت ماااارة من هني وسمعتج تقولين لخالتي يكلم بوفيصل حق الخطبة، عاااد انا بذكاااائي الخارق عرفت انه محمد وسحر."
ام محمد:" ماشاءالله عليج ياذكية، اشوف انقلعي من جدامي وروحي غرفتج."
خلود:"زييييييين."
وراحت فوق بسرعه تقعد سمر من رقادها، وقفت بره عند الباب وادق عليه بقوه:" سموووور، سمووورة، سمورووو قعدي بسج نوووم صارت الساعه 11، قعدي عندي خبر حلوووو لج اينن بطيرين من الفرح."
طلع محمد من غرفته:" انتي شفيج مزعجة جذي، خليها نايمة صوتج موصل لآخر الدنيا."
خلود:"ماتبي ازعجها والا مشغووول وياالحبيب."
محمد يطالعها وهو رافع حواجبه:" شنوووووووووو اي حبيب، دخلي غرفتج لاالحين فلعتج بعكازي هذا ياااالله."
خلود:" زيين لاتضرب.. ياعريس." قالتها وركضت بسرعه من جدامة علشان لاتحصل لها ضربة منه.
محمد:"هههههه ماتخلي سوالفها هذي." ودخل غرفته.
وبعد دقايق طلعت سمر من غرفتها وراحت غرفة خلود، ماشافتها هناك وراحت لشوق...
شوق:" الباب مفتوح."
سمر:" صباااااح الخير."
خلود:" ظهر الخير اي صباااح انتي."
سمر:" مايخصج."
شوق:"هههه ماعليج منها."
خلود:" اقووول ماسمعتوا آخر خبر."
سمر:" توني قاعدة ماسمعت الا صوتج اللي يغرد."
خلود:"احسن من صوتج وااااالله."
سمر:" زيييييييين قولي شعندج."
خلود:" تطعوني جم."
سمر:"بتقولين والا عطيتج بكس على ويهج."
شوق:"ههههههه حراااام خليها اكيد بتقول."
خلود:"تسلمين هذي اللي توقف يمي مب انتي، زين قررت وزارة البيت الآتي: بيخطبون سحر لأخوي محمد."
سمر:"هااااااااااااااا."
شوق:" والله.. مبروووك."
خلود:"شفيج فاجه حلجج."
سمر:" بس توه راد من السفر، و.."
خلود:" وشنو أمي من ساعه سمعتها تكلم خالتي، وكانت قبلها تكلم محمد يعني اكيد هواللي يبي هالشي."
سمر:"اهاااا، يعني بصير عندنا حفلللللله."
خلود:"ايييييه ويبي لنا فساااااااتين ااااالله."
شوق:"هههههههه خلود مو واسعتها الفرحة."
خلود:"ايييه وانتي الصادقة الا متضايقة، ومستانسة."
بإستغراب:" لييييييش؟"
وقبل لاترد عليها، جاوبتها سمر:" الله يسلمج خلود ماتحب سحر، يعني هي فرحانه لأن اخوي بيخطب ومتضايقة لأنه بياخذ سحر."
شوق:"ليييييش انا اشوفها حلوة ويناسبون بعض ومثل ماقلتوا انهم يحبون بعض يعني اكيد متفاهمين ومتفقين على كل شي، ومابينهم اي اختلاف."
خلود:" مدري ليش يحبها هذي قمه في الغرور والتكبروالوقاحة."
شوق:"خلود حبيبتي عيييب اتكلمين عنها جذي، ماتدرين يمكن تصير غير بعدين اذا تزوجت اخوج، وتحبينها وتغيرين رايج فيها."
خلود:" مستحييييييييل هذي اتغير."
سمر:"زين ويعني انتي وش بتسوين ارضي بالواقع، سحر لمحمد ومحمد لها."
خلود وهي تتنهد:"امري لله."
سمر:"ههههههههههههههه اللي يشوفج انتي اللي بتاخذينها موأخوج."
شوق:"اي والله، صدقتي في هذي."

^^^^^^^^^^^^^^^^^^^^^^^^

كانت واقفة ويابوعمر العصر عند الباب وتحاول تنهي تخطيطها..
أم عبدالله:" والله يابوعمر مدري وش أقول لك، متفشلة ومستحية منك."
بوعمر:" لاياام عبدالله لاتستحين اذا في شي محتاجين له قولي."
أم عبدالله:" لااا هي السالفة موجذي، بإختصار كلام الناس مايرحم وانت مهماً كان ريال غريب عن البيت وروحاتك وجياتك لنا تخلي الناس اتحجى انت فاهمني وش اقصد، بالرغم ان عارفة انك ريال طيب وانسان محترم."
بوعمر:"اييييييي فاهم عليج، وانا ياي اليوم حق نفس الموضوع وعندي طلب وان شااااءالله ماترديني."
ام عبدالله:" آمر وان شاءالله اقدر اساعدك."
بوعمر:" انا طالب القرب منكم، وياي أخطب وحده من بناتج!!!"
أم عبدالله وهذا اللي كانت تبي توصل له:"مدري وش اقول بس.."
وقاطعها:" مايحتاج تقولين شي، انا راح انفذ كل اللي تبونه من طلبات وراح اعيشكم احسن عيشه وش قلتي؟"
ام عبدالله:" فيك الخير، بس انت تعرف عندي بنات ثنتين اي وحدة فيهم؟"
بوعمر:"انتي اللي تشوفينها مناسبة انا حاضر لج ، وانتظر الرد منج بأسرع وقت ممكن."
أم عبدالله وتحاول تمسك نفسها من الفرحة:" ان شاءالله فالك طيب."
بوعمر:" مع السلااااااامة."
وسكرت الباب وهي تقول :" مع السلامة، واااالله وطحت بيدي ههههههههه...!!!!!."
دخلت الصالة وكانوا قاعدين هناك ثلاثتهم وعلى طول حبت تفتح الموضوع وبدون تأخير حتى ماتضيع الفرصة منها!
هدى:" وش كان يبي منج؟"
ام عبدالله:" كل خير، سمعوني زين انا قلت لأبوعمر أن الناس بدت اتكلم عن جياته وروحاته لنا."
هديل:" وووووي فكه اكيد قلتي له لاايينا مرة ثانية بعد."
ام عبدالله:"لااااا.. وهو كان ياي لنفس الموضوع، ولشي ثاني."
هدى:" وشنو الشي الثاني؟"
أم عبدالله:" يبي يتزوج."
هديل:"هااااااااااااااااااا؟؟!!"
هدى:" من منوووووو ؟"
أم عبدالله:" لااطالعوني جذي، مو انا والله هو قال يبي وحده منكم و..."
وقاطعتها هديل:" انا مستحيل اوااافق عليه، وحتى هدى."
هدى:" هههههه حبيبتي تكلمي عن نفسج بس."
طالعتها بدهشة:" هدى انتي من صجج اتكلمين؟ هذا كبر ابوي وش تبين فيه."
هدى:" مايهمني عنده فلوووووس وااايدة وهذا اهم شي."
هديل:"يالمينووونه اكيد مب صاحية انتي."
هدى:" مب صاحية اذا خليته يروح مني."
أم عبدالله:" بس خلااااص خلصتوا كلامكم ثنتينهكم."
هديل:" يمه لايكون انتي موافقة على هالشي هذا."
أم عبدالله:" مدام راح يعيشنا بعيشة أحسن من هذي وش المانع، زين هدى انتي يعني مواقفة؟"
هدى:" يمه اذا وافقت، لازم بعدين ارد المدرسة؟"
ام عبدالله:" والله كيفج انتي وياه بعدين، انا اللي علي الحين ردج."
هديل:" يالخبلة لا توافقين، كملي دراستج احسن لج مابفيدج بعدين بشي."
هدى:"وشنو بتفيدني الدراسة غير الهم وضيقة الخلق وعوااار الراس، اتزوج لي واحد غني واعيش احلى عيشة احسن من هالدراسة اللي ماتفيد بشي ولااتييب فلوس."
هديل:" ووووبس هذا اللي يهمج لفلوس، ومتسقبلج؟ ياهدى طيعيني كمليها والزواج لاحقة عليه."
هدى:"أنا ادري فيج انتي تغارين مني لأني راح اتزوجه، وراح أعيش حياه غير الحياة هذي، انتي تكرهيني ومااتمنين لي الخير، من جذي تبين تمنعيني من الزواج منه، لكن حريمتج مستحيل اخليج تخربين حياتي."
هديل:" اناااااااا اغار منج والا اكرهج، انا لوماأحبج مانصحتج لكن ماقول الا حسبي الله على اللي كان السبب."
هدى:" اكرهها يمه مدري خربتها الكلبة اللي طلعت من البيت."
أم عبدالله:" ماااعليج منها خليها تولي، أهم شي الحين بوعمر وانتي يعني خلاص موافقة؟"
هدى:"اكيد يمه مايحتاج اتسأليني."

بداية لرحلة مجهولة هديل الوحيدة بالبيت معارضة، عبدالله ماراح يقدم ولايأخر بالسالفة..!! أم عبدالله طموحها وهدى أخيراً راح يتحقق وراح يعيشون حيااااة غير عن حياتهم.

^^^^^^^^^^^^^^^^^^^^^^^^
راحت الموول وقالت لميثة انها بتطلع ويافهد بسيارته، ميثة شجعتها على الغلط وقالت لها:" انا قلت لج من زمان بس ماطعتيني..!!!" سحر قالت لأمها انها بتروح السوق تسوق وياميثة.
وبالموول افترقوا هنا ميثة راحت وياعبدالعزيز كالعادة وسحر طلعت ويافهد.. كانت قاعدة معاه بالسيارة ومغطية ويهها، علشان لاحد يعرفها..!!
فهد وهو ماسك يدها:" وأخييييييييراً صرنا مع بعض بدون ماحد يزعجنا."
ظلت ساكته وقلبها يدق بقوووة، فهد:" حبيبتي شفيج ساكته؟"
سحر:" مافيني شي."
رفع ايدها وحباها، كانت أول مرة يحب يدها فيها. حست بشعور غريب وكانت تبي تسحبها منه، بس الشيطان تملكها خلااااااص وظلت يدها بين ايده. وبعد ماابتعدوا عن الشوارع العامة وأخذها لعند البحر وقف السيارة، كان المكان هاااادئ وااايد ومافيه ناس الا جم سيارة بعيد عنهم. طالعت يمين ويسار ورفعت الشيلة عن ويهها..
فهد:" وحشني هالقمر."
سحر:"وانت أكثر."
فهد:"عمري تحبيني؟"
سحر:" وهذا سؤال، أكيد."
فهد:" أكيد شنوو؟"
سحر:" أكيييد أحبــك."
ومد يده عند ويهها ولمس خدها:" أحبج، أحبببببج." وقرب منها وحباها على خدها. كانت أنفاسها تلثم ويهها. وانجروا اثنينهم للرذيلة، كان الشيطان لعب بعقلها ونست ان فيه رب شاااهد عليها..!!

رجعت سحر البيت وكانت مستاااااااانسة وهاااادية!! كانت علاااامات الفرحة والسرور على ويهها شافتها أمها ونادتها:" حبيبتي سحر تعااالي ابيج شوي."
سحر ارتبكت ولأنها كانت مسوية شي غلط على بالها ان امها درت ابها:" خير؟"
ام فيصل:" الخير بويهج ، اليوم اتصلت خالتج ام محمد وتقول انهم الليلة بيخطبونج لمحمد."
سحر كان هذا آخر شي ممكن تفكر فيه، ولاتوقعت ان محمد راح يفكر بالخطوبة الحين وظلت ساكته وتفكر:"وش اسوووي شلون اقول لهم اني مابيه؟ والله وهقه هذا وقته."
ام فيصل:" سحر شفيج ساكته؟"
سحر:"هااا، لايمه." وتحاول تبين انها فرحانه لماسمعت الخبر:" من صجج اتكلمين؟ ومتى قالوا بييون البيت؟"
أم فيصل:" والله هي قالت يمكن الليله واللي باجر ان شاءالله."
سحر وبإبتسامة عريضة، زين انا بروح فوق وباخذ لي دش سريع، يوووعانه يمه."
أم فيصل:" من عيوني الحين اسوي لج شي تاكلينة."
سحرحبتها فوق راسها:" تسلمين ياأحلى أم بالدنيا."
راحت فوق وعقلها مليان افكار وافكار، بسرعه دقت على فهد:" الووو."
فهد:"هلاااا حياتي."
سحر:" حبيبي عندي خبر، بس موحلوو."
فهد:" خير شصاير؟"
سحر:" محمد يبي ايي الليلة وياابوه وبيخطبوني."
فهد واللي مسوية نفسه متأثر ومنصدم لسماع هالخبر اللي يفطر القلب:" شنوووووووووو؟! بيخطبج؟ وانا وانتي؟ سحر؟"
سحرواللي نزلت دمووع التماسيح من عينها:" حبيبي صدقني انا مابيه ومستحيل اوافق عليه، بس خايفة وماعرف شلون اقول لهم اني ماابيه وخصوصاً ان كلهم يعرفون ان حنا محيرين لبعض."
فهد:" انا مايهمني الا انتي ماتروحين مني، تصرفي حاولي اي شي لأني مستحيل اعيش بدونج."
سحر:"زين ليش مااتيي تخطبني."
فهد:" يااااعمري انا قلت لج الحين مااقدر تعرفين ظروفي بس اطمنج اني راح اكون لج وانتي لي."
سحر:"احبــــــك."
فهد واللي فيه الضحكة:" وانا أحبج."
سحر:" يالله اشوفك على خير عمري."
فهد:" مع السلامة حبيبتي."
وسكرت التلفون، كان فهد ميت من الضحك:" واااااااااااالله زين ماضحكت بويهها."
عبدالعزيز:" كنت انفضحت وكشفت نفسك."
فهد:"وااالله لو سمعتها تصيح خخخ تكسر القلب."
عبدالعزيز:"آه آه ياقلبي،ههههههههههههههههههه."
فهد:"ولايفوتك تقول لي تعال اخطبني."
عبدالعزيز:" في التو واللحظة مولاتي."
فهد:"هههههههههههههههههه غبيه مدري على شنو مصدقة نفسها."
عبدالعزيز:"الا ماقلت لي شخبار طلعتكم اليوم؟"
فهد:" نعم نعم، موشغلك أسرار."
عبدالعزيز:"افااااااااااااااااا الحين صارت اسرار، يوم انك تسألني عن طلعاتي قبل مب اسرار هاا؟"
فهد:"خخخخ حاااااضر يابطل لاتزعل وهذا التقرير بالتفصيل الممل!!!"
وقعد يقول له كل شي، وش سوى بطلعته..!! وشلون لعب بعقلهم الشيطان وهم مايدرون>>> شفتوا النذالة وصلت لوين..!!

^^^^^^^^^^^^^^^^^^^^^^^^

طلع حمد من الشركة ورجع البيت، كان الجو كأيب وحزين.. وكأنه ينبأ عن وجود عاصفة!! دخل البيت وكانت مريوم قاعدة تقرأ بأحد الكتب الطبية..
حمد:" السلام عليكم."
مريوم:" وعليكم السلام، شخبارك؟"
حمد:" بخير، الا وين ناصر؟"
مريوم:" طلع من شوي وياسيف يقول بروحون عند واحد من ربعهم."
حمد:"اهااا." قعد على الكنبة وظل يطالعها ويفكر،نزل راسه وظل يطالع المرمر المرصوف بإتقان..لاحظت مريوم سرحانه:" حمد شفيك، تعبان؟"
حمد رفع راسه:"هاا تعبان؟ لالاا مافيني شي." وسكت ثواني ورد طالعها:" مريوم حبيبتي أبيج بسالفة."
مريوم:" خير ان شاءالله."
حمد:"ان شاءالله خير، مريوم والله مدري من وين أبتدي بس.."
قاطعته:"خوفتني شصاير، احد صاير له شي؟"
حمد:"لا لا محد صاير فيه شي، سمعيني انتي تعرفين عيال عمنا زين صح؟"
مريوم:" حمد شفيك؟ ادخل بالموضوع ولاتقعد تلف وادور."
حمد:" أممممم زين، شرايج بأحمد ولد عمي؟"
مريوم:" شلون يعني؟"
حمد:" بصراحة هو البارحة محمد قال لي ان أحمد يحبج ويبي يعرف شعورج اتجاهه، ويبي يتزوجج، شقلتي؟"

^^^^^^^^^^^^^^^^^^^^^^^
إحتارت بأمرها ولاعرفت وش تسوي علشان تقنع إختها انها مااتزوج بوعمر.. كانت قاعدة بروحها بالصالة اللي فوق وتفكر، تذكرت شوق بذيج اللحظة وتمنت إنها تكون بجنبها بهذي اللحظة. محد كان بالبيت غيرها هي وعبدالله طالعت التلفون وأخيراً قررت انها تتصل لشوق.
سمر:" الو.."
هديل:" الو السلام عليكم."
سمر:"وعليكم السلام."
هديل:" ممكن اكلم شوق."
سمر:" اقول لها منو؟"
هديل:" هديل إختها."
سمر:"ان شاءالله بس لحظة وحدة."
وقامت دقت على الجرس اللي فوق وقالت للخدامة تقول لشوق ترد على التلفون.
شوق:"الووو."
هديل:" شوووووق؟!"
شوق واللي من سمعت صوتها عرفتها، ودمعت عينها:"هديل حبيبتي شخبارج؟"
هديل:" وينج ياشوق ماتسوى الدنيا من دونج."
شوق واللي خافت من اسلوبها وكلامها:"هديل فيج شي؟ احد صاير فيه شي؟"
هديل:" هدى.."
شوق وبكل خوف:"شفيهاااااا؟"
هديل:" بتزوج بوعمر."
شوق ووقفت من سمعت الخبر:"شنووووووووووو؟!! شلون جذي، متى صار هالكلام؟"
هديل:" أمس، حاولت أقنعها لكنها موراضيه تفهم، تقول اني احسدها واغار منها ومصرة على الزواج منها، لفلوس بتعمي قلبها هي وأمي."
شوق:"وهي وينها فيه؟"
هديل:" طلعت راحت بيت رفيجتها، وأمي في بيت الجيران."
شوق:"زين هديل حبيبتي ماقلتي لي ماطمنتيني عنج وعن عبود واااالله وحشتوني مووووت وخاطري اشوفكم."
هديل:" واحنا أكثر، صدقيني ياشوق انا ضايعة بهالبيت، وعبدالله المسكين أمي هاملته ومافيه الا انا اعتني فيه، لاهيه بطلعاتها لبيوت الجيران والحش بالناس والحسد، وتخطيطاتها من زواج هدى لأبوعمر علشان فلوسه. وكلعادة شغل البيت علي انا وبس، واذا تكلمت قالوا لي موعاجبج دقي راسج بالطوف!!"
شوق:"حراااام عليهم وهذا انتي بنتها مب غريبه عليها، من دمها ولحمها تسوي فيج جذي."
هديل:" دووووم على بالي طاريج، مااقول الا الله كان بعونج يوم انج كنتي بالبيت هني، ظلمناج وااايد معانا، بس صدقيني تعبت تعبت."
شوق:"أجرج على الله ياهديل وان شاءالله من صبر نال، والله بعوضج يارب على هالتعب ، بس انتي صبري وانتبهي لنفسج زين ولاتنسين دراستج السنة الياية انتي اخر سنة ولازم اتخرجين بتوفق بعد، علشان تدخلين الجامعه."
هديل:" الله يسمع منج يارب، شوق ضايق خلقي ودي أشوفج."
شوق:" ان شااااءالله بحاول بأقرب فرصة اني اشوفج."
هديل:" أمي ماترضى ازورج، وفي اليوم اللي تسمع فيه اسمج ماتخلي ولاكلمه الاتقولها."
شوق:"ماعليه، تعودت عليها ولاتهتمين ولاتزعجين نفسج، الأهم سلمي على عبدالله وايد وحبيه على خده وقولي له اني مانسيته ابدااااً.وانتي انتبهي لنفسج زين ولاتحاولين تضايقين امج علشان لاتحط لج العداوة أكثر انتي مب ناقصة."
هديل:" ان شااااءالله، تحملي بنفسج ولاتقطعين."
شوق وهي تمسح لدموع اللي طاحت على خدها:" ان شاءالله يالغالية."
وسكرت شوق السماعه، وظلت تفكر بالخبر اللي سمعته. وماانتبهت الا بدور بويهها:" بسم الله، من متى واقفة؟"
بدور:" لهدرجة اخوف، والله صار لي ساعتين ونص واقفة."
شوق:"ههههههه انا ماصار لي ربع ساعه من قعدت هني، الا وينج يالقاطعه ماتبينين والا بس خلاااص نسيتينا."
بدور:"افاااااااااا انا انساج والا انتي اللي ماتسألين ولاتكلفين عمرج ادقين علي حتى تلفون واحد."
شوق:" واحد والاثنين."
بدور:" وععععع ياثقلج لين اتخيففين."
شوق:"هههههههههههههههههههه، الا ماقلتي لي شخبار أمج؟"
بدور:"قصدج شيخووو، تمام تسأل عنج."
وهي تضحك عليها:" سكتي لاتسمعج."
بدور:"رووحي زين هذا اللي شاطرة فيه سكتي لاتسمعج، انتي قولي لي وش تسوين قاعدة هني؟"
شوق:" كنت اتكلم بالتلفون وياهديل."
بدور:"صج؟ شخبارهم بعد ماطلعتي من البيت؟"
شوق:" المسكينة هديل هي اللي طاحت فيها حالها ماتسر، واللي أدهى من جذي هدى بتزوج بوعمر."
بدور فجت حلجها:" شنووووووووو؟ والله ينت وقعدت."
شوق:"الظاهر جذي، وتقول هديل انها حاولت تقنعها ماكو فايدة، الطمع وحب المال سيطر عليها وعلى أمها."
بدور:" لاحوول وهديل وش بتسوي؟"
شوق:"والله مدري، وكاسرة خاطري هي وعبدالله."
بدور:"الله يعينهم."
شوق سكتت شوي وتذكرت:" الا على طاري الزواج، اليوم قالت خلود ان محمد بيخطب بنت خالته سحر."
بدور:"واااااااااااالله."
شوق:"هذا اللي قالته."
بدور:" ثواااني بس." ورفعت السماعه ودقت على التلفون تحت:" هلا سمور وين خلود؟"
سمر:"فوق بغرفتها."
بدور:" اووكي ثانكس باي."
سمر:"باي."
بدور:"تعاااالي دقيقة غرفتها."
شوق:"ليش؟"
بدور:" اشوف لأخبار، يالله تحركي بسرعه."
شوق:" اووكي."
ودخلوا ثنتينهم غرفة خلود بعد مافتحت لهم الباب..
خلود:" هلا والله وينج ماتبينين؟"
بدور:"والله بالبيت ، الا شخبارج انتي وشخبار أهل البيت."
خلود:" كلهم تمااااااااااام ويسلمون عليج."
بدور:" وين خالي محمد؟"
خلود:" مدري يمكن بغرفته والا بالحديقة بره."
بدور:"اهاااا، ماقلتي لي مافيه اخبار جذي والا جذي؟"
خلود:" ايييييه ذكرتيني محمد بيخطب الآنسة سحر المحترمة."
بدور وتسوي نفسها لأول مرة تسمع الخبر:"صج؟؟؟؟؟؟؟ متى قرورا؟"
خلود:" اليوم امي كلمت خالتي."
بدور:"يعني خلاص نجهز نفسنا ونسوي لنا فساتين سهرة؟"
خلود:"والله للحين ماقالوا رسمياً بس الأفضل أبدأي البحث عن موديلات حلووة."
بدور:"وش له ابحث المصممين مالين الدنيا، أختاري لي تصميم وخلاص."
شوق:"ياحليلكم والله، برزتوا الدوا قبل الفلعه."
خلود:"هاااااااا اي فلعة؟"
بدور:"ههههههههههههههههه هي تقصد ان حنا بنجهز الفساتين قبل لايعلنون الخطوبة."
شوق:"ههههه بس خلااااص سكري حلجج لايدخل شي فيه."
خلود:"ايييه خخخخخ."

^^^^^^^^^^^^^^^^^^^^^^^^
طلعت من غرفتها وراحت لأمها تستأذنها لأنها تبي تروح بيت خالتهاأم محمد..
أم فيصل:" سلمي عليهم.."
سحر:" ان شااااءالله."
طلعت من البيت، وأخذها السايق لبيت خالتها كانوا البنات فوق وأم محمد طالعه رايحة بيت جيرانهم تبارك لهم لولادة بنتهم.
دخلت سحر وكانت الصالة هدوووووء لأن كلهم فوق، سيف وناصر كانوا بره، أحمد ومحمد كانوا فوق.. والبنات كانت كل وحدة فيهم بغرفتها.. قعدت بالصالة وفصخت عباتها وخلت عليها الشيلة حتى لوأحد من عيال خالتها دخل متغطية.. لباسها رغم إنه كان طويل إلا انه ضيق ويلفت النظر وااايد، والميك آب اللي بويهها مزيدته غير عن كل مرة.
طرشت مسج لسمر تخبرها فيه إنها تحت، وبعد خمس دقايق نزلت سمر وشوق وخلود وبدرو. وأربعهم سلموا عليها، وقعدوت سمر يمها وخلود وشوق بالكنبه اللي مجابلتها وبدور على كنبه لحالها..
سمر:"عاش من شافج، وينج ماتبينين؟"
سحر:"مشغولة شوي."
سمر:"ياسلام وش الشغل اللي يشغلج عنا كل هالمدة."
سحر:"سلااااامتج."
سمر:" خبريني شخبارج؟ وشنو آخر أخبارج؟"
سحر:"والله بخير الحمدالله، وآخبار ماكو."
شوق واللي كانت تحاول تكون قريبة منها أكثر:" شخبارج سحر؟"
طالعتها ببرود، وبإبتسامة باردة ومصطنعه:" كأني قلت بخير."
شوق حست بالإحراج وااايد، لأنها ماتوقعت هالرد منها، خلود وبدور انقهروا منها وايد ومن اسلوبها اللي ينرفز الواحد غصباً عنه. وبعد ماردت عليها بهالوقاحة دارت راسها وطالعت سمر،اللي كانت مستحية من شوق على وقاحة سحر.
سحر:" انتي شخبارج؟ ماقلتي لي وش أخبار أخوج سيوف ويانورة؟"
سمر:"بخير الحمدالله."
سحر:"يشوفها؟"
سمر:"مدري."
سحر:"شنو ماتدرين رفيجتج وهذا اخوج وماتدرين تشوفه والا لا."
سمر:"صح رفيجتي وهو أخوي بس مومعناه اني اعرف كل شي."
سحر:"زيييين لاتعصبين بس، انتي شخبارج؟ ليش مااتيين وياي نطلع والله وناسة."
سمر:"ماحب يضيقون الخلق الشباب الحين الوحدة ماتقدر تمشي بروحها الا وراها الف واحد."
بدور:"ههههههه والله يسدون النفس عن الطلعه."
شوق وبعد كانت تحاول تتقرب من سحر:" الوحدة اللي محترمة نفسها مايقربون يمها،أما اللي مب محترمين دينهم والوازع الديني، يعني العباة الضيقة والا البنات اللي يلبسون لج ثياب تلفت وويهم كأنه علبة ألوان هذلين أكيد ماراح يلجون من الشباب."
سحر:" وش تقصدين بكلااااامج هذا انا انا مومحترمة نفسي مثلاً."
شوق:" انا ماقلت انتي قلت البنت اللي مب محترمة نفسها، هذا كل اللي اقصدة."
طالعتها سحربإزدراء وتعجرف ولاردت عليها، خلود انقهرت منها وقالت:" والله اللي على راسة بطحة يتحسسها." وقامت:" شوق بدور خلونا نطلع الحديقة نتنفس هواء نقي."
شوق:" عن اذنكم."
بدوروهي ماسكة نفسها عن الضحك:" سي يوووو."
سحر انبطت جبدها من خلود وطالعت سمراللي وضحت عليها الابتسامة:" شفيج ؟ لااا ضحكي بعد، شيفها هذي اختج علي انا ناقصتها، والا هذي اللي يايه تعطيني دروس في الدين، خلها اطالع شكلها بالأول وبعدين اتكلم."
سمر:" هي ماقصدتج، ولاقصدت شي غير اللي قالته."
سحر:" الا كانت تقصد."
سمر ماحبت تواصل بالسالفة وقامت المطبخ تقول للخدامة تسوي لهم عصير. بس تباعدت شوي رن تلفونها، كانت ميثة اللي متصلة لها...
سحر:"هلااااا والله شخبارج؟"
ميثة:"هلااا بيج انتي اللي شخبارج؟ وينج انتي فيه؟"
سحر:"في بيت خالتي."
ميثة:"اوووووه ليش؟"
سحر:" الا نسيت اقول لج، اليوم امي قالت ان محمد يبي يخطبني."
ميثة:" من صجج؟؟ ومتى بيوون؟"
سحر:" قالت امي يمكن الليلة او باجر، بس اعتقد باجر لأن الحين الساعه ثمان ولاراحوا بيتنا. فالأكيد باجر."
ميثة:" وانتي موافقة عليه؟"
سحر:" وانتي من صجج اوافق عليه، مستحيل أوافق على انسان معاق، انا اصلا محمد نسيته ومسحته من ذاكرتي خلااااااااص، وانتي تعرفين ليش."
ميثة:"انا خفت انج توافقين."
سحر:"هههههههه انا اوافق، بس نطري علي شوي وأقول لهم اني مابيه."
ولسوووء الحظ شوق اللي كانت داخله الصالة سمعت كلام سحر ولما كانت بترجع قبل لاتشوفها، انتبهت لوجود محمد اللي كان واقف يم الدرج، كان كلام سحر مثل السهام والخناجر اللي تطعن بقلبه، حطت يدها على حلجها من الصدمة والمفاجأة اللي سمعتها..!!ولما فتحت الباب بتطلع سمعت صوت شي طايح، ولما لفت راسها كان العكاز اللي بيد محمد طايح وبنفس الوقت كان حمد بيدخل الصالة وعنده رد أخته مريم لأحمد..!!

ياترى محمد وش راح يصير فيه؟ وسحر اللي رمت بكلامها اللي مثل السم بقلب محمد وش راح تسوي؟ شوق راح تقول لأحد الكلام اللي سمعته من سحر؟ ومريوم شنو ردها على طلب أحمد؟ هدى راح تتزوج بوعمر لكن شنو راح يكون مصيرها؟

الجزء الثالث عشر

بس شافة طايح ركض له بسرعه:" محمــــد."
شوق كانت واقفة مكانها وموعارفة وش تسوي لكنها طلعت بسرعه تنادي خواته وراحوا لسمر بالمطبخ من الباب الخلفي للبيت..سحر بس سمعت حمد بسرعه سكرت التلفون وطالعت بالجهه الثانية محمد اللي كان على الأرض. حطت إيدها على حلجها وفجت عينها لأنها ماتوقعت تشوف محمد طايح على الأرض!!
حمد وهو يحاول يرفع محمد اللي أغمى عليه:" محمد، محمد شفيك؟؟"
سحر إنصدمت لما شافته عالأرض، وراحت يمهم:" حمد شفيه محمد؟"
طالعها بنظرات كره وإزدراء وبعصبيه:" وانا شدراني."
عصبت وبكل وقاحة:" شفيك تصارخ علي جذي واطالعني بهالنظرات كأني ماكله حلالك."
حمد:" سحر واللي يرحم والديج فكيني مووقتج." وتركها وحاول يرفع محمد ويسحبه لأقرب كنبه. وبنفس اللحظة دخل سيف وأحمد وبصوت واحد:" محمـــد..!!."
وركضوا له بسرعه وساعدوه بحمله، طالع سيف سحر وكان رافع حواجبه وبإحتقار وبنفس النظرات اللي طالعها فيها حمد..!!
أحمد:" شفيه؟؟ وش صار؟"
حمد:" مدري كنت توني داخل والا اشوفه طايح بالأرض."
سيف:" أكيد صادة شي خل ناخذة فوق أحسن." وهو يطالع سحربإزدراء..!!
سحر إخذت عباتها وطلعت من البيت.. وبطلعتها كانوا البنات بيدخلون الصالة من الباب الخلفي.. ولكن قبل لايدخلون خلوا شوق تشوف الطريج سالك لهم لأنهم بدون غطا وحمد داخل..
شوق:" دخلوا الظاهر اخذوه فوق بسرررعه."
سمر:"اوووكي يالله بسرعه قبل لايطلع حمد."
وبسرعه دخلوا وركبوا باللفت لفوق ، وبس دخلوا غرفة سمر لحسن حظهم طلع حمد.
سيف:" غريبة وش فيه؟"
حمد:"و الله انا يوم ادخل كانت شوق واقفة عند الباب وسحر كانت بالصالة الثانية بس هذا اللي اذكره ومحمد على الارض."
سيف:" زين والحين وش بنسوي؟"
حمد:" انت روح قول للخدامة اتييب له شي يشربة أكيد قعد انا بدخل له اوكي."
سيف:" اوكي ."
دخل وسأل أحمد:" شصار؟ قعد والا بعده؟"
أحمد:"والله فتح عينه وغمضها، حاولت اتلكم معاه بس مارد علي."
حمد وهو قاعد على طرف السرير يم راس محمد:" محمد، بومشعل تسمعني؟"
محمد يسمعه بس ماكان يبي يفتح عينه ولايبي يشوف أحد. كانت كلمات سحر مازالت تتردد على مسامعه:" إنسان معاق، محمد نسيته ومسحته من ذاكرتي..." كلمات مب قادر يتجاهلها ومستحيل يتجاهلها!!
أحمد:" خيوو محمد شفيييك؟؟"
بس محمد مارد عليه، ودقايق ودخل سيف:" يوود هذا الماي."
حمد:"عطني اشووف، محمد اصحى أدري فيك تسمعني."
فتح عيونه وظل يطالعهم بنظرات تايهه ومعذبة وبصوت تملأه العبرة:" خلوني بروحي."
حمد:" شفيك ؟ شصاير؟"
محمد وبنبرة حادة شوي:" خلوووني برووحي."
سيف:" يمكن تعبان خلونا نطلع."
أحمد:" انا رايي جذي بعد خلنا نطلع."
حمد كان يطالع محمد اللي كان يطالع سقف الغرفة ونظرات الألم واللوعة فيها، كانت الحمرة اللي بعيونه تزداد شوي شوي. وكان حمد حاس ان محمد فيه شي بس مب متأكد منه.
حمد:" توكلنا على الله."
وطلعوا من الغرفة وتركوا محمد لآلامة ولوعاته، غمض عينه وطاحت منه عيونه دمعه مليانه ألم، وحسرة!!كان لأول مرة يصيح.. الكلام اللي سمعه عمره ماتخيل بيوم انه يسمعه:" آآآآآآآآآآآآآآآه،، آآآآآآآآآآآآآه ياسحر ليييش؟ ليييييش سويتي جذي؟ هذا جزاتي؟ هان عليج كل شي ،آآآآآآآآآآآآآه ياسحر، شسويت لج حتى تجازيني بهالمقابل؟ وين حبج لي ، وتضحيتج كنتي تقولين عنها؟ والا كل هذا راااح من يوم تكسرت وقررتي بإنج تنهين القصة بنفسج؟ ذبحتيني ، وحطمتي صورتج اللي كنت راسمها بخيالي ورفضت أسمع كلام الغير علشااااااانج ياسحر..!!" وبلحظة غضب أخذ كوب الماي اللي يمه ورماه بالطووف..!! وأنّ من قلبه أنين كان لأول مرة يصيح بهذي الطريقة..!! حسافة تذرف دموع على إنسان مايستاهل..!!

^^^^^^^^^^^^^^^^^^^^^^^^^