غريبه بين اهلي للكاتبه دمعه سراب>>روايه اماراتيه روعه

سمر:" افففففف افففففف خلاص ضاقت فيني الدنيا موقادرة اتحمل نظراته واتهاماته ، ياليتني اموت ولااشوف اخوي يفكر فيني بهالطريقة هذي...!! لكن كل مني عجل انا اسوي جذي وش اللي حدّاني على المُرّ والغلط.. لكن مااقول غير حسبي الله عليه حسبي الله عليه يوم كانت نيته شينه..!!"
كانت قاعدة تكلم نفسها ومتضايقة لأقصى درجة وموعارفة شتسوي بعمرها، تحس جدران البيت تخنقها ونظرات اخوها تقتلها... تنهدت تنهيدة ألم وحسرة (( اييييييه ياحمد وينك من زمان توك تقولها – أحبج – وياحظي الأسود ماشفتني الا انت ، اكيد الحين طحت من عيونك خلاص ، ومستحيل الحب اللي تكِّنه لي يبقى مثل ماهو. آآآه ياراسي بينفجر موقادرة اتحمل ابي اتكلم ويااحد اسوولف وياه كلهم مشغوولين ومااقدر اقول لأي شخص بعدين افضح عمري حتى نورة مابيها تعرف عني شي ، اكيد انها بتغير رايها فيني حتى لوهي زوجة اخوي.. لمن التجي لغير الله سبحانة مافيه احد بيرحمني ويسامحني غير رب العالمين. بس محتاجة لنصيحة احد اقول له اللي بخاطري يقول لي شي يأنبني يقول أي شي بس مابي اسكت قلبي بموت من الألم والندم........ لحظة اكيد هي درت باللي صار ، لالا يمكن ماتدري بشي وانا اروح افضح عمري وياها، بس هي شافته يصارخ عليّ وكانت موجودة اكيد عرفت السالفة بس ماتبي تبين لي هالشي. ليش مااروح اكلمها... لكن...!؟! ياالله خلني اروح واللي فيها فيها، وهي بعدين مابتروح تنشر الخبر انا عارفتها زين."
وطلعت من حجرتها وراحت لشوق ، كان الخوف والتردد بيذبحونها وصلت لعند باب الحجرة ظلت واقفة ومحتارة ادق الباب اولا، رفعت ايدها بدق عليها والاشوق فاتحة الباب تفاجأوا ثنتينهم وضحكوا على الموقف لكن الخوف اللي بقلب سمر كان واضح على وجهها..
شوق:" كنتي تبين شي صح؟"
سمر بإبتسامة حزينة وهي منزلة راسها:" مدري يمكن.... أي كنت ابي اكلمج اذا ماكنتي مشغولة."
شوق:" بس دقايق وافضى لج ، بنزل اخلي ريووق حق خواتي وعبود وبرجع لج."
سمر:" زين انا انتظرج بحجرتي اوكي."
شوق:" حاضررر ياحضرة الملازم."
سمر:" تسلمين."
وتركتها ونزلت تحت ، اما سمر فأرتاحت شوي من يوم تخلصت من اول ارتباك ورجعت لحجرتها تنتظر شوق.
^^^^^^^^^^^^^^^^^^^^^^^^
دخل المكتب وقعد يفكر بأخته وباللي قاعد يصير لهم ، وبنفس اللحظة كان حمد طايف قبال مكتبه ومبين عليه التعب والارهاق.. انتبه له محمد وناداه:" حمـد ،، حمد.."
التفت لصوت محمد ورجع لمكتبه ، وبرود وشرود:" هلا."
محمد:" تعااال اقعد."
قعد حمد والقهر بياكله من اول شعرة لآخر شعرة بجسمه..
محمد:" ابي اكلمك شوي."
حمد:" خير."
محمد:" الخير بوجهك ياخوي...امممممم احسك متغير وايد هالايام صار لك اسبوع وانت موعلى بعضك ممكن اعرف شفيك؟ والامايخصني؟"
إبتسم إبتسامة باردة وقال:" تبي تعرف شفيني ؟ كل اللي صار وتسأل ليش متغير؟"
محمد:" انت تحبها؟"
حمد:"............ كنت...!!"
محمد حس بألم يوم سمع حمد يقول جذي لكنّه كان متأكد ان كلامه هذا مومن قلبه.. سكت شوي وسأله:" زين اذا كنت تحبها ليش عافس خلقتك جذي ، اللي يشوفك كأن ميت من عندك احد."
حمد:" سامحني على كلمتي هذا بس لوماتت احسن لي من اللي شفته وكان ممكن يصير."
محمد:" تدري ياخوي آخر شي كنت اتوقعه منها هالتصرف هذا ، وهي آخر وحدة ممكن اتخيلها تسوي جذي سمر انسانه حبوبة شفافة وصريحة دائماً مدري ليش سوت جذي."
حمد:" يمكن الفراغ العاطفي ، تدري تحسفت ان ماقلت لها اني احبها جان ماصار اللي صار."
محمد:" تصدق من ذاك اليوم اللي طقيتها فيه وانا مااكلمها حاس انها انسانه غريبة عني مو اختي الخلوقة اللي كنت اعرفها، تدري اني مااكلمها ودائماً اطالعها بنظرات تحسسها بالذنب وألومها بكل لحظة اطيح عيوني بعيونها أو المحها فيها."
حمد:" اذا انت تقول جذي عجل انا شقول اللي شفتها بآخر لحظة كانت ممكن تضيع فيها عمرها، كان ودي أذبحهم اثنينهم والله لولا ان ناصر وانا انشغلنا بضربه ماكنت هديتها."
محمد:" والله تحمد ربها اني ماكنت موجود تصدق كنت قتلتها بلحظتها."
طالعه حمد بخوف واستغراب:" طلعت اجرامي بعد."
محمد:" هههههه امزح وياك ، بس كنت بذبحها من الطق لين تتعب يدي خخخ."
حمد:" شكلك ماخذ السالفة طناز اشوفك قاعد تنكت."
محمد:" من القهر ياخووك من القهر، اقول موكفاية المشاكل اللي تتحاذف علينا من كل صوب اتجينا هالسمر هذي وتكملها."
حمد:" أي تعال شصار على سالفة بوعمر سمعت ابوي يتكلم وياامي بس ماكان لي خلق اسأله عن شي."
محمد:" مدري والله بس هو محبوس الحين بالمركز واكيد بحولونه للجنائيات وبعدها السجن المركزي الله لايبلانه."
حمد:" حسبي الله عليه من رجال ماخلى احد في حاله."
محمد:" انا بس اشوفه تلوع جبدي منه ، مااتخيل شوق ماخذه هالرجال هذا لكن الحمدالله الله رزقها بواحد مثل القمر."
حمد:" أي قمر؟ ايييييه ايييه نسيت السبال بعيون امه غزال."
محمد:" تخســـي انا سبال عجل انت شتطلع اخو السبال."
ضحك وقال:" تصدق ضحكتني وانا مابي اضحك."
محمد:"زين ماقلت لي وش نسوي وياها."
حمد:" من؟"
محمد:" سمر من غيرها بعد..."
حمد:" مدري والله...." سكت ونزل راسه كان يتمناها اكثر من أي واحد بالدنيا بس اللي سوته خلاه ينقلب فوق تحت ويطالعها بنظرة ثانية..
محمد:" شفيك سرحت...؟"
حمد:" لاماسرحت بس قاعد افكر وش بتسوووي وياها."
محمد:"تصدق ساعات افكر واقول اول شخص يتقدم لها بخليها تتزوجه غصباً عنها."
بإستغراب وضيق:" انقلع انت وياافكارك."
محمد:" شفيك عصبت.. قلت انا شي غلط."
حمد:" عجل تزوجها لأول واحد يتقدم لها وافرض جاها واحد شيبه والاراعي سوالف بتعطيها اياه."
محمد:" مولهذي الدرجة ياأخي بس ..... مدري مدري انا نفسي محتار شسوي وياها، ياليت نرجع مثل قبل."
حمد:" موقادر انساها."
تنهد محمد وقال:" ولاقادر ترجع تحبها صح؟"
حمد:" ساعات اقول بنسى اللي صار وببدأ حياة جديدة وياها ، وأحمدالله انها ماسوت شي اكبر من اللي سوته واقول اكيد هي موقصدها وبسذاجتها قدر يلعب عليها هالنذل سعود. بس مااقدر أردّ اقول هي وين عقلها يوم تسوي سواتها ، هي انسانة فاهمة وواعيه ليش تغلط هالغلطة ، هذا عندك بعض البنات ليش مايفكرون مثل مافكرت هي..؟ ليش ماتهمهم هالسوالف لييش هي تغلط وتضيع عمرها وشرفها بهالطريقة هذي."
محمد كان يسمعه وساكت وبعد ماخلص كلامه ابتسم له وقال:" كل اللي تقوله صح وعندك حق بكل شي ، بس مدري لين افكر فيها بعقل وبدون عصبية اقول انها بنت وممكن أي بنت تغلط هالغلطة واكثر وتندم وينصلح حالها وتبدأ حياة جديدة، انا أحمِدربي على انك كنت موجود هناك والاكانت ضاعت من ايدنا.اكيد انها الحين متحسفة ومتحسرة على اللي سوته وندامانه اكثر مماتتصور انا اعرفها زين ، واتمنى انها تبدأ حياتها من جديد وتنسى اللي صار كله يمكن اساعدها اذا شفت انها فعلاً ندمانه..."
حمد:" اتمنى انك ماتخليها تضيع يامحمد."
محمد:" لاتخاف وانا اخوك ، وان شااءالله نقدر نمحي هالمشكلة من حياتنا وحياتها للأبد."
بحزن وشوية أمل:" ان شاءالله."

^^^^^^^^^^^^^^^^^^^^^^^^
الساعة 3 الظهر..
سحر كانت قاعدة تسولف ويااختها والسوالف ماتخلص وياها.. وفجأة سمعوا صوت امهم تهلهل ركضوا ثنتينهم بسرعه يشوفون وش سبب الزغاريد..
ام فيصل وهي تحضن ولدها:" الف مبروك ياوليدي .. الف الف مبروك."
العنود:" شصاير."
التفتت لها امها وقالت:" اخوج خلاص ليلة باجر زواج اخوكم."
سحر طالعته بحزن وضيق ومن غير ماتبارك له ركضت لفوق.. طالعها فيصل والضيق واضح بعيونه ، اما العنود قالت له:" الله يوفقك .. عن اذنكم." وتركتهم وراحت لأختها.
فيصل:" شفيهم يمه؟ شكلهم متضايقين."
ام فيصل:" ماعليك منهم دلع بنات."
فيصل:" زين انا الحين بمشي قبل لايرجع ابوي."
ام فيصل بضيق:" اقعد لاتروح."
فيصل:" انتي تعرفين ان ابوي مايبيني بالبيت وانا مابي اسبب لج مشكلة وياه.. يالله يمه مع السلامة."
ام فيصل:" الله يحفظك ويحرسك يارب."
بعد ربع ساعه من طلع فيصل رجع ابوه من الشغل.. ركب فوق بدّل ثيابه ونزل يتغدى وهو يتغدى كانت ام فيصل قاعده صوبه وتفكر بولدها وشلون تقنع ابوه بزواجه من نجلاء.. لاحظ بوفيصل حوستها وسرحانه:" شفيج شكلج تبين تقولين شي وموعارفة."
ام فيصل:" هااا انااا..؟!"
بوفيصل:" عجل انا قولي شعندج."
ام فيصل:" انت تدري شفيني."
بوفيصل وفهم قصدها:" قلت لج هالسيرة مابي اسمعها بهالبيت ، ومابي نتهاوش لاتشوفين شغلج."
ام فيصل:" واللي يرحم والديك مايصير تحرمني من ولدي ، وبعدين شفيها لين تزوج من حقه انه ياخذ ثنتين وثلاث واربع."
بوفيصل:" انا مومعارض زواجه كثر مومعارض الطريقة اللي صار فيها زواجه واسبابه، والاتحسبين ان الله غافل عن اللي سويتيه في بنت اختج المسكينة والا اللي هو سواه."
بكل غطرسه:" ماسوينا شي وبعدين ولدي ومن حقه يجيب عيال."
بعصبيه:" اقووول سديتي نفسي عن الاكل الله لايبارك فيج."
وقام مقهور منها ومن سوايا ولدها.. وقبل لايطلع من غرفة الطعام قالت له:" باجر زواجه لاتحرمه من وجودك وياه."
بوفيصل مشى ومارد عليها ولابكلمة.. كان محروق من داخلة وموقادر ينسى الأشياء اللي سوتها زوجته فيه وفي نجود البنت اللي طول عمرها كانت تحترم خالتها رغم قسوة كلامها ومعاملتها السيئة وياها.
وبحجرة سحر..
سحر:" موقادرة اتحمل كل اللي قاعد يصير موقادرة اتصور اني السبب في كل تغيير في بيتنا."
العنود:" لاتقولين جذي ، اخوي لوماكان مقتنع بزواجه مابيتزوج."
سحر:" كل مني ومن امي ثنتينا كنا سبب بخراب بيته وتدمير حياة نجود المسكينة."
العنود:" هذا الظاهر نصيبهم ولمقدّر لهم وصدقيني كل واحد ياخذ نصيبه بهالدنيا وش دراج يمكن نجود تاخذ واحد غير فيصل وتعيش حياتها سعيدة.."
سحر:" اتمنى من كل قلبي."
وعلى ماهم يسولفون ويخططون لحياة افضل رن تلفون سحر لكن كان مسج مواتصال..
(( سحر خلاص مابقى لي غير ايام او ساعات معدودة وافارق هالدنيا ، ارجوج تحملي بعمرج ولاتنسيني من الدعاء.. ميثة ))
نزلت دموع سحر غصباً عنها يوم قرأت المسج ، طالعتها العنود بإستغراب وفضول وسألتها:" شفيج خوفتيني."
سحر وهي تمسح دموعها:" ميثة."
العنود:" شفيها؟"
سحر:" بتمووووت..!!" قالتها وانفجرت بالصياح ماكانت تتخيل ابد ان اعز صديقاتها تنتهي حياتها بهالسرعه ولسبب دنيئ..!!
عنود ماكانت فاهمه شي:" ليش بتموت شفيها؟ هي مريضة؟"
مسحت دموعها ورفعت راسها عن لمخده:" مريضة... ومريضة وااايد ومالها أمل بالحياة."
العنود:"لاحول الله ليش تقولين جذي مافي شي بعيد عن رب العالمين. زين ماقلتي شفيها."
سحر:"....................الأيدز."
العنود:" اعوووذ بالله اعوووذبالله من وين جاها هالبلاء.."
سحر تمت ساكته ومانطقت بأي حرف ، حست العنود ان اختها ماتبي تقول السبب بس كل اللي قدرت تقوله لها:" الله يرحمها بالدنيا والآخرة ويعينها على ماابتلاها."
سحر:" آمين... عنود أبي اروح ازورها اتيين وياي."
العنود:" مافيها شي نروح ليش لا."
ابتسمت لها واستانست بأختها ، وهذي اول مرة يطلعون فيها ويابعض بروحهم:" مشكورة الله لايحرمني منج."
^^^^^^^^^^^^^^^^^^^^^^^^

بعد ماودت لأخوانها الريوق وقالت للخدامة بعدين تروح تشيل الريوق لين خلصوا.. راحت لسمر اللي كانت تنتظرها بفارغ الصبر.. دقت الباب ودخلت ، كانت سمر قاعدة على الكنبة وتقرض بأظافر يدها من التوتر والخوف..!!
شوق:" قوة..."
سمر:" الله يقويج ، تفضلي قعدي."
شوق وبعد فترة بسيطة من الصمت:" خير شفيج سموورة تبين شي؟ فيج شي؟"
سمر بحيرة ولدموع تتجمع بعيونها:" مدري مدري حاسة روحي بختنق كل لحظة التقي فيها بمحمد احس روحي انذبح مليون مرة."
شوق:" تبين الصج ياسمر ،انا مدري وش اللي صاير بينج وبين محمد بس اللي اعرفه انج غلطانة بشي خلاه يسوي سواته ذاك اليوم ، وانا ماتكلمت لأحد ولاسألته حتى عن شنو السالفة لأن مايخصني."
سمر:" فيج الخير ، شوق قولي لي شسوي تعبت من نفسي تعبت من نظرات العتاب اللي يطالعني فيها كلما شفته."
شوق:" ليش ماتحاولين تكلمينه."
سمر:" هاااا .. اكلمه؟! لالااخااااف مااقدر ولاعندي الجرأة اكلمه والا ارفع عيوني بعيونه."
شوق من كلام سمر حست ان الغلط اللي سوته كبير وفهمت منه شوي من كلام محمد يوم يضربها ويهاوشها..
سمر:" ماعندج حل ثاني غير اني اكلمه."
شوق:" التهرب ماراح ينفع ولايفيدج بشي ، وراح تظلين بين أربع جدران من الألم والضيق والحسرة أحسن شي انج تواجهينه وتشرحين له كل الأسباب اللي خلتج تغلطين وتعتذرين منه وتبينين له نيتج الصادقة بالندم وانج ماراح تكررين الغلط مرة ثانية وانها اول وآخر مرة تسوين فيها شي ممكن يسيئ لج والا لعايلتج."
سمر بحيرة:" مدري ياشوق مدري اخاف اكلمه ويصدني ، اشرح له ومايفهمني ، اخااااف من اني اقعد وياه ويعصب ويرد يطقني ."
شوق:" ليش تقولين جذي ، محمد ماراح يصدج واكيد بيتفهم اللي بتقولينه ، وثانياً هو ماطقاج ذاك اليوم الا من حرته يمكن وغيرته عليج ، توكلي على الله ولاتيأسين."
ابتسمت لها وقالت:" ان شاءالله ، ان شاءالله اكلمه."
شوق:" يالله تآمريني بشي ثاني؟"
سمر هزت راسها بالنفي وقالت:" مشكورة مشكوووورة ياشوق عمري ماراح انسى وقفتج وياي."
شوق:" شدعوووة وش سويت انا ماسويت شي. بس كل اللي اتمناه انج تردين سمر الأوليه."
سمر:" ان شاءالله."

^^^^^^^^^^^^^^^^^^^^^^^^
بعد صلاة العشاء رجع محمد للبيت بعد ماكان يتعشى وياحمد في أحد المطاعم ويتناقشون كل شي مرّ عليهم خلال الايام القليلة اللي مضت..ويحاولون يلقون حل لبعض المشاكل اللي ممكن يحلونها..!!
ام محمد:" وينك فيه ياوليدي من الصبح للحين."
محمد:" السلام عليكم بالأول وثانياً كنت وياحمد طالعين."
التفت لشوق اللي كانت تسولف وياعبدالله اللي انكسر من يوم شاف امه تنضرب وتموت قدام عيونه.. راح قعد صوبهم وسلم على شوق وسألها عن أخبارها وقعد يسولف وياعبدالله.
محمد:" شخبارك عبوود الحين ان شاءالله احسن."
عبدالله وهو يهز راسه:" انا ..... يمكن زين....!!"
استغربوا اجابته وسأله محمد مرة ثانية:" شلون يعني يمكن زين؟"
عبدالله:" مدري متضايق لأن امي راحت وماراح ترجع ، وبنفس الوقت استرحت بعد ماراح عنّا زوج هدى اختي.. لكن انا موداري وش بنسوي الحين بعد ماضيعنّا وخلانا من غير أمنا وين بنعيش؟ ومن بيرعانا..؟"
انكسرت قلوب كل اللي كانوا قاعدين يوم سمعوه يتكلم جذي ، ولاأحد فيهم جته القدرة على انه يواسيه اويقول له أي شي.. غير محمد اللي لفت نظرة طريقة تفكير هالولد..
محمد وهو يطبطب على ظهر عبدالله ويمسح على راسة:" لاتخاف انت رجال وان شاءالله انا وكل اللي هني بيوقفون وياكم وماراح نخليكم بروحكم ، وان شاءالله بتردون احسن من اول. صج أمك الله يرحمها ماراح ترجع لكم بس بعون الله بتعيشون حياتكم مرتاحين وشوق ماراح اخليها تهدكم ابداااً.."
ابتسم عبدالله ورفع راسه:" صج؟؟؟ بتخليها يعني تعيش وياانا؟؟ وانت ؟ موهي زوجتك؟ شلون بتخليها تعيش ويانا وانت بعيد؟"
محمد طالع شوق وهو يوجه كلامه لعبدالله:" هذي عاد مفاجأة وماراح اقولك عنها الحين ، بس انتظر عليّ جم يوم ان شاءالله بخبرك واكيد بتستانس."
عبدالله:" وليش ماتقول الحين؟"
محمد:" مايصير لازم اضبط المفاجأة بالأول وبعدين اقولكم."
عبدالله:" امري لله وبنتظر بس اتمنى توفي بوعدك وتخلي شوق ويانا."
ابتسم محمد وقاله:" ان شاءالله ماراح أخلف بوعدي."
وقعد يسولف وياالجماااعه لين حسّ انه تعبان شوي وراح يرتاح فوق بحجرته.. وبعد ربع ساعه من دخل وقعد يقرأ بأحد الكتب الموجودة عنده سمع دق على باب حجرته.. ولما قام وفتح الباب تفاجأ يوم شاف سمر واقف عند الباب والخوف متجسد فيها بشكل فظيع..!!
محمد وارتسمت على ملامحه بعض الجديه:" نعـم..؟!"
سمر بخوف:" ممكن اكلمك."
حسّ انها خايفة وتبي تتكلم وهو نفس الشي من ذاك اليوم وهو مفتقدنها ، وودّه يرجعون مثل قبل.. عطاها ظهره وقال:" دخلي وسكري الباب وراج."
دخلت وتمت واقفة عند الباب فترة من غير مايتكلمون.. وبعد دقايق قال لها:" شفيج واقفة تعالي قعدي...وقولي شعندج."
تقدمت بخطوات مرتجفة وقعدت.. كانت الأفكار والتخيلات باللي ممكن يصير وهي وياه بهالحجرة خانقتها ومخوفتها، لكنها تذكرت شوق اللي شجعتها وخلتها تقدم على هالخطوة..
سمر:"أنـا.......أنا......أ...."
محمد:" كملي أنتي شفيج؟"
سمر واللي كانت اشافيها ترتجف من الخوف ، وقبل لاتبدأ من جديد تجمعت الدموع بعيونها لكنها حاولت تمسك نفسها وتقوله اللي في خاطرها:" محمد أنا جاية اعتذر منك و... مدري مدري من وين أبتدي كلامي بس من ذاك اليوم وانا حاسة اني بختنق ، في كل لحظة تمرّ عليّ فيها اموت الف مرة ، افتقدت كل شي بحياتي الضحكة ، السعادة ، افتقدت النظرة الحنونة منك.. حتى النوم عافني ، صرت ماانام وافكر طووول الليل باللي صار ، حاسة ان حياتي انقلبت فوق تحت ، اخاف اواجهك يوم تمر بأي ركن من البيت ، اخاف اطيح عيوني بعيونك واشوف فيها الملامة والعتاب.. كنت...."
قاطعها وقال:" اذا كنتي تحسين بكل هذا ليش سويتي جذي؟ ليش مافكرتي قبل لاتقدمين على خطوة راح ادمر حياتج وحياتنا كلنا، مافكرتي بنفسج؟ سمعتج؟ شرفج لين راح؟ مافكرتي بأمي وأبوي اللي تعبوا بتربيتج؟ والأهم من كل هذا ربّ العالمين وين كنتي غافله عنه؟ نسيتي انه يشوفج بكل لحظة؟ ليش مافكرتي بهالاشياء كلها؟ لوضيعتي عمرج وياهالانسان اللعوب.. بعدها وش بتسوين؟ بتندمين؟ وش ينفع الندم لي راح شرف وسُمعة البنت؟ بتظلين طول عمرج تأنبين عمرج على غلطة عمر.."
نزلت دموعها على خدهاوقالت:" كل اللي قلته صح وماراح انكر اني غلطت وغلط كبير بعد، وانا بكل يوم كنت اشكر الله على انه انقذني منه ، بس صدقني انا نفسي مدري شلون سويت جذي وانجرفت وياه لين ماقدر يتلاعب بعقلي وحاول يسلب مني كل مااملك.. شرفي.. وانا في غفلة من هذا كله بإسم الحب ، كنت احسبه انسان محترم راح يحبني ويحافظ عليّ و..."

وقاطعها للمرة الثانية:" ويتقدم لج وتنتهي القصة بنهاية سعيدة مثل باقي القصص والمسلسلات المكسيكية اللي تنعرض على التلفزيون ، سمر ترى القصص والمسلسلات هذي مو واقعنا اللي نعيشة ، انتي لازم تميزين بين الواقع والخيال ، واذا كنتي تبين تعيشين قصة حب عيشيها ويازوج المستقبل أفضل من انج تراكضين وادورين على شخص تعيشين وياه قصة حب تنتهي بمأساة.. لاتعتقدين ان العالم يخلو من الحب الطاهر العفيف ، لكن هذا مايمنع وجود ذئاب مثل سعود وأمثاله تترصد بكل مكان لأي فتاة ساذجة يدمرونها بعد مايحصلون على اللي يبونه منها،انتي كنتي ضحية من ضحاياهم والحمدالله ان حمد وناصر كانوا هناك بالوقت المناسب والا خسرناج."
كان لكلمات محمد تأثير كبير على سمر ، اللي ماوقفت عن لصياح طووول ماهو يتكلم..حست ان الله يحبها لأن انقذها من الورطة اللي كان ممكن اطيح فيها..
سمر وهي مازالت تحاول تاخذ نفس علشان تتكلم:" انا... خلاص... اناااا ماراح اسووي جذي مرة ثانية......." وماقدرت تكمل كلامها وقعدت تصيح ، حس محمد انها بتموت من كثر ماصاحت ، قام صوبها ورفع راسها وقال:" آخر مرة اشوفج تسوين جذي ، وانا متأكد انج ماراح تخيبين ظني فيج ."
هزّت راسها بالإيجاب وتأكيد كلامها ورمت بنفسها على حضنه وكملت صياااح..!! مسح على راسها وابتسم ابتسامة كانت مختنقة بحلجة يوم عرف بمشكلتها، والحين تحررت بعد ماعادت المياه لمجاريها..
مسحت دموعها بعد ماحاول يسكتها ويهدأها، ابتسمت له ابتسامه خجوووولة ومنكسرة وقالت:" ان شاءالله ماراح اخلف وعدي لله اولاً ثم لك، وتأكد ماراح اوطي راسكم أبداً وهذي راح تكون أول وآخر غلطه ارتكبها بحق نفسي وحكم."
استانس يوم سمع كلامها وقال:" هذا العشم في بنات بومحمد."

^^^^^^^^^^^^^^^^^^^^^^^^
دخلت الحجرة والحيرة باديه على وجهها، الليلة عرس ولدها وابوفيصل مانعنها من انها تروح لكن قلبها مايطاوعها ، شلون تخلي ولدها بروحه بهالليلة.. وطبعاً تهديد لها شمل سحر والعنود وقال لهم مافيه روحه وطبعاً سمعوا كلام ابوهم خوفاً من ان يعصب وتصير لهم سالفة وياه.. لكن ام فيصل ماكانت مقتنعه وأخيراً قررت انها ماتلتزم بكلام زوجها وتعدلت وراحت للعرس.. وطبعاً بعد ماخلص كل شي وانتهى العرس على خير رجعت البيت وكان بوفيصل موجود هناك ، واول مافتحت باب الصالة كان بوفيصل وبناته قاعدين بالصالة ينتظرون رجعتها..
ومن غير أي اهتمام سلمت ومشت عنهم.. وقبل لاتركب فوق سمعت صرخة بوفيصل عليها:" وقفي مكاااانج."
وقفت ودارت له:" خير شتبي؟ تعبانة وبروح ارقد."
بوفيصل والشرّ واضح بعيونه:" الظاهر ان كلامي مافهمتيه ولادخل مخج زين."
ام فيصل:" بلى فهمته ، بس شلون تبيني اقعد هني وولدي الليلة عرسة وبروحه وانا مستحيل اخليه من غير أمه. موكفاية حرمت خواته."
بعصبية:" هو اللي اختار طريقة بنفسه او بالأصح انتي اخترتي وياه طريقة حياته الجديدة فخليه يتحمل كل شي بروحه الحين، لكن انتي مايفيد وياج الكلام."
بقهر وعصبية قالت له:" ومن متى انت فاد الكلام وياك ، اصلاً انا اللي تعبت وشقيت وربيتهم، والحين جاي تلومني ، روووح زييين على آخر الوقت جاي تحاسبني وتمنعني أنت آخر واحد ممكن يتحكم بحياتي والانسيت بنت من انا."
بوفيصل وصل حده ، وبناته كانوا ساكتين وخايفين يتكلمون بأي كلمه ، تقدم ابوهم صوب امهم وقال:" انتي اللي الظاهر نسيتي من اكون ، ياخسارة عمري اللي ضيعته وياج ."
ضحكت بوجه وكأنها تسخر من كلامه ، ومن غير أي مقدمات صفعها وقال:" انتي طالق.. طالق..طـــالق.."
قالها ومشى عنها، ظلت جامدة مكانها مصدوومة من اللي صار.. أما العنود وسحر فكانوا مصعوقين مومصدقين اللي صار، أمهم وابوهم انفصلوا بهاللحظة هذي؟؟؟!! كل شي كان مثل الخيال ، اوكابوس بيصحون منه لكن الواقع هو الواقع وماراح يتغير أي شي.

^^^^^^^^^^^^^^^^^^^^^^^^
مرّ اليوم بكآبة مثل باقي الايام اللي مضت ، كانت طول اليوم قاعدة بزاوية من زوايا الحجرة تفكر بحياتها اللي انتهت بغمضة عين ، كل شي طاااار من ايديها من غير رجعه.. زواجها التعيس اللي ماكانت تتوقعه يكون جذي والا امها اللي انذبحت قدام عيونهم ولاقدروا يسون لها شي. شريط حياتها كان يمرّ قدام عيونها بأحزانه وكآبته ، ذكرياتها كلها كانت مُرّة مالها نكهه
انتبهت على شوق وهديل وعبدالله اللي تجمعوا حولها نزلت راسها بين ركبها وغمضت عيونها.
هديل:" هدى قومي اكلي انتي من جم يوم منتي ماكله شي."
شوق:" مو زين تسوين جذي بعمرج ، خالتي راحت للي خلقها، وكلنا بنسير لهالطريق."
هدى:" هدوووني خلووني بروحي مابي آكل خلوووووني."
عبدالله:" الله ياخذج ونفتك منج ، انتي اللي سلبتينا سعادتنا."
تفاجأوا يوم سمعوه يقول جذي ، وماحسّ عبدالله والا هديل ضاربته على حلجه:" عبدالله عيب هالحجي ، من وين سامع هالكلام."
عبدالله بعصبية:" كلكم تقولون جذي ، عيونكم تقول جذي.. حتى لين سكتوا تفكرون بهالشي ، موبس انا اللي اقوول انها خربت حياتنا."
هدى كانت منزلة راسها وتصيح ، موقادرة تستوعب الكلام اللي قاعد يدور من حولها، كل شي ضدها حتى اخوها، وليش اصلاً عبدالله بيوقف وياها وهي اللي دائماً تهاوشة وتضربة على اقل شي..!!
شوق:" بسكم هواش وعتاب ، احنا اخوان ومثل مايقولون اللي فات مات، صدق الجرح كبيربس بيبرى مع الايام ان شاءالله ، اتمنى نعيش اخوان متحابين موكل واحد يشيل على الثاني ، واولنا هدى لازم تعرفين ان احنا ماراح نتخلى عنج اذا كان هذا تفكيرج ، وماراح نكرهج ابداً ، بالعكس انتي اختنا ونحبج ونبي لج الخير..."
هديل:" صح كلامج ياشوق ، انا عمري ماكرهت هدى لكن كنت اكره تصرفاتها واسلوبها بالحياة ، عمرها ماكانت تفكر الابالسعادة ، واي سعادة اللي تتحقق بس بالفلوس...؟ كل الناس اللي تلاقين عندهم خير وعايشين برفاهيه بتلاقين عندهم مشاكل الله يعلم فيها.."
شوق:" يالله ياهدى خلينا نفتح صفحة جديدة ونبدأ من جديد ." طالعت عبدالله وسحبته يمها وقالت له:" وانت بعد ياعبدالله لازم تبدأ ويانا صفحة جديدة ، ولاتنسى انت اخونا الوحيد ومانبيك تخيب ظنّا ابداااااً."
عبدالله:" انا مستعد لكل اللي تبونه مني ، بس مابي نرجع لبيت بوعمر واللي يخليج شوق لاتخلين محمد يرجعنا هناك."
شوق:" لاتخاف ماراح ترجعون هناك ابداً.. وان شاءالله محمد بيلقى الحل المناسب لنا كلنا."
هديل وبإبتسامة دافئة:" ان شاءالله."

^^^^^^^^^^^^^^^^^^^^^^^^

صباااح حزين كالعادة..
قعدت من النوم على صوت تلفونها اللي ماسكت ، رفعته وعيونها شبه مصكوكة ، فتحتها عدل بمجرد انها شافت الرقم.. بسرعه ردت عليه:" الوو."
عبدالعزيز:" صباح الخير."
سحر:" اهلا ، خير ياعبدالعزيز متصل من الصبح؟"
عبدالعزيز:" امممممم سحر اذا تبين الأشرطه اللي عند فهد تعالي عند البناية اللي فيها شقته وبعطيج اياهم اليوم العصر.."
سحر:" قوول والله؟ شلوون قدرت تاخذهم؟"
عبدالعزيز:" مااخذتهم بس اليوم باخذهم ، واذا ماتبينهم عادي مومشكلة بخليهم بشقته."
سحر:" لالالا ابيهم ، بس ليش موبمكان ثاني نلتقي علشان آخذهم أخاف احد يشوفني هناك."
عبدالعزيز:" عندي وايد اشغال والفرصة الوحيدة اليوم اني التقي فيج واعطيج اياهم بمجرد ماآخذهم."
سحر:" زين اللي تشوفه ، الساعه جم امر عليك؟"
عبدالعزيز:" انا بطرش لج مسج وبخبرج متى اتيين هناك."
سحر:" اوكي."
عبدالعزيز:" ياالله باااي."
وسكر التلفون من غير ماترد عليه ، كانت خايفة وموقادرة تتخيل ان مشكلتها قريب بتنحل بس الله يستر جان ماتصيدها مشكلة ثانية وتخرب حياتها من جديد.. فجأة تذكرت ميثة واتصلت عليها لكن تلفونها مغلق حست بخووف كبير وبسرعه قامت غسلت وجهها وبدلت ثيابها وراحت لأختها..
العنود:" دخلي الباب مفتوح."
سحر:" عنود قومي وياي الحين."
بإستغراب:" وين؟"
سحر:" المستشفى بنروح لميثة اتصل فيها تلفونها مغلق."
العنود:" ويعني؟ يمكن البنت نايمة والا مافيه شحن."
بخوف:" لالا مااعتقد انا قلبي ناغزني احس صاير فيها شي ، قومي وياي والابروح بروحي."
العنود:" زين بروح وياج بس نطري شوي يرجع السايق لأن أمي اخذته وراحت تودي اغراضها بيت جدي."
سحر نست اللي صار البارحة من خوفها على ميثة وتذكرت يوم جابت عنود طاري امها:" تصدقين نسيت السالفة.. وين ابوي؟ من صدقه طلق امي؟ وين بتروح الحين؟؟؟"
العنود:" تقول بتروح تعيش في بيت جدي ، حاولت امنعها لكنها رفضت وقالت مالي قعدة بهالبيت بعد ماطلقها."
سحر:" تصدقين موقادرة اتخيل امي وابوي منفصلين."
العنود:" ولاانا ، طول الليل ماعرفت ارقد وانا افكر فيهم وبحياتنا الجاية."
سحر:" ايييه حتى انا ومارقدت الاالفجر بعد صلاة الصبح... زين يالله قومي الحين جهزي عمرج وبنتصل على السايق اكيد الحين بيرجع."
وبعد مااتصلت سحر لأبوها تستأذن منه ، وصل السايق واخذهم المستشفى ، وصلوا لحجرة الحجز اللي فيها ميثة ، كانوا الأطباء داخل يحاولون ينقذون آخر نفس لها بالحياة ، دخلت سحر يوم شافتهم جذي حاولوا يمنعونها من الدخول لكن ماقدروا .. رمت عند ميثة ، كان وجهها شاحب واطرافها بدت تبرد ، السواد حوالي عيونها كان طاغي على كل ملامحها من شدته، حتى اشافيها كانوا يميلون للزرقة ، كانت العنود واقفة ورى سحر بصمت وتدعي لميثة بالرحمة..
سحر:" ميثة انا سحر.. تسمعيني؟"
كانت ميثة على شفا حفرة من الموت ، اخذت نفس عميق بكل صعوبه ودارت راسها لسحر حاولت تبتسم لكنها ماقدرت ، كل حركة بجسمها تألمها وبكل صعوبة قالت:" سحر..... هذا انتي؟؟"
سحر ودموعها مغرقه وجهها:" أي هذا انا ياميثة ، ارجوووج لاتروحين عني لاتخليني بروحي."
ميثة:" خلاص ماعاد فيه امل لي بالحياة ، حياتي بتنتهي اليوم بأي لحظة..سحر لاتنسيني لاتنسين تدعين لي بالمغفرة والرحمة."
سحر:" اشششششش لاتقولين جذي انتي بتعيشين وبنرجع احسن من اول."
سعلت سعله قوية اهتز على اثرها جسمها كله، كانت هزيلة وااايد لدرجة انها تغيرت وصار محد يعرفها اذا لمحها..
قربت وحدة من الممرضات صوبها وقالت:" اختي ممكن تخلينها ترتاح موزين لها الكلام وايد."
سحر مسحت دموعها وقالت:" ان شاءالله ، بس يصير اقعد وياها من غير مااتكلم؟"
طالعت الممرضة الدكتور وأذن لها بطرفة عيونه انه يخليها تقعد بس من غير مااتعبها بالكلام.. وقعدت يمها هي والعنود ، وطلعوا كل اللي بالحجرة عداهم.. تذكرت العنود ان بشنطتها فيه قرآن صغير طلعته وقعدت تقرأ فيه بعض السور ، أما سحر فكانت قاعدة تمسح على راس ميثة وتتذكر كل الأيام السعيدة والتعيسة اللي مروا فيها ، كانت ميثة نايمة من كثر التعب والألم اللي يعصف بجسدها الهزيل.. وفجأة هدأت أنفاس ميثة ، سحر رفعت راسها وطالعت العنود بعيون كلها خوف وألم ، هزتها بهدوء:" ميثة.. ميثة...؟! ميثــة ردي عليّ ياميثة ، ردي عليّ لاتروحين عني وتخليني ميــــثة...!!"
العنود حست ان اختها بتستخف لين ظلت هني بسرعه طلعت ونادت الممرضات ، وركضوا لهم بسرعه ، كانت ميثة ميته وابتسامة رضا تعلو وجهها..!! اما سحر فمازالت متمسكة بأيد ميثة وتترجاها بإنها تقعد..!! حاولوا الممرضات يبعدونها عنها بكل صعوبه وعيونهم بدت تدمع من تأثير الموقف..!! أما العنود فسحبت اختها بالغصب لبره وقعدتها على كرسي من كراسي الانتظار ، وحاولت تهديها لكن الألم والحسرة اللي بقلب سحر ذبحوها ، وبعد نص ساعة يمكن من محاولات تهدأتها قدرت تسيطر عليها، واقنعتها بإنها راحت للي بيرحمها ويحسن اليها ان شاءالله ، وان هذا يومها ومافي مفرّ منه.
كانت ثاني اصعب لحظة مرت على سحر، كل شي قدامها مظلم وتعيس ، حياتها ادمرت بغمضة عين ، شرفها ، كبريائها ، سعادتها ، أمها وابوها ، اخوها اللي انهدمت حياته كل شي قاعد يمر جدام عيونها بحسرة وندم ، غصة وألم ، ماكانت تتصور انها بتفارق بيوم من الايام ميثة بهالطريقة هذي ، صورتها على سرير الموت مازالت قدام عيونها ماكانت قادرة تشيلها من بالها أبداً . بعد مارجعوا البيت دخلت سحر حجرتها وقفلت على نفسها الباب وقعدت تصيح فقدانها ميثة وفقدانها لنفسها..!!
^^^^^^^^^^^^^^^^^^^^^^^^

نجلاء كانت فرحاااانة وسعيدة وااايد لأنها تخلصت من حِمل كبير ، بعد طلاق فيصل من نجود وزواجها هي منه..!! كانت اسعد لحظات حياتها يوم اجتمعت هي وفيصل تحت سقف واحد.
كانوا قاعدين اثنينهم بالصالة يسولفون ويخططون لحياتهم ، ولشهر العسل وين بيقضونه..!!
نجلاء:" شرايك حبيبي نسافر اليونان..؟"
فيصل:" وش يودينا اليونان..!!"
نجلاء:" يقولون عنها حلووة ، وانا زرت باريس ولندن وفرنسان ، وامريكا خاطري اغير شرايك ياعمري."
فيصل:" مدري انا ماارتاح بهالاماكن."
نجلاء:" عجل وين تبينا نروح؟"
فيصل:" شرايج نروح نقضي لينا فريضة عمرة ونقعد هناك نريح بالنا بدال عوار الراس."
نجلاء بضيق:" على عيني وراسي بس مابي اروح الحين ، خلها مرة ثانية ابي اسافر مكان ثاني ياالله عااااد."
فيصل:" استغفرالله ربي احد يرفض زيارة بيت الله ، ناس تحلم بزيارتها وانتي تقولين خلها لبعدين..!! والله امرج غريب."
نجلاء:" اوووووه الحين بنبتدي بالنصايح اللي مالها داعي..ياعمري ماقلت لك مابي اروح بس قلت لك خلها لمرة ثانية."
فيصل:" كيفج سوي اللي بتسوينه ، حتى لوتبين نروح الهند بنروح."
نجلاء:" زعلت انا خلاص."
طالعها وبداخله يقول (( والله بلووووة انا ماخذ وحدة دلووعه ، اييييه لكن انا اللي استاهل )) ، ابتسم وقال:" عن الدلع ياالله ، انتي قولي وين تبينا نروح وبنروووح ياالله ياحبيبتي."
طالعته وقالت:" آخر مرة تزعلني ، والا ماراح اكلمك مرة ثانية."
فيصل حسّ انه يتعامل ويا انسانة جاااهل ، حاول يسيطر على نفسه غصب طالعها وقال:" حااااضر على امرج ياسِت الكُلّ ماراح ازعلج مرة ثانية."
كانوا عايشين حياتهم بتفاهات ومن غير أي نكهة حلوووة لمعنى الزوجيه ، أقلها كانت هذي نظرة فيصل لحياته الجديدة. وماكان يدري عن اللي صار لأمه بسببه..!!

^^^^^^^^^^^^^^^^^^^^^^^^
ام محمد:" انت متأكد من اللي قاعد تقولة؟"
سيف:" ايه انا متأكد سمعته يكلم ابوي ويقول انه طلق خالتي."
ام محمد:" لاحول ولاقوة الابالله ، زين ماتدري وش السبب."
سيف:" يقول انها ماتسمع كلامه ، وتخالف أوامره والبارحة كان زواج فيصل ومنعها من الروحة بس عاندت وراحت ، وآخرتها طوولت لسانها عليه لحد مانفذ صبره وطلقها ، ويقول انه مرتاح من هالقرار اللي كان المفروض يتخذه من زمان."
ام محمد:" البارحة كان زواجة؟؟؟ ايييه الله يسامح اللي كان السبب ."
سيف:" سامحيني يمه بس اللي صار لخالتي هي السبب فيه، وهي اللي خربت حياة اختي."
ام محمد بحزن وضيق:" أدري ، أدري ياوليدي انها هي اللي دمرت حياتها وحياة عيالها بأيدها، لكن وش نقول غير الله يسامحها ويهديها."
بعد دقايق دخل محمد وبأيده بعض الأوراق سلم عليهم وقعد على الكرسي وهو مستانس ويقلب بالأوراق..
سيف:" خييييير اشووفك مستانس؟"
محمد:" الخير بوجهك ، وين شوق يمه؟"
ام محمد:" فوق تبيني اناديها؟"
محمد:" لامايحتاج انا بروح لها فوق... والاتدرين بخليها تنزل هي وخواتها ، وخواتي بعد ابيهم ينزلون."
سيف بإستغراب:" وش صاااير؟"
محمد:" الحين بتعرف بس انت روح دق عليهم وخلهم ينزلون."
سيف وهو رايح :" على امرك."
وبعد دقايق تجمعوا كلهم ، حتى هدى نزلت لكن بالغصب بعدما سحبوا فيها خواتها وبنات بومحمد..وقعدوا يم بعضهم البعض ينتظرون محمد يتكلم..
شوق:" خير يامحمد شصاير مجمعنا كلنا؟"
محمد:" الحين بتعرفون ، عبدالله تعاااال صوبي."
وبسرعه قام عبدالله من مكانه وقعد صوب محمد، وفتح الأوراق اللي بيده وعطاهم لعبدالله يقرأ بصوت عالي وش مكتوب:" عقد شراء فيلا .. اسم صاحب الفيلا : محمد ......" وقبل لايكمل رفع عبدالله راسه وسأله:" هذا بيتك انت صح؟"
طالعوه كلهم بإستغراب:" ايه بيتي... وبيت شوق وبيتك وبيت خواتك..!!"
شوق:" مافهمت شلووون؟"
محمد:" يمـه انا قررت اني اتزوج نهاية الشهر هذا ، وأشتريت لي بيت يمكم بالشارع الثاني، يعني مارحت بعيد عنكم ، وباخذ شوق وخواتها وعبدالله يعيشون ويانا بالبيت علشان مايظلون بروحهم في بيتهم القديم.. والبيت هذا بنأجره اذا كانوا راضين علشان يستفيدون من فلوسه."
شوق مومصدقه وخواته فرحانين لقرار اخوهم ، اما هديل وهدى وعبدالله فللحين مومستوعبين اللي قاعد يدور من حولهم..!!
محمد:" ماقلتي لي ياشوق شرايج؟"
شوق:" مدري بصراحة ماني مصدقة اللي قاعد تقوله انا وخواتي بنعيش مرة ثانية ويابعض؟! شفت ياعبدالله ماقلت لك محمد مستحيل يخلف وعده وياك..."
ابتسم عبدالله وحضن محمد.. الكل كانوا سعداء بقرار محمد وأخيراً بينلم شمل العائلة.!!
ام محمد:" قلت لأبوك يامحمد؟"
محمد:" ايه وهو اللي شجعني على اتخاذ هالقرار.. ماقلت لي ياسيف شرايك تعرس وياي مرة وحدة ، وخلنا نقول لأحمد يعرس ويانا بعد."
سيف:" والله مدري اشوووف نورة وارد لك خبر."
خلوود:" ياالله خلوونا نفرح فيكم مرة وحدة."
محمد:" دعواتج الوالدة."
ام محمد:" الله يتمم عليكم بخير يارب."
سيف:" اقوول بودعيج سمعت عن خالتي ام فيصل تطلقت البارحة..!!"
كل اللي قاعدين تفاجأوا يوم سمعوا بالخبر وخصوصاً نجود اللي ماتوقعت ان يصير بخالتها جذي..!!
محمد بصدمه:" اووووووه لاتقوووووول ليش وش صار؟"
سيف:" سمعت بوفيصل يقول انها ماسمعت كلامه يوم منعها من روحة عرس فيصل بس ماطاعت وهذا جزاها."
نجود حست بضيق يوم سمعت ان فيصل تزوج ، استأذنتهم وقامت رجعت لحجرتها تفكر بفيصل وبزواجه..!!
محمد:" يالخبل انت الحين ماتشوف اختك قاعدة.. على طوول توصل وتخبط."
سيف:" انا شدراني نسيتها.. وبعدين لي متى بتظل تفكر فيه خلاص خلها تعيش حياتها بعيد عنه وعن ذكريات المُرّ اللي عيشها فيه."
محمد:" على بالك السالفة سهله تنسى بين يوم وليلة ، عموماً لاتنسى تشاور خطيبتك وقول لأحمد يمكن نعرس كلنا ويابعض مرة وحدة."
سيف:" يصير خير."

^^^^^^^^^^^^^^^^^^^^^^^^

وصلها مسج عبدالعزيز بعد ماصلت صلاة العصر (( الساعه 4:30 او 4:45 ابيج تكونين عند البناية ))
مسحت المسج من تلفونها وقامت غيرت ثيابها وراحت تستأذن من ابوها علشان تطلع..وبعد ماسألها وين بتروح وطبعاً جذبت عليه وافق بشرط انها ماتتأخر.. وراحت بسرعه وقالت للسايق ياخذها للمجمع ، وبعدها قالت له يروح واذا خلصت بتتصل فيه.. واخذت تاكسي من هناك وراحت للبناية اللي فيها شقة فهد..
وطبعاً قالت للتاكسي ينتظرها علشان ماتتوهق بعدين وماتلقى احد يرجعها المجمع.. نزلت من السيارة وقلبها يدق مثل الطبل ، وراحت للعمارة ودخلت داخلها وظلت عند الرسبشن تنتظر عبدالعزيز ، كانت الساعه 4:30 بالضبط وللحين ماشافت احد وبعد عشر دقايق سمعت صوت يناديها:" سحر..."
التفتت للصوت وكان عبدالعزيز وبيده شريطين فيديو... كانت خايفة لأقصى درجة.
عبدالعزيز:" شخبارج سحر؟"
سحر بتوتر:" بخير، جبت الاشرطة؟"
عبدالعزيز:" أي اخذتهم من شقته من غير مايدري.. بعد ماحصلت مفتاح الشقة من عنده.."
سحر:" زين وينهم عطني اياهم خلني امشي."
عبدالعزيز:" شفيج مستعجلة ؟"
سحر وبدت تفقد اعصابها:" واللي يرحم والديك ياعبدالعزيز عطني اياهم مابي احد يشوفني هني ."
عبدالعزيز:" اوكي." وعطاها الشريطين بعد ماوعدها بإنه يساعدها..
سحر:" عبدالعزيز انت متأكد ان ماعنده نسخ منهم؟"
عبدالعزيز:" لاماعنده دورت ماكان فيه الا هالشريطين ، وباقي الاشرطه افلام مالج خص فيها."
سحر:" مشكور ياعبدالعزيز ماقصرت، ياالله مع السلامة."
عبدالعزيز:" مع السلامة." ومشى عنها وبعد دقايق طلعت هي علشان لين شافها احد مايشك فيها.. بسرعه راحت للتاكسي اللي كان ينتظرها وقبل لاتركب حست بيد شخص على جتفها..
سحر بدهشة وصدمه:" فيصـــل..!!"
بعصبية:" شتسوين هني؟"
سحر حست ان الدنيا ادووور ابها وموقادرة توقف ، حتى رجايلها صاروا ثقال وموقادرين يشيلونها..
فيصل وبعصبية اكثر:" اسألج شتسووووين هني؟؟"
سحر:" هااا ، انااا جاية ......." وقبل لاتكمل كلامها سأل فيصل راعي التاكسي عن حسابه وخلاه يمشي..
فيصل وهو يسحبها من جتفها لسيارته:" انا ابي اعرف انتي شجابج هالمنطقة هذي؟ وش عندج هنيه؟"
سحر:" كنت جاية حق وحدة من صديقاتي بس الظاهر اني نقلت العنوان غلط."
فيصل واللي حاس انها تجذب عليه:" زين ليش ماجيتي وياالسايق دامج جاية حق وحدة من صديقاتج؟ ليش جاية بتاكسي؟"
سحر حست انها خلاص بتموت بين ايدين اخوها اليوم وخصوصاً ان الاشرطه بشنطتها يعني لويفتحها ويشوفهم راحت عليها..
سحر وتحاول تهرب من الورطة اللي طاحت فيها:" انا رحت المجمع اول وياالسايق وبعدين اتصلت فيني رفيجتي وانا حزتها ماعندي كردت بالتلفون فأخذت تاكسي وخليته يوصلني."
فيصل:" سحر انا مدري ليش مومصدقج حاس انج تجذبين عليّ."
سحر بتوسل:" صدقني يافيصل مافيه شي كنت جاية لوحدة من رفيجاتي."
فيصل:" ركبي السيارة وحسابج عندي بعدين..."
وطووول الطريق وهي خايفة من اللي بصير لها لين رجعت البيت ، والمصيبة لين كان ابوها هناك.. دخلت البيت بعد ماحصلت دفعه قوية منه للداخل خلتها اطيح على الارض وصوته مالي البيت.. طلع ابوها من مكتبه على صوت صراخ فيصل وهومعصب:" شصاااااير؟؟؟"
فيصل:" اسأل بنتك شصاير؟ اسألها وين كانت." كانت على الارض قاعدة وحاضنة شنطتها وتصيح.. وعلى صوت صراخهم طلعت العنود من حجرتها تشوف وش صاير ..
بوفيصل:" كانت بالمجمع هي مستأذنه مني وسمحت لها تطلع.. وبعدين انت من سمح لك تدخل البيت هذا.."
فيصل:" اصحى يايبه اصحى ، بنتك شفتها عند عمارات مشبوهه بالدعاااااارة..!! وانت تقول لي مجمع.."
حس بوفيصل الدنيا ادور فيه ومن زود الصدمة طاح على طول على الأرض حتى من قبل لايسمع أي كلمه من سحر اونفي للأتهام الموجه لها... وركض فيصل لأبوه وسحر قامت لأبوها وهي تصارخ وتصيح:" يبـــه .. يبه لاتسمع الكلام اللي يقوله .. يبه اصحى يبه.."
فيصل حسّ انه ذبح ابوه بهاللحظة ، رفعه بعد ماساعدته سحر والعنود وخلوه على الكنبه وبسرعه اتصل للأسعاف لأنهم حولوا يوعونه مااوتعى..!!
سحر وهي اطالع فيصل:" انت ذبحت ابوي ، انت السبب يافيصل ماكان المفروض تقول لأبوي هالكلام وانت تدري ان قلبه تعبان ، ذبحت ابوي بعد مادمرت حياتنا كلنا ، حتى امي تطلقت بسببك انت يافيصل...!!"
ظل يطالعها بعيووون مصدومة ، ماكان مصدق الكلام اللي تقوله ، امه وابوه يطلقون؟؟!!

وصل الاسعاف واخذوا بوفيصل ، ولحقهم فيصل بسيارته وسحر والعنود وياه..طول الطريق كان كل واحد فيهم يفكر باللي بصير في ابوهم .. وبالمستشفى دخلوا بوفيصل غرفة العناية ، نظرات فيصل وسحر كل واحد فيهم كانت اتهام للثاني ، بأنه هو السبب في اللي هم فيه..!!
طلع الدكتور من غرفة العناية وتراكضوا حوله بسرعه يسألونه عن ابوهم..
فيصل:" بشر دكتور."
الكتور:" الحمدالله لوتأخرتوا شوي كان جته جلطة بالقلب ، بس عدت على خير والأكيد انها من أخبار سيئة فأتمنى انكم تبعدون عنه أي اخبار او مشاكل سيئة حتى يطلع بالسلامة..!!"
فيصل:" ان شاءالله دكتور.. ممكن نشوفه الحين؟"
الدكتور:" الحين لا بس بعد مايرتاح ممكن ، بس لاتنسون اللي وصيتكم عليه."
فيصل:" مشكور يادكتور.."
ورجع فيصل خواته البيت بعد ماتطمنوا على حال ابوهم ، وقبل لايمشي سألهم:" وين أمي الحين؟"
العنود:" في بيت جدي."
ومن غير مايرد عليها مشى عنهم ، كانت سحر قاعدة على الكنبه تفكر بأبوها وبفيصل ، فجأة قطعت عليها العنود حبل افكارها بسؤالها:" سحر وش كنتي تسوين بالمكان اللي قال عنه فيصل."
سحر:" انتي بعد...؟!"
العنود:" فيصل كان خايف عليج جذي سوى اللي سواه ، بس ماقلتي لي وش كنتي تسوين هناك؟؟ وخصوصاً انج قلتي لأبوي انج بتروحين المجمع."
سحر والدمعه بعيونها:" كنت رايحة آخذ غرض من وحدة رفيجتي."
العنود:" سحر ومادورتي الاهالمكان تلتقين وياها فيه؟ الحين لوابوي راح فيها بتكونين انتي السبب موفيصل بس..!"
سحر:" صدقيني ماكان فيه مكان التقي وياها فيه الاهناك ، وصدقيني ماسويت شي بمجرد اني اخذت الغرض من عندها مشيت ، وشفت فيصل والباقي تعرفينه.."
العنود:" انا مابي أتدخل بحياتج ، بس الحمدالله انها جت على جذي والاكنتي انتي بدنيا ثانية."
سحر:" حاسة نفسي بختنق بهالبيت ، صار بيتنا موحش وكأيب ماعادت فيه الضحكة الأولية ولاالطيبة والحنيّة كل شي ضاااع بهالبيت.."
العنود:" لاتقولين جذي ياسحر ، لازم انظل ويابعض ونبقى ايد وحدة ، ولاتنسين الصدق هو اساس كل حياة سعيدة بأي بيت..!!"
ابتسمت لها ابتسامة حزينة وقامت من مكانها:" اييييه ياعنود كل شي ضااااع بحياتي ومابقى مني الا جسد والله يعلم بهالجسد وين برووح اذا الله اخذ امانته.."
وماانتظرت منها أي رد لأنها مشت عنها وراحت لحجرتها تقضي على سبب تعاستها بهالدنيا.
الساعه 8 في بيت بومحمد..

بومحمد:" لاحول ولاقوة الابالله العلي العظيم..."
نجود:" شفيك يبه؟؟"
بومحمد:" عمج بوفيصل...."
حطت ايدها على قلبها:" شفيه عمي؟؟"
بومحمد:" طاح اليوم في بيتهم نوبة قلبية ، في شي الظاهر زعله."
ام محمد:" لاحول المسكين مايستاهل اللي يصيده ، اولها طلاقه من اختي والحين مرضه، الله يقومه بالسلامة ان شاءالله."
وبعد سوالف عن البيت والقرارات الجديدة تذكرت ام محمد زواج ولدها نهاية الشهر:" اقول يابومحمد سمعت عن ولدك محمد قرر يتزوج نهاية الشهر هذا.."
بومحمد:" ايه خله يتيسر ، الله يوفقه ويوفق اخوانه وياه."
ام محمد:" مدري انت تحس ان الوقت مناسب؟ يعني طلاق اختي وخوات شوق امهم ماصار لها شي من توفت......"
قاطعها:" كل اللي صار أمرّ الله وقضاءه مااقدر امنع ولدي من الزواج وبعدين السالفة بعد شهر تقريباً يعني بتهدأ النفوس شوي."
ام محمد:" مدري براحتك خلهم يسون اللي بسونه ، انا ضاقت فيني الدنيا بعد اللي صار لأختي."
نجود:" يمه ليش ماتروحين لخالتي تزورينها؟ طبعاً بعد إذن ابوي."
بومحمد:" انا ماعندي مانع اذا تبي تروح خلها تروح بس قلت لج من قبل مابيها تدخل البيت هذا مرة ثانية..!!!"
ام محمد:" صدق؟ عااادي ارووح؟ "
نجود:" أي يمه سمعتي ابوي وش قال، باجر ان شاءالله تروحين لخالتي تزورينها وتطمنين عليها..."

بالصالة فوق كانت سمر وشوق قاعدين يسولفون ويابعض.. وسمر كانت تشكر شوق على وقفتها الطيبة وياها..
شوق:" ياالله عاااااد مصختيها من قعدنا وانتي مثل الببغاء تعيدين وتكررين شكراً وماقصرتي شكراً وماقصرتي ماعندج سالفة غيرهاااا."
ضحكت وقالت:" ههههع شسوي من حفظتها وموراضية تفارق لساني."
شوق:" زين حفظي شي ثاني وسمعيه بعدين.... شفتي ياسمر موقلت لج ان محمد متفهم ومستحيل يطق مرة ثانية وخصوصاً انج رايحة له بنفسج وتستسمحين منه."
سمر:" بالبداية حسيت بخوووف كبير، لدرجة اني ماقدرت اوقف على رجايلي ، لكن يوم بديت اتكلم وياه ، وطبعاً ماقصر وسمعني الموعظة الحسنة ، انزاح عني حِمل كبير."
شوق:" اهم شي تتعلمين من الغلط وماتردين له مرة ثانية.."
سمر:" ان شااااءالله ماراح ارجع للغلط ابدااا ، وبعون الله راح ابدأ صفحة جديدة بحياتي."
شوق:" يااااارب.. الا بسألج سمووورة شرايج بقرار محمد؟ بصراحة فاجأني."
سمر:" كلنا اصلاً تفاجأنه ماتوقعت يشتري بيت ويخليج انتي واخوانج تعيشون ويابعض وهو وياكم.."
شوق:" تصدقين طرت من الفرحة يوم سمعته كان ودي احضن كل واحد فيكم..."
سمر تتحجج فيها:" لالالا قوووليها موتبين تحضنين كل واحد فينا انتي تبين شخص معين.."
شوق:" ياااااالله عن المصاخة انا افكر جذي.,"
سمر:" لاعجل انا ، لعبي غيرها ادري فيج لوكنتي بروحج وياه ماقصرتي..."
صاااار وجهها احمر يوم سمعتها تقول جذي واخذت مخده صغيرة من صوبها وقعدت تضربها فيها:" انا اسوي جذي يااللي ماتستحين لكن اووووريج اذا انخطبتي قدام خطيبج بحرجج وبخليج تصيرين علب طماط..!!"
سمر:"ههههههههههههههههههههههههههه ادري فيج ماتقدرين.."
شوق:"اقدر تتحديني؟؟؟"
سمر حست بنبرة الجد في كلامها:" لالا مابتحداج شكلج تقدرين خخخخخخ."
شوق:" هااااا اشووفج رديتي بكلامج..."
سمر:" زين آسفين نمزح وياج ، تعااالي ماقلتي لي خلاص بتعرسون نهاية الشهر؟"
شوق:" تصدقين نسيت السالفة.. توني دريت وياكم انه يبي يعرس نهاية الشهر هذا ، ماتوقعته مخطط ومخلص.."
سمر:" يمكن علشانج انتي واخوانج استعجل الزواج ، علشان لايضايق عليهم مساكين كلكم متجمعين بحجرة وحدة..!"
شوق:" عادي الحجرة كبيرة ، بس صدقج مابيرتاحون وخصوصاً انهم يظلون بالحجرة طول اليوم من غير مايطلعون منها."
سمر:" ياالله عجل شدي همتج وعرسووااا خلونا نستانس ، يبيلي اتصل بنورة ومريم اشوف وافقوا على الزواج الجماعي اولا.."
شوق:" أي زين تسوين اتصلي فيهم وخبريني."
سمر:" اووووووووكي على امرج ياام معتووق ،عن اذنج."
وهي تضحك:" اذنج معاااج ياام مجعص..!!"
سمر وهي رايحة حجرتها:" مجعص ولدج ان شاءالله ههههههع."
قعدت تضحك على كلامها،ويوم راحت عنها قعدت تفكر بكلام محمد وقراراتها اللي خلتها تحبه اكثر واكثر..!!

^^^^^^^^^^^^^^^^^^^^^^^^

الساعة 3:30

رنا:" تكفى سعووود مااقدر."
سعود:" رنا حبيبتي بلييييز لاترديني .."
رنا:" لاياسعووود اللي صار كان غلطة وغلطة كبيرة,,, انت ماتدري شكثر تغيرت حياتي من ذاك اليوم.."
سعود:" ياحياتي صدقيني لاتتوقعين اني بخليج ، صدقيني نهاية الشهر هذا انا باخذج وبنطير لأحلى دوووولة بالعالم وبنعيش للأبد ويابعض..!!"
رنا ماكان بيدها أي خيار ثاني غير انها تصدق كلامه وخصوصاً انها خلاص فقدت اهم شي بحياتها شرفها:" زين بنفس المكان؟؟"
سعود واللي شوووي ويطير من السعادة:" لاياعمري اليوم بخليج اتيين شقتي الثانية.."
بإستغراب:" ماقلت لي ان عندك شقة ثانية؟"
سعود:" عندي ياعمري ، بس ماقلت لج عنها المهم اشوووفج هناك اوكي."
وعطاها عنوان البناية اللي فيها شقته او بالأصح شقة فهد بهالمرة..!!وبعد ماخلص مكالمته وياها اتصل بفهد..
فهد:" الووو.."
سعود:" مساءالخير توو الناس جان لاقعدت من النوم."
فهد:" اااااسسسكت البارحة مارقدت."
سعود:" ليش؟ شعندك سهران."
فهد:" اللي خبري خبرك."
سعود:" اييييه زين زين عليك بالعافية ياخوي خخخخ ، انزين اسمع تقدر تفضي لي الشقة بعد ساعه تقريباً..!!"
فهد:" ليش؟ وانا وين اروح؟"
سعود:" نسيت الفرس الصغيرة اللي قلت لك عنها بخليها اتيينا شقتك بس طبعاً لازم اهيئها بالأول علشان ماتهرب من ايدنا.. جذي لازم انت تطلع بعدين اتصل فيك واخليك ترد الشقة."
فهد:" شكلها طاحت خلاااااص."
سعود:" اووووووه طيحة مامنها وقوومة بعد ههههههه البنت المسكينة مصدقة ان انا بتزوجها لايفوتك وعدتها بنهاية الشهر نتزوج."
فهد:" هههههههههههههههههههههههه قووول والله ، والف الف مبرووك ياعريس خخخخخخ منك المال ومنها لعيال."
سعود:" هههههه الله ياخذك انت وياها أي عرس انا مال اعراس قوووووم منااك ، والله مااخليها تشوووف الاالريش ههههع قال نهاية الشهر قال..!!"
فهد:" زين يافحل الفحووول بقوم انا الحين لأن مابقى شي وتخلص المهلة اللي عطيتني اياها ، اقووول برووح شقتك اقعد لي شوووي واذا خلصت اتصل فيني علشان اجيك واكمل وياالحلووووة السهرة..!!"
سعود:" افااااا عليك ولايهمك.."

وبعد ساعة وربع تقريباً كانت رنا عند باب شقة فهد.. كانت متوترة وخايفة.. المسكينه ماكانت تدري ان بدايتها ونهايتها بالشقة هذي..!!!!!
اتصلت على سعود اللي كان قاعد بالشقة وطبعاً شال كل اثر يدل على وجود فهد بالشقة هذي..من صور واشرطه وغيرها وغيرها.. فتح الباب :" يااهلا وسهلا بالغلاااا كله.. ياالله حبيبتي تعالي دخلي..." وسحبها من ايدها ودخلها. كانت اطالع الشقة بكل تفاصيلها، شقة راقية مثل شقته الأولى بس ماتدري ليش ماتحس بالراحة فيها..!!
سعود:" تعالي قعدي شفيج؟"
قعدت صوبه وقالت:" ابداً بس مدري ليش مومرتاحة من الشقة هذي.. ليش ماخليتنا نلتقي بهذيك الشقة احسن؟"
سعود:" عادي ياعمري في واحد من الربع قاعد هناك توه جاي من السفر فقلت له اقعد فيها لين يستأجر له شقة."
رنا:" أي..."
سعود:" زين ماقلتي لي شتشربين؟"
رنا:" أي شي والا تدري اذا عندك عصير ليمون يكون افضل.."
سعود:" اووكي ياحياتي ثواني والعصير عندج.."
قام بسرعه وراح المطبخ ، فتح الثلاجة وكان فيها كل انواع العصيرات والوسكي اللي يشربها فهد..!! وبعد مافتح لها العصير وخلاه لها بكــاسه حلووة تذكر ان عنده شوووية مُسكّر خلاه لها بالعصير وخلطه وجابه لها..
رنا:" شكراً.."
سعود:" في الخدمة ياعمري."
وبعد ماشربته حست نفسها غير وكأنها بطـــير..!! وبدت تضحك وتمزح وياه لين عرف سعود ان اللعبة مااااشية عال العال.. اخذها لحجرة فهد وبدأ يقضي على آخر رمق لها بحياة سعيدة...!!!
وبعد ساعة ونص تقريباً قام سعود من على السرير ولبس شوووي من ثيااابه المرمية على الارض وطلع من الحجرة علشان يتصل بفهد..
سعود بصوووت واطي:" الوووووو."
فهد:" الووووو شفيك تساسر روحك..؟"
سعود:" اقووول الفرس بإنتظارك تعااااال بأسرع وقت."
فهد:" جااااااينك الحين ، هذا انا كنت توني طالع رايح اقضي شوية اشغال قبل لانسافر."
سعود:" حلووو عجل لاتتأخر انا بدخل لها الحين ، وماراح اخليها تحس بأي شي وانت اذا جيت ادخل بهدوووء علشان ماتنفزع البنت وتهرب اوكي وسوي لي مسكول وبطلع من الحجرة... وبخليها لك ياحلووو."
فهد:" اوووووكي صااااار."

وبعد عشردقايق بالكثير كان فهد بالشقة.. بنفس اللحظة هذي كان عبدالعزيز يراقبهم على بعد.. ويشووف آخر اخبارهم وتطوووراتهم وفعلاً كانت هذي اللحظة الحاسمة اللي ينتظرها من زمااااااان.. ركب لشقة فهد وظل بره ينتظر يسمع صوووووت النهااااية بفااارغ الصبر.
وبداخل الشقة..
فهد سوى مسكول لسعود وخلاه يطلع من الحجرة من غير ماتحس رنا بأي شي.. المسكينة كانت منسدحة على السرير وطبعاً متغطية بغطاااااء خفيف وعاطية ظهرها للباب ومغمضة عيونها..!!
سعود:" ياالله يالحبيب الحلووة جاهزة بإنتظاااااارك.."
بسرعه قام فهد وعطى سعود التلفون علشان محد يزعجة ، وظل سعود بالصالة يطالع التلفزيون.. أما فهد ففتح باب الحجرة بهدووووء، صك الباب وراح لها كانت ماتزال مغمضة يعونها، شعرها كان طووويل وحلوووو منفرررش على المخدة وكأنها أميرة من الاميرات.. ركب فهد على السرير وتقرب منها ، وقعد يتلمس شعرها الناعم ويشتمه كانت ريحته بخوور..!! حسّ ان هالبنت بطير له عقله ، كانت رنا مغمضة ولحدّ الآن ماتدري ان هذا الشخص مو سعووود..!!!
وبخطووة وحدة قرب عندها وجهها حباها على خدها وهو مغمض...!!!! بنفس اللحظة التفت رنـا له.. وبهاللحظة توقف الزمـــن..!!
عبدالعزيز كان واقف عند باب الشقة ينتظر يسمع اااااي بادرة لبداية ونهاية الحرب..!! وفجأة.. بداخل الشقة..
طلع فهد من الحجرة مثل المجنووون وهو ساحب رنا من شعرها وهي تصارخ:" تكفى هدني يافهد...!!"
انقض على سعوود بكل شراسة ومن دوون أي رحمة وهو يسب ويلعن فيه:" ياحققققييييير ياالنذذذل ، مادورتها الاهي...."
سعود ماكان قادر يستوعب اللي قاعد يصير، كل شي من حوووله مبهم ويحاول يبعده عنه بكل قوته لكن ماقدر:" شفيك يافهد انت جنيّت... رنــا شفيج واقفة حاوولي تبعدينه عني."
رنا كانت مغطية نفسها بغطاء السرير وتصيح ، موقادرة تصدق انها صارت ضحية رفيج اخوها وأخوها..!!
فهد وهو يضرب فيه:"انا اليووووم ذابحك ذابحك يالنذل يالحيوووان ، مادووورت الاأختي أختي ياسعوووووود ،، مادورت الااختي تهدم حيااااااتها..!!!!!"
سعود حسّ ان الدنيا ادووور فيه ، موقادر يصدق اللي يسمعه ، رنـا اخت فهد..!!
سعود:" انت شقاااعد تقووول ، مستحييييل رنا اختك..."
فهد طاااااارت طيوورة وموقادر يتحمل الصدمة ، وظل يضرب بسعووود بأيده وبأي شي يشووفه قدامه ، حمل مطفأة السجااااير وقعد يضرب فيها راس سعووود لحد ماوقف سعود عن المقاووومة والحركة..
رنا كانت قاعدة على الارض وتصيح وتصاااارخ:" ذبحته يافهد ، ذبحـــته..!!"
بهاللحظة عبدالعزيز كان يسمع صراااخ رنا ودخل بسرعه ، كان المنظر مرعب ، ومخيف.. سعود كان مرمي على الأرض والدم ينزف من راسه ، وفهد قاعد يمه ويصيح والدم متناثر على الأرض وعلى ثيابة وايده.. ومازال يسب ويلعن بسعود:" الخاين ،الحقير ذبحته أي ذبحته..!!"
عبدالعزيز وهو يصفق لفهد:" برافووو براااافووو."
رفع فهد راسه بإستغراب:" عبدالعزيز؟؟؟!!!!"
عبدالعزيز:" أي عبدالعزيز يافهد ، عبدالعزيز اللي دمرت حياته وحياة بناااااات وااايد.. وجه الدور عليك يافهد لاتظن بيوم انك بتهرب من اللي سويته لااااا ، جه الدور على اختك على عرضك وشرفك ، مثل ماضيعت شرف غيرها وغيرهاااا..."
فهد:" انت شقاعد تقووول؟! شقاااعد تخربط ، انااا؟؟ انا ماسويت شي ...؟ ماااااسويت شي.."
كان فهد قاعد يهلوووس من الصدمة ، ماكان يتوقع ابدااااً هاللحظات المؤلمة. وبعد عشر دقايق وصلت الشرطة والاسعاف للشقة ، ونقلوااا سعود للمستشفى بإصاباته الخطيرة بالرأس..واخذواا رنا وفهد لمركز الشرطة.. للتحقيق..!! اما عبدالعزيز فطلع من السالفة مثل الشعرة من العجينة..!!

^^^^^^^^^^^^^^^^^^^^^^^^

سحر وهي قاعدة صوب ابوها:" سلامات يبه ماتشوف شر."
بنظرات كلها رجــاء وأمل:" سحر قولي لي وش كنتي تسوين هناك..؟"
سحر بإبتسامة هادئة ودافئة:" صدقني يبه ماكنت اسوي شي غير ان صديقتي كانت متصلة واضطريت اروح لها هناك بس ماكانت هناك العنوان غلط اللي عطتني اياه..!!"
بوفيصل:" يعني ماكنتي تسوين شي هناك؟"
سحر:" افاااااا عليك يبه انا بنتك لاتحاتيني.." كانت كل كلمة تجذب فيها تحس بإنها سهم بقلبها وخصوصاً ان الثقة اللي منحوها اياها مو بمحلها..!!
العنود:" زين يبه خلنا الحين من هالسالفة انت شخبارك؟"
بوفيصل:" بخير دامكم حوووالي."
سحر:" ياالله يبه شد حيلك نبيك تطلع لنا بالسلامة.."
بوفيصل:" ان شاءالله."
العنود:" اقوول يبه ، ليش ماترد امي البيت..؟"
بوفيصل:" لاااا.."
العنود:" ليش يبه انت واحنا بحاجة لها.."
بوفيصل واللي يحس بآلام بصدره كل ماتضايق:" خلاص يابنيتي اللي ينكسر مايتصلح ، وانا امج طلقتها من قبل طلقتين وهذي الثالثة ومافيها رجعه ابد.."
حسوا ثنتينهم بصدمة يوم سمعوه يقول جذي ، بإستغراب سألته سحر:" يعني انت مطلقنها من قبل يبه؟؟"
بوفيصل:" ايه.. يابناتي فكوها سيرة انا تعبان ومابي شي يتعبني اكثر."
سحر:" ان شاااءالله على امرك.."
العنود طالعت سحر بضيق وحست ان حياتهم خلاص تفككت بعد هالطلاق ، قعدت على الكنبة تفكر بأمها وبعيشتها الجديدة..
سحر:" عنوود قومي فتحي الباب في احد قاعد يدقه."
قامت بسرعه وفتحته:" ياهلا ومرحبااا تفضلووا.."
كان بومحمد وعياله جايين يزورون بوفيصل .. بومحمد:" شخبارج العنود ؟ ابوج بخير؟"
العنود:" أي بخير تفضلوا.. حياكم داخل."
دخلوا يشوفون بوفيصل ويسلمون عليه ويتشكرون له بالسلامة ، محمد ظل واقف عند الباب لأنه ماكان يتوقع يشوف سحر بعد هالاشهر كلها..كان هذا اول لقاء لهم بعد اللي صار..!!
طلعت بعد ماسلمت على بومحمد وراحت تقعد ويااختها ، مرّت من صوبه حتى من غير ماترفع راسها واطالعه.. محمد واخوانه حسوا بتغيير كبير بسحر وخصوصاً شكلها الخارجي اللي صدمهم اول ماشافوها ثلاثتهم..!!

بعد ربع ساعه تقريباً وصل فيصل المستشفى ودخل لحجرة ابوه يشوفه ، لكنه تفاجأ يوم شاف بومحمد وعياله هناك ، كانت وياه نجلاء وحامله وياها بوكيه ورد لعمها..واول مادخل عليهم وياها ظل واقف يطالعهم بنظرات كلها الم وضياااع.
وبتردد:" السلام عليكم."
ردوا عليه السلام وظلوا ساكتين يترقبون اللي بصير .. وبصوت رقيق وهادئ:" الحمدالله على السلامة عمي."
احمد كان وده يقوووم ويكفخها، هي وفيصل على وقاحتهم...اما بوفيصل فكان مقهور ومتضايق من تواجد فيصل وزوجته ، حسّ ان الضغط بدأ يرتفع عليه وفجأة قعد يصارخ عليه:" اطلع بره ,, مابي اشوووفك رقعة وجهك هني طلعوووا بره انت وياها طلعوا بره.."
حس فيصل بغيظ وقهر ، ونفس الشعور كان يتراود نجلاء اللي مااستحملت تشوف عمها يطردهم بهالطريقة ورمت بوكيه الورد على الارض وطلعت...!! كان تصرفها جداً وقح.. كانت هذي نظرة سيف واحمد لها..!!
وقام بومحمد ومحمد يهدأون بوفيصل علشان ماينفعل وترجع له النوبه مرة ثانية، اما فيصل فكان واقف مكانه ويحاول يقول شي لكن ماقدر..
احمد وسيف قاموا يطلعون فيصل بره قبل لاتدهور حالة ابوووه وتصير سالفة جديدة..

بعد ماطلع فيصل ونجلاء من المستشفى..
نجلاء:" انا على آخر الزمن انطرد..!! وحضرتك ساكت.."
فيصل بعصبية:" وش تبيني اقوله.. وش تبيني اسوي ، اللي فيني كافيني يانجلاء."
نجلاء:" اسمعني يافيصل من اليوم ورايح علاقتك بأبوك اقطعها مااعتقد ان فيه امل ترجعون مثل قبل ، واذا على خالتي تقدر تزورها بأي وقت تحب وخصوصاً انها تعيش بروحها الحين."
فيصل:" سكتي الحين واللي يرحم والديج.."
طالعته بقهر وقعدت تتأفف...كانت مقهورة ومتضايقة من عمها.. هذي المرة الثانية اللي يحرجها فيه ، كان ودها تاخذ فيصل وتهاجر من هالديرة بس علشان ينسى ماضيه اللي موراضي يفارقهم..!!

^^^^^^^^^^^^^^^^^^^^^^^^

بمركز الشرطة..

فهد مازال تحت تأثير هلوساااته وصراخة والشرطة تحاول تهدأه لكن مافيه فايدة:" انا ماسووويت شي ، انا ماسويت شي ، انا اخذت حقي ااايه حقي منه ، انا ذبحته ايه ايه ذبحته لأنه هو اللي ذبحني بالأول ، طعني بظهري ، لالااا انا ماسويت شي غلط ، انا بس اخذت حقي اسألوها..." وفجأة ركض صوب اخته وقعد يضرب فيها ويسبها:" يالحقيرة ياحيوانه تف عليج وعلى اشكالج ، انتي أي انتي كان المفروض اغسل دمج بيدي ."
لحقوااا عليه الشرطة قبل لايذبحها من الضرب.. وبعد ماقدروا يحبسونه بالحجز اخذوها يحققون وياها..
الضابط:" ابيج تقولين لي كل السالفة من بدايتها لنهايتها وبدون ماتغفلين عن أي معلومة."
هزت بالايجاب راسها والدموع مغرقة وجهها، وقعدت تروي للضابط كل القصة من البداية للنهاية..وبعد ماخلصت طالعها الضابط بعيون كلها حسرة:" ياحسافة والله تضيعون عمركم وسمعتكم وشرفكم بلحظات محرمة..تتعاقبون عليها في الدنيا قبل الآخرة.. انا ودي اعرف اهاليكم اللي مخلينكم على راحتكم وينهم؟ وين امج وابوج عنج ؟ والا حضرة اخوووج اللي مضيع عمره من سنين.. مااقول الا آآآخ على شباب هالزمن."
وبعد مااخذ اقوالها كلها اخذوها لمركز شرطة الآداب علشان تقضي بعض سنوات عمرها بهالمركز.. انتهت حياتها السعيدة من اللحظة اللي تعرفت فيها على سعود ، اما فهد انسجن لعدة تهم اولها حيازة مخدرات بالشقة ، وثانياً امتلاكة شقة للدعارة وهتك اعراض البنات ، وثالثاً جريمة قتل..!!
انتهت حياته وحياة اخته بأيده.. بعد ماكان غافل عن رب العالمين وناسي ان الدنيا دووووارة.
اما سعود فكان بالمستشفى على آخر رمق له بالحياة ، وبعد منتصف الليل ، وقفت نبضات سعود بعدما لقى جزاته..!! كانت نظرات الاشمئزاز والألم والحسرة بعيون كل الناس اللي درت بسالفتهم.. وفعلاً كانت هذي نهاية سعود وفهد اللي لعبوا بأعراض الناس ، فكانت نهاية سعود على ايد اعزّ اصدقائه ، كانت هذي آخر رحلة يسافرونها للآخرة وينالون جزائهم فيها..

^^^^^^^^^^^^^^^^^^^^^^^^
عبدالعزيز:" سحر ممكن تسمعيني لآخر مرة.."
سحر:" احنا مو انتهينا ياعبدالعزيز ليش متصل بعد."
عبدالعزيز:" سمعتي باللي صار لسعود وفهد واخته؟"
سحر:" سمعت والعياذ بالله ، لكن ياعبدالعزيز اللي سويته راح تتحاسب عليه ليش ماخليت عقاب رب العالمين ينزل عليهم..."
عبدالعزيز:" بدال ماتشكريني لأني ساعدتج وانقذت حياتج وسمعتج.. لكن ماعلينا هذي آخر مرة تسمعين فيها صوتي ، اتمنى انج دمرتي الأشرطة اللي عطيتج اياهم ، واتمنى تبدأين حياة جديدة.. قبل لااسكر الخط نسيت اسألج شخبار ميثة..؟"
سحر حست بألم يوم سمعت إسمها، وطاحت دمعة على خدها:" الله يرحمها ياعبدالعزيز ، ميثة ماتت من زمان أدعي لها بالرحمة.."
حسّ عبدالعزيز بصدمة يوم سمع الخبر ، ومن غير مايرد عليها سكر الخط وضااااااع للأبد..!!
سحر (( أيـــه ياعبدالعزيز الله يهديك ويصلح أمرك إن شاءالله.. ويهدينا اجمعين..))

وبعد مرور يومين كانت سحر تقرأ الجريدة ولفت انتباهها خبر غرق احد المواطنين في البحر.. حسّت بغصة يوم قرأت اسم الغريق وكان عبدالعزيز .. (( لاحول ولاقوة الابالله العلي العظيم ،، الله يرحمة ويحسن اليه ،، لاحول ولاقوة الابالله.. ))
العنود:" شفيج سرحاااانه؟"
سحر:" ابد قاعدة اقرأ الجريدة وقرأت خبر يضيق الخلق."
العنود:" ايييه قرأت الخبر ، يادافع البلاء تشوووفين بلاوي وايد هالايام الله يكفينا شرها."
سحر:" ان شاءالله.."

^^^^^^^^^^^^^^^^^^^^^^^^

نهاية الشهر..

بعد مانقل محمد كل اغراضة واغراض شوق واخوانها لبيتهم الجديد ، وتعاون ويااخوانه على زواجهم الجماعي ، اقاموا حفلة كبيــــرة دعوا فيها كل الناس اللي يحبونهم ويتمنون لهم الخير.. كانت حفلة زواجهم من أروع الحفلات ، ام محمد كانت بطير من الفرحة ، واخيراً بتفرح بعيالها وبتشووووف احفااادها عن قريب..
سمر:" ياالله ياخلووووود لوعتي جبدي."
خلود:" الحين الحين جاية ، بس اغطي شعري وبطلع..."
سمر:" زين بسرعه.."

وبالصالة..
ام محمد:" ياالله ياشيخة قبل لايوصلون المعازيم واحنا مارحنا.."
شيخة:" صبري شوي يمه عليّ ، والاتدرين روحي ركبي السيارة بس على ماأعدّل ثياب مازن..."
مازن بقهر:" يعني ماصارت الا على ثيابي تخترب الحين."
شيخة:" لاتحاتي الحين بصلحها..وبنمشي."
بدور:" اففففففففف ياالله يمه والله تعبت."
شيخة:" محد قالج وقفي روحي ركبي السيارة وياأمي."
سمر وخلود:" بدور ياالله تعالي وبعدين هم بلحقونا."
كانت هذي حالتهم كلهم ، حتى عبدالله كان كاشخ ومتعدل ، وهدى وهديل نفس الشي ، كانوا كلهم مثل نجوووم تلمع بالسماء..وبالحفل كان الكل سعيد ومستانس العنود ونوف وخلود وكل البنات ، الا شخص واحد كان قاعد بزاوية بعيدة يراقبهم بعيون كلها حسرة وألم.. سحر.. هي الانسانة الوحيدة اللي كانت قاعدة وتتحسف على كل فرحة بعيون اهلها..!! وبين ماهي سرحانة ودموعها بعيونها.. انتبهت على ايد شيخة ونجود والبنات من حولها.. وكل وحدة مرتسمة على شفاهها ابتســامة عريضة..
شيخة:" سحــر."
طالعتها بعيونها الحمرة:" خير؟؟"
شيخة:" ترى الفرحة ماراح تكمل الا وانتي ويانا وبينا ، ياالله قووومي تعااالي جدام خلينا نبدأ من جديد.."
حست سحر بغصة بحلقها موقادرة تصدق اللي تشوفه حولها كانت نظراتهم كلهم تدعوها للبدأ فعلاً من جديد.. قامت وحضنت شيخة ودموعها مغرقة وجهها ، ورمت بنفسها بحضن نجود اللي قعدت تصيح وياها..
سمر:" بسكم بتخربوون مكياجكم...!!"
سحر وايدها ترتجف من الفرحة:" صدقوووني موقادرة اعبر لكم عن أسفي ، ولااااني قادرة اوصف لكم الفرحة اللي بقلبي ، رديتوااا فيني الرووح."
وبسرعه بسرعه سحبووها وياهم بعد مامسحوا دموعهم ، وراحوا يقضووون باقي الحفل بوناسة وبدووون أي تكدير خاطر.. ولما وصلت شووق ودخلت وطبعاً وكالمعتاد كانت ملكة جمال الحفل بهذيك الليلة ، من دووون مقاااارنة بمريم ونورة اللي كانوا مثل النجوم حوالي شوووق..!! وبين ماشوق تسلم على اللي يباركون لها فوق المسرح ركبت سحر تسلم عليها بعدما دززوها البنات وخلوها غصب تركب وتبارك لها..
شوق حست بصاااعقة يوم شافت سحر ، كانت مفاجـأة كبيرة لها ، ابتسمت لها غصباً عنها كان محمد قاعد صوبها مندهش مومستوعب ان سحر هنــي.. لكن هالمرة نظرته لها كانت مختلفة تماماً لأنها طلعت من قبله وحياته للأبد..
سحر بتوتر وارتباك:" ادري مستغربة وجودي ، بس مدري مدري من وين أبدأ ، ويمكن موقته هالحجي ، انا آسفة على كل اللي سببته لج ، وانتي تستاهلين كل خير والف مبروك لج ولمحمد انتوا فعلاً تستاهلون بعض..!!"
من غير شعور سحبتها شوق لها وحضنتها ، لدرجة انها كانت بتصيح لولا تهديدات سمر ونكاتها من حولهم علشان لاادمع عيونها وتخرب مكياجها..
شوق:" ماتتصورين ياسحر شكثر كنت اتمنى نكون اصدقاء.. شرايج نبدأ صفحة جديدة؟؟؟"
سحر بإبتسامة سعيدة:" صفحة جديدة؟؟"
شوق:" ايه صفحة جديدة بعيد عن الحقد والكره ، مجرد حب وسعادة....."
حضنتها للمرة الثانية وقالت:" وهذي امنيتي ياشوووق."
محمد كان منصدم من الكلام اللي قاعد يسمعه والمنظر اللي قاعد يشوفه مو مصدق ان سحر الانسانة المغرورة المتكبرة تصير انسانة وديعه..!!!!! لكن سبحان مغير الاحوال من حال الى حال..!!

^^^^^^^^^^^^^^^^^^^^^^^^
وبعد نهاية أيام مريرة بالنسبة لعائلة بومحمد ، ابتدت حياة سعيدة من جديد بعد زواج محمد واحمد وسيف..وعاشت شوق ومحمد وخواتها في بيت واحد بعيد عن أي مشاكل ومعكرات..
بالنسبة لعبدالله مع بداية العام الدراسي الجديد رجع للمدرسة ، وطبعاً ماقصّر وكان يطلع دائماً من الاوائل..أما هدى فرجعت مرة ثانية لدراستها وقررت انها تبدأ حياتها من جديد بعد ماتطلقت من بوعمر اللي يعيش بااااقي عمره بالسجن وخسرت كل مستحقاتها لأنه كان مطالب بأموااال واجد لدرجة ان الحكومة صادرت كل املاكة ، وبعدها تطلقت منه زوجته الأولى اللي كانت تسب فيه وأدعي عليه ليل ونهار..
أما هديل بعد الظروف القاسية اللي مرت فيها قررت انها تكمل دراستها وتدخل الجامعه وماتفكر بالزواج الا بعد ماتخلص وتتوظف..!!

اما بيت بوفيصل..
ابوفيصل قرر انه يعيشة حياته وحداني يربي بناته وبس ، وطبعاً مانسى أم عياله فكان يرسل لها نهاية كل شهر مصروووف لها علشان تقدر تعيش باقي حياتها..
وأم فيصل كانت ولازالت انسانة متغطرسة رغم طلاقها ، لدرجة انها طردت اختها من البيت يوم زارتها بحجة انها جاية تتشمت عليها..!!
اما العنود فكانت مجتهدة بدراستها ، وقررت انها تساعد اختها في بناء حياتها من جديد ، رغم الغموض اللي يدور من حولها..
وسحر البنت المتكبرة المتغطرسة المغرورة ،واللي انكسرت بعد مرور الأيام اللي حطمت حياتها، سحر بدأت حياتها من جديد بعدما دفنت بداخلها سبب تعاستها للأبد..
كان فيه شباب وايد يتقدمون لها لكنها كانت ترفض لأنها متأكدة انها ماراح تلقى الانسان اللي يرضى فيها بعد اللي سوته.. لكن مع مرور الايام ومن ضمن اللي تقدموا لها ، جاها انسان كان يعرفها ويعرف كل شي عنها ، حست بصدمة في بداية الأمر ورفضت الإرتباط فيه ، لكن بعد اصرارة وقناعته بإنها تغيرت واقنعها بهالشي رضت فيه وتزوجته ، وفعلاً عاشت حياتها سعيدة وياها رغم معرفته بحقيقتها المُرّة..!!! اللي مازالت اطاردها في بعض الكوابيس والاحلام..!! ولكنها مازالت تجاهد بزوال هالكوابيس من راسها هي وزوجها.. وكما قال تعالى (( لايغير الله مابقومٍ حتى يغيروا مابأنفسهم ))..

أما فيصل فبعد ماسافر شهر العسل ( البصل ) ورجع من السفر حملت نجلاء وبعد مرور تسعة أشهر ولدت وجابت له ولد ولكن للأسف ... معــاق ... ومثل مايقولون حق المظلوم مايضيع ابداً.. كانت صدمة كبيرة لهم فرحته تبددت مع اول اشراقة امل له بإنه يكون أب..!!
واللي انهى هالأمل بشكل نهائي كلام الدكتور بإنه زوجته حتى لوحملت مرة ثانية راح تنجب اطفال معاقين بسبب بعض الجينات الوراثية في جسمها..!!
(( ان الله يمهل ولايهمل )) ونال فيصل عقاب رباني جزاء ظلمة وتحطيمة لحياة انسانة قضت وضحت بحياتها علشانه..!!

وفي بيت بومحمد..
سيف ونورة ينتظرون المولودة الجديدة بفاااارغ الصبر... حياتهم كانت سعيدة ولكن لاتخلوا من الخلافات العائلية ..
اما مريم واحمد فكانوا مأجلين فكرة الحمل لبعد سنة من الزواج تقريباً ، لإنشغال مريم بالدراسة والشغل..!!
أما خلود فمازالت على هبالها وهواشها ويااختها كل يوووم حتى ويااخوانها..!! لكنها تفوقت بدراستها هالسنة وطلعت الأولى على صفهم..
وسمر البنت اللي بغت تضيع عمرها خطبها حمد بعدما حسّ انه بيستخف لومااخذها طبعاً بعد ماكلمها وخلاها توعده انها تنسى الغلطة اللي بغت تقضي على حبه لها لكن لولا حبه الصادق والنقي ماقدر يتغلب على نقطة كره كانت ممكن تتكون في قلبه، وبعد خطبتهم لبعض وسعادة ماتنوصف كان في نهاية السنة الدراسية زواجهم..!!
أما نجود بعد رفض قاطع لفكرة الزواج انخطبت مرة ثانية وتزوجت واحد من ربع محمد انسان مؤمن ويخاف الله وله من الصفات اللي تتمناها أي انسانة ..!! وعاشت حياتها سعيدة خصوصاً بعد مرور أشهر من زواجها وحملها اللي فااااجئ الكل..!!
وكما قال المولى عزّ وجل (( ان الله يرزقُ من يشاء بغير حساب )).. وفعلاً صبرت ونالت ، وكان خبر حملها صاااعقة بالنسبة لفيصل ونجلاء وخالتها ام فيصل..!!

اما شيخة فلازالت تعاني ويامازن ودراسته وياالاعادات اللي عليه.. اما بدور فكانت تعاني بالجامعه وخصوصاً انهم قبلوها بتخصص ماتشتهيه ولاادانيه (( تربية انجليزي ))..!!!!!!

نرجع لشوووق ومحمد..
كانت حياة هالاثنين سمن على عسل ، حياة مثالية ، كانت تصيدهم بعض الخلافات الزوجية بس ماتوصل لحد لهواش.. كان محمد كل يوم بصلاته يحمد ربه ويشكره على النعمة اللي هو فيها.. ونفس الشي لشوق اللي مخليته يعيش بنعيـــم ، وبعد مادخلت شووق الجامعه وخلصت نصف الفصل الدراسي حملت وكانت سعادة خالتها ام محمد لاتوصف يوم دروا انها حامل.. اما محمد فطـــار من الفرحة ، وزادت فرحته اكثر يوم سمع الدكتور يقول لهم:" مبرووك المدام حامل بتووأم..!!!"
محمد:" احلف قوووول والله.."
الدكتور كان مصري ماكان فاهم وش قاعد يخربط محمد عليه، ودخل لشوق وقال لها:" موقايلج بنجيب درزن 6 بنات و 6 اولاد..!! "
وقعدوا يضحكون على بعض ويتمنون الصحة والسلامة لأولادهم..

وبعد مرور تسعة أشهر ، ولدت شوق وجابت بنت وولد ، البنت سموها ( عبير) ، والولد (جاسم). اما سيف فزوجته جابت بنت وسموها ( ريم) ..
وطبعاً تربع جسووم ولي العهد على العرش وكان الكل يحبه ويدلعه ، حتى عبير وريم كانوا البنات يدلعووونهم فووووق ماتتخيلون..!! تحدي بين الشباب والبنات..!!

اما ام محمد وابومحمد فكانوا يدعون لعيالهم بالسعادة ولأحفادهم بالتربية الصالحة والهداية..
وان الله يعطيهم طولة العمر ويشوفون احفادهم يكبرون من حولهم.


هذه كانت نهاية أحداث قصة بدأت كتابتها بيوم من الايام وقررت اني انهيها بأي ثمن..!! أولاً اشكر كل اللي تابعني بالقصة .. وأشكر المشرفات والمرقبات اللي جننتهم بإغلاق وفتح القصة..
ثانياً اتمنى تكون القصة عجبتكم من بدايتها لنهايتها ، واي تعليق ايجابي والاسلبي راح اتقبله بكل رحابة صدر ، ولاتنسووون طبعاً هذي اول قصة طووويلة اكتبها..
ثالثاً.. اعتذر اذا كانت نهاية القصة مو مثل النهاية اللي تتوقعونها ، انا غيرت بأشياء كثيرة لأني كل ماكتبت طلعت براسي فكرة خربت على الثانية ،، بس الحمدالله قدرت انهيها بشكل اقلها يرضيني انا ..!!

رابعاً اتمنى انكم تستفيدون من القصة ، وتقدرون الحياة اللي تعيشونها بكل معنى الكلمة وماتنسون ان اللي خلقكم يشووفكم بكل لحظة ، بالمعنى الصريح لاتنجرفون للملذات الدنيوية اللي ماوراها الا الهلاك..
هذي نصيحتي الاخيرة لكم .. وان شاءالله اشوفكم على خير







يامسافر للجفا والوصل يبكي عليك،، وين عهدك بالوفا للخفوق اللي يبيك..!!

تم بحمدالله الانتهاء من وضع روايه غريبه بين اهلي


يلا يا اعضاء اتمنى انكم تقروها واشوف ردودكم عليها


مع تحيات smsooms